അർധസൈനിക സേനാവിഭാഗമായ ഇന്തോ-ടിബറ്റൻ ബോർഡർ പോലീസ് ഫോഴ്സിലേക്ക് (ഐടിബിപിഎഫ്) അസിസ്റ്റന്റ് സബ് ഇൻസ്പെക്ടർ, ഹെഡ്കോണ്സ്റ്റബിൾ തസ്തികയിലേക്ക് അപേക്ഷ ക്ഷണിച്ചു വിജ്ഞാപനം വൈകാതെ പ്രസിദ്ധീകരിക്കും.
സ്ത്രീകൾക്കും പുരുഷൻമാർക്കും അപേക്ഷിക്കാം. ഒഴിവുകൾ നിലവിൽ താത്കാലികമാണെങ്കിലും പിന്നീട് സ്ഥിരപ്പെടുത്തും.
എഎസ്ഐ (സ്റ്റെനോഗ്രാഫർ)- പ്ലസ്ടു. അടിസ്ഥാന കംപ്യൂട്ടർ പരിജ്ഞാനം. മിനിറ്റിൽ 80 വാക്കോടെ പത്തുമിനിറ്റ് നേരത്തെ ഡിക്റ്റേഷൻ. 50 മിനിറ്റ് നേരത്തെ കംപ്യൂട്ടർ ടൈപ്പിംഗ് വേഗം. പ്രായം- 18 നും 25നും മധ്യേ.
ശന്പളം- 5,200- 20,200 രൂപ. 2,800 രൂപ ഗ്രേഡ് പേ.
ഹെഡ്കോണ്സ്റ്റബിൾ (കോന്പാറ്റൻഡ് മിനിസ്റ്റീരിയൽ)- പ്ലസ്ടു. മിനിറ്റിൽ 35 ഇംഗ്ലീഷ് വാക്കുകളുടെ ടൈപ്പിംഗ് വേഗം. ഉയർന്ന യോഗ്യതയും കംപ്യൂട്ടർ പരിജ്ഞാനവുമുള്ളവർക്ക് മുൻഗണനയുണ്ട്.
പ്രായം: 18നും 25നും മധ്യേ.
ശന്പളം: 5,200- 20,200 രൂപ. ഗ്രേഡ്പേ- 2,400 രൂപ.എല്ലാ തസ്തികകളിലും എസ്സി/ എസ്ടി ഉദ്യോഗാർഥികൾക്ക് അഞ്ചും ഒബിസിക്കാർക്ക് മൂന്നും വർഷത്തെ പ്രായ ഇളവുണ്ട്. അപേക്ഷ അയയ്ക്കേണ്ട വിലാസം www.itbp olice.nic.in വെബ്സൈറ്റിൽ ഉണ്ട്.
വിമുക്തഭടൻമാർക്ക് ചട്ടപ്രകാരവും.
ശാരീരിക ക്ഷമതാ പരിശോധന, എഴുത്തുപരീക്ഷ, സ്കിൽ ടെസ്റ്റ്, അഭിമുഖം എന്നിവയുടെ അടിസ്ഥാനത്തിലായിരിക്കും നിയമനം. അപേക്ഷകർക്ക് കണ്ണടകൾ ഉപയോഗിക്കാതെ മികച്ച കാഴ്ചശക്തി ഉണ്ടായിരിക്കണം. പരന്ന പാദങ്ങൾ, കൂട്ടിമുട്ടുന്ന കാൽമുട്ടുകൾ, കോങ്കണ്ണ്, വെരിക്കോസ് വെയിൻ എന്നിവയുള്ളവർക്ക് അപേക്ഷിക്കാനാവില്ല.
അപേക്ഷാഫീസ്: 50 രൂപ. ഈ തുകയ്ക്ക് സെൻട്രൽ റിക്രൂട്ട്മെന്റ് ഫീ സ്റ്റാന്പ് വാങ്ങി അപേക്ഷാഫോമിൽ ഒട്ടിച്ച് പോസ്റ്റ് ഒാഫീസിൽനിന്നു ക്യാൻസൽ ചെയ്യിക്കണം. എസ്സി, എസ്ടി വിഭാഗക്കാർക്ക് അപേക്ഷാഫീസില്ല.
അപേക്ഷിക്കേണ്ട വിധം-www.itbpolice.nic.in എന്ന വെബ്സൈറ്റിൽ പ്രസിദ്ധീകരിച്ചിട്ടുള്ള വിശദമായ വിജ്ഞാപനം വായിച്ചു മനസിലാക്കിയശേഷം മാത്രം അപേക്ഷിക്കുക. അപേക്ഷാ ഫോമിന്റെ മാതൃകയും ഫീസടയ്ക്കുന്നതിനുള്ള നിർദേശങ്ങളും വെബ്സൈറ്റിൽ ലഭിക്കും.