Deepika.com Career News :പ്ലാസ്റ്റിക് ടെക്‌നോളജിയില്‍ ഡിപ്ലോമ.......

കേന്ദ്ര രാസവസ്തു, രാസവളം മന്ത്രാലയത്തിനു കീഴിൽ ചെന്നൈയിലുള്ള സെൻട്രൽ ഇൻസ്റ്റിറ്റ്യൂട്ട് ഓഫ് പ്ലാസ്റ്റിക് ആൻഡ് എൻജിനിയറിംഗ് ടെക്നോളജി (സിഐപിഇടി) ഈ മേഖലയുമായി ബന്ധപ്പെട്ട പ്രഫഷണലുകളെ വാർത്തെടുക്കുന്നതിലും ഗവേഷണം നടത്തുന്നതിലും ലോകോത്തര നിലവാരമുള്ള സ്ഥാപനമാണ്. മികച്ച തൊഴിൽ സാധ്യതയുള്ള ഡിപ്ലോമ കോഴ്സുകൾക്കാണ് ഇപ്പോൾ അപേക്ഷിക്കാവുന്നത്.

ഓണ്‍ലൈനായി അപേക്ഷിക്കണം. കംപ്യൂട്ടർ അധിഷ്ഠിത സിഇപിടി ജോയിന്‍റ് എൻട്രൻസ് എക്സാമിനേഷൻ വഴിയാണ് അഡ്മിഷൻ. ഈ മാസം അഞ്ചിനകം അപേക്ഷിക്കണം. ഓഗസ്റ്റ് എട്ടിനാണു ജോയിന്‍റ് എൻട്രൻസ് എക്സാമിനേഷൻ. മാതൃകാ ചോദ്യ പേപ്പർ വെബ് സൈറ്റിലുണ്ട്. മാതൃകാ പരീക്ഷയ്ക്കും വെബ്സൈറ്റിൽ സൗകര്യമുണ്ട്.

പോസ്റ്റ് ഡിപ്ലോമ, പോസ്റ്റ് ഗ്രാജ്വേറ്റ് ഡിപ്ലോമ, ഡിപ്ലോമ കോഴ്സുകളിലേക്കാണ് ഇപ്പോൾ അപേക്ഷിക്കാവുന്നത്.

പോസ്റ്റ് ഗ്രാജ്വേറ്റ് ഡിപ്ലോമ ഇൻ പ്ലാസ്റ്റിക് പ്രോസസിംഗ് ആൻഡ് ടെസ്റ്റിംഗ്: ഒന്നര വർഷത്തെ കോഴ്സിന് കെമിസ്ട്രി ഒരു വിഷയമായി പഠിച്ച് ബിരുദം നേടിയവർക്ക് അപേക്ഷിക്കാം.
പോസ്റ്റ് ഗ്രാജ്വേറ്റ് ഡിപ്ലോമ ഇൻ പ്ലാസ്റ്റിക് ടെസ്റ്റിംഗ് ആൻഡ് ക്വാളിറ്റി മാനേജ്മെന്‍റ്: ഒന്നര വർഷത്തെ കോഴ്സിന് ഫിസിക്സോ കെമിസ്ട്രിയോ എടുത്തു ബിരുദം നേടിയവർക്ക് അപേക്ഷിക്കാം.

പോസ്റ്റ് ഡിപ്ലോമ ഇൻ പ്ലാസ്റ്റിക് മോൾഡ് ഡിസൈൻ: മെക്കാനിക്കൽ, പ്ലാസ്റ്റിക്് ടെക്നോളജി, പ്രൊഡക‌്ഷൻ, മെക്കാട്രോണിക്സ്, ഓട്ടോ മൊബൈൽ, ടൂൾ ആൻഡ് ഡൈ മേക്കിംഗ് എന്നിവയിൽ ത്രിവത്സര ഡിപ്ലോമയാണു അപേക്ഷിക്കാനുള്ള യോഗ്യത. കോഴ്സ് കാലാവധി ഒന്നര വർഷം.

ഡിപ്ലോമ ഇൻ പ്ലാസ്റ്റിക് മോൾഡ് ടെക്നോളജി, ഡിപ്ലോമ ഇൻ പ്ലാസ്റ്റിക് ടെക്നോളജി: പത്താം ക്ലാസ് പാസായവർക്ക് അപേക്ഷിക്കാം. കോഴ്സുകളുടെ കാലാവധി മൂന്നു വർഷം.
പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകൾക്ക് ഒരു സെമസ്റ്ററിൽ 20000 രൂപയാണു ട്യൂഷൻ ഫീസ്. ഡിപ്ലോമ കോഴ്സുകൾക്ക് 16,700 രൂപ.

ഓഗ്സറ്റ് ഒന്നിനു ക്ലാസുകൾ ആരംഭിക്കും. വെബ്സൈറ്റ്: www.cipetonline.com, www.cipet.gov.in.