Deepika.com Career News :പവർ സിസ്റ്റം ഓപ്പറേഷൻ കോർപറേഷനിൽ 25 ട്രെയിനി.......

പവർ സിസ്റ്റം ഓപ്പറേഷൻ കോർപറേഷനിൽ 25 ട്രെയിനി

ന്യൂഡൽഹിയിലുള്ള കേന്ദ്രസർക്കാർ സ്ഥാപനമായ പവർ സിസ്റ്റം ഓപ്പറേഷൻ കോർപറേഷൻ ലിമിറ്റഡിൽ എക്സിക്യൂട്ടീവ് ട്രെയിനി, അസിസ്റ്റന്‍റ് ഓഫീസർ ട്രെയിനി നിയമനം നടത്തുന്നു. 25 ഒഴിവുകളിലേക്കാണ് അപേക്ഷ ക്ഷണിച്ചിട്ടുള്ളത്.

എക്സിക്യൂട്ടീവ് ട്രെയിനി (എച്ച്ആർ): ഒന്പത്.

യോഗ്യത: എച്ച്ആർ/പേഴ്സണൽ മാനേജ്മെന്‍റ്/ഇൻഡസ്ട്രിയൽ റിലേഷൻസ്/ സോഷ്യൽ വർക്കിൽ സ്പെഷ്യലൈസേഷനോടെ ബിരുദാനന്തര ബിരുദം/ ഡിപ്ലോമ/എംബിഎ.

അസിസ്റ്റന്‍റ് ഓഫീസർ ട്രെയിനി (പബ്ലിക് റിലേഷൻസ്): ആറ്.

യോഗ്യത: മാസ് കമ്യൂണിക്കേഷൻ/പബ്ലിക് റിലേഷൻസ്/ ജേണലിസം എന്നിവയിൽ ബിരുദാനന്തരബിരുദം/ഡിപ്ലോമ.

അസിസ്റ്റന്‍റ് ഓഫീസർ ട്രെയിനി (രാജ്ഭാഷ): ആറ്.

യോഗ്യത: ബിരുദതലത്തിൽ ഇംഗ്ലീഷ് ഒരു വിഷയമായി പഠിച്ച് ഹിന്ദിയിൽ ബിരുദാനന്തരബിരുദം. അല്ലെങ്കിൽ ബിരുദതലത്തിൽ ഹിന്ദി ഒരു വിഷയമായി പഠിച്ച് ഇംഗ്ലീഷിൽ ബിരുദാനന്തര ബിരുദം.

എക്സിക്യൂട്ടീവ് ട്രെയിനി (നിയമം): നാല്.

യോഗ്യത: ത്രിവത്സര എൽഎൽബി അല്ലെങ്കിൽ അഞ്ചു വർഷത്തെ ഇന്‍റഗ്രേറ്റഡ് ലോ കോഴ്സ്.
പ്രായം:2018 ജൂലൈ 31ന് 28 വയസ്. സംവരണ വിഭാഗക്കാർക്ക് ചട്ടപ്രകാരം ഇളവ് ലഭിക്കും.
തെരഞ്ഞെടുപ്പ്: ബന്ധപ്പെട്ട വിഷയത്തിൽ ലഭിച്ച യുജിസി നെറ്റ് 2018/ക്ലാറ്റ് 2018 സ്കോർ, ഗ്രൂപ്പ് ഡിസ്കഷൻ, പേഴ്സണൽ ഇന്‍റർവ്യൂ എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്.

അപേക്ഷിക്കേണ്ട വിധം: ഓൺലൈനായാണ് അപേക്ഷിക്കേണ്ടത്. വെബ്സൈറ്റ്: posoco.in അപേക്ഷാ ഫീസ്: 500 രൂപ.

അപേക്ഷ സ്വീകരിക്കുന്ന അവസാനതീയതി സെപ്റ്റംബർ 15.