ഡൽഹിയിലെ ഗവൺമെന്റ് ഓഫീസിൽ ഡേറ്റാ എൻട്രി ഓപ്പറേറ്ററുടെ 50 ഒഴിവുകളിലേക്ക് അപേക്ഷ ക്ഷണിച്ചു.
കേന്ദ്ര വാർത്താവിതരണമന്ത്രാലയത്തിന് കീഴിലുള്ള ബ്രോഡ്കാസ്റ്റിംഗ് എൻജിനിയിറിംഗ് കൺസൾട്ടൻസ് ഇന്ത്യ ലിമിറ്റഡ് മുഖേനയാണ് റിക്രൂട്ട്മെന്റ്. ഏത് ഓഫീസിലേക്കാണെന്ന് ബിഇസിഐഎൽ വിജ്ഞാപനത്തിൽ ഇല്ല. കരാർ നിയമനമാണ്.
യോഗ്യത: കംപ്യൂട്ടറിൽ ഇംഗ്ലീഷ് ടൈപ്പിംഗ് മിനിറ്റിൽ 35 വാക്ക് വേഗം. ബിരുദമുള്ളവർക്ക് 18,332 രൂപയും ബിരുദമില്ലാത്തവർക്ക് 17,498 രൂപയുമാണ് പ്രതിമാസം വേതനം.
അപേക്ഷാ ഫീസ്: 500 രൂപ. എസ്സി, എസ്ടി അംഗപരിമിതർക്ക് എന്നിവർക്ക് 250 രൂപ. ഫീസ് ഡിഡിയായി അപേക്ഷയ്ക്കൊപ്പം അയയ്ക്കണം. BROADCAST ENGINEERING CONSULTANTS INDIA LIMITED എന്ന പേരിൽ ന്യൂഡൽഹിയിൽ മാറാവുന്ന വിധമാണ് ഡിഡി എടുക്കേണ്ടത്.
അപേക്ഷ: www.becil.com എന്ന വെബ്സൈറ്റിൽനിന്ന് അപേക്ഷാ ഫോം ഡൗൺലോഡ് ചെയ്യണം. പൂരിപ്പിച്ച അപേക്ഷയ്ക്കൊപ്പം രണ്ട് പാസ്പോർട്ട് സൈസ് ഫോട്ടോ, ആധാർ, പാൻകാർഡ് എന്നിവയുടെയും യോഗ്യത തെളിയിക്കുന്ന സർട്ടിഫിക്കറ്റുകളുടെയും സ്വയം സാക്ഷ്യപ്പെടുത്തിയ പകർപ്പുകളും അയയ്ക്കണം.
അപേക്ഷ അയയ്ക്കേണ്ട വിലാസം: Assistant General Manager (HR), BECIL’’’’s Corporate Office, BECIL Bhawan, C-56/a-17, Sector- 62, Noida-201307 (UP).
അപേക്ഷ സ്വീകരിക്കുന്ന അവസാന തീയതി: സെപ്റ്റംബർ 17.
കൂടുതൽ വിവരങ്ങൾ വെബ്സൈറ്റിൽ ലഭിക്കും.
ചെന്നൈയിൽ 20 ഡേറ്റ എൻട്രി ഓപ്പറേറ്റർ
ചെന്നൈയിലെ ഗവൺമെന്റ് ഓഫീസിൽ ഡേറ്റ എൻട്രി ഓഫീസറുടെ 20 ഒഴിവുകളിലേക്ക് ബ്രോഡ്കാസ്റ്റ് എൻജിനിയറിംഗ് കൺസൾട്ടന്റസ് ഇന്ത്യ ലിമിറ്റഡ് അപേക്ഷ ക്ഷണിച്ചു. ഏത് ഓഫീസിലേക്കാണ് റിക്രൂട്ട്മെന്റ് എന്നു വിജ്ഞാപനത്തിൽ പറഞ്ഞിട്ടില്ല.
ശന്പളം: 17, 498 രൂപ.
യോഗ്യത: ഏതെങ്കിലും വിഷയത്തിൽ ബിരുദം. കംപ്യൂട്ടറിൽ ഇംഗ്ലീഷ് ടൈപ്പിംഗ് മിനിറ്റിൽ 35 വാക്ക് വേഗം.
അപേക്ഷാ ഫീസ്: 500 രൂപ. എസ്സി, എസ്ടി, പിഎച്ച് വിഭാഗക്കാർക്ക് 250 രൂപ. BROADCAST ENGINEERING CONSULTANTS INDIA LIMITEDഎന്ന പേരിൽ ന്യൂഡൽഹിയിൽ മാറാവുന്ന ഡിഡിയായി ഫീസ് അടയ്ക്കാം.
അപേക്ഷ: www.becil.com എന്ന വെബ്സൈറ്റിൽനിന്ന് അപേക്ഷാ ഫോം ഡൗൺലോഡ് ചെയ്യണം. പൂരിപ്പിച്ച അപേക്ഷയ്ക്കൊപ്പം രണ്ട് പാസ്പോർട്ട് സൈസ് ഫോട്ടോ, ആധാർ, പാൻകാർഡ് എന്നിവയുടെയും യോഗ്യത തെളിയിക്കുന്ന സർട്ടിഫിക്കറ്റുകളുടെയും സ്വയം സാക്ഷ്യപ്പെടുത്തിയ പകർപ്പുകളും അയയ്ക്കണം.
അപേക്ഷ അയയ്ക്കേണ്ട വിലാസം: Assistant General Manager (HR), BECIL’’’’s Corporate Office, BECIL Bhawan, C-56/a-17, Sector- 62, Noida-201307 (UP).
അപേക്ഷ സ്വീകരിക്കുന്ന അവസാന തീയതി: സെപ്റ്റംബർ 14.