Karshakan
സ്ഥി​ര​വ​രു​മാ​ന​ത്തി​ന് വെ​റ്റി​ല കൃ​ഷി
സ്ഥി​ര​വ​രു​മാ​ന​ത്തി​ന് വെ​റ്റി​ല കൃ​ഷി
Thursday, April 4, 2024 3:16 PM IST
ര​ജീ​ഷ് നി​ര​ഞ്ജ​ൻ
വെ​റ്റി​ല കൃ​ഷി​യി​ൽ വെ​ന്നി​ക്കൊ​ടി പാ​റി​ക്കു​ന്ന ക​ർ​ഷ​ക​നാ​ണു പ​ത്ത​നം​തി​ട്ട ജി​ല്ല​യി​ൽ അ​ടൂ​രി​നു സ​മീ​പം തോ​ട്ടു​വ​യി​ലു​ള്ള അ​ഞ്ജ​ലി ഭ​വ​ന​ത്തി​ൽ ര​വീ​ന്ദ്ര​ൻ നാ​യ​ർ. 27 വ​ർ​ഷം മു​ന്പ് കൃ​ഷി ആ​രം​ഭി​ച്ച​പ്പോ​ൾ മു​ത​ൽ പാ​ര​ന്പ​ര്യ​വി​ള​യാ​യ വെ​റ്റി​ല​യും ഇ​ദ്ദേ​ഹം ഒ​പ്പം കൂ​ട്ടി.

എ​ട്ടേ​ക്ക​ർ സ​മ്മി​ശ്ര കൃ​ഷി​യി​ട​ത്തി​ലെ പ്ര​ധാ​ന ഇ​ട​വി​ള​യാ​ണ് വെ​റ്റി​ല. വാ​ഴ, തെ​ങ്ങ് ക​മു​ക്, പ​ച്ച​ക്ക​റി​ക​ൾ, ക​പ്പ, ചേ​ന, ചേ​ന്പ്, കാ​ച്ചി​ൽ, ഇ​ഞ്ചി, മ​ഞ്ഞ​ൾ, ക​റ്റാ​ർ​വാ​ഴ, ക​സ്തൂ​രി മ​ഞ്ഞ​ൾ തു​ട​ങ്ങി മ​റ്റു​വി​ള​ക​ളും ഏ​റെ.

സ​മ്മി​ശ്ര കൃ​ഷി​യു​ടെ വ​രു​മാ​ന സാ​ധ്യ​ത​ക​ൾ പ​ര​മാ​വ​ധി ഉ​പ​യോ​ഗ​പ്പെ​ടു​ത്തു​ക​യാ​ണ് ര​വീ​ന്ദ്ര​ൻ നാ​യ​ർ. 30 സെ​ന്‍റി​ലാ​ണ് വെ​റ്റി​ല​ക്കൊ​ടി ന​ട്ടി​രി​ക്കു​ന്ന​ത്. 4.8 ഏ​ക്ക​റി​ൽ നെ​ൽ​കൃ​ഷി​യും അ​ര ഏ​ക്ക​റി​ൽ അ​ട​ക്ക​യും.

ഒ​രേ​ക്ക​ർ പു​ര​യി​ട​വും ഒ​ന്ന​ര ഏ​ക്ക​ർ പാ​ട​വു​മാ​ണ് സ്വ​ന്ത​മാ​യു​ള്ള​ത്. ബാ​ക്കി പാ​ട്ട ഭൂ​മി​യാ​ണ്. വ​ർ​ഷം 3000 രൂ​പ​യാ​ണ് വെ​റ്റി​ല കൃ​ഷി ചെ​യ്യു​ന്ന ഭൂ​മി​യു​ടെ പാ​ട്ടം.

വെ​റ്റി​ല​യും പ​യ​റും മി​ക​ച്ച വ​രു​മാ​നം നേ​ടി​ത്ത​രു​ന്ന വി​ള​ക​ളാ​ണെ​ന്നു ര​വീ​ന്ദ്ര​ൻ നാ​യ​ർ. ഇ​ട​വി​ള​യാ​ണെ​ങ്കി​ലും പ്ര​ധാ​ന കൃ​ഷി​യോ​ളം ത​ന്നെ വ​രു​മാ​നം നേ​ടി​ത്ത​രു​ന്ന വി​ള​യാ​ണു വെ​റ്റി​ല.

സ്ഥി​ര​വ​രു​മാ​നം ന​ൽ​കു​ന്ന ഉ​പ​ജീ​വ​ന മാ​ർ​ഗം. ഏ​റെ നാ​ൾ വി​ള​വെ​ടു​ക്കാ​മെ​ന്ന​തും തെ​ങ്ങി​ൻ​തോ​പ്പി​ലും മ​റ്റും ആ​ദാ​യ​ക​ര​മാ​യി ന​ട്ടു​വ​ള​ർ​ത്താ​മെ​ന്ന​തു​മാ​ണു പ്ര​ത്യേ​ക​ത.

ന്ധ​നീ​ർ​വാ​ർ​ച്ച​യു​ള്ള മ​ണ്ണും ന​ന​യ്ക്കാ​നു​ള്ള വെ​ള്ള​വും അ​ധ്വാ​നി​ക്കാ​നു​ള്ള മ​ന​സു​മു​ണ്ടെ​ങ്കി​ൽ വെ​റ്റി​ല കൃ​ഷി നി​രാ​ശ​പ്പെ​ടു​ത്തി​ല്ലെന്ന് ര​വീ​ന്ദ്ര​ൻ നാ​യ​ർ. അ​ടു​ത്ത​ടു​ത്തു​ള്ള ര​ണ്ട് കൃ​ഷി​യി​ട​ങ്ങ​ളി​ലാ​ണ് വെ​റ്റി​ല വ​ള​ർ​ത്തു​ന്ന​ത്.



ഒ​ന്നി​ട​വി​ട്ട ദി​വ​സ​ങ്ങ​ളി​ൽ വി​ള​വെ​ടു​ക്കാം. ഇ​ല​ക​ൾ പ​തി​വാ​യി നു​ള്ളു​ന്ന​തു പു​തി​യ ഇ​ല​ക​ൾ മു​ള​ച്ചു വ​രാ​ൻ സ​ഹാ​യ​ക​മാ​ണ്.​പ​ര​ന്പ​രാ​ഗ​ത ച​ന്ത​ക​ളാ​യ പ​ന്ത​ള​ത്തും പ​റ​ക്കോ​ടു​മാ​ണ് വെ​റ്റി​ല വി​ല്പ​ന​യ്ക്ക് എ​ത്തി​ക്കു​ന്ന​ത്.

പ​ന്ത​ള​ത്ത് തി​ങ്ക​ൾ, വ്യാ​ഴം ദി​വ​സ​ങ്ങ​ളി​ലും പ​റ​ക്കോ​ട് ഞാ​യ​ർ, ബു​ധ​ൻ ദി​വ​സ​ങ്ങ​ളി​ലും വൈ​കി​ട്ട് 6 മു​ത​ലാ​ണ് വെ​റ്റ ച​ന്ത. പ​റ​ക്കോ​ട് ആ​ണ് താ​ര​ത​മ്യേ​ന വ​ലി​യ ച​ന്ത. വെ​റ്റി​ല കൂ​ടു​ത​ൽ ഉ​ണ്ടെ​ങ്കി​ൽ അ​വി​ടേ​ക്ക് പോകും.

പ​ന്ത​ളം, പ​റ​ക്കോ​ട്, താ​മ​ര​ക്കു​ളം, ഓ​മ​ല്ലൂ​ർ, തി​രൂ​ർ എ​ന്നി​വി​ട​ങ്ങ​ളി​ലാ​ണ് കേ​ര​ള​ത്തി​ലെ പ​ര​ന്പ​രാ​ഗ​ത വെ​റ്റ ച​ന്ത​ക​ൾ. ച​ന്ത ദി​വ​സ​ത്തി​നു ത​ലേ​ന്നു ത​ന്നെ വെ​റ്റി​ല പ​റി​ച്ചെ​ടു​ത്ത് വെ​ള്ളം ത​ളി​ച്ചു വ​യ്ക്കും.

ഇ​ത് അ​ടു​ക്കി കെ​ട്ടു​ക​ൾ ആ​ക്കു​ക എ​ന്ന​തു ശ്ര​മ​ക​ര​മാ​യ ജോ​ലി​യാ​ണ്. കു​ടും​ബാം​ഗ​ങ്ങ​ളും കൂ​ടും. 20 വെ​റ്റി​ല ഒ​രു അ​ടു​ക്ക്, 80 എ​ണ്ണം ഒ​രു കെ​ട്ട്. കെ​ട്ടി​ന് 70-90 രൂ​പ​യാ​ണ് ച​ന്ത​യി​ൽ ശ​രാ​ശ​രി വി​ല. 200 രൂ​പ​വ​രെ വി​ല ഉ​യ​ർ​ന്ന സ​ന്ദ​ർ​ഭ​ങ്ങ​ൾ ഉ​ണ്ടാ​യി​ട്ടു​ണ്ട്.

അ​തു​പോ​ലെ 30 രൂ​പ​യി​ലേ​ക്ക് കൂ​പ്പു​കു​ത്തി​യി​ട്ടു​മു​ണ്ട്. സീ​സ​ണ്‍ അ​നു​സ​രി​ച്ചു വി​ല​യി​ൽ ഏ​റ്റ​ക്കു​റ​ച്ചി​ലു​ക​ൾ ഉ​ണ്ടാ​കാ​മെ​ങ്കി​ലും വെ​റ്റി​ല​യ്ക്ക് എ​ന്നും ഡി​മാ​ൻ​ഡ് ഉ​ണ്ട്. ക​ർ​ഷ​ക​ന്‍റെ സ്ഥി​ര​നി​ക്ഷേ​പ​മാ​ണ് ഈ ​ഇ​ട​വി​ള - ര​വീ​ന്ദ്ര​ൻ നാ​യ​ർ വ്യ​ക്ത​മാ​ക്കി.

കാ​ർ​ഷി​ക പൈ​തൃ​കം

ഐ​ടി​ഐ ഡി​പ്ലോ​മ​ക്കാ​ര​നാ​യ ര​വീ​ന്ദ്ര​ൻ നാ​യ​ർ, ഗു​ജ​റാ​ത്തി​ലെ സ്വ​കാ​ര്യ ക​ന്പ​നി​യി​ൽ 17 വ​ർ​ഷം വെ​ൽ​ഡ​റാ​യി ജോ​ലി നോ​ക്കി​യ ശേ​ഷം 1997 ലാ​ണ് നാ​ട്ടി​ൽ മ​ട​ങ്ങി​യെ​ത്തി​യ​ത്.

കൃ​ഷി​യി​ൽ ഇ​ദ്ദേ​ഹ​ത്തി​ന് പാ​ര​ന്പ​ര്യ വേ​രു​ക​ൾ ഉ​ണ്ട്. അ​ച്ഛ​ൻ മി​ക​ച്ച ക​ർ​ഷ​ക​നാ​യി​രു​ന്നു. വീ​ട്ടി​ൽ പ​ണ്ടു​മു​ത​ലേ നെ​ല്ല്, തെ​ങ്ങ്, ചേ​ന ചേ​ന്പ്, കാ​ച്ചി​ൽ തു​ട​ങ്ങി ഒ​ട്ടു​മി​ക്ക കാ​ർ​ഷി​ക വി​ള​ക​ളും ഉ​ണ്ടാ​യി​രു​ന്നു.

ജൈ​വ​വ​ള​ങ്ങ​ളും മി​ത​മാ​യ തോ​തി​ൽ രാ​സ​വ​ള​വും ഉ​പ​യോ​ഗി​ച്ചു​ള്ള കൃ​ഷി രീ​തി​യാ​ണ് ഇ​ദ്ദേ​ഹ​ത്തി​ന്‍റേ​ത്. പ​ശു ഉ​ള്ള​തി​നാ​ൽ ചാ​ണ​കം സു​ല​ഭം. ബ​യോ​ഗ്യാ​സ് ഉ​ത്പാ​ദി​പ്പി​ച്ച ശേ​ഷം വ​രു​ന്ന സ്ല​റി വ​ള​മാ​യി ഉ​പ​യോ​ഗി​ക്കു​ന്നു.




കൃ​ഷി രീ​തി

ത​ണ​ലു​ള്ള​തും ജൈ​വാം​ശം കൂ​ടു​ത​ലു​ള്ള​തും വെ​ള്ളം കെ​ട്ടി നി​ൽ​ക്കാ​ത്ത​തു​മാ​യ ഏ​തു മ​ണ്ണി​ലും വെ​റ്റി​ല വ​ള​രും. (ഒ​രു സെ​ന്‍റ് മു​ത​ൽ) ചെ​റു​തു​ണ്ട് ഭൂ​മി​യി​ൽ പോ​ലും ഇ​തു കൃ​ഷി ചെ​യ്യാം. ന​ല്ല ആ​രോ​ഗ്യ​മു​ള്ള കൊ​ടി​യു​ടെ ത​ല​പ്പാ​ണ് ന​ടീ​ൽ വ​സ്തു.

മു​റി​ച്ചെ​ടു​ത്ത ത​ല​പ്പു​ക​ൾ 3-4 മു​ട്ടു​ക​ൾ വ​ര​ത്ത​ക്ക വി​ധം അ​ര മീ​റ്റ​ർ നീ​ള​മു​ള്ള ക​ഷ​ണ​ങ്ങ​ളാ​ക്കു​ന്നു. തു​ട​ർ​ന്ന്, കു​മി​ൾ രോ​ഗ​ങ്ങ​ൾ വ​രാ​തി​രി​ക്കാ​ൻ, 20 ഗ്രാം ​സ്യൂ​ഡോ​മോ​ണ​സ് ഒ​രു ലി​റ്റ​ർ വെ​ള്ള​ത്തി​ൽ എ​ന്ന തോ​തി​ൽ ക​ല​ക്കി​യ ലാ​യ​നി​യി​ൽ അ​ര​മ​ണി​ക്കൂ​ർ മു​ക്കി​വ​യ്ക്കും.

മു​ക്കാ​ൽ മീ​റ്റ​ർ വീ​തി​യി​ലും ആ​ഴ​ത്തി​ലും, നീ​ള​ത്തി​ൽ പാ​ത്തി​ക​ൾ എ​ടു​ത്ത് അ​തി​ലാ​ണ് കൊ​ടി ന​ടു​ന്ന​ത്. കു​മ്മാ​യം/ ഡോ​ള​മൈ​റ്റ് ഇ​ട്ട് മ​ണ്ണി​ന്‍റെ അ​മ്ല​ത നീ​ക്കി​യ ശേ​ഷ​മാ​ണ് ന​ടീ​ൽ. വെ​റ്റി​ല കൃ​ഷി​ക്ക് ര​ണ്ട് സീ​സ​ണു​ക​ൾ ഉ​ണ്ട്.

മെ​യ്-​ജൂ​ണ്‍ മാ​സ​ങ്ങ​ളി​ലെ ഇ​ട​വ​ക്കൊ​ടി​യും, ഓ​ഗ​സ്റ്റ് -സെ​പ്റ്റം​ബ​ർ മാ​സ​ങ്ങ​ളി​ലെ തു​ലാ​ക്കൊ​ടി​യും. വെ​റ്റി​ല ത​ണ്ടി​ന്‍റെ ര​ണ്ടു മു​ട്ട് എ​ങ്കി​ലും മ​ണ്ണി​ന​ടി​യി​ൽ പോ​കു​ന്ന വി​ധ​മാ​ക​ണം ന​ടീ​ൽ.

20 സെ​ന്‍റി​മീ​റ്റ​ർ അ​ക​ല​ത്തി​ൽ, ഒ​രു സെ​ന്‍റി​ൽ 100 -150 ത​ല​പ്പു​ക​ൾ ന​ടാ​ൻ ക​ഴി​യും. ത​ണ്ടു ന​ട്ടു​ക​ഴി​ഞ്ഞ് ച​വ​ർ അ​രി​ഞ്ഞ് ചു​വ​ട്ടി​ൽ പു​ത​യാ​യി ഇ​ട്ടു​കൊ​ടു​ക്കു​ന്ന​താ​ണ് ര​വീ​ന്ദ്ര​ൻ നാ​യ​രു​ടെ രീ​തി.

ശീ​മ​ക്കൊ​ന്ന​യു​ടെ ഇ​ല​യാ​ണ് ഏ​റ്റ​വും ന​ല്ല പ​ച്ചി​ല. മ​രു​തി​ന്‍റെ ഇ​ല കൊ​ണ്ട് പു​ത​യി​ടു​ന്ന​തും ന​ന്ന്. പു​ത​യി​ടു​ന്ന പ​ച്ചി​ല​ക​ൾ പി​ന്നീ​ട് അ​ഴു​കി വ​ള​മാ​യി ചേ​രു​ക​യും ചെ​യ്യും. ന​ന ദി​വ​സം ര​ണ്ട് നേ​രം.10 ദി​വ​സ​ത്തി​ൽ ഒ​രി​ക്ക​ൽ ചാ​ണ​ക തെ​ളി ഒ​ഴി​ക്കും.

മൂ​ന്നാ​ഴ്ച കൊ​ണ്ട് വേ​രോ​ടും. ഒ​രു മാ​സം കൊ​ണ്ട് ആ​ദ്യ ഇ​ല​ക​ൾ വ​രും. വ​ള്ളി പ​ട​രു​ന്ന​തി​ന​നു​സ​രി​ച്ച് പ​ന്ത​ൽ ഒ​രു​ക്ക​ണം. ഈ​റ​യും മു​ള​യു​മൊ​ക്കെ​യാ​ണ് പ​ന്ത​ൽ കെ​ട്ടാ​ൻ ഉ​പ​യോ​ഗി​ക്കു​ന്ന​ത്. ദീ​ർ​ഘ​കാ​ലം നി​ല​നി​ൽ​ക്കു​ന്ന​തി​നാ​യി ജി​ഐ/​പി​വി​സി പൈ​പ്പു​ക​ൾ ഉ​പ​യോ​ഗി​ക്കു​ന്ന​വ​രും ഉ​ണ്ട്.

വ​ള​ർ​ന്നു​വ​രു​ന്ന കൊ​ടി വ​ള്ളി​ക​ൾ 15-20 സെ​ന്‍റി​മീ​റ്റ​ർ അ​ക​ല​ത്തി​ൽ, വാ​ഴ നാ​രു​കൊ​ണ്ട്, താ​ങ്ങു​കാ​ലു​ക​ളു​മാ​യി ബ​ന്ധി​പ്പി​ക്കു​ന്നു. വ​ള്ളി​ക​ൾ ചു​വ​ട്ടി​ൽ നി​ന്നു ഒ​ന്ന​ര മീ​റ്റ​ർ ഉ​യ​ര​ത്തി​ൽ എ​ത്തു​ന്പോ​ൾ, താ​ങ്ങു തൂ​ണു​ക​ളെ ത​മ്മി​ൽ ഈ​റ കൊ​ണ്ടോ, ക​മു​കി​ൻ അ​ല​കു കൊ​ണ്ടോ (ഭൂ​മി​ക്ക് സ​മാ​ന്ത​ര​മാ​യി) ഇ​ട​ക്കെ​ട്ട് കെ​ട്ടി ബ​ന്ധി​ക്കു​ന്നു.

വ​ള​പ്ര​യോ​ഗം

ക​ട​ല​പ്പി​ണ്ണാ​ക്ക്(​അ​ല്ലെ​ങ്കി​ൽ വേ​പ്പി​ൻ പി​ണ്ണാ​ക്ക്/​മ​രോ​ട്ടി പി​ണ്ണാ​ക്ക്), ചാ​ണ​ക​പ്പൊ​ടി എ​ന്നി​വ​യാ​ണ് പ്ര​ധാ​ന വ​ളം. രാ​സ​വ​ളം ക​ഴി​യു​ന്ന​ത്ര കു​റ​യ്ക്കും. പി​ണ്ണാ​ക്ക് മി​ക​ച്ച വ​ള​മാ​ണെ​ന്ന് ഇ​ദ്ദേ​ഹം പ​റ​യു​ന്നു. മ​രോ​ട്ടി പി​ണ്ണാ​ക്ക്/ വേ​പ്പി​ൻ പി​ണ്ണാ​ക്ക് ഇ​ട്ടാ​ൽ, ഇ​തി​ന്‍റെ മ​ണം കാ​ര​ണം കീ​ട​ങ്ങ​ൾ അ​ടു​ക്കു​ക​യി​ല്ല.

കൃ​ഷി​പാ​ഠം

കാ​ർ​ഷി​ക വി​ള​ക​ൾ​ക്ക് വി​ല കു​റ​യു​ന്പോ​ൾ മ​ന​സു മ​ടു​ത്ത് കൃ​ഷി നി​ർ​ത്ത​രു​തെ​ന്നാ​ണ് ര​വീ​ന്ദ്ര​ൻ നാ​യ​രു​ടെ അ​ഭി​പ്രാ​യം. കൃ​ഷി തു​ട​ർ​ന്നു​കൊ​ണ്ടേ​യി​രി​ക്കു​ക. വി​ല കു​റ​യു​ന്പോ​ൾ അ​ധി​കം പേ​രും കൃ​ഷി നി​ർ​ത്തു​ക​യോ കു​റ​യ്ക്കു​ക​യോ ചെ​യ്യും.

ത​ന്മൂ​ലം മാ​ർ​ക്ക​റ്റി​ൽ ആ ​വി​ള​യ്ക്ക് ദൗ​ർ​ല​ഭ്യം അ​നു​ഭ​വ​പ്പെ​ടു​ന്പോ​ൾ വി​ല വീ​ണ്ടും ക​യ​റും. ആ ​സ​മ​യ​ത്ത് ഉ​ത്പ​ന്ന​ങ്ങ​ൾ ന​ല്ല വി​ല​യ്ക്ക് വി​ൽ​ക്കാം. വ​ത്സ​ല​കു​മാ​രി​യാ​ണ് ര​വീ​ന്ദ്ര​ൻ നാ​യ​രു​ടെ ഭാ​ര്യ. മ​ക്ക​ൾ: അ​ഞ്ജ​ലി, ആ​ദി​ത്യ.

ഫോ​ണ്‍ : 9061231038.
Copyright @ 2022 , Rashtra Deepika Ltd.