റിയാദ്: ഇരുപത് വർഷക്കാലത്തെ പ്രവാസജീവിതം അവസാനിപ്പിച്ച് നാട്ടിൽ പോകുന്ന ജോസഫിന് കേളി കലാസാംസ്കാരിക വേദി ബത്ഹ ഏരിയ, മർഗബ് രക്ഷാധികാരി കമ്മിറ്റിയുടെ നേത്യത്വത്തിൽ സ്നേഹനിർഭരമായ യാത്രയയപ്പു നൽകി.
തിരുവനന്തപുരം ധനുവച്ചപുരം സ്വദേശിയായ ജോസഫ് കേളിയുടെ ആദ്യകാല അംഗം കൂടിയാണ്. മർഗബ് രക്ഷാധികാരി കമ്മിറ്റി അംഗം, ബത്ഹ ഏരിയ കമ്മിറ്റി അംഗം, ഷിമേസി യൂണിറ്റ് സെക്രട്ടറി എന്നീ നിലകളിൽ പ്രവർത്തിച്ചു. റിയാദിലെ തഹ്ലിസ് കന്പനിയിൽ ഡ്രൈവറായി ജോലി നോക്കി വരികയായിരുന്നു.
ബത്ഹ കേളി ഓഫീസിൽ കേളി ബത്ഹ ഏരിയ ട്രഷറർ സി.ടി പ്രകാശന്റെ അധ്യക്ഷതയിൽ ചേർന്ന യോഗത്തിൽ ഏരിയ സെക്രട്ടറി പ്രഭാകരൻ സ്വാഗതം പറഞ്ഞു. കേളി മുഖ്യ രക്ഷാധികാരി കമ്മിററി അംഗം ബി.പി രാജീവൻ, കേളി ആക്ടിംഗ് സെക്രട്ടറി ഷമീർ കുന്നുമ്മൽ, ഏരിയ രക്ഷാധികാരി കമ്മിററി അംഗങ്ങളായ രാമകൃഷ്ണൻ മർഗബ്, തങ്കച്ചൻ, സുരേഷ് ചന്ദ്രൻ, സലിം മടവൂർ, വിനോദ്, ധനേഷ്, രാജേഷ് കാടപ്പടി, കേളി അംഗമായ ഷാഹുൽ എന്നിവർ ആശംസകൾ നേർന്ന് സംസാരിച്ചു.
രക്ഷാധികാരി കമ്മിറ്റിയുടെ ഉപഹാരം മർഗബ് രക്ഷാധികാരി കണ്വീനർ അനിൽ അറക്കൽ , യൂണിറ്റിന്റെ ഉപഹാരം സലിം മടവൂർ, രാമകൃഷ്ണൻ എന്നിവർ സമ്മാനിച്ചു. യാത്രയയപ്പിനു ജോസഫ് നന്ദി പറഞ്ഞു. ഏരിയയിലെ നിരവധി സഖാക്കൾ യാത്രയയപ്പിൽ പങ്കെടുത്തു.
റിപ്പോർട്ട്: ഷക്കീബ് കൊളക്കാടൻ