കു​ടി​യേ​റ്റ പ്ര​ക്ഷോ​ഭം: സ​മ​ര​ക്കാ​ർ​ക്കെ​തി​രേ ക​ലാ​പ​നി​യ​മം ഉ​പ​യോ​ഗി​ക്കു​മെ​ന്നു ട്രം​പ്
Wednesday, June 11, 2025 1:01 PM IST
ലോ​സ് ആ​ഞ്ച​ല​സ്: അ​മേ​രി​ക്ക​യി​ൽ അ​ന​ധി​കൃ​ത കു​ടി​യേ​റ്റ​ക്കാ​രെ ക​ണ്ടെ​ത്താ​നു​ള്ള ന​ട​പ​ടി​ക​ൾ​ക്കെ​തി​രെ​യു​ള്ള പ്ര​ക്ഷോ​ഭം ക​ലാ​പ​മാ​യി മാ​റി​യാ​ൽ ഇ​ൻ​സ​റ​ക്ഷ​ൻ ആ​ക്ട് (ക​ലാ​പം അ​ടി​ച്ച​മ​ർ​ത്താ​ൻ സാ​യു​ധ സേ​ന​യെ ഉ​പ​യോ​ഗി​ക്കാ​ൻ പ്ര​സി​ഡ​ന്‍റി​ന് അ​ധി​കാ​രം ന​ൽ​കു​ന്ന നി​യ​മം) തീ​ർ​ച്ച​യാ​യും ഉ​പ​യോ​ഗി​ക്കു​മെ​ന്ന് യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്.

‘രാ​ജ്യ​ത്തെ വെ​റു​ക്കു​ന്ന​വ​രാ​ണ് അ​വ​ർ. സു​ര​ക്ഷാ സേ​ന​യെ എ​തി​ർ​ക്കാ​ൻ ശ്ര​മി​ച്ചാ​ൽ ക​ടു​ത്ത രീ​തി​യി​ൽ ത​ന്നെ നേ​രി​ടും’ - ട്രം​പ് താ​ക്കീ​ത് ന​ൽ​കി. പ്ര​ക്ഷോ​ഭം തു​ട​രു​ന്ന ലോ​സ് ആ​ഞ്ച​ല​സി​ൽ, ക​ര​യി​ലും വെ​ള്ള​ത്തി​ലും ഒ​രു​പോ​ലെ യു​ദ്ധം ചെ​യ്യാ​ൻ ക​ഴി​വു​ള്ള ക​മാ​ൻ​ഡോ വി​ഭാ​ഗ​ത്തെ വി​ന്യ​സി​ച്ച ന​ട​പ​ടി​യെ ട്രം​പ് ന്യാ​യീ​ക​രി​ച്ചു.


നാ​ഷ​ണ​ൽ ഗാ​ർ​ഡു​ക​ളെ നി​യോ​ഗി​ച്ച​തി​നെ​തി​രെ ക​ലി​ഫോ​ർ​ണി​യ കേ​സ് ഫ​യ​ൽ ചെ​യ്തി​രു​ന്നു. ആ​റു പ​തി​റ്റാ​ണ്ടി​നി​ടെ ആ​ദ്യ​മാ​യാ​ണ് സം​സ്ഥാ​ന ഗ​വ​ർ​ണ​റു​ടെ അ​നു​മ​തി​യി​ല്ലാ​തെ ഇ​ത്ത​ര​മൊ​രു ന​ട​പ​ടി​ക്ക് യു​എ​സ് പ്ര​സി​ഡ​ന്‍റ് ഉ​ത്ത​ര​വി​ടു​ന്ന​ത്.