4

കു​വൈ​ത്ത് സി​റ്റി: ഇ​റാ​ന്‍റെ മി​സൈ​ൽ ആ​ക്ര​മ​ണ​ത്തി​ൽ കു​വൈ​റ്റി​ൽ കൊ​ല്ല​പ്പെ​ട്ട യു​വാ​വി​ന്‍റെ മൃ​ത​ദേ​ഹം ഉ​ട​ൻ ഇ​ന്ത്യ​യി​ലെ​ത്തി​ക്കും. ത​മി​ഴ്നാ​ട് രാ​മ​നാ​ഥ​പു​രം ജി​ല്ല​യി​ലെ കൊ​ള​ത്തൂ​ർ സ്വ​ദേ​ശി​യാ​യ സ​ന്താ​ന ശെ​ൽ​വം (40) ആ​ണ് മ​രി​ച്ച​ത്. സ്വ​കാ​ര്യ ക​മ്പ​നി​യി​ലെ ക​രാ​ർ ജീ​വ​ന​ക്കാ​ര​നാ​ണ് ഇ​ദ്ദേ​ഹം.

ശു​ഐ​ബ​യി​ലെ ജ​ല ശു​ദ്ധീ​ക​ര​ണ പ്ലാ​ന്‍റി​നു നേ​രെ തി​ങ്ക​ളാ​ഴ്‌​ച പു​ല​ർ​ച്ചെ​യോ​ടെ​യാ​ണ് ആ​ക്ര​മ​ണ​മു​ണ്ടാ​യ​ത്. ആ​ക്ര​മ​ണ​ത്തി​ൽ കെ​ട്ടി​ട​ങ്ങ​ൾ​ക്കും അ​ടി​സ്ഥാ​ന സൗ​ക​ര്യ​ങ്ങ​ൾ​ക്കും കാ​ര്യ​മാ​യ കേ​ടു പാ​ടു​ക​ൾ സം​ഭ​വി​ച്ച​താ​യും ജ​ല വൈ​ദ്യു​തി മ​ന്ത്രാ​ല​യം അ​റി​യി​ച്ചു.

സ​ന്താ​ന ശെ​ൽ​വം മ​രി​ച്ച സം​ഭ​വ​ത്തി​ൽ എം​ബ​സി അ​ഗാ​ധ​മാ​യ ദുഃ​ഖം രേ​ഖ​പ്പെ​ടു​ത്തി. യു​വാ​വി​ന്‍റെ കു​ടും​ബ​ത്തോ​ടു​ള്ള അ​നു​ശോ​ച​നം എം​ബ​സി ഔ​ദ്യോ​ഗി​ക പ്ര​സ്താ​വ​ന​യി​ലൂ​ടെ അ​റി​യി​ച്ചു.

കു​വൈ​റ്റ് സി​റ്റി: മേ​ഖ​ല​യി​ലെ സം​ഘ​ർ​ഷാ​വ​സ്ഥ​യെ തു​ട​ർ​ന്ന് വി​മാ​ന സ​ർ​വീ​സു​ക​ൾ മു​ട​ങ്ങി​യ സാ​ഹ​ച​ര്യ​ത്തി​ൽ ഇ​ന്ത്യ​യി​ൽ കു​ടു​ങ്ങി​പ്പോ​യ ആ​രോ​ഗ്യ പ്ര​വ​ർ​ത്ത​ക​രെ ഇ​ന്ത്യ​ൻ ന​ഴ്സ​സ് ഫെ​ഡ​റേ​ഷ​ൻ ഓ​ഫ് കു​വൈ​ത്ത് (ഇ​ൻ​ഫോ​ക്) കു​വൈ​റ്റി​ലെ​ത്തി​ച്ചു.

ആ​ർ​ഇ​ജി ലേ​ണിം​ഗ് സെ​ന്‍റ​ർ, ജ​സീ​റ എ​യ​ർ​വേ​സ് എ​ന്നി​വ​യു​മാ​യി സ​ഹ​ക​രി​ച്ചാ​ണ് നാ​ട്ടി​ൽ നി​ന്ന് ആ​രോ​ഗ്യ പ്ര​വ​ർ​ത്ത​ക​രെ​യും കു​ടും​ബാം​ഗ​ങ്ങ​ളെ​യും കു​വൈ​റ്റി​ലെ​ത്തി​ച്ച​ത്.

ന​ഴ്സു​മാ​ർ ഉ​ൾ​പ്പെ​ടെ അ​ൻ​പ​തി​ല​ധി​കം ആ​ളു​ക​ള​ട​ങ്ങു​ന്ന ആ​ദ്യ ബാ​ച്ച് യാ​ത്ര​ക്കാ​ർ കൊ​ച്ചി​യി​ൽ നി​ന്ന് സൗ​ദി അ​റേ​ബ്യ​യി​ലെ ഖൈ​സു​മ എ​യ​ർ​പോ​ർ​ട്ട് വ​ഴി​യാ​ണ് കു​വൈ​ത്തി​ലെ​ത്തി​യ​ത്.

കുവൈറ്റ് സിറ്റി: കുവൈറ്റ് നാഷണൽ പെട്രോളിയം കമ്പനിയുടെ (KNPC) കീഴിലുള്ള മിന അൽ അഹമ്മദി റിഫൈനറിയിൽ വ്യാഴാഴ്ച പുലർച്ചെ ഡ്രോൺ ആക്രമണം ഉണ്ടായതായി കമ്പനി അറിയിച്ചു. റിഫൈനറിയിലെ ഒരു യൂണിറ്റിൽ നേരിയ തോതിൽ തീപിടുത്തമുണ്ടായി.

വ്യാഴാഴ്ച പുലർച്ചെയുണ്ടായ ആക്രമണത്തിൽ ആർക്കും പരിക്കില്ല. സംഭവം നടന്ന ഉടൻ തന്നെ റിഫൈനറിയിലെ അത്യാഹിത വിഭാഗവും ധൃത കർമ്മ സേനയും സ്ഥലത്തെത്തി തീ പൂർണമായി നിയന്ത്രണവിധേയമാക്കി.

ജീവനക്കാരുടെ സുരക്ഷ ഉറപ്പാക്കുന്നതിനും പ്ലാന്‍റിന് കൂടുതൽ നാശനഷ്ടങ്ങൾ സംഭവിക്കാതിരിക്കാനുമുള്ള എല്ലാ മുൻകരുതലുകളും സ്വീകരിച്ചിട്ടുണ്ടെന്ന് അധികൃതർ വ്യക്തമാക്കി. സംഭവത്തെക്കുറിച്ചുള്ള കൂടുതൽ വിവരങ്ങൾ പിന്നീട് പുറത്തുവിടുമെന്ന് കെപിസി അറിയിച്ചു.

രാജ്യത്തെ പ്രധാന എണ്ണ ശുദ്ധീകരണ ശാലകളിലൊന്നായ മിന അൽ അഹമ്മദിയിലുണ്ടായ ഈ സംഭവം ഗൗരവത്തോടെയാണ് അധികൃതർ കാണുന്നത്.

കു​വൈ​റ്റ് സി​റ്റി: കു​വൈ​റ്റി​ലെ സു​പ്ര​ധാ​ന സ​ർ​ക്കാ​ർ ആ​സ്ഥാ​ന​ങ്ങ​ളെ​യും ത​ന്ത്ര പ്ര​ധാ​ന കേ​ന്ദ്ര​ങ്ങ​ളെ​യും ല​ക്ഷ്യ​മി​ട്ട് ന​ട​ന്ന ഡ്രോ​ൺ ആ​ക്ര​മ​ണ​ങ്ങ​ൾ സൈ​ന്യം പ്ര​തി​രോ​ധി​ച്ച​താ​യി അ​ധി​കൃ​ത​ർ അ​റി​യി​ച്ചു.

കു​വൈ​റ്റ് എ​യ​ർ​വേ​സി​ന്‍റെ ഇ​ന്ധ​ന ടാ​ങ്കി​നു നേ​രെ ന​ട​ന്ന ആ​ക്ര​മ​ണം സൈ​ന്യം നി​ർ​വീ​ര്യ​മാ​ക്കി​യ​താ​യി പ്ര​തി​രോ​ധ മ​ന്ത്രാ​ല​യം വ​ക്താ​വ് കേ​ണ​ൽ സ​ഊ​ദ് അ​ബ്ദു​ൽ അ​സീ​സ് അ​ൽ ഉ​തൈ​ബി പ​റ​ഞ്ഞു.

സോ​ഷ്യ​ൽ സെ​ക്യൂ​രി​റ്റി ആ​സ്ഥാ​ന​ത്തി​നു നേ​രെ​യും ഞാ​യ​റാ​ഴ്ച അ​തി​രാ​വി​ലെ ആ​ക്ര​മ​ണ​മു​ണ്ടാ​യി. ര​ണ്ടു സം​ഭ​വ​ങ്ങ​ളി​ലും ആ​ള​പാ​യ​ങ്ങ​ളു​ണ്ടാ​യ​താ​യി റി​പ്പോ​ർ​ട്ടു​ക​ളി​ല്ല.

കു​വൈ​റ്റ് സി​റ്റി: ഇ​ന്ത്യ​ൻ മു​സ്‌​ലിം സം​ഘ​ട​ന​ക​ളു​ടെ ഐ​ക്യ​വേ​ദി​യാ​യ ഫെ​ഡ​റേ​ഷ​ൻ ഓ​ഫ് ഇ​ന്ത്യ​ൻ മു​സ്‌​ലിം അ​സോ​സി​യേ​ഷ​ൻ​സ് (ഫി​മാ) കു​വൈ​റ്റ് റ​മ​ദാ​ൻ ഖ​ബ്ക്ക സം​ഘ​ടി​പ്പി​ച്ചു.

കു​വൈ​റ്റി​ലെ റാ​ഡി​സ​ൺ ബ്ലൂ ​ഹോ​ട്ട​ലി​ലെ അ​ൽ ഹാ​ഷ്മി ബാ​ൾ റൂ​മി​ൽ ന​ട​ന്ന പ​രി​പാ​ടി​യി​ൽ കു​വൈ​ത്ത് രാ​ജ കു​ടും​ബാം​ഗ​വും ഫ​ർ​വാ​നി​യ ഗ​വ​ർ​ണ​റു​മാ​യ ഷെ​യ്ഖ് അ​ത്ബി നാ​സ​ർ അ​ൽ-​സ​ബാ​ഹ്, ഇ​ന്ത്യ​ൻ അം​ബാ​സ​ഡ​ർ പ​ര​മി​താ ത്രി​പാ​ഠി എ​ന്നി​വ​ർ വി​ശി​ഷ്ടാ​തി​ഥി​ക​ളാ​യി​രു​ന്നു.

വി​വി​ധ രാ​ജ്യ​ങ്ങ​ളി​ലെ അം​ബാ​സ​ഡ​ർ​മാ​ർ, ന​യ​ത​ന്ത്ര​ജ്ഞ​ർ, കു​വൈ​ത്തി ഉ​ദ്യോ​ഗ​സ്ഥ​ർ, പ്ര​മു​ഖ വ്യ​വ​സാ​യി​ക​ൾ, ഫി​മ​യു​ടെ അം​ഗ സം​ഘ​ട​ന​ക​ളു​ടെ പ്ര​തി​നി​ധി​ക​ൾ തു​ട​ങ്ങി​യ​വ​ർ പ​ങ്കെ​ടു​ത്തു.

ഫി​മ പ്ര​സി​ഡ​ന്‍റ് ക​രീം ഇ​ർ​ഫാ​ൻ ത​ന്‍റെ ആ​മു​ഖ പ്ര​സം​ഗ​ത്തി​ൽ ഫി​മ​യു​ടെ സേ​വ​ന​ങ്ങ​ളും സാ​മൂ​ഹ്യ മു​ന്നേ​റ്റ പ്ര​വ​ർ​ത്ത​ന​ങ്ങ​ളും അ​വ​ലോ​ക​നം ചെ​യ്ത് സം​സാ​രി​ച്ചു. അം​ഗ സം​ഘ​ട​ന​ക​ൾ ത​മ്മി​ലു​ള്ള ഐ​ക്യം, സേ​വ​നം, സ​ഹ​ക​ര​ണം എ​ന്നി​വ​യോ​ടു​ള്ള ഫെ​ഡ​റേ​ഷ​ന്‍റെ പ്ര​തി​ബ​ദ്ധ​ത അ​ദ്ദേ​ഹം ഊ​ന്നി​പ്പ​റ​ഞ്ഞു.

ഇ​ന്ത്യ​ൻ അം​ബാ​സ​ഡ​ർ പ​ര​മി​താ ത്രി​പാ​ഠി, കു​വൈ​ത്തി​ലെ ഇ​ന്ത്യ​ൻ സ​മൂ​ഹ​ത്തി​നാ​യി ഫി​മ ന​ൽ​കു​ന്ന സം​ഭാ​വ​ന​ക​ളെ പ്ര​ശം​സി​ക്കു​ക​യും അം​ഗ സം​ഘ​ട​ന​ക​ൾ ത​മ്മി​ലു​ള്ള ശ​ക്ത​മാ​യ ഐ​ക്യ​ത്തെ​യും സ​ഹ​ക​ര​ണ​ത്തെ​യും അ​ഭി​ന​ന്ദി​ക്കു​ക​യും ചെ​യ്തു.

കു​വൈ​റ്റ് സി​റ്റി: മി​ഡി​ൽ ഈ​സ്റ്റി​ലെ പ്ര​ത്യേ​ക സാ​ഹ​ച​ര്യ​ത്തി​ൽ ഇ​ന്ത്യ​ൻ പൗ​ര​ന്മാ​രു​ടെ സു​ര​ക്ഷ​യ്ക്കാ​യി ആ​വു​ന്ന​തെ​ല്ലാം ഇ​ന്ത്യ​ൻ എം​ബ​സി ചെ​യ്യു​ന്നു​ണ്ടെ​ന്ന് അം​ബാ​സ​ഡ​ർ പ​ര​മി​ത ത്രി​പാ​ഠി പ​റ​ഞ്ഞു. ഇ​ന്ത്യ​ൻ സ​മൂ​ഹ​ത്തോ​ടാ​യി ന​ട​ത്തി​യ പ്ര​ത്യേ​ക വേ​ർ​ച്വ​ൽ സ​ന്ദേ​ശ​ത്തി​ലാ​ണ് അം​ബാ​സ​ഡ​ർ ഇ​ക്കാ​ര്യം പ​റ​ഞ്ഞ​ത്.

ഇ​ന്ത്യ​ക്കാ​ര​ട​ക്ക​മു​ള്ള മു​ഴു​വ​ൻ ജ​ന​ങ്ങ​ളു​ടെ​യും സു​ര​ക്ഷ​യ്ക്കാ​യി ജാ​ഗ്ര​ത​യോ​ടെ​യും പ്ര​ഫ​ഷ​ണ​ൽ മി​ക​വോ​ടെ​യും ക​ഠി​നാ​ധ്വാ​നം ചെ​യ്യു​ന്ന കു​വൈ​റ്റ് സ​ർ​ക്കാ​രി​നോ​ടു​ള്ള കൃ​ത​ജ്ഞ​ത അം​ബാ​സ​ഡ​ർ എ​ടു​ത്തു പ​റ​ഞ്ഞു. ‌

ഇ​ന്ത്യ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി, കു​വൈ​റ്റ് കി​രീ​ടാ​വ​കാ​ശി​യു​മാ​യും ഇ​ന്ത്യ, കു​വൈ​റ്റ് വി​ദേ​ശ കാ​ര്യ മ​ന്ത്രി​മാ​ർ ത​മ്മി​ലും ഫോ​ണി​ൽ സം​സാ​രി​ച്ച​താ​യും സ്ഥി​തി ഗ​തി​ക​ൾ ഇ​ന്ത്യാ ഗ​വ​ൺ​മെ​ന്‍റ് സ​സൂ​ക്ഷ്മം നി​രീ​ക്ഷി​ച്ചു കൊ​ണ്ടി​രി​ക്കു​ന്ന​താ​യും അം​ബാ​സ​ഡ​ർ പ​റ​ഞ്ഞു.

കു​വൈ​റ്റി​ലെ ഇ​ന്ത്യ​ൻ സ​മൂ​ഹ​ത്തി​ന്‍റെ ശ്ര​ദ്ധ​യി​ലേ​ക്ക് താ​ഴെ പ​റ​യും കാ​ര്യ​ങ്ങ​ൾ അം​ബാ​സ​ഡ​ർ ഓ​ർ​മി​പ്പി​ച്ചു.

1. ഇ​ന്ത്യ​ൻ എം​ബ​സി ഈ ​പ്ര​ത്യേ​ക സാ​ഹ​ച​ര്യ​ത്തി​ൽ 24 മ​ണി​ക്കൂ​റും സേ​വ​ന സ​ന്ന​ദ്ധ​മാ​യി പ്ര​വ​ർ​ത്തി​ക്കും.

2. 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന എം​ബ​സി ഹെ​ല്പ് ലൈ​നു​മാ​യും എം​ബ​സി ഇ​മെ​യി​ൽ മു​ഖേ​ന​യും എ​ന്ത് സ​ഹാ​യ​ത്തി​നും ബ​ന്ധ​പ്പെ​ടാ​വു​ന്ന​താ​ണ്.

3. കു​വൈ​റ്റി​ലെ നാല് എം​ബ​സി സേ​വ​ന കേ​ന്ദ്ര​ങ്ങ​ളും റം​സാ​ൻ സ​മ​യ​ക്ര​മം പാ​ലി​ച്ച് പ്ര​വ​ർ​ത്തി​ച്ചു കൊ​ണ്ടി​രി​ക്കു​ന്നു​ണ്ട്.

4. കു​വൈ​റ്റ് സ​ർ​ക്കാ​രും ഇ​ന്ത്യ​ൻ എം​ബ​സി​യും പു​റ​പ്പെ​ടീ​ക്കു​ന്ന എ​ല്ലാ നി​ർ​ദ്ദേ​ശ​ങ്ങ​ളും അ​റി​യി​പ്പു​ക​ളും എം​ബ​സി വെ​ബ്സൈ​റ്റി​ലും സോ​ഷ്യ​ൽ മീ​ഡി​യ പേ​ജു​ക​ളി​ലും ല​ഭ്യ​മാ​ണ്.

അ​വ ഫോ​ളോ ചെ​യ്യാ​ൻ ശ്ര​മി​ക്കു​ക. ഔ​ദ്യോ​ഗി​ക നി​ർ​ദ്ദേ​ശ​ങ്ങ​ൾ മാ​ത്രം ആ​ശ്ര​യി​ക്കു​ക.

5. എ​യ​ർ പോ​ർ​ട്ട് അ​ട​ച്ച​ത് മൂ​ല​മു​ള്ള പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ അ​ധി​കൃ​ത​രു​മാ​യി സം​സാ​രി​ച്ചു വ​രി​ക​യാ​ണ്.

6. മാ​ർ​ച്ച് അ​ഞ്ച് വ​രെ​യു​ള്ള സി​ബി​എ​സ്ഇ പ​രീ​ക്ഷ​ക​ൾ നി​ർ​ത്തി വെ​ച്ചി​രി​ക്കു​ന്ന വി​വ​രം എം​ബ​സി നേ​ര​ത്തെ അ​റി​യി​ച്ചി​രു​ന്നു. പ​രീ​ക്ഷാ പു​ന​ക്ര​മീ​ക​ര​ണം സിബിഎ​സ്ഇ ​പ്ര​ഖ്യാ​പി​ക്കു​ന്ന​താ​യി​രി​ക്കും.

അ​നാ​വ​ശ്യ​മാ​യി പു​റ​ത്ത് പോ​കാ​തി​രി​ക്കാ​ൻ അം​ബാ​സ​ഡ​ർ പ്ര​ത്യേ​കം ആ​വ​ശ്യ​പ്പെ​ട്ടു. ഇ​ന്ത്യ​ൻ അ​സോ​സി​യേ​ഷ​നു​ക​ളു​മാ​യും ഇ​ന്ത്യ​ൻ മാ​ധ്യ​മ സ​മൂ​ഹ​വു​മാ​യും എം​ബ​സി ഓ​ൺ​ലൈ​ൻ മീ​റ്റിം​ഗ് ചേ​ർ​ന്ന് കാ​ര്യ​ങ്ങ​ൾ വി​ല​യി​രു​ത്തി​യ​ത​യും അം​ബാ​സ​ഡ​ർ പ​റ​ഞ്ഞു.

കു​വൈ​റ്റ് സി​റ്റി: ബ​ഹ്‌​റി​ൻ, ഇ​റാ​ഖ്, യു​എ​ഇ, കു​വൈ​റ്റ്, ഖ​ത്ത​ർ എ​ന്നി​വി​ട​ങ്ങ​ളി​ൽ പി​ക്ക​പ്പ്, ഡെ​ലി​വ​റി സേ​വ​ന​ങ്ങ​ൾ ഇ​നി​യൊ​രു അ​റി​യി​പ്പ് ഉ​ണ്ടാ​കു​ന്ന​തു​വ​രെ നി​ർ​ത്തി​വ​ച്ചു​താ​യി ഫെ​ഡെ​ക്സ് അ​റി​യി​ച്ചു.

കു​വൈ​റ്റ് സി​റ്റി: ഇ​റാ​നി​ൽ യു​എ​സ്, ഇ​സ്ര​യേ​ൽ ആ​ക്ര​മ​ണം ആ​രം​ഭി​ച്ച പ​ശ്ചാ​ത്ത​ല​ത്തി​ൽ കു​വൈ​റ്റി​ൽ ക​ന​ത്ത ജാ​ഗ്ര​ത. കു​വൈ​റ്റി​ൽ നി​ന്ന് ഇ​റാ​നി​ലേ​ക്കും തി​രി​ച്ചു​മു​ള്ള എ​ല്ലാ വി​മാ​ന സ​ർ​വീ​സു​ക​ളും കു​വൈ​റ്റ് വ്യോ​മ​യാ​ന അ​ധി​കൃ​ത​ർ റ​ദ്ദാ​ക്കി.

അ​മേ​രി​ക്ക​ൻ സൈ​നി​ക താ​വ​ളം സ്ഥി​തി ചെ​യ്യു​ന്ന രാ​ജ്യ​മാ​ണ് കു​വൈ​റ്റ്. ഇ​ത് കൊ​ണ്ട് ത​ന്നെ അ​മേ​രി​ക്ക​ക്ക് എ​തി​രേ ഇ​റാ​ൻ ന​ട​ത്തി​യേ​ക്കാ​വു​ന്ന പ്ര​ത്യാ​ക്ര​മ​ണ​ങ്ങ​ൾ അ​തീ​വ ഗൗ​ര​വ​മ​യാ​ണ് കു​വൈ​റ്റ് ഉ​ൾ​പ്പെ​ടെ​യു​ള്ള ഗ​ൾ​ഫ് രാ​ജ്യ​ങ്ങ​ൾ വീ​ക്ഷി​ക്കു​ന്ന​ത്.

സം​ഘ​ർ​ഷം തു​ട​ർ​ന്നാ​ൽ വ​രും മ​ണി​ക്കൂ​റു​ക​ളി​ൽ കു​വൈ​റ്റ് കൂ​ടു​ത​ൽ മു​ൻ ക​രു​ത​ൽ ന​ട​പ​ടി​ക​ൾ പ്ര​ഖ്യാ​പി​ച്ചേ​ക്കു​മെ​ന്നാ​ണ് സൂ​ച​ന.

കു​വൈ​റ്റ് സി​റ്റി: കു​വൈ​റ്റി​ലെ ആ​രോ​ഗ്യ സേ​വ​ന മേ​ഖ​ല​യി​ലെ പ്ര​മു​ഖ​രാ​യ മെ​ട്രോ മെ​ഡി​ക്ക​ൽ ഗ്രൂ​പ്പി​ന്‍റെ "അ​ൽ മ​ത്ത്കൂ​റി ഫാ​ർ​മ​സി' ജ​ലീ​ബി​ൽ പ്ര​വ​ർ​ത്ത​ന​മാ​രം​ഭി​ച്ചു. നി​ര​വ​ധി പ്ര​മു​ഖ വ്യ​ക്തി​ത്വ​ങ്ങ​ൾ ഉ​ദ്ഘാ​ട​ന ച​ട​ങ്ങി​ൽ പ​ങ്കെ​ടു​ത്തു.

മെ​ട്രോ മെ​ഡി​ക്ക​ൽ ഗ്രൂ​പ്പ് സ്പോ​ൺ​സ​ർ ഫ​ഹ​ദ് അ​ൽ മു​ത്തൈ​രി, അ​ബൂ അ​ബ്ദു​ല്ല ലാ​ഫി അ​ൽ മു​ത്തൈ​രി, മെ​ട്രോ മെ​ഡി​ക്ക​ൽ ഗ്രൂ​പ്പി​ന്‍റെ മാ​നേ​ജിം​ഗ് പാ​ർ​ട്ണ​ർ ഡോ. ​ബി​ജി ബ​ഷീ​ർ, മാ​നേ​ജിം​ഗ് ഡ​യ​റ​ക്ട​ർ ഇ​ബ്രാ​ഹിം കു​ട്ടി, ഫാ​ർ​മ​സി എ​ക്സി​ക്യൂ​ട്ടീ​വ് ഡ​യ​റ​ക്ട​ർ ഡോ.​ റം​ഷാ​ദ് ബി​ൻ റ​ഹിം, ഫ​ർ​മ​സി ഓ​പ്പ​റേ​ഷ​ൻ​സ് മാ​നേ​ജ​ർ ഇ.​വി. നി​ഷാ​ന്ത്, ജ​ന​റ​ൽ മാ​നേ​ജ​ർ മു​ഹ​മ്മ​ദ് ഷൗ​ക്കി, ഡെ​പ്യൂ​ട്ടി ജ​ന​റ​ൽ മാ​നേ​ജ​ർ വി.പി. പ്രി​യേ​ഷ്, ഓ​പ്പ​റേ​ഷ​ൻ​സ് മാ​നേ​ജ​ർ ജി​ഷ വ​ർ​ഗീ​സ് എ​ന്നി​വ​ർ ചേ​ർ​ന്ന് ഉ​ദ്ഘാ​ട​നം നി​ർ​വ​ഹി​ച്ചു.

മെ​ട്രോ ഐ ​പോ​യി​ന്‍റ് - ജ​ലീ​ബ് ഉ​ദ്ഘാ​ട​ന ച​ട​ങ്ങി​ൽ റ​വ. ഫാ. ​സ്റ്റീ​ഫ​ൻ നീ​ടു​വാ​ക്കാ​ട്ട് (സെ​ന്‍റ് ജോ​ർ​ജ് സി​റി​യ​ൻ ഓ​ർ​ത്ത​ഡോ​ക്സ് റീ​ഷ്ശ് ച​ർ​ച്ച്), റ​വ. ഫാ. ​അ​രു​ണ്‍ ബോ​സ് (സെ​ന്‍റ് മേ​രീ​സ് സി​റി​യ​ൻ ഓ​ർ​ത്ത​ഡോ​ക്സ് ച​ർ​ച്ച്) എ​ന്നി​വ​ർ ഉ​ൾ​പ്പെ​ടെ നി​ര​വ​ധി പ്ര​മു​ഖ​ർ സ​ന്നി​ഹി​ത​രാ​യി​രു​ന്നു.

കു​വൈ​റ്റ് സി​റ്റി: കു​വൈ​റ്റ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ അ​ത്യാ​ധു​നി​ക​മാ​യ പു​തി​യ ടെ​ർ​മി​ന​ൽ (ടി2) ​പ​ദ്ധ​തി നി​ർ​മാ​ണ​ത്തി​ന്‍റെ 81.14 ശ​ത​മാ​ന​വും പൂ​ർ​ത്തി​യാ​യ​താ​യി ഗ​വ​ൺ​മെ​ന്‍റ് പെ​ർ​ഫോ​മ​ൻ​സ് മോ​ണി​റ്റ​റിം​ഗ് ഏ​ജ​ൻ​സി അ​റി​യി​ച്ചു.

2025 ഡി​സം​ബ​ർ വ​രെ​യു​ള്ള ക​ണ​ക്കു​ക​ൾ പ്ര​കാ​ര​മാ​ണി​ത്. നി​ശ്ചി​ത സ​മ​യ​പ​രി​ധി​ക്കു​ള്ളി​ൽ ത​ന്നെ ഏ​റ്റ​വും ഉ​യ​ർ​ന്ന ഗു​ണ​നി​ല​വാ​ര​ത്തി​ലും കാ​ര്യ​ക്ഷ​മ​ത​യി​ലും പ​ദ്ധ​തി പൂ​ർ​ത്തി​യാ​ക്കാ​നു​ള്ള ശ്ര​മ​ങ്ങ​ൾ പു​രോ​ഗ​മി​ക്കു​ക​യാ​ണ്.

കു​വൈ​റ്റ് സി​റ്റി: കൊ​ല്ലം ജി​ല്ലാ പ്ര​വാ​സി സ​മാ​ജം കു​വൈ​റ്റ് (കെ​ജെ​പി​എ​സ്) രൂ​പീ​കൃ​ത​മാ​യ​തി​ന്‍റെ 20 -ാം വാ​ർ​ഷി​ക​ത്തി​ന്‍റെ ഭാ​ഗ​മാ​യി സം​ഘ​ടി​പ്പി​ക്കു​ന്ന കൊ​ല്ലം ഫെ​സ്റ്റ് - 2026 - ദേ​ശി​ങ്ങ​നാ​ട് മ​ഹോ​ത്സ​വ​ത്തി​ന്‍റെ പോ​സ്റ്റ​ർ പ്ര​കാ​ശ​ന, ക​മ്മി​റ്റി രൂ​പീ​ക​ര​ണ ച​ട​ങ്ങ് അ​ബ്ബാ​സി​യ ഹെ​വ​ൻ​സ് ഹാ​ളി​ൽ ന​ട​ന്നു.

കെ​ജെ​പി​എ​സ് പ്ര​സി​ഡ​ന്‍റ് ടി.​ടി. ബി​നി​ൽ അ​ധ്യ​ക്ഷ​ത വ​ഹി​ച്ച ച​ട​ങ്ങി​ൽ പ്രോ​ഗ്രാം ജ​ന​റ​ൽ ക​ൺ​വീ​ന​ർ ജ​യ​ൻ സ​ദാ​ശി​വ​ൻ, ര​ക്ഷാ​ധി​കാ​രി ജോ​യി ജോ​ൺ തു​രു​ത്തി​ക്ക​ര എ​ന്നി​വ​ർ പ​ങ്കെ​ടു​ത്തു. ഡോ. ​നീ​തു മ​റി​യം ചാ​ക്കോ മു​ഖ്യാ​തി​ഥി​യാ​യി പ​ങ്കെ​ടു​ത്ത് ആ​ശം​സ​ക​ൾ അ​ർ​പ്പി​ച്ചു.

ദേ​ശി​ങ്ങ​നാ​ട് മ​ഹോ​ത്സ​വ​ത്തി​ന്‍റെ ക​മ്മി​റ്റി രൂ​പീ​ക​ര​ണം, സം​ഘാ​ട​നം, ന​ട​ത്തി​പ്പ് എ​ന്നി​വ​യെ​ക്കു​റി​ച്ചു   യോ​ഗ​ത്തി​ൽ വി​ശ​ദീ​ക​രി​ച്ചു. യോ​ഗ​ത്തി​ൽ കെ​ജെ​പി​എ​സ് ജ​ന​റ​ൽ സെ​ക്ര​ട്ട​റി ഷ​ഹീ​ദ് ല​ബ്ബ സ്വാ​ഗ​ത​വും അ​ജ​യ് നാ​യ​ർ ന​ന്ദി​യും രേ​ഖ​പ്പെ​ടു​ത്തി.

സം​ഘ​ട​നാ സെ​ക്ര​ട്ട​റി രാ​ജു വ​ർ​ഗീ​സ്, വൈ​സ് പ്ര​സി​ഡ​ന്‍റു​മാ​രാ​യ ത​മ്പി ലൂ​ക്കോ​സ്, വാ​ഹി​ദ്, ഷാ​ജി സാ​മു​വ​ൽ, ടൈ​റ്റ​സ് വ​ർ​ഗീ​സ്, നൈ​സാം പ​ട്ടാ​ഴി, ഐ​സ​ക് വ​ർ​ഗീ​സ്, ഷം​ന അ​ൽ അ​മീ​ൻ, ബി​ജി​മോ​ൾ തു​ട​ങ്ങി​യ​വ​ർ പ​രി​പാ​ടി ഏ​കോ​പി​പ്പി​ച്ചു.

ഏ​പ്രി​ൽ 24ന് ​അ​ബ്ബാ​സി​യ ഇ​ന്ത്യ​ൻ സെ​ൻ​ട്ര​ൽ സ്കൂ​ളി​ൽ ന​ട​ക്കു​ന്ന കൊ​ല്ലം ഫെ​സ്റ്റ് - 2026 - ദേ​ശി​ങ്ങ​നാ​ട് മ​ഹോ​ത്സ​വ​ത്തി​ന്‍റെ പ്ര​ധാ​ന ആ​ക​ർ​ഷ​ണ​മാ​യി മെ​ഗാ മ്യൂ​സി​ക്ക​ൽ പ്രോ​ഗ്രാം ഉ​ണ്ടാ​യി​രി​ക്കു​മെ​ന്ന് സം​ഘാ​ട​ക​ർ അ​റി​യി​ച്ചു.

കൊ​ല്ല​ത്തി​ന്‍റെ സ​മ്പ​ന്ന​മാ​യ സാം​സ്കാ​രി​ക പൈ​തൃ​ക​വും ക​ലാ​പാ​ര​മ്പ​ര്യ​വും ഒ​രു​മി​പ്പി​ക്കു​ന്ന മ​ഹോ​ത്സ​വ​മാ​യാ​ണ് കൊ​ല്ലം ഫെ​സ്റ്റ് - 2026 ദേ​ശി​ങ്ങ​നാ​ട് മ​ഹോ​ത്സ​വം സം​ഘ​ടി​പ്പി​ക്കു​ന്ന​ത്.

കു​വൈ​റ്റ് സി​റ്റി: ഫി​റ​യു​ടെ (ഫെ​ഡ​റേ​ഷ​ൻ ഓ​ഫ് ഇ​ന്ത്യ​ൻ ര​ജി​സ്റ്റേ​ർ​ഡ് അ​സോ​സി​യേ​ഷ​ൻ) നേ​തൃ​ത്വ​ത്തി​ൽ അ​ബ്ബാ​സി​യ​യി​ൽ "ലോ​ക കേ​ര​ള സ​ഭ - 2026 ച​ർ​ച്ച സ​മ്മേ​ള​നം' സം​ഘ​ടി​പ്പി​ച്ചു. ഫി​റ സെ​ക്ര​ട്ട​റി ചാ​ൾ​സ് പി. ​ജോ​ർ​ജ് സ്വാ​ഗ​തം പ​റ​ഞ്ഞു.

പ്ര​സ്തു​ത ച​ട​ങ്ങി​ൽ ജോ​യി​ന്‍റ് ക​ൺ​വീ​ന​ർ ഷൈ​ജി​ത് അ​ധ്യ​ക്ഷ​ത വ​ഹി​ച്ചു. ഫി​റ സ്ഥാ​പ​ക ക​ൺ​വീ​ന​റും ലോ​ക കേ​ര​ള സ​ഭ​യി​ലേ​ക്ക് വീ​ണ്ടും തെ​ര​ഞ്ഞെ​ടു​ക്ക​പ്പെ​ട്ട അം​ഗ​വു​മാ​യ ബാ​ബു ഫ്രാ​ൻ​സീ​സ് ച​ർ​ച്ച സ​മ്മേ​ള​ന​ത്തി​ന്‍റെ ഉ​ദ്ഘാ​ട​നം നി​ർ​വ​ഹി​ച്ചു. പ്ര​വാ​സി​ക​ൾ​ക്കി​ട​യി​ലെ ജ​ന​കീ​യ ഇ​ട​പെ​ട​ലു​ക​ൾ​ക്ക് ലോ​ക കേ​ര​ള സ​ഭ അം​ഗം ബാ​ബു ഫ്രാ​ൻ​സീ​സി​നെ ച​ട​ങ്ങി​ൽ ആ​ദ​രി​ച്ചു.

കു​വൈ​റ്റ് സി​റ്റി: കു​വൈ​റ്റ് സെ​ന്‍റ് പീ​റ്റേ​ഴ്‌​സ് സി​എ​സ്ഐ ഇ​ട​വ​ക ആ​ദ്യ​ഫ​ല പെ​രു​ന്നാ​ൾ റ​വ. സാ​ജ​ൻ പി. ​മാ​ത്യു ഉ​ദ്ഘാ​ട​നം ചെ​യ്തു. സ​ഹ​ജീ​വി​ക​ളു​ടെ വേ​ദ​ന​ക​ളി​ൽ സാ​ന്ത്വ​ന​മാ​യി നി​ല​കൊ​ള്ളു​മ്പോ​ഴാ​ണ് ഏ​തൊ​രു ആ​ഘോ​ഷ​വും പൂ​ർ​ണ​മാ​കു​ന്ന​ത് എ​ന്ന് അ​ദ്ദേ​ഹം ഓ​ർ​മി​പ്പി​ച്ചു.

മ​നു​ഷ്യ​ർ​ക്കി​ട​യി​ൽ സ്നേ​ഹ​വും ഐ​ക്യ​വും വ​ള​ർ​ത്താ​ൻ ഇ​ത്ത​രം കൊ​യ്ത്തു​ത്സ​വ​ങ്ങ​ൾ വേ​ദി​യാ​ക​ണ​മെ​ന്നും അ​ദ്ദേ​ഹം ആ​ഹ്വാ​നം ന​ൽ​കി.

കു​വൈ​റ്റ് സി​റ്റി: ലോ​ട്ട് - ദ ​വാ​ല്യൂ ഷോ​പ്പ് കു​വൈ​റ്റി​ൽ ര​ണ്ടാം ഔ‌​ട്ട്‌​ല​റ്റ് തു​റ​ന്നു കൊ​ണ്ട് ശൃം​ഖ​ല വി​പു​ലീ​ക​ര​ണം ശ​ക്ത​മാ​ക്കി. ഈ ​മാ​സം 14ന് ​സാ​ൽ​മി​യ​യി​ലെ ദ ​വാ​ക്ക് മാ​ൾ കൊ​മേ​ഴ്‌​സ്യ​ൽ കോം​പ്ല​ക്സി​ലാ​ണ് ഏ​ക​ദേ​ശം 2200 ച​തു​ര​ശ്ര മീ​റ്റ​ർ വി​സ്തൃ​തി​യു​ള്ള ഈ ​പു​തി​യ ഔ​ട്ട്‌​ല​റ്റ് ആ​രം​ഭി​ച്ച​ത്.

ലു​ലു ഗ്രൂ​പ്പ് ഇ​ന്‍റ​ർ​നാ​ഷ​ണ​ൽ എ​ക്സി​ക്യൂ​ട്ടീ​വ് ഡ​യ​റ​ക്ട​ർ എം.​എ. അ​ഷ്റ​ഫ് അ​ലി, ബൈ​യിം​ഗ് ഡ​യ​റ​ക്ട​ർ മു​ജീ​ബ് റ​ഹ്മാ​ൻ, ഡ​യ​റ​ക്ട​ർ കു​വൈ​ത്ത് റീ​ജി​യ​ൺ ശ്രീ​ജി​ത്ത്, റീ​ജി​യ​ണ​ൽ ഡ​യ​റ​ക്ട​ർ കു​വൈ​റ്റ് സ​ക്കീ​ർ ഹു​സൈ​ൻ എ​ന്നി​വ​ർ ചേ​ർ​ന്നാ​ണ് സ്റ്റോ​ർ ഔ​ദ്യോ​ഗി​ക​മാ​യി ഉ​ദ്ഘാ​ട​നം ചെ​യ്ത​ത്.

ലു​ലു മാ​നേ​ജ്മെ​ന്‍റി​ലെ മു​തി​ർ​ന്ന അം​ഗ​ങ്ങ​ളും പ്ര​മു​ഖ സോ​ഷ്യ​ൽ മീ​ഡി​യ ഇ​ൻ​ഫ്ലു​വ​ൻ​സേ​ഴ്സും ച​ട​ങ്ങി​ൽ പ​ങ്കെ​ടു​ത്തു. ദൈ​നം​ദി​ന ജീ​വി​ത ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നാ​വ​ശ്യ​മാ​യ വൈ​വി​ധ്യ​മാ​ർ​ന്ന വി​ഭാ​ഗ​ങ്ങ​ളാ​ണ് പു​തി​യ സ്റ്റോ​റി​ൽ ഒ​രു​ക്കി​യി​രി​ക്കു​ന്ന​ത്.

കു​വൈ​റ്റ് സി​റ്റി: ഫെ​ഡ​റേ​ഷ​ൻ ഓ​ഫ് ഇ​ന്ത്യ​ൻ മു​സ്‌​ലിം അ​സോ​സി​യേ​ഷ​ൻ​സി​ന്‍റെ പ്ര​തി​നി​ധി സം​ഘം കു​വൈ​റ്റി​ലെ ഇ​ന്ത്യ​യു​ടെ പു​തി​യ അം​ബാ​സി​ഡ​ർ പ​ര​മി​ത ത്രി​പാ​ഠി​യെ ഇ​ന്ത്യ​ൻ എം​ബ​സി​യി​ൽ സ​ന്ദ​ർ​ശി​ച്ചു.

വൈ​സ് പ്ര​സി​ഡ​ന്‍റ് ഇ​സ്രാ​ർ അ​ഹ​മ്മ​ദ്, സെ​ക്ര​ട്ട​റി ജ​ന​റ​ൽ സി​ദ്ദീ​ഖ് വ​ലി​യ​ക​ത്ത്, എ​ക്സി​ക്യൂ​ട്ടീ​വ് ക​മ്മി​റ്റി അം​ഗം ഡോ. ​ഹി​ദാ​യ​ത്തു​ള്ള, ട്ര​ഷ​റ​ർ ബ​ഷീ​ർ ബ​ത്ത എ​ന്നി​വ​ർ ഫി​മ​യെ പ്ര​തി​നി​ധീ​ക​രി​ച്ച് പ​ങ്കെ​ടു​ത്തു.

കു​വൈ​റ്റി​ലെ ഇ​ന്ത്യ​ൻ സ​മൂ​ഹ​ത്തെ ബാ​ധി​ക്കു​ന്ന സി​വി​ൽ ഐ​ഡി പ്രോ​സ​സിം​ഗി​ൽ ഉ​ണ്ടാ​കു​ന്ന കാ​ല​താ​മ​സം, സി​വി​ൽ ഐ​ഡി​യി​ൽ താ​മ​സ​സ്ഥ​ല​ത്തി​ന്‍റെ വി​ലാ​സം പു​തു​ക്കു​ന്ന​തി​ൽ ഉ​ണ്ടാ​കു​ന്ന ബു​ദ്ധി​മു​ട്ടു​ക​ൾ, ഇ​ന്ത്യ​യി​ലെ മെ​ഡി​ക്ക​ൽ ഫി​റ്റ്ന​സ് ന​ട​പ​ടി​ക​ൾ സം​ബ​ന്ധി​ച്ച ബു​ദ്ധി​മു​ട്ടു​ക​ൾ, കാ​ല​താ​മ​സ​ങ്ങ​ൾ, നി​യ​മ - ന​യ​ങ്ങ​ളി​ൽ വ്യ​ക്ത​ത ഇ​ല്ലാ​യ്മ, കു​വൈ​റ്റി​ൽ പു​തു​താ​യി എ​ത്തു​ന്ന​വ​ർ​ക്കാ​യി കൂ​ടു​ത​ൽ സു​ഗ​മ​വും ല​ളി​ത​വു​മാ​യ ന​ട​പ​ടി​ക്ര​മ​ങ്ങ​ളു​ടെ ആ​വ​ശ്യ​ക​ത, വീ​ട്ടു​ജോ​ലി​ക്കാ​രു​ടെ ശ​മ്പ​ളം ന​ൽ​കു​ന്ന​തി​ൽ തൊ​ഴി​ലു​ട​മ​ക​ൾ സൃ​ഷ്ടി​ക്കു​ന്ന കാ​ല​താ​മ​സം തു​ട​ങ്ങി​യ പ്ര​ധാ​ന വി​ഷ​യ​ങ്ങ​ൾ ച​ർ​ച്ച ചെ​യ്യ​പ്പെ​ട്ടു.

സോ​ഷ്യ​ൽ മീ​ഡി​യ​യു​ൾ​പ്പെ​ടെ​യു​ള്ള ല​ഭ്യ​മാ​യ എ​ല്ലാ മാ​ധ്യ​മ​ങ്ങ​ളി​ലൂ​ടെ​യും പ്രാ​ദേ​ശി​ക - ഇ​ന്ത്യ​ൻ നി​യ​മ​ങ്ങ​ളെ​ക്കു​റി​ച്ച് അ​വ​ബോ​ധം വ​ള​ർ​ത്തേ​ണ്ട​തി​ന്‍റെ പ്രാ​ധാ​ന്യം അം​ബാ​സി​ഡ​ർ ഊ​ന്നി​പ്പ​റ​ഞ്ഞു. നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ, കു​വൈ​റ്റി​ൽ ക​ട​ക്കാ​നു​ള്ള നി​യ​മ​വി​രു​ദ്ധ വി​സ ഉ​പ​യോ​ഗം തു​ട​ങ്ങി​യ​വ ത​ട​യു​ന്ന​തി​ന് ഇ​ന്ത്യ​ൻ-​കു​വൈ​റ്റി നി​യ​മ​ങ്ങ​ൾ പാ​ലി​ക്കേ​ണ്ട​തി​ന്‍റെ ആ​വ​ശ്യ​ക​ത​യും അ​വ​ർ എ​ടു​ത്തു പ​റ​ഞ്ഞു.

കൂ​ടാ​തെ സ​മൂ​ഹ​ത്തി​ലെ എ​ല്ലാ അം​ഗ​ങ്ങ​ൾ​ക്കും എം​ബ​സി​യി​ൽ വ​രു​ന്ന​തി​ന് മു​ൻ​പ് ര​ജി​സ്ട്രേ​ഷ​ൻ ന​ട​ത്തു​ന്ന​തി​ന്‍റെ മൂ​ല്യ​വും അം​ബാ​സി​ഡ​ർ ഊ​ന്നി​പ്പ​റ​ഞ്ഞു. ഫി​മ​യു​ടെ അം​ഗ സം​ഘ​ട​ന​ക​ളി​ലൂ​ടെ സ​മൂ​ഹ​വു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ൾ എം​ബ​സി​യെ അ​റി​യി​ക്കു​ന്ന​തും എം​ബ​സി സ​ർ​ക്കു​ല​റു​ക​ളും അ​റി​യി​ച്ചു.

കു​വൈ​റ്റ് സി​റ്റി: സെ​ന്‍റ് തോ​മ​സ് ഇ​വാ​ഞ്ചെ​ലി​ക്ക​ൽ ച​ർ​ച്ച് ഓ​ഫ് ഇ​ന്ത്യ കു​വൈ​റ്റ് ഇ​ട​വ​ക​യു​ടെ ക്രി​സ്മ​സ് ക​രോ​ൾ സ​ർ​വീ​സ് "പാ​രി​ൽ പ്ര​കാ​ശ​മാ​യി' വെ​ള്ളി​യാ​ഴ്ച വൈ​കു​ന്നേ​രം എ​ൻ​ഇ​സി​കെ നോ​ർ​ത്ത് ടെ​ന്‍റി​ൽ ന​ട​ത്ത​പ്പെ​ട്ടു.

ഇ​ട​വ​ക വി​കാ​രി റ​വ. പി.​ജെ. സി​ബി ക​രോ​ൾ സ​ർ​വീ​സി​ന് നേ​തൃ​ത്വം ന​ൽ​കു​ക​യും റ​വ. അ​രു​ൺ ജോ​ൺ (വി​കാ​രി അ​ഹ​മ്മ​ദി ഇ​മ്മാ​നു​വേ​ൽ മാ​ർ​ത്തോ​മ്മാ ച​ർ​ച്ച്) ക്രി​സ്മ​സ് സ​ന്ദേ​ശം ന​ൽ​കു​ക​യും ചെ​യ്തു.

കു​വൈ​റ്റ് സി​റ്റി: ഗ്രാ​ൻ​ഡ് ഹൈ​പ്പ​ർ മാ​ർ​ക്ക​റ്റി​ന്‍റെ ര​ണ്ട് സ്റ്റോ​റു​ക​ൾ കൂ​ടി കു​വൈ​റ്റി​ൽ പ്ര​വ​ർ​ത്ത​ന​മാ​രം​ഭി​ച്ചു. റി​ഗെെ, ജ​ലീ​ബ് എ​ന്നി​വി​ട​ങ്ങ​ളി​ലാ​ണ് പു​തി​യ സ്റ്റോ​റു​ക​ൾ ഉ​ദ്ഘാ​ട​നം ചെ​യ്ത​ത്.

ഇ​തോ​ടെ കു​വൈ​റ്റി​ലെ സ്റ്റോ​റു​ക​ളു​ടെ എ​ണ്ണം 48 ആ​യി ഉ​യ​ർ​ന്നു. ഇ​തി​ലൂ​ടെ കു​വൈ​റ്റ് വി​പ​ണി​യി​ൽ ഗ്രാ​ൻ​ഡ് ഹൈ​പ്പ​റി​ന്‍റെ സാ​ന്നി​ധ്യം കൂ​ടു​ത​ൽ ശ​ക്തി​പ്പെ​ടും.

റി​ഗെെ (2) സ്റ്റോ​ർ ടെ​സ്‌ല എ​ൻ​ജി​നി​യ​റിം​ഗ് ചെ​യ​ർ​മാ​ൻ ചെ​റി​യാ​ൻ ചെ​റി​യാ​ൻ ഉ​ദ്ഘാ​ട​നം ചെ​യ്തു. ച​ട​ങ്ങി​ൽ ഗ്രാ​ൻ​ഡ് ഹൈ​പ്പ​ർ മാ​നേ​ജിം​ഗ് ഡ​യ​റ​ക്ട​ർ ഡോ. ​അ​ൻ​വ​ർ അ​മീ​ൻ ചെ​ലാ​ട്യും ലാം​കോ എ​ൻ​ജി​നി​യ​റിം​ഗ് മാ​നേ​ജിം​ഗ് ഡ​യ​റ​ക്ട​ർ മി​സ്റ്റ​ർ അ​മാ​നു​ള്ള എ​ന്നി​വ​രും സ​ന്നി​ഹി​ത​രാ​യി​രു​ന്നു.

ആ​ദ്യ വി​ൽ​പ്പ​ന കു​വൈ​റ്റ് റീ​ജി​യ​ണ​ൽ ഡ​യ​റ​ക്ട​ർ അ​യ്യൂ​ബ് ക​ച്ചേ​രി നി​ർ​വ​ഹി​ച്ചു. ച​ട​ങ്ങി​ൽ ഗ്രാ​ൻ​ഡ് ഹൈ​പ്പ​ർ സീ​നി​യ​ർ മാ​നേ​ജ്മെ​ന്‍റും ജീ​വ​ന​ക്കാ​രും പ​ങ്കെ​ടു​ത്തു. മു​ഹ​മ്മ​ദ് സു​നീ​ർ (സി​ഇ​ഒ), തെ​ഹ്സീ​ർ അ​ലി (ഡി​ആ​ർ​ഒ), മു​ഹ​മ്മ​ദ് അ​സ്‌​ലം (സി​ഒ​ഒ) എ​ന്നി​വ​രും സ​ന്നി​ഹി​ത​രാ​യി​രു​ന്നു.

കു​വൈ​റ്റ് സി​റ്റി: ലി​ബ​റ​ലി​സ​ത്തി​ന്‍റെ ലേ​ബ​ൽ പ​തി​ച്ച് സാ​മൂ​ഹി​ക​മാ​യ കെ​ട്ടു​റ​പ്പി​നെ അ​വ​താ​ള​ത്തി​ലാ​ക്കാ​ൻ പോ​ന്ന പ്ര​തി​ലോ​മ ചി​ന്ത​ക​ൾ ന​മ്മു​ടെ സാ​മൂ​ഹി​ക പ​രി​സ​ര​ങ്ങ​ളി​ൽ സ​മ​ർ​ഥമാ​യി ഒ​ളി​ച്ചു ക​ട​ത്ത​പ്പെ​ടു​ന്നു​ണ്ടെ​ന്നും അ​തി​നെ​തി​രാ​യി ജാ​ഗ്ര​ത കൈ​ക്കൊ​ള്ളേ​ണ്ട​തു​ണ്ടെ​ന്നും പ്ര​മു​ഖ പ്ര​ഭാ​ഷ​ക​നും സു​ന്നി വോ​യ്സ് എ​ഡി​റ്റ​റു​മാ​യ ഇ​ബ്രാ​ഹിം സ​ഖാ​ഫി പു​ഴ​ക്കാ​ട്ടി​രി.

ആ​രോ​ഗ്യ​ക​ര​മാ​യ സം​വാ​ദ സാ​ധ്യ​ത​ക​ൾ തേ​ടു​ന്ന​തി​ന് പ​ക​രം, പ്ര​കൃ​തി​യോ​ടും കാ​ല​ത്തോ​ടും യോ​ജി​ക്കും വി​ധം വ്യ​ക്ത​മാ​യ കാ​ഴ്ച്ച​പ്പാ​ടു​ക​ൾ കൊ​ണ്ട് സ​മൃ​ദ്ധ​മാ​യ ഇ​സ്‌ലാമി​ക മൂ​ല്യ​ങ്ങ​ളെ അ​പ​ഹ​സി​ച്ചു കെെയ​ടി നേ​ടാ​ൻ ശ്ര​മി​ക്കു​ന്ന​വ​രു​ടെ ഉ​ദ്ദേ​ശ്യം ഇ​സ്‌​ലാം വി​രു​ദ്ധ​ത​യു​ടെ അ​ജ​ണ്ട ന​ട​പ്പാ​ക്കു​ന്ന​തി​നു സാ​ഹ​ച​ര്യം ഒ​രു​ക്കു​ക​യാ​ണെ​ന്ന് സ​മീ​പ​കാ​ല​ത്തെ നി​ര​വ​ധി അ​നു​ഭ​വ​ങ്ങ​ളി​ൽ നി​ന്ന് വ്യ​ക്ത​മാ​ണെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

ലി​ബ​റ​ൽ കാ​ല​ത്തെ മ​തം: വി​ശ്വാ​സം, അ​നു​ഷ്ഠാ​നം, ആ​ത്മാ​ഭി​മാ​നം എ​ന്ന വി​ഷ​യ​ത്തി​ൽ ഐ​സിഎ​ഫ് കു​വൈ​റ്റ് നാ​ഷ​ണ​ൽ ക​മ്മി​റ്റി അ​ബ്ബാ​സി​യ യു​ണൈ​റ്റ​ഡ് ഇ​ന്ത്യ​ൻ സ്കൂ​ളി​ൽ സം​ഘ​ടി​പ്പി​ച്ച പൊ​തു​സ​മ്മേ​ള​ന​ത്തി​ൽ മു​ഖ്യ​പ്ര​ഭാ​ഷ​ണം നി​ർ​വ​ഹി​ക്കു​ക​യാ​യി​രു​ന്നു അ​ദ്ദേ​ഹം.

കു​വൈ​റ്റ് സി​റ്റി: മാ​ർ​ത്തോ​മാ ഇ​ട​വ​ക​യു​ടെ പാ​രി​ഷ് ഫെ​സ്റ്റി​വ​ൽ ഈ ​മാ​സം 21ന് ​രാ​വി​ലെ ഏ​ഴ് മു​ത​ൽ രാ​ത്രി ഏ​ഴ് വ​രെ ഇ​ന്ത്യ​ൻ സെ​ൻ​ട്ര​ൽ സ്കൂ​ൾ ഓ​പ്പ​ൺ ഓ​ഡി​റ്റോ​റി​യ​ത്തി​ൽ ന​ട​ത്ത​പ്പെ​ടു​ന്നു.

"ദൈ​വ​മേ ഞ​ങ്ങ​ളെ യ​ഥാ​സ്ഥാ​ന​പ്പെ​ടു​ത്ത​ണ​മേ' (സ​ങ്കീ​ർ​ത്ത​ന​ങ്ങ​ൾ: 80: 3) എ​ന്ന ചി​ന്താ​വി​ഷ​യ​ത്തെ അ​ടി​സ്ഥാ​ന​പ്പെ​ടു​ത്തി "ഹൊ​സ്ദോ : ദി ​ഫീ​സ്റ്റ് ഓ​ഫ് റി​ട്ടേ​ർ​ണിം​ഗ്' എ​ന്ന അ​ർ​ഥം വ​രു​ന്ന സു​റി​യാ​നി വാ​ക്കാ​ണ് പാ​രീ​ഷ് ഫെ​സ്റ്റി​വ​ലി​നു വേ​ണ്ടി തെ​ര​ഞ്ഞെ​ടു​ത്തി​രി​ക്കു​ന്ന ചി​ന്താ​വി​ഷ​യം.

രാ​വി​ലെ 10ന് ​ആ​രം​ഭി​ക്കു​ന്ന പൊ​തു​സ​മ്മേ​ള​ന​ത്തി​ൽ മ​ല​ങ്ക​ര മാ​ർ​ത്തോ​മ സു​റി​യാ​നി സ​ഭ​യു​ടെ സ​ഫ്ര​ഗ​ൻ മെ​ത്രാ​പ്പോ​ലീ​ത്ത റൈ​റ്റ്. ​റ​വ.​ഡോ.​ യൂ​യാ​ക്കിം മാ​ർ കൂ​റി​ലോ​സ് മു​ഖ്യാ​തി​ഥി​യാ​യി​രി​ക്കും. കൂ​ടാ​തെ മ​റ്റ് വി​ശി​ഷ്ട വ്യ​ക്തി​ക​ൾ പൊ​തു​സ​മ്മേ​ള​ന​ത്തി​ൽ പ​ങ്കെ​ടു​ക്കും.

ഗാ​യ​ക​രാ​യ ര​ഞ്ജി​നി ജോ​സ്, ലി​ബി​ൻ സ്‌​ക​റി​യ, അ​നു​പ് കോ​വ​ളം, കൂ​ടാ​തെ കോ​മ​ഡി ആ​ർ​ട്ടി​സ്റ്റ് സു​ധി ക​ലാ​ഭ​വ​ൻ എ​ന്നി​വ​ർ അ​ണി​നി​ര​ക്കു​ന്ന ഗാ​ന​വി​രു​ന്നും കോ​മ​ഡി പ​രി​പാ​ടി​യും പാ​രീഷ് ഫെ​സ്റ്റി​വ​ലി​നോ​ട് അ​നു​ബ​ന്ധി​ച്ച് ഒ​രു​ക്കി​യി​രി​ക്കു​ന്നു.

വി​വി​ധ ക​ലാ​പ​രി​പാ​ടി​ക​ൾ, സ്പോ​ർ​ട്സ് ആ​ൻ​ഡ് ഗെ​യിം​സ്, അ​ത്ഭു​ത ചെ​പ്പ്, ബി​ങ്കോ, നി​ര​വ​ധി വ്യ​ത്യ​സ്ത​മാ​യ വി​ഭ​വ​ങ്ങ​ൾ ഒ​രു​ക്കു​ന്ന ഭ​ക്ഷ​ണ​ശാ​ല​ക​ൾ, നാ​ട​ൻ ത​ട്ടു​ക​ട എ​ന്നി​വ​യും ക്ര​മീ​ക​രി​ച്ചി​രി​ക്കു​ന്നു

ഇ​ട​വ​ക വി​കാ​രി റ​വ. ഡോ. ​ഫി​നോ എം. ​തോ​മ​സി​ന്‍റെ​യും ജ​ന​റ​ൽ ക​ൺ​വീ​ന​ർ ​ജോ​ബി കാ​ര​മേ​ലിന്‍റെ​യും ഇ​ട​വ​ക ചു​മ​ത​ല​ക്കാ​രു​ടെ​യും നേ​തൃ​ത്വ​ത്തി​ൽ വി​പു​ല​മാ​യ 18 ക​മ്മി​റ്റി​ക​ൾ പ്ര​വ​ർ​ത്തി​ക്കു​ന്നു.

കു​വൈ​റ്റ്‌ സി​റ്റി: സെ​ന്‍റ് ഗ്രീ​ഗോ​റി​യോ​സ് ഇ​ന്ത്യ​ൻ ഓ​ർ​ത്ത​ഡോ​ക്സ്‌ മ​ഹാ ഇ​ട​വ​ക​യു​ടെ പെ​രു​ന്നാ​ൾ ശു​ശ്രൂ​ഷ​ക​ൾ​ക്ക്‌ നേ​തൃ​ത്വം ന​ൽ​കു​വാ​ൻ എ​ത്തി​ച്ചേ​ർ​ന്ന ക​ണ്ട​നാ​ട്‌ ഈ​സ്റ്റ്‌ ഭ​ദ്രാ​സ​നാ​ധി​പ​ൻ ഡോ. ​തോ​മ​സ്‌ മാ​ർ അ​ത്ത​നേ​ഷ്യ​സ്‌ മെ​ത്രാ​പ്പോ​ലീ​ത്താ​യ്ക്ക്‌ കു​വൈ​റ്റ്‌ വി​മാ​ന​ത്താ​വ​ള​ത്തി​ൽ സ്വീ​ക​ര​ണം ന​ൽ​കി.

മ​ഹാ ഇ​ട​വ​ക വി​കാ​രി റ​വ.​ഫാ.​ഡോ. ബി​ജു പാ​റ​യ്ക്ക​ൽ, സ​ഹ​വി​കാ​രി റ​വ.​ഫാ. മാ​ത്യൂ തോ​മ​സ്‌, ഇ​ട​വ​ക ട്ര​സ്റ്റി ദീ​പ​ക് അ​ല​ക്സ് പ​ണി​ക്ക​ർ, സെ​ക്ര​ട്ട​റി ജേ​ക്ക​ബ് റോ​യ്, സ​ഭാ മാ​നേ​ജിം​ഗ് ക​മ്മ​റ്റി​യം​ഗം മാ​ത്യു കെ. ​ഇ​ല​ഞ്ഞി​ക്ക​ൽ, പെ​രു​ന്നാ​ൾ ക​ൺ​വീ​ന​ർ സി​ബി ജോ​ർ​ജ് എ​ന്നി​വ​ർ സ​ന്നി​ഹി​ത​രാ​യി​രു​ന്നു.

പ​രി​ശു​ദ്ധ പ​രു​മ​ല തി​രു​മേ​നി​യു​ടെ 123-ാ‍ം ഓ​ർ​മ​പെ​രു​ന്നാ​ളി​നോ​ട​നു​ബ​ന്ധി​ച്ച്‌ വ്യാ​ഴാ​ഴ്ച ക്ര​മീ​ക​രി​ച്ചി​രി​ക്കു​ന്ന സ​ന്ധ്യാ ന​മ​സ്കാ​രം, റാ​സ, ഇ​ട​വ​ക ദി​ന പ​രി​പാ​ടി​ക​ൾ, വെ​ള്ളി​യാ​ഴ്ച രാ​വി​ലെ എ​ൻ​ഇ​സി​കെ​യി​ൽ ന​ട​ക്കു​ന്ന പെ​രു​ന്നാ​ൾ ശു​ശ്രൂ​ഷ​ക​ൾ എ​ന്നി​വ​യ്ക്ക്‌ തി​രു​മേ​നി മു​ഖ്യ​കാ​ർ​മി​ക​ത്വം വ​ഹി​ക്കും.

കു​വൈ​റ്റ് സി​റ്റി: ര​ണ്ടു ദി​വ​സ​ത്തെ ഔ​ദ്യോ​ഗി​ക സ​ന്ദ​ർ​ശ​ന​ത്തി​നാ​യി കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​ൻ കു​വൈ​റ്റി​ൽ എ​ത്തി. മ​ന്ത്രി​മാ​രു​മാ​യും കു​വൈ​റ്റ് സ​ർ​ക്കാ​രി​ലെ ഉ​ന്ന​ത ഉ​ദ്യോ​ഗ​സ്ഥ​രു​മാ​യും മു​ഖ്യ​മ​ന്ത്രി കൂ​ടി​ക്കാ​ഴ്ച​ക​ൾ ന​ട​ത്തു​മെ​ന്നാ​ണ് അ​റി​യു​ന്ന​ത്.

വെ​ള്ളി​യാ​ഴ്ച വൈ​കു​ന്നേ​രം മ​ൻ​സൂ​രി​യ അ​ൽ അ​റ​ബി സ്പോ​ർ​ട്സ് ക്ല​ബ് സ്റ്റേ​ഡി​യ​ത്തി​ൽ ന​ട​ക്കു​ന്ന വി​പു​ല​മാ​യ സ്വീ​ക​ര​ണ പ​രി​പാ​ടി​യി​ൽ അ​ദ്ദേ​ഹം മ​ല​യാ​ളി സ​മൂ​ഹ​ത്തെ അ​ഭി​സം​ബോ​ധ​ന ചെ​യ്യും.

ഒ​ഐ​സി​സി, കെ​എം​സി​സി തു​ട​ങ്ങി​യ യു​ഡി​എ​ഫ് അ​നു​കൂ​ല പ്ര​വാ​സി സം​ഘ​ട​ന​ക​ൾ മു​ഖ്യ​മ​ന്ത്രി​യു​ടെ സ​ന്ദ​ർ​ശ​ന​വു​മാ​യി സ​ഹ​ക​രി​ക്കേ​ണ്ട​തി​ല്ലെ​ന്നാ​ണ് തീ​രു​മാ​നി​ച്ചി​രി​ക്കു​ന്ന​ത്.

ഇ​ന്ന് വൈ​കു​ന്നേ​രം യു​ഡി​എ​ഫ് വ​ഞ്ച​നാ​ദി​നം ആ​ച​രി​ക്കു​ക​യാ​ണ്.

കു​വൈ​റ്റ് സി​റ്റി: കെ​ഐ​ജി​ക്ക് കീ​ഴി​ലു​ള്ള മ​ദ്‌​റ​സ​ക​ളി​ൽ നി​ന്ന് ക​ഴി​ഞ്ഞ അ​ധ്യ​യ​ന വ​ർ​ഷ​ത്തി​ൽ പ​ഠ​നം പൂ​ർ​ത്തി​യാ​ക്കി​യ വി​ദ്യാ​ർ​ഥ​ക​ൾ​ക്കു​ള്ള ബി​രു​ദ​ദാ​ന​ച്ച​ട​ങ്ങ് സം​ഘ​ടി​പ്പി​ച്ചു. റി​ഗ​യി​ലെ ഔ​ഖാ​ഫ് ബി​ൽ​ഡിം​ഗ് ഓ​ഡി​റ്റോ​റി​യ​ത്തി​ൽ ന​ട​ന്ന ച​ട​ങ്ങി​ൽ വി​ശി​ഷ്ടാ​തി​ഥി​ക​ൾ, അ​ധ്യാ​പ​ക​ർ, ര​ക്ഷി​താ​ക്ക​ൾ, വി​ദ്യാ​ർ​ഥി​ക​ൾ എ​ന്നി​വ​ർ പ​ങ്കെ​ടു​ത്തു.

അ​ൽ മ​ദ്‌​റ​സ​ത്തു​ൽ ഇ​സ്‌​ലാ​മി​യ അ​ബാ​സി​യ​യി​ലെ ഫി​സ അ​ഷ്റ​ഫ് ഖി​റാ​അ​ത്ത് നി​ർ​വ​ഹി​ച്ചു. വി​ദ്യാ​ഭ്യാ​സ ബോ​ർ​ഡ് അ​സി​സ്റ്റ​ന്‍റ് ഡ​യ​റ​ക്ട​ർ താ​ജു​ദ്ദീ​ൻ മ​ദീ​നി സ്വാ​ഗ​തം ആ​ശം​സി​ച്ചു.

കു​വൈ​റ്റി​ലെ പ്ര​വാ​സി​ക​ൾ​ക്കി​ട​യി​ൽ ഇ​സ്‌​ലാ​മി​ക വി​ദ്യാ​ഭ്യാ​സം പ്രോ​ത്സാ​ഹി​പ്പി​ക്കു​ന്ന​തി​നാ​യു​ള്ള കെ​ഐ​ജി​യു​ടെ ശ്ര​മ​ങ്ങ​ളെ അ​ഭി​ന​ന്ദി​ച്ചു​കൊ​ണ്ട് ഔ​ഖാ​ഫ് മ​ന്ത്രാ​ല​യ​ത്തി​ലെ വി​ദേ​ശ​കാ​ര്യ വി​ഭാ​ഗം ആ​ക്ടിം​ഗ് ഡ​യ​റ​ക്ട​ർ സ​ത്താം ഖാ​ലി​ദ് മു​ഹ​മ്മ​ദ് അ​ൽ-​മു​സ​യ്ൻ ഉ​ദ്ഘാ​ട​നം നി​ർ​വ​ഹി​ച്ചു.

കെ​ഐ​ജി പ്ര​സി​ഡ​ന്‍റ് പി.​ടി. മു​ഹ​മ്മ​ദ് ഷ​രീ​ഫ് അ​ധ്യ​ക്ഷ​ത വ​ഹി​ച്ചു. ശ​രി​യാ​യ ഇ​സ്‌​ലാ​മി​ക മൂ​ല്യ​ങ്ങ​ളും അ​ക്കാ​ദ​മി​ക് മി​ക​വു​മു​ള്ള വി​ദ്യാ​ർ​ഥി​ക​ളെ വ​ള​ർ​ത്തി​യെ​ടു​ക്കു​ന്ന​തി​നു​ള്ള കെ​ഐ​ജി​യു​ടെ പ്ര​തി​ബ​ദ്ധ​ത​യെ​ക്കു​റി​ച്ച് അ​ദ്ദേ​ഹം പ​റ​ഞ്ഞു.

വി​ദ്യാ​ഭ്യാ​സ ബോ​ർ​ഡ് ഡ​യ​റ​ക്ട​ർ ഡോ. ​അ​ലി​ഫ് ഷു​ക്കൂ​ർ ബോ​ർ​ഡി​ന്‍റെ വി​ദ്യാ​ഭ്യാ​സ സം​രം​ഭ​ങ്ങ​ൾ, നേ​ട്ട​ങ്ങ​ൾ, ഭാ​വി കാ​ഴ്ച​പ്പാ​ട് എ​ന്നി​വ​യെ​ക്കു​റി​ച്ച് വി​ശ​ദ​മാ​യ പ്ര​സ​ന്‍റേ​ഷ​ൻ അ​വ​ത​രി​പ്പി​ച്ചു.

കു​വൈ​റ്റി​ലെ വി​വി​ധ സാ​മൂ​ഹി​ക-​മ​ത സ്ഥാ​പ​ന​ങ്ങ​ളെ പ്ര​തി​നി​ധീ​ക​രി​ച്ചെ​ത്തി​യ അ​റ​ബ് വി​ശി​ഷ്ടാ​തി​ഥി​ക​ൾ ച​ട​ങ്ങി​ൽ പ​ങ്കെ​ടു​ത്തു. കെ​ഐ​ജി​യു​ടെ വി​ദ്യാ​ഭ്യാ​സ​പ​ര​വും സാം​സ്കാ​രി​ക​പ​ര​വു​മാ​യ സം​ഭാ​വ​ന​ക​ളെ പ്ര​ശം​സി​ച്ചു​കൊ​ണ്ട് അ​വ​ർ ആ​ശം​സ​ക​ൾ നേ​ർ​ന്നു.

നൈ​സം, ഷാ​ഹി​ദ് എ​ന്നി​വ​രു​ടെ നേ​തൃ​ത്വ​ത്തി​ൽ ന​ട​ന്ന അ​വാ​ർ​ഡ് വി​ത​ര​ണ ച​ട​ങ്ങി​ൽ, അ​റ​ബ് അ​തി​ഥി​ക​ൾ ബി​രു​ദ​ധാ​രി​ക​ൾ​ക്ക് പു​ര​സ്‌​കാ​ര​ങ്ങ​ൾ ന​ൽ​കി. ഈ ​വ​ർ​ഷം 51 വി​ദ്യാ​ർ​ഥി​ക​ളാ​ണ് ബി​രു​ദം നേ​ടി​യ​ത്.

മ​ല​യാ​ളം മീ​ഡി​യ​ത്തി​ൽ, എ​എം​ഐ ഫ​ഹാ​ഹീ​ലി​ലെ ഫാ​ത്തി​മ ഫ​ർ​ഹ ജി​സി​സി ത​ല​ത്തി​ലും കു​വൈ​റ്റ് ത​ല​ത്തി​ലും ഒ​ന്നാം റാ​ങ്കും ആ​ഗോ​ള​ത​ല​ത്തി​ൽ ര​ണ്ടാം റാ​ങ്കും നേ​ടി.

എ​എം​ഐ അ​ബ്ബാ​സി​യ​യി​ലെ റെ​ഹാ​ൻ അ​ൻ​സാ​ർ, ഫി​സ അ​ഷ്റ​ഫ് എ​ന്നി​വ​ർ യ​ഥാ​ക്ര​മം കു​വൈ​റ്റ് ത​ല​ത്തി​ൽ ര​ണ്ടും മൂ​ന്നും റാ​ങ്കു​ക​ൾ ക​ര​സ്ഥ​മാ​ക്കി.

ഇം​ഗ്ലീ​ഷ് മീ​ഡി​യ​ത്തി​ൽ, സാ​ൽ​മി​യ ബ്രാ​ഞ്ചി​ലെ റി​യോ​ൺ മു​ഹ​മ്മ​ദ് റ​മ​ദാ​ൻ, ഹ​ൽ​മ​ത് സാ​ദി​യ എ​ന്നി​വ​ർ യ​ഥാ​ക്ര​മം ഒ​ന്നും ര​ണ്ടും റാ​ങ്കു​ക​ൾ നേ​ടി. ഫ​ഹാ​ഹീ​ലി​ലെ ന​ജാ​ഹ് ഫാ​ത്തി​മ മൂ​ന്നാം റാ​ങ്ക് നേ​ടി.

വി​ദ്യാ​ഭ്യാ​സ ബോ​ർ​ഡ് അം​ഗം അ​ബ്ദു റ​സാ​ഖ് ന​ദ്‌​വി ന​ന്ദി പ്ര​കാ​ശി​പ്പി​ച്ചു. തു​ട​ർ​ന്ന് അ​തി​ഥി​ക​ൾ, ബി​രു​ദ​ധാ​രി​ക​ൾ, ബോ​ർ​ഡ് അം​ഗ​ങ്ങ​ൾ, അ​ധ്യാ​പ​ക​ർ എ​ന്നി​വ​ർ പ​ങ്കെ​ടു​ത്ത ഗ്രൂ​പ്പ് ഫോ​ട്ടോ സെ​ഷ​ൻ ന​ട​ന്നു.

പ്ര​വാ​സി​ക​ൾ​ക്കി​ട​യി​ൽ ഇ​സ്‌​ലാ​മി​ക വി​ദ്യാ​ഭ്യാ​സ​വും സാ​മൂ​ഹി​ക മി​ക​വും വ​ള​ർ​ത്തു​ന്ന​തി​നു​ള്ള കെ​ഐ​ജി​യു​ടെ പ​രി​ശ്ര​മ​ങ്ങ​ളി​ൽ ഒ​രു നാ​ഴി​ക​ക്ക​ല്ലാ​യി ബി​രു​ദ​ദാ​ന​ച്ച​ട​ങ്ങ് മാ​റി.

നി​ല​വി​ൽ കെ​ഐ​ജി കു​വൈ​റ്റി​ൽ എ​ട്ട് മ​ദ്‌​റ​സ​ക​ൾ ന​ട​ത്തു​ന്നു​ണ്ട്. നാ​ലെ​ണ്ണം മ​ല​യാ​ളം മീ​ഡി​യ​ത്തി​ലും നാ​ലെ​ണ്ണം ഇം​ഗ്ലീ​ഷ് മീ​ഡി​യ​ത്തി​ലും ആ​ണ് പ്ര​വ​ർ​ത്തി​ക്കു​ന്ന​ത്. എ​ല്ലാ ശ​നി​യാ​ഴ്ച​ക​ളി​ലും രാ​വി​ലെ എ​ട്ട് മു​ത​ൽ ഉ​ച്ച​യ്ക്ക് ഒ​ന്ന് വ​രെ​യാ​ണ് ക്ലാ​സു​ക​ൾ.

ഖു​റാ​ൻ, ഹ​ദീ​സ്, അ​ഖീ​ദ, ഫി​ഖ്ഹ്, ഇ​സ്‌​ലാ​മി​ക ച​രി​ത്രം, ദി​നം​പ്ര​തി​യു​ള്ള ദു​ആ​ക​ൾ, മ​ര്യാ​ദ​ക​ൾ എ​ന്നി​വ ഉ​ൾ​പ്പെ​ടു​ന്ന സ​മ​ഗ്ര​മാ​യ പാ​ഠ്യ​പ​ദ്ധ​തി​യാ​ണ് കെ​ജി മു​ത​ൽ പ്രൈ​മ​റി ത​ലം വ​രെ ന​ൽ​ക​പ്പെ​ടു​ന്ന​ത്.

കൂ​ടു​ത​ൽ വി​വ​ര​ങ്ങ​ൾ​ക്കാ​യി ഇം​ഗ്ലീ​ഷ് മീ​ഡി​യ​ത്തി​ൽ 65762175 (ഫ​ഹാ​ഹീ​ൽ), 65757138 (ഖൈ​ത്താ​ൻ), 55238583 (സാ​ൽ​മി​യ), 99354375 (ജ​ഹ്റ) എ​ന്നീ ന​മ്പ​റു​ക​ളി​ലും മ​ല​യാ​ളം മീ​ഡി​യ​ത്തി​ൽ 66977039 (സാ​ൽ​മി​യ), 50111731 (ഫ​ർ​വാ​നി​യ), 99771469 (ജ​ലീ​ബ്), 65975080 (ഫ​ഹാ​ഹീ​ൽ) എ​ന്നീ ന​മ്പ​റു​ക​ളി​ലും ബ​ന്ധ​പ്പെ​ടാ​വു​ന്ന​താ​ണ്.

കു​വൈ​റ്റ് സി​റ്റി: പ്ര​യാ​ണം - കു​വൈ​റ്റ് ഇ​ന്ത്യ​ൻ അ​സോ​സി​യേ​ഷ​നും ബ്ല​ഡ് ഡോ​ണേ​ഴ്സ് കേ​ര​ള കു​വൈ​റ്റ് ചാ​പ്റ്റ​റും ചേ​ർ​ന്ന് ഈ ​മാ​സം 14ന് ​രാ​വി​ലെ ഒ​മ്പ​ത് മു​ത​ൽ 12 വ​രെ അ​ൽ അ​ദാ​ൻ ബ്ല​ഡ് ട്രാ​ൻ​സ്ഫ്യൂ​ഷ​ൻ സെ​ന്‍റ​റി​ൽ ര​ക്ത​ദാ​ന ക്യാ​മ്പ് സം​ഘ​ടി​പ്പി​ക്കു​ന്നു.

ദാ​താ​ക്ക​ൾ​ക്കാ​യി ഗ​താ​ഗ​ത സൗ​ക​ര്യം ല​ഭ്യ​മാ​ണ്. പ​ങ്കെ​ടു​ക്കാ​ൻ ആ​ഗ്ര​ഹി​ക്കു​ന്ന​വ​ർ ഫ്ല​യ​റി​ലു​ള്ള ക്യൂ​ആ​ർ കോ​ഡ് സ്കാ​ൻ ചെ​യ്ത് ര​ജി​സ്റ്റ​ർ ചെ​യ്യാ​മെ​ന്നും കൂ​ടു​ത​ൽ വി​വ​ര​ങ്ങ​ൾ​ക്ക് 90041663 അ​ല്ലെ​ങ്കി​ൽ 98867234 എ​ന്ന ന​മ്പ​റു​ക​ളി​ൽ ബ​ന്ധ​പ്പെ​ടാ​മെ​ന്നും സം​ഘാ​ട​ക​ർ അ​റി​യി​ച്ചു.