2

ന്യൂഡൽഹി: ഗു​രു​ത​ര​മാ​യി പ​രി​ക്കേ​റ്റി​ട്ടും സ​മ​യോ​ചി​ത​മാ​യി പ്ര​വ​ർ​ത്തി​ച്ച് കോ​ക്ക്പി​റ്റി​ന്‍റെ വാ​തി​ൽ തു​റ​ന്നു​കൊ​ടു​ക്കു​ക​യും യാ​ത്ര​ക്കാ​രു​ടെ​യും മ​റ്റു ജീ​വ​ന​ക്കാ​രു​ടെ​യും സ​ഹാ​യ​ത്തോ​ടെ അ​ക്ര​മി​യെ കീ​ഴ​ട​ക്കാ​ൻ സ​ഹാ​യി​ക്കു​ക​യും ചെ​യ്ത സ്മി​തി​നെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും യുഎസ് പ്രസിഡന്‍റ് ഡോണൾഡ് ട്രംപും ഇ​സ്ര​യേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു​വും അ​ഭി​ന​ന്ദി​ച്ചു.

"ക്യാ​പ്റ്റ​ൻ സ്മി​ത് മ​ച്ചാ​ർ ഒ​രു യ​ഥാ​ർ​ഥ ഹീ​റോ​യാ​ണ്. ജീ​വ​ൻ അ​പ​ക​ട​ത്തി​ലാ​യ അ​വ​സ്ഥ​യി​ലും അ​ദ്ദേ​ഹം കാ​ണി​ച്ച അ​സാ​മാ​ന്യ ധൈ​ര്യ​വും നി​ശ്ച​യ​ദാ​ർ​ഢ്യ​വു​മാ​ണ് നൂ​റു​ക​ണ​ക്കി​നു മ​നു​ഷ്യ​ജീ​വ​നു​ക​ൾ ര​ക്ഷി​ച്ച​ത്,"-മോ​ദി എ​ക്സി​ൽ കു​റി​ച്ചു. പ്ര​ധാ​ന​മ​ന്ത്രി സ്മി​തി​ന്‍റെ കു​ടും​ബ​വു​മാ​യി ഫോ​ണി​ൽ സം​സാ​രി​ക്കു​ക​യും ആ​വ​ശ്യ​മാ​യ എ​ല്ലാ പി​ന്തു​ണ​യും ഉ​റ​പ്പു​ന​ൽ​കു​ക​യും ചെ​യ്തു.

ഗുരുതരമായി പരിക്കേറ്റിട്ടും അസാമാന്യ ധൈര്യവും ആത്മവീര്യവും പ്രകടിപ്പിച്ച ക്യാപ്റ്റൻ സ്മിത് മച്ചാർ ഒരു യഥാർഥ ഹീറോയാണെന്ന് നെതന്യാഹുവും വിശേഷിപ്പിച്ചു. അക്രമിയായ സഹപൈലറ്റിന്‍റെ കുത്തേറ്റ് രക്തത്തിൽ കുളിച്ച നിലയിലും തന്‍റെ അവസാന ഊർജവും സംഭരിച്ച് സ്മിത് കോക്ക്പിറ്റിന്‍റെ സ്റ്റീൽ വാതിൽ തുറന്നുകൊടുത്തതാണ് വലിയൊരു ദുരന്തം ഒഴിവാക്കിയത്. ഇത് മറ്റൊരു 'സെപ്റ്റംബർ 11' മോഡൽ വിമാന ദുരന്തമാകുന്നത് തടഞ്ഞതായി നെതന്യാഹു വ്യക്തമാക്കി.

കുത്തേറ്റു ഗുരുതരമായി പരിക്കേറ്റ അവസ്ഥയിലും സമയോചിതമായി ഇടപെട്ടു വലിയൊരു ദുരന്തം ഒഴിവാക്കിയ ക്യാപ്റ്റൻ സ്മിത് മച്ചാറിനെ യുഎസ് പ്രസിഡന്‍റ് ഡോണൾഡ് ട്രംപും അഭിനന്ദിച്ചു. "പുറത്തുനിന്ന് ആർക്കും എളുപ്പത്തിൽ തുറക്കാൻ കഴിയാത്ത കട്ടിയുള്ള സ്റ്റീൽ വാതിലുകളാണ് കോക്ക്പിറ്റിലുള്ളത്. രക്തത്തിൽ കുളിച്ചുകിടക്കുമ്പോഴും പൈലറ്റ് ആ വാതിൽ തുറന്നുകൊടുത്തതാണ് രക്ഷാപ്രവർത്തനത്തിൽ വഴിത്തിരിവായത്'-ട്രംപ് പറഞ്ഞു.

ദുബായ്: ഇ​സ്ര​യേ​ലി​ലെ ടെ​ൽ അ​വീ​വി​ലേ​ക്ക് 174 യാ​ത്ര​ക്കാ​രു​മാ​യി പോ​യ ഫ്ലൈ ​ദു​ബാ​യ് വി​മാ​നം സ​ഹ​പൈ​ല​റ്റ് ത​ക​ർ​ക്കാ​ൻ ശ്ര​മി​ച്ച​പ്പോ​ൾ ധീ​ര​മാ​യി പ്ര​തി​രോ​ധി​ച്ച് വ​ൻ ദു​ര​ന്തം ഒ​ഴി​വാ​ക്കി​യ ഇ​ന്ത്യ​ൻ പൈ​ല​റ്റ് ക്യാ​പ്റ്റ​ൻ സ്മി​ത് മ​ച്ചാ​ർ ലോ​ക​ത്തി​ന്‍റെ ശ്ര​ദ്ധാ​കേ​ന്ദ്ര​മാ​കു​ന്നു. കു​ട്ടി​ക്കാ​ല​ത്ത് ഒ​രി​ക്ക​ൽ പോ​ലും ഒ​രു പൈ​ല​റ്റാ​കാ​ൻ ആ​ഗ്ര​ഹി​ക്കാ​തി​രു​ന്ന സ്മി​ത്, ഇ​ന്ന് ആ​ഗോ​ള​ത​ല​ത്തി​ൽ ഒ​രു യ​ഥാ​ർ​ഥ നാ​യ​ക​നാ​യി വാ​ഴ്ത്ത​പ്പെ​ടു​ക​യാ​ണ്.

മും​ബൈ ഘാ​ട്കോ​പ്പ​ർ സ്വ​ദേ​ശി​യാ​യ സ്മി​ത് മ​ച്ചാ​റി​ന്‍റെ ആ​ദ്യ​കാ​ല സ്വ​പ്നം കു​ടും​ബ​ത്തി​ന്‍റെ തു​ണി​ത്ത​ര ബി​സി​ന​സ് ഏ​റ്റെ​ടു​ക്കു​ക എ​ന്ന​താ​യി​രു​ന്നു. ഇ​തി​നാ​യി ടെ​ക്സ്റ്റൈ​ൽ എ​ൻ​ജി​നി​യ​റിം​ഗ് കോ​ഴ്സി​നു ചേ​ർ​ന്ന അ​ദ്ദേ​ഹം മും​ബൈ​യി​ലെ വെ​ലിം​ഗ​ക്ക​ർ ഇ​ൻ​സ്റ്റി​റ്റ്യൂ​ട്ടി​ൽ മാ​നേ​ജ്മെ​ന്‍റ് പ​ഠ​ന​വും ന​ട​ത്തി. എ​ന്നാ​ൽ 19-ാം വ​യ​സി​ൽ അ​വി​ടെ ന​ട​ന്ന ഒ​രു ഏ​വി​യേ​ഷ​ൻ സെ​മി​നാ​റാ​ണ് അ​ദ്ദേ​ഹ​ത്തി​ന്‍റെ ജീ​വി​തം മാ​റ്റി​മ​റി​ച്ച​ത്.

പൈ​ല​റ്റാ​കാ​നു​ള്ള തീ​രു​മാ​നം ആ​ദ്യ​മൊ​ക്കെ അ​മ്മ​യെ ഭ​യ​പ്പെ​ടു​ത്തി​യി​രു​ന്ന​താ​യി മു​ന്പ് ന​ൽ​കി​യ ഒ​രു അ​ഭി​മു​ഖ​ത്തി​ൽ സ്മി​ത് അ​നു​സ്മ​രി​ച്ചി​ട്ടു​ണ്ട്. തു​ട​ർ​ന്ന് ന്യൂ​സി​ലാ​ൻ​ഡി​ൽ​നി​ന്ന് പൈ​ല​റ്റ് പ​രി​ശീ​ല​നം പൂ​ർ​ത്തി​യാ​ക്കി​യ അ​ദ്ദേ​ഹം സ്പൈ​സ്ജെ​റ്റ് വി​മാ​ന​ക്ക​മ്പ​നി​യി​ൽ ചേ​രു​ക​യും 11 വ​ർ​ഷ​ത്തോ​ളം അ​വി​ടെ സേ​വ​ന​മ​നു​ഷ്ഠി​ക്കു​ക​യും ചെ​യ്തു. ട്രെ​യി​നിം​ഗ് ക്യാ​പ്റ്റ​ൻ പ​ദ​വി വ​രെ ഉ​യ​ർ​ന്ന അ​ദ്ദേ​ഹം 2022ലാ​ണ് ഫ്ലൈ ​ദു​ബാ​യി​ൽ എ​ത്തു​ന്ന​ത്. ഏ​ക​ദേ​ശം 15 വ​ർ​ഷ​ത്തെ അ​നു​ഭ​വ​സ​മ്പ​ത്തും 9,750 മ​ണി​ക്കൂ​റി​ല​ധി​കം വി​മാ​നം പ​റ​ത്തി​യ പ​രി​ച​യ​സ​മ്പ​ത്തും അ​ദ്ദേ​ഹ​ത്തി​നു​ണ്ട്.

യൂ​ണി​ഫോം അ​ണി​ഞ്ഞാ​ൽ ജോ​ലി​യി​ൽ മാ​ത്രം ശ്ര​ദ്ധി​ക്കു​ക, കോ​ക്ക്പി​റ്റി​ന് പു​റ​ത്തി​റ​ങ്ങി​യാ​ൽ ഏ​വി​യേ​ഷ​നെ​ക്കു​റി​ച്ച് മി​ണ്ടാ​തി​രി​ക്കു​ക എ​ന്ന നി​ല​പാ​ടു​കാ​ര​നാ​ണ് സ്മി​ത്. നി​ല​വി​ൽ സൗ​ദി അ​റേ​ബ്യ​യി​ലെ ത​ബൂ​ക്കി​ലു​ള്ള ആ​ശു​പ​ത്രി​യി​ൽ ചി​കി​ത്സ​യി​ലു​ള്ള സ്മി​ത് സു​ഖം പ്രാ​പി​ച്ചു​വ​രി​ക​യാ​ണ്.

ടെൽ അവീവ്: ദുബായിൽനിന്ന് ടെൽ അവീവിലേക്കു പറന്ന ഫ്ലൈ ദുബായ് വിമാനത്തിൽ സഹപൈലറ്റ് നടത്തിയ ക്രൂരമായ ആക്രമണത്തിന്‍റെയും കോക്ക്പിറ്റിൽ നടന്ന അതിസാഹസികമായ പോരാട്ടത്തിന്‍റെയും കൂടുതൽ വിവരങ്ങൾ പുറത്തുവന്നു.

ഫ്ലൈ ദുബായ് വിമാനത്തിൽ സഹപൈലറ്റ് നടത്തിയ ക്രൂരമായ ആക്രമണത്തെത്തുടർന്ന് വിമാനം തകർച്ചയുടെ വക്കിലെത്തിയപ്പോൾ, ഒരു ത്രില്ലർ സിനിമയെ വെല്ലുന്ന നാടകീയമായ നീക്കത്തിലൂടെ 174 ജീവനുകൾ കാത്തത് പ്ലംബർകൂടിയായ ഇസ്രേലി യാത്രക്കാരൻ യാനിവ് ഹായൂൺ ആണ്.

വിമാനത്തിലെ ലൈറ്റുകൾ അണയുകയും ക്യാബിൻ പ്രഷറിൽ പെട്ടെന്ന് വ്യതിയാനം സംഭവിക്കുകയും ചെയ്തതോടെയാണ് എന്തോ അപകടം നടക്കാൻ പോകുന്നുവെന്ന് യാനിവ് മനസിലാക്കിയത്.

അക്രമിയായ സഹപൈലറ്റിന്‍റെ കുത്തേറ്റ് ഗുരുതരമായി പരിക്കേറ്റ ക്യാപ്റ്റൻ സ്മിത് മച്ചാർ, തന്‍റെ അവസാന ഊർജവും സംഭരിച്ച് കോക്ക്പിറ്റിന്‍റെ സ്റ്റീൽ വാതിൽ തുറന്നുകൊടുത്തതാണ് നിർണായക വഴിത്തിരിവായത്. സഹപൈലറ്റിന്‍റെ ആ​ക്ര​മ​ണ​ത്തി​ൽ ക്യാ​പ്റ്റ​ൻ സ്മി​തി​ന് ഗു​രു​ത​ര​മാ​യി പ​രി​ക്കേ​റ്റ​തോ​ടെ വി​മാ​നം ര​ണ്ടു മി​നി​റ്റി​ൽ 17,000 അ​ടി​യോ​ളം താ​ഴേ​ക്ക് പ​തി​ക്കു​ക​യാ​യി​രു​ന്നു. കോ​ക്ക്പി​റ്റി​ന്‍റെ വാ​തി​ൽ തു​റ​ന്ന​തോ​ടെ അ​ക​ത്തു​ക​യ​റി​യ യാ​നി​വ് ഹാ​യൂ​ൺ അ​ക്ര​മി​യെ പി​ന്നി​ൽനി​ന്നു പി​ടി​ച്ച് പു​റ​ത്തേ​ക്ക് വ​ലി​ച്ചി​ഴ​ച്ചു.

"ഞാൻ കോക്ക്പിറ്റിൽ കയറുമ്പോൾ ഒരു പൈലറ്റ് ചോരയിൽ കുളിച്ച് നിലത്തു കിടക്കുകയായിരുന്നു. രണ്ടാമത്തെ പൈലറ്റ് വിമാനത്തിന്‍റെ കൺട്രോൾ പാനലിൽ ആഞ്ഞടിച്ച് വിമാനം തകർക്കാൻ ശ്രമിക്കുകയായിരുന്നു," യാനിവ് വിശദീകരിച്ചു. യാനിവ് ഉടനടി അക്രമിയായ സഹപൈലറ്റിന്‍റെ കഴുത്തിൽ പിടിമുറുക്കി കോക്ക്പിറ്റിനു പുറത്തേക്കു വലിച്ചിഴച്ചു.

അക്രമിയെ പുറത്താക്കിയ ശേഷം താഴേക്കു പതിക്കുകയായിരുന്ന വിമാനത്തിന്‍റെ കൺട്രോൾ സ്റ്റിക്കിൽ യാനിവ് പിടിമുറുക്കി ശക്തിയായി പിന്നോട്ടുവലിച്ചു. അപകടകരമായ രീതിയിൽ വിമാനം നിലംപതിക്കുന്നത് തടയാൻ ഇതു സഹായിച്ചു. തുടർന്ന്, യാത്രക്കാരനായി ഉണ്ടായിരുന്ന മറ്റൊരു പൈലറ്റ് കോക്ക്പിറ്റിന്‍റെ നിയന്ത്രണം ഏറ്റെടുക്കുകയും വിമാനം സൗദി അറേബ്യയിലെ തബൂക്കിൽ സുരക്ഷിതമായി ഇറക്കുകയുമായിരുന്നു.

താൻ നാഷണൽ ജിയോഗ്രഫിക്കിലെ 'എയർ ക്രാഷ് ഇൻവെസ്റ്റിഗേഷൻ' എന്ന ജനപ്രിയ ടിവി ഷോ പതിവായി കാണാറുണ്ടെന്നും അതു കണ്ടുള്ള പരിചയം വച്ചാണ് വിമാനത്തിന്‍റെ കൺട്രോൾ സ്റ്റിക്ക് പിന്നോട്ടുവലിച്ചതെന്നും യാനിവ് പറഞ്ഞു.

ടെൽ അവീവിലെ ബെൻ ഗൂറിയൻ വിമാനത്താവളത്തിൽ തിരിച്ചെത്തിയ യാനിവിനെ ഇസ്രേലി പ്രധാനമന്ത്രി ബെഞ്ചമിൻ നെതന്യാഹു നേരിട്ടെത്തി ആലിംഗനം ചെയ്തു സ്വീകരിച്ചു. പരിക്കേറ്റ പൈലറ്റിന്‍റെ രക്തം പുരണ്ട വസ്ത്രങ്ങളോടെയാണ് പ്ലംബറായ യാനിവ് നെതന്യാഹുവിനെ കണ്ടത്.
ഇത്രയും കൃത്യമായി നിങ്ങൾ വിമാനത്തിന്‍റെ നിയന്ത്രണം ഏറ്റെടുത്തത് എങ്ങനെയാണെന്ന് നെതന്യാഹു ചോദിച്ചപ്പോൾ, "ഞാൻ 'എയർ ക്രാഷ് ഇൻവെസ്റ്റിഗേഷൻ' എന്ന ടിവി ഷോ പതിവായി കാണാറുണ്ട്" എന്നായിരുന്നു ചിരിച്ചുകൊണ്ട് യാനിവ് നൽകിയ മറുപടി.

ഹെ​ഡ്ഫോ​ൺ വ​യ​റു​ക​ൾ കൊ​ണ്ട് അ​ക്ര​മി​യെ കെ​ട്ടി​യി​ട്ടു

വി​മാ​ന​ത്തി​ലു​ണ്ടാ​യി​രു​ന്ന ഡോ​ക്‌ടറാ​യ മ​ച്ചാ​ൻ ഷോ​ട്ട മൂ​സ​യേ​വ് എ​ന്ന യാ​ത്ര​ക്കാ​ര​നാണ് ഹെ​ഡ്ഫോ​ണിന്‍റെ വ​യ​റു​ക​ളും പ്ലാ​സ്റ്റി​ക് സി​പ്‌​ടൈ​ക​ളും ഉ​പ​യോ​ഗി​ച്ച് സഹ​പൈ​ല​റ്റി​ന്‍റെ കൈ​കാ​ലു​ക​ൾ കെ​ട്ടി​യി​ട്ട് അ​ക്ര​മി​യെ പൂ​ർ​ണ​മാ​യി കീ​ഴ​ട​ക്കിയത്. തു​ട​ർ​ന്ന് ഗു​രു​ത​ര​മാ​യി പ​രി​ക്കേ​റ്റ ക്യാ​പ്റ്റ​ൻ സ്മി​ത് മ​ച്ചാ​റി​ന് അ​ടി​യ​ന്ത​ര പ്ര​ഥ​മ​ശു​ശ്രൂ​ഷ ന​ൽ​കി അ​ദ്ദേ​ഹ​ത്തി​ന്‍റെ ര​ക്ത​സ്രാ​വം നി​ർ​ത്തു​ക​യും ചെ​യ്തു.

ദു​ബാ​യ്: ദു​ബാ​യി​ൽ നി​ന്ന് ഇ​സ്ര​യേ​ലി​ലേ​ക്ക് സ​ർ​വീ​സ് ന​ട​ത്തി​യ ഫ്ലൈ​ദു​ബാ​യ് വി​മാ​ന​ത്തി​ലു​ണ്ടാ​യ അ​ടി​യ​ന്ത​ര സാ​ഹ​ച​ര്യ​ത്തെ​യും തു​ട​ർ​ന​ട​പ​ടി​ക​ളു​ടെ​യും പ​ശ്ചാ​ത്ത​ല​ത്തി​ൽ, ഇ​സ്ര​യേ​ലി​ലേ​ക്കും തി​രി​ച്ചു​മു​ള്ള എ​ല്ലാ വി​മാ​ന സ​ർ​വീ​സു​ക​ളും താ​ത്കാ​ലി​ക​മാ​യി നി​ർ​ത്തി​വെ​ക്കു​ന്ന​താ​യി ഫ്ലൈ​ദു​ബാ​യ് പ്ര​ഖ്യാ​പി​ച്ചു. ഔ​ദ്യോ​ഗി​ക അ​ന്വേ​ഷ​ണം പൂ​ർ​ത്തി​യാ​കു​ന്ന​തു​വ​രെ​യാ​ണ് ഈ ​ന​ട​പ​ടി.

ദു​ബാ​യി​ൽ നി​ന്ന് ബെ​ൻ ഗു​രി​യോ​ൺ വി​മാ​ന​ത്താ​വ​ള​ത്തി​ലേ​ക്ക് പു​റ​പ്പെ​ട്ട എ​ഫ്.​ഇ​സെ​ഡ് 1073 ബോ​യിം​ഗ് 737 മാ​ക്സ് വി​മാ​ന​മാ​ണ് കോ​ക്ക്പി​റ്റി​ലെ പൈ​ല​റ്റു​മാ​ർ ത​മ്മി​ലു​ള്ള ക​യ്യാ​ങ്ക​ളി​യെ തു​ട​ർ​ന്ന് സൗ​ദി അ​റേ​ബ്യ​യി​ലെ ത​ബൂ​ക്കി​ൽ അ​ടി​യ​ന്ത​ര​മാ​യി ഇ​റ​ക്കി​യ​ത്.

വി​മാ​ന​ത്തി​ലു​ണ്ടാ​യി​രു​ന്ന പൈ​ല​റ്റു​മാ​ർ ത​മ്മി​ലു​ണ്ടാ​യ സം​ഘ​ർ​ഷ​ത്തി​നി​ട​യി​ൽ വി​മാ​നം പെ​ട്ടെ​ന്ന് ആ​യി​ര​ക്ക​ണ​ക്കി​ന് അ​ടി താ​ഴ്ന്ന​ത് വ​ലി​യ ആ​ശ​ങ്ക​യ്ക്ക് വ​ഴി​വെ​ച്ചി​രു​ന്നു. തു​ട​ർ​ന്ന് എ​മ​ർ​ജ​ൻ​സി കോ​ഡു​ക​ൾ ന​ൽ​കു​ക​യും സൗ​ദി അ​റേ​ബ്യ​യി​ൽ സു​ര​ക്ഷി​ത​മാ​യി ലാ​ൻ​ഡ് ചെ​യ്യു​ക​യു​മാ​യി​രു​ന്നു. സം​ഭ​വ​ത്തി​ൽ സ​മ​ഗ്ര​മാ​യ അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്.