Sports
ടോക്കിയോ: ജപ്പാൻ മാസ്റ്റേഴ്സ് ബാഡ്മിന്റണ് പുരുഷ സിംഗിൾസ് സെമിഫൈനലിൽ പ്രവേശിച്ച് ലക്ഷ്യസെൻ. ജപ്പാന്റെ യുഷി തനകയെ 21-16, 21-15 സ്കോറിന് താരം പരാജയപ്പെടുത്തി.
ആതിഥേയ താരത്തിന്റെ കടുത്ത വെല്ലുവിളി അതിജീവിച്ചാണ് ജയം സ്വന്തമാക്കിയത്. അതേസമയം, കിഡംബി ശ്രീകാന്ത് പുറത്തായി.
Sports
ടോക്കിയോ: ജപ്പാൻ മാസ്റ്റേഴ്സ് ബാഡ്മിന്റണ് പുരുഷ സിംഗിൾസിൽ ഇന്ത്യയുടെ കിഡംബി ശ്രീകാന്ത് ക്വാർട്ടർ ഫൈനലിൽ പ്രവേശിച്ചു. ജപ്പാന്റെ കൊഡായി നറോക്കയെ പരാജയപ്പെടുത്തിയാണ് ക്വാർട്ടർ ഫൈനൽ പ്രവേശനം.
ഇരുതാരങ്ങളും തമ്മിലുള്ള അഞ്ച് മത്സരങ്ങളിൽ ശ്രീകാന്തിന്റെ ആദ്യ വിജയമാണിത്. ഒരു മണിക്കൂർ നീണ്ട പോരാട്ടത്തിൽ അഞ്ചാം സീഡ് താരം നറോക്കയെ 21-15, 11-21, 21-18 സ്കോറിനാണ് ശ്രീകാന്ത് പരാജയപ്പെടുത്തിയത്.
ലക്ഷ്യം മുന്നേറ്റം
സീസണിൽ മികച്ച ഫോം തുടരുന്ന ലക്ഷ്യ സെൻ ചൈനയുടെ ഡോങ് ടിയാൻ യാവോയെ പരാജയപ്പെടുത്തി ക്വാർട്ടർ ഫൈനലിൽ ഇടംപിടിച്ചു. 21-8, 21-14 സ്കോറിനായിരുന്നു ലക്ഷ്യസെന്നിന്റെ ജയം.
ട്രീസ- ഗായത്രി പുറത്ത്
ജപ്പാൻ മാസ്റ്റേഴ്സ് സൂപ്പർ 500 ടൂർണമെന്റിലെ വനിതാ ഡബിൾസ് പ്രീ-ക്വാർട്ടർ ഫൈനലിൽ ഇന്ത്യൻ വനിതാ സഖ്യം പുറത്തായി. ഇന്ത്യയുടെ ട്രീസ ജോളി- ഗായത്രി ഗോപിചന്ദ് സഖ്യമാണ് തോൽവി വഴങ്ങിയത്.
റിൻ ഇവാങ്ക- കീ നകാനിഷി സഖ്യത്തോട് 21-14, 21-14 സ്കോറിനാണ് ഇന്ത്യൻ സഖ്യം പരാജയപ്പെട്ടത്.
Sports
ന്യൂഡല്ഹി: ജര്മനിയില് നടന്ന ഹൈലോ ഓപണ് ബാഡ്മിന്റണില് ഇന്ത്യക്ക് ഇരട്ടക്കിരീടം. പുരുഷ വിഭാഗത്തില് ലക്ഷ്യ സെന്നും വനിതാ വിഭാഗത്തില് പി.വി. സിന്ധുവും ജേതാക്കളായി. ഫൈനലില് രണ്ട് പേരും നേരിട്ട ഗെയിമുകള്ക്ക് ജയിച്ചു.
ഫൈനലില് ഇന്തോനേഷ്യയുടെ ലോക ആറാം നമ്പര് താരം ജോനാഥന് ക്രിസ്റ്റിയെയാണ് ലക്ഷ്യ സെന് തോല്പ്പിച്ചത് (21-17, 21-10). പി.വി. സിന്ധു ഡെന്മാര്ക്കിന്റെ ലൈന് ക്യേര്സ്ഫെല്ഡിനെ 21-12,21-14 ന് കീഴടക്കി. 39 മിനുട്ടില് സിന്ധു ഫൈനല് ജയിച്ചു. ഈ വര്ഷം സിന്ധു നേടുന്ന രണ്ടാമത്തെ ബിഡബ്ല്യുഎഫ് കിരീടമാണിത്.
ഇന്തോനേഷ്യന് താരം ക്രിസ്റ്റിയുമായി നേര്ക്കു നേര് വന്ന എട്ടാം മത്സരത്തില് ജയിച്ച ലക്ഷ്യ സെന്, ഹെഡ് ടു ഹെഡ് റെക്കോര്ഡ് 4-4ന് തുല്യമാക്കുകയും ചെയ്തു.
Sports
ഡെൻമാർക്ക്: തോമസ്- യൂബർ കപ്പ് ബാഡ്മിന്റനിൽ ഇന്ത്യൻ കുതിപ്പ്. ഓസ്ട്രേലിയയെ പരാജയപ്പെടുത്തി ഇന്ത്യ ക്വാർട്ടർ ഫൈനലിൽ കടന്നു.
സ്വാതിക്- ചിരാഗ് ഡബിൾസ് സഖ്യവും ആയുഷ് ഷെട്ടി, ലക്ഷ്യ സെൻ എന്നിവരും ഇന്ത്യൻ നിരയിൽ ജയം നേടി. നേരത്തേ കാനഡയെ 4-1ന് ഇന്ത്യ പരാജയപ്പെടുത്തിയിരുന്നു.
തോമസ് കപ്പിൽ ഒരു കളി പോലും തോൽവി വഴങ്ങാതെ ഇന്ത്യ ഓസ്ട്രേലിയയെ 5-0ന് പരാജയപ്പെടുത്തി ഗ്രൂപ്പ് എയിൽ ഒന്നാമതെത്തി.
പുരുഷ സിംഗിൾസ് ആദ്യ മത്സരത്തിൽ ലക്ഷ്യ സെൻ സാമിനെ 21-14, 21-16 നേരിട്ടുള്ള ഗെയിമുകൾക്ക് തോൽപ്പിച്ചു.
ഏഷ്യൻ ചാന്പ്യൻഷിപ്പ് വെള്ളി മെഡൽ ജേതാവായ ആയുഷ് ഷെട്ടി ശ്രേ ധണ്ടിനെ 21-8, 21-6 സ്കോറിന് പരാജയപ്പെടുത്തി. വെറും 26 മിനിറ്റ് മാത്രം നീണ്ട പോരാട്ടത്തിൽ ആയുഷ് ഷെട്ടി വെല്ലുവിളി നേരിട്ടില്ല.
സാത്വിക് സായ്രാജ് രങ്കിറെഡ്ഡി- ചിരാഗ് ഷെട്ടി സഖ്യം ഇന്ത്യക്ക് ഓസ്ട്രേലിയയ്ക്കെതിരേ 3-0 എന്ന അപരാജിത ലീഡ് നൽകി. 21-14, 21-16 സ്കോറിന് റിസ്കി ഹിദായത്ത്, ജാക്ക് യു സഖ്യത്തെ പരാജയപ്പെടുത്തി.
മൂന്നാം സിംഗിൾസ് മത്സരത്തിൽ എച്ച്.എസ്. പ്രണോയ് ഋഷി ഹോണ്ട ഭൂപതിയെ 21-11, 21-17 സ്കോറിന് പരാജയപ്പെടുത്തി.
Sports
ലണ്ടൻ: ഓൾ ഇംഗ്ലണ്ട് ഓപ്പൺ ബാഡ്മിന്റണിൽ ഫൈനലിൽ കടന്ന് ഇന്ത്യൻ താരം ലക്ഷ്യ സെൻ. പുരുഷ സിംഗിൾസ് സെമിഫൈനലിൽ കാനഡയുടെ വിക്ടർ ലായ്യെ പരാജയപ്പെടുത്തിയാണ് ലക്ഷ്യ ഫൈനലിലെത്തിയത്.
സെമിയിൽ ഒന്നിനെതിരെ രണ്ട് ഗെയിമുകൾക്കാണ് ലക്ഷ്യ വിജയിച്ചത്. ആദ്യ ഗെയിം ലക്ഷ്യ ജയിച്ചപ്പോൾ രണ്ടാം ഗെയിം സ്വന്തമാക്കി വിക്ടർ ലായ് ഒപ്പമെത്തി. എന്നാൽ മൂന്നാം ഗെയിം വിജയിച്ച് ലക്ഷ്യം മത്സരം സ്വന്തമാക്കുകയായിരുന്നു. സ്കോർ: 21-16, 18-21, 21-15.
97 മിനിറ്റാണ് മത്സരം നീണ്ടുനിന്നത്. ഫൈനലിൽ ചൈനീസ് തായ്പേയ് താരം ലിൻ ചുൻ-യി ആണ് ലക്ഷ്യയുടെ എതിരാളി.
Sports
ലണ്ടൻ: ഓൾ ഇംഗ്ലണ്ട് ഓപ്പൺ ബാഡ്മിന്റണിന്റെ ആദ്യ റൗണ്ട് പോരാട്ടത്തിൽ ഇന്ത്യയുടെ ലക്ഷ്യ സെന്നിന് തകർപ്പൻ ജയം. ഇന്ന് നടന്ന പുരുഷ സിംഗിൾസ് മത്സരത്തിൽ ചൈനയുടെ ഷീ യൂക്കിയെ തോൽപ്പിച്ചു.
മത്സരത്തിൽ ഒന്നിനെതിരെ രണ്ട് ഗെയിമുകൾക്കാണ് ലക്ഷ്യ വിജയിച്ചത്. ആദ്യ ഗെയിം ലക്ഷ്യ നേടിയപ്പോൾ രണ്ടാം ഗെയിമിൽ ചൈനീസ് താരമാണ് വിജയിച്ചത്. എന്നാൽ മൂന്നാം ഗെയിം സ്വന്തമാക്കിയ ലക്ഷ്യ മത്സരത്തിൽ വിജയിക്കുകയായിരുന്നു. സ്കോർ: 23-21, 19-21, 21-17.
68 മിനിറ്റാണ് മത്സരം നീണ്ടുനിന്നത്. ബിർമിംഗ്ഹാമിലെ യൂട്ടിലിറ്റ അരേനയായിരുന്നു മത്സരവേദി.
Sports
ന്യൂഡല്ഹി: ഇന്ത്യ ഓപ്പണ് ബാഡ്മിന്റണ് പുരുഷ സിംഗിള്സില് ലക്ഷ്യ സെന് പുറത്ത്. ക്വാര്ട്ടറില് തായ്വാന്റെ ചുന് യി ലിന്നിനോട് മൂന്ന് ഗെയിം നീണ്ട പോരാട്ടത്തിനൊടുവിലാണ് ഇന്ത്യൻ യുവതാരം അടിയറവ് പറഞ്ഞത്. സ്കോർ: 21-17, 13-21, 18-21.
ലോക 14-ാം നമ്പർ താരമായ ലക്ഷ്യ ആദ്യ ഗെയിം നേടിയ ശേഷമാണ് മത്സരത്തിൽ തോൽവി വഴങ്ങിയത്. തായ്വാൻ താരത്തിനെതിരേ രണ്ടാം ഗെയിമിലും ലക്ഷ്യ മികച്ച രീതിയിൽ തുടങ്ങിയെങ്കിലും മികവ് നിലനിർത്താനായില്ല.
5-2 എന്ന നിലയിൽ രണ്ടാം ഗെയിമിൽ മുന്നിട്ടുനിന്ന താരം പിന്നീട് 5-11 എന്ന നിലയിലേക്ക് പിന്നിലായി. ഒരു പോയിന്റ് പോലും ലക്ഷ്യക്ക് നൽകാതെ തായ്വാൻ താരം ഒൻപത് തുടർ പോയിന്റുകൾ നേടിയാണ് മത്സരത്തിലേക്ക് തിരിച്ചെത്തിയത്.
Sports
ന്യൂഡൽഹി: ഇന്ത്യ ഓപ്പൺ ബാഡ്മിന്റണിൽ ലക്ഷ്യ സെന്നിന് തകർപ്പൻ ജയം. ഇന്ന് നടന്ന ആദ്യ റൗണ്ട് മത്സരത്തിൽ ആയുഷ് ഷെട്ടിയെയാണ് ലക്ഷ്യ പരാജയപ്പെടുത്തിയത്.
നേരിട്ടുള്ള ഗെയിമുകൾക്കായിരുന്നു ലക്ഷ്യയുടെ വിജയം. 36 മിനിറ്റ് മാത്രമാണ് മത്സരം നീണ്ടുനിന്നത്.
സ്കോർ: 21-12, 21-15.
വ്യാഴാഴ്ച നടക്കുന്ന രണ്ടാം റൗണ്ട് പോരാട്ടത്തിൽ കെന്റാ നിഷിമോട്ടോയാണ് ലക്ഷ്യയുടെ എതിരാളി. രാവിലെ ഒമ്പതിനാണ് മത്സരം നടക്കുക.
Sports
ക്വലാലംപുർ: മലേഷ്യ ഓപ്പൺ ബാഡ്മിന്റൺ പുരുഷ സിംഗിൾസിൽ ഇന്ത്യൻ താരം ലക്ഷ്യ സെന്നിന് ജയം. ഇന്ന് നടന്ന ആദ്യ റൗണ്ട് പോരാട്ടത്തിൽ സിംഗപ്പുരിന്റെ ജിയാ ഹെംഗ് ജേസണെയാണ് ലക്ഷ്യ തോൽപ്പിച്ചത്.
ഒന്നിനെതിരെ രണ്ട് ഗെയിമുകൾക്കായിരുന്നു ലക്ഷ്യയുടെ ജയം. ആദ്യ ഗെയിം ലക്ഷ്യ സ്വന്തമാക്കിയപ്പോൾ രണ്ടാം ഗെയിമിൽ ജേസൺ വിജയിച്ചു.
നിർണായകമായ മൂന്നാം ഗെയിം വിജയിച്ചുകൊണ്ടാണ് ലക്ഷ്യ മത്സരം സ്വന്തമാക്കിയത്. സ്കോർ: 21-16, 15-21, 21-14.
Sports
മെൽബൺ: ഓസ്ട്രേലിയൻ ഓപ്പൺ ബാഡ്മിന്റണിലെ പുരുഷ സിംഗിൾസ് വിഭാഗത്തിൽ കിരീടം സ്വന്തമാക്കി ഇന്ത്യൻ താരം ലക്ഷ്യ സെൻ. ഫൈനലിൽ ജപ്പാന്റെ യുഷി ടനാക്കയെ തോൽപ്പിച്ചാണ് ലക്ഷ്യ കിരീടം സ്വന്തമാക്കിയത്.
നേരിട്ടുള്ള ഗെയിമുകൾക്കായിരുന്നു ലക്ഷ്യയുടെ വിജയം. സ്കോർ 21-15,21-11. 38 മിനിറ്റാണ് മത്സരം നീണ്ടുനിന്നത്.
ഈ വർഷത്തെ ലക്ഷ്യയുടെ ആദ്യ കിരീട നേട്ടമാണ്. ഓസ്ട്രേലിയൻ ഓപ്പൺ കിരീടം സ്വന്തമാക്കുന്ന രണ്ടാമത്തെ ഇന്ത്യൻ പുരുഷ താരമാണ് ലക്ഷ്യ. 2017ൽ കിഡംബി ശ്രീകാന്ത് ഓസ്ട്രേലിയൻ ഓപ്പൺ കിരീടത്തിൽ മുത്തമിട്ടിരുന്നു.
ശനിയാഴ്ച നടന്ന സെമിയിൽ ചൈനീസ് തായ്പേയ്യുടെ ചൗ ടിയൻ ചെനിനെ പരാജയപ്പെടുത്തിയാണ് ലക്ഷ്യ ഫൈനലിലേയ്ക്ക് മുന്നേറിയത്. ആദ്യ ഗെയിം നഷ്ടപ്പെട്ട ലക്ഷ്യ അടുത്ത രണ്ട് ഗെയിമുകളിലും വിജയിക്കുകയായിരുന്നു. സ്കോർ 17-21, 24-22, 21-15. 86 മിനിറ്റാണ് മത്സരം നീണ്ടു നിന്നത്.
Sports
മെൽബൺ: ഓസ്ട്രേലിയൻ ഓപ്പൺ ബാഡ്മിന്റണിൽ ഇന്ത്യയുടെ ലക്ഷ്യ സെൻ ഫൈനലിൽ. ഇന്ന് നടന്ന സെമിയിൽ ചൈനീസ് തായ്പേയ്യുടെ ചൗ ടിയൻ ചെനിനെ പരാജയപ്പെടുത്തിയാണ് ലക്ഷ്യ ഫൈനലിലേയ്ക്ക് മുന്നേറിയത്.
ആദ്യ ഗെയിം നഷ്ടപ്പെട്ട ലക്ഷ്യ അടുത്ത രണ്ട് ഗെയിമുകളിലും വിജയിക്കുകയായിരുന്നു. സ്കോർ 17-21, 24-22, 21-15. 86 മിനിറ്റാണ് മത്സരം നീണ്ടു നിന്നത്.
ഞായറാഴ്ചയാണ് ഫൈനൽ പോരാട്ടം. ജപ്പാന്റെ യുഷി ടനാക്കയാണ് ഫൈനലിൽ ലക്ഷ്യയുടെ എതിരാളി.
Sports
മെൽബൺ: ഓസ്ട്രേലിയൻ ഓപ്പൺ ബാഡ്മിന്റണിൽ ഇന്ത്യയുടെ ലക്ഷ്യ സെൻ സെമിയിൽ. വെള്ളിയാഴ്ച നടന്ന ക്വാർട്ടർ ഫൈനലിൽ ഇന്ത്യയുടെ തന്നെ ആയുഷ് ഷെട്ടിയെയാണ് ലക്ഷ്യ തോൽപ്പിച്ചത്.
നേരിട്ടുള്ള ഗെയിമുകൾക്കായിരുന്നു ലക്ഷ്യയുടെ വിജയം. സ്കോർ 23-21,21-11. 52 മിനിറ്റാണ് മത്സരം നീണ്ടു നിന്നത്.
ഇന്ന് നടക്കുന്ന സെമിയിൽ തായ്വാന്റെ ടി.സി. ചൗവ് ആണ് ലക്ഷ്യയുടെ എതിരാളി. ഇന്ത്യൻ സമയം രാവില ഒമ്പതിനാണ് മത്സരം.
Sports
മെല്ബണ്: ഓസ്ട്രേലിയന് ഓപ്പണ് ബാഡ്മിന്റണ് പുരുഷ സിംഗിള്സ് ക്വാര്ട്ടറില് ഇന്ത്യന് പോരാട്ടം. ഇന്ത്യന് താരങ്ങളായ ലക്ഷ്യ സെന്നും ആയുഷ് ഷെട്ടിയും ക്വാര്ട്ടറില് ഏറ്റുമുട്ടും. അതേസമയം, കിഡംബി ശ്രീകാന്ത്, എച്ച്.എസ്. പ്രണോയ്, തരുണ് മണ്ണേപ്പള്ളി എന്നിവര് പ്രീക്വാര്ട്ടറില് പുറത്തായി.
അട്ടിമറിച്ച് ആയുഷ്
നാലാം സീഡും ലോക എട്ടാം നമ്പറുമായ കോടൈ നരയോകയെ അട്ടിമറിച്ചാണ് ആയുഷ് ഷെട്ടിയുടെ ക്വാര്ട്ടര് പ്രവേശം; 21-17, 21-16. ചൈനീസ് തായ്പേയിയുടെ ചി യു ജെന്നിനെ കീഴടക്കിയാണ് ഏഴാം സീഡായ ലക്ഷ്യ സെന് അവസാന എട്ടില് ഇടം നേടിയത്. സ്കോര്: 21-17, 13-21, 21-13.
പുരുഷ ഡബിള്സില് ഒന്നാം സീഡായ ഇന്ത്യയുടെ സ്വാതിക് - ചിരാഗ് ഷെട്ടി സഖ്യം ക്വാര്ട്ടറില് പ്രവേശിച്ചു. ചൈനീസ് തായ് പേയിയുടെ സു ചിങ് ഹെങ് - വു ഗ്വാന് സണ് സഖ്യത്തെയാണ് സ്വാതിക് - ചിരാഗ് കൂട്ടുകെട്ട് തോല്പ്പിച്ചത്; 21-18, 21-11.
Sports
ടോക്കിയോ: ജപ്പാന് മാസ്റ്റേഴ്സ് ബാഡ്മിന്റണ് പുരുഷ സിംഗിള്സില് ഇന്ത്യയുടെ ലക്ഷ്യ സെന് സെമിയില്. സിംഗപ്പുരിന്റെ ലോഹ് കീന് യെവിനെ നേരിട്ടുള്ള ഗെയിമിനാണ് ലക്ഷ്യ സെന് കീഴടക്കിയത്. സ്കോര്: 21-13, 21-17.
Sports
സാർലാൻഡ്ഹാൾ: ഹൈലോ ഓപ്പണ് സൂപ്പർ 500 ടൂർണമെന്റ് പുരുഷ സിംഗിൾസ് ബാഡ്മിന്റണ് പ്രീ ക്വാർട്ടർഫൈനലിൽ കടന്ന് ഇന്ത്യയുടെ ലക്ഷ്യ സെൻ. അഞ്ചാം സീഡ് ഫ്രാൻസിന്റെ ക്രിസ്റ്റോ പോപോവിനെ നേരിട്ടുള്ള ഗെയിമുകൾക്ക് പരാജയപ്പെടുത്തിയാണ് ലക്ഷ്യ സെൻ പ്രീ-ക്വാർട്ടറിൽ പ്രവേശിച്ചത്.
ലക്ഷ്യ അടുത്ത മത്സരത്തിൽ സ്വന്തം നാട്ടുകാരനായ എസ്. ശങ്കർ മുത്തുസാമി സുബ്രഹ്മണ്യനെ നേരിടും. ആദ്യ റൗണ്ടിൽ മലേഷ്യയുടെ ജുൻ ഹാവോ ലിയോങ്ങിനെ 21-14, 18-21, 21-16 സ്കോറിന് പരാജയപ്പെടുത്തിയാണ് സുബ്രഹ്മണ്യൻ പ്രീ ക്വാർട്ടറിൽ കടന്നത്.
അതേസമയം പുരുഷ സിംഗിൾസിൽ ഇന്ത്യയുടെ കിഡംബി ശ്രീകാന്ത് സ്വന്തം നാട്ടുകാരനായ കിരണ് ജോർജിനോട് 19-21, 11-21 സ്കോറിന് പരാജയപ്പെട്ടു.