2

തൃശൂർ: ഗാന്ധിനഗറിൽ ആന ഇടഞ്ഞ് പരിഭ്രാന്തി പരത്തിയ സ്ഥലം സന്ദർശിച്ച് മന്ത്രി ഒ.ജെ. ജനീഷ്. രാജൻ ജെ. പല്ലൻ എംഎൽഎ, മേയർ നിജി ജസ്റ്റിൻ എന്നിവരും മന്ത്രിക്കൊപ്പമെത്തിയിരുന്നു. തുടർന്ന് സംഘം നാശനഷ്ടങ്ങൾ വിലയിരുത്തി.

ഇന്നു രാവിലെ എട്ടോടെയാണ് ശി​വ​ല​ക്ഷ്മി അ​യ്യ​പ്പ​ൻ എ​ന്ന ആ​ന ഇ​ട​ഞ്ഞ​ത്. ന​ഗ​ര​ത്തി​ൽ​നി​ന്ന് കി​ലോ​മീ​റ്റ​റു​ക​ളോ​ളം ഇ​ട​ഞ്ഞോ​ടി​യ ആ​ന ജ​ന​വാ​സ​മേ​ഖ​ല​യി​ൽ നി​ര​വ​ധി നാ​ശ​ന​ഷ്ട​ങ്ങ​ൾ സൃ​ഷ്ടി​ച്ചു.

തൃ​ശൂ​ർ ടൗ​ൺ ഹാ​ൾ പ​രി​സ​ര​ത്തു​നി​ന്ന് നായയെ​ക്ക​ണ്ടു ഭ​യ​ന്നാ​ണ് ആ​ന ഓടി​യ​തെ​ന്നു പ​റ​യു​ന്നു. ഒ​ടു​വി​ൽ ര​ണ്ട​ര മ​ണി​ക്കൂ​റി​നു​ശേ​ഷം ന​ഗ​ര​ത്തി​ൽ​നി​ന്ന് മൂ​ന്നു​കി​ലോ​മീ​റ്റ​ർ അ​ക​ലെ ചേ​റൂ​ർ ഗാ​ന്ധി​ന​ഗ​ർ സ്ട്രീ​റ്റി​ലാ​ണു ആ​ന​യെ ത​ള​യ്ക്കാ​നാ​യ​ത്. ഈ ​മേ​ഖ​ല​യി​ലാ​ണ് ആ​ന കൂ​ടു​ത​ൽ നാ​ശ​ന​ഷ്ട​ങ്ങ​ൾ വ​രു​ത്തി​യ​ത്.

ഇ​ട​ഞ്ഞോ​ടി​യ ആ​ന വീ​ടു​ക​ളു​ടെ മേ​ൽ​ക്കൂ​ര​യും കാ​ർ​ഷെ​ഡു​ക​ളും മ​തി​ലു​ക​ളും ഗേ​റ്റു​ക​ളും വാ​ഹ​ന​ങ്ങ​ളും ത​ക​ർ​ത്തു പ​രി​ഭ്രാ​ന്തി​സൃ​ഷ്ടി​ച്ചു. ആ​ന​യ്ക്കൊ​പ്പ​മു​ണ്ടാ​യി​രു​ന്ന പാ​പ്പാ​ൻ​മാ​ർ ആ​ന​യു​ടെ പ​ട​മെ​ടു​ക്കാ​ൻ ശ്ര​മി​ച്ച പ​ത്ര ഫോ​ട്ടോ​ഗ്രാ​ഫ​ർ​മാ​രോ​ടു ക​യ​ർ​ക്കു​ക​യും ആ​ക്ര​മി​ക്കു​ക​യും ചെ​യ്തു. പാ​പ്പാ​ന്‍റെ ആ​ക്ര​മ​ണ​ത്തി​ൽ ഫോ​ട്ടോ​ഗ്രാ​ഫ​ർ വി​ഘ്നേ​ഷി​നു പ​രി​ക്കേ​റ്റു. മ​റ്റൊ​രു ഫോ​ട്ടോ​ഗ്രാ​ഫ​ർ റാ​ഫി എം.​ദേ​വ​സി​യെ​യും പാ​പ്പാ​ൻ​മാ​ർ ആ​ക്ര​മി​ച്ചു.

റോ​ഡി​ലൂ​ടെ മാ​ത്ര​മ​ല്ല, വീ​ടു​ക​ളു​ടെ മ​തി​ലു​ക​ൾ ചാ​ടി​ക്ക​ട​ന്നും ത​ക​ർ​ത്തു​മാ​ണ് ആ​ന ഓ​ട്ടം തു​ട​ർ​ന്ന​ത്. ഇ​തി​നി​ടെ​യാ​ണ ആ​ന വീ​ടു​ക​ളു​ടെ മേ​ൽ​ക്കൂ​ര​ക​ളും വീ​ടി​നു​മു​ന്നി​ലെ ഇ​രു​മ്പു​ഷീ​റ്റ് മേ​ഞ്ഞ കാ​ർ ഷെ​ഡു​ക​ളും ഗേ​റ്റു​ക​ളും ത​ക​ർ​ത്ത​ത്. വാ​ഴ​ക​ളും മ​റ്റു മ​ര​ങ്ങ​ളും ചെ​ടി​ക​ളും കു​ത്തി​മ​റി​ച്ചി​ട്ടു​ണ്ട്. ആ​ക്ര​മ​ണ​ത്തി​നി​ടെ ആ​ന​യു​ടെ മ​സ്ത​ക​ത്തി​ലും തുമ്പി​ക്കൈയിലും ചെ​വി​യി​ലും കൊ​മ്പി​ന​രി​കി​ലും പ​രി​ക്കേ​റ്റു. ഇ​തി​ൽ​നി​ന്ന് ചോ​ര ഒ​ഴു​കു​ന്നു​ണ്ടാ​യി​രു​ന്നു. ഒ​രു കാ​ർ ആ​ന കൊമ്പു​കൊ​ണ്ട് കു​ത്തി​മ​റി​ച്ചി​ട്ടു.

രാ​വി​ലെ ഓ​ഫീ​സ് സ​മ​യ​മാ​യ​തി​നാ​ൽ റോ​ഡി​ൽ ന​ല്ല തി​ര​ക്കു​ണ്ടാ​യി​രു​ന്നു. പ​ല​രും ആ​ന ഓടി​വ​രു​ന്ന​തു​ക​ണ്ട് വാ​ഹ​ന​ങ്ങ​ൾ ഉ​പേ​ക്ഷി​ച്ചും വ​ഴി​തി​രി​ച്ചു ​പോ​യുമാ​ണു ര​ക്ഷ​പ്പെ​ട്ട​ത്. ആ​ന​യ്ക്കു​മുമ്പി​ൽ​പെ​ട്ട ഒ​രു ഇ​രു​ച​ക്ര​വാ​ഹ​ന യാ​ത്രി​ക​ൻ വാ​ഹ​നം ഉ​പേ​ക്ഷി​ച്ച് ഓ​ടി​ ര​ക്ഷ​പ്പെ​ടു​ക​യാ​യി​രു​ന്നു.

ആ​ന ഓ​ടു​ന്ന​തി​നി​ടെ പാ​പ്പാ​ൻ​മാ​രും നാ​ട്ടു​കാ​രും ആ​ന​യു​ടെ പി​ന്നാ​ലെ​ക്കൂ​ടി. വീ​ടു​ക​ളു​ടെ മു​ന്നി​ൽ നി​ല​യു​റ​പ്പി​ച്ച ആ​ന​യെ അ​നു​ന​യി​പ്പി​ക്കാ​ൻ പാ​പ്പാ​ൻ​മാ​രും മ​റ്റും ആ ​വീ​ടു​ക​ളി​ൽ​നി​ന്നു​ത​ന്നെ വെ​ള്ളം ശേ​ഖ​രി​ച്ച് ആ​ന​യെ ന​ന​ച്ചു​കൊ​ണ്ടി​രു​ന്നു.

മ​തി​ലു​ക​ൾ ചാ​ടി​ക്ക​ട​ന്ന് ആ​ന പ​ല​വീ​ടു​ക​ളി​ൽ എ​ത്തി​യ​പ്പോ​ഴും അ​തു തു​ട​ർ​ന്നു. ഇ​തി​നി​ടെ​യാ​ണ് പാപ്പാൻമാർ വീ​ട്ടു​കാ​രോ​ടും പ​ത്ര​ഫോ​ട്ടോ​ഗ്രാ​ഫ​ർ​മാ​രോ​ടും നാ​ട്ടു​കാ​രോ​ടും ക​യ​ർ​ത്ത​ത്. വാ​ഹ​ന​ത്തി​ൽ വ​രു​ന്ന​വ​രോ​ടും വീ​ട്ടു​കാ​രോ​ടും ആ​ളു​ക​ൾ ആ​ന വി​ര​ണ്ടോ​ടു​ന്ന കാ​ര്യം വി​ളി​ച്ചു​പ​റ​ഞ്ഞു മു​ന്ന​റി​യി​പ്പു ന​ല്കി​ക്കൊ​ണ്ടി​രു​ന്നു.

ആ​ന ഇ​ട​ഞ്ഞ് ഒ​ന്ന​ര മ​ണി​ക്കൂ​റി​നു​ശേ​ഷ​മാ​ണ് പോ​ലീ​സ് അ​ട​ക്ക​മു​ള്ള ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി‍​യ​ത്. രാ​ജ​ൻ പ​ല്ല​ൻ എം​എ​ൽ​എ, മേ​യ​ർ ഡോ. ​നി​ജി ജ​സ്റ്റി​ൻ, കൗ​ൺ​സി​ല​ർ​മാ​ർ തു​ട​ങ്ങി​യ ജ​ന​പ്ര​തി​നി​ധി​ക​ൾ സ്ഥ​ല​ത്ത് എ​ത്തി​യ​രു​ന്നു. ഇ​വ​രാ​ണു ക​ള​ക്ട​റെ​യും മ​റ്റും വി​ളി​ച്ചു കാ​ര്യം അ​റി​യി​ച്ച​ത്.

ആ​ന​യെ മ​യ​ക്കു​വെ​ടി​വ​ച്ചു ത​ള​യ്ക്കേ​ണ്ടി​വ​രു​മോ​യെ​ന്നും ആ​ലോ​ച​ന​യു​ണ്ടാ​യി​രു​ന്നു. എ​ലി​ഫ​ന്‍റ് സ്ക്വാ​ഡും സ്ഥ​ല​ത്ത് എ​ത്തി​യി​രു​ന്നു. ഇ​തി​നി​ടെ​യാ​ണ് ആ​ന​യെ പാ​പ്പാ​ൻ​മാ​ർ വടംകൊണ്ടും ചങ്ങല കൊണ്ടും മ​ര​ത്തി​ൽ​ ബന്ധിച്ചു ത​ള​ച്ച​ത്. നി​ല​വി​ൽ വീ​ടു​ക​ൾ ധാ​രാ​ള​മു​ള്ള മേ​ഖ​ല​യി​ലാ​ണ് ആ​ന​യെ ത​ള​ച്ചി​ട്ടു​ള്ള​ത്.

കൊ​ച്ചി: ചൊ​വ്വാ​ഴ്ച വൈ​കു​ന്നേ​ര​മു​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ക​ന​ത്ത നാ​ശം. മ​ര​ങ്ങ​ൾ ക​ട​പു​ഴ​കി വീ​ണും വൈ​ദ്യു​തി പോ​സ്റ്റു​ക​ൾ ത​ക​ർ​ന്നും റോ​ഡ് ഗ​താ​ഗ​ത​വും വൈ​ദ്യു​തി വി​ത​ര​ണ​വും താ​റു​മാ​റാ​യി. കോ​ട്ട​യം, എ​റ​ണാ​കു​ളം ജി​ല്ല​ക​ളി​ലാ​ണ് കാ​റ്റും മ​ഴ​യും ക​ന​ത്ത നാ​ശം വി​ത​ച്ച​ത്.

കോ​ട്ട​യം ഉ​ഴ​വൂ​ർ ആ​ൽ​പ്പാ​റ​യി​ൽ മ​രം വീ​ണ് വൈ​ദ്യു​തി പോ​സ്റ്റു​ക​ൾ ത​ക​ർ​ന്നു. വ​ഴി​യോ​ര​ത്ത് നി​ന്നി​രു​ന്ന മ​രം വൈ​ദ്യു​തി ലൈ​നി​ലേ​ക്ക് വീ​ഴു​ക​യാ​യി​രു​ന്നു. ഇ​തി​ലൊ​ന്ന് റോ​ഡി​ലൂ​ടെ വ​രി​ക​യാ​യി​രു​ന്ന ഓ​ട്ടോ​റി​ക്ഷ​യ്ക്ക് മു​ക​ളി​ലേ​ക്കാ​ണ് പ​തി​ച്ച​ത്. അ​പ​ക​ട​ത്തി​ൽ ഓ​ട്ടോ ഡ്രൈ​വ​ർ ബാ​ബു​വി​നും യാ​ത്ര​ക്കാ​ര​നാ​യ ജോ​യി​ക്കും പ​രി​ക്കേ​റ്റു.

ഇ​വ​രെ ഉ​ട​ൻ ത​ന്നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. മ​ര​ങ്ങ​ളും പോ​സ്റ്റു​ക​ളും റോ​ഡി​ൽ വീ​ണ​തോ​ടെ പൂ​വ​ത്തി​ങ്ക​ൽ, ഉ​ഴ​വൂ​ർ, മോ​നി​പ്പ​ള്ളി ഭാ​ഗ​ങ്ങ​ളി​ലേ​ക്കു​ള്ള ഗ​താ​ഗ​തം ത​ട​സ​പ്പെ​ട്ടു. മൂ​വാ​റ്റു​പു​ഴ​യി​ൽ കൊ​ച്ചി-​ധ​നു​ഷ്‌​കോ​ടി പാ​ത​യോ​ര​ത്തു​ള്ള കാ​ർ ഷോ​റൂ​മി​ന് ശ​ക്ത​മാ​യ കാ​റ്റി​ൽ വ​ലി​യ നാ​ശ​ന​ഷ്ടം സം​ഭ​വി​ച്ചു.

ഷോ​റൂ​മി​ന്‍റെ ഷീ​റ്റ് മേ​ഞ്ഞ മേ​ൽ​ക്കൂ​ര പൂ​ർ​ണ​മാ​യും ത​ക​ർ​ന്ന് പാ​ർ​ക്ക് ചെ​യ്തി​രു​ന്ന കാ​റു​ക​ൾ​ക്ക് മു​ക​ളി​ലേ​ക്ക് വീ​ണു. ല​ക്ഷ​ക്ക​ണ​ക്കി​ന് രൂ​പ​യു​ടെ ന​ഷ്ട​മാ​ണ് ഇ​വി​ടെ ക​ണ​ക്കാ​ക്കു​ന്ന​ത്. കോ​ത​മം​ഗ​ലം കു​ട്ട​മ്പു​ഴ മേ​ഖ​ല​യി​ലും കാ​റ്റി​ൽ വ​ൻ നാ​ശ​ന​ഷ്ടം സം​ഭ​വി​ച്ചു.

തി​രു​വ​ന​ന്ത​പു​രം: നെ​ടു​മ​ങ്ങാ​ട് -ക​ര​കു​ളം മു​ല്ല​ശേ​രി​യി​ൽ ഇ​ടി​മി​ന്ന​ലേ​റ്റ് വീ​ടു​ക​ൾ​ക്ക് നാ​ശം. മു​ല്ല​ശേ​രി സ്വ​ദേ​ശി​ക​ളാ​യ രാ​ധാ​കൃ​ഷ്ണ​ൻ നാ​യ​ർ , ഗി​രി​ജ കു​മാ​രി , കൃ​ഷ്ണ​കു​മാ​ർ , മ​ധു​സൂ​ദ​ന​ൻ നാ​യ​ർ , ര​വീ​ന്ദ്ര​ൻ നാ​യ​ർ എ​ന്നി​വ​രു​ടെ വീ​ടു​ക​ളി​ലെ വൈ​ദ്യു​തോ​പ​ക​ര​ണ​ങ്ങ​ൾ​ക്ക് നാ​ശം ഉ​ണ്ടാ​യി.

ഗി​രി​ജ കു​മാ​രി​യു​ടെ​യും രാ​ധാ​കൃ​ഷ്ണ​ൻ നാ​യ​രു​ടെ​യും വീ​ടു​ക​ളി​ലെ ഭി​ത്തി​ക​ൾ​ക്ക് വി​ള്ള​ൽ ഉ​ണ്ടാ​കു​ക​യും ജ​ന്ന​ൽ ചി​ല്ലു​ക​ൾ ത​ക​രു​ക​യും ചെ​യ്തു. ഗി​രി​ജ കു​മാ​രി​യു​ടെ മ​ക​ൻ അ​നീ​ഷി​ന് പൊ​ള്ള​ലേ​റ്റു. ക​ഴി​ഞ്ഞ ദി​വ​സം വൈ​കി​ട്ടാ​ണ് അ​പ​ക​ടം ന​ട​ന്ന​ത്.

മരുതോങ്കര: മരുതോങ്കരയിലുണ്ടായ ചുഴലിക്കാറ്റിൽ വ്യാപക നാശ നഷ്ടം. കെട്ടിടങ്ങളുടെ മേൽ കൂരയിലെ ഷീറ്റുകൾ പാറിപ്പറന്നു. കൃഷികൾ നശിച്ചു.

മരുതോങ്കര സെന്‍റ് മേരീസ് ഫൊറോനാ പള്ളി പാരീഷ് ഹാളിന്‍റെ മേൽ കൂരയുടെ ഷീറ്റുകളാണ് കാറ്റിൽ വൻതോതിൽ പാറിപ്പറന്ന് നഷ്ടപ്പെട്ടത്.

വൈകുന്നേരം നാലരയോടെയാണ് സംഭവം. പള്ളിയുടെ കൃഷികളും നശിച്ചിട്ടുണ്ട്. മറ്റു പല ഭാഗത്തും കൃഷി നാശമുണ്ടായിട്ടുണ്ട്. മരങ്ങൾ വീണ് വൈദ്യുതി ലൈനുകൾ തകർന്നു. കുറ്റ്യാടി റോഡ് മേഖലയിലും നാശ നഷ്ടമുണ്ട്.

ക​​ണ്ണൂ​​ർ ജി​​ല്ല​​യി​​ൽ ഇ​​ന്ന​​ലെ ഉ​​ച്ച​​ക​​ഴി​​ഞ്ഞു​​ണ്ടാ​​യ വേ​​ന​​ൽ​മ​​ഴ​​യി​​ലും കാ​​റ്റി​​ലും പ​​ല​​യി​​ട​​ത്തും കൃ​​ഷി​​നാ​​ശം. ന​​ടു​​വി​​ൽ പ​​ഞ്ചാ​​യ​​ത്തി​​ലെ ക​​ന​​ക​​ക്കു​​ന്ന്, പാ​​ത്ത​​ൻ​​പാ​​റ മേ​​ഖ​​ല​​ക​​ളി​​ലാ​​ണ് കൂ​​ടു​​ത​​ലും കൃ​​ഷി​​നാ​​ശം സം​​ഭ​​വി​​ച്ച​​ത്.

ക​​ന​​ക​​ക്കു​​ന്നി​​ലെ ബി​​ജു കു​​ന്ന​​പ്പ​​ള്ളി കൊ​​ട്ടാ​​ര​​ത്തി​​ന്‍റെ വി​​ള​​വെ​​ടു​​ക്കാ​​റാ​​യ 1500ഓ​​ളം നേ​​ന്ത്ര​​വാ​​ഴ​​ക​​ൾ ന​​ശി​​ച്ചു. ഈ ​​മേ​​ഖ​​ല​​യി​​ൽ മ​​റ്റു ക​​ർ​​ഷ​​ക​​രു​​ടെ 350ഓ​​ളം വാ​​ഴ​​ക​​ളും ന​​ശി​​ച്ചി​​ട്ടു​​ണ്ട്. കൂ​​ത്തു​​പ​​റ​​മ്പ് ചി​​റ്റാ​​രി​​പ്പ​​റ​​മ്പ് മേ​​ഖ​​ല​​യി​​ൽ ശ​​ക്ത​​മാ​​യ കാ​​റ്റി​​ലും മ​​ഴ​​യി​​ലും വീ​​ടു​​ക​​ൾ​​ക്കും സ്ഥാ​​പ​​ന​​ങ്ങ​​ൾ​​ക്കും നാ​​ശ​​ന​​ഷ്ടം സം​​ഭ​​വി​​ച്ചു.

കൃ​​ഷി​​നാ​​ശ​​വും ഉ​​ണ്ടാ​​യി​​ട്ടു​​ണ്ട്. വീ​​ടു​​ക​​ളു​​ടെ മേ​​ൽ​​ക്കൂ​​ര​​ക​​ൾ പാ​​റി​​പ്പോ​​കു​​ക​​യും മ​​ര​​ങ്ങ​​ൾ വീ​​ണ് ത​​ക​​രു​​ക​​യും ചെ​​യ്തു. ഇ​​രി​​ട്ടി​​യി​​ൽ ബ​​സ് സ്റ്റാ​​ൻ​​ഡി​ന് സ​മീ​പ​ത്തെ കെ​​ട്ടി​​ട​​ത്തി​​ന് മു​​ക​​ളി​​ലെ കൂ​​റ്റ​​ൻ ബോ​​ർ​​ഡ് കാ​​റ്റി​​ൽ ത​​ക​​ർ​​ന്നു. താ​​ഴേ​​ക്ക് വീ​​ഴാ​​തെ തൂ​​ങ്ങി​​നി​​ന്ന​​തി​​നാ​​ലാ​​ണ് വ​​ൻ അ​​പ​​ക​​ടം ഒ​​ഴി​​വാ​​യ​​ത്. അ​​പ​​ക​​ടാ​​വ​​സ്ഥ​​യി​​ലു​​ള്ള ബോ​​ർ​​ഡ് പി​​ന്നീ​​ട് അ​​ഗ്നി​​ര​​ക്ഷാ സേ​​ന​​യെ​​ത്തി നീ​​ക്കം ചെ​​യ്തു.

ജ​​ബ്ബാ​​ർ​​ക്ക​​ട​​വി​​ൽ ബ​​സ് നി​​യ​​ന്ത്ര​​ണം വി​​ട്ട് സ​​മീ​​പ​​ത്തെ മ​​ര​​ത്തി​​ൽ ഇ​​ടി​​ച്ചു​​ണ്ടാ​​യ അ​​പ​​ക​​ട​​ത്തി​​ൽ യാ​​ത്ര​​ക്കാ​​രാ​​യ ര​​ണ്ടു​​പേ​​ർ​​ക്ക് പ​​രി​​ക്കേ​​റ്റു.

കാ​​സ​​ർ​​ഗോ​ട്ട് കാ​​റ്റും മി​​ന്ന​​ലും

കാ​​ഞ്ഞ​​ങ്ങാ​​ട്: കൊ​​ടും​​ചൂ​​ടി​​ൽ വെ​​ന്തു​​രു​​കി​​യ ദി​​വ​​സ​​ങ്ങ​​ൾ​​ക്കൊ​​ടു​​വി​​ൽ കാ​​സ​​ർ​​ഗോ​​ഡ് ജി​​ല്ല​​യി​​ലെ​​ങ്ങും വേ​​ന​​ൽ​​മ​​ഴ. ഇ​​ന്ന​​ലെ വൈ​​കു​​ന്നേ​​ര​​മാ​​ണ് ജി​​ല്ല​​യു​​ടെ എ​​ല്ലാ ഭാ​​ഗ​​ങ്ങ​​ളി​​ലും ഇ​​ടി​​മി​​ന്ന​​ലോ​​ടു​​കൂ​​ടി സാ​​മാ​​ന്യം ശ​​ക്ത​​മാ​​യ മ​​ഴ പെ​​യ്ത​​ത്.

മ​​ല​​യോ​​ര​​മേ​​ഖ​​ല​​ക​​ളി​​ൽ ശ​​ക്ത​​മാ​​യ കാ​​റ്റു​​മു​​ണ്ടാ​​യി​​രു​​ന്നു. ഏ​​റെ​​നേ​​രം വൈ​​ദ്യു​​തി മു​​ട​​ങ്ങി​​യ​​തൊ​​ഴി​​ച്ചാ​​ൽ എ​​വി​​ടെ​​യും കാ​​ര്യ​​മാ​​യ നാ​​ശ​​ന​​ഷ്‌​ട​ങ്ങ​​ളൊ​​ന്നു​​മി​​ല്ല. മ​​ഴ​​യു​​ടെ വ​​ര​​വ​​റി​​യി​​ച്ചു​​കൊ​​ണ്ട് മി​​ക്ക​​യി​​ട​​ങ്ങ​​ളി​​ലും വെ​​ള്ളി​​യാ​​ഴ്ച രാ​​ത്രി ത​​ണു​​ത്ത കാ​​റ്റു വീ​​ശി​​യി​​രു​​ന്നു. ജ​​ല​​ക്ഷാ​​മം മൂ​​ലം വ​​ര​​ണ്ടു​​ണ​​ങ്ങി​​യ കൃ​​ഷി​​യി​​ട​​ങ്ങ​​ളി​​ലും മ​​ഴ​​യു​​ടെ വ​​ര​​വ് ആ​​ശ്വാ​​സ​​മാ​​യി.

മാ​വൂ​രി​ല്‍ മൂ​ന്നു​ വീ​ടു​ക​ള്‍​ക്ക് നാ​ശം

കോ​​ഴി​​ക്കോ​​ട്: വേ​​ന​​ല്‍മ​​ഴ​​യി​​ല്‍ മ​​രം വീ​​ണ് മാ​​വൂ​​രി​​ല്‍ മൂ​​ന്നു​​വീ​​ടു​​ക​​ള്‍​ക്ക് നാ​​ശ​ന​​ഷ്ടം. വ​​ലി​​യ കാ​​റ്റാ​​ണ് ഈ ​​മേ​​ഖ​​ല​​യി​​ല്‍ അ​​നു​​ഭ​​വ​​പ്പെ​​ട്ട​​ത്.​ കോ​​ഴി​​ക്കോ​​ട് മ​​ല​​യോ​​ര, തീ​​ര​​ദേ​​ശ മേ​​ഖ​​ല​​ക​​ളി​​ലാ​​ണ് ശ​​ക്ത​​മാ​​യ മ​​ഴ പെ​​യ്ത​​ത്.

കു​​റ്റ്യാ​​ടി, നാ​​ദാ​​പു​​രം, വ​​ട​​ക​​ര ഭാ​ഗ​ത്ത് ഉ​​ച്ച​​യോ​​ടെ മ​​ഴ തു​​ട​​ങ്ങി​. ശ​​ക്ത​​മാ​​യ കാ​​റ്റും ഇ​​ടി​​മി​​ന്ന​​ലു​​മു​​ണ്ടാ​യി​രു​ന്നു. മ​​റ്റി​​ട​​ങ്ങ​​ളി​​ല്‍ വൈ​​ദ്യു​​തി ത​​ട​​സ​​ങ്ങ​​ളും ചെ​​റി​​യ നാ​​ശ​​ന​​ഷ്ട​​ങ്ങ​​ളും സം​​ഭ​​വി​​ച്ചി​​ട്ടു​​ണ്ട്. അ​​ടു​​ത്ത ദി​​വ​​സ​​ങ്ങ​​ളി​​ലും സ​​മാ​​ന​​മാ​​യ വേ​​ന​​ൽ​​മ​​ഴ​​യ്ക്ക് സാ​​ധ്യ​​ത​​യു​​ണ്ടെ​​ന്നാ​​ണ് കാ​​ലാ​​വ​​സ്ഥാ സൂ​ച​ന.

മ​​ല​​യോ​​ര മേ​​ഖ​​ല​​ക​​ളാ​​യ കാ​​വി​​ലും​​പാ​​റ കു​​റ്റ്യാ​​ടി, മ​​രു​​തോ​​ങ്ക​​ര,അ​​ടു​​ക്ക​​ത്ത്തു​​ട​​ങ്ങി​​യ സ്ഥ​​ല​​ങ്ങ​​ളി​​ല്‍ വേ​​ന​​ല്‍ മ​​ഴ പെ​​യ്തു. ഒ​​രു മ​​ണി​​ക്കൂ​​റി​​ലേ​റെ​നേ​​രം ശ​​ക്ത​​മാ​​യ മ​​ഴ ല​​ഭി​​ച്ചു.

ടെ​ഹ്‌​റാ​ൻ: ഇ​റാ​നി​ലെ പ്ര​മു​ഖ ന​ഗ​ര​മാ​യ ഇ​സ്‌​ഫ​ഹാ​നി​ൽ അ​മേ​രി​ക്ക​ൻ-​ഇ​സ്ര​യേ​ൽ സ​ഖ്യം ന​ട​ത്തി​യ വ്യോ​മാ​ക്ര​മ​ണ​ത്തി​ൽ ഡ​സ​ൻ ക​ണ​ക്കി​ന് ആ​ളു​ക​ൾ കൊ​ല്ല​പ്പെ​ട്ട​താ​യി റി​പ്പോ​ർ​ട്ട്. യു​ദ്ധം തു​ട​ങ്ങി​യ​ത് മു​ത​ൽ ത​ല​സ്ഥാ​ന​മാ​യ ടെ​ഹ്‌​റാ​ന് പു​റ​മെ രാ​ജ്യ​ത്തെ 200-ഓ​ളം ന​ഗ​ര​ങ്ങ​ളെ ല​ക്ഷ്യ​മി​ട്ടാ​ണ് ആ​ക്ര​മ​ണം ന​ട​ന്ന​ത്. ഇ​റാ​ന്‍റെ വ്യ​വ​സാ​യ-​സൈ​നി​ക കേ​ന്ദ്ര​ങ്ങ​ളു​ടെ ആ​സ്ഥാ​ന​മാ​ണ് ഇ​സ്‌​ഫ​ഹാ​ൻ. 

ഇ​സ്ഫ​ഹാ​നി​ലെ പ്ര​ധാ​ന ഫാ​ക്ട​റി​ക​ൾ​ക്കും സൈ​നി​ക താ​വ​ള​ങ്ങ​ൾ​ക്കും നേ​രെ​യാ​ണ് ബോം​ബാ​ക്ര​മ​ണം ഉ​ണ്ടാ​യ​ത്. സൈ​നി​ക കേ​ന്ദ്ര​ങ്ങ​ളെ കൂ​ടാ​തെ ജ​ന​വാ​സ മേ​ഖ​ല​ക​ളും ആ​ക്ര​മി​ക്ക​പ്പെ​ടു​ന്നു​ണ്ട്. അ​നേ​കം വീ​ടു​ക​ൾ പൂ​ർ​ണ​മാ​യോ ഭാ​ഗി​ക​മാ​യോ ത​ക​ർ​ന്നു. സ്കൂ​ളു​ക​ൾ, ആ​ശു​പ​ത്രി​ക​ൾ, റെ​ഡ് ക്ര​സ​ന്‍റ് ഓ​ഫീ​സു​ക​ൾ എ​ന്നി​വ​യ്ക്ക് നേ​രെ​യും ബോം​ബേ​റു​ണ്ടാ​യ​താ​യി റി​പ്പോ​ർ​ട്ടു​ക​ൾ സൂ​ചി​പ്പി​ക്കു​ന്നു.

ഇ​റാ​ന്‍റെ എ​ണ്ണ ക​യ​റ്റു​മ​തി​യു​ടെ ന​ട്ടെ​ല്ലാ​യ ഖാ​ർ​ഗ് ഐ​ല​ൻ​ഡ് ക​ഴി​ഞ്ഞ ദി​വ​സം അ​മേ​രി​ക്ക ആ​ക്ര​മി​ച്ചി​രു​ന്നു. ഇ​സ്‌​ഫ​ഹാ​നി​ലെ വ​ൻ​കി​ട വ്യ​വ​സാ​യ ശാ​ല​ക​ൾ ത​ക​ർ​ന്ന​തോ​ടെ ഇ​റാ​ന്‍റെ ഉ​ത്പാ​ദ​ന മേ​ഖ​ല​യും നി​ശ്ച​ല​മാ​യി​രി​ക്കു​ക​യാ​ണ്. പ​രി​ക്കേ​റ്റ​വ​ർ​ക്കാ​യി ആ​ശു​പ​ത്രി​ക​ൾ നി​റ​ഞ്ഞു​ക​വി​യു​ക​യാ​ണെ​ന്നും മ​രു​ന്നു​ക​ളു​ടെ​യും അ​ത്യാ​വ​ശ്യ സൗ​ക​ര്യ​ങ്ങ​ളു​ടെ​യും കു​റ​വ് പ്ര​തി​സ​ന്ധി രൂ​ക്ഷ​മാ​ക്കു​ന്നു​വെ​ന്നും റി​പ്പോ​ർ​ട്ടു​ക​ൾ പ​റ​യു​ന്നു.

കൊച്ചി: ചെല്ലാനത്ത് പുലർച്ചെ ഉണ്ടായ ചുഴലിക്കാറ്റിൽ അഞ്ചു വീടുകൾ തകർന്നു. ചെല്ലാനം കണ്ടക്കടവ് കാർത്യായിനി അമ്പലത്തിന്‍റെ പരിസരത്ത് പുലർച്ചെ ഒന്നേകാലോടെയാണ് ശക്തമായ കാറ്റ് വീശിയത്. അഞ്ചു മിനിറ്റോളം കാറ്റ് വീശിയടിച്ചു. നിരവധി വീടുകൾക്ക് കേടുപാടുകൾ സംഭവിച്ചു. ആർക്കും പരിക്കില്ല.

പോലീസും ഫയർ ഫോഴ്സും ദുരന്ത നിവാരണ സേനയും സ്ഥലത്തെത്തിയിട്ടുണ്ട്. നാശനഷ്ടം സംഭവിച്ച വീടുകളിൽ ഉള്ളവരെ മാറ്റി താമസിപ്പിച്ചു. സ്ഥിരമായി കടൽക്ഷോഭം ഉണ്ടാകുന്ന മേഖലയാണ് ചെല്ലാനം. നിലവിൽ ഇവിടെ കടൽ ഭിത്തികൾ പണിതിട്ടുണ്ട്.

ടെ​ഹ്റാ​ൻ: ഇ​റാ​നി​ലെ റ​ഷ്യ​ൻ കോ​ൺ​സു​ലേ​റ്റി​നു​നേ​രെ ആ​ക്ര​മ​ണം. ഇ​സ്ഫ​ഹാ​നി​ലെ കോ​ൺ​സു​ലേ​റ്റി​ലാ​ണ് ആ​ക്ര​മ​ണ​മു​ണ്ടാ​യ​തെ​ന്ന് റ​ഷ്യ​ന്‍ വി​ദേ​ശ​കാ​ര്യ​മ​ന്ത്രാ​ല​യം അ​റി​യി​ച്ചു.

രാ​ജ്യാ​ന്ത​ര നി​യ​മ​ങ്ങ​ളു​ടെ ലം​ഘ​ന​മാ​ണി​തെ​ന്ന് റ​ഷ്യ പ്ര​തി​ക​രി​ച്ചു. ആ​ർ​ക്കും പ​രി​ക്കേ​റ്റ​താ​യി റി​പ്പോ​ർ‍​ട്ടി​ല്ല. ആ​ക്ര​മ​ണ​ത്തി​ൽ ഓ​ഫി​സ് കെ​ട്ടി​ട​ത്തി​നു കേ​ടു​പാ​ടു​ക​ളു​ണ്ടാ​യി.

തി​​​രു​​​വ​​​ന​​​ന്ത​​​പു​​​രം: ഇ​​​ടു​​​ക്കി ജി​​​ല്ല​​​യി​​​ലെ ഏ​​​ലം കൃ​​​ഷി​​​ക്കു​​​ണ്ടാ​​​യ നാ​​​ശ​​​ത്തി​​​ന് ന​​​ഷ്ട​​​പ​​​രി​​​ഹാ​​​രം അ​​​നു​​​വ​​​ദി​​​ക്കാ​​​ൻ മ​​​ന്ത്രി​​​സ​​​ഭാ തീ​​​രു​​​മാ​​​നം.

ഏ​​​ലം കൃ​​​ഷിനാ​​​ശ​​​ത്തി​​​ന് ഒ​​​റ്റ​​​ത്ത​​​വ​​​ണ തീ​​​ർ​​​പ്പാ​​​ക്ക​​​ൽ പ​​​ദ്ധ​​​തി​​​യാ​​​യി അ​​​ഞ്ച് കോ​​​ടി രൂ​​​പ ഇ​​​ടു​​​ക്കി പാ​​​ക്കേ​​​ജി​​​ന്‍റെ മാ​​​ർ​​​ഗ​​​രേ​​​ഖ​​​യി​​​ൽ ഇ​​​ള​​​വു ന​​​ൽ​​​കി അ​​​നു​​​വ​​​ദി​​​ച്ചു.

ഫ​​​ണ്ട് അ​​​ടി​​​യ​​​ന്ത​​​ര​​​മാ​​​യി കൃ​​​ഷിവ​​​കു​​​പ്പി​​​ന് ന​​​ൽ​​​ക​​​ണ​​​മെ​​​ന്ന വ്യ​​​വ​​​സ്ഥ​​​യി​​​ലാ​​​ണ് അ​​​നു​​​മ​​​തി ന​​​ൽ​​​കി​​​യ​​​ത്.

തൃ​ശൂ​ർ: റെ​യി​ൽ​വേ സ്റ്റേ​ഷ​ൻ പാ​ർ​ക്കിം​ഗ് ഏ​രി​യാ​യി​ലെ തീ​പി​ടി​ത്ത​ത്തി​ന്‍റെ ന​ഷ്ടം ക​ണ​ക്കാ​ക്കാ​നു​ള്ള പ​രി​ശോ​ധ​ന​ക​ൾ ഇ​ന്നും ചൊവ്വാഴ്ചയുമായി ന​ട​ക്കും.

ക​ത്തി​ന​ശി​ച്ച വാ​ഹ​ന​ങ്ങ​ളു​ടെ കാ​ല​പ്പ​ഴ​ക്കം ക​ണ്ടെ​ത്താ​നു​ള്ള പ​രി​ശോ​ധ​ന​യാ​ണ് ആ​ദ്യം ന​ട​ക്കു​ക. അ​തി​നു​ശേ​ഷ​മേ വാ​ഹ​ന​ങ്ങ​ളു​ടെ നി​ല​വി​ലെ വി​ല നി​ശ്ച​യി​ക്കാ​നാ​കൂ. പ​രി​ശോ​ധ​ന​ക​ൾ​ക്ക് ഫ​യ​ർ ആ​ൻ​ഡ് സേ​ഫ്റ്റി ഓ​ഫീ​സ​ർ നേ​തൃ​ത്വം ന​ല്കും. തീ ​പി​ടി​ത്ത​ത്തി​നു​ള്ള യ​ഥാ​ർ​ഥ കാ​ര​ണം ക​ണ്ടെ​ത്താ​നു​ള്ള പ​രി​ശോ​ധ​ന​ക​ൾ പോ​ലീ​സി​ന്‍റെ​യും​കൂ​ടെ സ​ഹാ​യ​ത്തോ​ടെ നി​ർ​വ​ഹി​ക്കും.

ന​ന്പ​ർ പ്ലേ​റ്റു​ക​ള​ട​ക്കം ക​ത്തി​പ്പോ​യ​തി​നാ​ൽ വാ​ഹ​ന​ങ്ങ​ളു​ടെ ചേ​സ് ന​മ്പർ പ​രി​ശോ​ധി​ച്ച് ര​ജി​സ്ട്രേ​ഷ​ൻ നമ്പ​ർ ക​ണ്ടെ​ത്തി​വേ​ണം കാ​ല​പ്പ​ഴ​ക്കം നി​ർ​ണ​യി​ക്കാ​ൻ. മൂ​ന്നൂ​റോ​ളം വാ​ഹ​ന​ങ്ങ​ൾ ക​ത്തി​ന​ശി​ച്ചെ​ന്നാ​ണു പ്രാ​ഥ​മി​ക നി​ഗ​മ​നം.

തീ​പി​ടി​ത്ത അ​വ​ശി​ഷ്ട​ങ്ങ​ൾ​ക്കി​ട​യി​ൽ​നി​ന്ന് ഇ​ത്ര​യും വാ​ഹ​ന​ങ്ങ​ളു​ടെ ചേ​സ് ന​ന്പ​ർ പ​രി​ശോ​ധി​ക്കാ​ൻ ര​ണ്ടു​ദി​വ​സ​മെ​ങ്കി​ലും വേ​ണ്ടി​വ​രു​മെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു. വാ​ഹ​ന​ങ്ങ​ൾ ക​ത്തി​ന​ശി​ച്ച​വ​രു​ടെ പ​രാ​തി​ക​ൾ ഇ​നി​യും ല​ഭി​ക്കാ​നു​ണ്ട്. അ​തി​നു​ശേ​ഷ​മേ യ​ഥാ​ർ​ഥ ന​ഷ്ടം ക​ണ​ക്കാ​ക്കാ​നാ​കൂ. തു​ട​ർ​ന്ന് റെ​യി​ൽ​വേ സാ​മ​ഗ്രി​ക​ളു​ടെ ന​ഷ്ട​വും റെ​യി​ൽ​വേ​യു​ടെ​കൂ​ടെ സ​ഹാ​യ​ത്തോ​ടെ ക​ണ​ക്കാ​ക്കും.

പാ​ർ​ക്കിം​ഗ് കേ​ന്ദ്ര​ത്തി​ൽ നി​ർ​ത്തി​യി​ട്ടി​രു​ന്ന ഇ​രു​ച​ക്ര​വാ​ഹ​ന​ങ്ങ​ളു​ലൊ​ന്നി​നു തീ​പി​ടി​ച്ച​തി​നു പി​ന്നാ​ലെ മ​റ്റു വാ​ഹ​ന​ങ്ങ​ളി​ലേ​ക്കു പ​ട​ർ​ന്നെ​ന്നും പാ​ർ​ക്കിം​ഗ് കേ​ന്ദ്ര​ത്തി​ന് അ​ടു​ത്തു​ള്ള റെ​യി​ൽ​വേ ഇ​ല​ക്‌​ട്രി​ക് ലൈ​നി​ലു​ണ്ടാ​യ തീ​പ്പൊ​രു മൂ​ടി​യി​ട്ടി​രു​ന്ന വാ​ഹ​ന​ത്തി​ൽ പ​തി​ച്ച് തീ​പിടി​ക്കു​ക​യാ​യി​രു​ന്നു​വെ​ന്നും ദൃ​ക്സാ​ക്ഷി​ക​ളു​ടെ മൊ​ഴി​ക​ളു​ണ്ട്. ഇ​ത് പോ​ലീ​സ് പ​രി​ശോ​ധി​ക്കും.

റെ​യി​ൽ​വേ ഇ​ല​ക്‌​ട്രി​ക് ലൈ​നി​ൽ​നി​ന്ന് നി​യ​മ​പ്ര​കാ​രം പാ​ലി​ക്കേ​ണ്ട അ​ക​ലം പാ​ർ​ക്കിം​ഗ് ഏ​രി​യ​യ്ക്ക് ഇ​ല്ലെ​ന്ന് ആ​ക്ഷേ​പ​മു​യ​ർ​ന്നി​ട്ടു​ണ്ട്. ഇ​തു വി​ശ​ദ​മാ​യി പ​രി​ശോ​ധി​ക്കും. പാ​ർ​ക്കിം​ഗ് ക​രാ​ർ, പാ​ർ​ക്കിം​ഗ് ഏ​രി​യാ​യി​ൽ ഒ​രു​ക്കി​യി​രു​ന്ന സു​ര​ക്ഷാ സം​വി​ധാ​ന​ങ്ങ​ൾ, തീ​പി​ടി​ത്തം ത​ട​യാ​നാ​യി ജീ​വ​ന​ക്കാ​ർ​ക്കു പ​രി​ശീ​ല​നം ന​ല്കി​യി​ട്ടുണ്ടോ തു​ട​ങ്ങി​യ​വ​യും പ​രി​ശോ​ധ​ന​യു​ടെ ഭാ​ഗ​മാ​കും.

തീ​പി​ടി​ത്ത സാ​ഹ​ച​ര്യ​ങ്ങ​ൾ ഒ​ഴി​വാ​ക്കാ​ൻ റെ​യി​ൽ​വേ സ്റ്റേ​ഷ​നി​ൽ ന​ട​ത്തി​യ എ​ല്ലാ നി​ർ​മാ​ണ പ്ര​വ​ർ​ത്ത​ന​ങ്ങ​ളും സ​മ​ഗ്ര​മാ​യി പ​രി​ശോ​ധി​ക്കാ​നും പ​ദ്ധ​തി​യു​ണ്ട്. റെ​യി​ൽ​വേ നി​ർ​മാ​ണ പ്ര​വ​ർ​ത്ത​ന​ങ്ങ​ളെ​ക്കു​റി​ച്ച് പ​രാ​തി​യു​യ​ർ​ന്ന സാ​ഹ​ച​ര്യ​ത്തി​ലാ​ണി​ത്.

റെ​യി​ൽ​വേ സ്റ്റേ​ഷ​നി​ലെ താ​ത്കാ​ലി​ക​മാ​യു​ള്ള​ത​ട​ക്ക​മു​ള്ള നി​ർ​മാ​ണ​ങ്ങ​ൾ നി​യ​മാ​നു​സൃ​ത​മാ​ണോ​യെ​ന്നും സു​ര​ക്ഷാ​സം​വി​ധാ​ന​ങ്ങ​ൾ ഒ​രു​ക്കി​യി​ട്ടു​ണ്ടെ​യെ​ന്നു പ​രി​ശോ​ധ​ന ന​ട​ത്താ​ൻ കോ​ർ​പ​റേ​ഷ​ൻ സെ​ക്ര​ട്ട​റി തൃ​ശൂ​ർ റെ​യി​ൽ​വേ സ്റ്റേ​ഷ​ൻ മാ​നേ​ജ​ർ​ക്കു നോ​ട്ടീ​സ് ന​ല്കി​യി​ട്ടു​ണ്ട്.

കൊ​ച്ചി: ബ്രോ​ഡ്‌​വേ​യി​ൽ ഇ​ന്ന് പു​ല​ർ​ച്ചെ ഉ​ണ്ടാ​യ തീ​പി​ടി​ത്ത​ത്തി​ൽ 12 ക​ട​ക​ൾ ക​ത്തി​ന​ശി​ച്ചു. ഫാ​ൻ​സി, ക​ളി​പ്പാ​ട്ട ക​ട​ക​ളാ​ണ് ക​ത്തി​ന​ശി​ച്ച​ത്. ല​ക്ഷ​ങ്ങ​ളു​ടെ നാ​ശ​ന​ഷ്ട​ങ്ങ​ൾ ഉ​ണ്ടാ​യ​താ​യാ​ണ് പ്രാ​ഥ​മി​ക വി​ലയിരുത്തൽ.

ബ്രോ​ഡ്‌​വേ​യി​ലു​ള്ള സി​റ്റി ബ​സാ​ർ എ​ന്ന ക​ട​യി​ലാ​ണ് ആദ്യം തീ​പി​ടി​ത്ത​മു​ണ്ടാ​യ​ത്. ഇ​വി​ടെ ഉ​ണ്ടാ​യി​രു​ന്ന ശു​ചീക​ര​ണ തൊ​ഴി​ലാ​ളി​യാ​ണ് തീ​പി​ടി​ത്ത​മു​ണ്ടാ​യ​ത് ക​ണ്ട​ത്ത്. ഇ​യാ​ൾ ഉ​ട​ൻ ത​ന്നെ വി​വ​രം അ​ഗ്നി​ശ​മ​ന​സേ​ന​യെ അ​റി​യി​ക്കു​ക​യാ​യി​രു​ന്നു.

ഫ​യ​ർ​ഫോ​ഴ്സി​ന്‍റെ 12 യൂ​ണി​റ്റു​ക​ൾ എ​ത്തി ര​ണ്ട് മ​ണി​ക്കൂ​റോ​ളം നീ​ണ്ടു​നി​ന്ന പ​രി​ശ്ര​മ​ങ്ങ​ൾ​ക്കൊ​ടി​വി​ലാ​ണ് തീ ​അ​ണ​യ്ക്കാ​ൻ സാ​ധി​ച്ച​ത്. സി​റ്റി ബ​സാ​റി​നു സ​മീ​പ​മു​ണ്ടാ​യി​രു​ന്ന മാ​ലി​ന്യ കൂ​മ്പാ​ര​ത്തി​ൽ​നി​ന്നു​മാ​ണ് തീ​പ​ട​ർ​ന്ന​തെ​ന്നാ​ണ് പ്രാ​ഥ​മി​ക വി​വ​രം. തീ​പി​ടി​ത്ത​ത്തി​ൽ ആ​ള​പാ​യ​മി​ല്ല.

ന്യൂ​ഡ​ൽ​ഹി: ഡ​ൽ​ഹി​യി​ൽ എം​പി​മാ​രു​ടെ ഫ്ലാ​റ്റി​ൽ തീ​പി​ടി​ത്തം. ബ്ര​ഹ്മ​പു​ത്ര അ​പ്പാ​ർ​ട്ട്മെ​ന്‍റി​ലാ​ണ് തീ​പി​ടി​ത്ത​മു​ണ്ടാ​യ​ത്. ഫ​യ​ര്‍​ഫോ​ഴ്സ് തീ​യ​ണ​ക്കാ​നു​ള്ള ശ്ര​മം തു​ട​രു​ക​യാ​ണ്.

ആ​ള​പാ​യ​മി​ല്ലെ​ന്നാ​ണ് ല​ഭി​ക്കു​ന്ന വി​വ​രം. ഫ്ലാ​റ്റി​ന്‍റെ താ​ഴെ​ഭാ​ഗ​ത്ത് ഉ​ച്ച​യ്ക്ക് 12.30ഓ​ടെ​യാ​ണ് തീ​പി​ടി​ത്ത​മു​ണ്ടാ​യ​ത്. മു​ക​ളി​ലേ​ക്ക് തീ​പ​ട​ര്‍​ന്ന​തി​നെ തു​ട​ര്‍​ന്ന് ര​ണ്ട് നി​ല​ക​ൾ പൂ​ര്‍​ണ​മാ​യി ക​ത്തി ന​ശി​ച്ചു.

താ​ഴെ കൂ​ട്ടി​യി​ട്ടി​രു​ന്ന ഫ​ർ​ണി​ച്ച​റു​ക​ളി​ൽ​നി​ന്നാ​ണ് തീ ​പ​ട​ർ​ന്ന​തെ​ന്നാ​ണ് സൂ​ച​ന. കേ​ര​ള​ത്തി​ൽ നി​ന്ന് മൂ​ന്ന് എം​പി​മാ​രാ​ണ് ഈ ​ഫ്ലാ​റ്റി​ൽ താ​മ​സി​ക്കു​ന്ന​ത്. ജെ​ബി മേ​ത്ത​ർ, ജോ​സ് കെ. ​മാ​ണി, ഹാ​രി​സ് ബീ​രാ​ൻ എ​ന്നി​വ​രാ​ണ് ഇ​വി​ടെ​യു​ള്ള​ത്.