അ​തേ, ഫ്ര​ഞ്ച് വി​പ്ല​വ​ത്തി​ലു​മു​ണ്ടൊ​രു നാ​യി​ക. തന്‍റേട​വും കു​റു​ന്പും ഇ​ത്തി​രി കൂ​ടു​ത​ലാ​യ​തി​നാ​ൽ ത​ന്നെ ഈ ​നാ​യി​ക​യെ (​ആ​ര്യ) എ​ല്ലാ​വ​ർ​ക്കും ബോ​ധി​ക്കും. ആ​ദ്യം ചാ​രാ​യം പി​ന്നെ പ്ര​ണ​യം പിന്നാലെ ഓ​രോരോ നൂ​ലാ​മാ​ല​ക​ൾ, ഇ​ങ്ങ​നെ​യാ​ണ് ഫ്ര​ഞ്ച് വി​പ്ല​വ​ത്തി​ന്‍റെ പോ​ക്ക്.

സു​ശീ​ല​നാ​യി എ​ത്തിയ ലാ​ൽ ഒരിക്കൽ കൂടി തന്‍റെ അ​ഭി​ന​യപാ​ട​വം പ്രേക്ഷകർക്ക് കാട്ടിത്തരുന്നുണ്ട്. എന്നാൽ സമാനമായ വേ​ഷ​ങ്ങ​ൾ ലാ​ൽ നി​ര​വ​ധി ത​വ​ണ ചെ​യ്തി​ട്ടു​ള്ളതു കൊ​ണ്ടാകാം, ഫ്ര​ഞ്ച് വി​പ്ല​വ​ത്തി​ലെ സു​ശീ​ല​നി​ൽ വ​ലി​യ പു​തു​മ​യൊ​ന്നും തോന്നില്ല.

പ്ര​ണ​യ നൂ​ലാ​മാ​ല​ക​ളി​ലൂ​ടെ പോ​യി ചി​ത്ര​ത്തി​ന്‍റെ ആ​ദ്യപ​കു​തി അ​വ​സാ​നി​ക്കു​ന്പോഴേക്കും സം​ഗ​തി സം​വി​ധാ​യ​ക​ന്‍റെ കൈ​വി​ട്ടുപോ​യെ​ന്ന് തോ​ന്നും. എ​ന്നാ​ൽ ര​ണ്ടാം പ​കു​തി​യി​ൽ യ​ഥാ​ർ​ഥ വി​പ്ല​വം വ​രാ​നി​രി​ക്കു​ന്ന​തേ ഉ​ണ്ടാ​യി​രു​ന്നു​ള്ളു. നാ​യ​ക​ന്‍റെ കൂ​ട്ടു​കാ​രാ​യി എ​ത്തി​യ​വ​രു​ടെ കു​സൃ​തി​ക​ളും വേ​ല​ത്ത​ര​ങ്ങ​ളു​മെ​ല്ലാം ഏ​വ​രെ​യും ചി​രി​പ്പി​ക്കു​മെ​ന്ന കാ​ര്യ​ത്തി​ൽ സം​ശ​യ​മി​ല്ല. ഓ​ട്ടോ ഡ്രൈ​വ​റാ​യി എ​ത്തി​യ വി​ഷ്ണു ഗോ​വി​ന്ദ​നാ​ക​ട്ടെ നി​മി​ഷനേ​രം കൊ​ണ്ട് പ്രേ​ക്ഷ​ക​രെ ചിരിപ്പിച്ചു കൈയിലെടുത്തു.

അ​ളി​യന്മാ​രാ​യി എ​ത്തി​യ അ​രി​സ്റ്റോ സു​രേ​ഷും നോ​ബി​യും ത​ങ്ങ​ളു​ടെ വേ​ഷം കൈ​യ​ട​ക്ക​ത്തോ​ടെ ചെ​യ്തി​ട്ടു​ണ്ട്. പ​രീ​ക്ഷ​ണ ചി​ത്ര​മാ​യ​തുകൊ​ണ്ടുത​ന്നെ പാ​ട്ടും പ​രീ​ക്ഷ​ണ വ​ഴി​യേ​യാ​ണ് ക​ട​ന്നു പോ​കു​ന്ന​ത്.

സ​ണ്ണി​വെ​യ്ന് വെ​ല്ലു​വി​ളി ഉ​യ​ർ​ത്തു​ന്ന ക​ഥാ​പാ​ത്ര​മൊ​ന്നു​മ​ല്ല സ​ത്യ​ൻ. അ​തു​കൊ​ണ്ടുത​ന്നെ അ​ധി​കം ആ​യാ​സ​പ്പെ​ടാ​തെ സ​ത്യ​നെ വൃ​ത്തി​യാ​യി സ​ണ്ണി കൈ​കാ​ര്യം ചെ​യ്തി​ട്ടു​ണ്ട്. പേ​രി​നോ​ട് നീ​തി പു​ല​ർ​ത്തി​യാ​ണ് ചി​ത്രം ക്ലൈ​മാ​ക്സി​ലേ​ക്ക് അ​ടു​ക്കു​ന്ന​ത്.

നാ​യ​ക​നും പ്ര​തി​നാ​യ​ക​നും അ​വ​ർ​ക്ക് പി​ന്നാ​ലെ കൂ​ടു​ന്ന​വ​രു​മെ​ല്ലാം ഒ​ടു​വി​ൽ ഒ​രു സം​ഗ​തി​ക്കാ​യി അ​ല​ഞ്ഞുതി​രി​ഞ്ഞ് ന​ട​ക്കു​ന്ന കാ​ഴ്ച കാ​ണേ​ണ്ട​ത് ത​ന്നെ​യാ​ണ്. നി​ര​നി​ര​യാ​യി എ​ത്തു​ന്ന ക​ഥാ​പാ​ത്ര​ങ്ങ​ൾ സ്ഥാ​ന​ത്തും അ​സ്ഥാ​ന​ത്തും കോ​മ​ഡി പ​റ​ഞ്ഞ് പ്രേ​ക്ഷ​ക​രു​ടെ ക്ഷ​മ പ​രീ​ക്ഷി​ക്കു​ന്നു​ണ്ടെ​ങ്കി​ലും ഈ ​പ​രീ​ക്ഷ​ണ ചി​ത്രം അ​മി​ത ചി​ന്ത​ക​ൾ ഇ​ല്ലാ​തെ ക​ണ്ടി​രു​ന്നാ​ൽ ഇ​ഷ്ട​പ്പെ​ട്ടേ​ക്കാം.

വി.​ശ്രീ​കാ​ന്ത്