Deepika.com Career News :സ്റ്റേറ്റ് ബാങ്ക് ഓഫ് ഇന്ത്യയിൽ 119 സ്പെഷലിസ്റ്റ് ഓഫീസർ.......

സ്റ്റേറ്റ് ബാങ്ക് ഓഫ് ഇന്ത്യയിൽ സ്പെഷലിസ്റ്റ് കേഡർ തസ്തികകളിലേക്ക് സ്ഥിരനിയമനത്തിനും കരാർ നിയമനത്തിനും അപേക്ഷ ക്ഷണിച്ചു.
സ്പെഷൽ മാനേജ്മെന്‍റ് എക്സിക്യൂട്ടീവ്: 35 ഒഴിവ്.
യോഗ്യത: സിഎ/ഐസിഡബ്ല്യുഎ/ എസിഎസ്/ ഫിനാൻസിൽ എംബിഎ അല്ലെങ്കിൽ ഫിനാൻസിൽ രണ്ടു വർഷത്തെ പിജി ഡിപ്ലോമ. ബാങ്ക്/ ധനകാര്യസ്ഥാപനത്തിൽ എക്സിക്യൂട്ടീവ് മാനേജർ/ സൂപ്പർവൈസർ തലത്തിൽ അഞ്ചു വർഷത്തെ പ്രവൃത്തിപരിചയം.
പ്രായം: 30- 40 വയസ്.
ഡെപ്യൂട്ടി ജനറൽ മാനേജർ (നിയമം): ഒന്ന്
യോഗ്യത: നിയമബിരുദം. ബാർ കൗണ്‍സിലിൽ എൻ‌റോൾ ചെയ്തിട്ടുണ്ടാവണം. ധനകാര്യസ്ഥാപനത്തിന്‍റെ നിയമവിഭാഗത്തിൽ 17 വർഷം ലോ ഓഫീസറായി പ്രവൃത്തിപരിചയം.
പ്രായം: 42- 52 വയസ്.
ഡെപ്യൂട്ടി മാനേജർ (നിയമം): 82 ഒഴിവ്.
യോഗ്യത: നിയമത്തിൽ ബിരുദം. ബാർ കൗണ്‍സിലിൽ എൻ‌റോൾ ചെയ്തിട്ടുണ്ടാവണം. നാലു വർഷം ലോ ഓഫീസിറായി പ്രവൃത്തിപരിചയം.
പ്രായം: 25- 35 വയസ്.
2017 ഡിസംബർ 31 അടിസ്ഥാനമാക്കിയാണ് പ്രായം, യോഗ്യത, പരിചയം എന്നിവ കണക്കാക്കുന്നത്. ഉയർന്ന് പ്രായപരിധിയിൽ എസ്‌സി,എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും വർഷത്തെ ഇളവ് ലഭിക്കും. ഓരോ വിഭാഗത്തിലെയും അംഗപരിമിതർക്കു പത്തുവർഷം വീതം അധിക ഇളവ് ലഭിക്കും.
തെരഞ്ഞെടുപ്പ്: സ്പെഷൽ മാനേജ്മെന്‍റ് എക്സിക്യൂട്ടീവ്, ഡെപ്യൂട്ടി ജനറൽ മാനേജർ തസ്തികകളിലേക്ക് അഭിമുഖത്തിലൂടെയായിരിക്കും തെരഞ്ഞെടുപ്പ്.
ഡെപ്യൂട്ടി മാനേജർ തസ്തികയിൽ അഭിമുഖത്തിനു മുന്നോടിയായി എഴുത്തു പരീക്ഷ നടത്തും. റീസണിംഗ്, ഇംഗ്ലീഷ്, പ്രഫഷണൽ പരിജ്ഞാനം എന്നിവയെ അടിസ്ഥാനമാക്കിയായിരിക്കും പരീക്ഷ.
അപേക്ഷാ ഫീസ്: ജനറൽ, ഒബിസി വിഭാഗക്കാർക്ക് 600 രൂപ. എസ്‌സി, എസ്ടി വിഭാഗക്കാർക്കും അംഗപരിമിതർക്കും 100 രൂപ. ഓണ്‍ലൈനായി ഫീസ് അടയ്ക്കാം.
അപേക്ഷിക്കേണ്ട വിധം: www. sbi.co.in എന്ന വെബ്സൈറ്റിലൂടെ ഓണ്‍ലൈനായാണ് അപേക്ഷിക്കേണ്ടത്.
ഫോട്ടോ, ഒപ്പ്, സർട്ടഫിക്കറ്റുകൾ എന്നിവ സ്കാൻ ചെയ്ത് അപ്‌ലോഡ് ചെയ്യണം. ഇളം നിറത്തിൽ പശ്ചാത്തലമുള്ള കളർ ഫോട്ടോയാണ് അപ്‌ലോഡ് ചെയ്യേണ്ടത്. ഫോട്ടോ ഫയൽ സൈസ് 20-50 കെബി ആയിരിക്കും. 10-20 കെബി ഫയൽ സൈസിലാണ് ഒപ്പ് സ്കാൻ ചെയ്യേണ്ടത്.
ഓണ്‍ലൈൻ അപേക്ഷ സ്വീകരിക്കുന്ന അവസാന തീയതി ഏപ്രിൽ ഏഴ്.