Deepika.com Career News :യുജിസി നെറ്റുകാർക്ക് ഒഎൻജിസിയിൽ അവസരം.......

ഡെറാഡൂണ്‍ ആസ്ഥാനമായി പ്രവർത്തിക്കുന്ന പ്രമുഖ പൊതുമേഖലാ സ്ഥാപനമായ ഓയിൽ ആൻഡ് നാച്ചുറൽ ഗ്യാസ് കോർപറേഷൻ ലിമിറ്റഡ് ഹ്യൂമൻ റിസോഴ്സസ് എക്സിക്യൂട്ടീവ്, ഫിനാൻസ് ആൻഡ് അക്കൗണ്ട്സ് ഓഫീസർ, ഒഫിഷ്യൽ ലാംഗ്വേജ് ഓഫീസർ തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു. 2018 ജൂലൈയിൽ നടക്കുന്ന യുജിസി നെറ്റ് പരീക്ഷ ജയിക്കുന്നവർക്കാണ് അവസരം.

ഹ്യൂമൻ റിസോഴ്സ് എക്സിക്യൂട്ടീവ്: പേഴ്സണൽ മാനേജ്മെന്‍റ്/ എച്ച്ആർഡി/ എച്ച്ആർഎം സ്പെഷലൈസേഷനോടെയുള്ള എംബിഎ അല്ലെങ്കിൽ പേഴ്സണൽ മാനേജ്മെന്‍റ്/ ഐആർ/ ലേബർ വെൽഫെയർ ബിരുദാനന്തര ബിരുദം അല്ലെങ്കിൽ രണ്ട് വർഷ മുഴുവൻ സമയ ഡിപ്ലോമ. ചുരുങ്ങിയത് അറുപത് ശതമാനം മാർക്ക് ഉണ്ടായിരിക്കണം. ലേബർ വെൽഫെയർ/ പേഴ്സണൽ മാനേജ്മെന്‍റ്/ ഇൻഡസ്ട്രിയൽ റിലേഷൻസ്/ ലേബർ ആൻഡ് സോഷ്യൽ വെൽഫയർ/ ഹ്യൂമൻ റിസോഴ്സ് മാനേജ്മെന്‍റ് (സബ്ജക്ട് കോഡ്- 55) അല്ലെങ്കിൽ മാനേജ്മെന്‍റിൽ (സബ്ജക്ട് കോഡ് -17) 2018 ജൂലൈയിൽ നടക്കുന്ന യുജിസി നെറ്റ് നേടിയിരിക്കണം.

ഫിനാൻസ് ആൻഡ് അക്കൗണ്ട്സ് ഓഫീസർ: 60 ശതമാനം മാർക്കോടെ എംബിഎ (ഫിനാൻസ്). മാനേജ്മെന്‍റിൽ (സബ്ജക്ട് കോഡ്-17) 2018 ജൂലൈയിൽ നടക്കുന്ന യുജിസി നെറ്റ് നേടിയിരിക്കണം.

പ്രായം: 2018 ജനുവരി ഒന്ന് അടിസ്ഥാനമാക്കി 30 വയസ് കവിയരുത്. ഒബിസിക്കാർക്ക് മൂന്നും എസ്‌സി, എസ്ടി വിഭാഗക്കാർക്ക് അഞ്ചും വികലാംഗർക്ക് പത്തും വർഷം ഉയർന്ന പ്രായത്തിൽ ഇളവ് ലഭിക്കും.

ഒഫീഷ്യൽ ലാംഗ്വേജ് ഓഫീസർ: 60 ശതമാനം മാർക്കോടെ ഹിന്ദിയിൽ ബിരുദാനന്തര ബിരുദം. ബിരുദത്തിൽ ഇംഗ്ലീഷ് ഒരു വിഷയമായി പഠിച്ചിരിക്കണം. വിവർത്തനത്തിൽ പരിചയമുള്ളവർക്ക് മുൻഗണന. ഹിന്ദിയിൽ (സബ്ജക്ട് കോഡ്-20) 2018 ജൂലൈയിൽ നടക്കുന്ന യുജിസി നെറ്റ് നേടിയിരിക്കണം.

പ്രായം: 2018 ജനുവരി ഒന്ന് അടിസ്ഥാനമാക്കി 30 വയസ് കവിയരുത്. ഒബിസിക്കാർക്ക് മൂന്നു എസ്‌സി, എസ്ടി വിഭാഗക്കാർക്ക് അഞ്ചും വികലാംഗർക്ക് പത്തും വർഷം ഉയർന്ന പ്രായത്തിൽ ഇളവ് ലഭിക്കും.

തെരഞ്ഞെടുപ്പ്: യുജിസി നെറ്റ് പരീക്ഷയുടെ മാർക്കിന്‍റെയും ഇന്‍റർവ്യൂവിന്‍റെയും യോഗ്യതാ പരീക്ഷയുടെ മാർക്കിന്‍റെയും അടിസ്ഥാനത്തിലാണ് തെരഞ്ഞെടുപ്പ്. 2018 ജൂലൈയിലെ നെറ്റിന്‍റെ മാർക്ക് മാത്രമേ പരിഗണിക്കുകയുള്ളൂ.

അപേക്ഷ: http://cbsebet.nic.in എന്ന വെബ്സൈറ്റിൽ നെറ്റ് പരീക്ഷയ്ക്ക് അപേക്ഷിക്കാം. അതിനു ശേഷം യുജിസി രജിസ്ട്രേഷൻ റോൾ നന്പർ സഹിതം www.ongc.india.com എന്ന വെബ്സൈറ്റിൽ അപേക്ഷ സമർപ്പിക്കുക.

ഏപ്രിൽ നാല് മുതൽ 27 വരെ ഓണ്‍ലൈൻ അപേക്ഷ സ്വീകരിക്കും.
കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.