ഡോ. ടോം തോമസിനു ആശംസകൾ നേർന്നു
Monday, July 25, 2016 5:42 AM IST
ഡബ്ലിൻ: ഇംഗ്ലണ്ടിൽ എംബിബിഎസ് പഠനം പൂർത്തിയാക്കിയ ലൂക്കൻ മാസ് സെന്റർ കൂട്ടായ്മയിലെ ഡോ. ടോം തോമസിനു ഡബ്ലിൻ സീറോ മലബാർ ചർച്ച് ആശംസകൾ നേർന്നു.

പഠനത്തിലും മറ്റു ഇതര കലാ–കായിക മത്സരങ്ങളിലും മികവു തെളിയിച്ച ടോം ഡബ്ലിൻ സീറോ മലബാർ ചർച്ചിന്റെ അൾത്താര ബാലനായും ജൂണിയർ സെർട്ട് ,സീനിയർ സെർട്ട് എന്നീ പരീക്ഷകളിൽ ഉന്നത വിജയം നേടുന്നവർക്കു ഡബ്ലിൻ സീറോ മലബാർ ചർച്ച് നൽകി വരുന്ന സമ്മാനങ്ങളും നേടിയിട്ടുണ്ട്.

കേരളത്തിലെ കോട്ടയം ജില്ലയിൽ വൈക്കത്തുനിന്ന് അയർലൻഡിലേക്കു കുടിയേറിയ കളത്തിപ്പറമ്പിൽ തോമസ് ജോസഫിന്റെയും ലിസമ്മ തോമസിന്റെയും മകനാണ് ടോം. പിതാവ് തോമസ് ജോസഫ് ഡബ്ലിൻ സീറോ മലബാർ ചർച്ചിന്റെ പ്രതിനിധി യോഗം മെംബറും മാതാവ് ലിസമ്മ സ്റ്റാഫ് നഴ്സുമാണ്. സഹോദരൻ: ടെനി നാലാം വർഷ മെഡിക്കൽ വിദ്യാർഥി.

ഉപരിപഠനത്തിനു തയാറെടുക്കുന്ന ടോം തോമസിനു എല്ലാവിധ വിജയാശംസകളും പ്രാർഥനയും നേരുന്നതായി ഡബ്ലിൻ സീറോ മലബാർ ചാപ്ലെയിൻസ് ഫാ. ജോസ് ഭരണികുളങ്ങര, ഫാ. ആന്റണി ചീരംവേലിൽ എന്നിവർ അറിയിച്ചു.

<ആ>റിപ്പോർട്ട്: അലക്സ് വർഗീസ്
Copyright @ 2022 , Rashtra Deepika Ltd.