സ്റ്റീവനേജ്: ഹർട്ട്ഫോർഡ്ഷയറിലെ പ്രമുഖ മലയാളി അസോസിയേഷനായ ‘സർഗം’ സ്റ്റീവനേജിന്റെ ഓണോത്സവത്തിനു ഓഗസ്റ്റ് 21നു (ഞായർ) തുടക്കം കുറിക്കും.
കാന്റർബറി റോഡിലുള്ള സെന്റ് നിക്കോളാസ് കമ്യൂണിറ്റി സെന്ററിൽ ഉച്ചകഴിഞ്ഞു രണ്ടു മുതൽ രാത്രി 9.30 വരെ ആണ് മത്സരങ്ങൾ. ഇൻഡോർ മത്സരങ്ങളിൽ വിവിധതരം ചീട്ടുകളികൾ, ചെസ്, കാരംസ് തുടങ്ങിയ ഇനങ്ങൾ ഉൾപ്പെടുത്തിയിട്ടുണ്ട്.
ഓഗസ്റ്റ് 28നു (ഞായർ) രാവിലെ ഒമ്പതു മുതൽ വൈകുന്നേരം നാലു വരെ നടക്കുന്ന ജനറൽ സ്പോർട്സിൽ അത്ലറ്റിക്സ്, ഖോഖോ, വടംവലി, നാടൻപന്തുകളി തുടങ്ങിയ ഓണാനുബന്ധ കായിക മത്സരങ്ങൾ അരങ്ങേറും.
സെപ്റ്റംബർ മൂന്നിനു (ശനി) രാവിലെ 10 മുതൽ സെന്റ് നിക്കോളാസ് പാർക്കിൽ നടക്കുന്ന ഔട്ട്ഡോർ മത്സരങ്ങളിൽ ഫുട്ബോൾ, ബാഡ്മിന്റൺ, ക്രിക്കറ്റ് മത്സരങ്ങളിൽ അത്യന്തം വാശിയേറിയ മത്സരങ്ങളാവും നടക്കുക.
സർഗത്തിന്റെ സെപ്റ്റംബർ 10 ലെ ‘പൊന്നോണം 2016’ രാവിലെ ഒമ്പതു മുതൽ വൈകുന്നേരം ആറു വരെ ആണ്. 50 ഓളം വൈവിധ്യങ്ങളായ കലാ വിഭവങ്ങങ്ങളോടൊപ്പം പൂക്കളവും ഗാനമേളയും ഓണ സദ്യയും ഒപ്പം മാവേലി മന്നനും കൂടി വന്നു ചേരുമ്പോൾ ആഘോഷത്തിനു വർണം ചാർത്തുവാൻ കടുവകളിയും ചെണ്ടമേളവും ഒക്കെയായി സർഗം പൊന്നോണം പ്രൗഢഗംഭീരമാവും.
സർഗം കുടുംബാംഗങ്ങളിൽ നിന്ന് <ളീിേ ളമരല=്ലൃറമിമ ശ്വെല=2>ഏഇടഋ, എലെവൽ പരീക്ഷകളിൽ ഉയർന്ന വിജയം നേടിയവരെ അനുമോദിക്കും.
പ്രസിഡന്റ് ജോണി കല്ലടാന്തിയിൽ (പ്രസിഡന്റ്) 07868849273, റിച്ചി മാത്യു (സെക്രട്ടറി) 07568310079, തോമസ് അഗസ്റ്റിൻ (ഖജാൻജി) 07940738385 എന്നിവരുടെ നേതൃത്വത്തിൽ പരിപാടികളുടെ വിജയത്തിനായുള്ള ഒരുക്കങ്ങൾ നടന്നുവരുന്നു.
വേദിയുടെ വിലാസം: സ്റ്റീവനേജ് ഓൾഡ് ടൗണിലുള്ള ബാർക്ലെസ് സ്കൂൾ ഓഡിറ്റോറിയം,വാക്കേൻ റോഡ്,എസ്ജി1 3ആർബി.
വിവരങ്ങൾക്ക്: സജീവ് ദിവാകരൻ 07877902457, ജിബിൻ 07466635317, അജയഘോഷ് 07970361605, മെൽവിൻ 07500868765, സിബി ഐസക് 07849608676, ഷൈനി ബെന്നി 07889173124.
<ആ>റിപ്പോർട്ട്: അപ്പച്ചൻ കണ്ണഞ്ചിറ