യുക്മ മിഡ്ലാൻഡ്സ് കലാമേള: അപേക്ഷകൾ സ്വീകരിക്കുന്ന അവസാന തീയതി ഒക്ടോബർ 12
Friday, October 7, 2016 8:17 AM IST
ലണ്ടൻ: യുക്മ മിഡ്ലാൻഡ്സ് റീജണൽ കലാമേള ഒക്ടോബർ 22 ന് നോട്ടിംഗ് ഹാമിൽ നടക്കും. അംഗ സംഘടനകളിൽനിന്നും കലാമേളയിലെ വിവിധ മത്സരങ്ങളിലേക്ക് പങ്കെടുക്കുന്നവരുടെ പേരുവിവരങ്ങൾ ലഭിക്കേണ്ട അവസാന തീയതി 12 ആണ്. നിശ്ചിത അപേക്ഷാ ഫോറം പൂരിപ്പിച്ച്, പോസ്റ്റ് ഇമെയിൽ വാട്സ് ആപ്പ് മുഖാന്തരമോ റീജണൽ കമ്മിറ്റിക്ക് കൈമാറേണ്ടതാണെന്ന് ഭാരവാഹികൾ അറിയിച്ചു.

ഞായറാഴ്ച നടന്ന റീജണൽ കമ്മിറ്റിയുടെ പ്രത്യേക യോഗത്തിൽ വിവിധ കമ്മിറ്റികളുടെ രൂപീകരണത്തിന് പ്രസിഡന്റ് ജയകുമാർ നായരെ ചുമതലപ്പെടുത്തി.

മിഡ്ലാൻഡ്സ് റീജണൽ ഭാരവാഹികളെ കൂടാതെ ആതിഥ്യ സംഘടനയായ എൻഎംസിഎ പ്രതിനിധികളും യോഗത്തിൽ പങ്കെടുത്തു. മിഡ്ലാൻഡ്സ് മലയാളികളുടെ ഏറ്റവും വലിയ കലാമത്സരത്തിന് നോട്ടിംഗ്ഹാം ഇതു രണ്ടാം തവണയാണ് വേദിയാകുന്നത്. നവംബർ അഞ്ചിന് നടക്കുന്ന ദേശീയ കലാമേളയും മിഡ്ലാൻഡ്സ് റീജണിലെ കവൺട്രിയിൽ നടക്കുന്നതിനാൽ ഈ അവസരം പരമാവധി പ്രയോജനപ്പെടുത്തുവാനുള്ള തയാറെടുപ്പിലാണ് റീജണിലെ അംഗ അസോസിയേഷനുകൾ.

വേദിയുടെ വിലാസം: RUSHCLIFE LEISURE CENTR, BOUNDARY ROAD, NG2 7BY
Copyright @ 2022 , Rashtra Deepika Ltd.