മൂഴൂർ സംഗമം നടത്തി
Thursday, October 27, 2016 8:27 AM IST
കേംബ്രിഡ്ജ്: ആറാമത് മൂഴൂർ സംഗമം വിപുലമായ പരിപാടികളോടെ ആഘോഷിച്ചു. ഗ്രേറ്റ് ബ്രിട്ടൻ രൂപത ബിഷപ്പ് മാർ ജോസഫ് സ്രാമ്പിക്കൽ സംഗമം ഉദ്ഘാടനം ചെയ്തു. കുടുംബ ജീവിതത്തിൽ വിശ്വാസമുള്ളവരായി ഈശ്വര വിശ്വാസത്തിൽ ജീവിച്ചാൽ മാത്രമേ ഉത്തമ കുടുംബ ജീവിതം നയിക്കുവാൻ സാധിക്കുകയുള്ളൂവെന്ന് ഉദ്ഘാടന സന്ദേശത്തിൽ മാർ സ്രാമ്പിക്കൽ ഉദ്ബോധിപ്പിച്ചു. തുടർന്ന് കേക്ക് മുറിച്ച് മധുരം പങ്കു വച്ചു. നാട്ടിൽ നിന്നും ഫാ. ജോയി പറഞ്ഞാട്ട് ഫോൺ വഴി സന്ദേശം നൽകി. രാവിലെ 11 മണിക്ക് ആരംഭിച്ച സംഗമം വൈകുന്നേരം നാലു വരെ തുടർന്നു.

കുട്ടികളുടെയും മുതിർന്നവരുടേയും വിവിധ കലാപരിപാടികൾ സംഗമത്തിന്റെ ഭാഗമായിരുന്നു. മത്സരത്തിൽ വിജയികളായ കുട്ടികൾക്ക് സമ്മാനങ്ങൾ വിതരണം ചെയ്തു. സ്നേഹവിരുന്നോടെ പരിപാടികൾ സമാപിച്ചു. അടുത്ത സംഗമം 2017 ഒക്ടോബർ 21 ന് ബ്ലാക്പൂളിൽ സംഘടിപ്പിക്കുവാൻ തീരുമാനിച്ചു.

റിപ്പോർട്ട്: അലക്സ് വർഗീസ്
Copyright @ 2022 , Rashtra Deepika Ltd.