ഫ്രാങ്ക്ഫർട്ട് കേരള സമാജം മലയാളം സ്കൂൾ ക്രിസ്മസ് ആഘോഷിച്ചു
Thursday, December 8, 2016 8:24 AM IST
ഫ്രാങ്ക്ഫർട്ട്: കേരള സമാജം ഫ്രാങ്ക്ഫർട്ടിന്റെ മലയാളം സ്കൂൾ ക്രിസ്മസ് ആഘോഷിച്ചു ഡിസംബർ മൂന്നിനായിരുന്നു ആഘോഷ പരിപാടികൾ.

ആഘോഷത്തോടനുബന്ധിച്ച് കുട്ടികൾ അവതരിപ്പിച്ച കലാപരിപാടികൾ മലയാളഭാഷയിലും സംസ്കാരത്തിലുമുള്ള അവരുടെ താൽപര്യവു മികവും പ്രകടിപ്പിക്കുന്നതായിരുന്നു. നൃത്തവും സംഗീതവും കവിതാ പാരായണവും ഉപകരണസംഗീതവും പരിപാടികൾക്ക് മാറ്റുകൂട്ടി.

കഴിഞ്ഞ അധ്യയന വർഷം നടത്തിയ പരീക്ഷയുടെ അടിസ്‌ഥാനത്തിൽ കുട്ടികൾക്ക് മലയാളം അധ്യാപിക പാരിതോഷികങ്ങൾ സമ്മാനിച്ചു. കൈ നിറയെ സമ്മാനങ്ങളുമായി ക്രിസ്മസ് അപ്പൂപ്പന്റെ വരവോടെ ആഘോഷങ്ങൾ സമാപിച്ചു.

മുപ്പതു വർഷത്തിലധികം പഴക്കമുള്ള മലയാളം സ്കൂളിൽ ഫ്രാങ്ക്ഫർട്ടിലും പരിസരങ്ങളിലുമുള്ള മലയാളികളുടെ കുട്ടികൾ പഠിക്കുന്നു. പ്രവാസി ജർമൻ മലയാളികൾക്ക് സ്വന്തം നാടിനോടും ഭാഷയോടുമുള്ള സ്നേഹവും ആദരവുമാണ് ഇത്തരമൊരു സ്കൂളിന്റെ നില നില്പിന് ആധാരം. തങ്ങളുടെ അടുത്ത തലമുറ ‘അമ്മ’ മലയാളത്തെ പഠിച്ച് വളരാൻ പ്രവാസി മലയാളി സമൂഹം കൊടുക്കുന്ന നിഷ്കർഷതയ്ക്ക്് ഉത്തമ ഉദാഹരണമാണ് ഇത്തരം സ്കൂളുകൾ.

റിപ്പോർട്ട്: ജോർജ് ജോൺ
Copyright @ 2022 , Rashtra Deepika Ltd.