ഫ്രാൻസിൽ കാട്ടുതീ; ലക്സംബർഗ് രാജകുടുംബം ഉൾപ്പെടെ പതിനായിരത്തോളം ടൂറിസ്റ്റുകളെ ഒഴിപ്പിച്ചു
Thursday, July 27, 2017 8:18 AM IST
പാരീസ്: തെക്കൻ ഫ്രാൻസിൽ കാട്ടുതീ പടർന്നു പിടിക്കുന്നു. ഇതെത്തുടർന്ന് പതിനായിരത്തോളം വിനോദസഞ്ചാരികളെ സുരക്ഷിത സ്ഥാനങ്ങളിലേക്കു മാറ്റി. ഇതിൽ ലക്സംബർഗിലെ രാജകുടുംബവും ഉൾപ്പെടുന്നു.

ബോർമെസ് ലെസ് മിമോസാസിനടുത്തുള്ള കാട്ടിലാണ് തീ പടർന്നിരിക്കുന്നത്. യൂറോപ്പിലാകമാനം വീശിയടിക്കുന്ന ഉഷ്ണവാതമാണ് ഇതിനു കാരണമായതെന്നു കരുതുന്നു.

കാട്ടിൽ ക്യാന്പ് ചെയ്യുന്നവരെയാണ് കൂടുതലായി ഒഴിപ്പിച്ചിരിക്കുന്നത്. ഇവരെ അടുത്തുള്ള ബീച്ചിലേക്കു മാറ്റി. ഫ്രഞ്ച് റിവേറയിലെ വീട്ടിൽനിന്ന് ബ്രിട്ടീഷ് നടി ഡെയിം ജോൻ കോളിൻസും കാട്ടുതീ പേടിച്ച് മാറി നിൽക്കുകയാണ്. പോർച്ചുഗൽ, ഇറ്റലി, ക്രൊയേഷ്യ, അൽബേനിയ, തുർക്കി എന്നീ രാജ്യങ്ങളുടെ അതിർത്തികളിലേക്കും തീ പടർന്നു കഴിഞ്ഞു.

റിപ്പോർട്ട്: ജോസ് കുന്പിളുവേലിൽ
Copyright @ 2022 , Rashtra Deepika Ltd.