Family Health
നവംബർ 19 ലോക പാൻക്രിയാറ്റിക് കാൻസർ ദിനമായി ആചരിക്കുമ്പോൾ ചർച്ച ചെയ്യേണ്ട ഒരു പ്രധാന കാര്യമാണ് ഈ രോഗത്തിനെതിരേ മെഡിക്കൽ രംഗത്ത് ഉണ്ടായ വിപ്ലവകരമായ മാറ്റങ്ങൾ.
പാൻക്രിയാസിൽ ഒരു ട്യൂമർ അല്ലെങ്കിൽ മുഴ കണ്ടെത്തിയാൽ രോഗിയും കുടുംബവും ആദ്യം നേരിടുന്നത് വലിയൊരു ആശയക്കുഴപ്പമാണ്.
സ്കാനിംഗിൽ ഒരു മുഴ കണ്ടതുമുതൽ അത് കാൻസറാണോ എന്ന് തിരിച്ചറിഞ്ഞ് കൃത്യമായ ചികിത്സയിലേക്ക് എത്തുന്നതുവരെയുള്ള ഘട്ടങ്ങളും അതിൽ വന്നിട്ടുള്ള മുന്നേറ്റങ്ങളും എന്തൊക്കെയാണെന്ന് തിരിച്ചറിയാം.
പാൻക്രിയാറ്റിക് കാൻസറിനെക്കുറിച്ചുള്ള ചർച്ചകളിൽ ഇന്ന് ലോകം ഉറ്റുനോക്കുന്ന ഒരു പുതിയ അറിവാണ് ജനിതക പരിശോധനകളുടെയും "സ്മാർട്ട്' ടാബ്ലെറ്റുകളുടെയും വരവ്.
മുൻകാലങ്ങളിൽ എല്ലാ രോഗികൾക്കും ഒരേ രീതിയിലുള്ള കീമോതെറാപ്പിയാണ് നൽകിയിരുന്നതെങ്കിൽ, ഇന്ന് ട്യൂമറിന്റെ ജനിതക ഘടന മനസ്സിലാക്കി കൃത്യമായി അതിനെ മാത്രം നശിപ്പിക്കുന്ന "പ്രിസിഷൻ ഓങ്കോളജി' രീതിയിലേക്ക് ശാസ്ത്രം വളർന്നു കഴിഞ്ഞു.
ആദ്യ ഘട്ടം: കൃത്യമായ രോഗനിർണയവും സ്റ്റേജിംഗും
ഒരു സാധാരണ അൾട്രാസൗണ്ട് സ്കാനിൽ പാൻക്രിയാസിൽ മുഴ കണ്ടെത്തിയാൽ ഉയർന്ന റെസല്യൂഷനുള്ള (3ഡി) സിടി സ്കാൻ അല്ലെങ്കിൽ എംആർഐ സ്കാൻ നിർദേശിക്കുന്നു.
ഇത് മുഴയുടെ കൃത്യമായ വലുപ്പവും അത് സമീപത്തെ പ്രകൃതിദത്ത രക്തക്കുഴലുകളിലേക്ക് പടർന്നിട്ടുണ്ടോ എന്നും മനസിലാക്കാൻ സഹായിക്കും.
ചില സാഹചര്യങ്ങളിൽ എൻഡോസ്കോപ്പിക് അൾട്രാസൗണ്ട് വഴി ട്യൂമറിനോട് ഏറ്റവും അടുത്തുള്ള കോശങ്ങൾ എടുത്ത് ബയോപ്സി നടത്താറുണ്ട്. ഇതോടൊപ്പം രക്തത്തിലെ "സിഎ 19-9' പോലുള്ള ട്യൂമർ മാർക്കറുകളുടെ അളവും പരിശോധിക്കും.
എന്നാൽ ഏകദേശം 10 ശതമാനം രോഗികളിൽ ഈ മാർക്കർ സ്വാഭാവികമായി കാണപ്പെടാറില്ല എന്നതിനാൽ, ആധുനിക എഐ സാങ്കേതികവിദ്യ അടിസ്ഥാനമാക്കിയുള്ള ഇലക്ട്രോണിക് മാർക്കറുകളും ഇന്ന് രോഗനിർണയത്തിന് ഉപയോഗിക്കുന്നുണ്ട്.
ശസ്ത്രക്രിയയുടെ സാധ്യതകൾ
സ്കാനിംഗ് ഫലങ്ങളുടെ അടിസ്ഥാനത്തിൽ ട്യൂമറുകളെ പ്രധാനമായും മൂന്നായി തിരിക്കുന്നു
ചികിത്സയിലെ പുതിയ മാറ്റങ്ങൾ
മുൻപ് ട്യൂമർ കണ്ടെത്തിയാൽ ഉടൻ തന്നെ ശസ്ത്രക്രിയ ചെയ്യുകയായിരുന്നു പതിവ്. എന്നാൽ അത്യാധുനിക മെഡിക്കൽ പഠനങ്ങൾ പ്രകാരം ശസ്ത്രക്രിയയ്ക്ക് മുൻപായി കീമോതെറാപ്പി നൽകുന്നത് രോഗിയുടെ ക്ഷേമത്തിന് കൂടുതൽ സഹായിക്കുമെന്ന് കണ്ടെത്തിയിട്ടുണ്ട്.
ഇത് ട്യൂമറിന്റെ വലുപ്പം കുറയ്ക്കാനും രക്തക്കുഴലുകളിൽ നിന്നുള്ള അതിന്റെ പിടി അയയ്ക്കാനും സഹായിക്കുന്നു. അതിലുപരിയായി, രോഗനിർണയ സമയത്ത് തന്നെ നടത്തുന്ന ബയോമാർക്കർ ടെസ്റ്റിംഗ് ചികിത്സയെ പൂർണമായും മാറ്റിമറിക്കുന്നു.
പാൻക്രിയാറ്റിക് കാൻസറുകളിൽ 90 ശതമാനത്തിലധികം കാണപ്പെടുന്ന "കിർസ്റ്റൺ റാറ്റ് സാർക്കോമ വൈറൽ ഓങ്കോജീൻ ഹോമോലോഗ്' എന്ന ജനിതക മാറ്റത്തെ ലക്ഷ്യമിട്ട് പ്രവർത്തിക്കുന്ന "ദരാക്സൺരാസിബ്' (Daraxonrasib) പോലുള്ള പുതിയ ടാബ്ലെറ്റുകൾ വലിയ മാറ്റങ്ങൾ കൊണ്ടുവരുന്നവയാണ്.
പരമ്പരാഗത കീമോതെറാപ്പിയെ അപേക്ഷിച്ച് പാർശ്വഫലങ്ങൾ കുറഞ്ഞ ഇത്തരം സ്മാർട്ട് മരുന്നുകൾ രോഗികളുടെ അതിജീവന സാധ്യത ഇരട്ടിയാക്കുന്നതായി വ്യക്തമാക്കുന്നു. കൂടാതെ വയറിന് മുകളിൽ ഘടിപ്പിക്കാവുന്ന "ഒപ്റ്റ്യൂൺ പാക്സ്' പോലുള്ള പോർട്ടബിൾ വൈദ്യുത തരംഗ ഉപകരണങ്ങളും ഇന്ന് ലഭ്യമാണ്.
മൾട്ടി ഡിസിപ്ലിനറി ചികിത്സയും തുടർന്നുള്ള പരിചരണവും
സർജൻ, മെഡിക്കൽ ഓങ്കോളജിസ്റ്റ്, റേഡിയേഷൻ ഓങ്കോളജിസ്റ്റ്, ഗാസ്ട്രോഎൻട്രോളജിസ്റ്റ് എന്നിവരടങ്ങുന്ന ഒരു മൾട്ടി ഡിസിപ്ലിനറി ടീം ചേർന്നാണ് ഓരോ രോഗിക്കും അനുയോജ്യമായ ചികിത്സാ പ്ലാൻ തയാറാക്കുന്നത്.
ശസ്ത്രക്രിയയ്ക്ക് ശേഷം അവശേഷിക്കുന്ന കാൻസർ കോശങ്ങളെ നശിപ്പിക്കാൻ അഡ്ജുവന്റ് കീമോതെറാപ്പി നൽകാറുണ്ട്. പാൻക്രിയാസിന്റെ പ്രധാന ധർമ്മം ദഹനപ്രക്രിയയും ഇൻസുലിൻ ഉത്പാദനവുമായതുകൊണ്ട്, ചികിത്സയ്ക്ക് ശേഷം രോഗികൾക്ക് പ്രത്യേക ഡയറ്റും പാൻക്രിയാറ്റിക് എൻസൈം ഗുളികകളും ആവശ്യമായി വരാം.
കൃത്യമായ ഇടവേളകളിലുള്ള തുടർപരിശോധനകൾ കാൻസർ വീണ്ടും വരാതിരിക്കാൻ അത്യാവശ്യമാണ്. പാൻക്രിയാസിൽ ഒരു മുഴ കണ്ടെത്തുന്നത് ഭയപ്പെടുത്തുന്ന ഒന്നാണെങ്കിലും ശാസ്ത്രം ഇന്ന് നൽകുന്ന പ്രതീക്ഷകൾ വലുതാണ്.
ആദ്യത്തെ കുറച്ചു നാളുകൾക്കുള്ളിൽ തന്നെ കൃത്യമായ ചികിത്സ ആരംഭിക്കുന്നത് അതിജീവന സാധ്യത വർധിപ്പിക്കുന്നു എന്നതിനാൽ രോഗനിർണയം എത്രയും വേഗത്തിലാക്കുക എന്നതും ഏറ്റവും അനുയോജ്യമായ വ്യക്തിഗത ചികിത്സാരീതി തിരഞ്ഞെടുക്കുക എന്നതുമാണ് പ്രധാനം.
തയാറാക്കിയത്: ഡോ. പി. അനന്ദു
അസോസിയേറ്റ് കൺസൾട്ടന്റ് - മെഡിക്കൽ ഓങ്കോളജി, ആസ്റ്റർ മെഡ്സിറ്റി, കൊച്ചി.
Fitness
നിങ്ങൾ ഇപ്പോൾ ഇതു വായിക്കുന്നത് ഇരുന്നുകൊണ്ടാണോ? എങ്കിൽ ഒന്ന് നോക്കൂ, എത്ര നേരമായി ഇരിക്കുന്നു?ഉത്തരം രണ്ട് മണിക്കൂറിൽ കൂടുതലാണെങ്കിൽ നിങ്ങളോട് ഒരു മോശം വാർത്ത പറയാനുണ്ട്. നിങ്ങൾ ഇപ്പോൾ ഒരു സിഗരറ്റ് വലിച്ചു കഴിഞ്ഞു. വലിച്ചിട്ടില്ലെങ്കിലും, ശരീരത്തിന് കിട്ടിയ ദോഷം അതിന് തുല്യമാണ്.
കേൾക്കുമ്പോൾ അതിശയോക്തി തോന്നും, പക്ഷെ ഇതാണ് സത്യം. ഡോക്ടർമാർ ഇപ്പോൾ പറയുന്നത് "Sitting is the new smoking" എന്നാണ്.. നമ്മുടെ കസേരകൾ സിഗരറ്റിനേക്കാൾ അപകടകാരിയാകുന്നു.പുകവലി ശ്വാസകോശത്തെ നശിപ്പിക്കും എന്ന് നമുക്കറിയാം. പക്ഷെ തുടർച്ചയായി ഇരിക്കുന്നത് ശരീരത്തിലെ ഓരോ അവയവത്തെയും സാവധാനം നശിപ്പിക്കും.
രണ്ട് മണിക്കൂർ തുടർച്ചയായി ഇരിക്കുമ്പോൾ നമ്മുടെ ശരീരത്തിൽ എന്ത് സംഭവിക്കുന്നു എന്നറിയാമോ?
കാലിലെ മസിലുകളുടെ പ്രവർത്തനം നിലയ്ക്കുന്നു, രക്തത്തിലെ പഞ്ചസാരയും കൊഴുപ്പും കത്തിക്കാൻ സഹായിക്കുന്ന എൻസൈമുകളുടെ പ്രവർത്തനം 90 ശതമാനം കുറയുന്നു, ഹൃദയത്തിന്റെ പ്രവർത്തനം മന്ദഗതിയിലാകുന്നു. ഇതെല്ലാം ഒരു സിഗരറ്റ് ശരീരത്തിൽ ഉണ്ടാക്കുന്ന അതേ ദോഷങ്ങൾ തന്നെയാണ്.
ദിവസംഎട്ട്മണിക്കൂറിൽ കൂടുതൽ ഇരിക്കുന്നവർക്ക് ഹൃദ്രോഗം, പ്രമേഹം, അമിതവണ്ണം, ക്യാൻസർ പോലും വരാനുള്ള സാധ്യത 20 ശതമാനത്തിലധികം കൂടുതലാണ് എന്ന് പഠനങ്ങൾ പറയുന്നു. ആഴ്ചയിൽ പത്ത് മുതൽ 15 സിഗരറ്റ് വലിക്കുന്നതിന് തുല്യമായ മരണസാധ്യത ഉണ്ടാക്കും എന്നാണ് മറ്റൊരു കണക്ക്.
ഏറ്റവും ഭയാനകമായ കാര്യം, ഇത് നമ്മൾ അറിയാതെ ചെയ്യുന്നു എന്നതാണ്. ഓഫീസിൽ ലാപ്ടോപ്പിന് മുന്നിൽ, വീട്ടിൽ ടിവിക്ക് മുന്നിൽ, കാറിൽ... നമ്മുടെ ജീവിതം മുഴുവൻ ഇരിപ്പായി മാറി. മയോ ക്ലിനിക്കിലെ ഡോ. ജെയിംസ് ലെവിൻ ആണ് ആദ്യമായി "Sitting is the new smoking" എന്ന് പറഞ്ഞത്.
പരിഹാരം വളരെ എളുപ്പമാണ്.
1. ഓരോ 30 മിനിറ്റിലും എഴുന്നേൽക്കുക:
രണ്ട് മിനിറ്റ് നടക്കുക, സ്ട്രെച്ച് ചെയ്യുക. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കും.
2. 60 മിനിറ്റ് വ്യായാമം:
ദിവസം 60-75 മിനിറ്റ് മിതമായ വ്യായാമം ചെയ്താൽ എട്ട് മണിക്കൂർ ഇരിക്കുന്നതിന്റെ ദോഷം പൂർണമായും മാറ്റാം എന്ന് ലാൻസെറ്റ് പഠനം പറയുന്നു.
സിഗരറ്റ് നമ്മൾ കാശ് കൊടുത്ത് വാങ്ങി വലിക്കും. പക്ഷെ ഈ സിഗരറ്റ് കസേര എന്ന സിഗരറ്റ് ,നമ്മൾ സൗജന്യമായി വലിക്കുകയാണ്. ഇന്ന് മുതൽ ഇടയ്ക്കൊക്കെ ഒന്ന് എഴുന്നേറ്റ് നിൽക്കൂ. നിങ്ങളുടെ ജീവിതം അതിൽ ഇരിപ്പുണ്ട്.
Family Health
സോഡയും കോളയും പാക്കറ്റ് ജ്യൂസുകളും എനർജി ഡ്രിങ്കുകളും ഇന്ന് നമ്മുടെ ജീവിതത്തിന്റെ ഭാഗമായി മാറിയിരിക്കുകയാണ്. ദാഹം തോന്നിയാൽ വെള്ളം കുടിക്കുന്നതിന് പകരം പലരും ഈ ശീതളപാനീയങ്ങളെയാണ് ആശ്രയിക്കുന്നത്. എന്നാൽ ഈ ശീലം നിങ്ങളെ വലിയ ആരോഗ്യ പ്രശ്നങ്ങളിലേക്ക് നയിക്കുമെന്നാണ് പുതിയ പഠനം മുന്നറിയിപ്പ് നൽകുന്നത്.
പതിവായി ശീതളപാനീയങ്ങൾ കുടിക്കുന്നത് കാൻസർ സാധ്യത വർധിപ്പിക്കുമെന്നാണ് പഠനത്തിൽ പറയുന്നത്. ഇത്തരം പാനീയങ്ങളിൽ അടങ്ങിയിരിക്കുന്ന അമിതമായ പഞ്ചസാരയും കൃത്രിമ നിറങ്ങളും രാസവസ്തുക്കളുമാണ് വില്ലനാകുന്നത്. ഇവ ശരീരത്തിൽ അമിതവണ്ണത്തിനും പ്രമേഹത്തിനും കാരണമാകുകയും പിന്നീട് അത് കാൻസർ ഉൾപ്പെടെയുള്ള മാരക രോഗങ്ങളിലേക്ക് നയിക്കുകയും ചെയ്യുന്നു.പ്രത്യേകിച്ച് കുട്ടികളും യുവാക്കളുമാണ് ഇത്തരം പാനീയങ്ങൾ കൂടുതലായി ഉപയോഗിക്കുന്നത്.
ഒരു നേരത്തെ ദാഹം മാറ്റാൻ കുടിക്കുന്ന ഒരു കുപ്പി പാനീയം ഭാവിയിൽ വലിയ വില കൊടുക്കേണ്ടി വരും എന്നാണ് ആരോഗ്യ വിദഗ്ധർ പറയുന്നത്. അതുകൊണ്ട് ഇനി മുതൽ ശീതളപാനീയങ്ങളോട് അൽപം അകലം പാലിക്കുന്നതാണ് നല്ലത്. ദാഹത്തിന് ഏറ്റവും നല്ല മരുന്ന്, വെള്ളം തന്നെയാണ്.
Family Health
ഇന്നത്തെ കാലത്ത് മിക്ക വീടുകളിലെയും സ്ഥിരം കാഴ്ചയാണ് കുഞ്ഞു കുട്ടികൾ പോലും മണിക്കൂറുകളോളം ഫോണിൽ മുഴുകിയിരിക്കുന്നത്. ഭക്ഷണം കഴിക്കാനും ഉറങ്ങാനും പോലും ഫോൺ വേണം എന്ന സ്ഥിതിയായി. എന്നാൽ ഇത് അത്ര നിസാരമായി കാണേണ്ട കാര്യമല്ല എന്ന് മുന്നറിയിപ്പ് നൽകുകയാണ് യുഎഇയിലെ വിദഗ്ധർ.
ദിവസവും ഒരു മണിക്കൂറിൽ അധികം സ്ക്രീൻ സമയം ചെലവഴിക്കുന്ന കുട്ടികളിൽ വളർച്ചാ പ്രശ്നങ്ങൾ ഉണ്ടാകാൻ സാധ്യതയുണ്ടെന്നാണ് പുതിയ പഠനം പറയുന്നത്. പ്രത്യേകിച്ച് അഞ്ച് വയസ്സിൽ താഴെയുള്ള കുട്ടികളിലാണ് ഇത് കൂടുതൽ ബാധിക്കുക. കൂടുതൽ സമയം സ്ക്രീൻ നോക്കുന്ന കുട്ടികളിൽ സംസാരിക്കാനുള്ള കഴിവ് വൈകാനും ഉറക്കമില്ലായ്മ ഉണ്ടാകാനും സാധ്യതയുണ്ടെന്ന് വിദഗ്ധർ ചൂണ്ടിക്കാട്ടുന്നു.മാത്രമല്ല, മറ്റു കുട്ടികളുമായി ഇടപഴകാനും കളിക്കാനുമുള്ള സമയം നഷ്ടപ്പെടുന്നത് അവരുടെ മാനസിക വളർച്ചയെ പിന്നോട്ടടിക്കും. ചെറുപ്പത്തിൽ തന്നെ കണ്ണിന് പ്രശ്നങ്ങൾ വരാനും ഇത് കാരണമാകും.
കുട്ടികളെ കുറ്റം പറഞ്ഞിട്ട് കാര്യമില്ല. ഫോൺ കൊടുക്കുന്നത് നമ്മൾ തന്നെയാണ്. കുട്ടികൾക്ക് ,പകരം കളിക്കാനുള്ള സമയം കൊടുക്കാനും ഭക്ഷണം കഴിക്കുമ്പോഴും ഉറങ്ങുമ്പോഴും ഫോൺ ഒഴിവാക്കാനും മാതാപിതാക്കൾ ശ്രദ്ധിക്കണം. ദിവസം ഒരു മണിക്കൂറിൽ കൂടുതൽ ഒരു കാരണവശാലും ഫോൺ കൊടുക്കരുത് എന്നാണ് വിദഗ്ധർ നൽകുന്ന മുന്നറിയിപ്പ്. ഫോൺ ഒരു ഉപകരണമാണ്, കളിപാട്ടമല്ല എന്ന് നമ്മൾ തിരിച്ചറിയേണ്ട സമയമായി.
Family Health
ഇന്നു ലോക സിഒപിഡി ദിനം
ശ്വാസം ജീവിതത്തിന്റെ അടിസ്ഥാനമാണ്. ശ്വാസകോശത്തിന്റെ ആരോഗ്യം നഷ്ടപ്പെടുമ്പോൾ ജീവിതനിലവാരം എത്രത്തോളം താഴേക്ക് പോകുമെന്ന് സിഒപിഡി (ക്രോണിക് ഒബ്സ്ട്രക്ടീവ് പൾമണറി ഡിസീസ്) ബാധിച്ചവരുടെ ജീവിതം നമ്മെ ഓർമിപ്പിക്കുന്നു.
ശ്വാസനാളികളിലുണ്ടാകുന്ന ദീർഘകാല മാറ്റങ്ങളും ശ്വാസകോശത്തിലെ വായു അറകൾക്കുണ്ടാകുന്ന നാശവും മൂലം വായുസഞ്ചാരം തടസപ്പെടുന്ന അവസ്ഥയാണ് സിഒപിഡി. ഇത് ഒരു ദിവസം കൊണ്ട് രൂപപ്പെടുന്ന രോഗമല്ല.
വർഷങ്ങളായി ശ്വാസകോശത്തിന് ഏൽക്കുന്ന ചെറുതും വലുതുമായ ആഘാതങ്ങൾ ഈ രോഗത്തിലേക്ക് നയിക്കാം. രോഗം സ്ഥിരീകരിച്ചശേഷം ചികിത്സിക്കുന്നതിനൊപ്പം, രോഗസാധ്യത നേരത്തേ തിരിച്ചറിഞ്ഞ് പ്രതിരോധിക്കാനും ശ്വാസകോശത്തിന്റെ ആരോഗ്യം സംരക്ഷിക്കാനും കഴിയുമോ എന്ന ചിന്തയ്ക്കാണ് പ്രീ സിഒപിഡി എന്ന ആശയം പ്രാധാന്യം നൽകുന്നത്.
ലോക സിഒപിഡി ദിനത്തോടനുബന്ധിച്ച് രോഗത്തെക്കുറിച്ചുള്ള അവബോധം വളർത്തുന്നതിനും നേരത്തെയുള്ള തിരിച്ചറിയലിന്റെ പ്രാധാന്യം മനസിലാക്കുന്നതിനും നമുക്ക് ശ്രമിക്കാം.
പ്രീ സിഒപിഡി എന്താണ്?
സിഒപിഡി വരുന്നതിനു മുൻപേ രോഗസാധ്യത തിരിച്ചറിയാൻ കഴിയുമോ ? തീർച്ചയായും, ശ്വാസകോശത്തിന്റെ വളർച്ചയെയും പ്രവർത്തനത്തെയും ബാധിക്കുന്ന ഘടകങ്ങൾ നേരത്തേ തിരിച്ചറിയുന്നതിലൂടെ അപകടസാധ്യത കുറയ്ക്കാൻ കഴിയും.
എല്ലാ മനുഷ്യരുടെയും ശ്വാസകോശം ഒരേ രീതിയിൽ വളരുകയോ ഒരേ പ്രവർത്തനശേഷി കൈവരിക്കുകയോ ചെയ്യുന്നില്ല. ഗർഭാവസ്ഥ മുതൽ 20 - 30 വയസുവരെയുള്ള ശ്വാസകോശവളർച്ചയും പരമാവധി ശ്വാസകോശശേഷി കൈവരിക്കുന്നതും പിന്നീട് പ്രായമാകുമ്പോൾ ശ്വാസകോശപ്രവർത്തനത്തിൽ സംഭവിക്കുന്ന കുറവുമെല്ലാം സിഒപിഡി രൂപപ്പെടുന്നതിൽ നിർണായകമാണ്.
സിഒപിഡി പുകവലിക്കാരുടെ മാത്രം രോഗമല്ല. പുതിയ ഗവേഷണങ്ങൾ വ്യക്തമാക്കുന്നത് രോഗത്തിന്റെ സാധ്യതകൾ ജീവിതത്തിന്റെ ആദ്യഘട്ടങ്ങളിൽ തന്നെ രൂപപ്പെടാമെന്നാണ്.
ജന്മനാ ഉള്ള ശ്വാസകോശരോഗങ്ങൾ, ബാല്യകാലത്തെ ആവർത്തിച്ചുള്ള ശ്വാസകോശ അണുബാധകൾ, പോഷകാഹാരക്കുറവ്, മാതാവിന്റെ ഗർഭകാലത്തെ നേരിട്ടോ അല്ലാതെയോ ഉള്ള പുകവലി, പൂർണവളർച്ചയെത്തുന്നതിനു മുൻപുള്ള ജനനം, ബാല്യകാലത്ത് ശരിയായി നിയന്ത്രിക്കപ്പെടാത്ത ആസ്ത്മ, അന്തരീക്ഷ മലിനീകരണം തുടങ്ങിയവ ശ്വാസകോശശേഷി കുറയുന്നതിനും പ്രീ സിഒപിഡി അവസ്ഥയിലേക്കും തുടർന്ന് സിഒപിഡിയിലേക്കും നയിക്കാം.
മറ്റുചിലരിൽ യൗവനകാലത്ത് നല്ല ശ്വാസകോശശേഷി ഉണ്ടായിരുന്നാലും പുകവലി, പാചകപ്പുക, തൊഴിൽപരമായ പൊടി, വായുമലിനീകരണം, മറ്റ് ശ്വാസകോശരോഗങ്ങൾ തുടങ്ങിയവ കാരണം ശ്വാസകോശത്തിന്റെ പ്രവർത്തനശേഷി സാധാരണയേക്കാൾ വേഗത്തിൽ കുറയാം.
എങ്ങനെയാണ് രോഗം നേരത്തേ തിരിച്ചറിയുന്നത്?
സിഒപിഡി സ്ഥിരീകരിക്കുന്നതിനുള്ള പ്രധാന പരിശോധനയാണ് സ്പൈറോമെട്രി (Spirometry - Pulmonary Function Test). എന്നാൽ ശ്വാസതടസം അനുഭവപ്പെടുന്നില്ലെങ്കിലും ചിലരിൽ ശ്വാസകോശത്തിൽ ആദ്യകാല മാറ്റങ്ങളോ ഘടനാപരമായോ പ്രവർത്തനപരമായോ ഉള്ള അസാധാരണതകളോ നേരിയ രോഗലക്ഷണങ്ങളോ ഉണ്ടായേക്കാം.
ഇത്തരം അവസ്ഥകളെയാണ് പ്രീ സിഒപിഡി എന്ന ആശയത്തിന്റെ ഭാഗമായി പരിഗണിക്കുന്നത്.
ആരിലാണ് പ്രീ സിഒപിഡി / സിഒപിഡി സംശയിക്കേണ്ടത്?
താഴെ പറയുന്ന വിഭാഗങ്ങളിൽപ്പെട്ടവർ ശ്വാസകോശാരോഗ്യത്തിന് പ്രത്യേക ശ്രദ്ധ നൽകണം:
സിഒപിഡി പ്രതിരോധിക്കാൻ കഴിയുമോ?
സിഒപിഡി പ്രതിരോധം പ്രായമായവരിൽ മാത്രം ആരംഭിക്കേണ്ട ഒന്നല്ല. ഗർഭകാലം മുതൽ ജീവിതകാലം മുഴുവൻ തുടരേണ്ട ഒരു പ്രക്രിയയാണിത്. രോഗസാധ്യത തിരിച്ചറിഞ്ഞ് ശ്വാസകോശത്തിന്റെ ഭാവി സംരക്ഷിക്കുക എന്നതാണ് പ്രീ സിഒപിഡി എന്ന ആശയത്തിന്റെ പ്രധാന ലക്ഷ്യം.
ഇതിനായി വ്യക്തിതലത്തിലും കുടുംബതലത്തിലും സമൂഹതലത്തിലും ആരോഗ്യസംവിധാനത്തിലും ഒരുപോലെ ഇടപെടലുകൾ ആവശ്യമാണ്.
സിഒപിഡി - പ്രധാന പ്രതിരോധ മാർഗങ്ങൾ:
പ്രീ സിഒപിഡി ഘട്ടത്തിൽ ചികിത്സ ആവശ്യമാണോ?
പ്രീ സിഒപിഡി എന്ന അവസ്ഥയുള്ള എല്ലാവർക്കും മരുന്ന് ചികിത്സ ആവശ്യമാകണമെന്നില്ല. വ്യക്തിയുടെ രോഗസാധ്യതകളും ലക്ഷണങ്ങളും പരിശോധനാഫലങ്ങളും വിലയിരുത്തിയാണ് ചികിത്സ തീരുമാനിക്കുന്നത്.
രോഗത്തിലേക്ക് നയിക്കുന്ന ഘടകങ്ങൾ ഒഴിവാക്കുകയും ശ്വാസകോശത്തിന്റെ പ്രവർത്തനശേഷി സംരക്ഷിക്കുകയും ചെയ്യുന്നതിനാണ് ഈ ഘട്ടത്തിൽ പ്രാധാന്യം നൽകേണ്ടത്.
ശ്വാസകോശാരോഗ്യത്തിന് പ്രാധാന്യം നൽകേണ്ടത് ഇന്നുതന്നെ
പ്രീ സിഒപിഡി എന്ന ആശയം നമ്മുടെ ആരോഗ്യസംവിധാനത്തിനു മുന്നിൽ പുതിയൊരു ഉത്തരവാദിത്തമാണ് ഉയർത്തുന്നത്. രോഗം പ്രകടമാകുന്നതുവരെ കാത്തുനിൽക്കാതെ, ശ്വാസകോശത്തിന്റെ ആരോഗ്യം ജീവിതത്തിന്റെ ആദ്യഘട്ടം മുതൽ സംരക്ഷിക്കേണ്ടതിന്റെ ആവശ്യകതയാണ് ഇത് ഓർമിപ്പിക്കുന്നത്.
കുട്ടികൾ, യുവാക്കൾ, സ്ത്രീകൾ തുടങ്ങി സമൂഹത്തിലെ എല്ലാ വിഭാഗങ്ങളുടെയും ശ്വാസകോശാരോഗ്യത്തിന് പ്രത്യേക പരിഗണന നൽകണം. രോഗം വന്നശേഷം ചികിത്സിക്കുന്നതിനേക്കാൾ രോഗസാധ്യത നേരത്തേ തിരിച്ചറിഞ്ഞ് പ്രതിരോധിക്കുന്നതാണ് മികച്ച ആരോഗ്യസംരക്ഷണത്തിന്റെ വഴി.
വിവരങ്ങൾ: ഡോ. ജെയ്സി തോമസ്
സീനിയർ കൺസൾട്ടന്റ് ആൻഡ് ഹെഡ്, പൾമണറി മെഡിസിൻ, മാർ സ്ലീവാ മെഡിസിറ്റി, പാലാ.
Family Health
പ്രമേഹബാധിതർ ദിവസവും പാദങ്ങൾ പരിശോധിക്കുക. പാദങ്ങളുടെ മുകൾഭാഗവും താഴ്ഭാഗവും സൂക്ഷ്മമായി നിരീക്ഷിക്കുക; നിലത്ത് ഒരു കണ്ണാടി വച്ച ശേഷം പാദത്തിനു താഴ് വശത്ത് മുറിവുകളോ വിളളലുകളോ പോറലുകളോ ഉണ്ടോ എന്നു പരിശോധിക്കുക.
* വിരലുകൾക്കിടയിലെ തൊലി പൊട്ടുന്നുവെങ്കിൽ അവിടെ ആന്റി സെപ്റ്റിക് മരുന്നു പുരുട്ടുക; ഏതാനും ദിവസങ്ങൾക്കുളളിൽ ഉണങ്ങുന്നില്ലെങ്കിൽ ഡോക്ടറെ സമീപിക്കുക.
* സോപ്പും വെളളവും ഉപയോഗിച്ചു പാദങ്ങൾ നിത്യവും വൃത്തിയായി കഴുകുക. ഉണങ്ങിയ തുണി ഉപയോഗിച്ചു തുടയ്ക്കുക. വിരലുകൾക്കിടയിൽ പറ്റിയിരിക്കുന്ന ജലാംശം തുടച്ചു കളയാൻ ശ്രദ്ധ വേണം.
* കാലു വിണ്ടു കീറാതിരിക്കാൻ കുളി കഴിഞ്ഞ ശേഷം എണ്ണയോ എണ്ണമയം നിലനിർത്താൻ സഹായിക്കുന്ന ക്രീമുകളോ ലോഷനോ പാദത്തിനു മുകളിലും താഴെയും പുരട്ടുക; വിരലുകളുടെ ഇടയിൽ പുരട്ടരുത്.
* സോക്സ് ഉപയോഗിക്കുക; മുറുക്കമുളളവ പാടില്ല. വായുസഞ്ചാരം സാധ്യമാകുന്നതും വിയർപ്പ് തങ്ങി നിൽക്കാൻ അനുവദിക്കാത്തതുമായ സോക്സാണ് അനുയോജ്യം. രാത്രി തണുപ്പ് അനുഭവപ്പെടുന്നുവെങ്കിൽ സോക്സ് ധരിക്കുന്നതു ഗുണകരം.
* കുളി കഴിഞ്ഞ ശേഷം നഖങ്ങൾ വെട്ടിവൃത്തിയാക്കുക; നഖങ്ങളുടെ അരികുകൾ വെട്ടുന്പോൾ ചർമത്തിൽ മുറിവേല്ക്കാതെ ശ്രദ്ധിക്കണം.
* ചെരുപ്പു ധരിച്ചേ നടക്കാവൂ; മുറുക്കമുളള ചെരുപ്പും ഷൂസും പാടില്ല.
* കാലുകൾ ഏറെ ചൂടു കൂടിയ വെളളമുപയോഗിച്ചു കഴുകരുത്.
* ആണിയും തഴന്പും ഉണ്ടെങ്കിൽ ബ്ലേഡും കത്തിയും ഉപയോഗിച്ചു നീക്കാൻ ശ്രമിക്കരുത്; ഡോക്ടറെ സമീപിക്കണം.
* കാലിലെ രക്തസഞ്ചാരം നിലനിർത്താൻ പുകവലി ഉപേക്ഷിക്കുക.
* ദിവസവും 20 മുതൽ 30 മിനിറ്റു വരെ നടക്കുക; കാലിലേക്കു
ളള രക്തസഞ്ചാരം കൂട്ടുന്നതിന് ഇതു സഹായകം.
* കാലിനു മേൽ മറ്റേ കാൽ കയറ്റി വച്ച് ഇരിക്കരുത്; സുഗമമായ രക്തസഞ്ചാരത്തിന് അതു തടസമാകും.
Family Health
വൈറസ് മൂലം ഉണ്ടാകുന്ന ഒരു രോഗമാണ് ഡെങ്കിപ്പനി. താരതമ്യേന ശുദ്ധജലത്തിൽ വളരുന്ന ഈഡിസ് കൊതുകുകൾ വഴിയാണ് ഈ രോഗം പകരുന്നത്. ഈഡിസ് കൊതുകുകൾ സാധാരണയായി പകൽ സമയത്താണ് മനുഷ്യരെ കടിക്കുന്നത്. വൈറസ് ശരീരത്തിൽ പ്രവേശിച്ച് 3 മുതൽ 14 ദിവസങ്ങൾക്കുള്ളിൽ മനുഷ്യരിൽ രോഗ ലക്ഷണങ്ങൾ കണ്ടുതുടങ്ങുന്നു. രോഗാണുവാഹകയായ ഈഡിസ് കൊതുകിന് ജീവിതകാലം മുഴുവനും മനുഷ്യരിലേക്ക് ഡെങ്കിപ്പനി പരത്തുവാനുള്ള കഴിവുണ്ടായിരിക്കും.
ലക്ഷണങ്ങൾ
പെട്ടെന്നുണ്ടാകുന്ന തീവ്രമായ പനി, കടുത്ത തലവേദന, കണ്ണുകൾക്ക് പിന്നിലും പേശികളിലും സന്ധികളിലും വേദന, നെഞ്ചിലും മുഖത്തും ചുവന്ന തടിപ്പുകൾ, ഓക്കാനവും ഛർദിയും എന്നിവയാണ് ആരംഭത്തിൽ കാണുന്ന ലക്ഷണങ്ങൾ.
അപകട സൂചനകൾ
തുടർച്ചയായ ഛർദി, വയറുവേദന, ഏതെങ്കിലും ശരീരഭാഗത്തു നിന്ന് രക്തസ്രാവം, കറുത്ത മലം, പെട്ടെന്നുണ്ടാകുന്ന ശ്വാസംമുട്ടൽ, ശരീരം ചുവന്നു തടിക്കൽ, ശരീരം തണുത്ത് മരവിക്കുന്ന അവസ്ഥ, വലിയ തോതിലുള്ള തളർച്ച, ശ്വസിക്കാൻ പ്രയാസം, രക്തസമ്മർദം വല്ലാതെ താഴുന്ന അവസ്ഥ തുടങ്ങിയ അപകട സൂചനകൾ ഉണ്ടാകുന്നുവെങ്കിൽ എത്രയും വേഗം രോഗിയെ വിദഗ്ധ ചികിത്സ ലഭ്യമാകുന്ന ആശുപത്രിയിൽ എത്തിക്കേണ്ടതാണ്.
പ്രായാധിക്യമുള്ളവർ, ഒരു വയസിനു താഴെയുള്ള കുട്ടികൾ, പ്രമേഹം, രക്താതിമർദം, ഹൃദ്രോഗം, അർബുദം മുതലായ രോഗങ്ങളുള്ളവർ, രോഗപ്രതിരോധശേഷി കുറഞ്ഞവർ എന്നിവരിൽ ഡെങ്കിപ്പനിയെ തുടർന്നുള്ള ആരോഗ്യപ്രശ്നങ്ങൾക്കുള്ള സാധ്യത കൂടുതലാണ്.
ചികിത്സ
വൈറസ് രോഗമായതിനാൽ ഡെങ്കിപ്പനി രോഗാണുവിനെ നശിപ്പിക്കുന്നതിനുള്ള പ്രത്യേക ചികിത്സ ലഭ്യമല്ല. ലക്ഷണങ്ങൾക്കനുസരിച്ചുള്ള ചികിത്സയാണു നൽകിവരുന്നത്. രോഗലക്ഷണങ്ങൾ കണ്ടാൽ സ്വയം ചികിത്സ ഒഴിവാക്കി ഉടൻതന്നെ ഡോക്ടറുടെ നിർദേശപ്രകാരം ചികിത്സ തേടേണ്ടതാണ്. നേരത്തെയുള്ള രോഗനിർണയവും ചികിത്സയും രോഗം ഗുരുതരമാകുന്നതും മരണവും തടയും.
സമ്പൂർണ വിശ്രമം
രോഗബാധിതർക്ക് സമ്പൂർണവിശ്രമം ആവശ്യമാണ്. പനി മാറിയാലും മൂന്നു നാലു ദിവസം കൂടി വിശ്രമം തുടരേണ്ടതാണ്. ഉപ്പിട്ട കഞ്ഞിവെള്ളം, കരിക്കിൻ വെള്ളം, പഴച്ചാറുകൾ, മറ്റു പാനീയങ്ങൾ എന്നിവ ധാരാളം കുടിക്കണം. ആസ്പിരിൻ, ഇബുപ്രോഫിൻ മുതലായ വേദനസംഹാരി മരുന്നുകൾ ഒഴിവാക്കണം. പകൽ സമയം വിശ്രമിക്കുന്നതും ഉറങ്ങുന്നതും കൊതുകുവലയ്ക്കുള്ളിൽ ആയിരിക്കണം. ഡെങ്കിപ്പനിബാധിതർ കൊതുകുകടി ഏൽക്കാതിരിക്കാൻ പ്രത്യേകം ശ്രദ്ധിക്കണം. ഇത് മറ്റുള്ളവരിലേക്കു രോഗം പകരുന്നത് തടയാൻ സഹായിക്കും.
ഡെങ്കിയെ തുരത്താൻ നമുക്ക് എന്തൊക്കെ ചെയ്യാം?
ഈഡിസ് വിഭാഗം കൊതുകുകളാണ് ഡെങ്കിപ്പനി പരത്തുന്നത്. ഈഡിസ് ഇല്ലെങ്കിൽ ഡെങ്കിപ്പനിയുമില്ല. ഈഡിസ് മുട്ടയിട്ടു വളരുന്ന ഇടങ്ങളും സാഹചര്യങ്ങളും ഒഴിവാക്കുക.
▪️ഈഡിസ് കൊതുകുകള് സാധാരണ മുട്ടയിടുന്ന സ്ഥലങ്ങളായ ചിരട്ട, ടയര്, കുപ്പി, ആട്ടുകല്ല്, ഉപയോഗ ശൂന്യമായ പാത്രങ്ങള്, വെളളം കെട്ടിനില്ക്കാവുന്ന സാധനങ്ങള് തുടങ്ങിയവ ശരിയായ രീതിയില് സംസ്കരിക്കുകയോ വെളളം വീഴാത്ത സ്ഥലങ്ങളില് സൂക്ഷിക്കുകയോ ചെയ്യുക.
▪️മഴക്കാലത്ത് ടെറസിനു മുകളിലും സണ്ഷേഡിലും വെളളം കെട്ടി നില്ക്കാന് അനുവദിക്കരുത്.
▪️റഫ്രിജറേറ്ററിനു പുറകിലുളള ട്രേ, ചെടിച്ചട്ടിക്കിടയില് വെക്കുന്ന പാത്രം, പൂക്കളും ചെടികളും നില്ക്കുന്ന പാത്രം, ടെറസ്, ടാങ്ക് എന്നിവയിലെ വെളളം ആഴ്ചയിലൊരിക്കല് പൂര്ണമായും നീക്കം ചെയ്യണം.
▪️ജലം സംഭരിച്ചു വയ്ക്കുന്ന ടാങ്കുകളും പാത്രങ്ങളും സിമന്റ് തൊട്ടികളും മറ്റും കൊതുക്
കടക്കാത്ത വിധം മൂടിവയ്ക്കുക.
▪️ഇവയിലെ വെളളം ആഴ്ചയിലൊരിക്കല് ചോര്ത്തിക്കളഞ്ഞ് ഉള്വശം ഉരച്ചു കഴുകി ഉണങ്ങിയ ശേഷം വീണ്ടും നിറയ്ക്കുക.
▪️മരപ്പൊത്തുകള് മണ്ണിട്ട് മൂടുക.എലി, അണ്ണാന് തുടങ്ങിയവ തുരന്നിടുന്ന നാളികേരം, കായകള് എന്നിവ ആഴ്ചയിലൊരിക്കല് കത്തിച്ചു കളയുകയോ കുഴിച്ചുമൂടുകയോ ചെയ്യുക.
▪️മുളംകുറ്റികള് വെളളം കെട്ടി നില്ക്കാത്ത വിധത്തില് വെട്ടിക്കളയുകയോ മണ്ണിട്ട് മൂടുകയോ ചെയ്യുക.
▪️ടാര്പോളിന്, പ്ലാസ്റ്റിക് ഷീറ്റ് എന്നിവയില് വെളളം കെട്ടി നില്ക്കാതെ ശ്രദ്ധിക്കുക.
▪️വീടിന്റെ പരിസരത്തും പുരയിടങ്ങളിലും കാണുന്ന കുഴികള് മണ്ണിട്ട് മൂടുക. അല്ലെങ്കില് ചാല് കീറി വെളളം വറ്റിച്ചുകളയുക.
▪️ഓടകളിലും ചാലുകളിലും വെളളം സുഗമമായി ഒഴുകിപ്പോകുന്നതിനായി ചപ്പുചവറുകളും മണ്ണും മറ്റും യഥാസമയം നീക്കുക.
സെപ്റ്റിക് ടാങ്കിന്റെ വെന്റ് പൈപ്പിന്റെ അഗ്രം കൊതുകുവല ഉപയോഗിച്ച് കെട്ടുക.
▪️സ്ലാബിനടിയിലെ വിടവുകള്, സുഷിരങ്ങള് എന്നിവ സിമന്റ് കൊണ്ട് അടയ്ക്കുക.
▪️വീടിനുചുറ്റുമുളള പാഴ്ചെടികള്, ചപ്പ് ചവറുകള് എന്നിവ നീക്കണം.
▪️കിണറുകള്, കുളങ്ങള്, ടാങ്കുകള്, ഫൗണ്ടനുകള്, താത്ക്കാലിക ജലാശയങ്ങള് മുതലായവയില് കൂത്താടി ഭോജി മത്സ്യങ്ങളായ മാനത്തു കണ്ണി, ഗപ്പി, ഗംബൂസിയ എന്നിവ നിക്ഷേപിക്കുക.
▪️ഈഡിസ് കൊതുകിന്റെ കടിയേല്ക്കാതിരിക്കാന് പകല് സമയത്ത് ഉറങ്ങുന്നവര് കൊതുകുവല ഉപയോഗിക്കുക.
▪️കീടനാശിനിയില് മുക്കിയ കൊതുകുവല ഉപയോഗിക്കുന്നതാണ് ഏറെ ഉത്തമം.
▪️കൊതുകിനെ അകറ്റാന് കഴിവുളള ലേപനങ്ങള് ദേഹത്ത് പുരട്ടുക.
▪️ശരീരം നന്നായി മൂടുന്ന വസ്ത്രം ധരിക്കുക.
▪️ജനല്, വാതില്, വെന്റിലേറ്റര് മുതലായവയില് കൊതുക് കടക്കാതെ വല പിടിപ്പിക്കുക.
▪️പനി വന്നാല് സ്വയം ചികിത്സ നടത്താതെ സമീപമുളള ആശുപത്രിയില് ചികിത്സ തേടുക.
▪️റബര് തോട്ടങ്ങളിലെ ചിരട്ടകള്, കമുകിന് തോട്ടങ്ങളിലെ പാളകള് എന്നിവയില് വെളളം കെട്ടി നിന്ന് കൊതുക് വളരാനുളള സാഹചര്യം ഒഴിവാക്കുക.
വിവരങ്ങൾക്കു കടപ്പാട്: സംസ്ഥാന ആരോഗ്യ കുടുംബക്ഷേമ വകുപ്പ്, ആരോഗ്യ കേരളം & നാഷണൽ ഹെൽത്ത് മിഷൻ
Family Health
ചര്മത്തിനു നിറം നല്കുന്ന കോശമായ മെലാനോസൈറ്റിനോട് (Melanocyte) നമ്മുടെ തന്നെ രോഗപ്രതിരോധശക്തി പ്രതികരിക്കുന്നതു മൂലം മെലാനോസൈറ്റിന്റെ പ്രവര്ത്തനം കുറയുകയും ചില ഭാഗങ്ങളില് മെലാനിന് (Melanin) എന്ന പിഗ്മെന്റ് കുറയുകയും ചെയ്യുന്നു. മെലാനോസൈറ്റിന്റെ വളര്ച്ച ത്വരിതപ്പെടുത്തുന്ന രാസവസ്തുക്കളുടെയും വളർച്ചാഘടകത്തിന്റെയും( Growth factor) അഭാവം മൂലവും അതിന്റെ പ്രവര്ത്തനം കുറയാം. ഇങ്ങനെ മെലാനിന് കുറഞ്ഞ ഭാഗങ്ങള് വെളുത്ത് കാണപ്പെടുന്നു. അതാണു വെള്ളപ്പാണ്ട് എന്നറിയപ്പെടുന്നത്.
ആഹാരരീതി കൊണ്ട് വെള്ളപ്പാണ്ട് വരുമോ?
വെള്ളപ്പാണ്ടും ആഹാരവുമായി യാതൊരു ബന്ധവും ശാസ്ത്രീയ പഠനങ്ങളിലൂടെ തെളിയിച്ചിട്ടില്ല.
ശരീരത്തിലുണ്ടാകുന്ന എല്ലാ വെള്ളപ്പാടുകളും വെള്ളപ്പാണ്ട് ആണോ?
അല്ല, പല അസുഖങ്ങള് ശരീരത്തില് വെളുത്ത പാടായി പ്രത്യക്ഷപ്പെടാറുണ്ട്. ഒരു ഡോക്ടറുടെ സഹായത്തോടെ അത് സ്ഥിതീകരിക്കുകയും ചികിത്സ നേടുകയും വേണം.
ചികിത്സിച്ചാല് ഭേദമാകുമോ?
സങ്കീര്ണമായ പല ഘടകങ്ങള് മൂലമുണ്ടാകുന്ന ഒരു അവസ്ഥയാണ് വെള്ളപ്പാണ്ട്. പ്രത്യേകിച്ചും ഓട്ടോ ഇമ്മ്യൂണിറ്റി - അത് ഓരോ രോഗിയിലും വ്യത്യസ്തപ്പെട്ടിരിക്കുന്നതിനാല് ചികിത്സാരീതികളും വ്യത്യാസപ്പെട്ടിരിക്കുന്നു.
കൃത്യതയോടെ നിങ്ങളുടെ ഡോക്ടറുടെ നിര്ദ്ദേശങ്ങള് പാലിക്കുകയാണെങ്കില് വെള്ളപ്പാണ്ട് വ്യാപിക്കുന്നത് തടുക്കാനും നിറം വീണ്ടെടുക്കാനും സാധിക്കും. എന്നാലും പുതിയ പാടുകള് പ്രത്യക്ഷപ്പെടാം.
വെള്ളപ്പാണ്ട് ഉള്ളവര് എന്തൊക്കെ ശ്രദ്ധിക്കണം?
· വൈകാരിക സമ്മര്ദം വെള്ളപ്പാണ്ടിനെ പ്രതികൂലമായി ബാധിക്കാറുണ്ട്. ഈ അവസ്ഥയെക്കുറിച്ച് മനസിലാക്കുക, തൊലിയില് നിറമില്ലായെന്നതൊഴിച്ചാല് അവിടത്തെ തൊലി തികച്ചും സാധാരണമായി കാണപ്പെടുന്നു.
· ആഹാരത്തില് വ്യത്യാസം വരുത്തേണ്ടതില്ല, എന്നാല് സമീകൃതാഹാരം കഴിക്കുന്നത് എല്ലാ വ്യക്തികൾക്കുമെന്നതുപോലെ ഇവർക്കും നല്ലതാണ്.
· നിങ്ങളുടെ സംശയങ്ങളും ഉത്കണ്ഠകളും ഡോക്ടറോട് പങ്കുവയ്ക്കുക.
സ്കൂളിൽ പോകുമ്പോൾ
· സ്കൂളില് പോകുന്ന കുട്ടികളാണെങ്കില് രക്ഷിതാക്കള് സ്കൂള് അധികൃതരുമായി സംസാരിക്കുകയും മറ്റു കുട്ടികളെ ബോധവല്ക്കരിക്കുകയും വേണം.
ഈ ഒരു അവസ്ഥയെ പറ്റി അവബോധം ഉണ്ടാവുകയാണെങ്കില് ഇതിനോടുള്ള വിമുഖത തീര്ത്തും ഇല്ലാതാകും. ലോകത്തിന്റെ പല കോണുകളില് ഉള്ള ആള്ക്കാരും നേരിടുന്ന ഒരു അവസ്ഥയാണിത്. നിങ്ങളുടെ സ്വപ്നങ്ങള്ക്കൊന്നും ഒരു രീതിയിലും ഇത് തടസമാകില്ല എന്നത് മനസിലാക്കി ആത്മധൈര്യത്തോടെ ജീവിതം ആസ്വദിക്കുക.
വിവരങ്ങൾ: ഡോ. ശാലിനി വി. ആർ
കൺസൾട്ടന്റ് ഡെർമറ്റോളജിസ്റ്റ്,
എസ്യുറ്റി ഹോസ്പിറ്റൽ,
തിരുവനന്തപുരം
Family Health
കണ്ണിൽ നിന്ന് തലച്ചോറിലേക്ക് ദൃശ്യങ്ങൾ എത്തിക്കുന്ന കാഴ്ചഞരമ്പിന് സംഭവിക്കുന്ന തകരാർ മൂലം വരുന്ന നേത്രരോഗമാണ് ഗ്ലോക്കോമ. ഇൻട്രാ ഓകുലാൽ പ്രഷർ(IOP) കൂടിയിട്ടില്ലെങ്കിലും ഒപ്റ്റിക് നാഡിക്ക് കേടുള്ള അവസ്ഥയാണ് നോർമൽ ടെൻഷൻ ഗ്ലോക്കോമ. നേത്രനാഡിയിലേക്കുള്ള രക്തപ്രവാഹം കുറയുന്നതോ മൃദുവായ നേത്രനാഡിയോ കാരണമാകാം.
കൺജെനിറ്റൽ ഗ്ലോക്കോമ
ഇതുകൂടാതെ നവജാതശിശുക്കളിൽ കൺജെനിറ്റൽ ഗ്ലോക്കോമ ഉണ്ടാകാം.
ഓപ്പൺ ആംഗിൾഗ്ലോക്കോമ
ഓപ്പൺ ആംഗിൾ ഗ്ലോക്കോമയ്ക്ക് ആരംഭത്തിൽ കാര്യമായ ലക്ഷണങ്ങൾ കാണില്ല. നേത്രനാഡിക്ക് തകരാർ ഉണ്ടാകുമ്പോൾ കാഴ്ചയുടെ പരിധിയിൽ ശൂന്യ മേഖലകൾ (scotomas) ഉണ്ടാകുന്നു. ഇത് തുടക്കത്തിൽ വശങ്ങളിലെ കാഴ്ചയെ മാത്രമേ ബാധിക്കൂ. അതുകൊണ്ട് രോഗിക്ക് കാഴ്ചക്കുറവ് അനുഭവപ്പെടാറില്ല.
എന്നാൽ രോഗം സങ്കീർണമാകുമ്പോൾ കാഴ്ചയുടെ പരിധി ചുരുങ്ങി ഒരു കുഴലിനുള്ളിലൂടെ കാണുന്ന അവസ്ഥയിലേക്ക് പോകുന്നു. ഈ സ്റ്റേജിനെ ടണൽ വിഷൻ എന്ന് പറയുന്നു. അപ്പോഴേക്കും കാഴ്ച മങ്ങിത്തുടങ്ങും.
ആംഗിൾ ക്ലോഷർ ഗ്ലോക്കോമ
കടുത്ത തലവേദന, കണ്ണുകഴപ്പ്, ചുവപ്പ്, ഓക്കാനവും ഛർദിയും ഉണ്ടായി കാഴ്ച മങ്ങുക എന്നിവയാണ് ലക്ഷണങ്ങൾ. ഐറിസ് മുന്നോട്ടു തള്ളിവന്ന് അക്വസ് ഹ്യൂമർ ദ്രാവകം ഡ്രെയിനേജ് ആംഗിളിലൂടെ പുറത്തേക്ക് ഒഴുകുന്നതിനെ തടയുന്നു. അങ്ങനെ കണ്ണിന് മർദം കൂടുകയും ചെയ്യുന്നു. ഈ അവസ്ഥ ഉടനെ ചികിത്സിച്ചില്ലെങ്കിൽ കാഴ്ച പൂർണമായും നഷ്ടപ്പെട്ടേക്കാം.
ഗ്ലോക്കോമ സാധ്യത ആർക്കെല്ലാം
നവജാത ശിശുക്കളിൽ മുതൽ മുതിർന്നവരിൽ വരെ ആർക്കും ഗ്ലോക്കോമ ഉണ്ടാകാം. എന്നാൽ സാധാരണയായി അപകടസാധ്യത ഉള്ളവർ:
1. 40 വയസ്സിനു മുകളിൽ പ്രായം
2. ഗ്ലോക്കോമ കുടുംബ പശ്ചാത്തലമായി ഉള്ളവർ (family history)
ഗ്ലോക്കോമ: അപകടസാധ്യത ഉള്ളവർ
* പ്രമേഹം, സിക്കൾ സെൽ അനീമിയ എന്നീ രോഗങ്ങൾ
* മയോപ്പിയ അഥവാ Short sight ഉള്ള വ്യക്തികൾ
* കണ്ണിന് എന്തെങ്കിലും പരിക്കോ ശസ്ത്ര ക്രിയയോ ചെയ്തിട്ടുള്ളവർ
* വളരെക്കാലം സ്റ്റിറോയ്ഡ് മരുന്ന് ഉപയോഗിച്ചിട്ടുള്ളവർ
ഇങ്ങനെയുള്ളവർ എല്ലാവർഷവും കൃത്യമായി നേത്രപരിശോധന നടത്തേണ്ടത് ആവശ്യമാണ്
വിവരങ്ങൾ: ഡോ. അഞ്ജു ഹരീഷ്,
കൺസൾട്ടന്റ് ഓഫ്ത്താൽമോളജിസ്റ്റ്,
എസ്യുറ്റി ഹോസ്പിറ്റൽ, പട്ടം
തിരുവനന്തപുരം.
Family Health
രാവിലെ എഴുന്നേറ്റ് ആവി പറക്കുന്ന ചൂട് ചായ ഒറ്റവലിക്ക് കുടിക്കുന്ന ശീലമുണ്ടോ? എങ്കിൽ ഒന്ന് ശ്രദ്ധിക്കണം. ആ ശീലം അത്ര നല്ലതല്ല എന്നാണ് പുതിയ ആരോഗ്യ പഠനങ്ങൾ മുന്നറിയിപ്പ് നൽകുന്നത്.
വളരെ ചൂടുള്ള ചായയോ കാപ്പിയോ പതിവായി കുടിക്കുന്നത് അന്നനാളത്തിലെ കാൻസറിനുള്ള സാധ്യത വർദ്ധിപ്പിക്കുമെന്ന് ഡോക്ടർമാർ പറയുന്നു.പ്രധാനമായും വളരെ ഉയർന്ന താപനിലയിലുള്ള പാനീയങ്ങൾ സ്ഥിരമായി കഴിക്കുന്നതാണ് പ്രശ്നം. ഇത് അന്നനാളത്തിലെ കോശങ്ങളെ നിരന്തരം പൊള്ളിക്കുകയും, പിന്നീട് അത് Esophageal Squamous Cell Carcinoma (ESCC) എന്ന തരം കാൻസറായി മാറാനുള്ള സാധ്യത കൂട്ടുകയും ചെയ്യുന്നു എന്നാണ് പഠനങ്ങൾ സൂചിപ്പിക്കുന്നത്.
ചായയും കാപ്പിയും തിളച്ച ഉടനെ കുടിക്കരുത്.
ഒന്ന് രണ്ട് മിനിറ്റ് ആറാൻ അനുവദിക്കുക.
നാവ് പൊള്ളുന്ന അത്ര ചൂടിൽ ഒരു പാനീയവും കുടിക്കരുത്.
ഇളം ചൂടിൽ കുടിക്കുന്നതാണ് ഏറ്റവും സുരക്ഷിതം.
ചൂട് കുറച്ച് കുടിച്ചാൽ രുചി പോകില്ല, പക്ഷെ ആരോഗ്യം സുരക്ഷിതമായിരിക്കും.
ശ്രദ്ധിക്കുക: ഇത് പൊതുവായ അറിവിന് വേണ്ടിയുള്ള വിവരമാണ്. സംശയങ്ങൾക്ക് ഒരു ഡോക്ടറെ കാണുക.
Family Health
കണ്ണിൽ നിന്ന് തലച്ചോറിലേക്ക് ദൃശ്യങ്ങൾ എത്തിക്കുന്ന കാഴ്ചഞരമ്പിന് സംഭവിക്കുന്ന തകരാർ മൂലം വരുന്ന നേത്രരോഗമാണ് ഗ്ലോക്കോമ. കണ്ണിനകത്തെ പ്രഷർ ഉയർന്ന അളവിൽ ആകുമ്പോൾ നേത്രനാഡിക്ക് ക്ഷതം സംഭവിക്കുകയും അത് കാഴ്ച വൈകല്യങ്ങൾ ഉണ്ടാക്കുകയും ചെയ്യുന്നു.
യഥാർഥത്തിൽ ഗ്ലോക്കോമ ബാധിതരായ പലർക്കും അത് അറിയില്ല. കണ്ടുപിടിക്കപ്പെടാതെയും ചികിത്സിക്കാതെയും തുടർന്നാൽ ഗ്ലോക്കോമ അന്ധതയ്ക്കു കാരണമാകും.
ആദ്യഘട്ടങ്ങളിൽ...
ലോകാരോഗ്യസംഘടനയുടെ കണക്കുകൾ പ്രകാരം ലോകത്താകമാനം 60 മില്യൻ ഗ്ലോക്കോമ രോഗികൾ ഉണ്ട്. അന്ധത ഉണ്ടാക്കുന്ന രോഗങ്ങളിൽ രണ്ടാം സ്ഥാനം ഗ്ലോക്കോമയ്ക്കാണ്. ഇന്ത്യയിലാകമാനം 12 മില്യൻ ആളുകൾ രോഗബാധിതരാണ്. ആദ്യഘട്ടങ്ങളിൽ കാര്യമായ ലക്ഷണങ്ങൾ ഇല്ലാത്തതിനാൽ പലപ്പോഴും രോഗം തിരിച്ചറിയാൻ വളരെ വൈകാറുണ്ട്. അപ്പോഴേക്കും കാഴ്ച നഷ്ടമായേക്കും. അതുകൊണ്ടാണ് കാഴ്ചയുടെ നിശബ്ദ കൊലയാളി (sneak thief of sight)എന്ന് ഗ്ലോക്കോമ അറിയപ്പെടുന്നത്.
ഗ്ലോക്കോമ ഉണ്ടാകുന്നത്
കണ്ണിനകത്തെ പ്രഷർ തുലനാവസ്ഥയിൽ നിർത്തുന്നത് അക്വസ് ഹ്യൂമർ എന്ന ദ്രാവകം ക്രമമായി ഒഴുകുന്നതു മൂലമാണ്. ഇത് സാധാരണഗതിയിൽ കണ്ണിന്റെ മുൻവശത്തെ അറയായ ആന്റീരിയർ ചേംബറിലൂടെ ഒഴുകി കണ്ണിന്റെ ഡ്രൈനേജ് ആംഗിളിലൂടെ കടന്നു രക്തത്തിലേക്ക് എത്തുന്നു. ഈ സംവിധാനം തകരാറിലാകുമ്പോൾ അക്വസ് ഹ്യൂമർ കൃത്യമായി ഒഴുകിപ്പോകാൻ സാധിക്കാതാവുകയും അത് കെട്ടിനിന്ന് കണ്ണിൽ മർദം കൂടാനിടയാക്കുകയും ചെയ്യും. അങ്ങനെ നേത്ര നാഡി തകരാറിലാകുകയും ചെയ്യും. കൃത്യസമയത്ത് ചികിത്സ തേടിയില്ലെങ്കിൽ കുറച്ചുകാലത്തിനകം സ്ഥിരമായി തന്നെ കാഴ്ച നഷ്ടപ്പെടാൻ കാരണമാകും.
ഗ്ലോക്കോമ പലതരം
പ്രധാനമായും രണ്ട് തരത്തിൽ
1. ഓപ്പൺ ആംഗിൾ ഗ്ലോക്കോമ
2. ആംഗിൾ ക്ലോഷർ ഗ്ലോക്കോമ
രണ്ടിലും ഇൻട്രാ ഓകുലാൽ പ്രഷർ(IOP) ഉയർന്നിരിക്കും.
വിവരങ്ങൾ:
ഡോ. അഞ്ജു ഹരീഷ്,
കൺസൾട്ടന്റ് ഓഫ്ത്താൽമോളജിസ്റ്റ്,
എസ്യുറ്റി ഹോസ്പിറ്റൽ, പട്ടം
തിരുവനന്തപുരം.
Family Health
രാവിലെ മുതൽ വൈകിട്ട് വരെ ലാപ്ടോപ്പിന് മുന്നിൽ, AC റൂമിനുള്ളിൽ, ഒരു തുള്ളി വെയിൽ പോലും കൊള്ളാതെ ഇരിക്കുന്നവരാണോ നിങ്ങൾ? എങ്കിൽ നിങ്ങളുടെ തലച്ചോറ് പതുക്കെ ക്ഷീണിച്ചു കൊണ്ടിരിക്കുകയാണ്.
ദിവസവും കുറഞ്ഞത് 42 മിനിറ്റ് പകൽ വെളിച്ചത്തിലും വെയിലത്തും ഇരിക്കുന്നത് മറവി രോഗം അഥവാ ഡിമെൻഷ്യ വരാനുള്ള സാധ്യത ഗണ്യമായി കുറയ്ക്കുമെന്ന് പുതിയ പഠനം പറയുന്നു.പകൽ സമയത്ത് ആവശ്യത്തിന് സൂര്യപ്രകാശം കിട്ടാത്തത് തലച്ചോറിന്റെ പ്രവർത്തനത്തെ ബാധിക്കും. ഇത് ഓർമ്മക്കുറവിനും ശ്രദ്ധക്കുറവിനും കാരണമാകും. പ്രത്യേകിച്ച് വീടിനുള്ളിൽ തന്നെ ഇരുന്ന് ജോലി ചെയ്യുന്നവരിൽ, പകൽ മുഴുവൻ ലാപ്ടോപ്പിന് മുന്നിൽ ഇരിക്കുന്നവരിൽ ഈ പ്രശ്നം കൂടുതലാണ്.
രാവിലെ ഒമ്പത് മണിക്ക് മുന്നെയോ വൈകിട്ട് നാല് മണിക്ക് ശേഷമോ 42 മിനിറ്റ് വെയിൽ കൊള്ളുക.WFH ചെയ്യുന്നവർ ജനൽ തുറന്നിടുക, ബാൽക്കണിയിൽ ഇരുന്ന് ജോലി ചെയ്യുക.ഉച്ചയ്ക്ക് കടുത്ത വെയിൽ ഒഴിവാക്കി ഇളം വെയിൽ കൊള്ളുക.വിറ്റാമിൻ ഡി ലഭിക്കാൻ മാത്രമല്ല, തലച്ചോറിന്റെ ആരോഗ്യത്തിനും സൂര്യപ്രകാശം അനിവാര്യമാണെന്ന് ഈ പഠനം ഓർമ്മിപ്പിക്കുന്നു.
Womens Corner
മുഖം തിളങ്ങാൻ എത്ര രൂപയുടെ ക്രീമാണ് നിങ്ങൾ വാങ്ങുന്നത്? 500 രൂപയോ, 1000 രൂപയോ?
പക്ഷേ സത്യം പറയാം, പുറമെ തേക്കുന്നത് മാത്രം പോരാ!നിങ്ങളുടെ തിളക്കം തുടങ്ങുന്നത് നിങ്ങളുടെ അടുക്കളയിൽ നിന്നാണ്!
ചർമ്മത്തിന്റെ ഓരോ പ്രശ്നത്തിനും അതിന് അനുസരിച്ചുള്ള ഭക്ഷണം കഴിച്ചാൽ, ക്രീമില്ലാതെ തന്നെ മുഖം തിളങ്ങും എന്നാണ് വിദഗ്ധർ പറയുന്നത്.
ഇതാ ചില സൂപ്പർ ഫുഡുകൾ:
മുഖക്കുരു മാറ്റാൻ കുക്കുമ്പറും തക്കാളിയും ധാരാളം കഴിക്കൂ. ഇവ ശരീരത്തിലെ ചൂട് കുറയ്ക്കും, രക്തം ശുദ്ധീകരിക്കും.
ചർമ്മത്തിന്റെ വരൾച്ച മാറ്റാൻ ഏറ്റവും നല്ലത് ബദാമും പപ്പായയുമാണ്. ബദാമിലെ വിറ്റാമിൻ E ചർമ്മത്തിന് സ്വാഭാവികമായ എണ്ണമയം നൽകും.
കരുവാളിപ്പ് ,കറുത്ത പാടുകൾ മാറ്റാൻ ഓറഞ്ച് കഴിക്കണം. ഓറഞ്ചിലെ വിറ്റാമിൻ C ചർമ്മത്തിന് നിറം നൽകും, കോളജൻ കൂട്ടും.
ചുളിവുകൾ വീഴാതിരിക്കാൻ ദിവസവും ആപ്പിൾ കഴിക്കണം
ആപ്പിളിലെ ആന്റി ഓക്സിഡന്റു കൾ ചർമ്മത്തെ ചെറുപ്പമായി നിലനിർത്തും.
ഓർക്കുക, 1000 രൂപയുടെ ക്രീം തരാത്ത തിളക്കം, 20 രൂപയുടെ പപ്പായയും കുക്കുമ്പറും തരും!അതുകൊണ്ട് ഇന്ന് മുതൽ ക്രീമിന്റെ പുറകെ പോകുന്നതിന് മുൻപ്, പ്ലേറ്റിലെ ഭക്ഷണം ശ്രദ്ധിക്കൂ. സൗന്ദര്യം അകത്ത് നിന്ന് വരട്ടെ!
Family Health
ബ്ലഡ് പ്രഷറിനുള്ള ഒരു ഗുളികയുടെ വില നിങ്ങൾ കരുതുന്നതിനേക്കാൾ വലുതാണ് - അത് നിങ്ങളുടെ ജീവൻ തന്നെയാണ്!രാവിലെ എഴുന്നേറ്റ് ബി.പി നോക്കി. 120/80. കുഴപ്പമില്ലല്ലോ. ഇന്ന് മരുന്ന് വേണ്ടെന്ന് വെക്കാം. നമ്മളിൽ പലരും ചെയ്യുന്ന തെറ്റാണിത്.പക്ഷേ ആ ഒരു ദിവസത്തെ മുടക്കം നിങ്ങളുടെ ജീവിതം തന്നെ ഇല്ലാതാക്കിയേക്കാം.
അടുത്തിടെ പുറത്തുവന്ന പുതിയ പഠനം ഞെട്ടിക്കുന്ന കാര്യമാണ് പറയുന്നത്.ബ്ലഡ് പ്രഷറിന്റ മരുന്ന് സ്ഥിരമായി കഴിക്കുന്നവർ ഒരു ദിവസം മുടക്കിയാൽ ഹൃദയാഘാതത്തിനും പക്ഷാഘാതത്തിനുമുള്ള സാധ്യത പതിൻമടങ്ങ് വർദ്ധിക്കും.
എന്തുകൊണ്ട് ഇത് സംഭവിക്കുന്നു?
നിങ്ങൾ ദിവസവും കഴിക്കുന്ന മരുന്നാണ് നിങ്ങളുടെ രക്തസമ്മർദ്ദത്തെ ഒരു കടിഞ്ഞാൺ പോലെ പിടിച്ചു നിർത്തുന്നത്. ഒരു ദിവസം ആ കടിഞ്ഞാൺ അഴിച്ചു വിട്ടാൽ, രക്തക്കുഴലുകളിലെ സമ്മർദ്ദം പെട്ടെന്ന് കുതിച്ചുയരും.അത് ഹൃദയത്തിന്റെ പ്രവർത്തനത്തെ താളം തെറ്റിക്കും. തലച്ചോറിലേക്കുള്ള രക്തയോട്ടത്തെ തടസ്സപ്പെടുത്തും.
ഒരു നിമിഷം കൊണ്ട് എല്ലാം തീരും.നിങ്ങളുടെ ബി.പി ഇന്ന് നോർമൽ ആയിരിക്കുന്നത് തന്നെ ഇന്നലെ നിങ്ങൾ കഴിച്ച ആ ഗുളിക കൊണ്ടാണ് എന്ന് മറക്കരുത്!
അപ്പോൾ എന്ത് ചെയ്യണം
ഭക്ഷണം കഴിക്കാൻ മറക്കാത്ത പോലെ, മരുന്ന് കഴിക്കാനും മറക്കരുത്. യാത്രയിൽ മരുന്ന് മറക്കാതിരിക്കുക.ഡ്രസ്സ് എടുക്കാൻ മറന്നാലും മരുന്ന് എടുക്കാൻ മറക്കരുത്. അതാണ് നിങ്ങളുടെ യഥാർത്ഥ പാസ്പോർട്ട്.
മരുന്ന് തീരാൻ കാത്തുനിൽക്കരുത്. മൂന്ന് ദിവസം മുൻപേ വാങ്ങി വെക്കുക.ഓർക്കുക, ഇത് വെറുമൊരു ഗുളികയല്ല, നിങ്ങളുടെ കുടുംബത്തിന് നിങ്ങൾ നൽകുന്ന ഉറപ്പാണ്.
Family Health
ദിവസവും പഴങ്ങൾ കഴിക്കാറുണ്ടോ? എങ്കിൽ നിങ്ങൾ ശരിക്കും ഭാഗ്യവാനാണ്! അടുത്തിടെ വന്ന ഒരു ആഗോള ഹെൽത്ത് പഠനത്തിൽ ലോകത്തിലെ ഏറ്റവും ആരോഗ്യകരമായ പത്ത്പഴങ്ങളുടെ ലിസ്റ്റ് പുറത്തുവിട്ടു.
നമ്മൾ വിചാരിക്കുന്ന ആപ്പിളോ ഓറഞ്ചോ അല്ല, അതിലും എത്രയോ ഗുണമുള്ള പഴങ്ങളാണ് ഈ ലിസ്റ്റിൽ!ആ പത്ത് സൂപ്പർ പഴങ്ങൾ
1. കിവി:
വിറ്റാമിൻ Cയുടെ കലവറ! ഒരു കിവിയിൽ ഓറഞ്ചിനെക്കാൾ കൂടുതൽ വിറ്റാമിൻ C ഉണ്ട്. പ്രതിരോധശേഷി കൂട്ടാൻ ഇതിലും മികച്ചതില്ല.
2. ബ്ലൂബെറി:
ലോകം 'സൂപ്പർ ഫുഡ്' എന്ന് വിളിക്കുന്ന കുഞ്ഞൻ പഴം. ഓർമ്മശക്തി കൂട്ടാനും, തലച്ചോറിന് ഉന്മേഷം നൽകാനും ബ്ലൂബെറി കഴിക്കണം.
3. മാതളം (Pomegranate):
ഹൃദയത്തിന്റെ കാവൽക്കാരൻ. രക്തസമ്മർദ്ദം കുറയ്ക്കാനും രക്തം ശുദ്ധീകരിക്കാനും മാതളം പോലെ മറ്റൊന്നില്ല.
4. പേരയ്ക്ക:
നമ്മുടെ നാട്ടിലെ സൂപ്പർസ്റ്റാർ! വിറ്റാമിൻ C, നാരുകൾ... വില കുറവാണെങ്കിലും ഗുണത്തിൽ ആരെയും തോൽപ്പിക്കും. പ്രമേഹമുള്ളവർക്ക് ഏറ്റവും നല്ലത്.
5. അവക്കാഡോ:
നല്ല കൊഴുപ്പിന്റെ രാജാവ്. കൊളസ്ട്രോൾ കുറയ്ക്കാനും ചർമ്മം തിളങ്ങാനും അവക്കാഡോ കഴിക്കണം.
മറ്റുള്ളവ:
6. ബ്ലാക്ക്ബെറി,7. റാസ്പ്ബെറി ,8.സ്ട്രോബെറി: ഇവ മൂന്നും ബെറി കുടുംബം. ഷുഗർ കുറവ്, ആന്റിഓക്സിഡന്റ് കൂടുതൽ. തടി കുറയ്ക്കാൻ ആഗ്രഹിക്കുന്നവർക്ക് ഉത്തമം.
9. ടാർട്ട് ചെറി:
നല്ല ഉറക്കം കിട്ടാൻ ബുദ്ധിമുട്ടാണോ? ഈ ചെറി ജ്യൂസ് കുടിച്ചാൽ മതി. സന്ധിവേദനയ്ക്കും നല്ലതാണ്.
10. ഒലീവ്:
പഴമാണോ എന്ന് സംശയിക്കണ്ട! ലോകത്തിലെ ഏറ്റവും ആരോഗ്യകരമായ പഴങ്ങളിൽ ഒന്നാണ് ഒലീവ്. നല്ല കൊഴുപ്പും വീക്കം കുറയ്ക്കാനുള്ള കഴിവും ഇതിനുണ്ട്.വില കൂടിയ പഴങ്ങൾ മാത്രമല്ല, നമ്മുടെ പറമ്പിലെ പേരയ്ക്ക പോലും ഈ ലിസ്റ്റിൽ ഉണ്ട് എന്നതാണ് ഏറ്റവും സന്തോഷം!
Family Health
തേൻമിഠായി...
ഈ പേര് കേൾക്കുമ്പോൾ തന്നെ നമ്മുടെ മനസ് എത്ര വർഷം പിന്നിലേക്ക് പോകും, അല്ലേ?സ്കൂൾ വിട്ടു വരുമ്പോൾ ഗേറ്റിനു മുന്നിലെ പെട്ടികടയിലെ ചേട്ടന്റെ കയ്യിൽ നിന്ന്പത്രക്കടലാസ് പൊതിയിൽ വാങ്ങിയിരുന്ന ആ മധുരം.
ചുവപ്പ്, മഞ്ഞ, പച്ച, ഓറഞ്ച്... കുപ്പി ഭരണികളിൽ നിറയെ ഇരിക്കുന്ന ആ വർണ്ണ ലോകം. 25 പൈസയ്ക്ക്, പിന്നെ ഒരു രൂപയ്ക്ക്, പിന്നെ രണ്ട് രൂപയ്ക്ക്... പോക്കറ്റിൽ നാണയതുട്ടുകൾ എണ്ണി നോക്കി വാങ്ങിയിരുന്ന ആ സന്തോഷം.
നാവിൽ വെച്ചാൽ ആദ്യം പുളിപ്പ്, പിന്നെ മധുരം. പല്ലിൽ ഒട്ടിപ്പിടിക്കും, നാവ് മുഴുവൻ കളറാകും. അമ്മ കാണാതെ രഹസ്യമായി തിന്നുന്നതിന്റെ ഒരു സുഖം വേറെ തന്നെ ആയിരുന്നു.
പിന്നീട് നമ്മൾ വലുതായി.
പോക്കറ്റിൽ പൈസയായി, കയ്യിൽ വലിയ വലിയ ചോക്ലേറ്റുകളായി, പക്ഷെ ആ തേൻമിഠായിയുടെ രുചി... ആ രുചി ഇന്നും ആരും തന്നിട്ടില്ല.ഇന്നും കല്യാണ വീടുകളിലെ മിഠായി പാത്രത്തിലോ, ബേക്കറികളുടെ മൂലയിലോ ആ ചുവന്ന മിഠായി കണ്ടാൽ, ഒന്നെടുത്തു നോക്കാൻ തോന്നാറുണ്ടോ?തോന്നാറുണ്ടെങ്കിൽ...നിങ്ങൾ വലുതായിട്ടില്ല. നിങ്ങളിപ്പോഴും ആ പഴയ കുട്ടി തന്നെയാണ്. ഉള്ളിലെ കുട്ടി ഇപ്പോഴും മരിച്ചിട്ടില്ല.
ഇന്ന് ശിശുദിനം.നിങ്ങളിലെ ആ പഴയ കുട്ടിക്ക് വേണ്ടി, ഇന്ന് ഒരു തേൻമിഠായി വാങ്ങികൂടെ?
Family Health
പ്രമേഹബാധിതരുടെ എണ്ണം ഭീതിദമാംവിധം വർധിക്കുകയാണ്. നമ്മുടെ കൊച്ചുകേരളം ഇന്ത്യയുടെ പ്രമേഹ തലസ്ഥാനമാണെന്നു പറഞ്ഞാൽ ഞെട്ടരുത്. ഇവിടെയുള്ള 20 ശതമാനം പേർക്കും ഈ രോഗം സ്വന്തം. അതായത് ദേശീയ ശരാശരിയേക്കാൾ ഇരട്ടി. കേരളത്തിലെ ഗ്രാമീണരും പ്രമേഹബാധയിൽ നഗരവാസികളോടൊപ്പമെത്താൻ മത്സരിക്കുന്ന പ്രവണത നാം കാണുന്നു!
ഏറ്റവും ഭയാനകമായ പ്രശ്നം, പ്രമേഹബാധയുള്ള ഏതാണ്ട് 50 ശതമാനം ആൾക്കാർക്കും ഈ രോഗമുണ്ടെന്ന അവബോധമുണ്ടാകുന്നില്ല എന്നതാണ്. ഇന്റർനാഷണൽ ഡയബെറ്റിസ് ഫെഡറേഷന്റെ കണക്കുപ്രകാരം ലോകത്തുള്ള 193 ദശലക്ഷം ആൾക്കാരും തങ്ങൾ പ്രമേഹബാധക്ക് അടിമപ്പെട്ടിട്ടുണ്ടെന്ന യാഥാർഥ്യം മനസിലാക്കാതെയാണ് ജീവിതം മുന്നോട്ടു നയിക്കുന്നത്.
കൂടാതെ പ്രമേഹത്തിന് ചികിത്സയെടുക്കുന്നവരിൽ 40 ശതമാനംപേർ മാത്രമേ രക്തത്തിലെ പഞ്ചസാര പരിധിക്കുള്ളിൽ നിയന്ത്രിക്കുന്നുള്ളൂ. 17 ശതമാനംപേർ ഭക്ഷണം ക്രമീകരിച്ച് ചികിത്സിക്കുന്നു, 18 ശതമാനംപേർ മരുന്നുകളെടുക്കുന്നു.
അസാംക്രമികരോഗങ്ങളുടെ അനിയന്ത്രിതമായ വർധനയ്ക്കു കടിഞ്ഞാണിടാൻ ഐക്യരാഷ്ട്രസഭയും ലോകാരോഗ്യസംഘടനയും പലതവണ യോഗം ചേരുകയും അവയെ പിടിയിലൊതുക്കാനുള്ള ക്രിയാത്മക മാർഗങ്ങളാരായുകയും ചെയ്തു. ഹൃദ്രോഗവും പ്രമേഹവും അർബുദവും ചേർന്നു ലോകജനസംഖ്യയുടെ സിംഹഭാഗം പേരെയും കൊന്നൊടുക്കുന്ന സാഹചര്യത്തിൽ പുതിയ ബോധവത്കരണ ശൈലിയിലൂടെ ഇവയെ നേരിടാൻ പ്രതിരോധമാർഗങ്ങൾ സംവിധാനം ചെയ്യുകയുണ്ടായി.
പ്രമേഹചികിത്സ പരാജയമാകാതിരിക്കാൻ
പ്രമേഹ ചികിത്സയുടെ പരാജയത്തിനുള്ള പ്രധാനകാര്യം രോഗികൾക്കു കുടുംബത്തിൽനിന്നും സമൂഹത്തിൽനിന്നു പരിഗണനയും കരുതലും ലഭിക്കുന്നില്ലാത്തതുകൊണ്ടാണെന്നു പഠനങ്ങൾ തെളിയിച്ചു. പ്രമേഹരോഗി ഒറ്റയ്ക്കല്ല, കുടുംബാംഗങ്ങളെല്ലാം ഒറ്റക്കെട്ടായി രോഗിയോടൊപ്പം നിന്ന് പ്രമേഹ നിയന്ത്രണത്തിന് സാഹചര്യമൊരുക്കണമെന്ന് ആഹ്വാനമുണ്ടായി. പ്രമേഹ നിയന്ത്രണം രോഗിയുടെ മാത്രമല്ല, അയാൾ ഉൾക്കൊള്ളുന്ന കുടുംബാംഗങ്ങളുടെ മൊത്തമായ പരിശ്രമത്തിലൂടെയാണ് സമഗ്രമാക്കേണ്ടത്.
ആത്മാർഥമായ പിന്തുണയും കരുതലുമായി കുടുംബത്തിലെ എല്ലാ അംഗങ്ങളും എപ്പോഴും രോഗിയോടൊപ്പമുണ്ടാവണം. അതായത് രോഗിക്കു മാത്രമായി ഒരു ഭക്ഷണക്രമമില്ല. അത് രോഗിയെ ഒറ്റപ്പെടുത്തും. ശാസ്ത്രീയവും പഥ്യവുമായ ഭക്ഷണശൈലി പ്രമേഹരോഗിക്കു മാത്രമല്ല കുടുംബത്തിലെ മറ്റംഗങ്ങൾക്കും പ്രയോജനപ്പെടും. അവർക്ക് പ്രമേഹ സാധ്യതയുണ്ടെങ്കിൽ അത് കുറയ്ക്കുകയും ചെയ്യും. പഥ്യമായ ഭക്ഷണക്രമവും കൃത്യമായ വ്യായാമശീലവും മുടങ്ങാതെയുള്ള ഔഷധസേവയും സ്വായത്തമാകാൻ രോഗിക്ക് താങ്ങും തണലുമായി കുടുംബാംഗങ്ങൾ എപ്പോഴും വേണം.
പ്രമേഹരോഗികൾ മൃത്യുവിനിരയാകുന്ന പ്രധാന കാരണങ്ങൾ ഹൃദ്രോഗം, വൃക്കകളുടെ പരാജയം, അമിതരക്തസമ്മർദം തുടങ്ങിയവയാണ്. പ്രമേഹമില്ലാത്തവരുമായി താരതമ്യപ്പെടുത്തുന്പോൾ ഇൻസുലിൻ ആശ്രിത പ്രമേഹരോഗികളിലെ ഹൃദ്രോഗാനന്തര മരണം പത്തിരട്ടിയും ഇൻസുലിൻ അനാശ്രിത പ്രമേഹരോഗികളിലെ മരണസംഖ്യ നാലിരട്ടിയുമാണ്.
പ്രമേഹം വരുതിയിലായില്ലെങ്കിൽ...
നിയന്ത്രണവിധേയമാകാത്ത പ്രമേഹത്തിന്റെ അനന്തരഫലമായി രക്തത്തിൽ കുമിഞ്ഞുകൂടുന്ന കൊളസ്ട്രോളും മറ്റ് ഉപഘടകങ്ങളും ഹൃദയം, കണ്ണ്, വൃക്ക, നാഡീഞരന്പുകൾ, ധമനികൾ എന്നീ അവയവങ്ങളിൽ വൈവിധ്യമാർന്ന ജരിതാവസ്ഥയുണ്ടാകുന്നു. കോശങ്ങളുടെ ക്രമരഹിതമായ വളർച്ചയും കട്ടികൂടലും വലുതും ചെറുതുമായ എല്ലാ ധമനികളെയും വികലമാക്കുന്നു. രക്തക്കുഴലുകളുടെ ആന്തരപാളികളിൽ കൊഴുപ്പുകണികകൾ പറ്റിപ്പിടിച്ച് അവയുടെ ഉൾഭാഗം ചെറുതാകുന്നു. ഹൃദയധമനികളിലെ കൊഴുപ്പു നിക്ഷേപം വിണ്ടുകീറി അവിടെ രക്തക്കട്ട ഉണ്ടായി ധമനിയിലൂടെയുള്ള രക്തപര്യയനം ദുഷ്കരമായാൽ ഹാർട്ടറ്റാക്കാണ് അനന്തരഫലം.
ശ്വാസതടസം മുതൽ വയറുവേദന വരെ
പ്രമേഹരോഗികളിലെ ഹൃദയാഘാതം മൂർധന്യാവസ്ഥയിലെത്തിയാലും അതിന്റെ ലക്ഷണങ്ങൾ രോഗികൾ എപ്പോഴും തിരിച്ചറിയണമെന്നില്ല. നെഞ്ചുവേദന പലപ്പോഴും പൂർണമായി അനുഭവപ്പെടാത്ത ഹാർട്ടറ്റാക്കും (സയലന്റ് അറ്റാക്ക്) പ്രമേഹരോഗബാധിതർക്ക് സ്വന്തം. ഹൃദയത്തെ ആവരണം ചെയ്തിരിക്കുന്ന ഓട്ടോണമിക് നാഡീവ്യൂഹത്തിനു സംഭവിക്കുന്ന അപചയംതന്നെ ഇതിനു കാരണം. നാഡീവ്യൂഹത്തിന്റെ മാന്ദ്യം നിമിത്തം ഹാർട്ടറ്റാക്കുണ്ടാകുന്പോൾ നെഞ്ചുവേദനയുടെ തീവ്രത അനുഭവിച്ചറിയാൻ രോഗിക്ക് പറ്റാതെപോകുന്നു.
ഏതാണ്ട് 35 ശതമാനം രോഗികൾക്കും നെഞ്ചുവേദന കൃത്യമായി അനുഭവപ്പെടാറില്ല. അതിനു പകരം ശ്വാസതടസം, ഓക്കാനം, തളർച്ച, തലകറക്കം, വയറുവേദന തുടങ്ങിയ ലക്ഷണങ്ങളാണു കണ്ടുവരുന്നത്. അതുപോലെ ഹർട്ടറ്റാക്കിനോടനുബന്ധിച്ച മരണസാധ്യതയും പ്രമേഹരോഗികളിൽ അധികരിച്ചുകാണുന്നു.
മേൽപ്പറഞ്ഞ സങ്കീർണമായ പ്രത്യാഘാതങ്ങളുടെ വെളിച്ചത്തിൽ പ്രമേഹബാധിതരിലെ ഹൃദ്രോഗചികിത്സ അന്ത്യന്തം ദുഷ്കരമാണ്. ഒരു ഹൃദ്രോഗവിദഗ്ധന്റെ അടുത്തു വരുന്ന രോഗികളിൽ ഭൂരിഭാഗവും പ്രമേഹമുള്ളവരാണ്. 70 ശതമാനം പ്രമേഹരോഗികളും മരണപ്പെടുന്നതും ഹൃദ്രോഗാനന്തരമാണെന്നോർക്കണം. അതുകൊണ്ട് ഹൃദ്രോഗ വിദഗ്ധൻ ഒരു പ്രമേഹ ചികിത്സാവിദഗ്ധൻകൂടിയാകുന്നു.
പ്രമേഹരോഗിക്ക് ഹാർട്ടറ്റാക്കുണ്ടാകുമ്പോൾ
പ്രമേഹരോഗിക്ക് ഹാർട്ടറ്റാക്കുണ്ടാകുന്പോഴാണ് പ്രശ്നങ്ങൾ വഷളാകുന്നത്. നെഞ്ചുവേദന കാര്യമായി അനുഭവപ്പെടാത്തതുമൂലം പലരും വളരെ വൈകിയാണ് ആശുപത്രിയിലെത്തുന്നത്. അപ്പോഴേക്കും ഹൃദയാഘാതത്തിന്റെ സങ്കീർണതകൾ മൂർച്ഛിച്ചിരിക്കും. കലശമായ ശ്വാസതടസവും നെഞ്ചിലെ അസ്വാസ്ഥ്യവും തളർച്ചയും ക്രമരഹിതമായ നെഞ്ചിടിപ്പും തലകറക്കവും രോഗിയെ അത്യാസന്ന നിലയിലെത്തിക്കുന്നു. നിയന്ത്രണത്തിൽ അശ്രദ്ധ കാണിക്കുന്ന രോഗിയുടെ രക്തത്തിലെ പഞ്ചസാര എപ്പോഴും കൂടിയിരിക്കും, അതുപോലെ
കൊളസ്ട്രോളും.
പ്രൈമറി ആൻജിയോപ്ലാസ്റ്റി
പ്രമേഹരോഗികളിൽ ഹാർട്ടറ്റാക്കിനോടനുബന്ധിച്ച് ചെയ്യുന്ന പ്രൈമറി ആൻജിയോപ്ലാസ്റ്റി അത്ര എളുപ്പമുള്ള കാര്യമല്ല. തണുത്ത്, ചെറുതും വികലവുമായ ഹൃദയധമനികളിലെ ബ്ലോക്ക് വികസിപ്പിച്ചെടുക്കുക ഏറെ ദുഷ്കരമാണ്. പലപ്പോഴും എല്ലാ കൊറോണറി ധമനികളിലും തന്നെ ബ്ലോക്കുണ്ടാകും. കൂടാതെ വൈകി ആശുപത്രിയിലെത്തുന്നതിനാൽ ഹൃദയ പരാജയമുണ്ടാകാനുള്ള സാധ്യതയും ഏറും.
ബൈപാസ് സർജറി
അതുകൊണ്ടുതന്നെ സാധാരണഗതിയിൽ പ്രമേഹരോഗികളെ ബൈപാസ് ശസ്ത്രക്രിയയ്ക്ക് വിധേയമാക്കുകയാണു പതിവ്. കൂടുതൽ ഹൃദയധമനികളെ ബാധിച്ചിരിക്കുന്ന ബ്ലോക്ക്, സങ്കോചന ശേഷിയുടെ മാന്ദ്യം തുടങ്ങിയ കാരണങ്ങളാൽ പ്രമേഹരോഗിക്ക് ഏറ്റവും ഉചിതമായത് ബൈപാസ് സർജറിതന്നെ.
പഞ്ചസാര അധികമുള്ളതു ...
ആൻജിയോപ്ലാസ്റ്റിക്കോ ബൈപാസ് സർജറിക്കോ ശേഷം ഒരു പ്രമേഹരോഗിയുടെ ജീവിതക്രമത്തിൽ കർശനമായ പല പരിവർത്തനങ്ങളുമുണ്ടാകണം. ഈ ക്രിയാത്മകമായ കരുതൽതന്നെയാണ് രോഗിയെ അകാലമൃത്യുവിൽനിന്നു രക്ഷപ്പെടുത്തുന്നതും. പഞ്ചസാര അധികമുള്ളതെന്തും വർജിച്ചതുകൊണ്ടുള്ള പഥ്യമായ ആഹാരശൈലി ഏറ്റവും പ്രധാനം.
പട്ടിണി കിടക്കണമെന്നല്ല
പ്രമേഹരോഗി പട്ടിണി കിടക്കണമെന്നല്ല ഉദ്ദേശിക്കുന്നത്. യോജിച്ച ഭക്ഷണക്രമം തെരഞ്ഞെടുക്കാൻ പഠിക്കണം. കൃത്യവും ഊർജസ്വലവുമായ വ്യായാമ പദ്ധതി ആരംഭിക്കണം. കുറഞ്ഞത് 45 മിനിറ്റെങ്കിലും ദിവസേന വ്യായാമം ചെയ്യണം. രക്തത്തിലെ പഞ്ചസാര നിയന്ത്രിക്കാനും പൊതുവായ ശരീരാരോഗ്യം സന്തുലിതമാകാനും വ്യായാമം എന്ന ഔഷധം അനിവാര്യം. ഹൃദ്രോഗവിദഗ്ധൻ നിർദേശിക്കുന്ന ഔഷധങ്ങൾ പിഴവുകൂടാതെ സേവിക്കണം.
എച്ച്ബി എ വൺ സി
വൈദ്യനിർദേശമില്ലാതെ യാതൊരു കാരണവശാലും മരുന്നുകൾ നിർത്തരുത്. ബ്ലഡ് ഷുഗറും കൊളസ്ട്രോളും നിശ്ചിത കാലയളവിൽ പരിശോധിച്ച് തിട്ടപ്പെടുത്തണം.
ഹൃദ്രോഗ പരിശോധനകളായ എക്കോകാർഡിയോഗ്രാഫിയും ട്രെഡ്മിൽ ടെസ്റ്റും കൃത്യമായ കാലയളവിൽ ചെയ്യണം. പ്രമേഹ സൂചകമായ എച്ച്ബിഎ വൺ സി 6.5 ൽ താഴെയാവാൻ പരിശ്രമിക്കണം. രക്തസമ്മർദവും അമിതവണ്ണവും കർശനമായി നിയന്ത്രിക്കണം.
ഒറ്റമൂലികളില്ല
പ്രമേഹ നിയന്ത്രണത്തിന് കുറുക്കുവഴികളില്ലെന്നോർക്കണം. പരസ്യങ്ങൾക്കോ ഒറ്റമൂലികൾക്കോ പിറകേ പോയി വഞ്ചിതരാകരുത്. അല്പമൊന്നു മെനക്കെട്ടാൽ പ്രമേഹരോഗിയുടെ ജീവിതം തികച്ചും ആസ്വാദ്യജനകമാകും.
വിവരങ്ങൾ:
ഡോ. ജോർജ് തയ്യിൽ
MD, FACC, FRCP
സീനിയർ കൺസൾട്ടന്റ് കാർഡിയോളജിസ്റ്റ്,
ലൂർദ് ആശുപത്രി
എറണാകുളം
Family Health
ആരോഗ്യ വകുപ്പ് നിയമസഭയിൽ വെച്ച കണക്ക് ഞെട്ടിക്കുന്നതാണ്.2020 ൽ കേരളത്തിൽ ആകെ 43,740 ഡയാലിസിസ് രോഗികൾ ഉണ്ടായിരുന്നു. എന്നാൽ 2024 ൽ ഇത് 2,18,410 ആയി ഉയർന്നു! വെറുംനാല് വർഷം കൊണ്ട് അഞ്ചിരട്ടി വർദ്ധനവ്. പുതിയ കണക്കുകൾ ഇതുവരെ പുറത്തു വന്നിട്ടില്ല.
പ്രമേഹം - പ്രധാന വില്ലൻ:
ഇന്ത്യയിൽ പ്രമേഹം ഏറ്റവും കൂടുതലുള്ള സംസ്ഥാനമാണ് കേരളം. ദേശീയ ശരാശരി 11.4% ആണെങ്കിൽ കേരളത്തിൽ 23.6% പേർക്ക് പ്രമേഹം ഉണ്ട് ,അതായത് ഇരട്ടി! 60-70% കിഡ്നി തകരാറിനും കാരണം പ്രമേഹമാണ് എന്ന് ഡോക്ടർമാർ പറയുന്നു.
രക്തസമ്മർദ്ദം (BP):
19 വയസ്സിന് മുകളിലുള്ള മൂന്ന് പേരിൽ ഒരാൾക്ക് BP ഉണ്ട്. ഇത് നേരിട്ട് കിഡ്നിയെ ബാധിക്കും.
ജീവിതശൈലി:
അമിത ഉപ്പ്, പഞ്ചസാര, ഫാസ്റ്റ് ഫുഡ്, വേദന സംഹാരികൾ സ്ഥിരമായി കഴിക്കുന്നത്, മായം കലർന്ന പച്ചക്കറികൾ, വെള്ളം കുറച്ച് കുടിക്കുന്നത് , ഇതെല്ലാം കിഡ്നിയെ തകർക്കും.
ഏറ്റവും വലിയ അപകടം:
അടുത്തിടെ നടത്തിയ പഠനത്തിൽ 44% പേർക്ക് കിഡ്നി തകരാർ ഉണ്ടായിരുന്നിട്ടും, 98ശതമാനം പേർക്കും തങ്ങൾക്ക് രോഗമുണ്ടെന്ന് അറിയില്ലായിരുന്നു! തുടക്കത്തിൽ ലക്ഷണങ്ങൾ ഒന്നും കാണിക്കില്ല, അതാണ് പ്രശ്നം.
എങ്ങനെ തടയാം?
വർഷത്തിൽ ഒരിക്കൽ പ്രമേഹം, BP, കിഡ്നി ടെസ്റ്റ് നിർബന്ധമായും ചെയ്യുക.ദിവസം രണ്ട്,മൂന്ന് ലിറ്റർ വെള്ളം കുടിക്കുക.ഉപ്പ്, പഞ്ചസാര കുറയ്ക്കുക.വേദന സംഹാരി സ്വയം വാങ്ങി കഴിക്കരുത്.
ഒരു ഡയാലിസിസിന് 1000 ,2000 രൂപ വരെ സ്വകാര്യ ആശുപത്രികളിൽ ആകും. ഒരാൾക്ക് ആഴ്ചയിൽ മൂന്നു തവണ വേണം, മാസം 20,000 മുതൽ 30,000 വരെ ചെലവ് വരും.അതുകൊണ്ട് തന്നെ സർക്കാർ ആശുപത്രികളും ചാരിറ്റി സെന്ററുകളും ഇല്ലെങ്കിൽ പാവപ്പെട്ട രോഗികൾക്ക് ജീവിക്കാൻ പറ്റാത്ത അവസ്ഥയാണ്.
2026 നവംബറിൽ കേന്ദ്ര സർക്കാരിന്റെ DGHS ഒരു പുതിയ നിയമം കൊണ്ടുവന്നു - ഒറ്റത്തവണ മാത്രം ഉപയോഗിക്കേണ്ട മെഡിക്കൽ ഉപകരണങ്ങൾ വീണ്ടും ഉപയോഗിക്കാൻ പാടില്ല എന്ന്.
ഇതിനെതിരെ കേരളത്തിലെ ഡോക്ടർമാരും ആരോഗ്യ വിദഗ്ധരും ശക്തമായി രംഗത്ത് വന്നിട്ടുണ്ട്. കാരണം ഈ നിയമം കർശനമായി നടപ്പാക്കിയാൽ ഡയാലിസിസിന്റെയും ആൻജിയോപ്ലാസ്റ്റിയുടെയും ചെലവ് ഇരട്ടിയാകും എന്ന് അവർ പറയുന്നു.അങ്ങനെ വന്നാൽ സർക്കാരിന്റെ ഇൻഷുറൻസ് പദ്ധതികളായ MEDISEP, KASP എന്നിവയ്ക്ക് ഈ ചെലവ് താങ്ങാൻ പറ്റാതെ വരും, പല ഡയാലിസിസ് യൂണിറ്റുകളും പൂട്ടേണ്ടി വരും.
സർക്കാർ സഹായം:
കേരള സാമൂഹ്യനീതി വകുപ്പ് സമാശ്വാസം (Samaswasam) സ്കീം വഴി സഹായം കൊടുക്കുന്നുണ്ട്.BPL കാർഡുള്ള ഡയാലിസിസ് രോഗികൾക്ക് മാസം 1100 രൂപ,വൃക്ക മാറ്റിവെച്ചവർക്ക് മാസം 1000 രൂപ.കേരള സോഷ്യൽ സെക്യൂരിറ്റി മിഷൻ വഴി ഇതിന് അപേക്ഷിക്കാം.
നിങ്ങളുടെ വീട്ടിൽ പ്രമേഹം / BP ഉള്ളവർ ഉണ്ടോ? ഇന്ന് തന്നെ ഒരു കിഡ്നി ടെസ്റ്റ് എടുക്കൂ. ഈ വിവരം ഷെയർ ചെയ്ത് മറ്റുള്ളവരെയും അറിയിക്കൂ!
Family Health
ഉലുവ പ്രമേഹനിയന്ത്രണത്തിനു ഫലപ്രദമാണെന്ന് ശാസ്ത്രീയ പഠനങ്ങൾ. ഉലുവയിലുളള നാരുകൾ മിസലേജിയസ് ഫൈബറാണ്. അതിൽ ട്രിഗനോലിൻ എന്ന ആൽക്കലോയിഡുണ്ട്. പാവയ്ക്കയിൽ വെജിറ്റബിൾ ഇൻസുലിൻ ഉണ്ട്. ഇതെല്ലാം രക്തത്തിലെ പഞ്ചസാരയുടെ തോതു കുറയ്ക്കാൻ സഹായകം. ഇക്കാര്യങ്ങളിൽ കണ്സൾട്ടിംഗ് ഡോക്ടറുടെ നിർദേശമനുസരിച്ച് ആഹാരക്രമം സ്വീകരിക്കാവുന്നതാണ്. എന്നാൽ ഇൻസുലിൻ ചെടിക്ക് പ്രമേഹം നിയന്ത്രിക്കുന്നതിനുളള ശേഷിയെക്കുറിച്ച് ശാസ്ത്രീയ പഠനങ്ങൾ നിലവിലില്ല.
ഇൻസുലിനു ശേഷം ആഹാരം കഴിക്കണം
ചപ്പാത്തി 2- 3 എണ്ണം കഴിക്കാം. വണ്ണം കൂടുതലുളള പ്രമേഹബാധിതർക്ക് ഇഡ്ഡലി രണ്ടെണ്ണവും വണ്ണം കുറവുളള പ്രമേഹബാധിതർക്കു മൂന്നെണ്ണവും കഴിക്കാം. ഇൻസുലിൻ എടുക്കുന്ന രോഗിയാണെങ്കിൽ അതിന്റെ ഡോസേജ് അനുസരിച്ചു ഭക്ഷണം കഴിക്കണം. ഇൻസുലിൻ എടുത്തശേഷം ഭക്ഷണം കഴിച്ചില്ലെങ്കിൽ തലചുറ്റൽ അനുഭവപ്പെടാനിടയുണ്ട്. കണ്സൾട്ടിംഗ് ഡോക്ടറുടെ നിർദേശമനുസരിച്ച് ആഹാരക്രമം സ്വീകരിക്കാവുന്നതാണ്.
മധുരം കഴിച്ചാൽ..?
വല്ലപ്പോഴും ഒരാഗ്രഹത്തിന് പ്രമേഹബാധിതർ പായസം കഴിച്ചാൽ അന്നു രാത്രി കഴിക്കുന്ന അന്നജത്തിന്റെ അളവു കുറച്ച് ഒരു ദിവസം ശരീരത്തിൽ അധികമായി അന്നജം എത്തുന്നതു തടയാം. രാത്രിഭക്ഷണത്തിൽനിന്നു ലഭിക്കേണ്ട അന്നജം കൂടി പായസത്തിലൂടെ ഉച്ചയ്ക്കു തന്നെ കിട്ടുന്നുണ്ട്. അതിനാൽ രാത്രിഭക്ഷണം സൂപ്പിൽ ഒതുക്കണം. ഉളളി, ബീൻസ്, കാരറ്റ്, കാബേജ്, കുരുമുളകു പൊടി, ഉപ്പ് എന്നിവവ ചേർത്തു തയാറാക്കുന്ന സൂപ്പ് ആവാം. സൂപ്പു കുടിക്കുന്നതോടെ വയറു നിറയും. അല്ലെങ്കിൽ ഓട്സിൽ പച്ചക്കറികൾ ചേർത്തു തയാറാക്കുന്ന കുറുക്കും കഴിക്കാം.
വണ്ണം കൂടിയാലും കുറഞ്ഞാലും...
പ്രമേഹബാധിതരായ വണ്ണമുളളവർ വണ്ണം കുറയ്ക്കണം. വണ്ണം കുറയ്ക്കുമ്പോൾത്തന്നെ ഇൻസുലിന്റെ അളവും മരുന്നിന്റെ ഡോസേജും കുറയ്ക്കാനാകും. വണ്ണം കുറവുളളവർ അതു കൂട്ടേണ്ടതുണ്ട്. നോർമൽ വണ്ണം ഉളളവർ അതു നിലനിർത്തണം. ചിലതരം പ്രമേഹമുളളവർ തീരെ മെലിഞ്ഞുപോകും. അവർ വണ്ണംകൂട്ടി നോർമൽ ശരീരഭാരത്തിലേക്ക് എത്തേണ്ടതുണ്ട്.
വിവരങ്ങൾ: ഡോ. അനിതമോഹൻ
ക്ലിനിക്കൽ ന്യുട്രീഷനിസ്റ്റ് & ഡയറ്റ് കണ്സൾട്ടന്റ്
Family Health
വല്ലപ്പോഴും ഒരാഗ്രഹത്തിന് പ്രമേഹബാധിതർ പായസം കഴിച്ചാൽ അന്നു രാത്രി കഴിക്കുന്ന അന്നജത്തിന്റെ അളവു കുറച്ച് ഒരു ദിവസം ശരീരത്തിൽ അധികമായി അന്നജം എത്തുന്നതു തടയാം. രാത്രിഭക്ഷണത്തിൽനിന്നു ലഭിക്കേണ്ട അന്നജം കൂടി പായസത്തിലൂടെ ഉച്ചയ്ക്കു തന്നെ കിട്ടുന്നുണ്ട്. അതിനാൽ രാത്രിഭക്ഷണം സൂപ്പിൽ ഒതുക്കണം. ഉളളി, ബീൻസ്, കാരറ്റ്, കാബേജ്, കുരുമുളകു പൊടി, ഉപ്പ് എന്നിവവ ചേർത്തു തയാറാക്കുന്ന സൂപ്പ് ആവാം. സൂപ്പു കുടിക്കുന്നതോടെ വയറു നിറയും. അല്ലെങ്കിൽ ഓട്സിൽ പച്ചക്കറികൾ ചേർത്തു തയാറാക്കുന്ന കുറുക്കും കഴിക്കാം. ഇക്കാര്യങ്ങളിൽ കണ്സൾട്ടിംഗ് ഡോക്ടറുടെ നിർദേശമനുസരിച്ച് ആഹാരക്രമം സ്വീകരിക്കാവുന്നതാണ്.
വണ്ണം കൂടിയാലും കുറഞ്ഞാലും...
പ്രമേഹബാധിതരായ വണ്ണമുളളവർ വണ്ണം കുറയ്ക്കണം. വണ്ണം കുറയ്ക്കുന്പോൾത്തന്നെ ഇൻസുലിന്റെ അളവും മരുന്നിന്റെ ഡോസേജും കുറയ്ക്കാനാകും. വണ്ണം കുറവുളളവർ അതു കൂട്ടേണ്ടതുണ്ട്. നോർമൽ വണ്ണം ഉളളവർ അതു നിലനിർത്തണം. ചിലതരം പ്രമേഹമുളളവർ തീരെ മെലിഞ്ഞുപോകും. അവർ വണ്ണംകൂട്ടി നോർമൽ ശരീരഭാരത്തിലേക്ക് എത്തേണ്ടതുണ്ട്.
ഇൻസുലിനു ശേഷം ആഹാരം കഴിക്കണം
ചപ്പാത്തി 2- 3 എണ്ണം കഴിക്കാം. വണ്ണം കൂടുതലുളള പ്രമേഹബാധിതർക്ക് ഇഡ്ഡലി രണ്ടെണ്ണവും വണ്ണം കുറവുളള പ്രമേഹബാധിതർക്കു മൂന്നെണ്ണവും കഴിക്കാം. ഇൻസുലിൻ എടുക്കുന്ന രോഗിയാണെങ്കിൽ അതിന്റെ ഡോസേജ് അനുസരിച്ചു ഭക്ഷണം കഴിക്കണം. ഇൻസുലിൻ എടുത്തശേഷം ഭക്ഷണം കഴിച്ചില്ലെങ്കിൽ തലചുറ്റൽ അനുഭവപ്പെടാനിടയുണ്ട്. കണ്സൾട്ടിംഗ് ഡോക്ടറുടെ നിർദേശമനുസരിച്ച് ആഹാരക്രമം സ്വീകരിക്കാവുന്നതാണ്.
വിവരങ്ങൾ: ഡോ. അനിതമോഹൻ
ക്ലിനിക്കൽ ന്യുട്രീഷനിസ്റ്റ് & ഡയറ്റ് കണ്സൾട്ടന്റ്
Family Health
2026 ലോക പ്രമേഹ ദിന പ്രമേയം: "EARLY ACTION ON DIABETES'
പ്രമേഹത്തെ നേരത്തെ കണ്ടെത്തുക, രോഗസാധ്യത തിരിച്ചറിയുക, കൃത്യമായ ചികിത്സ ഉറപ്പാക്കുക. ഐഡിഎഫ് (ഇന്റർനാഷണൽ ഡയബറ്റീസ് ഫെഡറേഷൻ) & ഡബ്ല്യുഎച്ച്ഒ (ലോകാരോഗ്യ സംഘടന) യോജിച്ചാണ് ഈ ദിനം ആചരിക്കുന്നത്.
പ്രമേഹ രോഗത്തിന്റെ നിരക്ക്
ആഗോളതലത്തിൽ ഐഡിഎഫ് 2021-ൽ പ്രസിദ്ധീകരിച്ച പ്രമേഹ അറ്റ്ലസ് പ്രകാരം, പ്രമേഹ രോഗികൾ ആശങ്കാജനകമായ രീതിയിൽ ആഗോളതലത്തിൽ പെരുകിവരികയാണ്. 537 ദശലക്ഷത്തോളം പ്രമേഹ രോഗികൾ ഉള്ളത് 2045 ആകുമ്പോൾ 783 ദശലക്ഷമായി വർദ്ധിക്കാനാണ് സാധ്യത.
ഐസിഎംആർ - ഇന്ത്യ ദേശീയ പഠനം രാജ്യത്തെ എല്ലാ സംസ്ഥാനങ്ങളിലും നടത്തിയപ്പോൾ 101 ദശലക്ഷം ആളുകൾക്ക് പ്രമേഹമുണ്ടെന്ന് കണ്ടെത്തി. ഇന്ത്യയിലെ മൊത്തം പ്രമേഹ വ്യാപനം 11.41 ശതമാനവും പ്രീഡയബറ്റിസ് 15.3 ശതമാനവും എന്നും റിപ്പോർട്ട് ചെയ്യുന്നു.
കേരളത്തിലെ പ്രമേഹ വ്യാപനം 23.6 ശതമാനമാണ്; അതായത്, നാലു പേരിൽ ഒരാൾക്ക് പ്രമേഹം ഉണ്ടാവാൻ സാധ്യതയുണ്ട്. പ്രീഡയബറ്റിസ് വ്യാപനം 18.1 ശതമാനമാണ്.
പ്രമേഹ രോഗികളിൽ 20 വയസിനും അതിനുമുകളിലും പ്രായമുള്ളവരിൽ വയറിന് ചുറ്റുമുള്ള അമിത കൊഴുപ്പിന്റെ വ്യാപനം ഉയർന്നതായി ഐസിഎംആർ റിപ്പോർട്ട് ചെയ്തു.
പ്രമേഹ രോഗ രക്തപരിശോധന
പ്രമേഹമുള്ളവരിലും പ്രീഡയബറ്റിസ് ഉള്ളവരിലും എഫ്ബിഎസ്, പിപിബിഎസ്, എച്ച്ബിഎ1സി പരിശോധനകൾ വഴി രോഗം നേരത്തെ മനസിലാക്കി ചികിത്സ ഉറപ്പാക്കുക.
പ്രമേഹ രോഗികൾക്കുള്ള സ്ക്രീനിംഗ് പരിശോധനയും നിർദേശങ്ങളും (എബിസിഡി)
വിവരങ്ങൾ: ഡോ. ജി. ഹരീഷ് കുമാർ, എംബിബിഎസ്, എംഡി, എഫ്ഐഎഎംഎസ്
(സീനിയർ ഫിസിഷ്യൻ, ഐഎച്ച്എം ഹോസ്പിറ്റൽ, ഭരണങ്ങാനം, എസ്എൻ ഹോസ്പിറ്റൽ, കടപ്ര, നിരണം).
Family Health
രക്തത്തിൽ ഗ്ലൂക്കോസിന്റെ അളവ് കൂടിയ അവസ്ഥയാണ് പ്രമേഹം. ശരീര പ്രവർത്തനത്തിന് ആവശ്യമായ ഊർജം ലഭിക്കുന്നത് നാം നിത്യേന കഴിക്കുന്ന ഭക്ഷണത്തിലെ അന്നജത്തിൽ നിന്നാണ്. ഭക്ഷണം ദഹിക്കുന്നതോടെ അന്നജം ഗ്ലൂക്കോസായി മാറി രക്തത്തിൽ കലരുന്നു. ഈ ഗ്ലൂക്കോസിനെ ശരീരകലകളുടെ പ്രവർത്തനത്തിനുപയുക്തമായ വിധത്തിൽ കലകളിലേക്ക് എത്തിക്കണമെങ്കിൽ ഇൻസുലിൻ എന്ന ഹോർമോണിന്റെ സഹായം ആവശ്യമാണ്.
ഇൻസുലിൻ അളവിലോ ഗുണത്തിലോ കുറവായാൽ ശരീരകലകളിലേക്കുള്ള ഗ്ലൂക്കോസിന്റെ ആഗിരണം കുറയുന്നു. ഇത് രക്തത്തിൽ ഗ്ലൂക്കോസിന്റെ അളവുകൂടാൻ കാരണമാകുന്നു. രക്തത്തിൽ ഗ്ലൂക്കോസിന്റെ അളവ് ഒരു പരിധിയിൽ കൂടിയാൽ മൂത്രത്തിൽ ഗ്ലൂക്കോസ് കണ്ടുതുടങ്ങും. ഈ രോഗാവസ്ഥയാണ് പ്രമേഹം.
പാരമ്പര്യ ഘടകങ്ങൾ, പൊണ്ണത്തടി, രക്തക്കുഴലുകളിലെ പ്രശ്നങ്ങൾ, മാനസിക പിരിമുറുക്കം, വൈറസ് മൂലമുള്ള അണുബാധ, ആരോഗ്യകരമല്ലത്ത ഭക്ഷണശീലം എന്നിവ പ്രമേഹത്തിനു കാരണമാകാം.
ലക്ഷണങ്ങൾ
അമിത വിശപ്പ്, അമിത ദാഹം, ഇടയ്ക്കിടെയുള്ള മൂത്രപ്പോക്ക്, വിളർച്ച, ക്ഷീണം, ശരീരഭാരം കുറയൽ, കാഴ്ച മങ്ങൽ, മുറിവുണങ്ങാൻ സമയമെടുക്കൽ എന്നിവ പ്രമേഹത്തിന്റെ ലക്ഷണങ്ങളാണ്.
ആഹാരക്രമത്തിൽ ശ്രദ്ധിക്കേണ്ടത്...
പ്രമേഹം ചികിത്സിച്ച് ഭേദമാക്കാൻ കഴിയില്ല. രോഗം നിയന്ത്രിച്ചു നിർത്താനേ കഴിയൂ. രോഗലക്ഷണങ്ങൾ കണ്ടാൽ കൃത്യസമയത്ത് ശരിയായ ചികിത്സ തേടുക. മരുന്നിനോടോപ്പം ആഹാരത്തിനും ഏറെ പ്രാധാന്യമുണ്ട്.
രക്തത്തിൽ പഞ്ചസാരയുടെ അളവ് പെട്ടെന്ന് കൂടാത്ത രീതിയിലുള്ള ഭക്ഷണരീതിയാണ് പ്രമേഹരോഗി പിന്തുടരേണ്ടത്.
തേങ്ങ, ഉപ്പ്, എണ്ണ - കുറയ്ക്കണം
* ഇലക്കറികൾ, സാലഡുകൾ, കൊഴുപ്പു നീക്കിയതും വെള്ളം ചേർത്തതുമായ പാൽ, മോര്, സുഗന്ധവ്യഞ്ജനങ്ങൾ, മുളപ്പിച്ച പയർ എന്നിവ ഭക്ഷണത്തിൽ ഉൾപ്പെടുത്തുക.
* മധുരപലഹാരങ്ങൾ, എണ്ണയിൽ വറുത്തതും പൊരിച്ചതുമായ വിഭവങ്ങൾ, ധാരാളം കൊഴുപ്പും അന്നജവും അടങ്ങിയ ഭക്ഷണം, മധുരമടങ്ങിയ പഴച്ചാറുകൾ, അച്ചാറുകൾ എന്നിവ ഒഴിവാക്കണം.
* ഭക്ഷണം പാകം ചെയ്യുമ്പോൾ ഒന്നിൽ കൂടുതൽ ധാന്യങ്ങൾ ഉൾപ്പെടുത്തുന്നത് പോഷകഗുണം
വർധിപ്പിക്കുന്നു.
* തവിട് അടങ്ങിയതും നാരടങ്ങിയതുമായ ഭക്ഷണം ശീലമാക്കുക. തേങ്ങയുടേയും ഉപ്പിന്റെയും എണ്ണയുടേയും ഉപയോഗം കുറയ്ക്കുക.
* കൃത്യമായ സമയത്ത് കൃത്യമായ ഇടവേളകളിൽ ഭക്ഷണം കഴിക്കുക.
* ദിവസവും മൂന്നു നേരം വലിയ അളവിൽ കഴിക്കാതെ 5-6 നേരം കുറച്ചു കുറച്ചായി കഴിക്കുക.
* ജങ്ക് ഫുഡ്,ഫാസ്റ്റ് ഫുഡ് എന്നിവ ഉപേക്ഷിക്കുക.
* പ്രമേഹ രോഗികൾ ദിവസവും 30 മിനിറ്റ് എന്ന തോതിൽ ആഴ്ചയിൽ അഞ്ചു ദിവസം വ്യായാമം ചെയ്യണം. സൈക്കിൾ സവാരി, നൃത്തം, നീന്തൽ, ടെന്നീസ് കളി മുതലായവ ചെയ്യാവുന്നതാണ്.
വിവരങ്ങൾക്കു കടപ്പാട്: സംസ്ഥാന ആരോഗ്യ കുടുംബക്ഷേമ വകുപ്പ്, ആരോഗ്യ കേരളം & നാഷണൽ ഹെൽത്ത് മിഷൻ
Family Health
കാലുകളുടെ ധമനികളില് കൊളസ്ട്രോള്/കൊഴുപ്പ് അടിഞ്ഞു കൂടുമ്പോള് കാലുകളിലേക്കുള്ള രക്തപ്രവാഹം ക്രമേണ കുറയുന്നു. ഇതുമൂലം നടക്കുമ്പോള് രോഗിയുടെ തുടയുടെ പേശികളില് വേദന അനുഭവപ്പെടാം. കാലക്രമേണ ധമനികളിലെ തടസം കൂടുന്നതനുസരിച്ച്, കുറച്ചുദൂരം നടക്കുമ്പോള് തന്നെ കാലുകള്ക്ക് അസഹ്യമായ വേദന അനുഭവപ്പെടുകയും ചെയ്യും. ഈ ഘട്ടത്തില് വേണ്ടവിധം ശ്രദ്ധ ചെലുത്തിയില്ലെങ്കില്, വിശ്രമവേളയില് പോലും രോഗിക്ക് കാലുകളില് വേദന അനുഭവപ്പെടാം. ഈ ഘട്ടത്തില് അടിയന്തര വൈദ്യസഹായം നല്കിയില്ലെങ്കില് ഇതു ബാധിച്ച അവയവം നഷ്ടപ്പെടാനുള്ള സാധ്യത വളരെ കൂടുതലാണ്.
സിടി ആന്ജിയോഗ്രാം
രോഗത്തിന്റെ മുന്കാല വിശദാംശം, ശാരീരിക പരിശോധന, ഡ്യൂപ്ലെക്സ് വിലയിരുത്തല് (Duplex Evaluation) എന്നിവ കൈകാലുകളുടെ രക്തചംക്രമണത്തിന്റെ അവസ്ഥ അറിയാന് സഹായിക്കുന്നു. രോഗം ഗുരുതരാവസ്ഥയിലാണെങ്കില്, ധമനികളിലെ തടസം മനസിലാക്കുന്നതിനായി സിടി ആന്ജിയോഗ്രാം ചെയ്യേണ്ടതുണ്ട്.
ബലൂണ് ആന്ജിയോപ്ലാസ്റ്റി
കൂടുതല് ഗുരുതരമായ സാഹചര്യങ്ങളില് കീ-ഹോള് സര്ജറി (ബലൂണ് ആന്ജിയോപ്ലാസ്റ്റി / സ്റ്റെന്റിംഗ്) അനിവാര്യമാണ്. അത് സാധ്യമല്ലെങ്കിലോ പരാജയപ്പെടുകയോ ചെയ്താല് കൃത്രിമ ഗ്രാഫ്റ്റ് ഉപയോഗിച്ച് ബൈപാസ് സര്ജറി ആവശ്യമായി വരും.
കീ-ഹോള് ശസ്ത്രക്രിയ
രോഗത്തിന്റെ ആദ്യഘട്ടങ്ങളില്, നടക്കുമ്പോള് രോഗിയുടെ തുടയുടെ പേശികളില് വേദന അനുഭവപ്പെടാം. ജീവിതനിലവാരം മെച്ചപ്പെടുത്തുന്നതിനും നടക്കാനുള്ള ബുദ്ധിമുട്ടുകള് കുറയ്ക്കുന്നതിനും കീ-ഹോള് ശസ്ത്രക്രിയ അനുയോജ്യമാണ്. അതീവ ഗുരുതരാവസ്ഥയിലുള്ള രോഗിയാണെങ്കില് ഓപ്പണ് സര്ജറി ചെയ്യേണ്ടതായി വരും. ‘കാലുകളുടെ ആരോഗ്യം ജീവിത നിലവാരത്തെ തീരുമാനിച്ചേക്കാം' എന്ന് പറയുന്നത് തീര്ത്തും ശരിയാണ്.
വിവരങ്ങൾ: ഡോ. ഉണ്ണികൃഷ്ണൻ
സീനിയർ വാസ്കുലർ സർജൻ,
എസ്യുറ്റി ഹോസ്പിറ്റൽ, പട്ടം
തിരുവനന്തപുരം.
Family Health
നമ്മുടെ വീടുകളിലെ പ്രായമായ അച്ഛനമ്മമാരുടെ ഷുഗർ നില അല്പമൊന്ന് ഉയർന്നാൽ കുടുംബാംഗങ്ങൾക്ക് വലിയ ആശങ്കയാണ്. പ്രമേഹം കർശനമായി നിയന്ത്രിക്കണമെന്ന ഉദ്ദേശ്യത്തോടെ അവരുടെ ഇഷ്ടഭക്ഷണങ്ങൾ പൂർണമായി ഒഴിവാക്കുകയും മരുന്നുകളും ഇൻസുലിനും കൃത്യമായി നൽകി ഷുഗർ നില എപ്പോഴും നിശ്ചിത പരിധിയിൽ തന്നെ നിയന്ത്രിക്കാനും നമ്മൾ പരിശ്രമിക്കാറുണ്ട്.
എന്നാൽ അറുപതും എഴുപതും വയസ് പിന്നിട്ടവരിൽ അമിതമായ നിർബന്ധം ചില സാഹചര്യങ്ങളിൽ ഗുണത്തേക്കാളേറെ ദോഷം ചെയ്യും. ചെറുപ്പക്കാരിലും മധ്യവയസ്കരിലും രക്തത്തിലെ പഞ്ചസാരയുടെ അളവ് നിയന്ത്രിക്കാൻ വിദഗ്ധർ നിർദേശിക്കുന്നത് ഭാവിയിൽ വൃക്കകളെയും കണ്ണിനെയും ഹൃദയത്തെയും ബാധിച്ചേക്കാവുന്ന സങ്കീർണതകൾ തടയുന്നതിനാണ്.
എന്നാൽ വാർധക്യത്തിലേക്ക് കടക്കുമ്പോൾ ശരീരത്തിന്റെ പ്രവർത്തനക്ഷമതയിലും മരുന്നുകളോടുള്ള പ്രതികരണത്തിലും വലിയ മാറ്റങ്ങൾ സംഭവിക്കുന്നതോടൊപ്പം ഷുഗർ അല്പം കൂടുന്നതിനേക്കാൾ എത്രയോ വേഗത്തിൽ ജീവന് ഭീഷണിയാകുന്നത് അത് പെട്ടെന്ന് താഴ്ന്നുപോകുന്ന അവസ്ഥയാണ് (ഹൈപ്പോഗ്ലൈസീമിയ).
അമിതമായ ഭക്ഷണനിയന്ത്രണവും മരുന്നുകളും വഴി ഷുഗർ നില ക്രമാതീതമായി കുറയുന്നത് മുതിർന്നവരിൽ പെട്ടെന്നുള്ള തലകറക്കം, കുളിമുറിയിലോ മറ്റോ വീണ് ഇടുപ്പെല്ലിന് ഒടിവുണ്ടാകൽ, ഹൃദയാഘാതം, ഓർമക്കുറവ് തുടങ്ങിയ ഗുരുതര പ്രത്യാഘാതങ്ങൾക്ക് വഴിവയ്ക്കും.
അതുകൊണ്ടുതന്നെ വാർധക്യത്തിലെ പ്രമേഹപരിചരണത്തിൽ കർശനമായ നിയന്ത്രണങ്ങൾക്ക് പിന്നാലെ പോകുന്നതിനേക്കാൾ പ്രധാനം മുതിർന്നവരുടെ സുരക്ഷിതത്വവും ജീവിതനിലവാരവും ഉറപ്പാക്കുക എന്നതാണ്.
എന്തുകൊണ്ടാണ് മുതിർന്നവരിൽ ഷുഗർ തീരെ കുറയുന്നത് അപകടകരമാകുന്നത്?
രക്തത്തിലെ പഞ്ചസാരയുടെ അളവ് 70 mg/dL-ൽ താഴെയാകുന്ന അവസ്ഥയെയാണ് ഹൈപ്പോഗ്ലൈസീമിയ എന്ന് വിളിക്കുന്നത്. ചെറുപ്പക്കാരിൽ ഷുഗർ കുറയുമ്പോൾ അമിതമായ വിയർപ്പ്, നെഞ്ചിടിപ്പ്, കൈകാൽ വിറയൽ, വിശപ്പ് തുടങ്ങിയ മുന്നറിയിപ്പ് ലക്ഷണങ്ങൾ ശരീരം നൽകാറുണ്ട്.
എന്നാൽ പ്രായമായവരിൽ നാഡീവ്യൂഹത്തിന്റെ പ്രവർത്തനക്ഷമത കുറയുന്നതിനാൽ ഇത്തരം പ്രാരംഭ ലക്ഷണങ്ങൾ പ്രകടമാകണമെന്നില്ല. മുന്നറിയിപ്പില്ലാതെ ഷുഗർ താഴുന്നത് താഴെ പറയുന്ന ഗുരുതര പ്രശ്നങ്ങൾക്ക് കാരണമാകും:
വീഴ്ചകളും അസ്ഥിഭംഗവും: ഷുഗർ കുറയുമ്പോൾ പെട്ടെന്നുണ്ടാകുന്ന തലകറക്കവും ബാലൻസ് നഷ്ടപ്പെടലും മൂലം പ്രായമായവർ വീഴാൻ സാധ്യത കൂടുതലാണ്. ഇത് ഇടുപ്പെല്ലിന് ഒടിവുണ്ടാകാനും തലയ്ക്ക് ക്ഷതമേൽക്കാനും ഇടയാക്കും.
ഹൃദയാഘാതവും പക്ഷാഘാതവും: രക്തത്തിൽ ഗ്ലൂക്കോസ് കുറയുമ്പോൾ ശരീരം അഡ്രിനാലിൻ പോലുള്ള സ്ട്രെസ് ഹോർമോണുകളെ അമിതമായി ഉത്പാദിപ്പിക്കുന്നു.
ഇത് രക്തസമ്മർദ്ദം പെട്ടെന്ന് ഉയരാനും ഹൃദയമിടിപ്പ് താളം തെറ്റാനും കാരണമാകും. കൂടാതെ ഹൃദ്രോഗസാധ്യതയുള്ള മുതിർന്നവരിൽ ഇത് ഹൃദയാഘാതത്തിനോ പക്ഷാഘാതത്തിനോ വഴിവെക്കാം.
ഓർമക്കുറവും മറവിരോഗവും: തലച്ചോറിന്റെ പ്രവർത്തനത്തിന് ഗ്ലൂക്കോസ് അത്യന്താപേക്ഷിതമാണ്. അതിനാൽ അടിക്കടി ഷുഗർ കുറയുന്നത് തലച്ചോറിലെ കോശങ്ങൾ നശിക്കുകയും ഡിമെൻഷ്യ അഥവാ മറവിരോഗ സാധ്യത വേഗത്തിലാക്കുകയും ചെയ്യുന്നു.
വാർധക്യത്തിലെ ശാരീരിക മാറ്റങ്ങളും മരുന്നുകളുടെ പ്രവർത്തനവും
പ്രായമാകുമ്പോൾ ശരീരത്തിന്റെ ഉപാപചയ പ്രവർത്തനങ്ങളിലും അവയവങ്ങളുടെ ശേഷിയിലും സ്വാഭാവികമായ മാറ്റങ്ങൾ സംഭവിക്കുന്നു. വൃക്കകളുടെയും കരളിന്റെയും പ്രവർത്തനവേഗത കുറയുന്നതിനാൽ പ്രമേഹത്തിനായി കഴിക്കുന്ന മരുന്നുകളും ഇൻസുലിനും ശരീരത്തിൽ നിന്ന് പുറന്തള്ളപ്പെടാൻ കൂടുതൽ സമയമെടുക്കും.
ഇത് മരുന്നുകളുടെ വീര്യം ശരീരത്തിൽ തങ്ങിനിൽക്കാനും അപ്രതീക്ഷിതമായി ഷുഗർ താഴാനും കാരണമാകുന്നു. കൂടാതെ പല്ലുകളുടെ പ്രശ്നങ്ങൾ, വിശപ്പില്ലായ്മ, ദഹനക്കുറവ് എന്നിവ കാരണം പ്രായമായവർ ചിലപ്പോൾ ഭക്ഷണം കഴിക്കുന്നത് കുറയ്ക്കുകയോ ഒഴിവാക്കുകയോ ചെയ്തേക്കാം.
കൃത്യമായി ഭക്ഷണം കഴിക്കാതെ പഴയ അളവിൽ തന്നെ മരുന്നുകളോ ഇൻസുലിനോ തുടരുന്നത് അപകടകരമാണ്. രക്തസമ്മർദ്ദം, കൊളസ്ട്രോൾ, ഹൃദ്രോഗം, സന്ധിവേദന എന്നിവയ്ക്കായി ഒന്നിലധികം മരുന്നുകൾ ഒരുമിച്ച് കഴിക്കുന്നതും പ്രമേഹമരുന്നുകളുടെ പ്രവർത്തനത്തെ സ്വാധീനിക്കാം.
പ്രായമായവരിലെ സുരക്ഷിതമായ ഷുഗറിന്റെ അളവ് എത്രയായിരിക്കണം?
എല്ലാ പ്രായക്കാർക്കും ഒരേ ഷുഗർ അളവ് തന്നെ ആയിരിക്കണമെന്ന് എന്നത് ആധുനിക വൈദ്യശാസ്ത്രം അംഗീകരിക്കുന്നില്ല. അമേരിക്കൻ ഡയബറ്റിസ് അസോസിയേഷൻ (എഡിഎ) ഉൾപ്പെടെയുള്ള അന്താരാഷ്ട്ര ആരോഗ്യസംഘടനകൾ മുതിർന്ന പൗരന്മാരുടെ പൊതുവായ ആരോഗ്യസ്ഥിതി കണക്കിലെടുത്ത് മൂന്ന് വിഭാഗങ്ങളായി തിരിച്ചാണ് ചികിത്സാ മാർഗങ്ങൾ നിശ്ചയിക്കുന്നത്.
പൂർണ ആരോഗ്യമുള്ളവർ: മറ്റ് ഗുരുതര രോഗങ്ങളില്ലാത്തവരും ദൈനംദിന കാര്യങ്ങൾ സ്വന്തമായി ചെയ്യാൻ സാധിക്കുന്നവരുമായ മുതിർന്നവരിൽ മൂന്ന് മാസത്തെ ശരാശരി ഷുഗർ നിരക്കായ HbA1c 7.0% മുതൽ 7.5% വരെ നിലനിർത്തുന്നതാണ് ഉചിതം.
മറ്റ് രോഗങ്ങളുള്ളവർ: ഹൃദ്രോഗം, വൃക്കരോഗം തുടങ്ങി ഒന്നിലധികം ആരോഗ്യപ്രശ്നങ്ങളുള്ളവരിലും ചെറിയ രീതിയിൽ ഓർമ്മക്കുറവ് അനുഭവപ്പെടുന്നവരിലും HbA1c 7.5% മുതൽ 8.0% വരെ ആകുന്നത് സുരക്ഷിതമാണ്.
അതീവ ക്ഷീണിതരും കിടപ്പിലായവരും: ഗുരുതരമായ മറവിരോഗമുള്ളവരിലും മറ്റുള്ളവരുടെ സഹായത്തോടെ മാത്രം ജീവിക്കാൻ കഴിയുന്നവരിലും കർശനമായ അക്കങ്ങൾക്ക് പിന്നാലെ പോകേണ്ടതില്ല.
ഇവരിൽ ഷുഗർ തീരെ കുറഞ്ഞുപോകാതെയും അമിതമായി നിർജ്ജലീകരണം ഉണ്ടാകാതെയും നോക്കുക എന്നതാണ് പ്രധാനം. ഇവർക്ക് HbA1c 8.0% മുതൽ 8.5% വരെ ആയാലും ഭയപ്പെടേണ്ടതില്ല.
ഭക്ഷണക്രമവും വ്യായാമവും: കർശന ഡയറ്റുകൾ വേണ്ട
പ്രമേഹം കുറയ്ക്കാനായി പ്രായമായവരെ കർശനമായ ഭക്ഷണനിയന്ത്രണത്തിന് വിധേയരാക്കുന്നത് പോഷകാഹാരക്കുറവിന് കാരണമാകും. വാർദ്ധക്യത്തിൽ പേശികളുടെ ബലം കുറയുന്ന സാർക്കോപീനിയ എന്ന അവസ്ഥ തടയാൻ സമീകൃതാഹാരം നിർബന്ധമാണ്.
ഇടവിട്ടുള്ള ലഘുഭക്ഷണം: ഒറ്റയടിക്ക് വയറുനിറയെ കഴിക്കുന്നതിന് പകരം, ചെറിയ അളവിൽ ഇടവിട്ട് ഭക്ഷണം കഴിക്കുന്ന രീതിയാണ് മുതിർന്നവർക്ക് നല്ലത്. ഇത് രക്തത്തിലെ പഞ്ചസാര പെട്ടെന്ന് കൂടുന്നതും കുറയുന്നതും തടയും.
പ്രോട്ടീൻ ഉൾപ്പെടുത്തുക: പയർവർഗ്ഗങ്ങൾ, മുട്ട, മത്സ്യം, തൈര്, പാൽ, നട്സ് എന്നിവ ഭക്ഷണത്തിൽ ഉൾപ്പെടുത്തുന്നത് പേശികളുടെ ആരോഗ്യം നിലനിർത്താൻ സഹായിക്കും.
ധാരാളം വെള്ളം കുടിക്കുക: പ്രായമാകുമ്പോൾ ദാഹം അറിയാനുള്ള ശേഷി കുറയാറുണ്ട്. അതിനാൽ ദാഹം തോന്നിയില്ലെങ്കിലും ഇടയ്ക്കിടെ ശുദ്ധജലം കുടിക്കാൻ ശ്രദ്ധിക്കണം.
ലഘുവായ വ്യായാമം: ശരീരത്തിന് ആയാസമുണ്ടാക്കുന്ന വ്യായാമങ്ങൾക്ക് പകരം ദിവസവും 20-30 മിനിറ്റ് സാവധാനം നടക്കുക, കസേരയിലിരുന്ന് ചെയ്യാവുന്ന ലഘുവ്യായാമങ്ങൾ, ശ്വസനവ്യായാമങ്ങൾ എന്നിവ ശീലമാക്കാം.
കുടുംബാംഗങ്ങളും പരിചരിക്കുന്നവരും ശ്രദ്ധിക്കേണ്ട കാര്യങ്ങൾ
മുതിർന്നവരുടെ പ്രമേഹപരിചരണത്തിൽ കുടുംബാംഗങ്ങളുടെ പങ്ക് വളരെ വലുതാണ്. പ്രായമായവരിൽ ഷുഗർ കുറയുമ്പോൾ ഉണ്ടാകുന്ന ലക്ഷണങ്ങൾ പലപ്പോഴും വാർധക്യസഹജമായ ക്ഷീണമോ ഉറക്കച്ചടവോ ആയി തെറ്റിധരിക്കപ്പെടാറുണ്ട്.
ശ്രദ്ധിക്കേണ്ട സൂചനകൾ: പെട്ടെന്നുള്ള ദേഷ്യം, പരസ്പരബന്ധമില്ലാതെ സംസാരിക്കുക, നാവ് കുഴയുക, അമിതമായ ഉറക്കം, നടക്കുമ്പോൾ വേച്ചുപോകുക എന്നിവ ഷുഗർ കുറയുന്നതിന്റെ ലക്ഷണങ്ങളാകാം.
ഇത്തരം സാഹചര്യങ്ങളിൽ ഉടൻ തന്നെ ഗ്ലൂക്കോമീറ്റർ ഉപയോഗിച്ച് ഷുഗർ പരിശോധിക്കണം. ഷുഗർ 70 mg/dL-ൽ താഴെയാണെങ്കിൽ '15-15 നിയമം' പ്രയോഗിക്കുക.
അതായത് 3-4 ടീസ്പൂൺ പഞ്ചസാരയോ ഗ്ലൂക്കോസോ വെള്ളത്തിൽ കലക്കി നൽകുക, 15 മിനിറ്റിന് ശേഷം വീണ്ടും ഷുഗർ പരിശോധിച്ച് സാധാരണ നിലയിലായെന്ന് ഉറപ്പുവരുത്തുക. അബോധാവസ്ഥയിലുള്ളവർക്ക് വായിലൂടെ ഒന്നും നൽകാതെ ഉടൻ ആശുപത്രിയിൽ എത്തിക്കണം.
കൂടാതെ മരുന്നുകൾ കൃത്യസമയത്ത് കഴിക്കുന്നുണ്ടെന്ന് ഉറപ്പുവരുത്തുക കൃത്യമായ ഇടവേളകളിൽ കണ്ണിന്റെ പരിശോധന, വൃക്കകളുടെ പ്രവർത്തനക്ഷമത, കാൽപാദങ്ങളുടെ ആരോഗ്യം എന്നിവ ഡോക്ടറെ കണ്ട് വിലയിരുത്തേണ്ടതും അത്യാവശ്യമാണ്.
വാർദ്ധക്യത്തിലെ പ്രമേഹചികിത്സ എന്നത് രോഗിയെയും കുടുംബത്തെയും ഭയപ്പെടുത്തുന്ന ഒന്നാകരുത്. ഡോക്ടറുടെ നിർദ്ദേശപ്രകാരം സങ്കീർണമായ മരുന്നുകൾ ലഘൂകരിച്ചും സുരക്ഷിതമായ നിയന്ത്രണങ്ങൾ നിശ്ചയിച്ചും മുന്നോട്ട് പോയാൽ, മുതിർന്ന പൗരന്മാർക്ക് സന്തോഷകരവും ആരോഗ്യകരവുമായ വിശ്രമജീവിതം ഉറപ്പാക്കാൻ സാധിക്കും.
വിവരങ്ങൾ: ഡോ. മുഹമ്മദ് ഹസൻ
സീനിയർ കൺസൾട്ടന്റ് ഫിസിഷ്യൻ & ഡയബറ്റോളജിസ്റ്റ്, ആസ്റ്റർ മിംസ് കോട്ടക്കൽ
Family Health
വെള്ളപ്പാണ്ട് (vitiligo) ഉണ്ടായിരുന്ന പ്രശസ്ത കലാകാരന് മൈക്കിള് ജാക്സന്റെ ഓര്മ ദിനമാണ് ലോക വെള്ളപ്പാണ്ട് ദിനമായി ആചരിച്ചു വരുന്നത്. വെള്ളപ്പാണ്ടിനെക്കുറിച്ചുള്ള ബോധവല്ക്കരണവും ഈ അവസ്ഥയിലുള്ളവരെ മുഖ്യധാരയിലേക്ക് കൊണ്ടുവരുന്നതും ലക്ഷ്യമിട്ടാണ് ഈ ദിനം ആചരിക്കുന്നത്. എന്നാല്, ഒരു ദശാബ്ദത്തിലേറെയായിട്ടും വെള്ളപ്പാണ്ടിനെക്കുറിച്ച് പല മിഥ്യാധാരണകളും ഇന്നും സമൂഹത്തില് നിലനില്ക്കുന്നുണ്ട്.
വെള്ളപ്പാണ്ട് പകര്ച്ച വ്യാധിയാണോ?
അല്ല. ഹസ്തദാനത്തിലൂടെയോ ആലിംഗനത്തിലൂടെയോ വായുവിലൂടെയോ വെള്ളത്തിലൂടെയോ ആഹാരത്തിലൂടെയോ പകരുന്ന ഒരു അവസ്ഥയല്ല വെള്ളപ്പാണ്ട്. അതുകൊണ്ടുതന്നെ ഇത് ബാധിച്ചവരെ കല്യാണം കഴിക്കാനോ ഒരുമിച്ച് താമസിക്കാനോ ഒരുമിച്ച് ഭക്ഷണം കഴിക്കാനോ കളിക്കാനോ ഒരു തടസവുമില്ല.
വെള്ളപ്പാണ്ട് അണുബാധയാണോ?
അല്ല. ചര്മ്മത്തിനു നിറം നല്കുന്ന കോശമായ മെലാനോസൈറ്റിനോട് (Melanocyte) നമ്മുടെ തന്നെ രോഗപ്രതിരോധശക്തി പ്രതികരിക്കുന്നതു മൂലം മെലാനോസൈറ്റിന്റെ പ്രവര്ത്തനം കുറയുകയും ചില ഭാഗങ്ങളില് മെലാനിന് (Melanin) എന്ന പിഗ്മെന്റ് കുറയുകയും ചെയ്യുന്നു. മെലാനോസൈറ്റിന്റെ വളര്ച്ച ത്വരിതപ്പെടുത്തുന്ന രാസവസ്തുക്കളുടെയും വളർച്ചാഘടകത്തിന്റെയും( Growth factor) അഭാവം മൂലവും അതിന്റെ പ്രവര്ത്തനം കുറയാം. ഇങ്ങനെ മെലാനിന് കുറഞ്ഞ ഭാഗങ്ങള് വെളുത്ത് കാണപ്പെടുന്നു.
വെള്ളപ്പാണ്ട് ശരീരം മുഴുവനും വരുമോ?
ശരീരത്തിന്റെ ഏത് ഭാഗത്തും വെള്ളപ്പാണ്ട് (vitiligo) വരാം. സാധാരണ വെള്ളപ്പാണ്ടിനെ രണ്ടായി തരംതിരിക്കാം.
1. നോൺ സെഗ്മെന്റൽ വിറ്റിലിഗോ (Non segmental Vitiligo)- ശരീരത്തിന്റെ പല ഭാഗങ്ങളില് ബാധിക്കാം.
2. സെഗ്മെന്റൽ വിറ്റിലിഗോ (Segmental Vitiligo) - ശരീരത്തിലെ ചില ഭാഗങ്ങളില് മാത്രം കാണപ്പെടുന്നു.
പാരമ്പര്യമായി ഉണ്ടാകുന്നതാണോ?
ജനസംഖ്യയുടെ ഏകദേശം 1% ആള്ക്കാരെ വെള്ളപ്പാണ്ട് ബാധിക്കുന്നുണ്ട്. പല ഘടകങ്ങള് മൂലമുണ്ടാകുന്ന ഒരു അവസ്ഥയാണ് വെള്ളപ്പാണ്ട്. വെള്ളപ്പാണ്ട് ബാധിച്ച 20% - 30% വരെ ആളുകളുടെ അടുത്ത ഒരു ബന്ധുവിനും വെള്ളപ്പാണ്ട് കണ്ടു വരുന്നുണ്ട്.
വിവരങ്ങൾ: ഡോ. ശാലിനി വി. ആർ
കൺസൾട്ടന്റ് ഡെർമറ്റോളജിസ്റ്റ്,
എസ്യുറ്റി ഹോസ്പിറ്റൽ,
തിരുവനന്തപുരം
Family Health
ഇന്നത്തെ കാലത്ത് മിക്ക വീടുകളിലെയും സ്ഥിരം കാഴ്ചയാണ് കുഞ്ഞു കുട്ടികൾ പോലും മണിക്കൂറുകളോളം ഫോണിൽ മുഴുകിയിരിക്കുന്നത്. ഭക്ഷണം കഴിക്കാനും ഉറങ്ങാനും പോലും ഫോൺ വേണം എന്ന സ്ഥിതിയായി. എന്നാൽ ഇത് അത്ര നിസാരമായി കാണേണ്ട കാര്യമല്ല എന്ന് മുന്നറിയിപ്പ് നൽകുകയാണ് യുഎഇയിലെ വിദഗ്ധർ.
ദിവസവും ഒരു മണിക്കൂറിൽ അധികം സ്ക്രീൻ സമയം ചെലവഴിക്കുന്ന കുട്ടികളിൽ വളർച്ചാ പ്രശ്നങ്ങൾ ഉണ്ടാകാൻ സാധ്യതയുണ്ടെന്നാണ് പുതിയ പഠനം പറയുന്നത്. പ്രത്യേകിച്ച് അഞ്ച് വയസ്സിൽ താഴെയുള്ള കുട്ടികളിലാണ് ഇത് കൂടുതൽ ബാധിക്കുക. കൂടുതൽ സമയം സ്ക്രീൻ നോക്കുന്ന കുട്ടികളിൽ സംസാരിക്കാനുള്ള കഴിവ് വൈകാനും ഉറക്കമില്ലായ്മ ഉണ്ടാകാനും സാധ്യതയുണ്ടെന്ന് വിദഗ്ധർ ചൂണ്ടിക്കാട്ടുന്നു.മാത്രമല്ല, മറ്റു കുട്ടികളുമായി ഇടപഴകാനും കളിക്കാനുമുള്ള സമയം നഷ്ടപ്പെടുന്നത് അവരുടെ മാനസിക വളർച്ചയെ പിന്നോട്ടടിക്കും. ചെറുപ്പത്തിൽ തന്നെ കണ്ണിന് പ്രശ്നങ്ങൾ വരാനും ഇത് കാരണമാകും.
കുട്ടികളെ കുറ്റം പറഞ്ഞിട്ട് കാര്യമില്ല. ഫോൺ കൊടുക്കുന്നത് നമ്മൾ തന്നെയാണ്. കുട്ടികൾക്ക് ,പകരം കളിക്കാനുള്ള സമയം കൊടുക്കാനും ഭക്ഷണം കഴിക്കുമ്പോഴും ഉറങ്ങുമ്പോഴും ഫോൺ ഒഴിവാക്കാനും മാതാപിതാക്കൾ ശ്രദ്ധിക്കണം. ദിവസം ഒരു മണിക്കൂറിൽ കൂടുതൽ ഒരു കാരണവശാലും ഫോൺ കൊടുക്കരുത് എന്നാണ് വിദഗ്ധർ നൽകുന്ന മുന്നറിയിപ്പ്. ഫോൺ ഒരു ഉപകരണമാണ്, കളിപാട്ടമല്ല എന്ന് നമ്മൾ തിരിച്ചറിയേണ്ട സമയമായി.
Family Health
ഇന്നു ലോക സിഒപിഡി ദിനം
ശ്വാസം ജീവിതത്തിന്റെ അടിസ്ഥാനമാണ്. ശ്വാസകോശത്തിന്റെ ആരോഗ്യം നഷ്ടപ്പെടുമ്പോൾ ജീവിതനിലവാരം എത്രത്തോളം താഴേക്ക് പോകുമെന്ന് സിഒപിഡി (ക്രോണിക് ഒബ്സ്ട്രക്ടീവ് പൾമണറി ഡിസീസ്) ബാധിച്ചവരുടെ ജീവിതം നമ്മെ ഓർമിപ്പിക്കുന്നു.
ശ്വാസനാളികളിലുണ്ടാകുന്ന ദീർഘകാല മാറ്റങ്ങളും ശ്വാസകോശത്തിലെ വായു അറകൾക്കുണ്ടാകുന്ന നാശവും മൂലം വായുസഞ്ചാരം തടസപ്പെടുന്ന അവസ്ഥയാണ് സിഒപിഡി. ഇത് ഒരു ദിവസം കൊണ്ട് രൂപപ്പെടുന്ന രോഗമല്ല.
വർഷങ്ങളായി ശ്വാസകോശത്തിന് ഏൽക്കുന്ന ചെറുതും വലുതുമായ ആഘാതങ്ങൾ ഈ രോഗത്തിലേക്ക് നയിക്കാം. രോഗം സ്ഥിരീകരിച്ചശേഷം ചികിത്സിക്കുന്നതിനൊപ്പം, രോഗസാധ്യത നേരത്തേ തിരിച്ചറിഞ്ഞ് പ്രതിരോധിക്കാനും ശ്വാസകോശത്തിന്റെ ആരോഗ്യം സംരക്ഷിക്കാനും കഴിയുമോ എന്ന ചിന്തയ്ക്കാണ് പ്രീ സിഒപിഡി എന്ന ആശയം പ്രാധാന്യം നൽകുന്നത്.
ലോക സിഒപിഡി ദിനത്തോടനുബന്ധിച്ച് രോഗത്തെക്കുറിച്ചുള്ള അവബോധം വളർത്തുന്നതിനും നേരത്തെയുള്ള തിരിച്ചറിയലിന്റെ പ്രാധാന്യം മനസിലാക്കുന്നതിനും നമുക്ക് ശ്രമിക്കാം.
പ്രീ സിഒപിഡി എന്താണ്?
സിഒപിഡി വരുന്നതിനു മുൻപേ രോഗസാധ്യത തിരിച്ചറിയാൻ കഴിയുമോ ? തീർച്ചയായും, ശ്വാസകോശത്തിന്റെ വളർച്ചയെയും പ്രവർത്തനത്തെയും ബാധിക്കുന്ന ഘടകങ്ങൾ നേരത്തേ തിരിച്ചറിയുന്നതിലൂടെ അപകടസാധ്യത കുറയ്ക്കാൻ കഴിയും.
എല്ലാ മനുഷ്യരുടെയും ശ്വാസകോശം ഒരേ രീതിയിൽ വളരുകയോ ഒരേ പ്രവർത്തനശേഷി കൈവരിക്കുകയോ ചെയ്യുന്നില്ല. ഗർഭാവസ്ഥ മുതൽ 20 - 30 വയസുവരെയുള്ള ശ്വാസകോശവളർച്ചയും പരമാവധി ശ്വാസകോശശേഷി കൈവരിക്കുന്നതും പിന്നീട് പ്രായമാകുമ്പോൾ ശ്വാസകോശപ്രവർത്തനത്തിൽ സംഭവിക്കുന്ന കുറവുമെല്ലാം സിഒപിഡി രൂപപ്പെടുന്നതിൽ നിർണായകമാണ്.
സിഒപിഡി പുകവലിക്കാരുടെ മാത്രം രോഗമല്ല. പുതിയ ഗവേഷണങ്ങൾ വ്യക്തമാക്കുന്നത് രോഗത്തിന്റെ സാധ്യതകൾ ജീവിതത്തിന്റെ ആദ്യഘട്ടങ്ങളിൽ തന്നെ രൂപപ്പെടാമെന്നാണ്.
ജന്മനാ ഉള്ള ശ്വാസകോശരോഗങ്ങൾ, ബാല്യകാലത്തെ ആവർത്തിച്ചുള്ള ശ്വാസകോശ അണുബാധകൾ, പോഷകാഹാരക്കുറവ്, മാതാവിന്റെ ഗർഭകാലത്തെ നേരിട്ടോ അല്ലാതെയോ ഉള്ള പുകവലി, പൂർണവളർച്ചയെത്തുന്നതിനു മുൻപുള്ള ജനനം, ബാല്യകാലത്ത് ശരിയായി നിയന്ത്രിക്കപ്പെടാത്ത ആസ്ത്മ, അന്തരീക്ഷ മലിനീകരണം തുടങ്ങിയവ ശ്വാസകോശശേഷി കുറയുന്നതിനും പ്രീ സിഒപിഡി അവസ്ഥയിലേക്കും തുടർന്ന് സിഒപിഡിയിലേക്കും നയിക്കാം.
മറ്റുചിലരിൽ യൗവനകാലത്ത് നല്ല ശ്വാസകോശശേഷി ഉണ്ടായിരുന്നാലും പുകവലി, പാചകപ്പുക, തൊഴിൽപരമായ പൊടി, വായുമലിനീകരണം, മറ്റ് ശ്വാസകോശരോഗങ്ങൾ തുടങ്ങിയവ കാരണം ശ്വാസകോശത്തിന്റെ പ്രവർത്തനശേഷി സാധാരണയേക്കാൾ വേഗത്തിൽ കുറയാം.
എങ്ങനെയാണ് രോഗം നേരത്തേ തിരിച്ചറിയുന്നത്?
സിഒപിഡി സ്ഥിരീകരിക്കുന്നതിനുള്ള പ്രധാന പരിശോധനയാണ് സ്പൈറോമെട്രി (Spirometry - Pulmonary Function Test). എന്നാൽ ശ്വാസതടസം അനുഭവപ്പെടുന്നില്ലെങ്കിലും ചിലരിൽ ശ്വാസകോശത്തിൽ ആദ്യകാല മാറ്റങ്ങളോ ഘടനാപരമായോ പ്രവർത്തനപരമായോ ഉള്ള അസാധാരണതകളോ നേരിയ രോഗലക്ഷണങ്ങളോ ഉണ്ടായേക്കാം.
ഇത്തരം അവസ്ഥകളെയാണ് പ്രീ സിഒപിഡി എന്ന ആശയത്തിന്റെ ഭാഗമായി പരിഗണിക്കുന്നത്.
ആരിലാണ് പ്രീ സിഒപിഡി / സിഒപിഡി സംശയിക്കേണ്ടത്?
താഴെ പറയുന്ന വിഭാഗങ്ങളിൽപ്പെട്ടവർ ശ്വാസകോശാരോഗ്യത്തിന് പ്രത്യേക ശ്രദ്ധ നൽകണം:
സിഒപിഡി പ്രതിരോധിക്കാൻ കഴിയുമോ?
സിഒപിഡി പ്രതിരോധം പ്രായമായവരിൽ മാത്രം ആരംഭിക്കേണ്ട ഒന്നല്ല. ഗർഭകാലം മുതൽ ജീവിതകാലം മുഴുവൻ തുടരേണ്ട ഒരു പ്രക്രിയയാണിത്. രോഗസാധ്യത തിരിച്ചറിഞ്ഞ് ശ്വാസകോശത്തിന്റെ ഭാവി സംരക്ഷിക്കുക എന്നതാണ് പ്രീ സിഒപിഡി എന്ന ആശയത്തിന്റെ പ്രധാന ലക്ഷ്യം.
ഇതിനായി വ്യക്തിതലത്തിലും കുടുംബതലത്തിലും സമൂഹതലത്തിലും ആരോഗ്യസംവിധാനത്തിലും ഒരുപോലെ ഇടപെടലുകൾ ആവശ്യമാണ്.
സിഒപിഡി - പ്രധാന പ്രതിരോധ മാർഗങ്ങൾ:
പ്രീ സിഒപിഡി ഘട്ടത്തിൽ ചികിത്സ ആവശ്യമാണോ?
പ്രീ സിഒപിഡി എന്ന അവസ്ഥയുള്ള എല്ലാവർക്കും മരുന്ന് ചികിത്സ ആവശ്യമാകണമെന്നില്ല. വ്യക്തിയുടെ രോഗസാധ്യതകളും ലക്ഷണങ്ങളും പരിശോധനാഫലങ്ങളും വിലയിരുത്തിയാണ് ചികിത്സ തീരുമാനിക്കുന്നത്.
രോഗത്തിലേക്ക് നയിക്കുന്ന ഘടകങ്ങൾ ഒഴിവാക്കുകയും ശ്വാസകോശത്തിന്റെ പ്രവർത്തനശേഷി സംരക്ഷിക്കുകയും ചെയ്യുന്നതിനാണ് ഈ ഘട്ടത്തിൽ പ്രാധാന്യം നൽകേണ്ടത്.
ശ്വാസകോശാരോഗ്യത്തിന് പ്രാധാന്യം നൽകേണ്ടത് ഇന്നുതന്നെ
പ്രീ സിഒപിഡി എന്ന ആശയം നമ്മുടെ ആരോഗ്യസംവിധാനത്തിനു മുന്നിൽ പുതിയൊരു ഉത്തരവാദിത്തമാണ് ഉയർത്തുന്നത്. രോഗം പ്രകടമാകുന്നതുവരെ കാത്തുനിൽക്കാതെ, ശ്വാസകോശത്തിന്റെ ആരോഗ്യം ജീവിതത്തിന്റെ ആദ്യഘട്ടം മുതൽ സംരക്ഷിക്കേണ്ടതിന്റെ ആവശ്യകതയാണ് ഇത് ഓർമിപ്പിക്കുന്നത്.
കുട്ടികൾ, യുവാക്കൾ, സ്ത്രീകൾ തുടങ്ങി സമൂഹത്തിലെ എല്ലാ വിഭാഗങ്ങളുടെയും ശ്വാസകോശാരോഗ്യത്തിന് പ്രത്യേക പരിഗണന നൽകണം. രോഗം വന്നശേഷം ചികിത്സിക്കുന്നതിനേക്കാൾ രോഗസാധ്യത നേരത്തേ തിരിച്ചറിഞ്ഞ് പ്രതിരോധിക്കുന്നതാണ് മികച്ച ആരോഗ്യസംരക്ഷണത്തിന്റെ വഴി.
വിവരങ്ങൾ: ഡോ. ജെയ്സി തോമസ്
സീനിയർ കൺസൾട്ടന്റ് ആൻഡ് ഹെഡ്, പൾമണറി മെഡിസിൻ, മാർ സ്ലീവാ മെഡിസിറ്റി, പാലാ.
Family Health
പ്രമേഹബാധിതർ ദിവസവും പാദങ്ങൾ പരിശോധിക്കുക. പാദങ്ങളുടെ മുകൾഭാഗവും താഴ്ഭാഗവും സൂക്ഷ്മമായി നിരീക്ഷിക്കുക; നിലത്ത് ഒരു കണ്ണാടി വച്ച ശേഷം പാദത്തിനു താഴ് വശത്ത് മുറിവുകളോ വിളളലുകളോ പോറലുകളോ ഉണ്ടോ എന്നു പരിശോധിക്കുക.
* വിരലുകൾക്കിടയിലെ തൊലി പൊട്ടുന്നുവെങ്കിൽ അവിടെ ആന്റി സെപ്റ്റിക് മരുന്നു പുരുട്ടുക; ഏതാനും ദിവസങ്ങൾക്കുളളിൽ ഉണങ്ങുന്നില്ലെങ്കിൽ ഡോക്ടറെ സമീപിക്കുക.
* സോപ്പും വെളളവും ഉപയോഗിച്ചു പാദങ്ങൾ നിത്യവും വൃത്തിയായി കഴുകുക. ഉണങ്ങിയ തുണി ഉപയോഗിച്ചു തുടയ്ക്കുക. വിരലുകൾക്കിടയിൽ പറ്റിയിരിക്കുന്ന ജലാംശം തുടച്ചു കളയാൻ ശ്രദ്ധ വേണം.
* കാലു വിണ്ടു കീറാതിരിക്കാൻ കുളി കഴിഞ്ഞ ശേഷം എണ്ണയോ എണ്ണമയം നിലനിർത്താൻ സഹായിക്കുന്ന ക്രീമുകളോ ലോഷനോ പാദത്തിനു മുകളിലും താഴെയും പുരട്ടുക; വിരലുകളുടെ ഇടയിൽ പുരട്ടരുത്.
* സോക്സ് ഉപയോഗിക്കുക; മുറുക്കമുളളവ പാടില്ല. വായുസഞ്ചാരം സാധ്യമാകുന്നതും വിയർപ്പ് തങ്ങി നിൽക്കാൻ അനുവദിക്കാത്തതുമായ സോക്സാണ് അനുയോജ്യം. രാത്രി തണുപ്പ് അനുഭവപ്പെടുന്നുവെങ്കിൽ സോക്സ് ധരിക്കുന്നതു ഗുണകരം.
* കുളി കഴിഞ്ഞ ശേഷം നഖങ്ങൾ വെട്ടിവൃത്തിയാക്കുക; നഖങ്ങളുടെ അരികുകൾ വെട്ടുന്പോൾ ചർമത്തിൽ മുറിവേല്ക്കാതെ ശ്രദ്ധിക്കണം.
* ചെരുപ്പു ധരിച്ചേ നടക്കാവൂ; മുറുക്കമുളള ചെരുപ്പും ഷൂസും പാടില്ല.
* കാലുകൾ ഏറെ ചൂടു കൂടിയ വെളളമുപയോഗിച്ചു കഴുകരുത്.
* ആണിയും തഴന്പും ഉണ്ടെങ്കിൽ ബ്ലേഡും കത്തിയും ഉപയോഗിച്ചു നീക്കാൻ ശ്രമിക്കരുത്; ഡോക്ടറെ സമീപിക്കണം.
* കാലിലെ രക്തസഞ്ചാരം നിലനിർത്താൻ പുകവലി ഉപേക്ഷിക്കുക.
* ദിവസവും 20 മുതൽ 30 മിനിറ്റു വരെ നടക്കുക; കാലിലേക്കു
ളള രക്തസഞ്ചാരം കൂട്ടുന്നതിന് ഇതു സഹായകം.
* കാലിനു മേൽ മറ്റേ കാൽ കയറ്റി വച്ച് ഇരിക്കരുത്; സുഗമമായ രക്തസഞ്ചാരത്തിന് അതു തടസമാകും.
Family Health
വൈറസ് മൂലം ഉണ്ടാകുന്ന ഒരു രോഗമാണ് ഡെങ്കിപ്പനി. താരതമ്യേന ശുദ്ധജലത്തിൽ വളരുന്ന ഈഡിസ് കൊതുകുകൾ വഴിയാണ് ഈ രോഗം പകരുന്നത്. ഈഡിസ് കൊതുകുകൾ സാധാരണയായി പകൽ സമയത്താണ് മനുഷ്യരെ കടിക്കുന്നത്. വൈറസ് ശരീരത്തിൽ പ്രവേശിച്ച് 3 മുതൽ 14 ദിവസങ്ങൾക്കുള്ളിൽ മനുഷ്യരിൽ രോഗ ലക്ഷണങ്ങൾ കണ്ടുതുടങ്ങുന്നു. രോഗാണുവാഹകയായ ഈഡിസ് കൊതുകിന് ജീവിതകാലം മുഴുവനും മനുഷ്യരിലേക്ക് ഡെങ്കിപ്പനി പരത്തുവാനുള്ള കഴിവുണ്ടായിരിക്കും.
ലക്ഷണങ്ങൾ
പെട്ടെന്നുണ്ടാകുന്ന തീവ്രമായ പനി, കടുത്ത തലവേദന, കണ്ണുകൾക്ക് പിന്നിലും പേശികളിലും സന്ധികളിലും വേദന, നെഞ്ചിലും മുഖത്തും ചുവന്ന തടിപ്പുകൾ, ഓക്കാനവും ഛർദിയും എന്നിവയാണ് ആരംഭത്തിൽ കാണുന്ന ലക്ഷണങ്ങൾ.
അപകട സൂചനകൾ
തുടർച്ചയായ ഛർദി, വയറുവേദന, ഏതെങ്കിലും ശരീരഭാഗത്തു നിന്ന് രക്തസ്രാവം, കറുത്ത മലം, പെട്ടെന്നുണ്ടാകുന്ന ശ്വാസംമുട്ടൽ, ശരീരം ചുവന്നു തടിക്കൽ, ശരീരം തണുത്ത് മരവിക്കുന്ന അവസ്ഥ, വലിയ തോതിലുള്ള തളർച്ച, ശ്വസിക്കാൻ പ്രയാസം, രക്തസമ്മർദം വല്ലാതെ താഴുന്ന അവസ്ഥ തുടങ്ങിയ അപകട സൂചനകൾ ഉണ്ടാകുന്നുവെങ്കിൽ എത്രയും വേഗം രോഗിയെ വിദഗ്ധ ചികിത്സ ലഭ്യമാകുന്ന ആശുപത്രിയിൽ എത്തിക്കേണ്ടതാണ്.
പ്രായാധിക്യമുള്ളവർ, ഒരു വയസിനു താഴെയുള്ള കുട്ടികൾ, പ്രമേഹം, രക്താതിമർദം, ഹൃദ്രോഗം, അർബുദം മുതലായ രോഗങ്ങളുള്ളവർ, രോഗപ്രതിരോധശേഷി കുറഞ്ഞവർ എന്നിവരിൽ ഡെങ്കിപ്പനിയെ തുടർന്നുള്ള ആരോഗ്യപ്രശ്നങ്ങൾക്കുള്ള സാധ്യത കൂടുതലാണ്.
ചികിത്സ
വൈറസ് രോഗമായതിനാൽ ഡെങ്കിപ്പനി രോഗാണുവിനെ നശിപ്പിക്കുന്നതിനുള്ള പ്രത്യേക ചികിത്സ ലഭ്യമല്ല. ലക്ഷണങ്ങൾക്കനുസരിച്ചുള്ള ചികിത്സയാണു നൽകിവരുന്നത്. രോഗലക്ഷണങ്ങൾ കണ്ടാൽ സ്വയം ചികിത്സ ഒഴിവാക്കി ഉടൻതന്നെ ഡോക്ടറുടെ നിർദേശപ്രകാരം ചികിത്സ തേടേണ്ടതാണ്. നേരത്തെയുള്ള രോഗനിർണയവും ചികിത്സയും രോഗം ഗുരുതരമാകുന്നതും മരണവും തടയും.
സമ്പൂർണ വിശ്രമം
രോഗബാധിതർക്ക് സമ്പൂർണവിശ്രമം ആവശ്യമാണ്. പനി മാറിയാലും മൂന്നു നാലു ദിവസം കൂടി വിശ്രമം തുടരേണ്ടതാണ്. ഉപ്പിട്ട കഞ്ഞിവെള്ളം, കരിക്കിൻ വെള്ളം, പഴച്ചാറുകൾ, മറ്റു പാനീയങ്ങൾ എന്നിവ ധാരാളം കുടിക്കണം. ആസ്പിരിൻ, ഇബുപ്രോഫിൻ മുതലായ വേദനസംഹാരി മരുന്നുകൾ ഒഴിവാക്കണം. പകൽ സമയം വിശ്രമിക്കുന്നതും ഉറങ്ങുന്നതും കൊതുകുവലയ്ക്കുള്ളിൽ ആയിരിക്കണം. ഡെങ്കിപ്പനിബാധിതർ കൊതുകുകടി ഏൽക്കാതിരിക്കാൻ പ്രത്യേകം ശ്രദ്ധിക്കണം. ഇത് മറ്റുള്ളവരിലേക്കു രോഗം പകരുന്നത് തടയാൻ സഹായിക്കും.
ഡെങ്കിയെ തുരത്താൻ നമുക്ക് എന്തൊക്കെ ചെയ്യാം?
ഈഡിസ് വിഭാഗം കൊതുകുകളാണ് ഡെങ്കിപ്പനി പരത്തുന്നത്. ഈഡിസ് ഇല്ലെങ്കിൽ ഡെങ്കിപ്പനിയുമില്ല. ഈഡിസ് മുട്ടയിട്ടു വളരുന്ന ഇടങ്ങളും സാഹചര്യങ്ങളും ഒഴിവാക്കുക.
▪️ഈഡിസ് കൊതുകുകള് സാധാരണ മുട്ടയിടുന്ന സ്ഥലങ്ങളായ ചിരട്ട, ടയര്, കുപ്പി, ആട്ടുകല്ല്, ഉപയോഗ ശൂന്യമായ പാത്രങ്ങള്, വെളളം കെട്ടിനില്ക്കാവുന്ന സാധനങ്ങള് തുടങ്ങിയവ ശരിയായ രീതിയില് സംസ്കരിക്കുകയോ വെളളം വീഴാത്ത സ്ഥലങ്ങളില് സൂക്ഷിക്കുകയോ ചെയ്യുക.
▪️മഴക്കാലത്ത് ടെറസിനു മുകളിലും സണ്ഷേഡിലും വെളളം കെട്ടി നില്ക്കാന് അനുവദിക്കരുത്.
▪️റഫ്രിജറേറ്ററിനു പുറകിലുളള ട്രേ, ചെടിച്ചട്ടിക്കിടയില് വെക്കുന്ന പാത്രം, പൂക്കളും ചെടികളും നില്ക്കുന്ന പാത്രം, ടെറസ്, ടാങ്ക് എന്നിവയിലെ വെളളം ആഴ്ചയിലൊരിക്കല് പൂര്ണമായും നീക്കം ചെയ്യണം.
▪️ജലം സംഭരിച്ചു വയ്ക്കുന്ന ടാങ്കുകളും പാത്രങ്ങളും സിമന്റ് തൊട്ടികളും മറ്റും കൊതുക്
കടക്കാത്ത വിധം മൂടിവയ്ക്കുക.
▪️ഇവയിലെ വെളളം ആഴ്ചയിലൊരിക്കല് ചോര്ത്തിക്കളഞ്ഞ് ഉള്വശം ഉരച്ചു കഴുകി ഉണങ്ങിയ ശേഷം വീണ്ടും നിറയ്ക്കുക.
▪️മരപ്പൊത്തുകള് മണ്ണിട്ട് മൂടുക.എലി, അണ്ണാന് തുടങ്ങിയവ തുരന്നിടുന്ന നാളികേരം, കായകള് എന്നിവ ആഴ്ചയിലൊരിക്കല് കത്തിച്ചു കളയുകയോ കുഴിച്ചുമൂടുകയോ ചെയ്യുക.
▪️മുളംകുറ്റികള് വെളളം കെട്ടി നില്ക്കാത്ത വിധത്തില് വെട്ടിക്കളയുകയോ മണ്ണിട്ട് മൂടുകയോ ചെയ്യുക.
▪️ടാര്പോളിന്, പ്ലാസ്റ്റിക് ഷീറ്റ് എന്നിവയില് വെളളം കെട്ടി നില്ക്കാതെ ശ്രദ്ധിക്കുക.
▪️വീടിന്റെ പരിസരത്തും പുരയിടങ്ങളിലും കാണുന്ന കുഴികള് മണ്ണിട്ട് മൂടുക. അല്ലെങ്കില് ചാല് കീറി വെളളം വറ്റിച്ചുകളയുക.
▪️ഓടകളിലും ചാലുകളിലും വെളളം സുഗമമായി ഒഴുകിപ്പോകുന്നതിനായി ചപ്പുചവറുകളും മണ്ണും മറ്റും യഥാസമയം നീക്കുക.
സെപ്റ്റിക് ടാങ്കിന്റെ വെന്റ് പൈപ്പിന്റെ അഗ്രം കൊതുകുവല ഉപയോഗിച്ച് കെട്ടുക.
▪️സ്ലാബിനടിയിലെ വിടവുകള്, സുഷിരങ്ങള് എന്നിവ സിമന്റ് കൊണ്ട് അടയ്ക്കുക.
▪️വീടിനുചുറ്റുമുളള പാഴ്ചെടികള്, ചപ്പ് ചവറുകള് എന്നിവ നീക്കണം.
▪️കിണറുകള്, കുളങ്ങള്, ടാങ്കുകള്, ഫൗണ്ടനുകള്, താത്ക്കാലിക ജലാശയങ്ങള് മുതലായവയില് കൂത്താടി ഭോജി മത്സ്യങ്ങളായ മാനത്തു കണ്ണി, ഗപ്പി, ഗംബൂസിയ എന്നിവ നിക്ഷേപിക്കുക.
▪️ഈഡിസ് കൊതുകിന്റെ കടിയേല്ക്കാതിരിക്കാന് പകല് സമയത്ത് ഉറങ്ങുന്നവര് കൊതുകുവല ഉപയോഗിക്കുക.
▪️കീടനാശിനിയില് മുക്കിയ കൊതുകുവല ഉപയോഗിക്കുന്നതാണ് ഏറെ ഉത്തമം.
▪️കൊതുകിനെ അകറ്റാന് കഴിവുളള ലേപനങ്ങള് ദേഹത്ത് പുരട്ടുക.
▪️ശരീരം നന്നായി മൂടുന്ന വസ്ത്രം ധരിക്കുക.
▪️ജനല്, വാതില്, വെന്റിലേറ്റര് മുതലായവയില് കൊതുക് കടക്കാതെ വല പിടിപ്പിക്കുക.
▪️പനി വന്നാല് സ്വയം ചികിത്സ നടത്താതെ സമീപമുളള ആശുപത്രിയില് ചികിത്സ തേടുക.
▪️റബര് തോട്ടങ്ങളിലെ ചിരട്ടകള്, കമുകിന് തോട്ടങ്ങളിലെ പാളകള് എന്നിവയില് വെളളം കെട്ടി നിന്ന് കൊതുക് വളരാനുളള സാഹചര്യം ഒഴിവാക്കുക.
വിവരങ്ങൾക്കു കടപ്പാട്: സംസ്ഥാന ആരോഗ്യ കുടുംബക്ഷേമ വകുപ്പ്, ആരോഗ്യ കേരളം & നാഷണൽ ഹെൽത്ത് മിഷൻ
Family Health
ചര്മത്തിനു നിറം നല്കുന്ന കോശമായ മെലാനോസൈറ്റിനോട് (Melanocyte) നമ്മുടെ തന്നെ രോഗപ്രതിരോധശക്തി പ്രതികരിക്കുന്നതു മൂലം മെലാനോസൈറ്റിന്റെ പ്രവര്ത്തനം കുറയുകയും ചില ഭാഗങ്ങളില് മെലാനിന് (Melanin) എന്ന പിഗ്മെന്റ് കുറയുകയും ചെയ്യുന്നു. മെലാനോസൈറ്റിന്റെ വളര്ച്ച ത്വരിതപ്പെടുത്തുന്ന രാസവസ്തുക്കളുടെയും വളർച്ചാഘടകത്തിന്റെയും( Growth factor) അഭാവം മൂലവും അതിന്റെ പ്രവര്ത്തനം കുറയാം. ഇങ്ങനെ മെലാനിന് കുറഞ്ഞ ഭാഗങ്ങള് വെളുത്ത് കാണപ്പെടുന്നു. അതാണു വെള്ളപ്പാണ്ട് എന്നറിയപ്പെടുന്നത്.
ആഹാരരീതി കൊണ്ട് വെള്ളപ്പാണ്ട് വരുമോ?
വെള്ളപ്പാണ്ടും ആഹാരവുമായി യാതൊരു ബന്ധവും ശാസ്ത്രീയ പഠനങ്ങളിലൂടെ തെളിയിച്ചിട്ടില്ല.
ശരീരത്തിലുണ്ടാകുന്ന എല്ലാ വെള്ളപ്പാടുകളും വെള്ളപ്പാണ്ട് ആണോ?
അല്ല, പല അസുഖങ്ങള് ശരീരത്തില് വെളുത്ത പാടായി പ്രത്യക്ഷപ്പെടാറുണ്ട്. ഒരു ഡോക്ടറുടെ സഹായത്തോടെ അത് സ്ഥിതീകരിക്കുകയും ചികിത്സ നേടുകയും വേണം.
ചികിത്സിച്ചാല് ഭേദമാകുമോ?
സങ്കീര്ണമായ പല ഘടകങ്ങള് മൂലമുണ്ടാകുന്ന ഒരു അവസ്ഥയാണ് വെള്ളപ്പാണ്ട്. പ്രത്യേകിച്ചും ഓട്ടോ ഇമ്മ്യൂണിറ്റി - അത് ഓരോ രോഗിയിലും വ്യത്യസ്തപ്പെട്ടിരിക്കുന്നതിനാല് ചികിത്സാരീതികളും വ്യത്യാസപ്പെട്ടിരിക്കുന്നു.
കൃത്യതയോടെ നിങ്ങളുടെ ഡോക്ടറുടെ നിര്ദ്ദേശങ്ങള് പാലിക്കുകയാണെങ്കില് വെള്ളപ്പാണ്ട് വ്യാപിക്കുന്നത് തടുക്കാനും നിറം വീണ്ടെടുക്കാനും സാധിക്കും. എന്നാലും പുതിയ പാടുകള് പ്രത്യക്ഷപ്പെടാം.
വെള്ളപ്പാണ്ട് ഉള്ളവര് എന്തൊക്കെ ശ്രദ്ധിക്കണം?
· വൈകാരിക സമ്മര്ദം വെള്ളപ്പാണ്ടിനെ പ്രതികൂലമായി ബാധിക്കാറുണ്ട്. ഈ അവസ്ഥയെക്കുറിച്ച് മനസിലാക്കുക, തൊലിയില് നിറമില്ലായെന്നതൊഴിച്ചാല് അവിടത്തെ തൊലി തികച്ചും സാധാരണമായി കാണപ്പെടുന്നു.
· ആഹാരത്തില് വ്യത്യാസം വരുത്തേണ്ടതില്ല, എന്നാല് സമീകൃതാഹാരം കഴിക്കുന്നത് എല്ലാ വ്യക്തികൾക്കുമെന്നതുപോലെ ഇവർക്കും നല്ലതാണ്.
· നിങ്ങളുടെ സംശയങ്ങളും ഉത്കണ്ഠകളും ഡോക്ടറോട് പങ്കുവയ്ക്കുക.
സ്കൂളിൽ പോകുമ്പോൾ
· സ്കൂളില് പോകുന്ന കുട്ടികളാണെങ്കില് രക്ഷിതാക്കള് സ്കൂള് അധികൃതരുമായി സംസാരിക്കുകയും മറ്റു കുട്ടികളെ ബോധവല്ക്കരിക്കുകയും വേണം.
ഈ ഒരു അവസ്ഥയെ പറ്റി അവബോധം ഉണ്ടാവുകയാണെങ്കില് ഇതിനോടുള്ള വിമുഖത തീര്ത്തും ഇല്ലാതാകും. ലോകത്തിന്റെ പല കോണുകളില് ഉള്ള ആള്ക്കാരും നേരിടുന്ന ഒരു അവസ്ഥയാണിത്. നിങ്ങളുടെ സ്വപ്നങ്ങള്ക്കൊന്നും ഒരു രീതിയിലും ഇത് തടസമാകില്ല എന്നത് മനസിലാക്കി ആത്മധൈര്യത്തോടെ ജീവിതം ആസ്വദിക്കുക.
വിവരങ്ങൾ: ഡോ. ശാലിനി വി. ആർ
കൺസൾട്ടന്റ് ഡെർമറ്റോളജിസ്റ്റ്,
എസ്യുറ്റി ഹോസ്പിറ്റൽ,
തിരുവനന്തപുരം
Family Health
കണ്ണിൽ നിന്ന് തലച്ചോറിലേക്ക് ദൃശ്യങ്ങൾ എത്തിക്കുന്ന കാഴ്ചഞരമ്പിന് സംഭവിക്കുന്ന തകരാർ മൂലം വരുന്ന നേത്രരോഗമാണ് ഗ്ലോക്കോമ. ഇൻട്രാ ഓകുലാൽ പ്രഷർ(IOP) കൂടിയിട്ടില്ലെങ്കിലും ഒപ്റ്റിക് നാഡിക്ക് കേടുള്ള അവസ്ഥയാണ് നോർമൽ ടെൻഷൻ ഗ്ലോക്കോമ. നേത്രനാഡിയിലേക്കുള്ള രക്തപ്രവാഹം കുറയുന്നതോ മൃദുവായ നേത്രനാഡിയോ കാരണമാകാം.
കൺജെനിറ്റൽ ഗ്ലോക്കോമ
ഇതുകൂടാതെ നവജാതശിശുക്കളിൽ കൺജെനിറ്റൽ ഗ്ലോക്കോമ ഉണ്ടാകാം.
ഓപ്പൺ ആംഗിൾഗ്ലോക്കോമ
ഓപ്പൺ ആംഗിൾ ഗ്ലോക്കോമയ്ക്ക് ആരംഭത്തിൽ കാര്യമായ ലക്ഷണങ്ങൾ കാണില്ല. നേത്രനാഡിക്ക് തകരാർ ഉണ്ടാകുമ്പോൾ കാഴ്ചയുടെ പരിധിയിൽ ശൂന്യ മേഖലകൾ (scotomas) ഉണ്ടാകുന്നു. ഇത് തുടക്കത്തിൽ വശങ്ങളിലെ കാഴ്ചയെ മാത്രമേ ബാധിക്കൂ. അതുകൊണ്ട് രോഗിക്ക് കാഴ്ചക്കുറവ് അനുഭവപ്പെടാറില്ല.
എന്നാൽ രോഗം സങ്കീർണമാകുമ്പോൾ കാഴ്ചയുടെ പരിധി ചുരുങ്ങി ഒരു കുഴലിനുള്ളിലൂടെ കാണുന്ന അവസ്ഥയിലേക്ക് പോകുന്നു. ഈ സ്റ്റേജിനെ ടണൽ വിഷൻ എന്ന് പറയുന്നു. അപ്പോഴേക്കും കാഴ്ച മങ്ങിത്തുടങ്ങും.
ആംഗിൾ ക്ലോഷർ ഗ്ലോക്കോമ
കടുത്ത തലവേദന, കണ്ണുകഴപ്പ്, ചുവപ്പ്, ഓക്കാനവും ഛർദിയും ഉണ്ടായി കാഴ്ച മങ്ങുക എന്നിവയാണ് ലക്ഷണങ്ങൾ. ഐറിസ് മുന്നോട്ടു തള്ളിവന്ന് അക്വസ് ഹ്യൂമർ ദ്രാവകം ഡ്രെയിനേജ് ആംഗിളിലൂടെ പുറത്തേക്ക് ഒഴുകുന്നതിനെ തടയുന്നു. അങ്ങനെ കണ്ണിന് മർദം കൂടുകയും ചെയ്യുന്നു. ഈ അവസ്ഥ ഉടനെ ചികിത്സിച്ചില്ലെങ്കിൽ കാഴ്ച പൂർണമായും നഷ്ടപ്പെട്ടേക്കാം.
ഗ്ലോക്കോമ സാധ്യത ആർക്കെല്ലാം
നവജാത ശിശുക്കളിൽ മുതൽ മുതിർന്നവരിൽ വരെ ആർക്കും ഗ്ലോക്കോമ ഉണ്ടാകാം. എന്നാൽ സാധാരണയായി അപകടസാധ്യത ഉള്ളവർ:
1. 40 വയസ്സിനു മുകളിൽ പ്രായം
2. ഗ്ലോക്കോമ കുടുംബ പശ്ചാത്തലമായി ഉള്ളവർ (family history)
ഗ്ലോക്കോമ: അപകടസാധ്യത ഉള്ളവർ
* പ്രമേഹം, സിക്കൾ സെൽ അനീമിയ എന്നീ രോഗങ്ങൾ
* മയോപ്പിയ അഥവാ Short sight ഉള്ള വ്യക്തികൾ
* കണ്ണിന് എന്തെങ്കിലും പരിക്കോ ശസ്ത്ര ക്രിയയോ ചെയ്തിട്ടുള്ളവർ
* വളരെക്കാലം സ്റ്റിറോയ്ഡ് മരുന്ന് ഉപയോഗിച്ചിട്ടുള്ളവർ
ഇങ്ങനെയുള്ളവർ എല്ലാവർഷവും കൃത്യമായി നേത്രപരിശോധന നടത്തേണ്ടത് ആവശ്യമാണ്
വിവരങ്ങൾ: ഡോ. അഞ്ജു ഹരീഷ്,
കൺസൾട്ടന്റ് ഓഫ്ത്താൽമോളജിസ്റ്റ്,
എസ്യുറ്റി ഹോസ്പിറ്റൽ, പട്ടം
തിരുവനന്തപുരം.
Family Health
രാവിലെ എഴുന്നേറ്റ് ആവി പറക്കുന്ന ചൂട് ചായ ഒറ്റവലിക്ക് കുടിക്കുന്ന ശീലമുണ്ടോ? എങ്കിൽ ഒന്ന് ശ്രദ്ധിക്കണം. ആ ശീലം അത്ര നല്ലതല്ല എന്നാണ് പുതിയ ആരോഗ്യ പഠനങ്ങൾ മുന്നറിയിപ്പ് നൽകുന്നത്.
വളരെ ചൂടുള്ള ചായയോ കാപ്പിയോ പതിവായി കുടിക്കുന്നത് അന്നനാളത്തിലെ കാൻസറിനുള്ള സാധ്യത വർദ്ധിപ്പിക്കുമെന്ന് ഡോക്ടർമാർ പറയുന്നു.പ്രധാനമായും വളരെ ഉയർന്ന താപനിലയിലുള്ള പാനീയങ്ങൾ സ്ഥിരമായി കഴിക്കുന്നതാണ് പ്രശ്നം. ഇത് അന്നനാളത്തിലെ കോശങ്ങളെ നിരന്തരം പൊള്ളിക്കുകയും, പിന്നീട് അത് Esophageal Squamous Cell Carcinoma (ESCC) എന്ന തരം കാൻസറായി മാറാനുള്ള സാധ്യത കൂട്ടുകയും ചെയ്യുന്നു എന്നാണ് പഠനങ്ങൾ സൂചിപ്പിക്കുന്നത്.
ചായയും കാപ്പിയും തിളച്ച ഉടനെ കുടിക്കരുത്.
ഒന്ന് രണ്ട് മിനിറ്റ് ആറാൻ അനുവദിക്കുക.
നാവ് പൊള്ളുന്ന അത്ര ചൂടിൽ ഒരു പാനീയവും കുടിക്കരുത്.
ഇളം ചൂടിൽ കുടിക്കുന്നതാണ് ഏറ്റവും സുരക്ഷിതം.
ചൂട് കുറച്ച് കുടിച്ചാൽ രുചി പോകില്ല, പക്ഷെ ആരോഗ്യം സുരക്ഷിതമായിരിക്കും.
ശ്രദ്ധിക്കുക: ഇത് പൊതുവായ അറിവിന് വേണ്ടിയുള്ള വിവരമാണ്. സംശയങ്ങൾക്ക് ഒരു ഡോക്ടറെ കാണുക.
Family Health
കണ്ണിൽ നിന്ന് തലച്ചോറിലേക്ക് ദൃശ്യങ്ങൾ എത്തിക്കുന്ന കാഴ്ചഞരമ്പിന് സംഭവിക്കുന്ന തകരാർ മൂലം വരുന്ന നേത്രരോഗമാണ് ഗ്ലോക്കോമ. കണ്ണിനകത്തെ പ്രഷർ ഉയർന്ന അളവിൽ ആകുമ്പോൾ നേത്രനാഡിക്ക് ക്ഷതം സംഭവിക്കുകയും അത് കാഴ്ച വൈകല്യങ്ങൾ ഉണ്ടാക്കുകയും ചെയ്യുന്നു.
യഥാർഥത്തിൽ ഗ്ലോക്കോമ ബാധിതരായ പലർക്കും അത് അറിയില്ല. കണ്ടുപിടിക്കപ്പെടാതെയും ചികിത്സിക്കാതെയും തുടർന്നാൽ ഗ്ലോക്കോമ അന്ധതയ്ക്കു കാരണമാകും.
ആദ്യഘട്ടങ്ങളിൽ...
ലോകാരോഗ്യസംഘടനയുടെ കണക്കുകൾ പ്രകാരം ലോകത്താകമാനം 60 മില്യൻ ഗ്ലോക്കോമ രോഗികൾ ഉണ്ട്. അന്ധത ഉണ്ടാക്കുന്ന രോഗങ്ങളിൽ രണ്ടാം സ്ഥാനം ഗ്ലോക്കോമയ്ക്കാണ്. ഇന്ത്യയിലാകമാനം 12 മില്യൻ ആളുകൾ രോഗബാധിതരാണ്. ആദ്യഘട്ടങ്ങളിൽ കാര്യമായ ലക്ഷണങ്ങൾ ഇല്ലാത്തതിനാൽ പലപ്പോഴും രോഗം തിരിച്ചറിയാൻ വളരെ വൈകാറുണ്ട്. അപ്പോഴേക്കും കാഴ്ച നഷ്ടമായേക്കും. അതുകൊണ്ടാണ് കാഴ്ചയുടെ നിശബ്ദ കൊലയാളി (sneak thief of sight)എന്ന് ഗ്ലോക്കോമ അറിയപ്പെടുന്നത്.
ഗ്ലോക്കോമ ഉണ്ടാകുന്നത്
കണ്ണിനകത്തെ പ്രഷർ തുലനാവസ്ഥയിൽ നിർത്തുന്നത് അക്വസ് ഹ്യൂമർ എന്ന ദ്രാവകം ക്രമമായി ഒഴുകുന്നതു മൂലമാണ്. ഇത് സാധാരണഗതിയിൽ കണ്ണിന്റെ മുൻവശത്തെ അറയായ ആന്റീരിയർ ചേംബറിലൂടെ ഒഴുകി കണ്ണിന്റെ ഡ്രൈനേജ് ആംഗിളിലൂടെ കടന്നു രക്തത്തിലേക്ക് എത്തുന്നു. ഈ സംവിധാനം തകരാറിലാകുമ്പോൾ അക്വസ് ഹ്യൂമർ കൃത്യമായി ഒഴുകിപ്പോകാൻ സാധിക്കാതാവുകയും അത് കെട്ടിനിന്ന് കണ്ണിൽ മർദം കൂടാനിടയാക്കുകയും ചെയ്യും. അങ്ങനെ നേത്ര നാഡി തകരാറിലാകുകയും ചെയ്യും. കൃത്യസമയത്ത് ചികിത്സ തേടിയില്ലെങ്കിൽ കുറച്ചുകാലത്തിനകം സ്ഥിരമായി തന്നെ കാഴ്ച നഷ്ടപ്പെടാൻ കാരണമാകും.
ഗ്ലോക്കോമ പലതരം
പ്രധാനമായും രണ്ട് തരത്തിൽ
1. ഓപ്പൺ ആംഗിൾ ഗ്ലോക്കോമ
2. ആംഗിൾ ക്ലോഷർ ഗ്ലോക്കോമ
രണ്ടിലും ഇൻട്രാ ഓകുലാൽ പ്രഷർ(IOP) ഉയർന്നിരിക്കും.
വിവരങ്ങൾ:
ഡോ. അഞ്ജു ഹരീഷ്,
കൺസൾട്ടന്റ് ഓഫ്ത്താൽമോളജിസ്റ്റ്,
എസ്യുറ്റി ഹോസ്പിറ്റൽ, പട്ടം
തിരുവനന്തപുരം.
Family Health
രാവിലെ മുതൽ വൈകിട്ട് വരെ ലാപ്ടോപ്പിന് മുന്നിൽ, AC റൂമിനുള്ളിൽ, ഒരു തുള്ളി വെയിൽ പോലും കൊള്ളാതെ ഇരിക്കുന്നവരാണോ നിങ്ങൾ? എങ്കിൽ നിങ്ങളുടെ തലച്ചോറ് പതുക്കെ ക്ഷീണിച്ചു കൊണ്ടിരിക്കുകയാണ്.
ദിവസവും കുറഞ്ഞത് 42 മിനിറ്റ് പകൽ വെളിച്ചത്തിലും വെയിലത്തും ഇരിക്കുന്നത് മറവി രോഗം അഥവാ ഡിമെൻഷ്യ വരാനുള്ള സാധ്യത ഗണ്യമായി കുറയ്ക്കുമെന്ന് പുതിയ പഠനം പറയുന്നു.പകൽ സമയത്ത് ആവശ്യത്തിന് സൂര്യപ്രകാശം കിട്ടാത്തത് തലച്ചോറിന്റെ പ്രവർത്തനത്തെ ബാധിക്കും. ഇത് ഓർമ്മക്കുറവിനും ശ്രദ്ധക്കുറവിനും കാരണമാകും. പ്രത്യേകിച്ച് വീടിനുള്ളിൽ തന്നെ ഇരുന്ന് ജോലി ചെയ്യുന്നവരിൽ, പകൽ മുഴുവൻ ലാപ്ടോപ്പിന് മുന്നിൽ ഇരിക്കുന്നവരിൽ ഈ പ്രശ്നം കൂടുതലാണ്.
രാവിലെ ഒമ്പത് മണിക്ക് മുന്നെയോ വൈകിട്ട് നാല് മണിക്ക് ശേഷമോ 42 മിനിറ്റ് വെയിൽ കൊള്ളുക.WFH ചെയ്യുന്നവർ ജനൽ തുറന്നിടുക, ബാൽക്കണിയിൽ ഇരുന്ന് ജോലി ചെയ്യുക.ഉച്ചയ്ക്ക് കടുത്ത വെയിൽ ഒഴിവാക്കി ഇളം വെയിൽ കൊള്ളുക.വിറ്റാമിൻ ഡി ലഭിക്കാൻ മാത്രമല്ല, തലച്ചോറിന്റെ ആരോഗ്യത്തിനും സൂര്യപ്രകാശം അനിവാര്യമാണെന്ന് ഈ പഠനം ഓർമ്മിപ്പിക്കുന്നു.
Family Health
ബ്ലഡ് പ്രഷറിനുള്ള ഒരു ഗുളികയുടെ വില നിങ്ങൾ കരുതുന്നതിനേക്കാൾ വലുതാണ് - അത് നിങ്ങളുടെ ജീവൻ തന്നെയാണ്!രാവിലെ എഴുന്നേറ്റ് ബി.പി നോക്കി. 120/80. കുഴപ്പമില്ലല്ലോ. ഇന്ന് മരുന്ന് വേണ്ടെന്ന് വെക്കാം. നമ്മളിൽ പലരും ചെയ്യുന്ന തെറ്റാണിത്.പക്ഷേ ആ ഒരു ദിവസത്തെ മുടക്കം നിങ്ങളുടെ ജീവിതം തന്നെ ഇല്ലാതാക്കിയേക്കാം.
അടുത്തിടെ പുറത്തുവന്ന പുതിയ പഠനം ഞെട്ടിക്കുന്ന കാര്യമാണ് പറയുന്നത്.ബ്ലഡ് പ്രഷറിന്റ മരുന്ന് സ്ഥിരമായി കഴിക്കുന്നവർ ഒരു ദിവസം മുടക്കിയാൽ ഹൃദയാഘാതത്തിനും പക്ഷാഘാതത്തിനുമുള്ള സാധ്യത പതിൻമടങ്ങ് വർദ്ധിക്കും.
എന്തുകൊണ്ട് ഇത് സംഭവിക്കുന്നു?
നിങ്ങൾ ദിവസവും കഴിക്കുന്ന മരുന്നാണ് നിങ്ങളുടെ രക്തസമ്മർദ്ദത്തെ ഒരു കടിഞ്ഞാൺ പോലെ പിടിച്ചു നിർത്തുന്നത്. ഒരു ദിവസം ആ കടിഞ്ഞാൺ അഴിച്ചു വിട്ടാൽ, രക്തക്കുഴലുകളിലെ സമ്മർദ്ദം പെട്ടെന്ന് കുതിച്ചുയരും.അത് ഹൃദയത്തിന്റെ പ്രവർത്തനത്തെ താളം തെറ്റിക്കും. തലച്ചോറിലേക്കുള്ള രക്തയോട്ടത്തെ തടസ്സപ്പെടുത്തും.
ഒരു നിമിഷം കൊണ്ട് എല്ലാം തീരും.നിങ്ങളുടെ ബി.പി ഇന്ന് നോർമൽ ആയിരിക്കുന്നത് തന്നെ ഇന്നലെ നിങ്ങൾ കഴിച്ച ആ ഗുളിക കൊണ്ടാണ് എന്ന് മറക്കരുത്!
അപ്പോൾ എന്ത് ചെയ്യണം
ഭക്ഷണം കഴിക്കാൻ മറക്കാത്ത പോലെ, മരുന്ന് കഴിക്കാനും മറക്കരുത്. യാത്രയിൽ മരുന്ന് മറക്കാതിരിക്കുക.ഡ്രസ്സ് എടുക്കാൻ മറന്നാലും മരുന്ന് എടുക്കാൻ മറക്കരുത്. അതാണ് നിങ്ങളുടെ യഥാർത്ഥ പാസ്പോർട്ട്.
മരുന്ന് തീരാൻ കാത്തുനിൽക്കരുത്. മൂന്ന് ദിവസം മുൻപേ വാങ്ങി വെക്കുക.ഓർക്കുക, ഇത് വെറുമൊരു ഗുളികയല്ല, നിങ്ങളുടെ കുടുംബത്തിന് നിങ്ങൾ നൽകുന്ന ഉറപ്പാണ്.
Family Health
ദിവസവും പഴങ്ങൾ കഴിക്കാറുണ്ടോ? എങ്കിൽ നിങ്ങൾ ശരിക്കും ഭാഗ്യവാനാണ്! അടുത്തിടെ വന്ന ഒരു ആഗോള ഹെൽത്ത് പഠനത്തിൽ ലോകത്തിലെ ഏറ്റവും ആരോഗ്യകരമായ പത്ത്പഴങ്ങളുടെ ലിസ്റ്റ് പുറത്തുവിട്ടു.
നമ്മൾ വിചാരിക്കുന്ന ആപ്പിളോ ഓറഞ്ചോ അല്ല, അതിലും എത്രയോ ഗുണമുള്ള പഴങ്ങളാണ് ഈ ലിസ്റ്റിൽ!ആ പത്ത് സൂപ്പർ പഴങ്ങൾ
1. കിവി:
വിറ്റാമിൻ Cയുടെ കലവറ! ഒരു കിവിയിൽ ഓറഞ്ചിനെക്കാൾ കൂടുതൽ വിറ്റാമിൻ C ഉണ്ട്. പ്രതിരോധശേഷി കൂട്ടാൻ ഇതിലും മികച്ചതില്ല.
2. ബ്ലൂബെറി:
ലോകം 'സൂപ്പർ ഫുഡ്' എന്ന് വിളിക്കുന്ന കുഞ്ഞൻ പഴം. ഓർമ്മശക്തി കൂട്ടാനും, തലച്ചോറിന് ഉന്മേഷം നൽകാനും ബ്ലൂബെറി കഴിക്കണം.
3. മാതളം (Pomegranate):
ഹൃദയത്തിന്റെ കാവൽക്കാരൻ. രക്തസമ്മർദ്ദം കുറയ്ക്കാനും രക്തം ശുദ്ധീകരിക്കാനും മാതളം പോലെ മറ്റൊന്നില്ല.
4. പേരയ്ക്ക:
നമ്മുടെ നാട്ടിലെ സൂപ്പർസ്റ്റാർ! വിറ്റാമിൻ C, നാരുകൾ... വില കുറവാണെങ്കിലും ഗുണത്തിൽ ആരെയും തോൽപ്പിക്കും. പ്രമേഹമുള്ളവർക്ക് ഏറ്റവും നല്ലത്.
5. അവക്കാഡോ:
നല്ല കൊഴുപ്പിന്റെ രാജാവ്. കൊളസ്ട്രോൾ കുറയ്ക്കാനും ചർമ്മം തിളങ്ങാനും അവക്കാഡോ കഴിക്കണം.
മറ്റുള്ളവ:
6. ബ്ലാക്ക്ബെറി,7. റാസ്പ്ബെറി ,8.സ്ട്രോബെറി: ഇവ മൂന്നും ബെറി കുടുംബം. ഷുഗർ കുറവ്, ആന്റിഓക്സിഡന്റ് കൂടുതൽ. തടി കുറയ്ക്കാൻ ആഗ്രഹിക്കുന്നവർക്ക് ഉത്തമം.
9. ടാർട്ട് ചെറി:
നല്ല ഉറക്കം കിട്ടാൻ ബുദ്ധിമുട്ടാണോ? ഈ ചെറി ജ്യൂസ് കുടിച്ചാൽ മതി. സന്ധിവേദനയ്ക്കും നല്ലതാണ്.
10. ഒലീവ്:
പഴമാണോ എന്ന് സംശയിക്കണ്ട! ലോകത്തിലെ ഏറ്റവും ആരോഗ്യകരമായ പഴങ്ങളിൽ ഒന്നാണ് ഒലീവ്. നല്ല കൊഴുപ്പും വീക്കം കുറയ്ക്കാനുള്ള കഴിവും ഇതിനുണ്ട്.വില കൂടിയ പഴങ്ങൾ മാത്രമല്ല, നമ്മുടെ പറമ്പിലെ പേരയ്ക്ക പോലും ഈ ലിസ്റ്റിൽ ഉണ്ട് എന്നതാണ് ഏറ്റവും സന്തോഷം!
Family Health
തേൻമിഠായി...
ഈ പേര് കേൾക്കുമ്പോൾ തന്നെ നമ്മുടെ മനസ് എത്ര വർഷം പിന്നിലേക്ക് പോകും, അല്ലേ?സ്കൂൾ വിട്ടു വരുമ്പോൾ ഗേറ്റിനു മുന്നിലെ പെട്ടികടയിലെ ചേട്ടന്റെ കയ്യിൽ നിന്ന്പത്രക്കടലാസ് പൊതിയിൽ വാങ്ങിയിരുന്ന ആ മധുരം.
ചുവപ്പ്, മഞ്ഞ, പച്ച, ഓറഞ്ച്... കുപ്പി ഭരണികളിൽ നിറയെ ഇരിക്കുന്ന ആ വർണ്ണ ലോകം. 25 പൈസയ്ക്ക്, പിന്നെ ഒരു രൂപയ്ക്ക്, പിന്നെ രണ്ട് രൂപയ്ക്ക്... പോക്കറ്റിൽ നാണയതുട്ടുകൾ എണ്ണി നോക്കി വാങ്ങിയിരുന്ന ആ സന്തോഷം.
നാവിൽ വെച്ചാൽ ആദ്യം പുളിപ്പ്, പിന്നെ മധുരം. പല്ലിൽ ഒട്ടിപ്പിടിക്കും, നാവ് മുഴുവൻ കളറാകും. അമ്മ കാണാതെ രഹസ്യമായി തിന്നുന്നതിന്റെ ഒരു സുഖം വേറെ തന്നെ ആയിരുന്നു.
പിന്നീട് നമ്മൾ വലുതായി.
പോക്കറ്റിൽ പൈസയായി, കയ്യിൽ വലിയ വലിയ ചോക്ലേറ്റുകളായി, പക്ഷെ ആ തേൻമിഠായിയുടെ രുചി... ആ രുചി ഇന്നും ആരും തന്നിട്ടില്ല.ഇന്നും കല്യാണ വീടുകളിലെ മിഠായി പാത്രത്തിലോ, ബേക്കറികളുടെ മൂലയിലോ ആ ചുവന്ന മിഠായി കണ്ടാൽ, ഒന്നെടുത്തു നോക്കാൻ തോന്നാറുണ്ടോ?തോന്നാറുണ്ടെങ്കിൽ...നിങ്ങൾ വലുതായിട്ടില്ല. നിങ്ങളിപ്പോഴും ആ പഴയ കുട്ടി തന്നെയാണ്. ഉള്ളിലെ കുട്ടി ഇപ്പോഴും മരിച്ചിട്ടില്ല.
ഇന്ന് ശിശുദിനം.നിങ്ങളിലെ ആ പഴയ കുട്ടിക്ക് വേണ്ടി, ഇന്ന് ഒരു തേൻമിഠായി വാങ്ങികൂടെ?
Family Health
പ്രമേഹബാധിതരുടെ എണ്ണം ഭീതിദമാംവിധം വർധിക്കുകയാണ്. നമ്മുടെ കൊച്ചുകേരളം ഇന്ത്യയുടെ പ്രമേഹ തലസ്ഥാനമാണെന്നു പറഞ്ഞാൽ ഞെട്ടരുത്. ഇവിടെയുള്ള 20 ശതമാനം പേർക്കും ഈ രോഗം സ്വന്തം. അതായത് ദേശീയ ശരാശരിയേക്കാൾ ഇരട്ടി. കേരളത്തിലെ ഗ്രാമീണരും പ്രമേഹബാധയിൽ നഗരവാസികളോടൊപ്പമെത്താൻ മത്സരിക്കുന്ന പ്രവണത നാം കാണുന്നു!
ഏറ്റവും ഭയാനകമായ പ്രശ്നം, പ്രമേഹബാധയുള്ള ഏതാണ്ട് 50 ശതമാനം ആൾക്കാർക്കും ഈ രോഗമുണ്ടെന്ന അവബോധമുണ്ടാകുന്നില്ല എന്നതാണ്. ഇന്റർനാഷണൽ ഡയബെറ്റിസ് ഫെഡറേഷന്റെ കണക്കുപ്രകാരം ലോകത്തുള്ള 193 ദശലക്ഷം ആൾക്കാരും തങ്ങൾ പ്രമേഹബാധക്ക് അടിമപ്പെട്ടിട്ടുണ്ടെന്ന യാഥാർഥ്യം മനസിലാക്കാതെയാണ് ജീവിതം മുന്നോട്ടു നയിക്കുന്നത്.
കൂടാതെ പ്രമേഹത്തിന് ചികിത്സയെടുക്കുന്നവരിൽ 40 ശതമാനംപേർ മാത്രമേ രക്തത്തിലെ പഞ്ചസാര പരിധിക്കുള്ളിൽ നിയന്ത്രിക്കുന്നുള്ളൂ. 17 ശതമാനംപേർ ഭക്ഷണം ക്രമീകരിച്ച് ചികിത്സിക്കുന്നു, 18 ശതമാനംപേർ മരുന്നുകളെടുക്കുന്നു.
അസാംക്രമികരോഗങ്ങളുടെ അനിയന്ത്രിതമായ വർധനയ്ക്കു കടിഞ്ഞാണിടാൻ ഐക്യരാഷ്ട്രസഭയും ലോകാരോഗ്യസംഘടനയും പലതവണ യോഗം ചേരുകയും അവയെ പിടിയിലൊതുക്കാനുള്ള ക്രിയാത്മക മാർഗങ്ങളാരായുകയും ചെയ്തു. ഹൃദ്രോഗവും പ്രമേഹവും അർബുദവും ചേർന്നു ലോകജനസംഖ്യയുടെ സിംഹഭാഗം പേരെയും കൊന്നൊടുക്കുന്ന സാഹചര്യത്തിൽ പുതിയ ബോധവത്കരണ ശൈലിയിലൂടെ ഇവയെ നേരിടാൻ പ്രതിരോധമാർഗങ്ങൾ സംവിധാനം ചെയ്യുകയുണ്ടായി.
പ്രമേഹചികിത്സ പരാജയമാകാതിരിക്കാൻ
പ്രമേഹ ചികിത്സയുടെ പരാജയത്തിനുള്ള പ്രധാനകാര്യം രോഗികൾക്കു കുടുംബത്തിൽനിന്നും സമൂഹത്തിൽനിന്നു പരിഗണനയും കരുതലും ലഭിക്കുന്നില്ലാത്തതുകൊണ്ടാണെന്നു പഠനങ്ങൾ തെളിയിച്ചു. പ്രമേഹരോഗി ഒറ്റയ്ക്കല്ല, കുടുംബാംഗങ്ങളെല്ലാം ഒറ്റക്കെട്ടായി രോഗിയോടൊപ്പം നിന്ന് പ്രമേഹ നിയന്ത്രണത്തിന് സാഹചര്യമൊരുക്കണമെന്ന് ആഹ്വാനമുണ്ടായി. പ്രമേഹ നിയന്ത്രണം രോഗിയുടെ മാത്രമല്ല, അയാൾ ഉൾക്കൊള്ളുന്ന കുടുംബാംഗങ്ങളുടെ മൊത്തമായ പരിശ്രമത്തിലൂടെയാണ് സമഗ്രമാക്കേണ്ടത്.
ആത്മാർഥമായ പിന്തുണയും കരുതലുമായി കുടുംബത്തിലെ എല്ലാ അംഗങ്ങളും എപ്പോഴും രോഗിയോടൊപ്പമുണ്ടാവണം. അതായത് രോഗിക്കു മാത്രമായി ഒരു ഭക്ഷണക്രമമില്ല. അത് രോഗിയെ ഒറ്റപ്പെടുത്തും. ശാസ്ത്രീയവും പഥ്യവുമായ ഭക്ഷണശൈലി പ്രമേഹരോഗിക്കു മാത്രമല്ല കുടുംബത്തിലെ മറ്റംഗങ്ങൾക്കും പ്രയോജനപ്പെടും. അവർക്ക് പ്രമേഹ സാധ്യതയുണ്ടെങ്കിൽ അത് കുറയ്ക്കുകയും ചെയ്യും. പഥ്യമായ ഭക്ഷണക്രമവും കൃത്യമായ വ്യായാമശീലവും മുടങ്ങാതെയുള്ള ഔഷധസേവയും സ്വായത്തമാകാൻ രോഗിക്ക് താങ്ങും തണലുമായി കുടുംബാംഗങ്ങൾ എപ്പോഴും വേണം.
പ്രമേഹരോഗികൾ മൃത്യുവിനിരയാകുന്ന പ്രധാന കാരണങ്ങൾ ഹൃദ്രോഗം, വൃക്കകളുടെ പരാജയം, അമിതരക്തസമ്മർദം തുടങ്ങിയവയാണ്. പ്രമേഹമില്ലാത്തവരുമായി താരതമ്യപ്പെടുത്തുന്പോൾ ഇൻസുലിൻ ആശ്രിത പ്രമേഹരോഗികളിലെ ഹൃദ്രോഗാനന്തര മരണം പത്തിരട്ടിയും ഇൻസുലിൻ അനാശ്രിത പ്രമേഹരോഗികളിലെ മരണസംഖ്യ നാലിരട്ടിയുമാണ്.
പ്രമേഹം വരുതിയിലായില്ലെങ്കിൽ...
നിയന്ത്രണവിധേയമാകാത്ത പ്രമേഹത്തിന്റെ അനന്തരഫലമായി രക്തത്തിൽ കുമിഞ്ഞുകൂടുന്ന കൊളസ്ട്രോളും മറ്റ് ഉപഘടകങ്ങളും ഹൃദയം, കണ്ണ്, വൃക്ക, നാഡീഞരന്പുകൾ, ധമനികൾ എന്നീ അവയവങ്ങളിൽ വൈവിധ്യമാർന്ന ജരിതാവസ്ഥയുണ്ടാകുന്നു. കോശങ്ങളുടെ ക്രമരഹിതമായ വളർച്ചയും കട്ടികൂടലും വലുതും ചെറുതുമായ എല്ലാ ധമനികളെയും വികലമാക്കുന്നു. രക്തക്കുഴലുകളുടെ ആന്തരപാളികളിൽ കൊഴുപ്പുകണികകൾ പറ്റിപ്പിടിച്ച് അവയുടെ ഉൾഭാഗം ചെറുതാകുന്നു. ഹൃദയധമനികളിലെ കൊഴുപ്പു നിക്ഷേപം വിണ്ടുകീറി അവിടെ രക്തക്കട്ട ഉണ്ടായി ധമനിയിലൂടെയുള്ള രക്തപര്യയനം ദുഷ്കരമായാൽ ഹാർട്ടറ്റാക്കാണ് അനന്തരഫലം.
ശ്വാസതടസം മുതൽ വയറുവേദന വരെ
പ്രമേഹരോഗികളിലെ ഹൃദയാഘാതം മൂർധന്യാവസ്ഥയിലെത്തിയാലും അതിന്റെ ലക്ഷണങ്ങൾ രോഗികൾ എപ്പോഴും തിരിച്ചറിയണമെന്നില്ല. നെഞ്ചുവേദന പലപ്പോഴും പൂർണമായി അനുഭവപ്പെടാത്ത ഹാർട്ടറ്റാക്കും (സയലന്റ് അറ്റാക്ക്) പ്രമേഹരോഗബാധിതർക്ക് സ്വന്തം. ഹൃദയത്തെ ആവരണം ചെയ്തിരിക്കുന്ന ഓട്ടോണമിക് നാഡീവ്യൂഹത്തിനു സംഭവിക്കുന്ന അപചയംതന്നെ ഇതിനു കാരണം. നാഡീവ്യൂഹത്തിന്റെ മാന്ദ്യം നിമിത്തം ഹാർട്ടറ്റാക്കുണ്ടാകുന്പോൾ നെഞ്ചുവേദനയുടെ തീവ്രത അനുഭവിച്ചറിയാൻ രോഗിക്ക് പറ്റാതെപോകുന്നു.
ഏതാണ്ട് 35 ശതമാനം രോഗികൾക്കും നെഞ്ചുവേദന കൃത്യമായി അനുഭവപ്പെടാറില്ല. അതിനു പകരം ശ്വാസതടസം, ഓക്കാനം, തളർച്ച, തലകറക്കം, വയറുവേദന തുടങ്ങിയ ലക്ഷണങ്ങളാണു കണ്ടുവരുന്നത്. അതുപോലെ ഹർട്ടറ്റാക്കിനോടനുബന്ധിച്ച മരണസാധ്യതയും പ്രമേഹരോഗികളിൽ അധികരിച്ചുകാണുന്നു.
മേൽപ്പറഞ്ഞ സങ്കീർണമായ പ്രത്യാഘാതങ്ങളുടെ വെളിച്ചത്തിൽ പ്രമേഹബാധിതരിലെ ഹൃദ്രോഗചികിത്സ അന്ത്യന്തം ദുഷ്കരമാണ്. ഒരു ഹൃദ്രോഗവിദഗ്ധന്റെ അടുത്തു വരുന്ന രോഗികളിൽ ഭൂരിഭാഗവും പ്രമേഹമുള്ളവരാണ്. 70 ശതമാനം പ്രമേഹരോഗികളും മരണപ്പെടുന്നതും ഹൃദ്രോഗാനന്തരമാണെന്നോർക്കണം. അതുകൊണ്ട് ഹൃദ്രോഗ വിദഗ്ധൻ ഒരു പ്രമേഹ ചികിത്സാവിദഗ്ധൻകൂടിയാകുന്നു.
പ്രമേഹരോഗിക്ക് ഹാർട്ടറ്റാക്കുണ്ടാകുമ്പോൾ
പ്രമേഹരോഗിക്ക് ഹാർട്ടറ്റാക്കുണ്ടാകുന്പോഴാണ് പ്രശ്നങ്ങൾ വഷളാകുന്നത്. നെഞ്ചുവേദന കാര്യമായി അനുഭവപ്പെടാത്തതുമൂലം പലരും വളരെ വൈകിയാണ് ആശുപത്രിയിലെത്തുന്നത്. അപ്പോഴേക്കും ഹൃദയാഘാതത്തിന്റെ സങ്കീർണതകൾ മൂർച്ഛിച്ചിരിക്കും. കലശമായ ശ്വാസതടസവും നെഞ്ചിലെ അസ്വാസ്ഥ്യവും തളർച്ചയും ക്രമരഹിതമായ നെഞ്ചിടിപ്പും തലകറക്കവും രോഗിയെ അത്യാസന്ന നിലയിലെത്തിക്കുന്നു. നിയന്ത്രണത്തിൽ അശ്രദ്ധ കാണിക്കുന്ന രോഗിയുടെ രക്തത്തിലെ പഞ്ചസാര എപ്പോഴും കൂടിയിരിക്കും, അതുപോലെ
കൊളസ്ട്രോളും.
പ്രൈമറി ആൻജിയോപ്ലാസ്റ്റി
പ്രമേഹരോഗികളിൽ ഹാർട്ടറ്റാക്കിനോടനുബന്ധിച്ച് ചെയ്യുന്ന പ്രൈമറി ആൻജിയോപ്ലാസ്റ്റി അത്ര എളുപ്പമുള്ള കാര്യമല്ല. തണുത്ത്, ചെറുതും വികലവുമായ ഹൃദയധമനികളിലെ ബ്ലോക്ക് വികസിപ്പിച്ചെടുക്കുക ഏറെ ദുഷ്കരമാണ്. പലപ്പോഴും എല്ലാ കൊറോണറി ധമനികളിലും തന്നെ ബ്ലോക്കുണ്ടാകും. കൂടാതെ വൈകി ആശുപത്രിയിലെത്തുന്നതിനാൽ ഹൃദയ പരാജയമുണ്ടാകാനുള്ള സാധ്യതയും ഏറും.
ബൈപാസ് സർജറി
അതുകൊണ്ടുതന്നെ സാധാരണഗതിയിൽ പ്രമേഹരോഗികളെ ബൈപാസ് ശസ്ത്രക്രിയയ്ക്ക് വിധേയമാക്കുകയാണു പതിവ്. കൂടുതൽ ഹൃദയധമനികളെ ബാധിച്ചിരിക്കുന്ന ബ്ലോക്ക്, സങ്കോചന ശേഷിയുടെ മാന്ദ്യം തുടങ്ങിയ കാരണങ്ങളാൽ പ്രമേഹരോഗിക്ക് ഏറ്റവും ഉചിതമായത് ബൈപാസ് സർജറിതന്നെ.
പഞ്ചസാര അധികമുള്ളതു ...
ആൻജിയോപ്ലാസ്റ്റിക്കോ ബൈപാസ് സർജറിക്കോ ശേഷം ഒരു പ്രമേഹരോഗിയുടെ ജീവിതക്രമത്തിൽ കർശനമായ പല പരിവർത്തനങ്ങളുമുണ്ടാകണം. ഈ ക്രിയാത്മകമായ കരുതൽതന്നെയാണ് രോഗിയെ അകാലമൃത്യുവിൽനിന്നു രക്ഷപ്പെടുത്തുന്നതും. പഞ്ചസാര അധികമുള്ളതെന്തും വർജിച്ചതുകൊണ്ടുള്ള പഥ്യമായ ആഹാരശൈലി ഏറ്റവും പ്രധാനം.
പട്ടിണി കിടക്കണമെന്നല്ല
പ്രമേഹരോഗി പട്ടിണി കിടക്കണമെന്നല്ല ഉദ്ദേശിക്കുന്നത്. യോജിച്ച ഭക്ഷണക്രമം തെരഞ്ഞെടുക്കാൻ പഠിക്കണം. കൃത്യവും ഊർജസ്വലവുമായ വ്യായാമ പദ്ധതി ആരംഭിക്കണം. കുറഞ്ഞത് 45 മിനിറ്റെങ്കിലും ദിവസേന വ്യായാമം ചെയ്യണം. രക്തത്തിലെ പഞ്ചസാര നിയന്ത്രിക്കാനും പൊതുവായ ശരീരാരോഗ്യം സന്തുലിതമാകാനും വ്യായാമം എന്ന ഔഷധം അനിവാര്യം. ഹൃദ്രോഗവിദഗ്ധൻ നിർദേശിക്കുന്ന ഔഷധങ്ങൾ പിഴവുകൂടാതെ സേവിക്കണം.
എച്ച്ബി എ വൺ സി
വൈദ്യനിർദേശമില്ലാതെ യാതൊരു കാരണവശാലും മരുന്നുകൾ നിർത്തരുത്. ബ്ലഡ് ഷുഗറും കൊളസ്ട്രോളും നിശ്ചിത കാലയളവിൽ പരിശോധിച്ച് തിട്ടപ്പെടുത്തണം.
ഹൃദ്രോഗ പരിശോധനകളായ എക്കോകാർഡിയോഗ്രാഫിയും ട്രെഡ്മിൽ ടെസ്റ്റും കൃത്യമായ കാലയളവിൽ ചെയ്യണം. പ്രമേഹ സൂചകമായ എച്ച്ബിഎ വൺ സി 6.5 ൽ താഴെയാവാൻ പരിശ്രമിക്കണം. രക്തസമ്മർദവും അമിതവണ്ണവും കർശനമായി നിയന്ത്രിക്കണം.
ഒറ്റമൂലികളില്ല
പ്രമേഹ നിയന്ത്രണത്തിന് കുറുക്കുവഴികളില്ലെന്നോർക്കണം. പരസ്യങ്ങൾക്കോ ഒറ്റമൂലികൾക്കോ പിറകേ പോയി വഞ്ചിതരാകരുത്. അല്പമൊന്നു മെനക്കെട്ടാൽ പ്രമേഹരോഗിയുടെ ജീവിതം തികച്ചും ആസ്വാദ്യജനകമാകും.
വിവരങ്ങൾ:
ഡോ. ജോർജ് തയ്യിൽ
MD, FACC, FRCP
സീനിയർ കൺസൾട്ടന്റ് കാർഡിയോളജിസ്റ്റ്,
ലൂർദ് ആശുപത്രി
എറണാകുളം
Family Health
ആരോഗ്യ വകുപ്പ് നിയമസഭയിൽ വെച്ച കണക്ക് ഞെട്ടിക്കുന്നതാണ്.2020 ൽ കേരളത്തിൽ ആകെ 43,740 ഡയാലിസിസ് രോഗികൾ ഉണ്ടായിരുന്നു. എന്നാൽ 2024 ൽ ഇത് 2,18,410 ആയി ഉയർന്നു! വെറുംനാല് വർഷം കൊണ്ട് അഞ്ചിരട്ടി വർദ്ധനവ്. പുതിയ കണക്കുകൾ ഇതുവരെ പുറത്തു വന്നിട്ടില്ല.
പ്രമേഹം - പ്രധാന വില്ലൻ:
ഇന്ത്യയിൽ പ്രമേഹം ഏറ്റവും കൂടുതലുള്ള സംസ്ഥാനമാണ് കേരളം. ദേശീയ ശരാശരി 11.4% ആണെങ്കിൽ കേരളത്തിൽ 23.6% പേർക്ക് പ്രമേഹം ഉണ്ട് ,അതായത് ഇരട്ടി! 60-70% കിഡ്നി തകരാറിനും കാരണം പ്രമേഹമാണ് എന്ന് ഡോക്ടർമാർ പറയുന്നു.
രക്തസമ്മർദ്ദം (BP):
19 വയസ്സിന് മുകളിലുള്ള മൂന്ന് പേരിൽ ഒരാൾക്ക് BP ഉണ്ട്. ഇത് നേരിട്ട് കിഡ്നിയെ ബാധിക്കും.
ജീവിതശൈലി:
അമിത ഉപ്പ്, പഞ്ചസാര, ഫാസ്റ്റ് ഫുഡ്, വേദന സംഹാരികൾ സ്ഥിരമായി കഴിക്കുന്നത്, മായം കലർന്ന പച്ചക്കറികൾ, വെള്ളം കുറച്ച് കുടിക്കുന്നത് , ഇതെല്ലാം കിഡ്നിയെ തകർക്കും.
ഏറ്റവും വലിയ അപകടം:
അടുത്തിടെ നടത്തിയ പഠനത്തിൽ 44% പേർക്ക് കിഡ്നി തകരാർ ഉണ്ടായിരുന്നിട്ടും, 98ശതമാനം പേർക്കും തങ്ങൾക്ക് രോഗമുണ്ടെന്ന് അറിയില്ലായിരുന്നു! തുടക്കത്തിൽ ലക്ഷണങ്ങൾ ഒന്നും കാണിക്കില്ല, അതാണ് പ്രശ്നം.
എങ്ങനെ തടയാം?
വർഷത്തിൽ ഒരിക്കൽ പ്രമേഹം, BP, കിഡ്നി ടെസ്റ്റ് നിർബന്ധമായും ചെയ്യുക.ദിവസം രണ്ട്,മൂന്ന് ലിറ്റർ വെള്ളം കുടിക്കുക.ഉപ്പ്, പഞ്ചസാര കുറയ്ക്കുക.വേദന സംഹാരി സ്വയം വാങ്ങി കഴിക്കരുത്.
ഒരു ഡയാലിസിസിന് 1000 ,2000 രൂപ വരെ സ്വകാര്യ ആശുപത്രികളിൽ ആകും. ഒരാൾക്ക് ആഴ്ചയിൽ മൂന്നു തവണ വേണം, മാസം 20,000 മുതൽ 30,000 വരെ ചെലവ് വരും.അതുകൊണ്ട് തന്നെ സർക്കാർ ആശുപത്രികളും ചാരിറ്റി സെന്ററുകളും ഇല്ലെങ്കിൽ പാവപ്പെട്ട രോഗികൾക്ക് ജീവിക്കാൻ പറ്റാത്ത അവസ്ഥയാണ്.
2026 നവംബറിൽ കേന്ദ്ര സർക്കാരിന്റെ DGHS ഒരു പുതിയ നിയമം കൊണ്ടുവന്നു - ഒറ്റത്തവണ മാത്രം ഉപയോഗിക്കേണ്ട മെഡിക്കൽ ഉപകരണങ്ങൾ വീണ്ടും ഉപയോഗിക്കാൻ പാടില്ല എന്ന്.
ഇതിനെതിരെ കേരളത്തിലെ ഡോക്ടർമാരും ആരോഗ്യ വിദഗ്ധരും ശക്തമായി രംഗത്ത് വന്നിട്ടുണ്ട്. കാരണം ഈ നിയമം കർശനമായി നടപ്പാക്കിയാൽ ഡയാലിസിസിന്റെയും ആൻജിയോപ്ലാസ്റ്റിയുടെയും ചെലവ് ഇരട്ടിയാകും എന്ന് അവർ പറയുന്നു.അങ്ങനെ വന്നാൽ സർക്കാരിന്റെ ഇൻഷുറൻസ് പദ്ധതികളായ MEDISEP, KASP എന്നിവയ്ക്ക് ഈ ചെലവ് താങ്ങാൻ പറ്റാതെ വരും, പല ഡയാലിസിസ് യൂണിറ്റുകളും പൂട്ടേണ്ടി വരും.
സർക്കാർ സഹായം:
കേരള സാമൂഹ്യനീതി വകുപ്പ് സമാശ്വാസം (Samaswasam) സ്കീം വഴി സഹായം കൊടുക്കുന്നുണ്ട്.BPL കാർഡുള്ള ഡയാലിസിസ് രോഗികൾക്ക് മാസം 1100 രൂപ,വൃക്ക മാറ്റിവെച്ചവർക്ക് മാസം 1000 രൂപ.കേരള സോഷ്യൽ സെക്യൂരിറ്റി മിഷൻ വഴി ഇതിന് അപേക്ഷിക്കാം.
നിങ്ങളുടെ വീട്ടിൽ പ്രമേഹം / BP ഉള്ളവർ ഉണ്ടോ? ഇന്ന് തന്നെ ഒരു കിഡ്നി ടെസ്റ്റ് എടുക്കൂ. ഈ വിവരം ഷെയർ ചെയ്ത് മറ്റുള്ളവരെയും അറിയിക്കൂ!
Family Health
ഉലുവ പ്രമേഹനിയന്ത്രണത്തിനു ഫലപ്രദമാണെന്ന് ശാസ്ത്രീയ പഠനങ്ങൾ. ഉലുവയിലുളള നാരുകൾ മിസലേജിയസ് ഫൈബറാണ്. അതിൽ ട്രിഗനോലിൻ എന്ന ആൽക്കലോയിഡുണ്ട്. പാവയ്ക്കയിൽ വെജിറ്റബിൾ ഇൻസുലിൻ ഉണ്ട്. ഇതെല്ലാം രക്തത്തിലെ പഞ്ചസാരയുടെ തോതു കുറയ്ക്കാൻ സഹായകം. ഇക്കാര്യങ്ങളിൽ കണ്സൾട്ടിംഗ് ഡോക്ടറുടെ നിർദേശമനുസരിച്ച് ആഹാരക്രമം സ്വീകരിക്കാവുന്നതാണ്. എന്നാൽ ഇൻസുലിൻ ചെടിക്ക് പ്രമേഹം നിയന്ത്രിക്കുന്നതിനുളള ശേഷിയെക്കുറിച്ച് ശാസ്ത്രീയ പഠനങ്ങൾ നിലവിലില്ല.
ഇൻസുലിനു ശേഷം ആഹാരം കഴിക്കണം
ചപ്പാത്തി 2- 3 എണ്ണം കഴിക്കാം. വണ്ണം കൂടുതലുളള പ്രമേഹബാധിതർക്ക് ഇഡ്ഡലി രണ്ടെണ്ണവും വണ്ണം കുറവുളള പ്രമേഹബാധിതർക്കു മൂന്നെണ്ണവും കഴിക്കാം. ഇൻസുലിൻ എടുക്കുന്ന രോഗിയാണെങ്കിൽ അതിന്റെ ഡോസേജ് അനുസരിച്ചു ഭക്ഷണം കഴിക്കണം. ഇൻസുലിൻ എടുത്തശേഷം ഭക്ഷണം കഴിച്ചില്ലെങ്കിൽ തലചുറ്റൽ അനുഭവപ്പെടാനിടയുണ്ട്. കണ്സൾട്ടിംഗ് ഡോക്ടറുടെ നിർദേശമനുസരിച്ച് ആഹാരക്രമം സ്വീകരിക്കാവുന്നതാണ്.
മധുരം കഴിച്ചാൽ..?
വല്ലപ്പോഴും ഒരാഗ്രഹത്തിന് പ്രമേഹബാധിതർ പായസം കഴിച്ചാൽ അന്നു രാത്രി കഴിക്കുന്ന അന്നജത്തിന്റെ അളവു കുറച്ച് ഒരു ദിവസം ശരീരത്തിൽ അധികമായി അന്നജം എത്തുന്നതു തടയാം. രാത്രിഭക്ഷണത്തിൽനിന്നു ലഭിക്കേണ്ട അന്നജം കൂടി പായസത്തിലൂടെ ഉച്ചയ്ക്കു തന്നെ കിട്ടുന്നുണ്ട്. അതിനാൽ രാത്രിഭക്ഷണം സൂപ്പിൽ ഒതുക്കണം. ഉളളി, ബീൻസ്, കാരറ്റ്, കാബേജ്, കുരുമുളകു പൊടി, ഉപ്പ് എന്നിവവ ചേർത്തു തയാറാക്കുന്ന സൂപ്പ് ആവാം. സൂപ്പു കുടിക്കുന്നതോടെ വയറു നിറയും. അല്ലെങ്കിൽ ഓട്സിൽ പച്ചക്കറികൾ ചേർത്തു തയാറാക്കുന്ന കുറുക്കും കഴിക്കാം.
വണ്ണം കൂടിയാലും കുറഞ്ഞാലും...
പ്രമേഹബാധിതരായ വണ്ണമുളളവർ വണ്ണം കുറയ്ക്കണം. വണ്ണം കുറയ്ക്കുമ്പോൾത്തന്നെ ഇൻസുലിന്റെ അളവും മരുന്നിന്റെ ഡോസേജും കുറയ്ക്കാനാകും. വണ്ണം കുറവുളളവർ അതു കൂട്ടേണ്ടതുണ്ട്. നോർമൽ വണ്ണം ഉളളവർ അതു നിലനിർത്തണം. ചിലതരം പ്രമേഹമുളളവർ തീരെ മെലിഞ്ഞുപോകും. അവർ വണ്ണംകൂട്ടി നോർമൽ ശരീരഭാരത്തിലേക്ക് എത്തേണ്ടതുണ്ട്.
വിവരങ്ങൾ: ഡോ. അനിതമോഹൻ
ക്ലിനിക്കൽ ന്യുട്രീഷനിസ്റ്റ് & ഡയറ്റ് കണ്സൾട്ടന്റ്
Family Health
വല്ലപ്പോഴും ഒരാഗ്രഹത്തിന് പ്രമേഹബാധിതർ പായസം കഴിച്ചാൽ അന്നു രാത്രി കഴിക്കുന്ന അന്നജത്തിന്റെ അളവു കുറച്ച് ഒരു ദിവസം ശരീരത്തിൽ അധികമായി അന്നജം എത്തുന്നതു തടയാം. രാത്രിഭക്ഷണത്തിൽനിന്നു ലഭിക്കേണ്ട അന്നജം കൂടി പായസത്തിലൂടെ ഉച്ചയ്ക്കു തന്നെ കിട്ടുന്നുണ്ട്. അതിനാൽ രാത്രിഭക്ഷണം സൂപ്പിൽ ഒതുക്കണം. ഉളളി, ബീൻസ്, കാരറ്റ്, കാബേജ്, കുരുമുളകു പൊടി, ഉപ്പ് എന്നിവവ ചേർത്തു തയാറാക്കുന്ന സൂപ്പ് ആവാം. സൂപ്പു കുടിക്കുന്നതോടെ വയറു നിറയും. അല്ലെങ്കിൽ ഓട്സിൽ പച്ചക്കറികൾ ചേർത്തു തയാറാക്കുന്ന കുറുക്കും കഴിക്കാം. ഇക്കാര്യങ്ങളിൽ കണ്സൾട്ടിംഗ് ഡോക്ടറുടെ നിർദേശമനുസരിച്ച് ആഹാരക്രമം സ്വീകരിക്കാവുന്നതാണ്.
വണ്ണം കൂടിയാലും കുറഞ്ഞാലും...
പ്രമേഹബാധിതരായ വണ്ണമുളളവർ വണ്ണം കുറയ്ക്കണം. വണ്ണം കുറയ്ക്കുന്പോൾത്തന്നെ ഇൻസുലിന്റെ അളവും മരുന്നിന്റെ ഡോസേജും കുറയ്ക്കാനാകും. വണ്ണം കുറവുളളവർ അതു കൂട്ടേണ്ടതുണ്ട്. നോർമൽ വണ്ണം ഉളളവർ അതു നിലനിർത്തണം. ചിലതരം പ്രമേഹമുളളവർ തീരെ മെലിഞ്ഞുപോകും. അവർ വണ്ണംകൂട്ടി നോർമൽ ശരീരഭാരത്തിലേക്ക് എത്തേണ്ടതുണ്ട്.
ഇൻസുലിനു ശേഷം ആഹാരം കഴിക്കണം
ചപ്പാത്തി 2- 3 എണ്ണം കഴിക്കാം. വണ്ണം കൂടുതലുളള പ്രമേഹബാധിതർക്ക് ഇഡ്ഡലി രണ്ടെണ്ണവും വണ്ണം കുറവുളള പ്രമേഹബാധിതർക്കു മൂന്നെണ്ണവും കഴിക്കാം. ഇൻസുലിൻ എടുക്കുന്ന രോഗിയാണെങ്കിൽ അതിന്റെ ഡോസേജ് അനുസരിച്ചു ഭക്ഷണം കഴിക്കണം. ഇൻസുലിൻ എടുത്തശേഷം ഭക്ഷണം കഴിച്ചില്ലെങ്കിൽ തലചുറ്റൽ അനുഭവപ്പെടാനിടയുണ്ട്. കണ്സൾട്ടിംഗ് ഡോക്ടറുടെ നിർദേശമനുസരിച്ച് ആഹാരക്രമം സ്വീകരിക്കാവുന്നതാണ്.
വിവരങ്ങൾ: ഡോ. അനിതമോഹൻ
ക്ലിനിക്കൽ ന്യുട്രീഷനിസ്റ്റ് & ഡയറ്റ് കണ്സൾട്ടന്റ്
Family Health
2026 ലോക പ്രമേഹ ദിന പ്രമേയം: "EARLY ACTION ON DIABETES'
പ്രമേഹത്തെ നേരത്തെ കണ്ടെത്തുക, രോഗസാധ്യത തിരിച്ചറിയുക, കൃത്യമായ ചികിത്സ ഉറപ്പാക്കുക. ഐഡിഎഫ് (ഇന്റർനാഷണൽ ഡയബറ്റീസ് ഫെഡറേഷൻ) & ഡബ്ല്യുഎച്ച്ഒ (ലോകാരോഗ്യ സംഘടന) യോജിച്ചാണ് ഈ ദിനം ആചരിക്കുന്നത്.
പ്രമേഹ രോഗത്തിന്റെ നിരക്ക്
ആഗോളതലത്തിൽ ഐഡിഎഫ് 2021-ൽ പ്രസിദ്ധീകരിച്ച പ്രമേഹ അറ്റ്ലസ് പ്രകാരം, പ്രമേഹ രോഗികൾ ആശങ്കാജനകമായ രീതിയിൽ ആഗോളതലത്തിൽ പെരുകിവരികയാണ്. 537 ദശലക്ഷത്തോളം പ്രമേഹ രോഗികൾ ഉള്ളത് 2045 ആകുമ്പോൾ 783 ദശലക്ഷമായി വർദ്ധിക്കാനാണ് സാധ്യത.
ഐസിഎംആർ - ഇന്ത്യ ദേശീയ പഠനം രാജ്യത്തെ എല്ലാ സംസ്ഥാനങ്ങളിലും നടത്തിയപ്പോൾ 101 ദശലക്ഷം ആളുകൾക്ക് പ്രമേഹമുണ്ടെന്ന് കണ്ടെത്തി. ഇന്ത്യയിലെ മൊത്തം പ്രമേഹ വ്യാപനം 11.41 ശതമാനവും പ്രീഡയബറ്റിസ് 15.3 ശതമാനവും എന്നും റിപ്പോർട്ട് ചെയ്യുന്നു.
കേരളത്തിലെ പ്രമേഹ വ്യാപനം 23.6 ശതമാനമാണ്; അതായത്, നാലു പേരിൽ ഒരാൾക്ക് പ്രമേഹം ഉണ്ടാവാൻ സാധ്യതയുണ്ട്. പ്രീഡയബറ്റിസ് വ്യാപനം 18.1 ശതമാനമാണ്.
പ്രമേഹ രോഗികളിൽ 20 വയസിനും അതിനുമുകളിലും പ്രായമുള്ളവരിൽ വയറിന് ചുറ്റുമുള്ള അമിത കൊഴുപ്പിന്റെ വ്യാപനം ഉയർന്നതായി ഐസിഎംആർ റിപ്പോർട്ട് ചെയ്തു.
പ്രമേഹ രോഗ രക്തപരിശോധന
പ്രമേഹമുള്ളവരിലും പ്രീഡയബറ്റിസ് ഉള്ളവരിലും എഫ്ബിഎസ്, പിപിബിഎസ്, എച്ച്ബിഎ1സി പരിശോധനകൾ വഴി രോഗം നേരത്തെ മനസിലാക്കി ചികിത്സ ഉറപ്പാക്കുക.
പ്രമേഹ രോഗികൾക്കുള്ള സ്ക്രീനിംഗ് പരിശോധനയും നിർദേശങ്ങളും (എബിസിഡി)
വിവരങ്ങൾ: ഡോ. ജി. ഹരീഷ് കുമാർ, എംബിബിഎസ്, എംഡി, എഫ്ഐഎഎംഎസ്
(സീനിയർ ഫിസിഷ്യൻ, ഐഎച്ച്എം ഹോസ്പിറ്റൽ, ഭരണങ്ങാനം, എസ്എൻ ഹോസ്പിറ്റൽ, കടപ്ര, നിരണം).
Family Health
രക്തത്തിൽ ഗ്ലൂക്കോസിന്റെ അളവ് കൂടിയ അവസ്ഥയാണ് പ്രമേഹം. ശരീര പ്രവർത്തനത്തിന് ആവശ്യമായ ഊർജം ലഭിക്കുന്നത് നാം നിത്യേന കഴിക്കുന്ന ഭക്ഷണത്തിലെ അന്നജത്തിൽ നിന്നാണ്. ഭക്ഷണം ദഹിക്കുന്നതോടെ അന്നജം ഗ്ലൂക്കോസായി മാറി രക്തത്തിൽ കലരുന്നു. ഈ ഗ്ലൂക്കോസിനെ ശരീരകലകളുടെ പ്രവർത്തനത്തിനുപയുക്തമായ വിധത്തിൽ കലകളിലേക്ക് എത്തിക്കണമെങ്കിൽ ഇൻസുലിൻ എന്ന ഹോർമോണിന്റെ സഹായം ആവശ്യമാണ്.
ഇൻസുലിൻ അളവിലോ ഗുണത്തിലോ കുറവായാൽ ശരീരകലകളിലേക്കുള്ള ഗ്ലൂക്കോസിന്റെ ആഗിരണം കുറയുന്നു. ഇത് രക്തത്തിൽ ഗ്ലൂക്കോസിന്റെ അളവുകൂടാൻ കാരണമാകുന്നു. രക്തത്തിൽ ഗ്ലൂക്കോസിന്റെ അളവ് ഒരു പരിധിയിൽ കൂടിയാൽ മൂത്രത്തിൽ ഗ്ലൂക്കോസ് കണ്ടുതുടങ്ങും. ഈ രോഗാവസ്ഥയാണ് പ്രമേഹം.
പാരമ്പര്യ ഘടകങ്ങൾ, പൊണ്ണത്തടി, രക്തക്കുഴലുകളിലെ പ്രശ്നങ്ങൾ, മാനസിക പിരിമുറുക്കം, വൈറസ് മൂലമുള്ള അണുബാധ, ആരോഗ്യകരമല്ലത്ത ഭക്ഷണശീലം എന്നിവ പ്രമേഹത്തിനു കാരണമാകാം.
ലക്ഷണങ്ങൾ
അമിത വിശപ്പ്, അമിത ദാഹം, ഇടയ്ക്കിടെയുള്ള മൂത്രപ്പോക്ക്, വിളർച്ച, ക്ഷീണം, ശരീരഭാരം കുറയൽ, കാഴ്ച മങ്ങൽ, മുറിവുണങ്ങാൻ സമയമെടുക്കൽ എന്നിവ പ്രമേഹത്തിന്റെ ലക്ഷണങ്ങളാണ്.
ആഹാരക്രമത്തിൽ ശ്രദ്ധിക്കേണ്ടത്...
പ്രമേഹം ചികിത്സിച്ച് ഭേദമാക്കാൻ കഴിയില്ല. രോഗം നിയന്ത്രിച്ചു നിർത്താനേ കഴിയൂ. രോഗലക്ഷണങ്ങൾ കണ്ടാൽ കൃത്യസമയത്ത് ശരിയായ ചികിത്സ തേടുക. മരുന്നിനോടോപ്പം ആഹാരത്തിനും ഏറെ പ്രാധാന്യമുണ്ട്.
രക്തത്തിൽ പഞ്ചസാരയുടെ അളവ് പെട്ടെന്ന് കൂടാത്ത രീതിയിലുള്ള ഭക്ഷണരീതിയാണ് പ്രമേഹരോഗി പിന്തുടരേണ്ടത്.
തേങ്ങ, ഉപ്പ്, എണ്ണ - കുറയ്ക്കണം
* ഇലക്കറികൾ, സാലഡുകൾ, കൊഴുപ്പു നീക്കിയതും വെള്ളം ചേർത്തതുമായ പാൽ, മോര്, സുഗന്ധവ്യഞ്ജനങ്ങൾ, മുളപ്പിച്ച പയർ എന്നിവ ഭക്ഷണത്തിൽ ഉൾപ്പെടുത്തുക.
* മധുരപലഹാരങ്ങൾ, എണ്ണയിൽ വറുത്തതും പൊരിച്ചതുമായ വിഭവങ്ങൾ, ധാരാളം കൊഴുപ്പും അന്നജവും അടങ്ങിയ ഭക്ഷണം, മധുരമടങ്ങിയ പഴച്ചാറുകൾ, അച്ചാറുകൾ എന്നിവ ഒഴിവാക്കണം.
* ഭക്ഷണം പാകം ചെയ്യുമ്പോൾ ഒന്നിൽ കൂടുതൽ ധാന്യങ്ങൾ ഉൾപ്പെടുത്തുന്നത് പോഷകഗുണം
വർധിപ്പിക്കുന്നു.
* തവിട് അടങ്ങിയതും നാരടങ്ങിയതുമായ ഭക്ഷണം ശീലമാക്കുക. തേങ്ങയുടേയും ഉപ്പിന്റെയും എണ്ണയുടേയും ഉപയോഗം കുറയ്ക്കുക.
* കൃത്യമായ സമയത്ത് കൃത്യമായ ഇടവേളകളിൽ ഭക്ഷണം കഴിക്കുക.
* ദിവസവും മൂന്നു നേരം വലിയ അളവിൽ കഴിക്കാതെ 5-6 നേരം കുറച്ചു കുറച്ചായി കഴിക്കുക.
* ജങ്ക് ഫുഡ്,ഫാസ്റ്റ് ഫുഡ് എന്നിവ ഉപേക്ഷിക്കുക.
* പ്രമേഹ രോഗികൾ ദിവസവും 30 മിനിറ്റ് എന്ന തോതിൽ ആഴ്ചയിൽ അഞ്ചു ദിവസം വ്യായാമം ചെയ്യണം. സൈക്കിൾ സവാരി, നൃത്തം, നീന്തൽ, ടെന്നീസ് കളി മുതലായവ ചെയ്യാവുന്നതാണ്.
വിവരങ്ങൾക്കു കടപ്പാട്: സംസ്ഥാന ആരോഗ്യ കുടുംബക്ഷേമ വകുപ്പ്, ആരോഗ്യ കേരളം & നാഷണൽ ഹെൽത്ത് മിഷൻ
Family Health
കാലുകളുടെ ധമനികളില് കൊളസ്ട്രോള്/കൊഴുപ്പ് അടിഞ്ഞു കൂടുമ്പോള് കാലുകളിലേക്കുള്ള രക്തപ്രവാഹം ക്രമേണ കുറയുന്നു. ഇതുമൂലം നടക്കുമ്പോള് രോഗിയുടെ തുടയുടെ പേശികളില് വേദന അനുഭവപ്പെടാം. കാലക്രമേണ ധമനികളിലെ തടസം കൂടുന്നതനുസരിച്ച്, കുറച്ചുദൂരം നടക്കുമ്പോള് തന്നെ കാലുകള്ക്ക് അസഹ്യമായ വേദന അനുഭവപ്പെടുകയും ചെയ്യും. ഈ ഘട്ടത്തില് വേണ്ടവിധം ശ്രദ്ധ ചെലുത്തിയില്ലെങ്കില്, വിശ്രമവേളയില് പോലും രോഗിക്ക് കാലുകളില് വേദന അനുഭവപ്പെടാം. ഈ ഘട്ടത്തില് അടിയന്തര വൈദ്യസഹായം നല്കിയില്ലെങ്കില് ഇതു ബാധിച്ച അവയവം നഷ്ടപ്പെടാനുള്ള സാധ്യത വളരെ കൂടുതലാണ്.
സിടി ആന്ജിയോഗ്രാം
രോഗത്തിന്റെ മുന്കാല വിശദാംശം, ശാരീരിക പരിശോധന, ഡ്യൂപ്ലെക്സ് വിലയിരുത്തല് (Duplex Evaluation) എന്നിവ കൈകാലുകളുടെ രക്തചംക്രമണത്തിന്റെ അവസ്ഥ അറിയാന് സഹായിക്കുന്നു. രോഗം ഗുരുതരാവസ്ഥയിലാണെങ്കില്, ധമനികളിലെ തടസം മനസിലാക്കുന്നതിനായി സിടി ആന്ജിയോഗ്രാം ചെയ്യേണ്ടതുണ്ട്.
ബലൂണ് ആന്ജിയോപ്ലാസ്റ്റി
കൂടുതല് ഗുരുതരമായ സാഹചര്യങ്ങളില് കീ-ഹോള് സര്ജറി (ബലൂണ് ആന്ജിയോപ്ലാസ്റ്റി / സ്റ്റെന്റിംഗ്) അനിവാര്യമാണ്. അത് സാധ്യമല്ലെങ്കിലോ പരാജയപ്പെടുകയോ ചെയ്താല് കൃത്രിമ ഗ്രാഫ്റ്റ് ഉപയോഗിച്ച് ബൈപാസ് സര്ജറി ആവശ്യമായി വരും.
കീ-ഹോള് ശസ്ത്രക്രിയ
രോഗത്തിന്റെ ആദ്യഘട്ടങ്ങളില്, നടക്കുമ്പോള് രോഗിയുടെ തുടയുടെ പേശികളില് വേദന അനുഭവപ്പെടാം. ജീവിതനിലവാരം മെച്ചപ്പെടുത്തുന്നതിനും നടക്കാനുള്ള ബുദ്ധിമുട്ടുകള് കുറയ്ക്കുന്നതിനും കീ-ഹോള് ശസ്ത്രക്രിയ അനുയോജ്യമാണ്. അതീവ ഗുരുതരാവസ്ഥയിലുള്ള രോഗിയാണെങ്കില് ഓപ്പണ് സര്ജറി ചെയ്യേണ്ടതായി വരും. ‘കാലുകളുടെ ആരോഗ്യം ജീവിത നിലവാരത്തെ തീരുമാനിച്ചേക്കാം' എന്ന് പറയുന്നത് തീര്ത്തും ശരിയാണ്.
വിവരങ്ങൾ: ഡോ. ഉണ്ണികൃഷ്ണൻ
സീനിയർ വാസ്കുലർ സർജൻ,
എസ്യുറ്റി ഹോസ്പിറ്റൽ, പട്ടം
തിരുവനന്തപുരം.
Family Health
നമ്മുടെ വീടുകളിലെ പ്രായമായ അച്ഛനമ്മമാരുടെ ഷുഗർ നില അല്പമൊന്ന് ഉയർന്നാൽ കുടുംബാംഗങ്ങൾക്ക് വലിയ ആശങ്കയാണ്. പ്രമേഹം കർശനമായി നിയന്ത്രിക്കണമെന്ന ഉദ്ദേശ്യത്തോടെ അവരുടെ ഇഷ്ടഭക്ഷണങ്ങൾ പൂർണമായി ഒഴിവാക്കുകയും മരുന്നുകളും ഇൻസുലിനും കൃത്യമായി നൽകി ഷുഗർ നില എപ്പോഴും നിശ്ചിത പരിധിയിൽ തന്നെ നിയന്ത്രിക്കാനും നമ്മൾ പരിശ്രമിക്കാറുണ്ട്.
എന്നാൽ അറുപതും എഴുപതും വയസ് പിന്നിട്ടവരിൽ അമിതമായ നിർബന്ധം ചില സാഹചര്യങ്ങളിൽ ഗുണത്തേക്കാളേറെ ദോഷം ചെയ്യും. ചെറുപ്പക്കാരിലും മധ്യവയസ്കരിലും രക്തത്തിലെ പഞ്ചസാരയുടെ അളവ് നിയന്ത്രിക്കാൻ വിദഗ്ധർ നിർദേശിക്കുന്നത് ഭാവിയിൽ വൃക്കകളെയും കണ്ണിനെയും ഹൃദയത്തെയും ബാധിച്ചേക്കാവുന്ന സങ്കീർണതകൾ തടയുന്നതിനാണ്.
എന്നാൽ വാർധക്യത്തിലേക്ക് കടക്കുമ്പോൾ ശരീരത്തിന്റെ പ്രവർത്തനക്ഷമതയിലും മരുന്നുകളോടുള്ള പ്രതികരണത്തിലും വലിയ മാറ്റങ്ങൾ സംഭവിക്കുന്നതോടൊപ്പം ഷുഗർ അല്പം കൂടുന്നതിനേക്കാൾ എത്രയോ വേഗത്തിൽ ജീവന് ഭീഷണിയാകുന്നത് അത് പെട്ടെന്ന് താഴ്ന്നുപോകുന്ന അവസ്ഥയാണ് (ഹൈപ്പോഗ്ലൈസീമിയ).
അമിതമായ ഭക്ഷണനിയന്ത്രണവും മരുന്നുകളും വഴി ഷുഗർ നില ക്രമാതീതമായി കുറയുന്നത് മുതിർന്നവരിൽ പെട്ടെന്നുള്ള തലകറക്കം, കുളിമുറിയിലോ മറ്റോ വീണ് ഇടുപ്പെല്ലിന് ഒടിവുണ്ടാകൽ, ഹൃദയാഘാതം, ഓർമക്കുറവ് തുടങ്ങിയ ഗുരുതര പ്രത്യാഘാതങ്ങൾക്ക് വഴിവയ്ക്കും.
അതുകൊണ്ടുതന്നെ വാർധക്യത്തിലെ പ്രമേഹപരിചരണത്തിൽ കർശനമായ നിയന്ത്രണങ്ങൾക്ക് പിന്നാലെ പോകുന്നതിനേക്കാൾ പ്രധാനം മുതിർന്നവരുടെ സുരക്ഷിതത്വവും ജീവിതനിലവാരവും ഉറപ്പാക്കുക എന്നതാണ്.
എന്തുകൊണ്ടാണ് മുതിർന്നവരിൽ ഷുഗർ തീരെ കുറയുന്നത് അപകടകരമാകുന്നത്?
രക്തത്തിലെ പഞ്ചസാരയുടെ അളവ് 70 mg/dL-ൽ താഴെയാകുന്ന അവസ്ഥയെയാണ് ഹൈപ്പോഗ്ലൈസീമിയ എന്ന് വിളിക്കുന്നത്. ചെറുപ്പക്കാരിൽ ഷുഗർ കുറയുമ്പോൾ അമിതമായ വിയർപ്പ്, നെഞ്ചിടിപ്പ്, കൈകാൽ വിറയൽ, വിശപ്പ് തുടങ്ങിയ മുന്നറിയിപ്പ് ലക്ഷണങ്ങൾ ശരീരം നൽകാറുണ്ട്.
എന്നാൽ പ്രായമായവരിൽ നാഡീവ്യൂഹത്തിന്റെ പ്രവർത്തനക്ഷമത കുറയുന്നതിനാൽ ഇത്തരം പ്രാരംഭ ലക്ഷണങ്ങൾ പ്രകടമാകണമെന്നില്ല. മുന്നറിയിപ്പില്ലാതെ ഷുഗർ താഴുന്നത് താഴെ പറയുന്ന ഗുരുതര പ്രശ്നങ്ങൾക്ക് കാരണമാകും:
വീഴ്ചകളും അസ്ഥിഭംഗവും: ഷുഗർ കുറയുമ്പോൾ പെട്ടെന്നുണ്ടാകുന്ന തലകറക്കവും ബാലൻസ് നഷ്ടപ്പെടലും മൂലം പ്രായമായവർ വീഴാൻ സാധ്യത കൂടുതലാണ്. ഇത് ഇടുപ്പെല്ലിന് ഒടിവുണ്ടാകാനും തലയ്ക്ക് ക്ഷതമേൽക്കാനും ഇടയാക്കും.
ഹൃദയാഘാതവും പക്ഷാഘാതവും: രക്തത്തിൽ ഗ്ലൂക്കോസ് കുറയുമ്പോൾ ശരീരം അഡ്രിനാലിൻ പോലുള്ള സ്ട്രെസ് ഹോർമോണുകളെ അമിതമായി ഉത്പാദിപ്പിക്കുന്നു.
ഇത് രക്തസമ്മർദ്ദം പെട്ടെന്ന് ഉയരാനും ഹൃദയമിടിപ്പ് താളം തെറ്റാനും കാരണമാകും. കൂടാതെ ഹൃദ്രോഗസാധ്യതയുള്ള മുതിർന്നവരിൽ ഇത് ഹൃദയാഘാതത്തിനോ പക്ഷാഘാതത്തിനോ വഴിവെക്കാം.
ഓർമക്കുറവും മറവിരോഗവും: തലച്ചോറിന്റെ പ്രവർത്തനത്തിന് ഗ്ലൂക്കോസ് അത്യന്താപേക്ഷിതമാണ്. അതിനാൽ അടിക്കടി ഷുഗർ കുറയുന്നത് തലച്ചോറിലെ കോശങ്ങൾ നശിക്കുകയും ഡിമെൻഷ്യ അഥവാ മറവിരോഗ സാധ്യത വേഗത്തിലാക്കുകയും ചെയ്യുന്നു.
വാർധക്യത്തിലെ ശാരീരിക മാറ്റങ്ങളും മരുന്നുകളുടെ പ്രവർത്തനവും
പ്രായമാകുമ്പോൾ ശരീരത്തിന്റെ ഉപാപചയ പ്രവർത്തനങ്ങളിലും അവയവങ്ങളുടെ ശേഷിയിലും സ്വാഭാവികമായ മാറ്റങ്ങൾ സംഭവിക്കുന്നു. വൃക്കകളുടെയും കരളിന്റെയും പ്രവർത്തനവേഗത കുറയുന്നതിനാൽ പ്രമേഹത്തിനായി കഴിക്കുന്ന മരുന്നുകളും ഇൻസുലിനും ശരീരത്തിൽ നിന്ന് പുറന്തള്ളപ്പെടാൻ കൂടുതൽ സമയമെടുക്കും.
ഇത് മരുന്നുകളുടെ വീര്യം ശരീരത്തിൽ തങ്ങിനിൽക്കാനും അപ്രതീക്ഷിതമായി ഷുഗർ താഴാനും കാരണമാകുന്നു. കൂടാതെ പല്ലുകളുടെ പ്രശ്നങ്ങൾ, വിശപ്പില്ലായ്മ, ദഹനക്കുറവ് എന്നിവ കാരണം പ്രായമായവർ ചിലപ്പോൾ ഭക്ഷണം കഴിക്കുന്നത് കുറയ്ക്കുകയോ ഒഴിവാക്കുകയോ ചെയ്തേക്കാം.
കൃത്യമായി ഭക്ഷണം കഴിക്കാതെ പഴയ അളവിൽ തന്നെ മരുന്നുകളോ ഇൻസുലിനോ തുടരുന്നത് അപകടകരമാണ്. രക്തസമ്മർദ്ദം, കൊളസ്ട്രോൾ, ഹൃദ്രോഗം, സന്ധിവേദന എന്നിവയ്ക്കായി ഒന്നിലധികം മരുന്നുകൾ ഒരുമിച്ച് കഴിക്കുന്നതും പ്രമേഹമരുന്നുകളുടെ പ്രവർത്തനത്തെ സ്വാധീനിക്കാം.
പ്രായമായവരിലെ സുരക്ഷിതമായ ഷുഗറിന്റെ അളവ് എത്രയായിരിക്കണം?
എല്ലാ പ്രായക്കാർക്കും ഒരേ ഷുഗർ അളവ് തന്നെ ആയിരിക്കണമെന്ന് എന്നത് ആധുനിക വൈദ്യശാസ്ത്രം അംഗീകരിക്കുന്നില്ല. അമേരിക്കൻ ഡയബറ്റിസ് അസോസിയേഷൻ (എഡിഎ) ഉൾപ്പെടെയുള്ള അന്താരാഷ്ട്ര ആരോഗ്യസംഘടനകൾ മുതിർന്ന പൗരന്മാരുടെ പൊതുവായ ആരോഗ്യസ്ഥിതി കണക്കിലെടുത്ത് മൂന്ന് വിഭാഗങ്ങളായി തിരിച്ചാണ് ചികിത്സാ മാർഗങ്ങൾ നിശ്ചയിക്കുന്നത്.
പൂർണ ആരോഗ്യമുള്ളവർ: മറ്റ് ഗുരുതര രോഗങ്ങളില്ലാത്തവരും ദൈനംദിന കാര്യങ്ങൾ സ്വന്തമായി ചെയ്യാൻ സാധിക്കുന്നവരുമായ മുതിർന്നവരിൽ മൂന്ന് മാസത്തെ ശരാശരി ഷുഗർ നിരക്കായ HbA1c 7.0% മുതൽ 7.5% വരെ നിലനിർത്തുന്നതാണ് ഉചിതം.
മറ്റ് രോഗങ്ങളുള്ളവർ: ഹൃദ്രോഗം, വൃക്കരോഗം തുടങ്ങി ഒന്നിലധികം ആരോഗ്യപ്രശ്നങ്ങളുള്ളവരിലും ചെറിയ രീതിയിൽ ഓർമ്മക്കുറവ് അനുഭവപ്പെടുന്നവരിലും HbA1c 7.5% മുതൽ 8.0% വരെ ആകുന്നത് സുരക്ഷിതമാണ്.
അതീവ ക്ഷീണിതരും കിടപ്പിലായവരും: ഗുരുതരമായ മറവിരോഗമുള്ളവരിലും മറ്റുള്ളവരുടെ സഹായത്തോടെ മാത്രം ജീവിക്കാൻ കഴിയുന്നവരിലും കർശനമായ അക്കങ്ങൾക്ക് പിന്നാലെ പോകേണ്ടതില്ല.
ഇവരിൽ ഷുഗർ തീരെ കുറഞ്ഞുപോകാതെയും അമിതമായി നിർജ്ജലീകരണം ഉണ്ടാകാതെയും നോക്കുക എന്നതാണ് പ്രധാനം. ഇവർക്ക് HbA1c 8.0% മുതൽ 8.5% വരെ ആയാലും ഭയപ്പെടേണ്ടതില്ല.
ഭക്ഷണക്രമവും വ്യായാമവും: കർശന ഡയറ്റുകൾ വേണ്ട
പ്രമേഹം കുറയ്ക്കാനായി പ്രായമായവരെ കർശനമായ ഭക്ഷണനിയന്ത്രണത്തിന് വിധേയരാക്കുന്നത് പോഷകാഹാരക്കുറവിന് കാരണമാകും. വാർദ്ധക്യത്തിൽ പേശികളുടെ ബലം കുറയുന്ന സാർക്കോപീനിയ എന്ന അവസ്ഥ തടയാൻ സമീകൃതാഹാരം നിർബന്ധമാണ്.
ഇടവിട്ടുള്ള ലഘുഭക്ഷണം: ഒറ്റയടിക്ക് വയറുനിറയെ കഴിക്കുന്നതിന് പകരം, ചെറിയ അളവിൽ ഇടവിട്ട് ഭക്ഷണം കഴിക്കുന്ന രീതിയാണ് മുതിർന്നവർക്ക് നല്ലത്. ഇത് രക്തത്തിലെ പഞ്ചസാര പെട്ടെന്ന് കൂടുന്നതും കുറയുന്നതും തടയും.
പ്രോട്ടീൻ ഉൾപ്പെടുത്തുക: പയർവർഗ്ഗങ്ങൾ, മുട്ട, മത്സ്യം, തൈര്, പാൽ, നട്സ് എന്നിവ ഭക്ഷണത്തിൽ ഉൾപ്പെടുത്തുന്നത് പേശികളുടെ ആരോഗ്യം നിലനിർത്താൻ സഹായിക്കും.
ധാരാളം വെള്ളം കുടിക്കുക: പ്രായമാകുമ്പോൾ ദാഹം അറിയാനുള്ള ശേഷി കുറയാറുണ്ട്. അതിനാൽ ദാഹം തോന്നിയില്ലെങ്കിലും ഇടയ്ക്കിടെ ശുദ്ധജലം കുടിക്കാൻ ശ്രദ്ധിക്കണം.
ലഘുവായ വ്യായാമം: ശരീരത്തിന് ആയാസമുണ്ടാക്കുന്ന വ്യായാമങ്ങൾക്ക് പകരം ദിവസവും 20-30 മിനിറ്റ് സാവധാനം നടക്കുക, കസേരയിലിരുന്ന് ചെയ്യാവുന്ന ലഘുവ്യായാമങ്ങൾ, ശ്വസനവ്യായാമങ്ങൾ എന്നിവ ശീലമാക്കാം.
കുടുംബാംഗങ്ങളും പരിചരിക്കുന്നവരും ശ്രദ്ധിക്കേണ്ട കാര്യങ്ങൾ
മുതിർന്നവരുടെ പ്രമേഹപരിചരണത്തിൽ കുടുംബാംഗങ്ങളുടെ പങ്ക് വളരെ വലുതാണ്. പ്രായമായവരിൽ ഷുഗർ കുറയുമ്പോൾ ഉണ്ടാകുന്ന ലക്ഷണങ്ങൾ പലപ്പോഴും വാർധക്യസഹജമായ ക്ഷീണമോ ഉറക്കച്ചടവോ ആയി തെറ്റിധരിക്കപ്പെടാറുണ്ട്.
ശ്രദ്ധിക്കേണ്ട സൂചനകൾ: പെട്ടെന്നുള്ള ദേഷ്യം, പരസ്പരബന്ധമില്ലാതെ സംസാരിക്കുക, നാവ് കുഴയുക, അമിതമായ ഉറക്കം, നടക്കുമ്പോൾ വേച്ചുപോകുക എന്നിവ ഷുഗർ കുറയുന്നതിന്റെ ലക്ഷണങ്ങളാകാം.
ഇത്തരം സാഹചര്യങ്ങളിൽ ഉടൻ തന്നെ ഗ്ലൂക്കോമീറ്റർ ഉപയോഗിച്ച് ഷുഗർ പരിശോധിക്കണം. ഷുഗർ 70 mg/dL-ൽ താഴെയാണെങ്കിൽ '15-15 നിയമം' പ്രയോഗിക്കുക.
അതായത് 3-4 ടീസ്പൂൺ പഞ്ചസാരയോ ഗ്ലൂക്കോസോ വെള്ളത്തിൽ കലക്കി നൽകുക, 15 മിനിറ്റിന് ശേഷം വീണ്ടും ഷുഗർ പരിശോധിച്ച് സാധാരണ നിലയിലായെന്ന് ഉറപ്പുവരുത്തുക. അബോധാവസ്ഥയിലുള്ളവർക്ക് വായിലൂടെ ഒന്നും നൽകാതെ ഉടൻ ആശുപത്രിയിൽ എത്തിക്കണം.
കൂടാതെ മരുന്നുകൾ കൃത്യസമയത്ത് കഴിക്കുന്നുണ്ടെന്ന് ഉറപ്പുവരുത്തുക കൃത്യമായ ഇടവേളകളിൽ കണ്ണിന്റെ പരിശോധന, വൃക്കകളുടെ പ്രവർത്തനക്ഷമത, കാൽപാദങ്ങളുടെ ആരോഗ്യം എന്നിവ ഡോക്ടറെ കണ്ട് വിലയിരുത്തേണ്ടതും അത്യാവശ്യമാണ്.
വാർദ്ധക്യത്തിലെ പ്രമേഹചികിത്സ എന്നത് രോഗിയെയും കുടുംബത്തെയും ഭയപ്പെടുത്തുന്ന ഒന്നാകരുത്. ഡോക്ടറുടെ നിർദ്ദേശപ്രകാരം സങ്കീർണമായ മരുന്നുകൾ ലഘൂകരിച്ചും സുരക്ഷിതമായ നിയന്ത്രണങ്ങൾ നിശ്ചയിച്ചും മുന്നോട്ട് പോയാൽ, മുതിർന്ന പൗരന്മാർക്ക് സന്തോഷകരവും ആരോഗ്യകരവുമായ വിശ്രമജീവിതം ഉറപ്പാക്കാൻ സാധിക്കും.
വിവരങ്ങൾ: ഡോ. മുഹമ്മദ് ഹസൻ
സീനിയർ കൺസൾട്ടന്റ് ഫിസിഷ്യൻ & ഡയബറ്റോളജിസ്റ്റ്, ആസ്റ്റർ മിംസ് കോട്ടക്കൽ
Family Health
വെള്ളപ്പാണ്ട് (vitiligo) ഉണ്ടായിരുന്ന പ്രശസ്ത കലാകാരന് മൈക്കിള് ജാക്സന്റെ ഓര്മ ദിനമാണ് ലോക വെള്ളപ്പാണ്ട് ദിനമായി ആചരിച്ചു വരുന്നത്. വെള്ളപ്പാണ്ടിനെക്കുറിച്ചുള്ള ബോധവല്ക്കരണവും ഈ അവസ്ഥയിലുള്ളവരെ മുഖ്യധാരയിലേക്ക് കൊണ്ടുവരുന്നതും ലക്ഷ്യമിട്ടാണ് ഈ ദിനം ആചരിക്കുന്നത്. എന്നാല്, ഒരു ദശാബ്ദത്തിലേറെയായിട്ടും വെള്ളപ്പാണ്ടിനെക്കുറിച്ച് പല മിഥ്യാധാരണകളും ഇന്നും സമൂഹത്തില് നിലനില്ക്കുന്നുണ്ട്.
വെള്ളപ്പാണ്ട് പകര്ച്ച വ്യാധിയാണോ?
അല്ല. ഹസ്തദാനത്തിലൂടെയോ ആലിംഗനത്തിലൂടെയോ വായുവിലൂടെയോ വെള്ളത്തിലൂടെയോ ആഹാരത്തിലൂടെയോ പകരുന്ന ഒരു അവസ്ഥയല്ല വെള്ളപ്പാണ്ട്. അതുകൊണ്ടുതന്നെ ഇത് ബാധിച്ചവരെ കല്യാണം കഴിക്കാനോ ഒരുമിച്ച് താമസിക്കാനോ ഒരുമിച്ച് ഭക്ഷണം കഴിക്കാനോ കളിക്കാനോ ഒരു തടസവുമില്ല.
വെള്ളപ്പാണ്ട് അണുബാധയാണോ?
അല്ല. ചര്മ്മത്തിനു നിറം നല്കുന്ന കോശമായ മെലാനോസൈറ്റിനോട് (Melanocyte) നമ്മുടെ തന്നെ രോഗപ്രതിരോധശക്തി പ്രതികരിക്കുന്നതു മൂലം മെലാനോസൈറ്റിന്റെ പ്രവര്ത്തനം കുറയുകയും ചില ഭാഗങ്ങളില് മെലാനിന് (Melanin) എന്ന പിഗ്മെന്റ് കുറയുകയും ചെയ്യുന്നു. മെലാനോസൈറ്റിന്റെ വളര്ച്ച ത്വരിതപ്പെടുത്തുന്ന രാസവസ്തുക്കളുടെയും വളർച്ചാഘടകത്തിന്റെയും( Growth factor) അഭാവം മൂലവും അതിന്റെ പ്രവര്ത്തനം കുറയാം. ഇങ്ങനെ മെലാനിന് കുറഞ്ഞ ഭാഗങ്ങള് വെളുത്ത് കാണപ്പെടുന്നു.
വെള്ളപ്പാണ്ട് ശരീരം മുഴുവനും വരുമോ?
ശരീരത്തിന്റെ ഏത് ഭാഗത്തും വെള്ളപ്പാണ്ട് (vitiligo) വരാം. സാധാരണ വെള്ളപ്പാണ്ടിനെ രണ്ടായി തരംതിരിക്കാം.
1. നോൺ സെഗ്മെന്റൽ വിറ്റിലിഗോ (Non segmental Vitiligo)- ശരീരത്തിന്റെ പല ഭാഗങ്ങളില് ബാധിക്കാം.
2. സെഗ്മെന്റൽ വിറ്റിലിഗോ (Segmental Vitiligo) - ശരീരത്തിലെ ചില ഭാഗങ്ങളില് മാത്രം കാണപ്പെടുന്നു.
പാരമ്പര്യമായി ഉണ്ടാകുന്നതാണോ?
ജനസംഖ്യയുടെ ഏകദേശം 1% ആള്ക്കാരെ വെള്ളപ്പാണ്ട് ബാധിക്കുന്നുണ്ട്. പല ഘടകങ്ങള് മൂലമുണ്ടാകുന്ന ഒരു അവസ്ഥയാണ് വെള്ളപ്പാണ്ട്. വെള്ളപ്പാണ്ട് ബാധിച്ച 20% - 30% വരെ ആളുകളുടെ അടുത്ത ഒരു ബന്ധുവിനും വെള്ളപ്പാണ്ട് കണ്ടു വരുന്നുണ്ട്.
വിവരങ്ങൾ: ഡോ. ശാലിനി വി. ആർ
കൺസൾട്ടന്റ് ഡെർമറ്റോളജിസ്റ്റ്,
എസ്യുറ്റി ഹോസ്പിറ്റൽ,
തിരുവനന്തപുരം
Family Health
രക്തസമ്മർദം കൂടുതലുള്ള രോഗികൾക്കു കിട്ടുന്ന താരപരിവേഷമൊന്നും രക്തസമ്മർദം കുറഞ്ഞ രോഗികൾക്കു കിട്ടാറില്ല! അതുസാരമില്ല, രണ്ടു ഗ്ലാസ്സ് കഞ്ഞിവെള്ളം ഉപ്പിട്ട് കുടിച്ചാൽ മതിയെന്നാണു ഡോക്ടർമാർ വരെ പറയാറുള്ളത്. രക്തസമ്മർദം കൂടുന്നതും കുറയുന്നതും ഒരേനാണയത്തിന്റെ ഇരുപുറങ്ങളാവാം. ഒന്നു ശ്രദ്ധിക്കാം. ഹൃദയം ചുരുങ്ങുകയും വികസിക്കുകയും ചെയ്യുന്നതിലൂടെ രക്തം പന്പ് ചെയ്യുന്പോൾ രക്തക്കുഴലിന്റെ ഭിത്തിയിൽ അനുഭവപ്പെടുന്ന മർദമാണു രക്തസമ്മർദം. ഹൃദയം ചുരുങ്ങുന്പോൾ രക്തസമ്മർദ്ദം 120 മില്ലീമീറ്റർ ഓഫ് മെർക്കുറിയും ഹൃദയം വികസിക്കുന്പോൾ 80 മില്ലീമീറ്റർ ഓഫ് മെർക്കുറിയും കാണുന്നു. രക്തസമ്മർദം 90/60 ലും താഴെ വരുന്പോഴാണു ഹൈപ്പോടെൻഷൻ എന്ന അവസ്ഥയായി കണക്കാക്കുന്നത്. അമേരിക്കൻ ഹാർട്ട് അസോസിയേഷൻ പറയുന്നത് ഹൈപ്പോടെൻഷൻ കൊണ്ട് നിങ്ങൾക്ക് രോഗലക്ഷണമൊന്നും തോന്നുന്നില്ലെങ്കിൽ അതിനെ കാര്യമാക്കണ്ട എന്നാണ്.
ബിപി കുറയുന്നത്...
തലകറക്കം, വീഴാൻ പോകുന്നപോലെ തോന്നൽ എന്നിവ ലക്ഷണങ്ങൾ. നില്ക്കുന്പോഴും കിടന്നിട്ടും ഇരുന്നിട്ടും എഴുനേല്ക്കുന്പോഴും തലച്ചോറിലേക്ക് രക്തമൊഴുകുന്നതു കുറയുന്നതാണു പ്രശ്നകാരണം. കിടന്നാൽ തലയിലേക്ക് രക്തം ഒഴുകിയെത്തുകയും നാം പൂർവാവസ്ഥയിൽ എത്തുകയും ചെയ്യും. തലച്ചോറിലേക്കുള്ള രക്തമൊഴുക്ക് കുറയുന്നതിനാലാണ് ഈ ലക്ഷണങ്ങൾ ഉണ്ടാകുന്നത് എന്നു പറഞ്ഞല്ലോ. അതിനുകാരണങ്ങൾ പലതാവാം. രക്തത്തിന്റെ അളവു കുറഞ്ഞതാകാം, ശരീരത്തിൽ നിന്നു രക്തസ്രാവമുണ്ടായാലും രക്തം പുറത്തുപോകുന്ന രോഗങ്ങൾ ഉണ്ടായാലും ഇങ്ങനെ വരാം. പല വൈറസ് രോഗങ്ങളുടെയും കോംപ്ളിക്കേഷനായി പ്രഷർ കുറഞ്ഞ് അപകടം വരാറുണ്ട്.
വെള്ളം കുടിക്കുന്നത് വളരെ കുറഞ്ഞാലും ശരീരത്തിൽ നിന്നു ജലാംശം കൂടുതൽ നഷ്ടപ്പെട്ടാലും രക്തസമ്മർദം കുറയാം. ചില തരം അലർജികൾ, ചില മരുന്നുകൾ, ഹൃദയതകരാറുകൾ കൊണ്ട് പന്പ് ചെയ്യാനുള്ള ശേഷികുറയുന്നതും ഇതിനു കാരണമാകാം. പ്രഷർ കുറഞ്ഞാൽ തലയിലേക്കു മാത്രമല്ല ശരീരത്തിന്റെ വിവിധ അവയവങ്ങളിലേക്കും രക്തമൊഴുക്കു കുറയും. അത് ഹൃദയത്തിന്റെ പ്രവർത്തനത്തെ ബാധി ക്കും. വൃക്ക തകരാറുകൾക്കും കാരണമാകാം.സ്ട്രോക്ക്് എന്ന ഗുരുതരാവസ്ഥയും പ്രതീക്ഷിക്കാം. ഭക്ഷണ ശേഷം ചിലരിൽ തലകറക്കം കൂടാം. ശരീരത്തിലെ രക്തത്തിന്റെ വലിയൊരു ഭാഗം കുടലിലേക്ക് ഒഴുകുന്നതു കൊണ്ടാണിത്. പ്രമേഹ രോഗികളിലും പാർക്കിൻസൺ രോഗമുള്ളവരിലും ഇങ്ങനെ കാണാറുണ്ട്.
ചിലർക്ക് ബാത് റൂമിൽ വച്ച് പ്രഷർ കുറഞ്ഞ് തലകറക്കം വരാം. അമിത മർദം ചെലുത്തി മലമൂത്ര വിസർജനം ചെയ്യുന്പോൾ വാഗസ് നെർവ് ഉത്തേജിപ്പിക്കപ്പെടുന്നതാണ് ഇതിനു കാരണം. സമാനാവസ്ഥ ചുമയ്ക്കുന്പോഴും ഭക്ഷണം വിഴുങ്ങുന്പോഴും വരാം. ബാത് റൂമിൽ നിന്ന് എഴുന്നേല്ക്കുന്പോഴും തലയിലേക്കു രക്തയോട്ടം കുറഞ്ഞ് വീഴാനുള്ള സാധ്യതയുണ്ട്.
പരിഹാരം
* ഉപ്പ് കൂടുതലുപയോഗിക്കുക എന്നത് ഒരു താത്കാലിക പരിഹാരമാണ്.
* ധാരാളം വെള്ളം കുടിക്കുക.
* മദ്യം ഒഴിവാക്കുക, മദ്യം ശരീരത്തിൽ നിന്നു പുറത്തുകളയാൻ ധാരാളം വെള്ളം വേണ്ടിവരുന്നു
* പച്ചക്കറികളും പഴങ്ങളും ഭക്ഷണത്തിൽ കൂടുതലായി ഉൾപ്പെടുത്തുക.* മുറുക്കമുള്ള സ്റ്റോക്കിംഗ്സ്് ധരിക്കുക. അപ്പോൾ കാലിലേക്കുള്ള രക്ത ഓട്ടം കുറയുകയും അതു തലയിലേക്കു കിട്ടുകയും ചെയ്യാം.
* ഹോമിയോപ്പതി മരുന്നുകൾ കഴിക്കാം. അവ പ്രഷർ കൂട്ടുകയല്ല, അതു നോർമലാക്കുകയാണു ചെയ്യുക. പ്രഷർ നിയന്ത്രണ സംവിധാനത്തിനു വന്ന തകരാറു പരിഹരിച്ചാൽ മതി ശരീരം ബാക്കി കാര്യം തനിയെ ചെയ്തോളും. ആവശ്യം വരുന്പോൾ ശരീരം പ്രഷർ കൂട്ടുകയും കുറയ്ക്കുകയുമൊക്കെ ചെയ്തോളും. മരുന്നിന്റെയും ഡോക്ടറിന്റെയുമൊന്നും ഇടപെടലുകളിൽ തുടരേണ്ടതല്ല ജീവിതം. ആരോഗ്യത്തിന്റെ ഒരു നിർവചനം തന്നെ ‘ അവനവന്റെ ശരീരത്തെ കുറിച്ചും മനസിനെക്കുറിച്ചു മാത്രം ചിന്തിച്ചിരിക്കുന്ന അവസ്ഥയിൽ നിന്നുള്ളമോചനം’’ എന്നാണ്.
വിവരങ്ങൾ -ഡോ: റ്റി.ജി. മനോജ് കുമാർ,
മെഡിക്കൽ ഓഫീസർ,
ഹോമിയോപ്പതി വകുപ്പ്,
ആറളം, കണ്ണൂർ
ഫോൺ - 9447689239
[email protected]
Family Health
അയോര്ട്ടയെ സാധാരണയായി ബാധിക്കുന്ന രോഗമാണ് ധമനികളില് കൊഴുപ്പടിഞ്ഞ് ഉള്ളിലേക്ക് ചുരുങ്ങുന്ന അവസ്ഥ. ഇതു വേണ്ട രീതിയില് കൈകാര്യം ചെയ്തില്ലെങ്കില് അവയവങ്ങളിലേക്കുള്ള ശുദ്ധമായ രക്തപ്രവാഹം കുറയുകയും അതുവഴി അവയവങ്ങളുടെ പ്രവര്ത്തനശേഷിയെ പ്രതികൂലമായി ബാധിക്കുകയും ചെയ്യുന്നു.
വീനസ് ത്രോംബോ എംബോളിക് രോഗം
കാലിലെ സിരകളില് രക്തം കട്ടപിടിക്കുകയും അവ ഹൃദയത്തിലേക്കും ശ്വാസകോശത്തിലേക്കുമെത്തി തടസം സൃഷ്ടിക്കുകയും ചെയ്യുന്ന അവസ്ഥയാണ് വീനസ് ത്രോംബോ എംബോളിക് രോഗം (Venous Thromboembolic Disease). ചുരുക്കിപ്പറഞ്ഞാല് ഒരു മനുഷ്യന്റെ ആരോഗ്യാവസ്ഥ ധമനികളുടെ പ്രവര്ത്തനവുമായി ബന്ധപ്പെട്ടിരിക്കുന്നു.
ധമനികളുടെ പെട്ടെന്നുള്ള തടസം
(Sudden Blockage of arteries)
ഹൃദയം/അയോര്ട്ടയില് നിന്നുള്ള പദാര്ഥമോ രക്തക്കട്ടയോ കാരണം കാലുകളിലെ ധമനികളില് തടസമുണ്ടായാല്, രോഗിക്ക് പെട്ടെന്ന് കഠിനമായ വേദന ഉണ്ടാകുകയും മുമ്പത്തെപ്പോലെ നടക്കാന് കഴിയാതെ വരികയും ചെയ്യും. ആര്ട്ടീരിയല് എംബോളിസം എന്ന ഈ അവസ്ഥയില് എത്തുകയാണെങ്കില് ഇതിനു കാരണമായ രക്തക്കട്ട നീക്കം ചെയ്യുന്നതിനും അവയവങ്ങളുടെ പെര്ഫ്യൂഷന് പുനഃസ്ഥാപിക്കുന്നതിനുമുള്ള ശസ്ത്രക്രിയ ചെയ്യേണ്ടതായി വരുന്നു.
ശസ്ത്രക്രിയ
ധമനികളുടെ തടസം സാധാരണയായി 6-8 മണിക്കൂറോളം നീണ്ടുനില്ക്കാം. അതിനാല്, ആ ഭാഗത്തെ ടിഷ്യൂവിന് കേടുപാടുകള് സംഭവിക്കാതിരിക്കാന്, എത്രയും വേഗം ശസ്ത്രക്രിയ നടത്തണം. എന്നിരുന്നാലും, 48 മണിക്കൂറിനു ശേഷമാണ് ചികിത്സ തേടുന്നതെങ്കില്, അടിയന്തരമായി മരുന്നുകള് മുഖേന രക്തം കട്ടപിടിച്ചത് അലിയിച്ചുകളയേണ്ടതുണ്ട്.
ആന്റി - കോയാഗുലേഷന് മരുന്നുകള്
യഥാര്ഥ ഹൃദയസംബന്ധമായ പ്രശ്നത്തെ ചികിത്സിക്കാന് ആന്റി - കോയാഗുലേഷന് മരുന്നുകള് തുടരേണ്ടതുണ്ട്. പ്രായമായ ഒരു രോഗിയില്, കൊളസ്ട്രോള് അടിഞ്ഞുകൂടുന്ന സ്ഥലത്ത് രക്തം കട്ടപിടിക്കുന്നത് തീവ്ര പരിചരണത്തില് പരിഗണിക്കേണ്ടതാണ്.
വിവരങ്ങൾ: ഡോ. ഉണ്ണികൃഷ്ണൻ
സീനിയർ വാസ്കുലർ സർജൻ,
എസ്യുറ്റി ഹോസ്പിറ്റൽ, പട്ടം
തിരുവനന്തപുരം.
Family Health
ഒരു മലയാളിയെ സംബന്ധിച്ച് ചായ വെറുമൊരു പാനീയമല്ല, ഒരു വികാരമാണ്. രാവിലെ കണ്ണ് തുറന്നാൽ ആദ്യം കട്ടൻ ചായയുടെ ചൂട് നാവിൽ തട്ടിയാലേ ദിവസം തുടങ്ങിയതായി തോന്നൂ.
"ഒരു ചായ കുടിച്ചാലേ ഉഷാറാകൂ, മനസ്സ് തെളിയൂ" എന്ന് പറയുന്നവരാണോ നിങ്ങൾ?
എങ്കിൽ നിങ്ങൾ അറിയാതെ തന്നെ നിങ്ങളുടെ ശരീരത്തിന്, പ്രത്യേകിച്ച് കിഡ്നിക്ക്, വലിയൊരു അപകടമാണ് വരുത്തിവെക്കുന്നത് എന്ന് നിങ്ങൾക്കറിയാമോ?
90% മലയാളികളും രാവിലെ ചെയ്യുന്ന ഈ ഒരൊറ്റ തെറ്റ് കാരണം നിങ്ങളെ കിഡ്നി സ്റ്റോൺ, കടുത്ത നെഞ്ചെരിച്ചിൽ, എല്ല് തേയ്മാനം എന്നിവയിലേക്ക് വരെ എത്തിക്കുമെന്ന് ആരോഗ്യ വിദഗ്ധർ മുന്നറിയിപ്പ് നൽകുന്നു.രാത്രി മുഴുവൻ ഉറങ്ങി നിർജ്ജലീകരണത്തിലായ ശരീരത്തിലേക്ക് വെറും വയറ്റിൽ ചായ ചെല്ലുമ്പോൾ യഥാർത്ഥത്തിൽ സംഭവിക്കുന്നത് എന്താണ്?
അസിഡിറ്റി ഇരട്ടിക്കും:
ചായയിലെ തിയോഫിലിൻ ഗ്യാസിനെ കൂട്ടും, നെഞ്ചെരിച്ചിൽ വരും.
കിഡ്നി സ്റ്റോൺ വരും:
ചായയിലെ ഓക്സലേറ്റ് കാൽസ്യവുമായി ചേർന്ന് കല്ലായി മാറും. വെറും വയറ്റിൽ കുടിക്കുമ്പോൾ ഇത് വേഗത്തിലാകും.
എല്ല് തേയ്മാനം: ചായ അമിതമായി കുടിക്കുന്നത് കാൽസ്യം പുറന്തള്ളാൻ കാരണമാകും.
പിന്നെ എന്ത് ചെയ്യണം?
ഡോക്ടർമാർ പറയുന്നത് ഇങ്ങനെ:
രാവിലെ എഴുന്നേറ്റ് ആദ്യം ഒരു ഗ്ലാസ് വെള്ളം കുടിക്കുക. 15-20 മിനിറ്റിന് ശേഷം രണ്ടോ മുന്നോ ബിസ്ക്കറ്റ് അല്ലെങ്കിൽ ഒരു പഴം കഴിച്ചിട്ട് മാത്രം ചായ കുടിക്കുക.
വെറും വയറ്റിൽ ഒരിക്കലും ചെയ്യരുതാത്ത കാര്യങ്ങൾ:
ചായ/കാപ്പി,സിഗരറ്റ്,മരുന്ന്
ഇന്ന് മുതൽ ചായയ്ക്ക് മുൻപ് ഒരു ഗ്ലാസ് വെള്ളം ശീലമാക്കൂ. നിങ്ങളുടെ കിഡ്നി നിങ്ങളോട് നന്ദി പറയും
Family Health
നമ്മളെ അനാരോഗ്യത്തിലേക്ക് നയിക്കുന്ന വൈവിധ്യമാര്ന്ന കാരണങ്ങളില്, സാംക്രമികമല്ലാത്തതും സാംക്രമികവുമായ രോഗങ്ങള്, കാന്സര്, അപകടങ്ങള് എന്നിവയാണ് മുന്നിരയിലുള്ളത്. 'ജീവിതശൈലി രോഗങ്ങള്' എന്നും ചില സാംക്രമികേതര രോഗങ്ങൾ അറിയപ്പെടുന്നുണ്ട്.
ജീവിതശൈലി രോഗങ്ങളുടെ അപകട ഘടകങ്ങള്
- പുരുഷന്മാരില് 60 വയസ്സിനു ശേഷമുള്ള പുകവലി, പ്രമേഹം, അമിതവണ്ണം, ഉയര്ന്ന കൊളസ്ട്രോളിന്റെ അളവ്, ഉയര്ന്ന രക്തസമ്മര്ദം, ശാരീരിക നിഷ്ക്രിയത്വം എന്നിവയാണ്.
രക്ത ചംക്രമണ വ്യവസ്ഥ
നമ്മുടെ ശരീരത്തിലെ എല്ലാ സംവിധാനങ്ങളും സൂക്ഷ്മമായും അവിശ്വസനീയമായും രൂപകല്പന ചെയ്തിരിക്കുന്നു. നമ്മുടെ രക്തചംക്രമണ (Blood Circulation) വ്യവസ്ഥയുടെ മൂന്ന് ഘടകങ്ങളാണ് - ഹൃദയം, രക്തം, അവ വഹിക്കുന്ന രക്തക്കുഴലുകളുടെ വളരെ വിപുലമായ ഒരു ശൃംഖല (ധമനികള് - ശുദ്ധമായ രക്തം വഹിക്കുന്നവ, സിരകള് - അശുദ്ധ രക്തം വഹിക്കുന്നവ) എന്നിവ.
വാസ്കുലര് & എന്ഡോവാസ്കുലര്
രക്തക്കുഴലുകളുടെ രോഗനിര്ണയം, ചികിത്സ, പ്രതിരോധ മാര്ഗങ്ങള്, ഗവേഷണ പ്രവര്ത്തനങ്ങള്, രക്തക്കുഴലുകളുടെ രോഗങ്ങളെക്കുറിച്ചുള്ള പഠനം എന്നിവയുമായി ബന്ധപ്പെട്ടതാണ് വാസ്കുലര് & എന്ഡോവാസ്കുലര്. രക്തക്കുഴലുകളെയും ഞരമ്പുകളുടെയും ബാധിക്കുന്ന പ്രതികൂല അവസ്ഥകളാണ് 95% ത്തിലധികം രോഗങ്ങള്ക്ക് കാരണമാകുന്നത്.
ആർട്ടീരിയോസ്ളീറോസിസ്
രക്തക്കുഴലില് കൊഴുപ്പടിഞ്ഞ് അവ ചുരുങ്ങുന്ന അവസ്ഥയാണ് ആർട്ടീരിയോ സ്ളീറോ സിസ്(Atherosclerosis). ഇത് പ്രധാനമായും ബാധിക്കുന്നത് അയോര്ട്ടയെയാണ് (അയോര്ട്ട / മഹാധമനി- ശുദ്ധരക്തവും ധമനികളുടെ ശാഖകളും വഹിക്കുന്ന ഏറ്റവും വലിയ രക്തക്കുഴല്).
അന്യൂറിസം
അയോര്ട്ടയെ സാധാരണയായി ബാധിക്കുന്ന രോഗങ്ങള് അന്യൂറിസവും (ധമനി വീക്കം), ധമനികളില് കൊഴുപ്പടിഞ്ഞ് ഉള്ളിലേക്ക് ചുരുങ്ങുന്നതുമാണ്. അന്യൂറിസം എന്ന രോഗാവസ്ഥ കൃത്യസമയത്ത് ചികിത്സിച്ചില്ലെങ്കില് രക്തധമനിയുടെ ഭിത്തി വലുപ്പംകൂടി അവ തകരുകയും മരണത്തിനു കാരണമാവുകയും ചെയ്യും.
വിവരങ്ങൾ: ഡോ. ഉണ്ണികൃഷ്ണൻ
സീനിയർ വാസ്കുലർ സർജൻ,
എസ്യുറ്റി ഹോസ്പിറ്റൽ, പട്ടം
തിരുവനന്തപുരം.
Family Health
ജീവനു ഭീഷണിയായ ഗുരുതര ശ്വാസകോശ അണുബാധയാണു ന്യുമോണിയ. ന്യുമോണിയ വിവിധ രോഗകാരികള് മൂലമാണ് ഉണ്ടാകുന്നത്-പ്രാഥമികമായി വൈറസ്, ബാക്ടീരിയ, അല്ലെങ്കില് ഫംഗസ്. ഇത് രോഗിയില് നിന്ന് മറ്റൊരാളിലേക്ക് എളുപ്പത്തില് പകരുന്നു. പ്രായമായവരില് (55 വയസും അതിനുമുകളിലും പ്രായമുള്ളവരില്), ന്യുമോണിയ ബാധിച്ച് ആശുപത്രിയില് പ്രവേശിക്കാനുള്ള സാദ്ധ്യത ചെറുപ്പക്കാരേക്കാള് 13 മടങ്ങ് കൂടുതലാണ് (പ്രായം 18-49).
ദൗര്ഭാഗ്യവശാല്, അഞ്ച് വയസിന് താഴെയുള്ള കുട്ടികള്ക്കിടയിലെ മരണത്തിന് കാരണമായ പ്രധാന പകര്ച്ചവ്യാധിയായി ന്യുമോണിയ തുടരുന്നു. ഓരോ വര്ഷവും ഏകദേശം 1.6 ദശലക്ഷം ജീവന് ന്യുമോണിയ മൂലം നഷ്ടപ്പെടുന്നു. മെഡിക്കല് പുരോഗതികള് മെച്ചപ്പെട്ട ചികിത്സ നല്കുന്നുണ്ടെങ്കിലും, ന്യുമോണിയയും മറ്റ് ശ്വാസകോശ സംബന്ധമായ അണുബാധകളും ഒരു മരണകാരണമായി തുടരുന്നു, പ്രത്യേകിച്ചും 2021 ലെ COVID-19 മഹാമാരിയുടെ പശ്ചാത്തലത്തില്.
ന്യൂമോണിയ സംബന്ധമായ മരണങ്ങള് ഏറ്റവും കൂടുതല് ബാധിക്കുന്നത് താഴ്ന്ന വരുമാനമുള്ള രാജ്യങ്ങളെ ആയതിനാല്, ആരോഗ്യ പരിപാലന അസമത്വങ്ങളും ലോകശ്രദ്ധ നേടേണ്ടതുണ്ട്. വാക്സിനുകള്, ആന്റിബയോട്ടിക്കുകള്, ഓക്സിജന് തെറാപ്പി, ജനങ്ങള്ക്ക് മെച്ചപ്പെട്ട പോഷകാഹാരം തുടങ്ങിയ അവശ്യങ്ങളാണ് ഇതിലൂടെ മുന്നോട്ടു വയ്ക്കുന്നത്.
ന്യുമോണിയയുടെ ആഘാതം മരണനിരക്കിനും അപ്പുറമാണ്; രോഗം അതിജീവിക്കുന്നവര്ക്ക്, പ്രത്യേകിച്ച് കുട്ടികള്ക്ക്, ശ്വാസകോശത്തിന്റെ പ്രവര്ത്തനം കുറയുക, ബുദ്ധി വികാസത്തിന് കാലതാമസം, ആവര്ത്തിച്ചുള്ള ശ്വസന അണുബാധകള് എന്നീ ദീര്ഘകാല ആരോഗ്യ പ്രശ്നങ്ങള് അനുഭവപ്പെടാം.
ന്യുമോണിയയുടെ കാരണങ്ങള്
· ബാക്ടീരിയ: സ്ട്രെപ്റ്റോകോക്കസ് ന്യുമോണിയയാണ് ഏറ്റവും സാധാരണമായ കാരണം.
· വൈറസ്: RSV, ഇന്ഫ്ളുവന്സ, കൊറോണ വൈറസുകള്.
· ഫംഗസ്: പ്രതിരോധശേഷി കുറഞ്ഞ വ്യക്തികളെ ബാധിക്കുന്നു.
അപകട ഘടകങ്ങള്
· പ്രായം: അഞ്ച് വയസിനു താഴെയുള്ള കുട്ടികളും 65 വയസിനു മുകളിലുള്ള മുതിര്ന്നവരും.
· പോഷകാഹാരക്കുറവ്
· വിട്ടുമാറാത്ത രോഗങ്ങള്: ആസ്ത്മ, സിഒപിഡി, പ്രമേഹം, ഹൃദ്രോഗം, കരള്, വൃക്ക രോഗങ്ങള് തുടങ്ങിയ അവസ്ഥകള്.
· പരിസ്ഥിതി ഘടകങ്ങള്: വായു മലിനീകരണം, പുകവലി, മുതലായവ.
രോഗലക്ഷണങ്ങള്
കടുത്ത പനി, വിറയല്, കഫത്തോടുകൂടിയ ചുമ, ശ്വാസതടസം, ക്ഷീണം, തുടങ്ങിയവ.
വ്യാപനം
ന്യുമോണിയ ഒരു സാംക്രമിക രോഗമാണ്. ചുമ, തുമ്മല്, മലിനമായ പ്രതലങ്ങളുമായുള്ള സമ്പര്ക്കം എന്നിവയിലൂടെ പടരുന്നു.
ചികിത്സ
1930-ല്, ആദ്യത്തെ ആന്റി ബാക്ടീരിയല് ഏജന്റായ സള്ഫാപിരിഡിന്, ബാക്ടീരിയ ന്യുമോണിയയെ ചികിത്സിക്കുന്നതിനായി വിന്സ്റ്റണ് ചര്ച്ചില് വികസിപ്പിച്ചെടുത്തു. 1928-ല് പെന്സിലിന് കണ്ടുപിടിച്ചെങ്കിലും, 1941 വരെ ഇത് ചികിത്സാ സംബന്ധമായി ഉപയോഗിച്ചിരുന്നില്ല. ഇന്ന്, ബാക്ടീരിയല് ന്യുമോണിയ ആന്റിബയോട്ടിക്കുകള് ഉപയോഗിച്ചാണ് ചികിത്സിക്കുന്നത്. അതേസമയം വൈറല് അണുബാധയാണെങ്കില് ആന്റിവൈറല് മരുന്നുകള് ആവശ്യമാണ്. കൂടാതെ കഫം നീക്കം ചെയ്യാന് സഹായിക്കുന്ന ബ്രോങ്കോഡയലേറ്ററുകളും മ്യൂക്കോലൈറ്റിക്സും അനുബന്ധ ചികിത്സകളില് ഉള്പ്പെടുന്നു.
വിവരങ്ങൾ -
ഡോ. സോഫിയ സലിം മാലിക്
സീനിയർ കൺസൾട്ടന്റ്
പൾമോണജിസ്റ്റ്, അലർജി,
ഇമ്യൂണോളജി, സ്ളീപ് കൺസൾട്ടന്റ്
എസ്യുറ്റി ആശുപത്രി, പട്ടം, തിരുവനന്തപുരം
Family Health
രക്തസമ്മർദ്ദം നോക്കുമ്പോൾ നമ്മൾ എപ്പോഴും കൈയിലെ നമ്പറാണ് നോക്കുക. 120/80 ആണെങ്കിൽ സമാധാനമായി. പക്ഷെ കാർഡിയോളജിസ്റ്റുകൾ പറയുന്നത്, കൈയിലെ നമ്പർ നോർമൽ ആണെങ്കിൽ പോലും ചിലരിൽ കാലിലേക്കുള്ള രക്തയോട്ടം കുറവായിരിക്കും എന്നാണ്.അത് കണ്ടുപിടിക്കാനാണ് Ankle Blood Pressure Test അഥവാ ABI ടെസ്റ്റ്.
പ്രശസ്ത കാർഡിയോളജിസ്റ്റ് ഡോ. സാകേത് ഗോയൽ പങ്കുവെച്ച വീഡിയോ ആണ് ഇപ്പോൾ ഈ ടെസ്റ്റിനെ കുറിച്ച് ചർച്ചയാക്കുന്നത്.
എന്താണ് ഈ ടെസ്റ്റ്?
വളരെ ലളിതമാണ്. കൈയിലെ BP മെഷീൻ വെച്ച് തന്നെ കണങ്കാലിലും BP നോക്കും. എന്നിട്ട് രണ്ട് നമ്പറും തമ്മിൽ താരതമ്യം ചെയ്യും.സാധാരണ കണങ്കാലിലെ BP കൈയിലെ BPയെക്കാൾ അല്പം കൂടുതലായിരിക്കണം.
എപ്പോഴാണ് അപകടം?
കണങ്കാലിലെ നമ്പർ കൈയിലെ നമ്പറിനെക്കാൾ വളരെ കുറവാണെങ്കിൽ, കാലിലേക്കുള്ള ധമനിയിൽ ബ്ലോക്ക് ഉണ്ടെന്നാണ് അർത്ഥം. ഇതിനെ Peripheral Artery Disease (PAD) എന്ന് പറയും.ഇത് വെറും കാലിന്റെ പ്രശ്നമല്ല. കാലിൽ ബ്ലോക്ക് ഉള്ളവർക്ക് ഹൃദയത്തിലും തലച്ചോറിലും ബ്ലോക്ക് വരാൻ സാധ്യത കൂടുതലാണ്.
ആർക്കൊക്കെ ഈ ടെസ്റ്റ് നിർബന്ധം?
50 വയസ്സിന് മുകളിലുള്ളവർ,പ്രമേഹം, കൊളസ്ട്രോൾ ഉള്ളവർ,നടക്കുമ്പോൾ കാലിൽ വേദന വരുന്നവർ,പുകവലിക്കുന്നവർ,കൈയിലെ BP നോർമൽ ആണെങ്കിലും തലകറക്കം, ക്ഷീണം ഉള്ളവർ.
ഡോക്ടർ പറയുന്നത്:
പലർക്കും കാലിലെ ബ്ലോക്ക് വർഷങ്ങളോളം അറിയാതെ പോകും. ഒരു ലളിതമായ ആങ്കിൾ BP ടെസ്റ്റ് കൊണ്ട് അത് നേരത്തെ കണ്ടുപിടിക്കാം. ഇത് വീട്ടിൽ തന്നെ ചെയ്യാവുന്നതാണ്, പക്ഷെ റിസൾട്ട് ഡോക്ടറെ കാണിക്കണം.
എങ്ങനെ ചെയ്യാം?
വീട്ടിലെ ഡിജിറ്റൽ BP മെഷീൻ കൊണ്ട് കണങ്കാലിൽ ചുറ്റി നോക്കരുത്. കൃത്യമായ റീഡിംഗിന് ഡോക്ടറുടെ സഹായം വേണം. ഡോക്ടർ Doppler മെഷീൻ വെച്ചാണ് കണങ്കാലിലെ രക്തയോട്ടം അളക്കുന്നത്. അഞ്ച് മിനിറ്റ് മാത്രം മതിയാകുന്ന ടെസ്റ്റ്.
ശ്രദ്ധിക്കുക: ഈ വാർത്ത അവബോധത്തിന് വേണ്ടി മാത്രം. സ്വയം രോഗനിർണയം നടത്തരുത്. സംശയം തോന്നിയാൽ ഡോക്ടറെ കാണുക.
Family Health
പല്ലുകൾക്ക് പൊട്ടൽ ഉണ്ടാകാൻ പല കാരണങ്ങളുണ്ട്. വളരെ കട്ടിയുള്ള ഭക്ഷണസാധനങ്ങൾ കടിക്കുമ്പോൾ പല്ലുകൾ പൊട്ടാൻ സാധ്യതയുണ്ട്. അതുപോലെതന്നെ നൈറ്റ് ഗ്രൈൻഡിങ് അഥവാ ബ്രക്സിസം മറ്റൊരു കാരണമാണ്. ഇതുകൂടാതെ അപകടങ്ങളും വീഴ്ചകളും പല്ലിന്റെ പൊട്ടലിന് കാരണമാകും.
കാരണങ്ങൾ
- പല്ലിന്റെ ഗ്രൈൻഡിംഗ് പ്രഷർ കൂടുമ്പോൾ
- പല്ലിന്റെ ഉള്ളിലെ ഫില്ലിംഗ്സ് വളരെ വലുതാണെങ്കിൽ സൈഡ് പൊട്ടാനുള്ള സാധ്യതയുണ്ട്.
- വളരെ കട്ടി കൂടിയ ഭക്ഷണസാധനങ്ങൾ... ഉദാഹരണത്തിന് ഐസ് ക്യൂബ്സ്, കട്ടിയുള്ള എല്ലുകൾ ഇതൊക്കെ കഴിക്കുമ്പോൾ പൊട്ടാനുള്ള സാധ്യതയുണ്ട് .
- അപകടങ്ങൾ സംഭവിക്കുമ്പോൾ പല്ല് എവിടെയെങ്കിലും ഇടിച്ച് പൊട്ടാനുള്ള സാധ്യതയുണ്ട്. അതുപോലെ സ്പോർട്സിലും ഇത് സംഭവിക്കാം.
- വായ്ക്കുള്ളിൽ പെട്ടെന്നുള്ള താപനില മാറ്റം. ഉദാഹരണം വളരെ ചൂടുള്ള ഒരു ഭക്ഷണം കഴിച്ച് ഉടൻതന്നെ ഐസ്ക്യൂബ് കടിച്ചു കഴിച്ചാൽ പല്ലിന്റെ ഇനാമൽ പൊട്ടാനുള്ള സാധ്യതയുണ്ട്.
- പ്രായം കൂടുമ്പോൾ പല്ലിന്റെ കട്ടിയുള്ള ആവരണമായ ഇനാമൽ തേയാനും പൊട്ടൽ ഉണ്ടാകാനും സാധ്യതയുണ്ട്.
പൊട്ടലുകൾ പലവിധം
ക്രസ് ലൈൻ ഫ്രക്ചർ
വളരെ ചെറിയ പൊട്ടലുകളും വിരിച്ചിലുകളും ഇനാമലിന്റെ ഉപരിതലത്തിൽ മാത്രം വരുന്നത് വേദനയോ മറ്റു ബുദ്ധിമുട്ടുകളോ ഒന്നും ഉണ്ടാക്കില്ല. ചികിത്സയും ആവശ്യമില്ല.
കസ്പ് ഫ്രാക്ചർ
പല്ലുകളിൽ പൊന്തി നിൽക്കുന്ന ഭാഗത്തിനാണ് കസ്പ് എന്നു പറയുക. ഇത്
ഭക്ഷണം ചവച്ച് അരയ്ക്കാനുള്ള കാര്യക്ഷമത കൂട്ടുന്നു. പല്ലിന്റെ അഗ്രത്തിന് പൊട്ടൽ ഉണ്ടാകുമ്പോൾ അത് ഒന്ന് സ്മൂത്ത് ആക്കി കൊടുക്കുന്ന ചികിത്സ മതിയെങ്കിൽ ഡോക്ടർ അത് നിർദേശിച്ചു ചെയ്തുതരും.
ക്രാക്ക് എക്സ്റ്റൻഡഡ് അപ്റ്റു ഗം ലൈൻ
മുകൾ ഭാഗത്തുനിന്ന് മോണയുടെ ഭാഗം വരെ പൊട്ടൽ എത്തുന്നുണ്ടെങ്കിൽ എക്സ്-റേ പരിശോധനയിൽ ഉറപ്പു വരുത്തിയശേഷം ചികിത്സ നൽകാം.
വിവരങ്ങൾ - ഡോ. വിനോദ് മാത്യു മുളമൂട്ടിൽ, (അസിസ്റ്റന്റ് പ്രഫസർ, പുഷ്പഗിരി കോളജ് ഓഫ് ദന്തൽ സയൻസസ്, തിരുവല്ല) 9447219903
Family Health
രാവിലെ ഉറക്കം എഴുന്നേല്ക്കുമ്പോഴുള്ള തുമ്മൽ, അതോടൊപ്പം മൂക്കൊലിപ്പും മൂക്കടപ്പും, ചുമ, കഫം കൂടുമ്പോൾ മൂക്കിന്റെ ഉള്ളിലെ ദ്വാരത്തിൽ നിന്നു തൊണ്ടയിലേക്ക് കഫം വരിക, കണ്ണിനു ചുറ്റും മൂക്കിലും ചൊറിച്ചിൽ അനുഭവപ്പെടുക, തൊണ്ടയും അണ്ണാക്കും ചൊറിയുക എന്നീ ലക്ഷണങ്ങൾ ഉണ്ടെങ്കിൽ അത് അലർജിക് റൈനൈറ്റിസ് (Allergic Rhinitis) ആകാം.
രാവിലത്തെ അലർജി ലക്ഷണങ്ങൾ എങ്ങനെ പ്രതിരോധിക്കാം?
1. കിടപ്പുമുറിയിൽ കാർപെറ്റ് ഒഴിവാക്കുക. ഒഴിവാക്കാൻ പറ്റാത്ത സാഹചര്യമാണെങ്കിൽ കുറഞ്ഞത് ആഴ്ചയിൽ ഒരു ദിവസമെങ്കിലും വാക്വം ക്ലീൻ (Vaccum clean) ചെയ്യുക.
2. തലയിണ ഉറയും കിടക്കവിരിയും പതിവായി ചൂടുവെള്ളം ഉപയോഗിച്ച് കഴുകുക.
3. കിടപ്പുമുറിയിലോ കിടക്കുന്ന സ്ഥലത്തോ വളർത്തുമൃഗങ്ങളെ അനുവദിക്കരുത്.
4. ഗൃഹോപകരണങ്ങൾ, ഉറങ്ങുന്ന സ്ഥലം, കിടക്ക എന്നിവ പൊടി തുടച്ചുകളഞ്ഞ് വൃത്തിയായി സൂക്ഷിക്കുക.
5. ഈർപ്പമുള്ള മുറിയിൽ ഉറങ്ങുന്നത് ഒഴിവാക്കുക.
6. കിടപ്പുമുറിയിൽ ഈർപ്പമുള്ളതോ നനവുള്ളതോ ആയ വസ്ത്രങ്ങൾ ഉണക്കാനായി വയ്ക്കരുത്.
7. രൂക്ഷമായ ഗന്ധമുള്ള സുഗന്ധ ദ്രവ്യങ്ങൾ ഉപയോഗിക്കുന്നത് ഒഴിവാക്കുക.
8. സലൈൻ നാസൽ ഡ്രോപ്സ്്/ സലൈൻ ഇറിഗേഷൻ (Saline nasal drops/Saline irrigation) ഉപയോഗിക്കുക.
ഡോക്ടറെ സന്ദർശിക്കേണ്ടത് എപ്പോൾ?
1. രോഗലക്ഷണങ്ങൾ നിലനില്ക്കുകയാണെങ്കിൽ/എല്ലാ മുൻകരുതലുകളും
പാലിച്ചിട്ടും ലക്ഷണങ്ങളുടെ തോത് വർധിച്ചാൽ.
2. രോഗലക്ഷണങ്ങൾ ഉറക്കത്തെയോ, ദൈനംദിന പ്രവർത്തികളെയോ സാരമായി ബാധിക്കുന്നുണ്ടെങ്കിൽ
3. മുഖത്ത് വേദന, സ്ഥിരമായ ചുമ, ചെവിയിൽ തടസം നേരിടുക തുടങ്ങിയ സാഹചര്യങ്ങളിൽ.
അലർജിക്കു കാരണമാകുന്ന വസ്തുക്കൾ കണ്ടെത്തി അവയെ ജീവിതചര്യയിൽ നിന്ന് ഒഴിവാക്കുന്നതോടൊപ്പം മുകളിൽ സൂചിപ്പിച്ച കാര്യങ്ങൾകൂടി ശ്രദ്ധിക്കുകയാണെങ്കിൽ അലർജി മൂലം രാവിലെ ഉണ്ടാകുന്ന ബുദ്ധിമുട്ടുകളൊക്കെ ഒരു പരിധി വരെ മാറ്റി നിർത്താനാകും.
നോൺ - അലർജിക് റൈനൈറ്റിസ്
അലർജിക് റൈനൈറ്റിസിന്റെ സമാനമായ ലക്ഷണങ്ങൾ പ്രകടമാകുന്ന മറ്റൊരു അവസ്ഥയാണ് നോൺ - അലർജിക് റൈനൈറ്റിസ്(Non-allergic Rhinitis).
ഗർഭധാരണ സമയത്തും മുലയൂട്ടുന്ന നാളുകളിലും ആർത്തവ സമയത്തിലുമൊക്കെയുള്ള ഹോർമോൺ വ്യതിയാനം, ഗർഭ നിരോധന ഗുളികകൾ എന്നിവ നേസൽ മ്യൂകോസൽ(nasal mucosal) രക്തക്കുഴലുകളെ ബാധിക്കും.
വിവരങ്ങൾ: ഡോ. ധനശ്രീ എ. അയ്യങ്കാർ
ജൂണിയർ കൺസൾട്ടന്റ് , ഇഎൻടി,
എസ്യുടി ഹോസ്പിറ്റൽ,
പട്ടം, തിരുവനന്തപുരം
Family Health
രാവിലെ ഉറക്കം എഴുന്നേല്ക്കുമ്പോഴുള്ള തുമ്മൽ, അതോടൊപ്പം മൂക്കൊലിപ്പും മൂക്കടപ്പും, ചുമ, കഫം കൂടുമ്പോൾ മൂക്കിന്റെ ഉള്ളിലെ ദ്വാരത്തിൽ നിന്നു തൊണ്ടയിലേക്ക് കഫം വരിക, കണ്ണിനു ചുറ്റും മൂക്കിലും ചൊറിച്ചിൽ അനുഭവപ്പെടുക, തൊണ്ടയും അണ്ണാക്കും ചൊറിയുക എന്നീ ലക്ഷണങ്ങൾ ഉണ്ടെങ്കില് അത് അലർജിക് റൈനൈറ്റിസ് (Allergic Rhinitis) ആകാം. സാധാരണയായി ഈ അവസ്ഥയുടെ പ്രേരക ഘടകങ്ങൾ താഴെ പറയുന്നവയാണ്.
1. പൂമ്പൊടി / Pollen
രാവിലെ അന്തരീക്ഷത്തിൽ പൂമ്പൊടിയുടെ അളവ് വളരെ കൂടുതലാണ്.
2. വളർത്തു മൃഗങ്ങളുടെ രോമം / Pet Dander
കിടക്കയിലോ കസേരയിലോ വസ്ത്രത്തിലോ ഒക്കെ വളർത്തു മൃഗങ്ങളുടെ രോമം ഉണ്ടെങ്കിലോ, വളർത്തു മൃഗങ്ങൾ നിങ്ങളുടെ മുറിയിൽ ഉറങ്ങുന്നെങ്കിലോ അതുവഴി അലർജിക്ക് കാരണമാകാം.
3. പൊടിപടലങ്ങൾ/ Dust mites
കിടക്കയിലും തലയിണയിലും കിടക്കവിരിയിലും തലയിണ ഉറയിലും ഒക്കെ ഉണ്ടാകുന്ന സൂക്ഷ്മ ജീവികൾ മൂലം അലർജിയോടനുബന്ധിച്ച ലക്ഷണങ്ങൾ രാവിലെ പ്രകടമാകുന്നതിന് കാരണമാകുന്നു.
4. പൂപ്പൽ/ Mould
വീടിന്റെ ഉള്ളിൽ നനവോ, ഈർപ്പമുള്ള കാലാവസ്ഥയോ ആണെങ്കിൽ പൂപ്പൽ ബാധയ്ക്കു സാധ്യതയുണ്ട്.
ഇവയൊക്കെ ശരീരത്തിന്റെ രോഗപ്രതിരോധ സംവിധാനത്തെ പ്രതികൂലമായി ബാധിക്കുന്ന പ്രേരക ഘടകങ്ങളാണ്. ഇതുമൂലം നേസൽ മ്യൂകോസയിൽ (nasal mucosa) വീക്കം ഉണ്ടാകുന്നു.
സമാനമായ ലക്ഷണങ്ങൾ പ്രകടമാകുന്ന മറ്റൊരു അവസ്ഥയാണ് നോൺ - അലർജിക് റൈനൈറ്റിസ്(Non-allergic Rhinitis).
രോഗ കാരണങ്ങൾ
1. ശക്തമായ ഗന്ധം
രാത്രിയിൽ ഉപയോഗിക്കുന്ന മണമുള്ള ലോഷൻ/എണ്ണ/ജെൽ, ശക്തമായ ഗന്ധമുള്ള സോപ്പുപൊടി എന്നിവ മൂക്കിലെ മ്യൂകോസൽ രക്തക്കുഴലുകളെ പ്രവർത്തിപ്പിച്ച് രോഗലക്ഷണങ്ങൾ പ്രകടമാക്കുന്നു.
2. ചില മരുന്നുകൾ
- ഇബുപ്രോഫെൻ, ആസ്പിരിൻ, സെഡേറ്റീവ്സ് മുതലായവ (Ibuprofen, Aspirin, Sedatives, etc)
3. വയറ്റിലെ അമ്ലം തിരിച്ച് അന്നനാളത്തിലേക്ക് പോകുന്ന അവസ്ഥ / Gastroesophageal reflux
മലർന്നു കിടക്കുമ്പോൾ പുളിച്ച് തികട്ടുന്ന അവസ്ഥ ഉണ്ടാവുകയും തുടർന്നു തൊണ്ടയിൽ അസ്വസ്ഥത അനുഭവപ്പെടുകയും മൂക്കിന്റെ ഉള്ളിലെ ദ്വാരത്തിലൂടെ തൊണ്ടയിലേക്ക് കഫം പോവുകയും ചുമയ്ക്കുകയും ചെയ്യുന്നു.
വിവരങ്ങൾ:
ഡോ. ധനശ്രീ എ. അയ്യങ്കാർ
ജൂണിയർ കൺസൾട്ടന്റ്
ഇഎൻടി, എസ്യുടി ഹോസ്പിറ്റൽ,
പട്ടം, തിരുവനന്തപുരം
Family Health
പൊതുപരീക്ഷകൾക്കും മറ്റു മത്സരപരീക്ഷകൾക്കും വിദ്യാർഥികൾ കനത്ത തയാറെടുപ്പിലാണ്. പല വീടുകളിലും മാതാപിതാക്കളാണ് കൂടുതൽ ആശങ്കയോടെ കഴിയുന്നത്. പരീക്ഷയെ കൂടുതൽ ഫലപ്രദമായും ആരോഗ്യകരമായും എങ്ങനെ അഭിമുഖീകരിക്കാമെന്നുനോക്കാം.
അമിത ഉത്കണ്ഠ അപകടം
പരീക്ഷയെ സമ്മർദത്തോടെ കാണരുത് എന്നതാണ് ഏറ്റവും പ്രധാനം. ചെറിയ അളവിലുള്ള ഉത്കണ്ഠ പഠനത്തിന് ഗൗരവം നൽകും, പക്ഷേ അതിരുകവിഞ്ഞാൽ അത് തിരിച്ചടിയാകും. അതിനാൽ, പരീക്ഷയുടെ ഫലത്തെ മാത്രം ലക്ഷ്യമാക്കി പഠിക്കുന്നതിനു പകരം, സ്വന്തം അറിവും കഴിവും വർധിപ്പിക്കാനുള്ള ആത്മാർഥമായ ശ്രമമായി കാണുക. ഈ മനോഭാവം പരീക്ഷാസമയത്ത് മാനസിക ശക്തി നൽകും.
സ്വന്തം ലക്ഷ്യത്തിൽ ശ്രദ്ധിക്കാം
മറ്റുള്ളവരുമായി താരതമ്യം ചെയ്യുന്നത് പൂർണമായും ഒഴിവാക്കുക. രക്ഷിതാക്കളോ വിദ്യാർഥികളോ ആരായാലും ഇപ്പോൾ അത് ഒഴിവാക്കണം. "നിന്റെ സുഹൃത്ത് ഇത്രയും പഠിച്ചു" തുടങ്ങിയ കമന്റുകൾ മുഖവിലയ്ക്കെടുക്കാതിരിക്കുക. ഓരോരുത്തർക്കും അവരവരുടേതായ വഴിയും സമയവും ഉണ്ട്. മറ്റുള്ളവരെ അനുകരിക്കാതെ, സ്വന്തം ലക്ഷ്യത്തിലേക്ക് ശ്രദ്ധ കേന്ദ്രീകരിക്കുക. അത്തരം താരതമ്യങ്ങൾ പ്രചോദനമല്ല, മറിച്ച് സമ്മർദമാണ്.
ധാരാളം വെള്ളം കുടിക്കണം
കൃത്യമായ ദിനചര്യ വളരെ പ്രധാനമാണ്. ഉറക്കം, ഭക്ഷണം, പഠനം, വ്യായാമം എന്നിവ ദിവസവും ഒരേ സമയത്ത് ചെയ്യാൻ ശ്രമിക്കുക. ഇത് പഠനത്തിന്റെ ഫലപ്രാപ്തി വർധിപ്പിക്കും. ധാരാളം വെള്ളം കുടിക്കുകയും വേണം – ശരീരഭാരത്തിന്റെ 25 കിലോയ്ക്ക് ഏകദേശം 1 ലിറ്റർ വെള്ളം (ഉദാ: 50 കിലോ ഉള്ളവർക്ക് ദിവസവും 2 ലിറ്റർ എങ്കിലും).
ആവർത്തിച്ചു പഠിക്കാം
ആവർത്തനമാണ് ഓർമശക്തി വർധിപ്പിക്കാനുള്ള ഏറ്റവും നല്ല മാർഗം. എല്ലാവരുടെയും പഠനവേഗം വ്യത്യസ്തമാണ് എന്നത് ഓർക്കുക. മുൻവർഷങ്ങളിലെ ചോദ്യപേപ്പറുകൾ പരമാവധി പരിഹരിക്കുക – ഇത് പരീക്ഷാസമയത്ത് വലിയ ആത്മവിശ്വാസം നൽകും. ഷോർട്ട് നോട്ടുകളോ സംഗ്രഹങ്ങളോ തയാറാക്കി വയ്ക്കുക; അവസാന നിമിഷ റിവിഷന് വളരെ ഉപകാരപ്രദമാകും.
പ്രയാസമുള്ള വിഷയങ്ങൾക്കു കൂടുതൽ സമയം
കണക്ക്, ഫിസിക്സ് തുടങ്ങിയ പ്രശ്നപരിഹാര വിഷയങ്ങൾ പഠിക്കുമ്പോൾ, ആദ്യം ചോദ്യം മാത്രം എഴുതിയെടുത്ത് സ്വന്തമായി പരിഹരിക്കാൻ ശ്രമിക്കുക. ബുക്ക് നോക്കി പഠിക്കാതെ, സ്വയം ചെയ്ത ശേഷം സംശയങ്ങൾ മാത്രം ക്ലിയർ ചെയ്യുക. ഇഷ്ടവിഷയങ്ങൾ ആദ്യം ചെറിയ സമയത്തിനുള്ളിൽ പഠിച്ച്, പ്രയാസമുള്ളവയ്ക്ക് കൂടുതൽ സമയം നൽകി സന്തുലിതമായി മുന്നോട്ടുപോകുക. ഈ പരീക്ഷകളെ നിങ്ങളുടെ ജീവിതലക്ഷ്യത്തിലേക്കുള്ള ഒരു പ്രധാന ചുവടുവയ്പായി കാണുക. പരീക്ഷയല്ല, നിങ്ങളുടെ വളർച്ചയാണു പ്രധാനം.
വിവരങ്ങൾ:
നിതിൻ എ.എഫ്.
കൺസൾട്ടന്റ് സൈക്കോളജിസ്റ്റ്
എസ്യുറ്റി ഹോസ്പിറ്റൽ,
പട്ടം, തിരുവനന്തപുരം.
Family Health
ജന്തുജന്യ രോഗങ്ങള്ക്കെതിരെ ഏറ്റവും ജാഗ്രത പുലര്ത്തേണ്ട കാലമാണിത്. 200 ലധികം ജന്തുജന്യ രോഗങ്ങളുണ്ട്. മനുഷ്യരില് ഉണ്ടാകുന്ന പകര്ച്ചവ്യാധികളില് 60 ശതമാനവും ജന്തുക്കളില് നിന്നു പകരുന്നവയാണ്. പുതുതായി ഉണ്ടാകുന്ന രോഗങ്ങളുടെ 70 ശതമാനവും ജന്തുക്കളില് നിന്നാണ് ഉണ്ടാകുന്നത്.
എലിപ്പനി, പേവിഷബാധ, നിപ, ആന്ത്രാക്സ്
എലിപ്പനി, പേവിഷബാധ, നിപ, ആന്ത്രാക്സ് തുടങ്ങിയ പല ജന്തുജന്യ രോഗങ്ങളും റിപ്പോര്ട്ട് ചെയ്യുന്നുണ്ട്. മനുഷ്യരുടെ ആരോഗ്യം ജന്തു ജാലങ്ങളുടെയും പരിസ്ഥിതിയുടെയും ആരോഗ്യത്തെ ആശ്രയിച്ചാണ്.
ജന്തുജന്യ രോഗങ്ങള് പകരുന്നത്...
ജീവജാലങ്ങളിൽ നിന്നു മനുഷ്യരിലേക്കും മനുഷ്യരിൽ നിന്നു മറ്റു മനുഷ്യരിലേക്കും പകരുന്ന രോഗങ്ങളാണ് ജന്തുജന്യ രോഗങ്ങള്. വൈറസ്, ബാക്ടീരിയ, പാരസൈറ്റ് ഇവ വഴിയാണ് രോഗാണുക്കൾ മനുഷ്യരിലേക്ക് എത്തുന്നത്.
എബോള, മങ്കി പോക്സ് തുടങ്ങിയവയും ലോകത്തിന് ഭീഷണിയായ ജന്തുജന്യ രോഗങ്ങളാണ്. നേരിട്ടുള്ള സമ്പര്ക്കം (രോഗാണു ബാധയുള്ള ജീവിയുടെ ഉമിനീര്, രക്തം, മൂത്രം, വിസർജ്യം, മൂക്കിൽ നിന്നുള്ള സ്രവം, മൃഗങ്ങളെ തൊടുക, താലോലിക്കുക, മൃഗങ്ങളുടെ കടി, മാന്തൽ), നേരിട്ടല്ലാതെ യുള്ള സന്പർക്കം(മൃഗങ്ങൾ വസിക്കുന്നതും ചുറ്റിക്കറങ്ങു ന്നതുമായ രോഗാണുക്കൾ ഉള്ള ഇടങ്ങൾ, അവിടങ്ങളിലെ വസ്തുക്കൾ, പ്രതലങ്ങൾ, അക്വേറിയത്തിലെ വെള്ളം, വളർത്തുമൃഗങ്ങളുടെ കൂടുകൾ, ഭക്ഷണം, വെള്ളം ഇവ നല്കുന്ന പാത്രങ്ങൾ, കളപ്പുരകൾ, ചെടികൾ, മണ്ണ്), ആഹാരം, വെള്ളം, പരിസ്ഥിതി എന്നിവയിലൂടെയാണ് രോഗാണു മനുഷ്യരിലേക്ക് പകരുന്നത്.
മൃഗങ്ങളുമായുള്ള സ്വാഭാവിക സഹവാസം, വിനോദം, ലാളന, കൃഷി, ഭക്ഷണം എന്നിവയ്ക്കായി വളര്ത്തുക തുടങ്ങിയ സാഹചര്യങ്ങളിലൂടെയാണ് രോഗാണു മനുഷ്യരിലേക്കു പകരുന്നത്. മൃഗങ്ങളോടു കരുതലോടെ ഇടപെടാം. മുൻകരു തലുകൾ സ്വീകരിക്കാം. രോഗങ്ങൾ ഒഴിവാക്കാം.
ഇവരിൽ രോഗസാധ്യതയേറും
അന്തര്ദേശീയ യാത്രക്കാര് കൂടുതലുള്ളതിനാല് മറ്റ് രാജ്യങ്ങളില് നിന്നുള്ള രോഗങ്ങള് ഇവിടെ റിപ്പോര്ട്ട് ചെയ്യാന് സാധ്യത കൂടുതലാണ്. അഞ്ചു വയസില് താഴെയുള്ള കുട്ടികള്, 65 വയസിന് മുകളില് പ്രായമുള്ളവര്, രോഗപ്രതിരോധ ശേഷി കുറഞ്ഞവര്, ഗര്ഭിണികള് എന്നിവര് രോഗ സാധ്യത കൂടുതലുള്ളവരാണ്.
എങ്ങനെ തടയാം?
* കാര്ഷികമേഖലയിലുള്ളവർ മൃഗപരിപാലന നിര്ദേശങ്ങള് കൃത്യമായി പാലിക്കുന്നതിലൂടെ ഇറച്ചി, മുട്ട, പാല്, പച്ചക്കറികള് എന്നിവയില് നിന്നു രോഗം ഉണ്ടാകുന്നതും പടരുന്നതും തടയും.
* ശുദ്ധമായ കുടിവെള്ളം, മാലിന്യ സംസ്കരണം, ജലാശയങ്ങളുടെയും കുടിവെള്ള സ്രോതസുകളുടെയും വൃത്തിയാക്കല് എന്നിവയും രോഗപ്രതിരോധത്തില് പ്രധാനമാണ്.
* മൃഗങ്ങളുമായി ഇടപഴകൂകയോ അവയുടെ സമീപത്ത് പോകുകയോ ചെയ്തിട്ടുണ്ടങ്കില് കൈകള് സോപ്പും വെള്ളവും ഉപയോഗിച്ച് കഴുകണം.
* സോപ്പും വെള്ളവും ലഭ്യമല്ലെങ്കില് ആല്ക്കഹോള് അടങ്ങിയ സാനിറ്റൈസര് ഉപയോഗിച്ച് കൈകള് വൃത്തിയാക്കുക
* എലിപ്പനിയ്ക്കെതിരെ പ്രതിരോധ ഗുളികയായ ഡോക്സിസൈക്ലിന് കഴിക്കുക.
* പട്ടിയോ പൂച്ചയോ മറ്റ് മൃഗങ്ങളോ കടിക്കുകയോ മാന്തുകയോ ചെയ്താല് പേവിഷബാധയ്ക്ക് എതിരെയുള്ള വാക്സിന് എടുക്കണം.
* കൊതുക്, ചെള്ള്, പ്രാണികള് തുടങ്ങിയവയുടെ കടി ഒഴിവാക്കുക.
* ഭക്ഷണം സുരക്ഷിതമായി കൈകാര്യം ചെയ്യുക. നന്നായി വേവിച്ചു മാത്രം കഴിക്കുക.
വിവരങ്ങൾക്കു കടപ്പാട്: നാഷണൽ ഹെൽത്ത് മിഷൻ,
ആരോഗ്യ കേരളം & സംസ്ഥാന ആരോഗ്യ വകുപ്പ്.
Family Health
കൈപ്പത്തിയിലും വിരലുകളിലും തരിപ്പ് ഉണ്ടാകുന്ന ഒരു രോഗമാണ് കാർപൽ ടണൽ സിൻ ഡ്രോം(Carpal Tunnel Syndrome). കൂലിപ്പണിക്കാർ മുതൽ ഉദ്യോഗസ്ഥർക്കും, വീട്ടമ്മമാർക്കും വരെ ഉണ്ടായേക്കാവുന്ന ഒരു രോഗം.
കാർപൽ ടണൽ സിൻഡ്രോം
കൈപ്പത്തിയ്ക്കും, വിരലുകൾക്കും സ്പർശനശേഷി നൽകുന്ന പ്രധാന ഞരമ്പിനെ മീഡിയൻ നെർവ് എന്ന് പറയുന്നു. ഈ ഞരമ്പ് കൈത്തണ്ടയിലൂടെ കൈപ്പത്തിയിലേക്ക് പോകുന്ന വഴിയാണ് കാർപൽ ടണൽ. ഈ ടണലിനുള്ളിൽ വച്ച് ഞരമ്പ് അമർന്നു പോകുമ്പോൾ ആ വ്യക്തിക്ക് കാർപൽ ടണൽ സിൻഡ്രോം എന്ന അസുഖം ഉണ്ടാകുന്നു.
എങ്ങനെ തിരിച്ചറിയാം ?
കൈപ്പത്തിയിൽ തരിപ്പ് വരിക എന്നതാണ് പ്രധാന പ്രശ്നം. സ്പർശനശേഷി കുറവ്, വേദന, പെരുപ്പ്, കഴപ്പ്, ബലക്ഷയം എന്നിങ്ങനെയും കാണാം. ഇത് രാത്രി സമയങ്ങളിലാണ് കൂടുതൽ കാണുക. ഈ അസുഖം പുരോഗമിക്കുന്തോറും കയ്യിലെ ചെറിയ പേശികൾ ക്ഷയിച്ചു പോവുകയും, കൈപ്പത്തിയിൽ പൊങ്ങിനിൽക്കുന്ന ഭാഗങ്ങൾ പരന്ന് പോവുകയും ചെയ്യും. ചിലപ്പോൾ ഈ വേദന കൈപ്പത്തിയിൽ നിന്ന് മുകളിലോട്ട് പോകുന്നതും കാണാറുണ്ട്. ഒരേ സമയം രണ്ടു കൈകളിലും വന്നെന്നും വരാം. ഈ തരിപ്പ് മൂലം രോഗികൾ തിരുമ്മുന്നതും കൈ കുടയുന്നതും കാണാം.
കാരണങ്ങൾ എന്തൊക്കെ ?
ഈ രോഗം സ്ത്രീകളിൽ കൂടുതലായി കാണപ്പെടുന്നു. കൂടുതൽ രോഗികളിലും ഇതിന് പ്രത്യേകിച്ച് ഒരു കാരണവും കണ്ടെത്താനാവില്ല. ഡയബറ്റിസ് കിഡ്നി രോഗം, തൈറോയ്ഡ് ഗ്രന്ഥിയിലെ രോഗങ്ങൾ, റുമാറ്റിക് ആർത്രൈറ്റിസ്, ഗർഭിണികൾ, വൈബ്രേറ്റർ മിഷ്യൻ ഉപയോഗിക്കുന്നവർ ചില പ്രത്യേക ജോലികൾ തുടർച്ചയായി ചെയ്യുന്നവർ ടൈപ്പിംഗ് എന്നിങ്ങനെ ഉള്ളവർക്ക് ഈ രോഗം കാണാറുണ്ട് .
എങ്ങനെ ബാധിക്കുന്നു ?
വീട്ടമ്മമാർക്കും, ഉദ്യോഗസ്ഥർക്കും ഒരുപോലെ ദൈനംദിന കാര്യങ്ങളും ജോലികളും മറ്റും ചെയ്യാൻ ഈ തരിപ്പ് ഒരു തടസമാകുന്നു. ഡ്രൈവിങ്ങിനെയും, എഴുത്തിനെയും, രാത്രിയിലെ ഉറക്കത്തെയും ബാധിക്കുന്നു.
നിങ്ങൾ ചെയ്യേണ്ടത് എന്ത് ?
നിങ്ങൾ ഒരു ഹാൻഡ് സർജനെയോ, പ്ലാസ്റ്റിക് സർജനെയോ സമീപിക്കുക. ആ വ്യക്തി നിങ്ങളുടെ കൈ പരിശോധിച്ച് ടെസ്റ്റുകൾ നിർദ്ദേശിക്കും. Nerve Conduction Study, Ultrasound എന്നീ പരിശോധനയിലൂടെ ഇത് ഏറെക്കുറെ തിരിച്ചറിയാവുന്നതാണ്.
എന്താണു ചികിത്സ ?
അസുഖത്തിന്റെ കാഠിന്യം എത്രമാത്രമുണ്ട് എന്നതനുസരിച്ചാണ് ചികിത്സ തീരുമാനിക്കുന്നത്. ശസ്ത്രക്രിയ ആണ് പ്രധാന ചികിത്സ. കയ്യിൽ സ്പ്ളിന്റ് (splint) ഇടുക, കയ്യിൽ സ്റ്റിറോയ്ഡ് ഇഞ്ചക്ഷൻ എടുക്കുക തുടങ്ങിയവയും ഉണ്ട്. കാർപൽ ടണൽ സിൻഡ്രോമിന്റെ ശസ്ത്രക്രിയ, കൈത്തണ്ടയിലുണ്ടാക്കുന്ന ഒരു ചെറിയ മുറിവിലൂടെ ചെയ്യുന്ന സുരക്ഷിതമായ ഒന്നാണ്. കാർപ്പൽ ടണൽ റിലീസ് എന്നാണ് പറയുക. മൊത്തത്തിൽ മയക്കാതെ തന്നെ ഈ ശസ്ത്രക്രിയ ചെയ്യാൻ സാധിക്കും.
എന്താണ് ഇതിന്റെ പ്രാധാന്യം ?
സമയബന്ധിതമായ ചികിൽസയും , ശസ്ത്രക്രിയയും വേദന മാറ്റുവാൻ എന്ന് മാത്രമല്ല ഈ അസുഖം കൂടുതൽ വഷളാകാതിരിക്കാനും ആവശ്യമാണ്. കൈപ്പത്തിയിലെ ചെറിയ പേശികൾ ക്ഷയിച്ചു പോയിക്കഴിഞ്ഞാൽ പിന്നെ അത് ശസ്ത്രക്രിയയിലൂടെ പരിഹരിക്കാൻ ബുദ്ധിമുട്ടാണ്. അതിനാൽ മേൽപ്പറഞ്ഞ ബുദ്ധിമുട്ടുകൾ നിങ്ങൾക്കുണ്ടെങ്കിൽ ഒരു ഹാൻഡ് സർജനെയോ പ്ലാസ്റ്റിക് സർജനെയോ സമീപിക്കുക.
വിവരങ്ങൾക്കു കടപ്പാട്:
ഡോ. ലിഷ എൻ.പി.
പ്ലാസ്റ്റിക് ആൻഡ് റീകൺസ്ട്രക്ടീവ്
സർജൻ, എസ്യുറ്റി ഹോസ്പിറ്റൽ,
തിരുവനന്തപുരം.
Family Health
പലപ്പോഴും ഉയർന്ന അളവിൽ ഉപ്പ് നാം ശീലിക്കുന്നതാണ്. ചോറിനൊപ്പം ഉപ്പ്, ചോറു വാർക്കുന്പോൾ ഉപ്പ്... എന്നിങ്ങനെ ഉപ്പിന്റെ ഉപയോഗം വർഷങ്ങളായി പലരും ശീലിക്കുന്നതാണ്. ചിപ്സ്, കോണ്ഫ്ളേക്സ് തുടങ്ങിയവയിലും ഉപ്പ് ധാരാളം. അച്ചാറിലും മറ്റും പ്രിസർവേറ്റീവ് ആയും ധാരാളം ഉപ്പ് ചേർക്കുന്നുണ്ട്. പ്രോസസ്ഡ് ഫുഡ്സിൽ(സംസ്കരിച്ചു പായ്ക്ക് ചെയ്ത) ഉപ്പ് ധാരാളമായി അടങ്ങിയിരിക്കുന്നു. ചിപ്സ്, പപ്പടം എന്നിവയിൽ നിന്നെല്ലാം ധാരാളം ഉപ്പ് ശരീരത്തിനു കിട്ടുന്നുണ്ട്.
ലോകാരോഗ്യസംഘടന പറയുന്നതു പ്രകാരം ഒരു ടീ സ്പൂണ് ഉപ്പുമാത്രമാണ് ഒരാൾക്കു ദിവസം ആവശ്യമുള്ളത്. അതായത് അഞ്ച് ഗ്രാം. ഒരു സ്പൂണ് ഉപ്പിൽ നിന്ന് 2.3 ഗ്രാം സോഡിയം ശരീരത്തിനു ലഭ്യമാകും. ഒരു വയസുള്ള കുട്ടിക്ക് ദിവസം ഒരു ഗ്രാം ഉപ്പു മതി. 2- 3 വയസാകുന്പോൾ രണ്ടു ഗ്രാം ഉപ്പ്. 6-7 വയസാകുന്പോൾ മൂന്നു ഗ്രാം ഉപ്പ്. കൗമാരപ്രായം മുതൽ അഞ്ചുഗ്രാം ഉപ്പ്.
നന്നായി അദ്ധ്വാനിച്ചു വിയർക്കുന്നവർക്കുപോലും ദിവസവും ആറു ഗ്രാമിൽ താഴെ ഉപ്പു മതി. അത് ലറ്റുകൾ, കായികതാരങ്ങൾ എന്നിവർക്ക് ഉപ്പ് കുറച്ചുകൂടി ആകാം; അവർ ധാരാളം വിയർക്കുന്നവരാണ്. വിഭവങ്ങൾ തയാറാക്കു ന്പോൾ ഉപ്പ് മിതമായി ഉപയോഗിക്കുന്നതിൽ തെറ്റില്ല. എന്നാൽ ഉപ്പ് കൂടുതലായി ഉപയോഗിക്കുന്നവർ അതു കുറയ്ക്കണം.
ഉപ്പുചേർത്തു വറുത്ത വിഭവങ്ങൾ കുറയ്ക്കണം
എരിവും പുളിയും ഉപ്പും എണ്ണയും ധാരാളമുള്ള സ്നാക്സ്, ചിപ്സ് എന്നിവയുടെ ഉപയോഗം കുറയ്ക്കണം. ഉപ്പു ചേർത്തു വറുത്ത വിഭവങ്ങളുടെ ഉപയോഗം കുറയ്ക്കണം. അത്തരം വിഭവങ്ങൾ പതിവായി കഴിക്കരുത്. ഉപ്പു ചേർത്തു വറുത്ത നിലക്കടല, കടല എന്നിവ ദിവസവും കഴിക്കരുത്.
പാകം ചെയ്യുന്പോൾ മിതമായി ചേർക്കുന്നതിനു പുറമേ...
പാകം ചെയ്യുന്പോൾ മിതമായി ചേർക്കുന്നതിനു പുറമേ വിളന്പുന്പോൾ കൂടുതൽ അളവിൽ ഉപ്പു ചേർത്തു കഴിക്കരുത്.
തൈരിലും സാലഡിലും....
തൈര്, സാലഡ് എന്നിവ കഴിക്കുന്പോൾ രുചിക്കുവേണ്ടി പലരും ധാരാളം ഉപ്പു ചേർത്തു കഴിക്കാറുണ്ട്. സാലഡിൽ ഉപ്പിനു പകരം നാരങ്ങാനീര്, വിനാഗിരി എന്നിവയിൽ ഏതെങ്കിലുമൊന്നു ചേർത്താലും രുചികരമാക്കാം. അത്തരത്തിൽ പ്രത്യേകമായി ഉപ്പു ചേർത്തു കഴിക്കുന്ന രീതി ഒഴിവാക്കുക.
ഉണക്കമീൻ ശീലമാക്കരുത്
ഉണക്കമീൻ പതിവായി കഴിക്കുന്നവരുടെ ആമാശയത്തിൽ കാൻസറിനു മുന്നോടിയായുള്ള ലക്ഷണങ്ങൾ കണ്ടുവരാറുണ്ട്. ഉണക്കമീനിൽ ഉപ്പിന്റെ അംശം കൂടുതലാണ്. അതിനാൽ ഉണക്കമീൻ (ഡ്രൈ ഫിഷ്) പതിവായി കഴിക്കരുത്.
വിവരങ്ങൾക്കു കടപ്പാട്: ഡോ. അനിതമോഹൻ
ക്ലിനിക്കൽ ന്യുട്രീഷനിസ്റ്റ് & ഡയറ്റ് കണ്സൾട്ടന്റ്
Family Health
കൂടുതൽ ജോലി ചെയ്യുമ്പോൾ കഴുത്തിലെ പേശികളിൽ വലിഞ്ഞുമുറുക്കം തോന്നാറുണ്ടോ? രാവിലെ ഉണർന്ന് എഴുന്നേൽക്കുമ്പോൾ കഴുത്തിൽ പിടിത്തവും വേദനയും അനുഭവപ്പെടാറുണ്ടോ? ഏതെങ്കിലും അപകടത്തിൽ കഴുത്തിൽ പരിക്ക് പറ്റിയിട്ടുണ്ടോ? എങ്കിൽ ശ്രദ്ധിക്കുക! ഇതാണ് 'സ്പോണ്ടിലോസിസ്'.
ഭയപ്പെടേണ്ട കാര്യമൊന്നുമില്ല. ഈ വേദനയുമായി ജീവിതകാലം മുഴുവനും കഴിയേണ്ടി വരികയും ഇല്ല. പുതിയ അറിവുകൾ അനുസരിച്ചുള്ള ചികിത്സ വളരെ ലളിതമാണ്. ഒപ്പം ഫലപ്രദവും.
നട്ടെല്ലിലെ കശേരുക്കൾ, ഡിസ്കുകൾ എന്നിവയുടെ ധർമങ്ങളിൽ ഉണ്ടാകുന്ന കുറവുകളുടെ ഫലമായിട്ടാണ് കഴുത്തിനു പിന്നിൽ വേദന ഉണ്ടാകുന്നത്. ഈ വേദന വരുന്നതുവരെ ആരും കഴുത്തിനെക്കുറിച്ചോ കഴുത്തിൽ ഉണ്ടാകാൻ സാധ്യതയുള്ള വേദനയെക്കുറിച്ചോ ആലോചിക്കാറില്ല. ആഭരണങ്ങൾ ധരിക്കാൻ മാത്രം ഉപയോഗിക്കുന്ന ഒരു സ്ഥലം മാത്രമായാണ് കഴുത്തിനെ എല്ലവരും കണക്കാക്കാറുള്ളത്.
ശരിയല്ലാത്ത പൊസിഷനിൽ ഉള്ള ഇരിപ്പും കിടപ്പും, പൊണ്ണത്തടി, മാനസിക സംഘർഷം, അപകടങ്ങൾ എന്നീ ഘടകങ്ങളാണ് ഇതിന്റെ ശരിയായ കാരണങ്ങൾ.
കമ്പ്യൂട്ടറിനു മുന്നിൽ മണിക്കൂറുകൾ മുന്നോട്ടുവളഞ്ഞ് ഒരേ ഇരിപ്പ് ഇരിക്കുന്നത് ഈ കാലഘട്ടത്തിൽ സ്പോണ്ടിലോസിസ് കൂടുതൽ പേരിൽ കാണാൻ കഴിയുന്നതിന് ഒരു കാരണമാണ്.
നട്ടെല്ലിൽ ഏറ്റവും കൂടുതൽ ചലനങ്ങൾ ഉണ്ടാകുന്ന ഭാഗമാണു കഴുത്ത്. കൂടാതെ തല താങ്ങിനിർത്തുന്നതും കഴുത്താണ്. പ്രായം കൂടുന്നതിന്റെ ഭാഗമായി നട്ടെല്ലിൽ സംഭവിക്കുന്ന മാറ്റങ്ങളാണ് സെർവിക്കൽ സ്പോണ്ടിലോസിസിനും കാരണമാകുന്നത്.
ആദ്യമായി അനുഭവപ്പെടുന്ന രോഗലക്ഷണം കഴുത്തിൽ ഉണ്ടാകുന്ന ഒരു തരം വലിഞ്ഞുമുറുക്കം ആയിരിക്കും. പിന്നെ വേദന ഉണ്ടാകും. രോഗത്തിന്റെ പൂർണ ലക്ഷണം എന്നത് കഴുത്തിലെ പേശികളിൽ ഉണ്ടാകുന്ന വലിഞ്ഞുമുറുക്കവും വേദനയുമാണ്. പിന്നീട് അത് മിന്നൽ പോലുള്ള വേദനയും കൈയിലേക്കു വ്യാപിയ്ക്കുന്ന കഴപ്പും മരവിപ്പുമാകും. ഈ കഴപ്പും വേദനയും മരവിപ്പുമെല്ലാം കൂടുതൽ പേരിലും ഏതെങ്കിലും ഒരു വശത്തായിരിക്കും അനുഭവപ്പെടുക.
ക്രമേണ കഴപ്പും വേദനയും മരവിപ്പും അനുഭവപ്പെടുന്ന കൈയിലെ വിരലുകൾക്ക് ശേഷി കുറയുന്നപോലെ തോന്നും. ഒപ്പം തലവേദന, തലയ്ക്ക് ഭാരം എന്നിവയും കണ്ടെന്നു വരാം.
പ്രായം കൂടുന്നതിന്റെ ഭാഗമായി അസ്ഥിസന്ധികളുടെ ധർമങ്ങൾ ക്ഷയിക്കുന്നതിന്റെ ഫലമായാണ് ഇതുണ്ടാകുന്നത്. നീർക്കെട്ടും കൂടിയാകുമ്പോൾ ഗുരുതരമാകുകയും ചെയ്യുന്ന സ്പോണ്ടിലോസിസ് അടക്കമുള്ള സന്ധിവാത രോഗങ്ങൾ പുതിയ അറിവുകൾ പ്രകാരം ചികിത്സിച്ചാൽ വളരെ വേഗം സൗഖ്യം ലഭിക്കും.
വിവരങ്ങൾക്കു കടപ്പാട്:
ഡോ. എം. പി. മണി
തൂലിക, കൂനത്തറ, ഷൊറണൂർ
ഫോൺ - 9846073393
Family Health
പകർച്ചാസാധ്യത വളരെ കൂടുതലുള്ള ഷിഗെല്ല, ബാക്ടീരിയ പരത്തുന്ന വയറിളക്ക രോഗമാണ്. രോഗസാധ്യത ഒഴിവാക്കുകയാണു പ്രധാനം. രോഗികൾ വ്യക്തിശുചിത്വം പാലിച്ചാൽ മറ്റുള്ളവരിലേക്ക് രോഗം പകരുന്നത് തടയാൻ കഴിയും.
* വീടുകളിൽ ആഹാര, പാനീയ ശുചിത്വവും പരിസര ശുചിത്വവും ഉറപ്പാക്കുക
* കിണർ /പൈപ്പ് /ആർഒ പ്ലാന്റ് തുടങ്ങി എവിടെ നിന്നുള്ള വെള്ളമാണെങ്കിലും 15 മിനിറ്റ് നേരം തിളപ്പിച്ചാറിച്ച ശേഷം കുടിക്കുക
* പാചകത്തിനും പാത്രങ്ങൾ കഴുകുന്നതിനുമുള്ള വെള്ളം ക്ലോറിൻ ടാബ്ലറ്റ് ഉപയോഗിച്ച് ശുദ്ധീകരിക്കുക
* പാകം ചെയ്യുന്നതിനു മുമ്പും ഭക്ഷണം വിളമ്പുന്നതിനു മുമ്പും ആഹാരം കഴിക്കുന്നതിനുമുമ്പും കൈകൾ സോപ്പ് ഉപയോഗിച്ച് കഴുകുക
*പഴങ്ങളും പച്ചക്കറികളും ശുദ്ധജലത്തിൽ കഴുകിയ ശേഷം ഉപയോഗിക്കുക.
* മുട്ട, കക്ക, കൊഞ്ച്, കണവ പോലെയുള്ള കടൽവിഭവങ്ങൾ, മാംസം
എന്നിവ സമയം എടുത്ത് നന്നായി പാകം ചെയ്ത ശേഷം കഴിക്കുക.
* പഴകിയ ഭക്ഷണം കഴിക്കരുത്
* ചൂടുള്ള ഭക്ഷണങ്ങളും പാനീയങ്ങളും ഉപയോഗിക്കുക
* പാനീയങ്ങൾ തയാറാക്കുമ്പോഴും തിളപ്പിച്ചാറിയ വെള്ളം മാത്രം ഉപയോഗിക്കുക, തിളപ്പിക്കാത്ത പാൽ ഉപയോഗിച്ചുള്ള യാതൊരു പാനീയങ്ങളും ഉപയോഗിക്കരുത്.
* വീട്ടിലെ കുഞ്ഞുങ്ങൾ, വയോജനങ്ങൾ എന്നിവർക്ക് ഭക്ഷണം നൽകുന്ന കാര്യത്തിൽ വൃത്തി കൃത്യമായി ഉറപ്പാക്കുക
* അടുക്കളയിലും ഭക്ഷണം കഴിക്കുന്നയിടത്തും ഈച്ച വരാതെ സൂക്ഷിക്കുക.
* മലവിസർജനം ടോയ്ലറ്റിൽ മാത്രം നടത്തുക. കുഞ്ഞുങ്ങളുടെ വിസർജ്യവും ടോയ്ലറ്റിൽ നിക്ഷേപിക്കുക
* കുഞ്ഞുങ്ങളുടെ/ കിടപ്പുരോഗികളുടെ ഡയപ്പറുകൾ കൃത്യമായി സംസ്കരിക്കുക
* കഴിയുന്നതും വീട്ടിൽ തയാറാക്കുന്ന ഭക്ഷണം കഴിക്കുക
ആഹാര, പാനീയ വിതരണശാലകൾക്കുള്ള
നിർദേശങ്ങൾ
* പാചക ജോലി ചെയ്യുന്നവർക്ക് ഹെൽത്ത് കാർഡ് ഉണ്ടായിരിക്കണം
* ക്ലോറിൻ ടാബ് ലെറ്റ് ഉപയോഗിച്ച് ശുദ്ധീകരിച്ച വെള്ളം ഉപയോഗിക്കുക.
* മുട്ട, മാംസം എന്നിവ ഭാഗികമായി മാത്രം പാകം ചെയ്ത് തയ്യാറാക്കുന്ന ഭക്ഷണങ്ങൾ, തിളപ്പിക്കാത്ത പാൽ ഉപയോഗിച്ചുള്ള പാനീയങ്ങൾ എന്നിവ രോഗപ്പകർച്ചയുടെ കാലത്ത് വിതരണം ചെയ്യരുത്.
* പാത്രങ്ങൾ സോപ്പ് ഉപയോഗിച്ച് ശുദ്ധജലത്തിൽ കഴിക്കുക.
* ഈച്ച വരാത്ത വിധം അടുക്കളയും ഭക്ഷണം വിതരണം ചെയ്യുന്ന ഇടവും വൃത്തിയായി സൂക്ഷിക്കുക.
ഭക്ഷണ പാനീയങ്ങൾ മൂടി സൂക്ഷിക്കുക.
* കൈ കഴുകുന്നതിന് സോപ്പ് / ലിക്വിഡ് സോപ്പ് എന്നിവ ഉപയോഗിക്കണം.
* വ്യാവസായിക ആവശ്യത്തിന് ഉപയോഗിക്കുന്ന ഐസ് ഭക്ഷണപാനീയങ്ങളിൽ ഉപയോഗിക്കരുത്.
* ഭക്ഷണം/വെള്ളം ഇവയുടെ സാമ്പിൾ പരിശോധന സ്ഥാപനത്തിന്റെ ശുചിത്വ പരിശോധന തുടങ്ങിയവയുമായി സ്ഥാപന ഉടമകൾ സഹകരിക്കുക. രോഗപ്പകർച്ചയ്ക്ക് ഇടയാക്കുന്ന വിധം ആഹാര പാനീയങ്ങൾ വിതരണം ചെയ്യുന്നത് പൊതുജനാരോഗ്യ നിയമം 2023 പ്രകാരം ശിക്ഷാർഹമാണ്.
വിവരങ്ങൾക്കു കടപ്പാട്: സംസ്ഥാന ആരോഗ്യ കുടുംബക്ഷേമ വകുപ്പ്,
ആരോഗ്യ കേരളം & നാഷണൽ ഹെൽത്ത് മിഷൻ
Family Health
പകർച്ചസാധ്യത വളരെ കൂടുതലുള്ള ഷിഗെല്ല, ബാക്ടീരിയ പരത്തുന്ന വയറിളക്ക രോഗമാണ്. രോഗിയുടെ മലവിസർജ്യത്തിലൂടെ പുറത്തുവരുന്ന രോഗാണുക്കളാൽ മലിനമായ ആഹാരം, വെള്ളം, രോഗാണുക്കൾ ഉള്ള പ്രതലങ്ങൾ, രോഗി പരിചരണം എന്നിവയിലൂടെ ഒരാളിൽ നിന്നും മറ്റൊരാളിലേക്ക് പകരുന്നു.
രോഗലക്ഷണങ്ങൾ
രോഗാണു ബാധയുണ്ടായി ഒന്ന് രണ്ട് ദിവസത്തിനുള്ളിൽ ലക്ഷണങ്ങൾ ആരംഭിക്കുന്നു. പനി, വയറിളക്കം, ഛർദിൽ, മനംപിരട്ടൽ, രക്തം കലർന്ന മലം , വേദനയോടെ ഇടവിട്ട് ടോയ്ലറ്റിൽ പോകണമെന്ന തോന്നൽ തുടങ്ങിയവ ലക്ഷണങ്ങളാണ്.
ലക്ഷണങ്ങൾ ഉണ്ടായാൽ എത്രയും പെട്ടെന്ന് ചികിത്സ തേടുക. രോഗമുള്ളവരിൽ ശരീരത്തിലെ ലവണങ്ങൾ നഷ്ടപ്പെടുന്നതും ജലനഷ്ടവും പരിഹരിക്കുന്നതിന് ഒആർഎസ് (ORS) പാനീയം ഇടയ്ക്കിടെ കുടിക്കുക. സർക്കാർ ആശുപത്രികളിൽ നിന്നും അങ്കണവാടികളിൽ നിന്നും ലഭിക്കുന്ന ഒആർഎസ് പാക്കറ്റിലെ മിശ്രിതം ഒരു ലിറ്റർ തിളപ്പിച്ചാറിയ വെള്ളത്തിൽ പൂർണമായി ലയിപ്പിച്ചശേഷം ഉപയോഗിക്കുക. തയാറാക്കി 24 മണിക്കൂർ കഴിഞ്ഞ പാനീയം ഉപയോഗിക്കരുത്. മരുന്നുകൾ നിർദേശിക്കുന്ന ക്രമത്തിൽ ഡോസ് പൂർത്തിയാക്കി കഴിക്കുക.
സോപ്പ് പുരട്ടി കൈ കഴുകാം
ആഹാര പാനീയ ശുചിത്വം, വ്യക്തി ശുചിത്വം, പരിസര ശുചിത്വം എന്നിവ പാലിച്ച് രോഗപ്രതിരോധം ഉറപ്പാക്കുക. പാകം ചെയ്യുന്നതിന് മുമ്പ്, ആഹാരം വിളമ്പുന്നതിനുമുമ്പ് , ആഹാരം കഴിക്കുന്നതിനു മുമ്പ് ശുചിമുറി ഉപയോഗിച്ച ശേഷം തുടങ്ങിയ അവസരങ്ങളിലും കൈകൾ മലിനമാകാൻ ഇടയുള്ള എല്ലാ സാഹചര്യങ്ങളിലും സോപ്പ് ഉപയോഗിച്ച് 20 സെക്കൻഡ് സമയം വിരലുകൾക്കിടയിലും നഖങ്ങൾ തമ്മിൽ ഉരച്ചും വൃത്തിയായി കഴുകാൻ ശ്രദ്ധിക്കുക.
രോഗികൾ ശ്രദ്ധിക്കുക
*രോഗികൾ വ്യക്തിശുചിത്വം പാലിച്ചാൽ മറ്റുള്ളവരിലേക്ക് രോഗം പകരുന്നത് തടയാൻ കഴിയും.
* ടോയ്ലറ്റിൽ പോയ ശേഷം എല്ലായ്പ്പോഴും സോപ്പ് ഉപയോഗിച്ച് കൈകൾ കഴുകുക. കൈ കഴുകുമ്പോൾ വിരലുകൾക്കിടയിലും നഖങ്ങൾ ഉരച്ചും കഴുകാൻ ശ്രദ്ധ വേണം.
* ഉപയോഗശേഷം ടോയ്ലറ്റ് അണുനാശിനി ഉപയോഗിച്ച് കഴുകുക.
* വീടിനുള്ളിൽ ഛർദ്ദിൽ നിലത്ത് വീണാൽ അണുനാശിനി ഉപയോഗിച്ച് തേച്ചു കഴുകി വൃത്തിയാക്കുക.
* ധരിക്കുന്ന വസ്ത്രങ്ങളുടെ പ്രത്യേകിച്ച് അടിവസ്ത്രങ്ങളുടെ വൃത്തി, കിടക്ക വിരിയുടെ വൃത്തി എന്നിവ ഉറപ്പാക്കുക.
* അസുഖം പിടിപെട്ടവർ ഭക്ഷണം കഴിക്കുന്ന പാത്രങ്ങൾ, ഗ്ലാസ് എന്നിവ സോപ്പ് ഉപയോഗിച്ച് കഴുകുക.മറ്റുള്ളവർ ഇവ ഉപയോഗിക്കരുത്.
* നഖങ്ങൾ അഴുക്കിരിക്കാതെ വെട്ടി സൂക്ഷിക്കുക.
* രോഗലക്ഷണങ്ങൾ കുറഞ്ഞാലും രണ്ടാഴ്ച എങ്കിലും പൊതുചടങ്ങുകളിൽ ഭക്ഷണം വിളമ്പുക, ആഹാരം പങ്കിടുക, ഭക്ഷണ ശാലകളിൽ പോകുക എന്നിവ ഒഴിവാക്കുക.
* രോഗലക്ഷണങ്ങൾ കുറയാത്ത പക്ഷം ഡോക്ടറുടെ നിർദേശം സ്വീകരിക്കണം.
വിവരങ്ങൾക്കു കടപ്പാട്: സംസ്ഥാന ആരോഗ്യ കുടുംബക്ഷേമ വകുപ്പ്,
ആരോഗ്യ കേരളം & നാഷണൽ ഹെൽത്ത് മിഷൻ
Family Health
പവിഴപ്പുറ്റുകളോടു (Coral Reefs) ബന്ധപ്പെട്ട സമുദ്ര ആവാസവ്യവസ്ഥയിൽ കാണപ്പെടുന്ന ചില വലിയ മത്സ്യങ്ങളിൽ മറൈൻ ടോക്സിനുകൾ അടിഞ്ഞു കൂടാൻ സാധ്യതയുണ്ട്. ഇവയിൽ പ്രധാനപ്പെട്ട ഒന്നാണ് സിഗുവാടോക്സിൻ (Ciguatoxin).
ചെമ്പല്ലി (Red Snapper), ശീലാവ് (Barracuda), റീഫ് കോഡ് / ഗ്രൂപ്പർ (Grouper), ട്രെവല്ലി (Trevally) തുടങ്ങിയ ചില വലിയ മത്സ്യങ്ങളിൽ ഇത്തരം വിഷാംശങ്ങളുടെ സാന്നിധ്യം റിപ്പോർട്ട് ചെയ്യപ്പെട്ടിട്ടുണ്ട്.
ശ്രദ്ധിക്കേണ്ട കാര്യം, ഈ വിഷാംശങ്ങൾ മത്സ്യത്തിന്റെ നിറത്തിലോ മണത്തിലോ രുചിയിലോ മാറ്റം വരുത്തണമെന്നില്ല. സാധാരണ പാചകരീതികളിലൂടെയും ഇവ നശിക്കണമെന്നില്ല. അതുകൊണ്ട് മത്സ്യം വാങ്ങുമ്പോഴും ഭക്ഷിക്കുമ്പോഴും ശ്രദ്ധ പുലർത്താം.
വിശ്വസനീയമായ ഉറവിടങ്ങളിൽ നിന്ന് മാത്രം മത്സ്യം വാങ്ങുക. സംശയാസ്പദമായ മത്സ്യങ്ങൾ ഭക്ഷിക്കുന്നത് ഒഴിവാക്കുക.
കടൽവിഭവങ്ങൾ കഴിക്കുമ്പോൾ
അൽപം ശ്രദ്ധിക്കാം
കടലിലെ ചില സൂക്ഷ്മ ആൽഗകൾ (പായലുകൾ) ഉൽപ്പാദിപ്പിക്കുന്ന പ്രകൃതിദത്ത വിഷങ്ങളാണ് മറൈൻ ബയോ ടോക്സിനുകൾ. ഈ വിഷാംശങ്ങൾ ഭക്ഷ്യശൃംഖലയിലൂടെ ചില മത്സ്യങ്ങളിലേക്കും കടൽവിഭവങ്ങളിലേക്കും എത്താം.
വിഷാംശം അടങ്ങിയ ചെറുമത്സ്യങ്ങളെ വലിയ മത്സ്യങ്ങൾ ഭക്ഷിക്കുമ്പോൾ അവയുടെ ശരീരത്തിലും വിഷാംശം അടിഞ്ഞുകൂടാൻ സാധ്യതയുണ്ട്.
കടൽവിഭവങ്ങൾ ഒഴിവാക്കേണ്ടതില്ല; മറിച്ച്, അവയെക്കുറിച്ചുള്ള ശരിയായ അറിവും ഭക്ഷ്യസുരക്ഷാ മുൻകരുതലുകളും പാലിക്കുകയാണ് പ്രധാനം
സുരക്ഷിതവും ശുചിത്വമുള്ളതുമായ ഭക്ഷണം ഉറപ്പാക്കാൻ ഭക്ഷ്യസുരക്ഷാ വകുപ്പ് ജാഗ്രതയോടെ ഒപ്പമുണ്ട്. പരാതികൾ അറിയിക്കാം:
ഫുഡ് സേഫ്റ്റി ടോൾ ഫ്രീ നമ്പർ - 1800 425 1125.
വിവരങ്ങൾ- ഫുഡ് സേഫ്റ്റി കേരള, സംസ്ഥാന സർക്കാർ
Family Health
ഭക്ഷണ ലേബലിൽ മാൾട്ടോഡെക്സ്ട്രിൻ എന്നു കണ്ടിട്ടുണ്ടോ? നമ്മൾ ദിവസവും കഴിക്കുന്ന പല പാക്കറ്റ് ഭക്ഷണങ്ങളിലും കാണപ്പെടുന്ന ഒരു ഘടകമാണ് മാൾട്ടോഡെക്സ്ട്രിൻ. ചോളം, അരി, ഉരുളക്കിഴങ്ങ്, മരച്ചീനി തുടങ്ങിയവയിലെ അന്നജത്തിൽ നിന്നാണ് ഇത് നിർമിക്കുന്നത്.
എന്തിനാണ് ഭക്ഷണത്തിൽ ഇത് ചേർക്കുന്നത്?
* ഭക്ഷണത്തിന് കട്ടിയും മൃദുത്വവും നൽകാൻ
* ഉൽപ്പന്നത്തിന്റെ ഷെൽഫ് ലൈഫ് കൂട്ടാൻ
* രുചി സന്തുലിതമാക്കാൻ
മാൾട്ടോഡെക്സ്ട്രിൻ ഒഴിവാക്കണോ?
മാൾട്ടോഡെക്സ്ട്രിൻ രക്തത്തിലെ ഗ്ലൂക്കോസിന്റെ അളവ് വേഗത്തിൽ ഉയർത്താൻ ഇടയാക്കും. എന്നാൽ അതിന്റെ സ്വാധീനം കഴിക്കുന്ന അളവ്, എത്ര തവണ കഴിക്കുന്നു, ഭക്ഷണത്തിന്റെ മൊത്തത്തിലുള്ള ഘടന എന്നിവയെ ആശ്രയിച്ചിരിക്കും.
ലേബൽ വായിക്കുമ്പോൾ ശ്രദ്ധിക്കാം!
ഒരു ഉൽപ്പന്നത്തിൽ “പഞ്ചസാര ചേർത്തിട്ടില്ല” എന്ന് എഴുതിയിട്ടുണ്ടെങ്കിലും അതിൽ മാൾട്ടോഡെക്സ്ട്രിൻ ഉണ്ടാകാം. അതുകൊണ്ട്, പഞ്ചസാരയുടെ അളവോ കലോറി ഉപഭോഗമോ നിയന്ത്രിക്കുന്നവർ ഭക്ഷണത്തിന്റെ ചേരുവകളുടെ പട്ടിക കൂടി പരിശോധിക്കുക.
സുരക്ഷിതവും ശുചിത്വമുള്ളതുമായ ഭക്ഷണം ഉറപ്പാക്കാൻ ഭക്ഷ്യസുരക്ഷാ വകുപ്പ് ജാഗ്രതയോടെ ഒപ്പമുണ്ട്. പരാതികൾ അറിയിക്കാം: Food Safety Toll Free – 1800 425 1125
വിവരങ്ങൾ- ഫുഡ് സേഫ്റ്റി കേരള, സംസ്ഥാന സർക്കാർ
Family Health
പോടുവന്ന പല്ലിൽ പഴുപ്പുവരുന്ന അവസ്ഥയ്ക്കാണ് ദന്തൽ ആബ്സസ് -പല്ലിലെ പഴുപ്പ്- എന്നു പറയുന്നത്. പഴുപ്പു വന്ന പല്ലിനെ ആബ്സസ് ടൂത്ത് എന്നു പറയുന്നു. ഇതു വളരെ വേദനയുണ്ടാക്കുന്നതാണ്. രോഗാണുക്കളുടെ ഒരു കോളനി തന്നെ ഈ പഴുപ്പിൽ ഉണ്ടാകും.
പ്രധാനമായും മൂന്നു തരത്തിലാണ് ആബ്സസ്(പഴുപ്പ്).
1. പെരി അപ്പിക്കൽ ആബ്സസ്
2. ജിഞ്ചൈവൽ ആബ്സസ്
3. പെരിയോഡോണ്ഡൽ ആബ്സസ്
പെരിഅപ്പിക്കൽ ആബ്സസ്
പല്ലുകൾക്കുള്ളിലെ ഞരന്പുകളും രക്തക്കുഴലുകളും അടങ്ങുന്ന പൾപ്പ് എന്ന ഭാഗത്തിന് ഉണ്ടാകുന്ന പഴുപ്പ് വേരിന്റെ അടിയിൽ എത്തി ക്ഷതമായി മാറുന്നു. വേരുമായി ബന്ധപ്പെട്ട സ്ഥലത്ത് ഇത് കുമളിച്ചുവരുന്നു. ഇതിനോടൊപ്പം പഴുപ്പ് പൊട്ടി പുറത്തേക്കു വരാം. വേദനയും, നീരുമുണ്ടാവും.
ചികിൽസ:
റൂട്ട് കനാൽ ചികിൽസയ്ക്കുശേഷം ക്യാപ്പിടുന്ന ചികിൽസയും കൂടി ചെയ്താൽ ഈ പ്രശ്നം പരിഹരിക്കാവുന്നതാണ്.
ജിഞ്ചൈവൽ ആബ്സസ് (ഗം ആബ്സസ്)
ഇതിന്റെ തുടക്കം മോണപഴുപ്പിൽ നിന്നാണ്. ഏതെങ്കിലും കാരണത്താൽ മോണയിൽ മുറിവുണ്ടായാലും അത് ആബ്സസായി മാറാം. ഇത് മോണയിൽ മാത്രമായി കാണുന്നു. പല്ലിനെയും പല്ലുമായി ബന്ധപ്പെട്ട ലിഗമെന്റിനെയും ഇത് ബാധിക്കുന്നില്ല.
ചികിൽസ:
മൈനർ സർജറി നടത്തി പരിഹരിക്കാവുന്ന പ്രശ്നമാണിത്. മോണയുടെ ചികിൽസയും, ആവശ്യമെങ്കിൽ റൂട്ട്കനാലും ക്യാപ്പും ചെയ്താൽ പൂർണമായും ഈ പ്രശ്നം പരിഹരിക്കാവുന്നതാണ്.
പെരിയോഡോണ്ഡൽ ആബ്സസ്
തുടക്കം മോണവീക്കത്തിൽ നിന്നും പഴുപ്പിൽ നിന്നുമാണ്. ക്രമേണ പല്ലിന്റെ അടിത്തറയായ എല്ലിനെയും ലിഗമെന്റിനെയും ഇതു ബാധിക്കുന്നു. പല്ലിൽ തൊടുന്പോൾ ഇളക്കം അനുഭവപ്പെടും. പല്ലിന്റെയും മോണകളുടെയും ഇടയിൽ ഭക്ഷണം കയറുകയും രോഗാണുബാധയുണ്ടാകുകയും ചെയ്യും.
ചികിൽസ:
പെരിയോഡോണ്ടൽ ഫ്ളാപ്പ് സർജറിയാണ് ഇതിന്റെ ചികിൽസ. മോണയും പല്ലുമായി കൂടുന്ന സ്ഥലത്തെ അഴുക്കുകളും കട്ടിയായി പിടിച്ചിരിക്കുന്ന ചെത്തലും ക്ലീൻ ചെയ്യുന്നു. മരവിപ്പിച്ചതിനുശേഷമാണ് ഈ ചികിൽസ തുടങ്ങുന്നത്. വേരു തുടങ്ങുന്ന ഭാഗത്ത് ചെത്തലും അഴുക്കും പിടിക്കുവാനുള്ള സാധ്യതയുണ്ട്. ഈ സാധ്യത പൂർണമായും ഇല്ലാതാക്കാൻ ഈ ചികിൽസ വഴി സാധിക്കുന്നു. എന്നാൽ ഈ ചികിൽസയ്ക്കു ശേഷമുള്ള ദന്തപരിചരണം വളരെ പ്രാധാന്യമുള്ളതാണ്. ഇതിനു ശേഷം വായ ശുചിയായി സൂക്ഷിച്ചാൽ മാത്രമേ ഈ ചികിൽസക്ക് പൂർണ്ണമായും പ്രയോജനം ലഭിക്കൂ.
വിവരങ്ങൾ - ഡോ. വിനോദ് മാത്യു മുളമൂട്ടിൽ, (അസിസ്റ്റന്റ് പ്രഫസർ, പുഷ്പഗിരി കോളജ് ഓഫ് ദന്തൽ സയൻസസ്, തിരുവല്ല) 9447219903
Family Health
ചില സമയത്ത് വേരുമായി ബന്ധപ്പെട്ട് പല്ലിനു വേദന ഉണ്ടാകാം. ചിലപ്പോൾ മോണയിലോ മോണയ്ക്കും പല്ലുകൾക്കും ഇടയിലാകാം. വളരെ സാധാരണയായി കണ്ടുവരുന്ന വേദന പോടുവന്ന പല്ലുകളിലെ വേദനയാണ്. പോടുവന്ന പല്ലിൽ പഴുപ്പുവരുന്ന അവസ്ഥയ്ക്കാണ് ദന്തൽ ആബ്സസ് -പല്ലിലെ പഴുപ്പ്- എന്നു പറയുന്നത്. പഴുപ്പു വന്ന പല്ലിനെ ആബ്സസ് ടൂത്ത് എന്നു പറയുന്നു. ഇതു വളരെ വേദനയുണ്ടാക്കുന്നതാണ്. രോഗാണുക്കളുടെ ഒരു കോളനി തന്നെ ഈ പഴുപ്പിൽ ഉണ്ടാകും.
പല്ലുപഴുപ്പ്- കാരണങ്ങൾ
1. പ്രധാനകാരണം ദന്തക്ഷയം തന്നെയാണ്. പോടുകൾ ഉണ്ടായാൽ ഇത് ഞരന്പുകളെയും രക്തക്കുഴലുകളെയും ബാധിച്ചാൽ പഴുപ്പ് ഉണ്ടാകുന്നു.
2. കുഞ്ഞുങ്ങളുടെ ആദ്യം ഉണ്ടാകുന്ന ദന്ത നിരയിൽ പോടു വഴി പഴുപ്പ് ഉണ്ടാകുന്നത് വേദനയ്ക്കും പഴുപ്പിനും കാരണമാകുന്നു. പുതുതായി അടിയിൽ നിന്നു വരേണ്ട പല്ലുകൾക്ക് പോടുണ്ടാകാനും ഇതു കാരണമാകുന്നു.
3. അപകടങ്ങളിൽ പല്ലുകൾക്ക് ക്ഷതം സംഭവിച്ചാൽ കാലക്രമേണ നിറം മാറുകയും പഴുപ്പുണ്ടാകുകയും ചെയ്യുന്നു.
പരിശോധനകൾ
ദന്തഡോക്ടറെ സന്ദർശിച്ചു പ്രശ്നം പറഞ്ഞാൽ വായ്ക്കുള്ളിൽ ലൈറ്റടിച്ച് പരിശോധിക്കുന്നതിലൂടെ ഏതു പല്ലിനാണ് പ്രശ്നം എന്നു കണ്ടുപിടിക്കാനാവും.വേദനയുണ്ടെങ്കിൽ അതിന്റെ സ്വഭാവം അനുസരിച്ച് പ്രശ്നം എന്താണെന്നും കണ്ടു പിടിക്കാൻ ഡോക്ടർക്കു കഴിയും. ചൂടിനോടും തണുപ്പിനോടും ഉള്ള പല്ലിന്റെ പ്രതികരണം വേദനയാണോ പുളിപ്പാണോ എന്നും പരിശോധിക്കാം.
ഇതിനോടൊപ്പം എക്സ്റേയും കൂടി പരിശോധിച്ചാർ എന്താണു പ്രശ്നം എന്നു മനസിലാക്കാം. പല്ലുകൾ പൊടിഞ്ഞു പോയി കുറ്റിയായി നിൽക്കുന്നനിൽ നിന്ന് പഴുപ്പുണ്ടാകാൻ സാധ്യതയുണ്ട്. കുറ്റിപ്പല്ല് നിർബന്ധമായും നീക്കം ചെയ്യേണ്ടതാണ്. പല്ലിലുണ്ടാകുന്ന പഴുപ്പ് ചികിൽസിച്ചില്ലെങ്കിൽ പല്ലു നഷ്ടപ്പെടും. മുകൾ മോണയിലെയോ, താടിയെല്ലിലെയോ മറ്റു സ്ഥലങ്ങളിലേക്കു പഴുപ്പ് ബാധിക്കാം. ശരീരത്തിന്റെ മറ്റ് ഭാഗങ്ങളിലേക്കു പഴുപ്പ് ബാധിക്കാം.
ചികിൽസകൾ
- പല്ലിലുണ്ടാവുന്ന പോടുകൾ തുടക്കത്തിൽ തന്നെ കണ്ടുപിടിച്ച് ചികിൽസ ലഭ്യമാക്കിയാൽ പഴുപ്പുണ്ടാകുന്നത് ഒരു പരിധിവരെ ഇല്ലാതാക്കാം.
- ഏതെങ്കിലും തരത്തിൽ അപകടങ്ങളിലോ ഇടിയിലോ പല്ലിന് ആഘാതമുണ്ടായിട്ടുണ്ടെങ്കിൽ പരിശോധിച്ച് ചികിൽസിച്ചാൽ പഴുപ്പുണ്ടാകുന്നത് തടയാം.
- റൂട്ട് കനാൽ ചികിൽസയും ആവശ്യമെങ്കിൽ എപ്പിസക്റ്റ്മി (വേരിന്റെ അടിയിലെ പഴുപ്പ് നേരിട്ട് എടുത്ത് കളയുന്ന രീതി) ചെയ്താൽ ടൂത്ത് ആബ്സസ് പരിഹരിക്കാവുന്നതാണ്.
- മോണയിലുണ്ടാവുന്ന പഴുപ്പ് സർജറി നടത്തി ക്ലീൻ ചെയ്ത് പരിഹരിക്കാവുന്നതാണ്.
- മോണയുടെ പഴുപ്പ് ചികിൽസിച്ചു മാറ്റിയിട്ടും പല്ലുകൾക്കിടയിൽ ഭക്ഷണം കയറുന്നുണ്ടെങ്കിൽ ഫില്ലിങ്ങിലുടെയോ ക്യാപ്പിങ്ങിലുടെയോ ഈ പ്രശ്നം പരിഹരിക്കണം.
വേദന സംഹാരി മരുന്നു കഴിച്ചാൽ താത്കാലികമായി വേദന മാറുമെങ്കിലും പ്രശ്നത്തെ വേരോടെ ചികിൽസിച്ചു മാറ്റണം. അതിന് ഒരു ഡോക്ടറുടെ സേവനം തന്നെ ആവശ്യമാണ്.
വിവരങ്ങൾ - ഡോ. വിനോദ് മാത്യു മുളമൂട്ടിൽ, (അസിസ്റ്റന്റ് പ്രഫസർ, പുഷ്പഗിരി കോളജ് ഓഫ് ദന്തൽ സയൻസസ്, തിരുവല്ല) 9447219903
Family Health
നിത്യജീവിതത്തിൽ അനുഭവിക്കുന്ന പ്രധാന ആരോഗ്യപ്രശ്നങ്ങളിലൊന്നാണ് അസിഡിറ്റിയും ദഹനക്കേടും.
എരിവുള്ള ഭക്ഷണം കഴിക്കുമ്പോഴോ, സമയം തെറ്റി ആഹാരം കഴിക്കുമ്പോഴോ ഉണ്ടാകുന്ന നെഞ്ചെരിച്ചിലും വയറ്റിലെ അസ്വസ്ഥതയും പലരും അന്റാസിഡ് ഗുളികകൾ കഴിച്ച് താത്കാലികമായി ശമിപ്പിക്കാറാണ് പതിവ്.
എന്നാൽ വിട്ടുമാറാതെ നിൽക്കുന്ന ദഹനക്കേട് വെറുമൊരു അസിഡിറ്റി മാത്രമാകണമെന്നില്ല. ആമാശയത്തിലോ ദഹനവ്യവസ്ഥയിലോ ഉണ്ടാകുന്ന അർബുദങ്ങളുടെ പ്രാരംഭ സൂചനയാകാം ഇത്.
ഡോക്ടറുടെ കുറിപ്പടിയൊന്നുമില്ലാതെ മെഡിക്കൽ സ്റ്റോറുകളിൽ നിന്ന് ലഭിക്കുന്ന ആന്റാസിഡുകൾ അമിതമായി കഴിച്ച് താത്കാലിക ആശ്വാസം കണ്ടെത്തുന്നത് രോഗനിർണയം വൈകിപ്പിക്കുന്നതിന് പിന്നിലെ പ്രധാന ഘടകം.
അസിഡിറ്റിയും അർബുദ ലക്ഷണങ്ങളും തമ്മിലുള്ള വ്യത്യാസം എങ്ങനെ തിരിച്ചറിയാം?
സാധാരണയായി അസിഡിറ്റി എന്നത് ഭക്ഷണരീതിയിലോ ജീവിതശൈലിയിലോ വരുത്തുന്ന മാറ്റങ്ങൾ കൊണ്ടോ ചുരുങ്ങിയ കാലയളവിൽ കഴിക്കുന്ന മരുന്നുകൾ കൊണ്ടോ പൂർണമായും മാറുന്ന ഒന്നാണ്.
എന്നാൽ ദഹനവ്യവസ്ഥയെ ബാധിക്കുന്ന അർബുദങ്ങളുടെ പ്രാരംഭഘട്ടത്തിൽ ഉണ്ടാകുന്ന ലക്ഷണങ്ങൾ തുടർച്ചയായി നിലനിൽക്കുകയും കാലക്രമേണ തീവ്രമാവുകയും ചെയ്യും.
അന്റാസിഡ് ഗുളികകൾ കഴിക്കുമ്പോൾ ഇത്തരം ലക്ഷണങ്ങൾ താത്കാലികമായി കുറയുമെങ്കിലും അർബുദ കോശങ്ങളുടെ വളർച്ച ഉള്ളിൽ തുടരുക തന്നെ ചെയ്യും.
ശ്രദ്ധിക്കേണ്ട പ്രധാന പ്രാരംഭ ലക്ഷണങ്ങൾ
അസിഡിറ്റിയുടെ മറവിൽ പ്രത്യക്ഷപ്പെടാൻ സാധ്യതയുള്ളതും എന്നാൽ അടിയന്തരമായി വൈദ്യസഹായം തേടേണ്ടതുമായ പ്രധാന ലക്ഷണങ്ങൾ താഴെ പറയുന്നവയാണ്:
തുടർച്ചയായ ദഹനക്കേടും നെഞ്ചെരിച്ചിലും: ആഴ്ചകളോളം തുടർച്ചയായി അനുഭവപ്പെടുന്ന ദഹനക്കേട്, വയറു വീർക്കുന്ന അവസ്ഥ, നെഞ്ചെരിച്ചിൽ എന്നിവ സാധാരണ പ്രതിവിധികളിലൂടെ മാറുന്നില്ലെങ്കിൽ ശ്രദ്ധിക്കുക.
കുറച്ചു കഴിക്കുമ്പോഴേക്കും വയറ് നിറയുന്ന അവസ്ഥ: സാധാരണ കഴിക്കുന്ന അളവിൽ ഭക്ഷണം കഴിക്കാൻ സാധിക്കാതെ വരികയും കുറച്ച് കഴിക്കുമ്പോഴേക്കും വയറ് നിറഞ്ഞതുപോലെ അനുഭവപ്പെടുകയും ചെയ്യുന്നത് ആമാശയ അർബുദത്തിന്റെ പ്രധാന ലക്ഷണങ്ങളിൽ ഒന്നാണ്.
കാരണമില്ലാതെ ശരീരഭാരവും വിശപ്പും കുറയുക: പ്രത്യേക ഡയറ്റുകളോ വ്യായാമമോ ഇല്ലാതെ തന്നെ പെട്ടെന്ന് ശരീരഭാരം കുറയുന്നതും കടുത്ത വിശപ്പില്ലായ്മയും ഗൗരവമായി കാണേണ്ട ലക്ഷണങ്ങളാണ്.
ഭക്ഷണം വിഴുങ്ങുമ്പോൾ അനുഭവപ്പെടുന്ന ബുദ്ധിമുട്ട്: ആഹാരം കഴിക്കുമ്പോൾ തൊണ്ടയിലോ നെഞ്ചിന്റെ ഭാഗത്തോ തടസം അനുഭവപ്പെടുകയോ വേദന തോന്നുകയോ ചെയ്യുന്നത് അന്നനാളം അഥവാ ആമാശയത്തിന്റെ മുകൾഭാഗത്തെ ബാധിക്കുന്ന തടസങ്ങളുടെ ലക്ഷണമാകാം.
ഛർദ്ദിയും മലത്തിന്റെ നിറത്തിൽ കാണപ്പെടുന്ന വ്യത്യാസവും: ഛർദ്ദിയിൽ രക്തത്തിന്റെ അംശം കാണുകയോ, ഛർദ്ദിക്കുകയോ ചെയ്യുന്നത് അപകടസൂചനയാണ്. കൂടാതെ മലം കറുത്ത നിറത്തിൽ പോകുന്നതും ദഹനവ്യവസ്ഥയിലെ ആന്തരിക രക്തസ്രാവത്തിന്റെ ലക്ഷണമാണ്.
ക്ഷീണവും വിളർച്ചയും: ദഹനവ്യവസ്ഥയിലെ രക്തസ്രാവം കാരണം ഹീമോഗ്ലോബിന്റെ അളവ് കുറയുകയും രോഗിക്ക് വിട്ടുമാറാത്ത ക്ഷീണവും തലകറക്കവും അനുഭവപ്പെടുകയും ചെയ്യാം.
അന്റാസിഡുകളുടെ അമിതോപയോഗം വരുത്തുന്ന വിന
സ്വയംചികിത്സയുടെ ഭാഗമായി കഴിക്കുന്ന ഗുളികകൾ അസിഡിറ്റിയുടെ തീവ്രത കുറയ്ക്കാൻ സാധിക്കും. എന്നാൽ രോഗത്തിന് അല്ല മറിച്ച് ലക്ഷണത്തിനാണ് മരുന്നുകൾ കഴിക്കുന്നത് എന്ന് പലപ്പോഴും തിരിച്ചറിയുന്നില്ല.
ഈ സാഹചര്യത്തിൽ രോഗലക്ഷണങ്ങൾ മാറുകയും അർബുദം കൂടുതൽ രൂക്ഷമായ ഘട്ടങ്ങളിലേക്ക് എത്തുമ്പോൾ മാത്രമായിരിക്കും പലരും വിദഗ്ധ സഹായം തേടുക.
പ്രാരംഭഘട്ടത്തിൽ തന്നെ കണ്ടെത്തിയാൽ പൂർണമായും ചികിത്സിച്ചു ഭേദമാക്കാൻ സാധിക്കുന്ന ദഹനവ്യവസ്ഥാ അർബുദങ്ങൾ, രോഗനിർണയം വൈകുന്നതു കൊണ്ടുമാത്രം സങ്കീർണമാകുന്നു.
ഉയർന്ന അപകടസാധ്യതയുള്ളവർ
ശരിയായ രോഗനിർണയ മാർഗങ്ങൾ
രണ്ടു ആഴ്ചയിൽ കൂടുതൽ നീണ്ടുനിൽക്കുന്ന ദഹനക്കേടോ അസിഡിറ്റിയോ ഉണ്ടെങ്കിൽ ഒരു ഗ്യാസ്ട്രോഎൻട്രോളജിസ്റ്റിന്റെ സഹായം തേടേണ്ടതാണ്.
പ്രതിരോധവും മുൻകരുതലുകളും
എല്ലാ അസിഡിറ്റിയും അർബുദമല്ല! എന്നാൽ വിട്ടുമാറാതെ നിലനിൽക്കുന്ന അസിഡിറ്റി ശരീരത്തിന്റെ പ്രധാനപ്പെട്ട ഒരു മുന്നറിയിപ്പാണ്.
അന്റാസിഡുകൾ കഴിച്ച് രോഗലക്ഷണങ്ങളെ അടിച്ചമർത്താതെ കൃത്യസമയത്ത് വിദഗ്ധ പരിശോധന നടത്തുന്നത് രോഗനിർണയത്തിനും അനുബന്ധ ചികിത്സയിലൂടെ ജീവൻ രക്ഷിക്കാനും സഹായിക്കും.
അതിനാൽ ലക്ഷണങ്ങൾ തിരിച്ചറിയുക ആരോഗ്യകരമായ ജീവിതശൈലി പിന്തുടരുക.
വിവരങ്ങൾ: ഡോ. അരുൺ പി.ടി
സീനിയർ കൺസൾട്ടന്റ് മെഡിക്കൽ ഗ്യാസ്ട്രോ എന്ററോളജി
ആസ്റ്റർ മിംസ് മദർ ഹോസ്പിറ്റൽ അരീക്കോട്.
Family Health
ഈ ചോദ്യം ചോദിച്ചാൽ എല്ലാ വീട്ടിലും ഉത്തരമുണ്ട്.
ഇളയവനാ താരം, എന്തു തെറ്റ് ചെയ്താലും രക്ഷപെടും.
അല്ല, മൂത്തവനാ, അവനാ എല്ലാ സ്വാതന്ത്ര്യവും.ഇത് വെറും തോന്നലാണോ? അല്ലെന്ന് പറയുകയാണ് പുതിയ പഠനം. 19,000 പേരിൽ നടത്തിയ പഠനം Psychological Bulletin ൽ വന്നു.പഠനം പറയുന്നത് ഇങ്ങനെ,
ഇളയകുട്ടികൾ എപ്പോഴും കുഞ്ഞ്,എത്ര വളർന്നാലും വീട്ടിൽ കുഞ്ഞായി തന്നെ ഇരിക്കും. അതുകൊണ്ട് അവർക്ക് കൂടുതൽ സംരക്ഷണവും ശ്രദ്ധയും കിട്ടും. തെറ്റ് ചെയ്താൽ പോലും വലിയ വഴക്ക് കിട്ടില്ല.
മുതിർന്ന കുട്ടികൾക്ക് സ്വാതന്ത്ര്യം
മുതിർന്ന കുട്ടികൾക്ക് പുറത്തു പോകാനും സ്വന്തമായി തീരുമാനം എടുക്കാനും കൂടുതൽ അനുവാദം കിട്ടും. നിയന്ത്രണം കുറയും.
പെൺകുട്ടികളും അനുസരണയുള്ള കുട്ടികളും താരം
പൊതുവെ അമ്മയും അച്ഛനും പെൺമക്കളോട് അൽപം സോഫ്റ്റ് കോർണർ കാണിക്കും. ഒപ്പം, വഴക്കു കുറവുള്ള, പറയുന്നത് അനുസരിക്കുന്ന, ഉത്തരവാദിത്തമുള്ള കുട്ടികളോടും സ്നേഹം കൂടും.അപ്പോൾ ഇത് പ്രശ്നമാണോ?അല്ല. പ്രായത്തിനനുസരിച്ച് നിയമങ്ങൾ മാറുന്നതിൽ തെറ്റില്ലെന്ന് ശാസ്ത്രജ്ഞർ പറയുന്നു. ഇളയ കുട്ടികളെ സഹായിക്കുന്നതും സ്വാഭാവികം.പക്ഷെ ഒരു കുട്ടിക്ക് മാത്രം സ്ഥിരമായി കുറവ് സ്നേഹം തോന്നിയാൽ അത് പ്രശ്നമാണ്. അതിന് വലിയ പ്രത്യാഘാതമുണ്ടാകും എന്ന് American Psychological Association മുന്നറിയിപ്പ് നൽകുന്നു.
മാതാപിതാക്കൾ എന്തു ചെയ്യണം?
ഒരാളെ മിടുക്കൻ എന്നും മറ്റൊരാളെ മടിയൻ എന്നും ലേബൽ ഒട്ടിക്കരുത്. താരതമ്യം ചെയ്യരുത്. ഓരോരുത്തരുമായും ഒറ്റയ്ക്ക് കുറച്ചു സമയം ചെലവഴിക്കുക.അവനെയാണ് കൂടുതൽ ഇഷ്ടം എന്ന് കുട്ടി പറഞ്ഞാൽ ദേഷ്യപ്പെടാതെ കേൾക്കുക. എന്തുകൊണ്ടാണ് നിയമങ്ങൾ വ്യത്യസ്തമെന്ന് പറഞ്ഞു കൊടുക്കുക.അവസാനം, ഒരു കാര്യം ഉറപ്പാക്കിയാൽ മതി, വീട്ടിൽ ഒരു കുട്ടിക്കും താൻ വിലയില്ലാത്തവനാണ് എന്ന് തോന്നരുത്.
Family Health
മോണരോഗങ്ങൾ ഉള്ളവരിൽ ഹൃദ്രോഗങ്ങൾക്കുള്ള സാധ്യത ഇരട്ടിയൊന്നെന്ന് പഠനങ്ങളിൽ പറയുന്നു. മോണരോഗങ്ങളുള്ളവരിൽ മോണയിൽ നിന്നും രക്തം വരാറുണ്ട്. തുറന്നിരിക്കുന്ന രക്തക്കുഴലുകളിൽ കൂടി രക്തധമനികളിൽ രോഗാണുക്കൾ എത്തുന്നു.
രക്തക്കുഴലുകളിലുള്ള പ്ലാക്കുകൾ (കൊളസ്ട്രോൾ, ഫാറ്റ്, , കാൽസ്യം, മറ്റു മെറ്റീരിയൽസ് അടിയുന്നത്) ഉണ്ടാകുന്നത് രക്തത്തിന്റെ സുഗമമായ ഒഴുക്കിനെ തടസ്സപ്പെടുത്തുന്നു. ഇത് രക്തക്കുഴലിന്റെ വ്യാസം കുറക്കുന്നു. ഇതിനോടൊപ്പം മോണയിൽ നിന്നുള്ള രോഗാണുക്കൾ ഇവിയെ വരുന്പോൾ രക്തം കട്ടി പിടിക്കുവാനുള്ള സാധ്യത കൂടുന്നു.
നിലവിൽ ഹ്യദ്രോഗമുള്ളവർ സാധാരണ ആളുകളെക്കാൾ കൂടുതൽ ശ്രദ്ധ ദന്തശുചീകരണത്തിനും ചികിൽസയ്ക്കും നൽകണം. ദന്തചികിൽസകൾ നടത്തുന്നതിനു മുൻന്പേ ഡോക്ടറോട് ഹൃദ്രോഗം ഉണ്ട് എന്നു പറയണം.
ചികിൽസയുടെ സമയത്ത് രോഗാണുബാധയുണ്ടാകാതിരിക്കുവാനുള്ള മുൻകരുതലുകൾ എടുക്കേണ്ടത് ആവശ്യമാണ്. രക്തം കട്ടി പിടിക്കുവാതിരിക്കുവാനുള്ള ആസ്പിരിൻ പോലെയുള്ള ഗുളിക കഴിക്കുന്നവർ മരുന്ന് ഡോക്ടറുടെ നിർദേശപ്രകാരം നിർത്തേണ്ടതും ആവശ്യമാണ്.
രോഗണുബാധ ധമനികളിൽ ഉണ്ടാകാതിരിക്കുവാനുള്ള മരുന്നുകൾ ഡോക്ടറുടെ നിർദ്ദേശത്തിൽ കഴിക്കുകയും ആവശ്യമായ എല്ലാ മുൻകരതലോടും കൂടിയും മാത്രമേ ദന്ത ചകിൽസകൾ നടത്താവൂ.
- ഹ്യദ്രോഗമുള്ളവരും സാധ്യതയുള്ളവരും ദന്ത ആരോഗ്യം പ്രത്യേകം ശ്രദ്ധിക്കണം
- രോഗം മറച്ചുവച്ച് ദന്തചികിൽസകൾ നടത്തരുത്.
- ആറുമാസം കൂടുന്പോൾ ഒരു ദന്തപരിശോധനയും ആവശ്യമെങ്കിൽ ഒരു ക്ലീനിംഗു നടത്തുന്നത് നല്ലതാണ്.
- പ്രത്യേക പരിരക്ഷണം, പല്ലുകൾക്കും, മോണയ്ക്കും, നൽകണം. ഇതിനം പ്രത്യേകമായി രൂപകൽപന ചെയ്ത ബ്രഷുകളും ഫ്ളോസ്സും ശീലമാക്കുക.
മാറ്റണം. അതിന് ഒരു ഡോക്ടറുടെ സേവനം തന്നെ ആവശ്യമാണ്.
വിവരങ്ങൾ - ഡോ. വിനോദ് മാത്യു മുളമൂട്ടിൽ, (അസിസ്റ്റന്റ് പ്രഫസർ, പുഷ്പഗിരി കോളജ് ഓഫ് ദന്തൽ
സയൻസസ്, തിരുവല്ല) 9447219903
Family Health
മുഖത്തിന്റെ ഒരു വശത്തെ പേശികളില് പെട്ടെന്നുണ്ടാകുന്ന ദൗര്ബല്യമാണ് ബെല്സ് പാള്സി. സാധാരണയായി ഇത് ഒരു താല്ക്കാലിക അവസ്ഥയാണ്. ഇത് മുഖത്തിലെ നാഡിവീക്കം മൂലം ചലനശേഷി നഷ്ടമാകുന്ന അവസ്ഥയാണ് (paralysis). മുഖത്തിന്റെ ഒരു വശത്തെ പേശികള് നിയന്ത്രിക്കുന്ന നാടിയുടെ വീക്കമാണ് കാരണം.
ഫിസിയോതെറാപ്പി
പേശികള് ചുരുങ്ങുന്നത് തടയാനും നാഡിയെ ബാധിച്ച അവസ്ഥയില് നിന്നു
പൂര്വസ്ഥിതിയിലാക്കാനും ഫിസിയോതെറാപ്പി സഹായിക്കുന്നു.
· മുഖം മസാജ് ചെയ്യുക.
· കോട്ടണ് തുണി ചെറു ചൂടുവെള്ളത്തില് മുക്കി മുഖത്ത് ആവി പിടിക്കുക.
· കൈവിരലുകളുടെ സഹായത്തോടെ മുഖത്ത് ചലനം വരുത്തുക.
· കണ്ണിന്റെ വ്യായാമം (കണ്ണ് ചിമ്മുക, കണ്പോള അടച്ചു തുറക്കുക).
· മുഖത്തെ വ്യായാമം (പുരികം ഉയര്ത്തുക, കണ്ണുകള് ഇറുക്കി അടയ്ക്കുക, ചെറു ചിരി, വലിയ ചിരി, അല്പനേരം കവിളുകള് വീര്പ്പിച്ച് പിടിക്കുക, ചുണ്ട് കൂര്പ്പിച്ച് പിടിക്കുക).
· മിറര് തെറാപ്പി (ഉദാ: കണ്ണാടിയില് നോക്കി ചിരിക്കുമ്പോള് മുഖത്തിന്റെ ഇരു വശവും ഒരുപോലെയാണെന്നു സങ്കല്പ്പിക്കുക).
· സ്പീച്ച് വ്യായാമങ്ങള് - സംസാരിക്കുന്നതിലെ ബുദ്ധിമുട്ട്
മാറുന്നതിനുള്ള ചികിത്സ
(B, P, M, O തുടങ്ങിയ ഒച്ചകള് പരിശീലിക്കുക).
· മുഖത്തിന്റെ പേശികള്ക്കായി ഇലക്്ട്രിക്കല് സ്റ്റിമുലേഷന്
അമിതമായി തണുപ്പടിക്കുന്നത് മുഖത്തിലെ നാഡിവീക്കത്തിന് കാരണമായി കരുതപ്പെടുന്നു. ആയതിനാല് യാത്ര ചെയ്യുമ്പോള് ഇരു ചെവികളും മൂടുന്നത് നല്ലതാണ്.
ശസ്ത്രക്രിയ
· ഡീകംപ്രഷൻ(Decompression) എന്ന ശസ്ത്രക്രിയ മുമ്പ് ചെയ്തുവന്നിരുന്നു. എന്നാല് അതിന്റെ പാര്ശ്വഫലങ്ങള് കാരണം ഇപ്പോള് അത് നിര്ദേശിക്കാറില്ല.
· സൗന്ദര്യവര്ധക / പുനര്നിര്മാണ ശസ്ത്രക്രിയകള് (Cosmetic / Reconstr uctive surgeries) ആവശ്യമെങ്കില് ചെയ്യാവുന്നതാണ്. (പുരികം, കണ്പോള എന്നിവ ഉയര്ത്തുന്നതിന്, നാഡി മാറ്റിവയ്ക്കുക, ഫേഷ്യല് ഇംപ്ലാന്റുകള് വയ്ക്കുക എന്നിവയ്ക്കായി)
രോഗത്തെപ്പറ്റി കൃത്യമായ അറിവ് നേടുക. രോഗലക്ഷണങ്ങള് പ്രകടമാകുമ്പോള് സ്വയം ചികിത്സ നടത്താതെ ഡോക്ടറെ കണ്സള്ട്ട് ചെയ്യേണ്ടതു പ്രധാനം. ഡോക്ടറുടെ നിര്ദേശപ്രകാരം ചികിത്സ തേടുകയാണെങ്കില് ബെല്സ് പാള്സി പൂര്ണമായും ഭേദമാക്കാം.
വിവരങ്ങൾ - ശ്രീദേവി, എച്ച്ഒഡി
ഫിസിയോതെറാപ്പി വിഭാഗം, എസ് യുടി ഹോസ്പിറ്റൽ,
പട്ടം, തിരുവനന്തപുരം
Fitness
സ്ട്രോക്ക് വന്നു ചികിത്സിക്കുന്നതിനേക്കാള് നല്ലതാണ് അത് വരാതെ നോക്കുന്നത്.
* ഉയര്ന്ന രക്തസമ്മര്ദവും പ്രമേഹവും ഉയര്ന്ന കൊളസ്ട്രോളും കൃത്യമായി മരുന്ന് കഴിച്ച് നിയന്ത്രിക്കേണ്ടതാണ്.
* രക്തം കട്ടപിടിക്കാതിരിക്കാനുള്ള മരുന്നുകള് കൃത്യമായി ഡോക്ടറുടെ നിര്ദേശപ്രകരം മുടങ്ങാതെ കഴിക്കുന്നതിലൂടെ സ്ട്രോക്കിനെ അതിജീവിക്കാനാവും.
* ശരീരഭാരം കൂടാതെ നോക്കുകയും കൃത്യ സമയത്തു തന്നെ സമീകൃത ആഹാരം കഴിക്കുകയും അതില് കൂടുതല് പഴങ്ങളും പച്ചക്കറികളും ഉള്പ്പെടുത്താന് ശ്രമിക്കേണ്ടതുമാണ്.
* പുകവലി പൂര്ണമായി ഒഴിവാക്കുകയും മദ്യപാനം നിയന്ത്രിക്കുകയും ചെയ്യേണ്ടത് പ്രധാനമാണ്.
പരിശോധനകൾ
ട്രാൻസിയന്റ് ഇഷിമിക് അറ്റാക്ക് വന്നവരുടെ ശ്രദ്ധയ്ക്ക്
* ഒരിക്കല് ടിഐഎ(ട്രാൻസിയന്റ് ഇഷിമിക് അറ്റാക്ക്) വന്ന രോഗികള് ന്യൂറോളജിസ്റ്റിനെ കാണുകയും ഭാവിയില് സ്ട്രോക്ക് വരാതിരിക്കാനുള്ള മുന്കരുതലുകള് എടുക്കേണ്ടതുമാണ്. ചില രോഗികളില് സ്ട്രോക്കിന്റെ ലക്ഷണങ്ങള് വന്ന് ഒരു മണിക്കൂറിനുള്ളില് തന്നെ അത് പൂര്ണമായി മാറുകയും ചെയ്യും. ഇതിനെ ടി ഐഎ (TIA) അഥവാ ട്രാന്സിയന്റ് ഇഷിമിക് അറ്റാക്ക് (Transient Ischemic Attack) എന്ന് പറയുന്നു. പൂര്ണമായി ഭേദമായതിനാല് ചിലപ്പോള് രോഗി ചികിസ തേടാറില്ല. എന്നാല് ഇത്തരത്തില് വരുന്ന ടി ഐഎ ഭാവിയില് സ്ട്രോക്ക് വരുന്നതിനുള്ള ഒരു അപായ സൂചനയാണ്.
കരോട്ടിഡ് ഇണ്ടാര്ട്രക്ടമി
* തലച്ചോറിലേക്കുള്ള രക്തധമനികളുടെ ഡോപ്ലര് സ്കാന് (Neck Vessel Doppler scan) ചെയ്യുന്നതിലൂടെ അതില് തടസHങ്ങൾ ഉണ്ടോ എന്ന് പരിശോധിക്കാവുന്നതാണ്. അപ്രകാരം തടസങ്ങൾ ഉണ്ടെങ്കില് അത് നീക്കം ചെയ്യുന്നതിനുള്ള ശസ്ത്രക്രിയ (കരോട്ടിഡ് ഇണ്ടാര്ട്രക്ടമി - Carotid endartrectomy)
ചെയ്യേണ്ടതാണ്.
ഡോ. സുശാന്ത് എം. ജെ. MD.DM, കൺസൾട്ടന്റ് ന്യൂറോളജിസ്റ്റ്,
എസ് യുറ്റി ഹോസ്പിറ്റൽ, പട്ടം, തിരുവനന്തപുരം ഫോൺ - 9995688962
എസ്യുറ്റി സ്ട്രോക്ക് ഹെൽപ് ലൈൻ നന്പർ
- 0471-4077888
Fitness
"യോ-യോ' ഡയറ്റിംഗും പോഷകക്കുറവും
അമിതഭാരം കുറയ്ക്കാൻ ശരിയായ ഭക്ഷണരീതി തെരഞ്ഞെടുക്കുന്നതിനുപകരം തെറ്റായ ഡയറ്റ് പ്ലാൻ അതായത് ഫാഡ് ഡയറ്റ് അഥവാ "യോ-യോ' ഡയറ്റിംഗ് സ്വീകരിക്കുന്നത് ഗുണത്തേക്കാളേറെ ശരീരത്തിന് ദോഷമുണ്ടാക്കുന്നു.
പ്രധാന ഭക്ഷണം ഒഴിവാക്കുമ്പോൾ...
അവർ പലപ്പോഴും പ്രധാന ഭക്ഷണങ്ങൾ ഒഴിവാക്കുന്നതിനാൽ, ഫാഡ് ഡയറ്റ് ഇനിപ്പറയുന്ന ലക്ഷണങ്ങൾക്ക് കാരണമായേക്കാം:
1. നിർജലീകരണം.
2. ബലഹീനതയും ക്ഷീണവും.
3. ഓക്കാനം, തലവേദന.
4. മലബന്ധം.
5. വിറ്റാമിനുകളുടെയും ധാതുക്കളുടെയും അപര്യാപ്തത.
ഡയറ്റിംഗിനെക്കുറിച്ച് അറിഞ്ഞിരിക്കേണ്ട കുറച്ചു വസ്തുതകളുണ്ട്:
ഡയറ്റിംഗ് അപൂർവമായി മാത്രമേ വിജയിക്കാറുള്ളൂ. 95% ഭക്ഷണക്രമം പാലിക്കുന്നവരും ഒന്നു മുതൽ അഞ്ച് വർഷത്തിനുള്ളിൽ നഷ്ടപ്പെട്ട ശരീരഭാരം വീണ്ടെടുക്കുന്നു.
അശാസ്ത്രീയമായ ഡയറ്റിംഗ് അപകടകരമാണ് എന്ന് പറയുന്നത് എന്തുകൊണ്ട്?
1. "യോ-യോ" ഡയറ്റിംഗ് അഥവാ ഫാഡ് ഡയറ്റിംഗ് മൂലം ശരീരഭാരം വർധിപ്പിക്കുക, കുറയ്ക്കുക, വീണ്ടെടുക്കുക എന്നിവയുടെ ആവർത്തിച്ചുള്ള പ്രക്രിയ തുടർന്നുകൊണ്ടിരിക്കുന്നു.
2. ഹൃദ്രോഗസാധ്യത വർധിച്ചതുൾപ്പെടെയുള്ള ആരോഗ്യപരമായ പ്രതികൂല ഫലങ്ങൾ, ദീർഘകാലം നിലനിൽക്കും.
3. മെറ്റബോളിസത്തെ പ്രതികൂലമായി ബാധിക്കുന്നു.
‘പട്ടിണി’ മോഡ് !
ഡയറ്റിംഗ് നിങ്ങളുടെ ശരീരത്തെ പട്ടിണി മോഡിലേക്ക് പ്രേരിപ്പിക്കുന്നു. അത് ശരീരത്തിന്റെ പല പ്രവർത്തനങ്ങളെയും മന്ദഗതിയിലാക്കിക്കൊണ്ട് തിരിച്ചു പ്രതികരിക്കുന്നു.
ഊർജം സംരക്ഷിക്കുന്നതിനുള്ള സാധാരണ പ്രവർത്തനങ്ങൾ മന്ദഗതിയിലാക്കുന്നതുമൂലം സ്വാഭാവിക മെറ്റബോളിസം യഥാർഥത്തിൽ മന്ദഗതിയിലാകുന്നു.
പോഷകക്കുറവ്
ഡയറ്റിംഗ് പാലിക്കുന്നവർ പലപ്പോഴും പ്രധാനപ്പെട്ട പോഷകങ്ങൾ നഷ്ടപ്പെടുത്തുന്നു. ഡയറ്റിംഗ് പാലിക്കുന്നവർക്ക് പലപ്പോഴും വേണ്ടത്ര പോഷണം ലഭിക്കുന്നില്ല.
ഉദാഹരണത്തിന്... ഡയറ്റിംഗ് നോക്കുന്നവരിൽ കാൽസ്യത്തിന്റെ കുറവ് ഉണ്ടവാം. അവരിൽ ഓസ്റ്റിയോപൊറോസിസ്, സ്ട്രെസ് ഒടിവുകൾ, ഒടിഞ്ഞ എല്ലുകൾ എന്നിങ്ങനെയുള്ള അപകടസാധ്യതകളുണ്ട്.
വിവരങ്ങൾ: ഡോ. അരുൺ ഉമ്മൻ
സീനിയർ കൺസൾട്ടന്റ് ന്യൂറോസർജൻ, വിപിഎസ് ലേക് ഷോർ ഹോസ്പിറ്റൽ, കൊച്ചി. ഫോൺ - 0484 2772048. [email protected].
Fitness
പ്രഭാതഭക്ഷണത്തിനു രുചികരമായ പ്രോട്ടീന് സമ്പുഷ്ടമായ തക്കാളി ചട്ണി തയാറാക്കാം. സാധാരണ തക്കാളി ചട്ണിയില്നിന്നു വ്യത്യസ്തമായി നിലക്കടലയും കടലപ്പരിപ്പും ചേര്ത്താണ് ഈ സ്പെഷല് തക്കാളി ചട്ണി തയാറാക്കുന്നത്.
രുചികരം എന്നതുപോലെ, ആരോഗ്യകരവുമാണ് ഈ ചട്ണി. ഇഡലി, ദോശ, വട, അല്ലെങ്കില് പൊറോട്ട എന്നിവയുടെ കൂടെ കഴിക്കാവുന്ന മികച്ച കോമ്പിനേഷനാണിത്.
കടലപ്പരിപ്പും നിലക്കടലയും ചേര്ക്കുന്നത് ചട്ണിക്ക് കൊഴുപ്പും പ്രത്യേക രുചിയും നല്കുന്നതോടൊപ്പം പ്രഭാതഭക്ഷണത്തില് പ്രോട്ടീന്റെ അളവ് വര്ധിപ്പിക്കാനും സഹായിക്കും.
ചേരുവകള്
തയാറാക്കുന്ന വിധം
ഒരു പാനില് ഒരു ടീസ്പൂണ് എണ്ണ ചൂടാക്കുക. ഇതിലേക്ക് ജീരകവും മല്ലിയും ചേര്ത്ത് രണ്ട് മിനിറ്റ് വഴറ്റുക. ശേഷം നിലക്കടലയും കടലപ്പരിപ്പും ചേര്ത്ത് ചെറുതായി വറുത്തെടുക്കുക.
ഇതിലേക്ക് അരിഞ്ഞ തക്കാളിയും പച്ചമുളകും ചേര്ത്ത് വഴറ്റുക. (ആവശ്യമെങ്കില് സവാളയും ചേര്ക്കാം). പാകത്തിന് ഉപ്പും മുളകുപൊടിയും ചേര്ത്ത് 2-3 മിനിറ്റ് കൂടി വേവിക്കുക. ഇവ നന്നായി തണുത്ത ശേഷം മിക്സിയില് നന്നായി അരച്ചെടുക്കുക.
എണ്ണ ചൂടാക്കി അതിലേക്ക് കറിവേപ്പില, വറ്റല് മുളക്, ചതച്ച വെളുത്തുള്ളി എന്നിവ ചേര്ത്ത് മൂപ്പിക്കുക. ഇത് തയാറാക്കി വച്ചിരിക്കുന്ന ചട്ണിക്ക് മുകളിലേക്ക് ഒഴിക്കുക.
അവസാനമായി അല്പം മല്ലിയില കൂടി വിതറുന്നതോടെ രുചികരമായ തക്കാളി ചട്ണി റെഡി!
Fitness
വിട്ടുമാറാത്ത നടുവേദനയ്ക്കു പരിഹാരം ദൈനംദിന ശീലങ്ങളിൽ തന്നെയുണ്ട്. നടുവേദനയുടെ പ്രധാന കാരണം പെട്ടെന്നുണ്ടാകുന്ന പരിക്കുകളല്ല, മറിച്ച് നട്ടെല്ലിന് അമിത സമ്മർദം നൽകുന്ന നമ്മുടെ ചെറിയ തെറ്റായ ശീലങ്ങളാണെന്ന് ആരോഗ്യവിദഗ്ധർ.
നട്ടെല്ലിന്റെ ആരോഗ്യം സംരക്ഷിക്കാൻ ദിവസവും പിന്തുടരേണ്ട അഞ്ച് ശീലങ്ങളെക്കുറിച്ച് ആരോഗ്യവിദഗ്ധർ പറയുന്നു.
മൊബൈൽ, കംപ്യൂട്ടർ ഉപയോഗിക്കുമ്പോൾ
മൊബൈൽ, കംപ്യൂട്ടർ എന്നിവ ഉപയോഗിക്കുമ്പോൾ സ്ക്രീൻ എപ്പോഴും കണ്ണിന്റെ നേരെ വരുന്നത് നട്ടെല്ലിനു ഗുണകരമാണ്. താഴ്ത്തി ഉപയോഗിക്കുന്നതു തല മുന്നോട്ട് കുനിയാനും നട്ടെല്ലിന്റെ താഴത്തെ ഭാഗത്ത് അമിത സമ്മർദമുണ്ടാകാനും കാരണമാകും.
സ്ക്രീൻ നേരെ വയ്ക്കുന്നതിലൂടെ പേശികൾക്ക് ആയാസം കുറയുകയും ചെയ്യും.
ഭാരം ഉയർത്തുമ്പോൾ
ഭാരമുള്ള വസ്തുക്കൾ ഉയർത്തുമ്പോൾ അരക്കെട്ട് വളയ്ക്കാതെ മുട്ടുകളും ഇടുപ്പും ഉപയോഗിക്കാൻ ശ്രദ്ധിക്കണം.
ഇടുപ്പ് വളച്ച് ഭാരം ഉയർത്തുന്നതു വഴി സമ്മർദം കാലുകളിലെയും നിതംബത്തിലെയും വലിയ പേശികളിലേക്കു മാറുകയും നട്ടെല്ലിലെ ഡിസ്കുകൾക്ക് ആഘാതം കുറയ്ക്കുകയും ചെയ്യും.
നടക്കണം ഇടവേളകളിൽ
ഓഫീസിലും മറ്റും തുടർച്ചയായി ഇരുന്നു ജോലി ചെയ്യുന്നവർ ഇടയ്ക്ക് എഴുന്നേറ്റു നടക്കുന്നത് ശീലമാക്കണം. ദീർഘനേരം ഒരേ ഇരിപ്പിരിക്കുന്നത് രക്തയോട്ടം കുറയ്ക്കാനും പേശികൾക്ക് ക്ഷീണം അനുഭവപ്പെടാനും ഇടയാക്കും.
ചെറിയ നടത്തമോ സ്ട്രെച്ചിംഗോ രക്തയോട്ടം വർധിപ്പിക്കുകയും പേശികളുടെ മുറുക്കം കുറയ്ക്കുകയും ചെയ്യും.
ഉറക്കം നല്ല മെത്തയിൽ
ഉറങ്ങുമ്പോൾ ഉപയോഗിക്കുന്ന മെത്തയുടെ കാര്യത്തിലും ശ്രദ്ധ വേണം. മോശം അവസ്ഥയിലുള്ള മെത്ത രാത്രിയിൽ നട്ടെല്ലിന്റെ സ്വാഭാവികമായ ആകൃതി നഷ്ടപ്പെടുത്താൻ കാരണമാകും.
നട്ടെല്ലിന് കൃത്യമായ സപ്പോർട്ട് നൽകുന്ന മെത്ത ഉപയോഗിക്കുന്നതിലൂടെ രാവിലെ അനുഭവപ്പെടുന്ന നടുവേദനയും ശരീരവേദനയും ഒഴിവാക്കാം.
ബലപ്പെടുത്തണം പേശികൾ
നട്ടെല്ലിനു സ്ഥിരത നൽകുന്നത് വയറിലെയും നടുവിലെയും പേശികളാണ്. വ്യായാമം ചെയ്ത് പേശികളെ ബലപ്പെടുത്തണം.
പേശികൾക്കു കരുത്തുണ്ടാകുന്നത് ഡിസ്കുകൾക്കും ലിഗമെന്റുകൾക്കുമുള്ള സമ്മർദം കുറയ്ക്കും.
Fitness
വേനൽക്കാലത്തു ചൂടിനെ ചെറുക്കാനും ആരോഗ്യപ്രശ്നങ്ങൾ ഒഴിവാക്കാനും ധാരാളം വെള്ളം കുടിക്കേണ്ട സമയം. വേനൽക്കാലത്ത് ഉപയോഗിക്കാവുന്ന ചില പാനീയങ്ങൾ പരിചയപ്പെടാം.
ഐസ്ക്രീം ചോക്ലേറ്റ് ഡ്രിങ്ക്
ആവശ്യമായ സാധനങ്ങൾ
1. വാനില ഐസ്ക്രീം - അര കപ്പ്
2. വാനില എസൻസ് - അര ടീസ്പൂണ്
3. ഡ്രിങ്കിംഗ് ചോക്ലേറ്റ് പൗഡർ - രണ്ട് ടീസ്പൂണ്
4. പഞ്ചസാര - ആവശ്യത്തിന്
5. കട്ടിപ്പാൽ - ഒരു കപ്പ്
6. ഐസ് - പാകത്തിന്
തയാറാക്കുന്ന വിധം
ചോക്ലേറ്റ് പൗഡർ, പാൽ, എസൻസ്, ഐസ്ക്രീം എന്നിവ മിക്സിയിൽ അടിക്കുക. പഞ്ചസാരയും ഐസിന്റെ ചെറിയ കഷണങ്ങളും ചേർത്ത് വീണ്ടും അടിക്കുക. ഉടൻ തന്നെ ഉപയോഗിക്കുക.
ടെൻഡർ കോക്കനട്ട് മിന്റ് ഡ്രിങ്ക്
ആവശ്യമായ സാധനങ്ങൾ
1. ഇളനീർ (സ്പൂണ് കൊണ്ട് കോരിയെടുക്കാൻ പാകത്തിന്) - രണ്ട് എണ്ണം
2. കറുത്ത കസ്കസ് - ഒരു ടീസ്പൂണ്
3. പുതിനയില (നുള്ളിയെടുത്തത്) - പത്ത് എണ്ണം
4. നാരങ്ങാനീര് - അര ടീസ്പൂണ്
5. പഞ്ചസാര - ആവശ്യത്തിന് ചേർക്കുക
6. ഐസ്ക്യൂബ്സ് - ആവശ്യത്തിന്
തയാറാക്കുന്ന വിധം
അര കപ്പ് വെള്ളത്തിൽ കസ്കസ് അഞ്ചു മിനിട്ട് കുതിരാൻ വയ്ക്കുക. മിക്സിയിൽ ഇളനീർവെള്ളവും പുതിനയിലയും നാരങ്ങാനീരും പഞ്ചസാരയും ഐസ്ക്യൂബ്സും ചേർത്തടിക്കുക.
ചെറുതായി മുറിച്ച ഇളനീർക്കഷണങ്ങൾ ഗ്ലാസിലേക്ക് കുറച്ച് ഇട്ട് കുതിർത്ത കസ്കസ് കാൽ ടീസ്പൂണ് ചേർത്ത് അതിലേക്ക് അടിച്ച മിശ്രിതം അരിച്ചൊഴിക്കുക. വ്യത്യസ്തമായ ഒരു ഡ്രിങ്കാണിത്.
ചിക്കു ഡേറ്റ്സ് ഷേക്ക്
ആവശ്യമായ സാധനങ്ങൾ
1. സപ്പോട്ട - അഞ്ച് എണ്ണം
2. ഈത്തപ്പഴം സിറപ്പ് - ഒരു കപ്പ്
3. പാൽ - ഒരു പാക്കറ്റ്
4. അണ്ടിപ്പരിപ്പ് - പത്ത് എണ്ണം
6. വാനില ഐസ്ക്രീം - ചെറിയ ബോക്സ്
7. ടൂട്ടി ഫ്രൂട്ടി / ചെറി - അലങ്കരിക്കാൻ
തയാറാക്കുന്ന വിധം
സപ്പോട്ട തൊലിയും കുരുവും കളഞ്ഞതും അണ്ടിപ്പരിപ്പ് പത്തു മിനിട്ട് വെള്ളത്തിൽ കുതിർത്തെടുത്തതും തണുപ്പിച്ചെടുത്ത പാലും ഈത്തപ്പഴം സിറപ്പും ആവശ്യത്തിനു പഞ്ചസാരയും ചേർത്ത് അടിക്കുക.
ഗ്ലാസിലേക്ക് ഒഴിച്ച് മുകളിൽ ഒരു സ്കൂപ്പ് ഐസ്ക്രീം ഇട്ട് ടൂട്ടി ഫ്രൂട്ടിയോ അല്ലെങ്കിൽ ഒരു ചെറിയോ വച്ച് അലങ്കരിക്കാവുന്നതാണ്.
Fitness
1948-ല് ലോകാരോഗ്യ സംഘടന (ഡബ്ല്യുഎച്ച്ഒ) സ്ഥാപിതമായതിന്റെ സ്മരണയ്ക്കായി എല്ലാവര്ഷവും ഏപ്രില് ഏഴിന് ലോകാരോഗ്യദിനമായി ആചരിക്കുന്നു.
ആഗോളതലത്തില് പ്രാധാന ആരോഗ്യ ആശങ്കകളിലേക്ക് ശ്രദ്ധ ക്ഷണിക്കുന്നതിനും സര്ക്കാരിന്റെയും ആരോഗ്യ സ്ഥാപനങ്ങളുടെയും സമൂഹത്തിന്റെയും പ്രവര്ത്തനങ്ങളെ പ്രോത്സാഹിപ്പിക്കുന്നതിനുമാണ് ഈ ദിനം സ്ഥാപിതമായത്.
ഈ വര്ഷത്തെ ആരോഗ്യത്തിന്റെ പ്രമേയം "ആരോഗ്യത്തിനായി ഒരുമിച്ച്, ശാസ്ത്രത്തോടൊപ്പം നില്ക്കുക' (Together for health, Stand with science) എന്നതാണ്.
ഈ വര്ഷത്തെ ആരോഗ്യ ദിനത്തിന്റെ പ്രത്യേകതകള്
ലോകാരോഗ്യ ദിനം നമ്മെ ഓര്മിപ്പിക്കുന്നത് - ആരോഗ്യം എന്നത് പെട്ടെന്നുള്ള മാറ്റങ്ങളോ ട്രെന്ഡുകളോ അല്ല, മറിച്ച് ദിവസേനയുള്ള ശീലങ്ങളിലൂടെ വളര്ത്തിയെടുക്കേണ്ട ദീര്ഘകാല പ്രതിബദ്ധതയാണ് എന്നതാണ്.
പോഷകസമൃദ്ധമായ ഭക്ഷണം കഴിക്കുക, മാനസിക സമ്മര്ദം കുറയ്ക്കുക, ജീവിതശൈലി രോഗങ്ങളെ പ്രതിരോധിക്കുക എന്നിവയിലൂടെ സുസ്ഥിരമായ ആരോഗ്യം ഉറപ്പാക്കാന് ഈ ദിനം ആഹ്വാനം ചെയ്യുന്നു.
ലോക ആരോഗ്യ ദിനത്തിലെ പ്രധാന നിര്ദേശങ്ങള്
· ഭക്ഷണക്രമം (Plate structure)
നിങ്ങളുടെ ഭക്ഷണത്തില് പകുതി ഭാഗവും പഴങ്ങളും പച്ചക്കറികളും ആയിരിക്കണം. ബാക്കി പകുതിയില് കൊഴുപ്പ് കുറഞ്ഞ പ്രോട്ടീനും (lean protein), തവിടുള്ള ധാന്യങ്ങളും (whole grains) തുല്യമായി ഉള്പ്പെടുത്തുക.
· ഭക്ഷണം ഒരു മരുന്നായി കാണുക
ജീവിതശൈലി രോഗങ്ങളായ പ്രമേഹം, ഉയര്ന്ന രക്തസമ്മര്ദം, ഹൃദ്രോഗങ്ങള്, ഫാറ്റി ലിവര്, ദഹന പ്രശ്നങ്ങള് എന്നിവയെ പ്രതിരോധിക്കാനും നിയന്ത്രിക്കാനും പോഷകാഹാരത്തിനെ പ്രയോജനപ്പെടുത്താം.
സ്കൂള് കുട്ടികള്ക്ക് യാത്രകളിലും മറ്റും നാം തെരഞ്ഞെടുക്കുന്ന ഫാസ്റ്റ് ഫുഡുകള്, ബേക്കറി ഭക്ഷണങ്ങള് എന്നിവയ്ക്ക് പകരം ഡ്രൈഫ്രൂട്ടുകള്, പഴങ്ങള്, വീട്ടില് തയാറാക്കുന്ന ആരോഗ്യകരമായ വിഭവങ്ങള് എന്നിവയ്ക്ക് മുന്തൂക്കം കൊടുക്കുക.
കുട്ടികളില് ആരോഗ്യകരമായ ഭക്ഷണരീതികള് ചെറുപ്പം മുതല് തന്നെ ശീലമാക്കുക. ദിവസവും വിവിധതരം പഴങ്ങളോ, പച്ചക്കറികളോ കഴിക്കാന് ശ്രമിക്കുക.
· ഭക്ഷണ ശുചിത്വം പാലിക്കുക
പച്ചക്കറികളും പഴങ്ങളും നന്നായി കഴുകുക, ഇറച്ചി, മീന് എന്നിവ കൃത്യമായി പാകം ചെയ്ത് ഉപയോഗിക്കുക. ഭക്ഷണം തയാറാക്കുന്നതും സൂക്ഷിച്ച് വയ്ക്കുന്നതും വൃത്തിയോടും സുരക്ഷയോടും കൂടി മാത്രം ചെയ്യുക.
ഇതിലൂടെ ഭക്ഷ്യ സാംക്രമിക രോഗങ്ങളെയും ഭക്ഷ്യവിഷബാധയെയും ചെറുക്കാന് സാധിക്കും.
· പ്രതിരോധത്തിന് മുന്ഗണന
വൈവിധ്യമാര്ന്ന നിറങ്ങളിലുള്ള പഴങ്ങളും പച്ചക്കറികളും ദിവസേന ഉള്പ്പെടുത്തുക, സംസ്കരിച്ചതും (processed) എണ്ണയില് വറുത്തതുമായ ഭക്ഷണങ്ങള് കുറയ്ക്കുക.
വെള്ളം ധാരാളം കുടിക്കുക, ആവിയില് വേവിച്ചതും വീട്ടില് തയാറാക്കുന്നതുമായ ഭക്ഷണത്തിന് മുന്ഗണന നല്കുക, പ്രായത്തിനും ശാരീരിക അവസ്ഥയ്ക്കും അനുയോജ്യമായ ഭക്ഷണരീതി പിന്തുടരുക.
പഞ്ചസാരയും ഉപ്പും കുറയ്ക്കുക, മധുര പലഹാരങ്ങള്, കൃത്രിമ പാനീയങ്ങള് എന്നിവയുടെ ഉപയോഗം നിയന്ത്രിക്കുക.
· ശരീരഭാരം മാത്രമല്ല പ്രധാനം
ശരീരഭാരം കുറയ്ക്കുന്നതില് മാത്രം ശ്രദ്ധ കേന്ദ്രീകരിക്കാതെ, ശരിയായ പോഷകപ്രദമായ ഭക്ഷണരീതി പിന്തുടര്ന്ന് ശരീരത്തിന്റെ ഊര്ജ്ജ നില, മാനസികാരോഗ്യം, മൊത്തത്തിലുള്ള ക്ഷേമം എന്നിവയ്ക്ക് പ്രാധാന്യം നല്കുക.
· മാനസികാരോഗ്യം
ജോലിത്തിരക്കിനിടയിലും മനസിന് സന്തോഷം നല്കുന്ന കാര്യങ്ങള്ക്കായി സമയം കണ്ടെത്തുക. യോഗ, ധ്യാനം, നൃത്തം, പൂന്തോട്ട പരിപാലനം, തയ്യല്, വളര്ത്തുമൃഗങ്ങള് പക്ഷികള് എന്നിവയോടൊപ്പം സമയം ചെലവഴിക്കല്, ചിത്രകല എന്നിവ മാനസിക സമ്മര്ദം കുറയ്ക്കാന് സഹായിക്കും.
· ശാരീരിക വ്യായാമം ശീലമാക്കുക
ജിമ്മില് പോകാന് കഴിഞ്ഞില്ലെങ്കിലും ദിവസവും 30 മിനിറ്റ് വേഗത്തില് നടക്കുന്നതും വീടിനുള്ളില് തന്നെ ചെയ്യാവുന്ന ശാരീരിക വ്യായാമങ്ങള്, നൃത്തം, സൈക്ലിംഗ്, എയ്റോബിക് എക്സര്സൈസ് എന്നിവ ഹൃദയാരോഗ്യത്തിന് വളരെ നല്ലതാണ്.
· ട്രന്ഡുകളല്ല, സ്ഥിരതയാണ് പ്രാധാനം
പോഷകാഹാരം എന്നത് ശാസ്ത്രീയമായ ഒരു ശീലവും ജീവിത രീതിയുമാണ്. പുതിയതും ശാസ്ത്രീയ അടിത്തറയില്ലാത്തതുമായ ട്രെന്ഡുകളുടെ പുറകെ പോയി കുറച്ചു ദിവസത്തെ ഡയറ്റില് മാത്രം ഒതുങ്ങേണ്ടതല്ല.
കേട്ടറിവുള്ളതും സോഷ്യല് മീഡിയയില് ട്രെന്ഡ് ആയതുമായ ഭക്ഷണരീതികള് പിന്തുടരുന്നതിന് പകരം ഒരു പ്രൊഫഷണല് ഡയറ്റീഷ്യന്റെക്ടറുടെയും വിദഗ്ധ ഉപദേശവും നിര്ദേശങ്ങളും സ്വീകരിക്കുക.
ആരോഗ്യകരമായ ഭക്ഷണം എന്നത് നിയന്ത്രണം മാത്രമല്ല, ശരിയായ ജീവിതശൈലി കൂടിയാണ്. കുടുംബത്തില് ആരോഗ്യകരമായ ഭക്ഷണശീലങ്ങള് വളര്ത്തിയെടുക്കുന്നത് കുട്ടികളില് നിന്നുതന്നെ ആരംഭിക്കണം.
വീടുകളില് തയാറാക്കുന്ന ഭക്ഷണങ്ങള്ക്ക് മുന്ഗണന നല്കുന്നതിലൂടെ ആരോഗ്യകരമായ ഒരു സമൂഹത്തെ സൃഷ്ടിക്കാന് സാധിക്കുന്നു. ഇതോടൊപ്പം തന്നെ ശരിയായ സമയത്ത് ഭക്ഷണം കഴിക്കുക, മാനസികാരോഗഗ്യം പരിപാലിക്കുക തുടങ്ങിയ കാര്യങ്ങളും പ്രാധാന്യമര്ഹിക്കുന്നു.
ആരോഗ്യ സംരക്ഷണ ആശുപത്രികളില് മാത്രം ആരംഭിക്കുന്ന ഒന്നല്ല, നമ്മുടെ വീടുകളില് നിന്നുമാണ് അത് തുടങ്ങുന്നത്. "നല്ല ഭക്ഷണ രീതികള് സ്വീകരിച്ച് ആരോഗ്യകരമായ ജീവിതം നയിക്കാം' എന്ന ദൃഢനിശ്ചയത്തോടെ ഓരോ ദിവസവും നമുക്ക് ആരംഭിക്കാം.
"നല്ല ഭക്ഷണം - നല്ല ആരോഗ്യത്തിന്റെ അടിസ്ഥാനം' എന്ന സന്ദേശത്തോടെ, ആരോഗ്യകരമായ ഒരു സമൂഹത്തിനായി നമുക്ക് ഒന്നിച്ച് പ്രവര്ത്തിക്കാം.
കൂടുതൽ വിവരങ്ങൾക്ക്: അനു മാത്യു
ഡയറ്റീഷ്യന്, എസ്യുടി ഹോസ്പ്പിറ്റൽ, പട്ടം.
Fitness
ദിവസവും ഒരേ ഭക്ഷണം ശീലമാക്കുന്നത് കലോറി അളവ് കൃത്യമായി നിലനിര്ത്താനും ശരീരഭാരം വേഗത്തില് കുറയ്ക്കാനും സഹായിക്കുമെന്നു പുതിയ പഠനം.
ഹെല്ത്ത് സൈക്കോളജി എന്ന ജേണലില് പ്രസിദ്ധീകരിച്ച ഗവേഷണ റിപ്പോര്ട്ടിലാണ് ലളിതമായ ഭക്ഷണക്രമം പിന്തുടരുന്നത് ഡയറ്റിംഗ് കൂടുതല് ഫലപ്രദമാക്കുമെന്ന് അഭിപ്രായപ്പെടുന്നത്.
ഒറിഗണ് റിസര്ച്ച് ഇന്സ്റ്റിറ്റ്യൂട്ടിലെ ഗവേഷകര് 112 അമിതഭാരമുള്ള വ്യക്തികളില് 12 ആഴ്ചയോളം നടത്തിയ നിരീക്ഷണത്തിനൊടുവിലാണ് ഈ നിഗമനത്തിലെത്തിയത്.
ഭക്ഷണത്തില് വൈവിധ്യം കുറച്ച്, ഒരേ വിഭവങ്ങള് തന്നെ ആവര്ത്തിച്ച് കഴിച്ചവര് മറ്റുള്ളവരെ അപേക്ഷിച്ച് കൂടുതല് ഭാരം കുറച്ചതായി ഗവേഷകര് കണ്ടെത്തി.
സ്ഥിരമായി ഒരേ ഡയറ്റ് പിന്തുടര്ന്നവര് ശരാശരി 5.9 ശതമാനം ഭാരം കുറച്ചപ്പോള്, വൈവിധ്യമാര്ന്ന ഭക്ഷണം കഴിച്ചവരില് ഇത് 4.3 ശതമാനം മാത്രമായിരുന്നു.
ഓരോ ദിവസത്തെയും കലോറി ഉപഭോഗത്തില് വരുന്ന നേരിയ വ്യത്യാസം പോലും ഭാരം കുറയുന്ന പ്രക്രിയയെ ബാധിക്കുന്നുണ്ടെന്നും പഠനം പറയുന്നു.
ദിവസേനയുള്ള കലോറിയില് വരുത്തുന്ന ഓരോ 100 കലോറിയുടെ വ്യത്യാസവും ഭാരം കുറയുന്ന തോത് 0.6 ശതമാനം വീതം കുറയ്ക്കാന് കാരണമാകുന്നുണ്ട്.
ഇന്നത്തെ സാഹചര്യത്തില് ആരോഗ്യകരമായ ഭക്ഷണരീതി പിന്തുടരുന്നത് വലിയ പ്രയത്നവും സ്വയം നിയന്ത്രണവും ആവശ്യമായ ഒന്നാണെന്നു പഠനത്തിനു നേതൃത്വം നല്കിയ ഡോ. ഷാര്ലറ്റ് ഹാഗര്മാന് പറയുന്നു.
ഭക്ഷണകാര്യത്തില് കൃത്യമായ ചിട്ടകള് ഉണ്ടാക്കിയെടുക്കുന്നത് ആശയക്കുഴപ്പങ്ങള് ഒഴിവാക്കാനും ആരോഗ്യകരമായ തെരഞ്ഞെടുപ്പുകള് സ്വാഭാവികമായി സംഭവിക്കാനും സഹായിക്കും.
എങ്കിലും പഴങ്ങളും പച്ചക്കറികളും ഉള്പ്പെടെയുള്ള പോഷകസമൃദ്ധമായ ഭക്ഷണങ്ങള് ഡയറ്റില് ഉള്പ്പെടുത്താന് ശ്രദ്ധിക്കണമെന്നും വിദഗ്ധര് മുന്നറിയിപ്പ് നല്കുന്നു.
Fitness
നാല്പതു വയസു പിന്നിട്ടവര് ആരോഗ്യകാര്യത്തില് അതീവ ജാഗ്രത പുലര്ത്തണമെന്ന് ആരോഗ്യവിദഗ്ധര്. പ്രായമാകുമ്പോള് ശരീരത്തിന്റെ മെറ്റബോളിസം മാറുന്നതിനാല് ഭക്ഷണരീതിയില് തീര്ച്ചായും മാറ്റങ്ങള് വരുത്തണം.
മനുഷ്യശരീരത്തില് വാര്ധക്യത്തിന്റെ പ്രധാന മാറ്റങ്ങള് സംഭവിക്കുന്നത് 44-60 വയസിനിടയിലാണെന്ന് പഠനങ്ങള് സൂചിപ്പിക്കുന്നു. നാല്പതു പിന്നിടുമ്പോള് സംസ്കരിച്ച ഭക്ഷണങ്ങള് ഒഴിവാക്കുന്നത് വാര്ധക്യത്തിന്റെ വേഗത കുറയ്ക്കാന് സഹായിക്കുമെന്നാണ് ഗവേഷകര് പറയുന്നത്.
ഒഴിവാക്കേണ്ട അഞ്ചു പ്രധാന ഭക്ഷണങ്ങള്
1. സംസ്കരിച്ച മാംസം
ബേക്കണ്, സോസേജ്, ഹോട്ട് ഡോഗ് തുടങ്ങിയവയില് അമിതമായ സോഡിയവും സാച്ചുറേറ്റഡ് ഫാറ്റും അടങ്ങിയിട്ടുണ്ട്. ഇവയ്ക്ക് പകരം ചിക്കന്, മത്സ്യം (പ്രത്യേകിച്ച് മത്തി), ബീഫ് എന്നിവ മിതമായ അളവില് ഉപയോഗിക്കാം.
2. മധുരപാനീയങ്ങള്, മദ്യം
സോഡയും മധുരമുള്ള പാനീയങ്ങളും ഇന്സുലിന് അളവ് വര്ധിപ്പിക്കുകയും വയറിന് ചുറ്റും കൊഴുപ്പ് അടിഞ്ഞുകൂടാന് കാരണമാവുകയും ചെയ്യുന്നു. പകരം ഗ്രീന് ടീ, ബ്ലാക്ക് കോഫി ശീലമാക്കുന്നത് ഉചിതമായിരിക്കും.
3. വറുത്ത ഭക്ഷണങ്ങള്
ഉയര്ന്ന ചൂടില് വറുത്തെടുക്കുന്ന ഭക്ഷണങ്ങളില് അക്രിലാമൈഡ് എന്ന വിഷാംശം അടങ്ങിയിട്ടുണ്ട്. ഇതു ശരീരത്തിന്റെ വീക്കം വര്ധിപ്പിക്കുന്നു. എയര് ഫ്രൈ ചെയ്ത ഭക്ഷണങ്ങളോ ഒലിവ് ഓയില് ഉപയോഗിച്ചു ഭക്ഷണം തയാറാക്കുന്നതാണ് ഉചിതമെന്ന് വിദഗ്ധര് അഭിപ്രായപ്പെടുന്നു.
4. ശുദ്ധീകരിച്ച കാര്ബോഹൈഡ്രേറ്റുകള്
ബ്രഡ്, പേസ്ട്രി, ഇന്സ്റ്റന്റ് ഓട്സ് എന്നിവ രക്തത്തിലെ പഞ്ചസാരയുടെ അളവ് പെട്ടെന്ന് വര്ധിപ്പിക്കുന്നു. ഇതിനുപകരം പ്രോസസ് ചെയ്യാത്ത ഓട്സ്, ക്വിനോവ എന്നിവ ഭക്ഷണത്തില് ഉള്പ്പെടുത്തുന്നതു നല്ലത്.
5. സ്നാക്സ്
ചിപ്സ്, കുക്കീസ് തുടങ്ങിയവ കുടലിന്റെ ആരോഗ്യത്തെ നശിപ്പിക്കുകയും അകാല വാര്ക്യത്തിനു കാരണവുമാകും. ലഘുഭക്ഷണമായി പഴങ്ങള്, നട്സ്, തൈര് എന്നിവ ഉപയോഗിക്കുന്നത് ശരീരത്തിനു ഗുണപ്രദമാണ്.
പൂര്ണമായും ഒഴിവാക്കാന് സാധിച്ചില്ലെങ്കിലും, ഇത്തരം ഭക്ഷണങ്ങളുടെ അളവ് പരമാവധി കുറയ്ക്കുന്നത് നാല്പതു വയസിനു ശേഷമുള്ള ജീവിതം ഊര്ജസ്വലമാക്കാന് സഹായിക്കുമെന്ന് ആരോഗ്യവിദഗ്ധര് ചൂണ്ടിക്കാണിക്കുന്നു.
Fitness
വേനൽക്കാലത്തു ശരീരത്തിനു കുളിർമയും ഉന്മേഷവും തരുന്ന ചില പാനീയങ്ങൾ പരിചയപ്പെടാം. കാരറ്റ് സംഭാരവും അവിൽ മിൽക്കും എളുപ്പത്തിൽ വീട്ടിൽ തയാറാക്കാം.
കാരറ്റ് സംഭാരം
ചേരുവകൾ
തയാറാക്കുന്ന വിധം
മേൽപ്പറഞ്ഞ ചേരുകളെല്ലാം കൂടി മിക്സിയിൽ അടിച്ചെടുക്കുക. പ്രിയപ്പെട്ടവർക്കു നൽകാൻ സംഭാരം തായാർ.
അവിൽ മിൽക്ക്
ചേരുവകൾ
തയാറാക്കുന്ന വിധം
തൊലി കളഞ്ഞ പഴം പഞ്ചസാരയും ചേർത്ത് മിക്സിൽ നന്നായി അടിച്ചെടുക്കുക. ഇതിലേക്ക് അവിൽ ഒഴികെയുള്ള ചേരുവകൾ ചേർത്തിളക്കുക.
ഗ്ലാസിലേക്ക് ഒഴിച്ച് അവിലും ചേർത്തു സ്പൂണ്കൊണ്ട് നന്നായി കലരുന്ന വിധം അടിക്കുക. ഇനി ഉപയോഗിക്കാം.
Fitness
ഓട്സ് ദോശ ഔഷകഗുണങ്ങളേറെയുള്ള ഓട്സ് പ്രാതലില് ഉള്പ്പെടുത്തുന്നത് ആരോഗ്യത്തിന് ഏറെ ഉത്തമം. ഓട്സ് പോഷകപ്രദവും ആരോഗ്യകരവുമായ പ്രഭാതഭക്ഷണമായി വിദഗ്ധര് പറയുന്നു.
പ്രാതലില് ഓട്സ് ഉള്പ്പെടുത്തുന്നത് ദിവസം മുഴുവന് രക്തത്തിലെ ഗ്ലൂക്കോസിന്റെ അളവ് നിലനിര്ത്തുകയും ചെയ്യുന്നു. ഓട്സില് ബീറ്റാ ഗ്ലൂക്കന് അടങ്ങിയിട്ടുണ്ട്.
പ്രഭാത ഭക്ഷണത്തിനു ദിവസവും ഓട്സ് കഴിക്കുമ്പോള് ശരീരഭാരം, ഹോര്മോണ് അസന്തുലിതാവസ്ഥ, രക്തത്തിലെ ഗ്ലൂക്കോസ് എന്നിവയുടെ അളവ് ഗണ്യമായി കുറയ്ക്കുന്നു.
നമ്മുടെ ദൈനംദിന ഭക്ഷണത്തില് ഓട്സ് വിവിധ രൂപത്തില് ഉള്പ്പെടുത്താം. ഓട്സ് കൊണ്ട് ഇനി മുതല് ദോശ തയാറാക്കിയാലോ. വളരെ കുറച്ചു ചേരുവകള്കൊണ്ട് രുചികരമായ ഓട്സ് ദോശ എളുപ്പം തയാറാക്കാം.
ആവശ്യമുള്ള സാധനങ്ങള്
ഓട്സ് - 1 കപ്പ്
വെള്ളം - 1 കപ്പ്
തക്കാളി - 1 എണ്ണം (ചെറുതായി അരിഞ്ഞത്)
സവാള - 1/2 ടീ സ്പൂണ്
മുളകു പൊടി - 1/2 ടീ സ്പൂണ്
ജീരകം - 1/2 ടീ സ്പൂണ്
ഉപ്പ് - മല്ലിയില - ആവശ്യത്തിന്
എങ്ങനെ തയാറാക്കാം
ആദ്യം ഓട്സ് 30 മിനിറ്റ് നേരം വെള്ളത്തില് കുതിര്ക്കാന് ഇടുക. ശേഷം കുതിര്ത്ത ഓട്സ്, തക്കാളി, സവാള, ജീരകം, മുളകു പൊടി, ഉപ്പ് എന്നിവ ഒരുമിച്ച് ചേര്ത്ത് മിക്സിയില് അരച്ചെടുക്കുക.
ശേഷം ദോശ കല്ലില് പരത്തി ഉണ്ടാക്കി എടുക്കുക. ഓട്സ് ദോശ തയാര്.
Fitness
ചുരക്കയെ അറിയൂ... ഔഷധഗുണമുള്ള പച്ചക്കറി പ്രമേഹത്തിനും ആർത്തവപ്രശ്നങ്ങൾക്കും ഉത്തമം. ചുരക്കയോട് മലയാളികൾക്കു പൊതുവേ ഇഷ്ടക്കുറവുണ്ട്. ചൂടുകാലത്ത് കഴിക്കണ്ട പച്ചക്കറിയാണ് ചുരക്ക.
സവാളയും കടല പരിപ്പും പച്ചമുളകും അൽപ്പം മഞ്ഞൾപ്പൊടിയും ചുരക്കയും ഒരുമിച്ചു വറ്റിച്ചെടുക്കുന്ന ചുരക്കക്കറി വടക്കേ ഇന്ത്യയിൽ പ്രിയമേറിയ ഡിഷ് ആണ്. നാട്ടിൻപുറങ്ങളിലെ തൊടികളിൽ ധാരാളമായി കണ്ടുവരുന്ന ഒരു പച്ചക്കറി വിളയാണ് ചുരക്ക. ഇതിനെ ചുരങ്ങ, ചെരവക്കായ എന്നൊക്കെ പ്രാദേശികമായി വിളിക്കുന്നു.
ചുരക്കകൾ വിവിധതരം
പാൽച്ചുരക്ക, കുംഭച്ചുരക്ക, കയ്പ്പച്ചുരക്ക എന്നിങ്ങനെ മൂന്നു വിധത്തിൽ ചുരക്കയുണ്ട്. ഇതിൽ പാൽച്ചുരക്കയും കുംഭച്ചുരക്കയുമാണ് (കുമ്മട്ടിക്കായ) കേരളത്തിലെ നാട്ടിൻപുറങ്ങളിൽ സാധാരണ കണ്ടുവരുന്നത്.
90 ശതമാനവും ജലം
ചുരക്കയിൽ തൊണ്ണൂറു ശതമാനത്തോളം ജലാംശം അടങ്ങിയിരിക്കുന്നു. ഇതിൽ ധാരാളം ഭക്ഷ്യയോഗ്യമായ നാരുകൾ അടങ്ങിയിട്ടുണ്ട്. കൂടാതെ ഊർജവും കൊഴുപ്പും ചുരക്കയിൽ കുറവാണ്. ശരീരഭാരം കുറയ്ക്കാൻ രാവിലെ പ്രാതലിനു മുന്പായി ചുരക്കനീർ കുടിക്കുന്നത് ഫലപ്രദമാണ്.
കൃഷിചെയ്താൽ നല്ല വിളവു തരുന്ന വിളയാണ് ചുരക്ക. ആർക്ക ബഹാർ എന്ന ഇനം ആണ് സാധാരണ ചുരക്ക കൃഷിക്ക് ഉപയോഗിച്ച് വരുന്നത്. ഇളം പച്ച നിറത്തിൽ ഇടത്തരം നീളമുള്ള വളവില്ലാത്ത കായ്കൾ ആണിവയ്ക്ക്. ശരാശരി ഒരു ചുരക്കക്ക് ഒരു കിലോ ഗ്രാം തൂക്കം ഉണ്ടാവും.
ഒരു ഹെക്ടറിൽനിന്ന് 2530 ടണ് ശരാശരി ലഭിക്കും. രണ്ട് സീസണ് ആയി ഇതു കൃഷിചെയ്യാം. നടീൽ സമയം സെപ്റ്റംബർ മുതൽ ഒക്ടോബർ വരെയും ജനുവരി ഫെബ്രുവരി മാസത്തിലും ആണ്. ഒരു ഹെക്ടർ സ്ഥലത്തേയ്ക്ക് 2.5 3 കി.ഗ്രാം വിത്ത് ആവശ്യമാണ്.
ആരോഗ്യകരം
ചുരക്കത്തണ്ട് ആയുർവേദ മരുന്നുനിർമാണത്തിന് ഉപയോഗിക്കുന്നു. ചുരക്ക കോൽപുളി ചേർത്ത് പാകം ചെയ്ത് കഴിച്ചാൽ പിത്തകോപത്താലുണ്ടാകുന്ന എല്ലാ രോഗങ്ങൾക്കും നല്ലതാണ്. പ്രത്യേകിച്ചും മഞ്ഞപ്പിത്തം, മഹോദരം എന്നീ രോഗങ്ങൾക്കു നല്ല ഫലം ചെയ്യും.
ചുരക്ക പിഴിഞ്ഞടുക്കുന്ന നീര് തലവേദനയ്ക്ക് അത്യുത്തമമാണ്. സ്ത്രീകൾക്കുണ്ടാകുന്ന അസ്ഥിസ്രാവം, ആർത്തവസംബന്ധമായ അസുഖങ്ങൾ എന്നിവയ്ക്കു വളരെ ഗുണംചെയ്യുന്നതാണ് ചുരക്ക.
ചുരക്ക ബാർലി കൂട്ടിയരച്ച് ഗോതന്പുമാവ് ചേർത്തു പാകപ്പെടുത്തി പഞ്ചസാര കൂട്ടിക്കഴിച്ചാൽ തലപുകച്ചിൽ, ചെങ്കണ്ണ് മുതലായ രോഗങ്ങൾക്ക് അത്യുത്തമമാണ്.
ഇതു ശോധനയുണ്ടാക്കുന്നതും ആമാശയത്തിലും അതിനോടനുബന്ധിച്ചുള്ള അവയവങ്ങളിലുമുണ്ടാകുന്ന തടസങ്ങളെ നീക്കുന്നതുമാണ്. ചുരക്കയുടെ ഉള്ളിലെ കാന്പ് വേവിച്ച് കഴിച്ചാൽ വൃക്കരോഗത്തിന് ഏറ്റവും ഫലപ്രദമാണ്.
ചുരക്കനീര് ഒലീവെണ്ണ ചേർത്ത് കാച്ചി അരിച്ചെടുത്ത എണ്ണ തേച്ചാൽ രാത്രിയിൽ നല്ല ഉറക്കം കിട്ടും. ചുരക്കയിലെ മൂന്നാമത്തെ ഇനമായ കൈപ്പച്ചുരക്ക നല്ല ഔഷധഫലം നൽകുന്നതാണ്.
കൈപ്പച്ചുരക്ക കഷായമാക്കി പിഴിഞ്ഞരിച്ച് പഞ്ചസാര ചേർത്ത് പാകമാക്കി ഉപയോഗിച്ചാൽ മഞ്ഞപ്പിത്തവും എല്ലാ വിധത്തിലുള്ള നീരുവീഴ്ചയും പനിയും ഭേദമാകുന്നതാണ്.
ചുരക്കാത്തോട് ഉണക്കിയെടുത്ത് അതിൽ വെള്ളം വച്ച് 24 മണിക്കൂറിന് ശേഷം കഴിച്ചാൽ പ്രമേഹത്തിനു ശമനം കിട്ടും.
Fitness
വേനല്ക്കാലത്ത് ഏറ്റവും കൂടുതല് സുലഭമായ പഴവര്ഗങ്ങളില് ഒന്നാണ് തണ്ണിമത്തന്. ചര്മത്തിന്റെ ആരോഗ്യം മെച്ചപ്പെടുത്തല് മുതല് നിരവധി ഗുണങ്ങള് തണ്ണിമത്തനുണ്ട്.
കുക്കുര്ബിറ്റേസീ കുടുംബത്തില്പ്പെട്ട പഴമാണ് തണ്ണിമത്തന്. തണ്ണിമത്തനില് ഏകദേശം 92 ശതമാനം വെള്ളമാണ്. അതുപോലെ കലോറി കുറവും. വിറ്റാമിന് എ, സി എന്നിവയാല് സമ്പന്നമാണ് തണ്ണിമത്തന്.
ചര്മത്തിന്റെ ആരോഗ്യം മെച്ചപ്പെടുത്താന് തണ്ണിമത്തന് വളരെ ഉപകാരപ്രദമാണ്. തണ്ണിമത്തന്റെ പ്രത്യേകതയും ഗുണങ്ങളും എന്തെല്ലാമെന്ന് നോക്കാം...
92 ശതമാനം ജലാംശം
തണ്ണിമത്തനില് 92 ശതമാനത്തോളം ജലാംശമാണ്. ഇത് ശരീരത്തിലെ ജലാംശം നിലനിര്ത്താന് സഹായിക്കുന്നു. ഒപ്പം ചര്മത്തിന്റെ ഇലാസ്തികത നിലനിര്ത്തുന്നതിനും വരള്ച്ച തടയുന്നതിനും ഇത് ഉപകാരപ്രദമാണ്.
തണ്ണിമത്തനില് അടങ്ങിയിരിക്കുന്ന വിറ്റാമിന് സി കൊളാജന് സിന്തസിസ് പ്രോത്സാഹിപ്പിക്കുന്നതിലൂടെ ചര്മത്തിന്റെ കണക്റ്റീവ് ടിഷ്യുകളെ ശക്തിപ്പെടുത്തും. ഇത് മുറിവ് ഉണങ്ങാന് സഹായികമാണ്.
തണ്ണിമത്തനില് അടങ്ങിയിരിക്കുന്ന സിട്രുലിന്, അര്ജിനൈന് എന്നിവയ്ക്ക് ആന്റിമൈക്രോബയല് ഗുണങ്ങളുണ്ട്. മുഖക്കുരു ഉണ്ടാക്കുന്ന ബാക്ടീരിയകളെ ചെറുക്കാനും ചര്മ ആരോഗ്യം മെച്ചപ്പെടുത്താനും ഇത് സഹായിക്കും.
കൊളാജന്, ആന്റിഓക്സിഡന്റ് സമ്പന്നം
ഫ്രീ റാഡിക്കലുകള് മൂലമുണ്ടാകുന്ന നാശത്തില് നിന്ന് ചര്മത്തെ സംരക്ഷിക്കുന്ന ലൈക്കോപീന്, വിറ്റാമിന് സി തുടങ്ങിയ ആന്റി ഓക്സിഡന്റുകള് തണ്ണിമത്തനില് അടങ്ങിയിട്ടുണ്ട്. ചുളിവുകള്, വരകള് തുടങ്ങിയ വാര്ധക്യത്തിന്റെ ലക്ഷണങ്ങള് കുറയ്ക്കാന് ഇതിന് കഴിയും.
ചര്മത്തിന്റെ ഘടനയും ഇലാസ്തികതയും നിലനിര്ത്താന് സഹായിക്കുന്ന കൊളാജന് ഉത്പാദനത്തിന് സഹായിക്കുന്ന വിറ്റാമിന് സി ധാരാളം തണ്ണിമത്തനിലുണ്ട്.
തണ്ണിമത്തനില് കുക്കുര്ബിറ്റാസിന് ഇ, ല്യൂട്ടോലിന് എന്നീ ആന്റി-ഇന്ഫ്ലമേറ്ററി ഗുണങ്ങളുള്ള സംയുക്തങ്ങള് അടങ്ങിയിരിക്കുന്നു. ഇവ ചര്മത്തിലെ വീക്കം, ചുവന്നു തടിക്കല് എന്നിവയ്ക്ക് പ്രതിവിധിയാണ്.
അള്ട്രാവയലറ്റ് സംരക്ഷണം
തണ്ണിമത്തനില് അടങ്ങിയിട്ടുള്ള ലൈക്കോപീന് അള്ട്രാവയലറ്റ് രശ്മികളില്നിന്ന് ശരീരത്തിനു സംരക്ഷണം നല്കുമെന്ന് തെളിയിക്കപ്പെട്ടിട്ടുണ്ട്. തണ്ണിമത്തന് പതിവായി കഴിക്കുന്നത് സൂര്യപ്രകാശം മൂലമുള്ള പ്രശ്നങ്ങള്ക്ക് പ്രതിരോധം തീര്ക്കാന് ശരീരത്തെ സഹായിക്കും.
മാത്രമല്ല, തണ്ണിമത്തന് ഒരു പ്രകൃതിദത്ത ഡൈയൂററ്റിക് ആണ്. ഇത് മൂത്രത്തിന്റെ ഉത്പാദനം പ്രോത്സാഹിപ്പിക്കുകയും ശരീരത്തില് നിന്ന് വിഷവസ്തുക്കളെ പുറന്തള്ളാന് സഹായിക്കുകയും ചെയ്യുന്നു.
തണ്ണിമത്തനില് സിട്രുലിന് അടങ്ങിയിട്ടുണ്ട്. ഇത് രക്തയോട്ടം വര്ധിപ്പിക്കും. മെച്ചപ്പെട്ട രക്തചംക്രമണം ചര്മകോശങ്ങളിലേക്ക് അവശ്യ പോഷകങ്ങള് എത്തിക്കുകയും പുനരുജ്ജീവിപ്പിക്കുകയും ചെയ്യും.
ശരീരഭാരം നിയന്ത്രിക്കാന്
തണ്ണിമത്തനില് കലോറി കുറവാണ്. നാരുകളാല് സമ്പന്നവും. ഇത് ശരീരഭാരം നിയന്ത്രിക്കാന് സഹായിക്കും. ജലാംശം, മെച്ചപ്പെട്ട കൊളാജന് ഉത്പാദനം, നീര് കുറയ്ക്കല്, പോഷണം തുടങ്ങിയവ നല്കിക്കൊണ്ട് ചര്മത്തിന്റെ ആരോഗ്യം പ്രോത്സാഹിപ്പിക്കുന്നതിന് തണ്ണിമത്തന് ഉപകാരപ്രദമാണ്.
കാര്യങ്ങള് ഇങ്ങനെയൊക്കെയാണെങ്കിലും തണ്ണിമത്തന് മാത്രം ഒന്നിനും പ്രതിവിധിയല്ല. മൊത്തത്തിലുള്ള ഭക്ഷണക്രമം, ജീവിതശൈലി, ചര്മസംരക്ഷണ ദിനചര്യ തുടങ്ങിയവയെല്ലാം സുപ്രധാനമാണ്. മാത്രമല്ല, ആവശ്യമെങ്കില് ഡോക്ടറുമായി കൂടിക്കാഴ്ച നടത്തേണ്ടതുമുണ്ട്.
Fitness
ഫാസ്റ്റ് ഫുഡ് തീരെ ഒഴിവാക്കാനാവില്ല. അപ്പോൾ അതിനെ ആരോഗ്യജീവിതത്തിനു സഹായകമായ രീതിയിൽ മാറ്റിയെടുക്കണം. പുറത്തു നിന്നു വാങ്ങുന്ന മിക്ക ഫാസ്റ്റ് ഫുഡ് വിഭവങ്ങളും വീട്ടിൽത്തന്നെ തയാറാക്കാനാകും എന്നതാണു വാസ്തവം.
ചീസ് ഒഴിവാക്കി പിസ
പിസ ആരോഗ്യകരമായ രീതിയിൽ വീട്ടിൽ തയാറാക്കാനാകും. പിസബേസ് വാങ്ങി അതിൽ പച്ചക്കറികളും വേവിച്ച ചിക്കനും ചേർത്ത് നമുക്കു തന്നെ തയാറാക്കാം. കൊഴുപ്പു കുറയ്ക്കാൻ പിസയിൽ ചീസ് ഒഴിവാക്കാം.
സ്കൂൾ കുട്ടികൾക്ക്...
ഇടനേരങ്ങളിൽ കഴിക്കാൻ ഫാസ്റ്റ് ഫുഡ് വാങ്ങി കുട്ടികൾക്കു സ്കൂളിൽ കൊടുത്തയയ്ക്കുന്ന ശീലം മാതാപിതാക്കൾ ഉപേക്ഷിക്കണം. ഇത്തരം ഭക്ഷണത്തിൽ നിന്നു പോഷകങ്ങൾ കിട്ടുന്നില്ല.
ഇടഭക്ഷണം കൊഴുപ്പുകൂടിയവയായതിനാൽ പോഷകസമൃദ്ധമായ ഉച്ചഭക്ഷണം ശരിക്കു കഴിക്കാനുമാവില്ല.
ഇടനേരങ്ങളിൽ നട്സ്...
ഇടനേരങ്ങളിൽ കഴിക്കാൻ അനുയോജ്യം നട്സ് ആണ്. ഏതുതരം നട്സ് ആണെങ്കിലും അതിൽ പ്രോട്ടീന്റെ അളവു കൂടുതലാണ്. ശരീരത്തിനാവശ്യമായ മൈക്രോ ന്യൂട്രിയന്റ്സ് എല്ലാമുണ്ട്.
ബ്രഡ് സാൻഡ് വിച്ച്
മല്ലിയില, പുതിനയില മുതലായവ കൊണ്ടു തയാറാക്കിയ ചട്നി ഉപയോഗിച്ചു പച്ചക്കറികൾ നിറച്ച ബ്രഡ് സാൻഡ് വിച്ച് കൊടുത്തയയ്ക്കാം. ഏത്തപ്പഴമോ മറ്റു പഴങ്ങളോ കൊടുത്തയയ്ക്കാം.
പഴങ്ങൾ, സ്വാഭാവിക പഴച്ചാറുകൾ
പഴങ്ങളും സ്വാഭാവിക പഴച്ചാറുകളും കൊടുത്തയയ്ക്കാം. എണ്ണയിൽ വറുത്ത വിഭവങ്ങൾ പതിവാക്കരുത്. തടി കൂട്ടും.
ഉരുളക്കിഴങ്ങ് ഫ്രൈ പതിവാക്കരുത്
വറുത്ത സാധനങ്ങൾ, കേക്ക്, പഫ്സ്, ഏത്തയ്ക്ക ചിപ്സ് എന്നിവയും ഇടനേരങ്ങളിൽ കഴിക്കാൻ കുട്ടികൾക്കു പതിവായി കൊടുത്തയയ്ക്കരുത്. ഫാസ്റ്റ് ഫുഡെന്നോ ജങ്ക് ഫുഡ് എന്നോ വിശേഷിപ്പിക്കാവുന്ന ഇത്തരം ബേക്കറി വിഭവങ്ങളിൽ ശരീരത്തിനാവശ്യമായ പോഷകങ്ങൾ ഇല്ല.
ഉരുളക്കിഴങ്ങ് ഫ്രൈ, മെഴുക്കുപുരട്ടി എന്നിവയും പതിവായി കഴിക്കരുത്. ഉരുളക്കിഴങ്ങ് ചേർത്ത ഫാസ്റ്റ് ഫുഡും പതിവാക്കരുത്.
സുരക്ഷിതമാവണം ഭക്ഷണം
വീട്ടിൽ തയാറാക്കാൻ കഴിയാത്ത സന്ദർഭങ്ങളിൽ പുറത്തു നിന്നു ഭക്ഷണം വാങ്ങുന്നതു സ്വാഭാവികം. പക്ഷേ, അത്തരം ഭക്ഷണം സുരക്ഷിതമാണെന്ന് ഉറപ്പാക്കണം.
വിവരങ്ങൾക്കു കടപ്പാട്: ഡോ. അനിതമോഹൻ
ക്ലിനിക്കൽ ന്യുട്രീഷനിസ്റ്റ് & ഡയറ്റ് കണ്സൾട്ടന്റ്
Fitness
ഏറ്റവുമധികം സ്വാദ് കിട്ടുന്നതു കൊഴുപ്പിൽ നിന്നും ഉപ്പിൽ നിന്നുമാണ്. ഫാസ്റ്റ് ഫുഡിൽ ഇവയുടെ തോത് വളരെക്കൂടുതലാണ്. ഇത്തരം ഭക്ഷണം കഴിക്കുന്നവർ പച്ചക്കറികൾ അടങ്ങിയ മറ്റു വിഭവങ്ങൾ കഴിക്കുന്നതും കുറവാണ്.
ചുരുക്കത്തിൽ സാധാരണ ഭക്ഷണത്തിനു പകരം പതിവായി ഫാസ്റ്റ് ഫുഡ് കഴിക്കുന്നവരിൽ കൊഴുപ്പിന്റെ അളവു കൂടുതലാകുന്നു. നാരിന്റെ തോതു കുറയുന്നു. ഉളളിലെത്തുന്നതു പോഷകാംശം തീരെക്കുറഞ്ഞ സംസ്കരിച്ച ഭക്ഷണമായിരിക്കും.
ഇതു വിവിധ ജീവിതശൈലീരോഗങ്ങൾക്കുളള സാധ്യത കൂട്ടുന്നു.
വിറ്റാമിനുകളും ധാതുക്കളുമില്ല
ഫാസ്റ്റ് ഫുഡിൽ നിന്നു ശരീരത്തിനു കിട്ടുന്നതു കാർബോഹൈഡ്രേറ്റും കൊഴുപ്പിൽ നിന്നുളള ഊർജവുമാണ്. മറ്റു വിറ്റാമിനുകളും ധാതുക്കളും തീരെയില്ല. ഇതിൽ നിന്നു കിട്ടുന്നത് വെറും ഊർജം മാത്രം.
ചോറു കഴിച്ചാലും നമുക്കു കിട്ടുന്നത് ഈ കാർബോ ഹൈഡ്രറ്റ് തന്നെ. എന്നാൽ ആരോഗ്യജീവിതത്തിനു വിറ്റാമിനുകളും ആൻറി ഓക്സിഡൻറുകളും ധാതുക്കളും അടങ്ങിയ വിഭവങ്ങൾ കൂടി കഴിക്കണം. പച്ചക്കറികളും പഴങ്ങളും കഴിക്കണം.
മറ്റു ഭക്ഷണം ഒഴിവാക്കിയാണല്ലോ ഫാസ്റ്റ് ഫുഡ് പ്രേമികൾ അതു തെരഞ്ഞെടുക്കുന്നത്. പക്ഷേ, അതിൽ പോഷകങ്ങളില്ല. അതാണ് ഫാസ്റ്റ് ഫുഡ് ശീലമാക്കുന്നതിലെ അപകടം.
എണ്ണയുടെ ആറാട്ട്!
പൊറോട്ട കഴിക്കുന്നവർ അതിനൊപ്പം എണ്ണ കൂടുതലുളള ചില്ലി ചിക്കൻ പോലെയുളള വിഭവങ്ങളാണു മിക്കവരും തെരഞ്ഞെടുക്കുന്നത്. പോഷകങ്ങൾ ഇല്ല എന്നു മാത്രമല്ല അതിൽ അഡിറ്റീവ്സ് എന്നറിയപ്പെടുന്ന ചില രാസപദാർഥങ്ങൾ ചേർത്തിരിക്കുന്നു.
നിറത്തിനും മണത്തിനും രുചിക്കും വേണ്ടിയാണ് ഇവ ചേർക്കുന്നത്. ഇത്തരം വസ്തുക്കളും എണ്ണയുമാണ് ഫാസ്റ്റ് ഫുഡിൽ ഏറെയും. അതിൽനിന്നൊക്കെ കിട്ടുന്ന ഊർജം മാത്രമാണു ഫാസ്റ്റ് ഫുഡ് നല്കുന്നത്.
ഫാസ്റ്റ് ഫുഡിൽ ഏറെയും വറുത്ത വിഭവങ്ങളാണ്. വറുക്കുന്പോൾ കൂടുതൽ എണ്ണ ചേരുന്നതിനാൽ അത്തരം വിഭവങ്ങളിൽ ഉയർന്ന കലോറി ഊർജം അടങ്ങിയിരിക്കുന്നു. എണ്ണയുളള വിഭവങ്ങളിലെല്ലാം ഊർജം കൂടുതലാണ്.
ആ രുചിക്കു പിന്നിൽ...
ഫാസ്റ്റ് ഫുഡിലെ മറ്റൊരപകടകാരി ഉപ്പാണ്. ചിലതരം ചൈനീസ് വിഭവങ്ങളിൽ രുചിക്കു വേണ്ടി സോയാസോസ് ചേർക്കാറുണ്ട്. അതിൽ ഉപ്പു കൂടുതലാണ്. ഉപ്പു കുറച്ചുപയോഗിക്കുക എന്നതാണ് ലോകാരോഗ്യസംഘടന മുന്നോട്ടു വയ്ക്കുന്ന നിർദേശം.
എത്രത്തോളം ഉപ്പ് കുറച്ചുപയോഗിക്കുന്നുവോ അത്രത്തോളം സ്ട്രോക്കും ഉയർന്ന രക്തസമ്മർദവും തടയാനാകും എന്നതാണു വാസ്തവം. അതുപോലെ തന്നെ ചൈനീസ് വിഭവങ്ങളിൽ രുചിക്കുവേണ്ടി ചേർക്കുന്ന അജിനോമോട്ടോയിലും സോഡിയം ഉണ്ട്.
അജിനോമോട്ടോ ചേർത്ത വിഭവം ഒരിക്കൽ കഴിച്ചാൽ വീണ്ടും കഴിക്കാൻ പ്രേരണ ഉണ്ടാകുന്നു.
കുട്ടികൾക്കു കൊടുക്കാമോ?
രണ്ടു വയസുവരെ പ്രായമുളള കുട്ടികൾക്ക് ഇത്തരം ഫാസ്റ്റ് ഫുഡ് വിഭവങ്ങൾ കൊടുക്കരുതെന്നു വിദഗ്ധർ നിർദേശിക്കുന്നു. ഈ പ്രായത്തിലാണു തലച്ചോറിന്റെ വളർച്ച നടക്കുന്നത്.
ആ സമയത്ത് അജിനോമോട്ടോ പോലെയുളള അഡിറ്റീവ്സ് ചേർത്ത വിഭവങ്ങളോ ഡ്രിംഗ്സോ കുട്ടികളെക്കൊണ്ടു കഴിപ്പിക്കരുത്. വലിയ കുട്ടികൾ ഇത്തരം അഡിറ്റീവ്സ് ചേർത്ത വിഭവങ്ങൾ അപൂർവമായി കഴിക്കുന്നതിൽ തെറ്റില്ല.
എന്നാൽ ശീലമാക്കരുത്. അത് ആരോഗ്യകരമല്ല.
വിവരങ്ങൾക്കു കടപ്പാട്: ഡോ. അനിത മോഹൻ
ക്ലിനിക്കൽ ന്യുട്രീഷനിസ്റ്റ് & ഡയറ്റ് കണ്സൾട്ടന്റ്
Fitness
ഫാസ്റ്റ് ഫുഡ് എന്നാൽ പെട്ടെന്നു തയാറാക്കി കൊടുക്കാവുന്ന ഭക്ഷണം; ജീവിതത്തിരക്കിനിടയിൽ സൗകര്യപ്രദമായി കഴിക്കാവുന്ന ഭക്ഷണം(കണ്വീനിയന്റ് ഫുഡ്)എന്നർഥം; പത്തു മിനിറ്റിനകം തയാറാക്കി കൊടുക്കാവുന്ന ഭക്ഷണം. ഉദാഹരണത്തിനു പൊറോട്ട ഫാസ്റ്റ് ഫുഡാണ്.
അതിന്റെ കൂടെ കഴിക്കുന്ന ചില്ലി ബീഫ്, ചിക്കൻ ഫ്രൈ എന്നിവയും ഫാസ്റ്റ് ഫുഡാണ്. ചപ്പാത്തി ഫാസ്റ്റ് ഫുഡ് അല്ല. എന്നാൽ അതിനൊപ്പം കഴിക്കുന്ന ബട്ടർ ചിക്കൻ, ചില്ലി ചിക്കൻ തുടങ്ങിയവ ചൈനീസ് വിഭവങ്ങളാണെങ്കിലും അവയെയും ഫാസ്റ്റ് ഫുഡ് വിഭാഗത്തിൽ ഉൾപ്പെടുത്താം.
മധുരം, കൊഴുപ്പ്
ബർഗർ, പിസ തുടങ്ങിയവയും കോള ഡ്രിംഗ്സും ഫാസ്റ്റ് ഫുഡ് പരിധിയിൽ വരുന്നു. ഒരു കപ്പ് കോള കുടിച്ചാൽ 200 കലോറി ഊർജം കിട്ടുന്നു. അതിനെ എംറ്റി കാലറി എന്നു പറയുന്നു. അതിൽ ഊർജം മാത്രമേയുളളു.
ശരീരത്തിനാവശ്യമായ യാതൊരുവിധ പോഷകങ്ങളുമില്ല. മധുരം അധികമായാൽ ശരീരത്തിൽ കൊഴുപ്പായി അടിഞ്ഞുകൂടും. ഫലത്തിൽ തടി കൂടും. അരക്കെട്ടിന്റെ വണ്ണം കൂടും. വയറിൽ കൊഴുപ്പടിയുന്നത് അമിതഭാരത്തിന്റെ സൂചനയാണ്.
അതാണു ക്രമേണ പ്രമേഹത്തിനിടയാക്കുന്നത്. പുരുഷൻമാർക്ക് അരക്കെട്ടിന്റെ ചുറ്റളവ് 90 സെന്റി മീറ്ററിൽ കൂടാൻ പാടില്ല. സ്ത്രീകളിൽ അത് 80 സെന്റിമീറ്ററിൽ കൂടുതലാകരുത്.
ആവർത്തിച്ച് ചൂടാക്കിയ എണ്ണ
ഫാസ്റ്റ് ഫുഡിൽ കൊഴുപ്പിന്റെ അളവു കൂടുതലാണ്. അതാണു പ്രധാന പ്രശ്നം. മിക്കപ്പോഴും ആവർത്തിച്ചുപയോഗിച്ച എണ്ണയിലാകും മിക്കവരും ഫാസ്റ്റ് ഫുഡ് തയാറാക്കുന്നത്. ഫാസ്റ്റ് ഫുഡിൽ മായം ചേർക്കാനുളള സാധ്യതയും കൂടുതലാണ്.
പഴകിയ ഭക്ഷ്യവസ്തുക്കൾ ചൂടാക്കി മസാലക്കൂട്ടും അജിനോമോട്ടോയും ചേർത്തു പത്തു മിനിട്ടിനുളളിൽ പുതിയ ഭക്ഷണമാക്കി കൊടുക്കുന്ന രീതിയാണു മിക്കപ്പോഴും ഫാസ്റ്റ് ഫുഡ് ശാലകളിൽ നടക്കുന്നത്.
മിക്കവാറും ഫാസ്റ്റ് ഫുഡ് വിഭവങ്ങളിൽ ഗ്രേവി ഇല്ല. ഏറെയും ഡ്രൈ ആണ്. ചിക്കൻ പോലെ എണ്ണയിൽ പാകം ചെയ്യുന്ന വിഭവങ്ങൾ.
ചെറുപ്പക്കാരിൽ
സംസ്കരിച്ച ഭക്ഷ്യധാന്യങ്ങളാണു ഫാസ്റ്റ് ഫുഡ് നിർമാണത്തിന് ഉപയോഗിക്കുന്നത്്. പച്ചക്കറികളുടെ തോതും തീരെ കുറവാണ്. അതിനാൽ ഫാസ്റ്റ് ഫുഡ് വിഭവങ്ങളിൽ നാരിന്റെ അംശം തീരെ കുറവാണ്.
ഇത്തരം വിഭവങ്ങൾ ഉപയോഗിക്കുന്ന ചെറുപ്പക്കാർ നേരിടുന്ന പ്രധാനം പ്രശ്നം അമിതഭാരമാണ്. ചുരുങ്ങിയ കാലയളവിനുള്ളിൽ ഭാരം കൂടും. ചെറുപ്പക്കാരിൽ കൊളസ്ട്രോൾ ലെവലും ബിപിയും കൂടുന്നതായി റിപ്പോർട്ടുണ്ട്.
പലപ്പോഴും മറ്റ് ആവശ്യങ്ങൾക്കായി രക്തപരിശോധന നടത്തുന്പോഴാണ് അധിക കൊളസ്ട്രോൾ ഉളളതായി തിരിച്ചറിയുന്നത്. അരക്കെട്ടിന്റെ വണ്ണം കൂടുന്നതും ഇതിന്റെ സൂചനയാണ്. അത് അബ്ഡമൻ ഒബീസിറ്റി എന്നറിയപ്പെടുന്നു.
കൂടുതൽ നടക്കുന്പോൾ ക്ഷീണം, തലകറക്കം എന്നിവയുണ്ടാകുന്നു. ആരോഗ്യജീവിതത്തിന് അവശ്യമായ മറ്റു വിറ്റാമിനുകളുടെ കുറവും ഇവരിൽ കാണപ്പെടുന്നു.
വിവരങ്ങൾക്കു കടപ്പാട്: ഡോ. അനിതമോഹൻ
ക്ലിനിക്കൽ ന്യുട്രീഷനിസ്റ്റ് & ഡയറ്റ് കണ്സൾട്ടന്റ്
Fitness
25 വയസു കഴിയുമ്പോഴേക്കും ശരീരവളർച്ച പൂർണമായിരിക്കും. അതു കഴിഞ്ഞാൽ എല്ലാ കാര്യത്തിലും കുറച്ചു നിയന്ത്രണങ്ങൾ വേണം. വ്യായാമം ചെയ്യണം.
അമിതഭാരത്തിനു പിന്നിൽ
ആഹാരകാര്യങ്ങളിൽ നിയന്ത്രണം വേണം. ചെറുപ്പക്കാർ എണ്ണ അധികമായി ഉപയോഗിക്കാൻ പാടില്ല. അമിതഭാരത്തിനുളള പ്രധാന കാരണം എണ്ണയാണ്. വറുത്തതും പൊരിച്ചതും എന്നും കഴിക്കരുത്.
അത്തരം ചില നിയന്ത്രണങ്ങൾ ജീവിതശൈലീരോഗങ്ങൾ ചെറുപ്പത്തിലേ പിടികൂടാതിരിക്കാൻ സഹായകം.
ശുദ്ധീകരിച്ച എണ്ണ
ടെക്നോളജി(സാങ്കേതികത) മെച്ചപ്പെടുന്നതനുസരിച്ചും ആവശ്യം കൂടുന്നതിനനുസരിച്ചും ആധുനികവത്കരണം വരുന്നതിനനുസരിച്ചും പുതിയ പുതിയ ഉത്പന്നങ്ങൾ ഉണ്ടായിക്കൊണ്ടിരിക്കും.
റിഫൈൻഡ് (ശുദ്ധീകരിച്ച) ഫുഡ്, പ്രോസസ് ഫുഡ് എന്നിങ്ങനെ. എണ്ണയുടെ കാര്യത്തിലും അതുതന്നെ സംഭവിക്കുന്നു.
ചിലതരം എണ്ണയുടെ ഗന്ധം പലപ്പോഴും നാം ഇഷ്ടപ്പെടുന്നതാവില്ല. അപ്പോൾ അതുമാറ്റാൻ നാം അതു ശുദ്ധീകരിക്കുന്നു. എണ്ണയിൽ വിറ്റാമിനുകളുണ്ട്. റിഫൈൻ ചെയ്യുന്പോൾ ചിലതൊക്കെ നഷ്ടപ്പെടും.
നെയ് റോസ്റ്റ് പതിവാക്കിയാൽ ?
നെയ്യ് സാച്ചുറേറ്റഡ് ഫാറ്റാണ്. പാലിൽ നിന്നുളള കൊഴുപ്പ് സാച്ചുറേറ്റഡ് ഫാറ്റാണ്(പൂരിതകൊഴുപ്പ്). അതിനാൽ ബട്ടറും നെയ്യും സാച്ചുറേറ്റഡാണ്. ഇവയെല്ലാം കൊഴുപ്പിന്റെ വിഭാഗത്തിൽ വരുന്നു.
അതിനാൽ ദിവസവും നെയ് റോസ്റ്റ് കഴിക്കുന്നത് ആരോഗ്യകരമല്ല. രക്തത്തിലെ കൊളസ്ട്രോൾ നില കൂടുന്നതിനു പൂരിതകൊഴുപ്പു കാരണമാകുന്നു. പൂരിതകൊഴുപ്പ് പ്രായമായവർക്കാണു ദോഷകരം.
വിവരങ്ങൾ: ഡോ. അനിത മോഹൻ
നുട്രീഷൻ സ്പെഷലിസ്റ്റ് & ഡയറ്റ് കൺസൾട്ടന്റ്
Fitness
വരുണിനു പരീക്ഷ എങ്ങനെയെങ്കിലും തീർന്നാൽ മതിയെന്നായിരുന്നു. പരീക്ഷയുടെ ക്ഷീണം തീർക്കാൻ രണ്ടു മാസത്തെ നീണ്ട അവധികാലം എങ്ങനെയൊക്കെ അടിപൊളിയാക്കാം എന്ന ചിന്തയായിരുന്നു മനസു നിറയെ.
കളിക്കാനുള്ള വീഡിയോ ഗെയിംസിന്റെയും വെബ് സീരിസിന്റെയും ഒക്കെ ചിന്തയായിരുന്നു ദിവസവും കുഞ്ഞു മനസിൽ നിറഞ്ഞിരുന്നത്. അപ്പോഴാണ് സമ്മർ വെക്കേഷന് പുതിയ പരിപാടികളുമായി ചേട്ടൻ വിജയ് വരുന്നത്.
അവരുടെ ഹൗസിങ് കോളനിയുടെ അടുത്തുതന്നെയുള്ള ഫുട്ബോൾ ഗ്രൗണ്ടിൽ ഫുട്ബോൾ കോച്ചിംഗ് ആരംഭിച്ചിരിക്കുന്നു! ഫുട്ബോൾ കമ്പമുള്ള വരുണിനു പിന്നെ വേറെ ഒന്നും ആലോചിക്കേണ്ടി വന്നില്ല ഇത് തന്നെ മതിയെന്ന് അവൻ തീരുമാനിച്ചു.
അങ്ങനെ രണ്ട് മാസം കൊണ്ട് നല്ലരീതിയിൽ തന്നെ ഫുട്ബോൾ പ്രാക്ടീസ് ചെയ്യാൻ അവനു സാധിക്കുകയും ചെയ്തു.
രസിച്ചു വളരാം
കുട്ടികൾക്ക് വേനൽ അവധിയാണ് ഏറ്റവും നല്ല വിശ്രമസമയം. ഇത് സാധാരണയായി അവർക്ക് പഠനത്തിൽ നിന്നുള്ള ഒരു നീണ്ട അവധിക്കാലമാണ്. അതിനാൽ വിദ്യാർഥിയുടെ ജീവിതത്തിലെ സന്തോഷകരമായ സമയങ്ങളിൽ ഒന്നാണ്, അവിടെ അവർക്ക് പഠിക്കാൻ ഒന്നുമില്ല.
എന്നാൽ നീണ്ട വേനൽ അവധി പല കാര്യങ്ങൾക്കായി ഉപയോഗപ്പെടുത്താം. ദൈനംദിന ഷെഡ്യൂളിൽ നിന്ന് ചില പുതിയ കാര്യങ്ങൾ പഠിക്കാനുള്ള ഏറ്റവും നല്ല സമയമാണിത്. വേനൽ അവധിക്കാലത്ത് ഒരു കുട്ടിയും പഠിക്കാൻ ആഗ്രഹിക്കുന്നില്ല. നീണ്ട വേനൽഅവധിക്കാലം ആസ്വദിക്കാൻ അവർ ആഗ്രഹിക്കുന്നു.
എന്നാൽ അതുല്യമായ കഴിവുകളുടെ സഹായത്തോടെ പഠിക്കാനും സ്വയം ഉയർത്താനുമുള്ള ഒരു പ്രധാന സമയമാണിത്. പുതിയ കഴിവുകൾ നേടാനും നിങ്ങളുടെ പ്രിയപ്പെട്ട ഹോബികളിൽ ശ്രദ്ധ കേന്ദ്രീകരിക്കാനുമുള്ള നല്ല സമയമാണിത്.
മാനസിക-ശാരീരിക ആരോഗ്യം
അവധിക്കാലത്ത് കുട്ടികൾക്ക് കായിക-കലകളിൽ പരിശീലനം നൽകുന്നത് മാനസികമായും ശാരീരികമായും മെച്ചപ്പെട്ട ആരോഗ്യം നേടാനും അവരുടെ അക്കാദമിക് പ്രകടനം കൂടുതൽ മെച്ചപ്പെടുത്താനും സഹായിക്കും.
പണ്ടുകാലങ്ങളിൽ സ്കൂൾ അടച്ചു കഴിഞ്ഞാൽ വീടിനടുത്തുള്ള കൂട്ടുകാരുമായോ ബന്ധുവീടുകളിലോ ആയിരിക്കും കുട്ടികൾ സമയം ചിലവഴിക്കുക. അവിടെ അവരുടേതായ ഒരു ലോകം തന്നെ അവർ സൃഷ്ടിച്ചെടുക്കുമായിരുന്നു.
എന്നാൽ ഇന്ന് നമ്മുടെയൊക്കെ ജീവിത സാഹചര്യങ്ങളിൽ ഒരുപാട് മാറ്റങ്ങൾ സംഭവിച്ചിരിക്കുന്നതിനാൽ പണ്ടത്തെ കുട്ടികാലം എന്നത് ഒരു സ്വപ്നം മാത്രമായി തീർന്നിരിക്കുകയാണ്. നമ്മുടെ കുട്ടികളുടെ വേനലവധിക്കാലം കളിച്ചും ചിരിച്ചും നല്ല ഓർമകൾ അവർക്കു നൽകുന്ന തരത്തിലുള്ളതാവട്ടെ.
Fitness
വേനല്ക്കാലത്ത് ഏറ്റവും കൂടുതല് സുലഭമായ പഴവര്ഗങ്ങളില് ഒന്നാണ് തണ്ണിമത്തന്. ചര്മത്തിന്റെ ആരോഗ്യം മെച്ചപ്പെടുത്തല് മുതല് നിരവധി ഗുണങ്ങള് തണ്ണിമത്തനുണ്ട്.
കുക്കുര്ബിറ്റേസീ കുടുംബത്തില്പ്പെട്ട പഴമാണ് തണ്ണിമത്തന്. തണ്ണിമത്തനില് ഏകദേശം 92 ശതമാനം വെള്ളമാണ്. അതുപോലെ കലോറി കുറവും. വിറ്റാമിന് എ, സി എന്നിവയാല് സമ്പന്നമാണ് തണ്ണിമത്തന്.
ചര്മത്തിന്റെ ആരോഗ്യം മെച്ചപ്പെടുത്താന് തണ്ണിമത്തന് വളരെ ഉപകാരപ്രദമാണ്. തണ്ണിമത്തന്റെ പ്രത്യേകതയും ഗുണങ്ങളും എന്തെല്ലാമെന്ന് നോക്കാം...
92 ശതമാനം ജലാംശം
തണ്ണിമത്തനില് 92 ശതമാനത്തോളം ജലാംശമാണ്. ഇത് ശരീരത്തിലെ ജലാംശം നിലനിര്ത്താന് സഹായിക്കുന്നു. ഒപ്പം ചര്മത്തിന്റെ ഇലാസ്തികത നിലനിര്ത്തുന്നതിനും വരള്ച്ച തടയുന്നതിനും ഇത് ഉപകാരപ്രദമാണ്.
തണ്ണിമത്തനില് അടങ്ങിയിരിക്കുന്ന വിറ്റാമിന് സി കൊളാജന് സിന്തസിസ് പ്രോത്സാഹിപ്പിക്കുന്നതിലൂടെ ചര്മത്തിന്റെ കണക്റ്റീവ് ടിഷ്യുകളെ ശക്തിപ്പെടുത്തും. ഇത് മുറിവ് ഉണങ്ങാന് സഹായികമാണ്.
തണ്ണിമത്തനില് അടങ്ങിയിരിക്കുന്ന സിട്രുലിന്, അര്ജിനൈന് എന്നിവയ്ക്ക് ആന്റിമൈക്രോബയല് ഗുണങ്ങളുണ്ട്. മുഖക്കുരു ഉണ്ടാക്കുന്ന ബാക്ടീരിയകളെ ചെറുക്കാനും ചര്മ ആരോഗ്യം മെച്ചപ്പെടുത്താനും ഇത് സഹായിക്കും.
കൊളാജന്, ആന്റിഓക്സിഡന്റ് സമ്പന്നം
ഫ്രീ റാഡിക്കലുകള് മൂലമുണ്ടാകുന്ന നാശത്തില് നിന്ന് ചര്മത്തെ സംരക്ഷിക്കുന്ന ലൈക്കോപീന്, വിറ്റാമിന് സി തുടങ്ങിയ ആന്റി ഓക്സിഡന്റുകള് തണ്ണിമത്തനില് അടങ്ങിയിട്ടുണ്ട്. ചുളിവുകള്, വരകള് തുടങ്ങിയ വാര്ധക്യത്തിന്റെ ലക്ഷണങ്ങള് കുറയ്ക്കാന് ഇതിന് കഴിയും.
ചര്മത്തിന്റെ ഘടനയും ഇലാസ്തികതയും നിലനിര്ത്താന് സഹായിക്കുന്ന കൊളാജന് ഉത്പാദനത്തിന് സഹായിക്കുന്ന വിറ്റാമിന് സി ധാരാളം തണ്ണിമത്തനിലുണ്ട്.
തണ്ണിമത്തനില് കുക്കുര്ബിറ്റാസിന് ഇ, ല്യൂട്ടോലിന് എന്നീ ആന്റി-ഇന്ഫ്ലമേറ്ററി ഗുണങ്ങളുള്ള സംയുക്തങ്ങള് അടങ്ങിയിരിക്കുന്നു. ഇവ ചര്മത്തിലെ വീക്കം, ചുവന്നു തടിക്കല് എന്നിവയ്ക്ക് പ്രതിവിധിയാണ്.
അള്ട്രാവയലറ്റ് സംരക്ഷണം
തണ്ണിമത്തനില് അടങ്ങിയിട്ടുള്ള ലൈക്കോപീന് അള്ട്രാവയലറ്റ് രശ്മികളില്നിന്ന് ശരീരത്തിനു സംരക്ഷണം നല്കുമെന്ന് തെളിയിക്കപ്പെട്ടിട്ടുണ്ട്. തണ്ണിമത്തന് പതിവായി കഴിക്കുന്നത് സൂര്യപ്രകാശം മൂലമുള്ള പ്രശ്നങ്ങള്ക്ക് പ്രതിരോധം തീര്ക്കാന് ശരീരത്തെ സഹായിക്കും.
മാത്രമല്ല, തണ്ണിമത്തന് ഒരു പ്രകൃതിദത്ത ഡൈയൂററ്റിക് ആണ്. ഇത് മൂത്രത്തിന്റെ ഉത്പാദനം പ്രോത്സാഹിപ്പിക്കുകയും ശരീരത്തില് നിന്ന് വിഷവസ്തുക്കളെ പുറന്തള്ളാന് സഹായിക്കുകയും ചെയ്യുന്നു.
തണ്ണിമത്തനില് സിട്രുലിന് അടങ്ങിയിട്ടുണ്ട്. ഇത് രക്തയോട്ടം വര്ധിപ്പിക്കും. മെച്ചപ്പെട്ട രക്തചംക്രമണം ചര്മകോശങ്ങളിലേക്ക് അവശ്യ പോഷകങ്ങള് എത്തിക്കുകയും പുനരുജ്ജീവിപ്പിക്കുകയും ചെയ്യും.
ശരീരഭാരം നിയന്ത്രിക്കാന്
തണ്ണിമത്തനില് കലോറി കുറവാണ്. നാരുകളാല് സമ്പന്നവും. ഇത് ശരീരഭാരം നിയന്ത്രിക്കാന് സഹായിക്കും. ജലാംശം, മെച്ചപ്പെട്ട കൊളാജന് ഉത്പാദനം, നീര് കുറയ്ക്കല്, പോഷണം തുടങ്ങിയവ നല്കിക്കൊണ്ട് ചര്മത്തിന്റെ ആരോഗ്യം പ്രോത്സാഹിപ്പിക്കുന്നതിന് തണ്ണിമത്തന് ഉപകാരപ്രദമാണ്.
കാര്യങ്ങള് ഇങ്ങനെയൊക്കെയാണെങ്കിലും തണ്ണിമത്തന് മാത്രം ഒന്നിനും പ്രതിവിധിയല്ല. മൊത്തത്തിലുള്ള ഭക്ഷണക്രമം, ജീവിതശൈലി, ചര്മസംരക്ഷണ ദിനചര്യ തുടങ്ങിയവയെല്ലാം സുപ്രധാനമാണ്. മാത്രമല്ല, ആവശ്യമെങ്കില് ഡോക്ടറുമായി കൂടിക്കാഴ്ച നടത്തേണ്ടതുമുണ്ട്.
Fitness
തേങ്ങ വെള്ളത്തിനും കരിക്കിന് വെള്ളത്തിനും നമ്മുടെ ആരോഗ്യത്തില് നിര്ണായക സ്വാധീനം ചെലുത്താന് കഴിയും എന്ന് പഠനങ്ങള് തെളിയിച്ചിട്ടുണ്ട്.
ഹൃദയാരോഗ്യം മുതല് കിഡ്നി പ്രശ്നങ്ങള്ക്കുവരെ തേങ്ങ വെള്ളവും കരിക്കിന് വെള്ളവും അത്യുത്തമമാണ്.
വേനല്ക്കാലത്തില് മാത്രമല്ല, ഏത് കാലാവസ്ഥയിലും തേങ്ങാ വെള്ളവും കരിക്കിന് വെള്ളവും നമ്മുടെ ശരീരത്തില് നിര്ണായക സ്വാധീനം ചെലുത്തുന്നു.
വേനല്ക്കാലത്തെ നിര്ജലീകരണം ഉള്പ്പെടെ തടയാന് തേങ്ങ/കരിക്കിന് വെള്ളത്തിനു സാധിക്കും. തേങ്ങ/കരിക്കിന് വെള്ളത്തിന്റെ ആരോഗ്യ ഗുണങ്ങള് ഇവയാണ്...
ഇലക്ട്രോലൈറ്റുകള് നല്കുന്നു
തേങ്ങ/കരിക്കിന് വെള്ളത്തില് ഇലക്ട്രോലൈറ്റുകള് ധാരളമുണ്ട്. വ്യായാമം അല്ലെങ്കില് എന്തെങ്കിലും കഠിന ജോലി ചെയ്തതിന് ശേഷം സ്പോര്ട്സ് ഡ്രിങ്കുകള്ക്ക് പകരം തേങ്ങ/കരിക്കിന് വെള്ളം കുടിക്കുന്നത് ഉത്തമമാണ്.
ശരീരത്തെ റീഹൈഡ്രേറ്റ് ചെയ്യാന് ഏറ്റവും ലഘുവും സൈഡ് ഇഫക്ടുകള് ഇല്ലാത്തതുമായ പാനിയമാണ് തേങ്ങ/കരിക്കിന് വെള്ളം.
കുറഞ്ഞ കലോറി ജലാംശം
തേങ്ങ/കരിക്കിന് വെള്ളത്തില് കലോറി കുറവാണ്. അതേസമയം, ലഘു പാനിയങ്ങളായി നമുക്കു മുന്നിലെത്തുന്ന മറ്റുള്ളവയില് അധിക കലോറി അടങ്ങിയിട്ടുണ്ട്. ഇത് ശരീരഭാരം വര്ധിപ്പിക്കാന് കാരണമാകും.
തേങ്ങ/കരിക്കിന് വെള്ളം രുചിയുള്ളതും കുറവ് മാത്രം കലോറി അടങ്ങിയതും ആണ്. അനാവശ്യമായി കലോറി ഉപഭോഗം വര്ധിപ്പിക്കാതെ ജലാംശം നിലനിര്ത്താനുള്ള എളുപ്പ മാര്ഗമാണ് തേങ്ങ/കരിക്കിന് വെള്ളം.
ഹൃദയാരോഗ്യം മെച്ചപ്പെടും
ഫ്രീ റാഡിക്കലുകള്ക്കെതിരേ പോരാടാന് സഹായിക്കുന്ന ആന്റിഓക്സിഡന്റുകളാല് സമ്പന്നമാണ് തേങ്ങ/കരിക്കിന് വെള്ളം. രക്തസമ്മര്ദം കുറയ്ക്കാനും ഹൃദയാരോഗ്യം വര്ധിപ്പിക്കാനും സഹായിക്കുന്ന പൊട്ടാസ്യത്തിന്റെ നല്ല ഉറവിടം കൂടിയാണിത്.
പൊട്ടാസ്യത്തിനൊപ്പം മഗ്നീഷ്യം, കാല്സ്യം എന്നിവയുള്പ്പെടെയുള്ള അവശ്യ പോഷകങ്ങളും തെങ്ങ/കരിക്കിന് വെള്ളത്തില് അടങ്ങിയിട്ടുണ്ട്.
പ്രമേഹം, വൃക്ക സംരക്ഷണം
പ്രമേഹരോഗികള്ക്ക് മറ്റ് ഏതൊരു പാനിയങ്ങളേക്കാളും സുരക്ഷിതമാണ് തേങ്ങ/കരിക്ക് വെള്ളം. കാരണം, തേങ്ങ/കരിക്കിന് വെള്ളം കുടിക്കുന്നത് ആരോഗ്യകരമായ രക്തത്തിലെ പഞ്ചസാരയുടെ അളവ് നിലനിര്ത്താന് സഹായിക്കും.
മാത്രമല്ല, തേങ്ങാവെള്ളം കുടിക്കുന്നത് വൃക്കകളില് ക്രിസ്റ്റലിന്റെ രൂപീകരണം കുറയ്ക്കും. വൃക്കയുടെ ആരോഗ്യം വര്ധിപ്പിക്കാനും തേങ്ങ/കരിക്കിന് വെള്ളം സഹായകമാണ്.
ശരീരത്തില് ജലാംശം നിലനിര്ത്താന് സഹായിക്കുന്നതിലൂടെ വൃക്കയിലെ കല്ല് രൂപപ്പെടാനുള്ള സാധ്യത ഗണ്യമായി കുറയ്ക്കുന്നു.
Fitness
ബാക്ടീരിയ, എന്സൈമുകള് എന്നിവ ചേര്ത്ത് പാലില്നിന്ന് നിര്മിക്കുന്ന പോഷകസമൃദ്ധമായ ഒരു ഉത്പന്നമാണ് ചീസ്. കാല്സ്യം, പ്രോട്ടീന്, വിറ്റാമിനുകള്, ധാതുക്കള് എന്നിവയുടെ സമ്പന്നമായ ഉറവിടമാണ് ചീസ്.
നിരവധി ആരോഗ്യഗുണങ്ങള് ചീസിലൂടെ ലഭിക്കും. അത്തരം ആരോഗ്യഗുണങ്ങളില് ചിലത് ഇവയാണ്...
കാല്സ്യം, പ്രോട്ടീന് ഉറവിടം
കാല്സ്യത്തിന്റെയും പ്രോട്ടീന്റെയും മികച്ച ഉറവിടമാണ് ചീസ്. എല്ലുകളുടെയും പല്ലുകളുടെയും ആരോഗ്യത്തിന് അത്യന്താപേക്ഷിതമാണ് കാല്സ്യം. അസ്ഥികളുടെ സാന്ദ്രതയും ശക്തിയും നിലനിര്ത്താന് ഇത് സഹായിക്കുന്നു.
സ്ഥിരമായ കാല്സ്യം ഉപഭോഗം ഓസ്റ്റിയോപൊറോസിസ്, ദന്തപ്രശ്നങ്ങള് എന്നിവ തടയുകയും ആജീവനാന്ത അസ്ഥിആരോഗ്യം സംരക്ഷിക്കപ്പെടുകയും ചെയ്യും. ശരീരത്തില് ടിഷ്യൂകള് നിര്മിക്കുന്നതിനും നന്നാക്കുന്നതിനും അത്യാവശ്യമായ പ്രോട്ടീന് ചീസില്നിന്ന് ലഭിക്കുന്നു.
മതിയായ പ്രോട്ടീന് ഉപഭോഗം പേശികളുടെ കരുത്ത്, മെറ്റബോളിസം, ശരീരഭാരം നിയന്ത്രിക്കല് തുടങ്ങിയവയ്ക്ക് സഹായകമാണ്.
വിറ്റാമിന്, കൊഴുപ്പ്, സിങ്ക്
ചീസില് കാണപ്പെടുന്ന വിറ്റാമിന് ബി 12 ന്യൂറോളജിക്കല് പ്രവര്ത്തനത്തിനും ചുവന്ന രക്താണുക്കളുടെ ഉത്പാദനത്തിനും ആവശ്യമാണ്. പതിവായി ചീസ് കഴിക്കുന്നത് വിളര്ച്ച തടയുകയും തലച്ചോറിന്റെ സജീവ പ്രവര്ത്തനം ഉറപ്പാക്കുകയും ചെയ്യും.
കാഴ്ച, രോഗപ്രതിരോധ പ്രവര്ത്തനം, ചര്മത്തിന്റെ ആരോഗ്യം എന്നിവയ്ക്ക് ചീസിലെ വിറ്റാമിന് എ പ്രധാനമാണ്. ആരോഗ്യകരമായ കൊഴുപ്പുകള് അടങ്ങിയിരിക്കുന്ന ചീസ് വിറ്റാമിനുകള് ആഗിരണം ചെയ്യാന് സഹായിക്കും.
കൊഴുപ്പുകള് സുസ്ഥിരമായ ഊര്ജ നിലവാരത്തെയും മൊത്തത്തിലുള്ള പോഷക സന്തുലിതാവസ്ഥയെയും പരിപോഷിപ്പിക്കുന്നു. ഇത് മെച്ചപ്പെട്ട ഉപാപചയം നല്കും.
രോഗപ്രതിരോധ പ്രവര്ത്തനം, ഡിഎന്എ സിന്തസിസ്, കോശവിഭജനം എന്നിവയ്ക്ക് ചീസ് അടങ്ങിയിരിക്കുന്ന സിങ്ക് അത്യാവശ്യമാണ്. പതിവായി കഴിക്കുന്നത് ശക്തമായ രോഗപ്രതിരോധവും മുറിവ് ഉണക്കുന്നതിനും ഉപകരിക്കും.
കുടലിന്റെ ആരോഗ്യം, ഫോസ്ഫറസ്
ചീസുകളില് പ്രോബയോട്ടിക്സ് അടങ്ങിയിട്ടുണ്ട്. ഇത് ദഹനം വര്ധിപ്പിക്കും. അതുപോലെ രോഗപ്രതിരോധ ശേഷി ശക്തിപ്പെടുത്തുകയും ദഹനനാളരോഗങ്ങള്ക്കുള്ള സാധ്യത കുറയ്ക്കുകയും ചെയ്യും.
ചീസില് ഫോസ്ഫറസ് ധാരാളമായി അടങ്ങിയിരിക്കുന്നു. അസ്ഥി, പല്ല് എന്നിവയുടെ കരുത്തിന് ഫോസ്ഫറസ് കാല്സ്യവുമായി പ്രവര്ത്തിക്കുന്നു.
എല്ലുകളുടെയും പല്ലുകളുടെയും ഘടനാപരമായ സമഗ്രത ഉറപ്പാക്കുകയും ഒടിവുകളും ക്ഷയവും തടയുകയും ചെയ്യാനും ഫോസ്ഫറസ് സഹായകമാണ്.
ശരീരഭാരം നിയന്ത്രിക്കാം
ചീസിലെ ഉയര്ന്ന പ്രോട്ടീനും കൊഴുപ്പും വിശപ്പ് നിയന്ത്രിക്കുകയും കലോറി ഉപഭോഗം കുറയ്ക്കുകയും ചെയ്യുന്നു. ശരീരഭാരം നിയന്ത്രിക്കുന്നതിനെ പിന്തുണയ്ക്കുകയും ടൈപ്പ് 2 പ്രമേഹം, ഹൃദയ സംബന്ധമായ അസുഖങ്ങള് തുടങ്ങിയ അമിതവണ്ണവുമായി ബന്ധപ്പെട്ട പ്രശ്നങ്ങള് തടയുകയും ചെയ്യും.
അതുപോലെ ഭക്ഷണത്ത ഊര്ജമാക്കി മാറ്റാന് സഹായിക്കുകയും ആന്റിഓക്സിഡന്റായും ചീസ് പ്രവര്ത്തിക്കുന്നു. ഇത് വിട്ടുമാറാത്ത രോഗങ്ങളുടെ സാധ്യത കുറയ്ക്കും.
Fitness
പെട്ടെന്നു ഭാരം കുറയ്ക്കുക... ട്രെന്ഡിംഗായി നടക്കുന്ന ഒരു പരിപാടിയായി ഇതുമാറിയിരിക്കുന്നു. എന്നാല്, ദ്രുതഗതിയില് ശരീരഭാരം കുറയ്ക്കല് രീതികള് ശരീരത്തിനു ഗുണകരമല്ല എന്നതാണ് വാസ്തവം
തീവ്രമായ വ്യായാമം, കുറഞ്ഞ കലോറി ഭക്ഷണം, ദൈനംദിന ഉപഭോഗം 800 കലോറിയില് കുറവ് എന്നിങ്ങനെയുള്ള മുറകളാണ് അതിവേഗം ശരീരഭാരം കുറയ്ക്കാന് മിക്കപ്പോഴും ചെയ്യുന്നത്. ഇത് പലപ്പോഴും പോഷകക്കുറവിനു കാരണമാകും.
കീറ്റോ, ജ്യൂസ് ക്ലീന്സ് അല്ലെങ്കില് ഡിറ്റോക്സ് ഡയറ്റുകള് പോലുള്ളത് ശരീരത്തിനു ദൂരവ്യാപകമായ പ്രത്യാഘാതങ്ങള് ഉണ്ടാക്കും.
ഭക്ഷണം കഴിക്കുന്നത് ചില മണിക്കൂറുകളോ ദിവസങ്ങളോ ആയി പരിമിതപ്പെടുത്തിയിരിക്കുന്ന ഇടവിട്ടുള്ള ഉപവാസം പോലുള്ള രീതികള് ദൂരവ്യാപകമായ പ്രത്യാഘാതങ്ങളുണ്ടാക്കുന്നു.
ദ്രുതഗതിയില് ഭാരം കുറയ്ക്കുമ്പോഴുണ്ടാകുന്ന പ്രശ്നങ്ങള് ഇവയാണ്...
പോഷകക്കുറവ്, പേശി ചുരുങ്ങല്
ദ്രുതഗതിയില് ശരീരഭാരം കുറയ്ക്കാന് കലോറി നിയന്ത്രണം നടത്തുകയാണ് ചെയ്യുന്നത്. ഇത് അവശ്യ വിറ്റാമിനുകളുടെയും ധാതുക്കളുടെയും അപര്യാപ്തതയിലേക്ക് നയിച്ചേക്കും. ആരോഗ്യത്തെ ഇതു പ്രതികൂലമായി ബാധിക്കും.
പോഷകാഹാരം കുറയുമ്പോള് ശരീരത്തിന്റെ ഊര്ജ നില താളം തെറ്റും. അതോടെ തലച്ചോറിന്റെ പ്രവര്ത്തനം, മൊത്തത്തിലുള്ള ആരോഗ്യക്ഷേമം എന്നിവ അസന്തുലിതാവസ്ഥയിലാകും.
അതുപോലെ പെട്ടെന്നുള്ള ശരീരഭാരം കുറയ്ക്കല് കൊഴുപ്പ് മാത്രമല്ല, പേശികളുടെ പിണ്ഡം നഷ്ടപ്പെടാന് ഇടയാക്കും. ഇത് നിങ്ങളുടെ ശക്തി, മെറ്റബോളിസം, മൊത്തത്തിലുള്ള ശാരീരിക പ്രവര്ത്തനം എന്നിവ കുറയ്ക്കും.
പിത്തസഞ്ചി, ചര്മം ചുരുങ്ങല്
വേഗത്തില് ശരീരഭാരം കുറയുന്നത് പിത്തസഞ്ചിക്കു കേടുണ്ടാകാനുള്ള സാധ്യത വര്ധിപ്പിക്കും. വേദന തുടങ്ങുന്നതോടെ പിത്തസഞ്ചി നീക്കം ചെയ്യാന് ശസ്ത്രക്രിയ ആവശ്യമായി വന്നേക്കാം.
ശരീരം ഊര്ജം സംരക്ഷിക്കാന് ശ്രമിക്കുമ്പോള് മെറ്റബോളിസം ഗണ്യമായി മന്ദഗതിയിലായേക്കും. ദ്രുതഗതിയിലുള്ള ശരീരഭാരം കുറയുമ്പോള് ചര്മ്മത്തിന് പുതിയ ശരീര വലുപ്പവുമായി പൊരുത്തപ്പെടാന് മതിയായ സമയം നല്കുന്നില്ല, ഇത് ചര്മത്തിന് അമിതമായ ചുളിവുണ്ടാക്കും.
നിര്ജലീകരണം, ഹോര്മോണ്
ദ്രുതഗതിയില് ശരീരഭാരം കുറയുന്നത് നിര്ജലീകരണത്തിനു കാരണമായേക്കും. പ്രത്യേകിച്ച് വേണ്ടത്ര വെള്ളം കഴിക്കുന്നില്ലെങ്കില്. ഭാരത്തിലെ കാര്യമായ മാറ്റങ്ങള് ഹോര്മോണ് ബാലന്സിനെ തടസപ്പെടുത്തും.
ഇത് സ്ത്രീകളില് ആര്ത്തവ ക്രമക്കേട്, പുരുഷന്മാരില് ടെസ്റ്റോസ്റ്റിറോണ് കുറയല് തുടങ്ങിയ പ്രശ്നങ്ങള്ക്കു കാരണമാകും.
അതുപോലെ ദ്രുതഗതിയില് ശരീരഭാരം കുറയ്ക്കുന്നത് സമ്മര്ദ്ദവും ഉത്കണ്ഠയും ചിലപ്പോള് വിഷാദംവരെ ഉണ്ടാകാന് കാരണമായേക്കും.
ശരീരഭാരം കുറയ്ക്കുന്നത് പലപ്പോഴും സുസ്ഥിരമല്ല. ശരീരഭാരം കുറയ്ക്കുകയും വീണ്ടെടുക്കുകയും ചെയ്യുന്ന ഒരു ചക്രത്തിലേക്ക് ഇതു നയിച്ചേക്കും.
അതോടെ മെറ്റബോളിസത്തെ ദോഷകരമായി ബാധിക്കുകയും ഭാവിയില് ശരീരഭാരം കുറയ്ക്കാനുള്ള ശ്രമങ്ങള് കൂടുതല് ബുദ്ധിമുട്ടാകുകയും ചെയ്യും.
Fitness
അമിതഭാരം കുറയ്ക്കാൻ ശരിയായ ഭക്ഷണരീതി തെരഞ്ഞെടുക്കുന്നതിനുപകരം തെറ്റായ ഡയറ്റ് പ്ലാൻ അതായത് ഫാഡ് ഡയറ്റ് (Fad Diet) അഥവാ "യോ-യോ" ഡയറ്റിംഗ് സ്വീകരിക്കുന്നത് ഗുണത്തേക്കാളേറെ ശരീരത്തിന് ദോഷമുണ്ടാക്കുന്നു.
പ്രധാന ഭക്ഷണം ഒഴിവാക്കുമ്പോൾ
അവർ പലപ്പോഴും പ്രധാന ഭക്ഷണങ്ങൾ ഒഴിവാക്കുന്നതിനാൽ, ഫാഡ് ഡയറ്റ് ഇനിപ്പറയുന്ന ലക്ഷണങ്ങൾക്ക് കാരണമായേക്കാം:
1. നിർജലീകരണം.
2. ബലഹീനതയും ക്ഷീണവും.
3. ഓക്കാനം, തലവേദന.
4. മലബന്ധം.
5. വിറ്റാമിനുകളുടെയും ധാതുക്കളുടെയും അപര്യാപ്തത.
ഡയറ്റിംഗിനെക്കുറിച്ചു നമ്മൾ അറിഞ്ഞിരിക്കേണ്ട കുറച്ചു വസ്തുതകളുണ്ട്:
ഡയറ്റിംഗ് അപൂർവമായി മാത്രമേ വിജയിക്കാറുള്ളൂ. 95% ഭക്ഷണക്രമം പാലിക്കുന്നവരും ഒന്നു മുതൽ 5 വർഷത്തിനുള്ളിൽ നഷ്ടപ്പെട്ട ശരീരഭാരം വീണ്ടെടുക്കുന്നു.
അശാസ്ത്രീയമായ ഡയറ്റിംഗ് അപകടകരമാണ് എന്ന് പറയുന്നത് എന്തുകൊണ്ട്?
1. "യോ-യോ" ഡയറ്റിംഗ് അഥവാ ഫാഡ് ഡയറ്റിംഗ് മൂലം ശരീരഭാരം വർധിപ്പിക്കുക, കുറയ്ക്കുക, വീണ്ടെടുക്കുക എന്നിവയുടെ ആവർത്തിച്ചുള്ള പ്രക്രിയ തുടർന്നുകൊണ്ടിരിക്കുന്നു.
2. ഹൃദ്രോഗസാധ്യത വർധിച്ചതുൾപ്പെടെയുള്ള ആരോഗ്യപരമായ പ്രതികൂല ഫലങ്ങൾ, ദീർഘകാലം നിലനിൽക്കും.
3. മെറ്റബോളിസത്തെ പ്രതികൂലമായി ബാധിക്കുന്നു.
‘പട്ടിണി’ മോഡ്!
ഡയറ്റിംഗ് നിങ്ങളുടെ ശരീരത്തെ പട്ടിണി മോഡിലേക്ക് പ്രേരിപ്പിക്കുന്നു. അത് ശരീരത്തിന്റെ പല പ്രവർത്തനങ്ങളെയും മന്ദഗതിയിലാക്കിക്കൊണ്ട് തിരിച്ചു പ്രതികരിക്കുന്നു.
ഊർജം സംരക്ഷിക്കുന്നതിനുള്ള സാധാരണ പ്രവർത്തനങ്ങൾ മന്ദഗതിയിലാക്കുന്നതുമൂലം സ്വാഭാവിക മെറ്റബോളിസം യഥാർഥത്തിൽ മന്ദഗതിയിലാകുന്നു.
പോഷകക്കുറവ്
ഡയറ്റിംഗ് പാലിക്കുന്നവർ പലപ്പോഴും പ്രധാനപ്പെട്ട പോഷകങ്ങൾ നഷ്ടപ്പെടുത്തുന്നു. ഡയറ്റിംഗ് പാലിക്കുന്നവർക്ക് പലപ്പോഴും വേണ്ടത്ര പോഷണം ലഭിക്കുന്നില്ല.
ഉദാഹരണത്തിന്... ഡയറ്റിംഗ് നോക്കുന്നവരിൽ കാൽസ്യത്തിന്റെ കുറവ് ഉണ്ടവാം. അവരിൽ ഓസ്റ്റിയോപൊറോസിസ്, സ്ട്രെസ് ഒടിവുകൾ, ഒടിഞ്ഞ എല്ലുകൾ എന്നിങ്ങനെയുള്ള അപകടസാധ്യതകളുണ്ട്.
വിവരങ്ങൾ: ഡോ. അരുൺ ഉമ്മൻ
സീനിയർ കൺസൾട്ടന്റ് ന്യൂറോസർജൻ,
വിപിഎസ് ലേക് ഷോർ ഹോസ്പിറ്റൽ, കൊച്ചി. ഫോൺ - 0484 2772048
[email protected]
Ayurveda
ശരീരത്തിന്റെ രോഗപ്രതിരോധശേഷി ഏറ്റവും കുറയുന്ന സമയം കൂടിയാണു കർക്കിടകം. അതുകൊണ്ടുതന്നെ രോഗപ്രതിരോധശേഷി കുറഞ്ഞവരിൽ മരണനിരക്ക് കൂടുന്ന കാലഘട്ടം കൂടിയാണിത്.
എന്താണ് ഋതുചര്യ
ആയുർവേദ പ്രകാരം ഓരോ ഋതു അനുസരിച്ച് നമ്മുടെ ജീവിതശൈലിയിൽ വരുത്തേണ്ട മാറ്റങ്ങളാണ് ഋതുചര്യ എന്നുപറയുന്നത്. വർഷ ഋതുചര്യ എന്നാൽ മഴക്കാലത്ത് ചെയ്യേണ്ട ജീവിതചര്യകളാണ്. കേരളത്തിൽ കർക്കടക മാസത്തിലാണ് ഏറ്റവും കൂടുതൽ മഴ ലഭിക്കുന്നത്.
അതുകൊണ്ടുതന്നെ വർഷ ചികിത്സയ്ക്ക് ഏറ്റവും ഉചിതമായ സമയം കർക്കടക മാസമാണ്.
ആയുർവേദ പ്രകാരം കാലത്തെ രണ്ടായി തരംതിരിക്കാം. ആദാന കാലഘട്ടം എന്നും വിസർഗ കാലഘട്ടമെന്നും. വിസർഗ കാലഘട്ടത്തിലെ ഭാഗമാണ് കർക്കടക മാസം.
സൂര്യന്റെ ദക്ഷിണായന കാലഘട്ടം കൂടിയാണിത്. ത്രിദോഷങ്ങളായ വാതം, പിത്തം, കഫം എന്നിവയുടെ കോപം(ഈ ദോഷങ്ങളുടെ അസന്തുലിതാവസ്ഥ) ശരീരത്തിൽ വിവിധ രോഗങ്ങൾ ഉണ്ടാക്കുന്നു. രോഗ പ്രതിരോധശേഷിയും അഗ്നിബലവും(ദഹനശേഷി) കുറയുകയും ചെയ്യുന്ന മാസം കൂടിയാണിത്.
ശ്വസന സംബന്ധമായ രോഗങ്ങളും അസ്ഥിസന്ധി രോഗങ്ങൾ,വിവിധ പകർച്ചവ്യാധികളായ മലമ്പനി, കോളറ, ടൈഫോയിഡ്, ചിക്കുൻ ഗുനിയ, ഡെങ്കിപ്പനി എന്നിവ പടർന്നു പിടിക്കാനും സാധ്യത കൂടുതലുള്ള മാസമാണിത്.
അതിനാൽ പ്രതിരോധശേഷി കൂട്ടാനും ശരീരബല വർധനയ്ക്കും ആയുർവേദ പ്രകാരം മരുന്നുകഞ്ഞി ഔഷധപ്രയോഗങ്ങൾ,ശോധന ചികിത്സ എന്നിവയിലൂടെ സാധിക്കും.
കർക്കടകചികിത്സ ആർക്കെല്ലാം
ആയുർവേദപ്രകാരം ആരോഗ്യം എന്നു പറയുന്നത് ആരോഗ്യമുള്ളവരുടെ ആരോഗ്യം നിലനിർത്തുക, രോഗമുള്ളവരുടെ രോഗം ചികിത്സിച്ച് ശമനം വരുത്തുക എന്നതാണ്.
അതുപ്രകാരം ഒരു മാസത്തെ കർക്കടക ചികിത്സയിലൂടെ രോഗമില്ലാത്തവർക്കും ഏതെങ്കിലും രീതിയിലുള്ള രോഗം നേരിടുന്നവർക്കും നവോന്മേഷവും രോഗപ്രതിരോധശേഷിയും നേടിയെടുക്കാം.
ചികിത്സയിലൂടെ ശരീരബലം കൂട്ടുന്നതിനും നാഡീഞരമ്പുകളെ പുഷ്ടിപ്പെടുത്തുന്നതിലൂടെ രക്തയോട്ടം വർധിപ്പിക്കുന്നതിനും, ഉന്മേഷം, ആത്മവിശ്വാസം എന്നിവ നേടിയെടുക്കുന്നതിനും സാധിക്കുന്നു.
മരുന്നുകഞ്ഞി ഔഷധപ്രയോഗങ്ങൾ, പഞ്ചകർമ്മ ചികിത്സകൾ തുടങ്ങിയവയെല്ലാം കർക്കടക ചികിത്സയുടെ ഭാഗമായ വ്യത്യസ്ത മുറകളാണ്.
രോഗിയുടെ ശരീരപ്രകൃതി അനുസരിച്ചാണ് ചികിത്സ ഏതെന്നു തീരുമാനിക്കുന്നത്. ഓരോ രോഗിയുടെയും ശരീരപ്രകൃതിക്കും ശരീര ബലത്തിനനുസരിച്ച് വൈദ്യ നിർദേശപ്രകാരം ചികിത്സ തെരഞ്ഞെടുക്കാം.
വിവരങ്ങൾക്കു കടപ്പാട്: ഡോ. നിത്യ എ.കെ.
സ്പെഷലിസ്റ്റ് മെഡിക്കൽ ഓഫീസർ, ഗവൺമെന്റ് ആയുർവേദ ഹോസ്പിറ്റൽ, കോയൊങ്കര, കാസർഗോഡ്
Ayurveda
മുക്കുടി
ആഹാരം ഔഷധമായി കണ്ടിരുന്ന കാലം കൂടിയാണു കർക്കടകം. അക്കാലത്തെ മറ്റൊരു പ്രയോഗമാണു മുക്കുടി (മോരുകറി). വർഷകാലത്ത് ദിവസവും ശീലിക്കുന്നത് ഉത്തമമാണ്. ജീരകം, അയമോദകം, കുരുമുളക്, പുളിയാരലില, കുടകപ്പാലത്തൊലി തുടങ്ങിയ മരുന്നുകൾ അരച്ചുചേർത്ത് മോരിൽ കാച്ചിയാണു മുക്കുടി ഉണ്ടാക്കുന്നത്.
അടുക്കളയിൽ ചെയ്യാവുന്നത്
ഈ പറഞ്ഞവ എല്ലാം ഇല്ലെങ്കിൽ കൂടി നമ്മുടെ അടുക്കളയിൽ നിന്നുലഭിക്കുന്ന ഇഞ്ചി, കറിവേപ്പില, ജീരകം, അയമോദകം, കുരുമുളക്, വെളുത്തുള്ളി മുതലായവ ചേർത്തും മുക്കുടി പാകം ചെയ്യാവുന്നതാണ്.
വെറുംവയറ്റിൽ ഇതു സേവിക്കുക വഴി ദഹനസംബന്ധമായ ഒട്ടനവധി രോഗങ്ങൾക്കു പരിഹാരമാവുകയും ചെയ്യുന്നു.
വർഷകാലത്തു വർജിക്കേണ്ടത്
വർഷകാലത്ത് നമ്മൾ വർജിക്കേണ്ടതായ ചില കാര്യങ്ങൾ കൂടിയുണ്ട്. തൈര്, തണുത്ത പദാർഥങ്ങൾ എന്നിവയുടെ ഉപയോഗം, പകലുറക്കം, അമിതവ്യായാമം മുതലായവയാണവ.
പഞ്ചകർമ ചികിത്സ
യുക്തവും ഹിതവുമായ ആഹാരസേവയും ഔഷധസേവയും പോലെ പ്രധാനപ്പെട്ടതാണു പഞ്ചകർമത്തോടൊപ്പമുള്ള ബാഹ്യചികിത്സകളായ ഉഴിച്ചിൽ, കിഴികൾ മുതലായവ.
ശരീരശക്തിയും രോഗാവസ്ഥയും നോക്കി വൈദ്യനിർദേശമനുസരിച്ച് ഈ ക്രിയകൾ ചെയ്താൽ കാലങ്ങളോളം നിലനില്ക്കുന്ന ആരോഗ്യമാണു ഫലം.
ശുചിത്വം
കർക്കടകമാസം ശുചിത്വത്തിന്റെ പ്രതീകം കൂടിയാണ്. ശുചിത്വമാണ് ഈ കാലഘട്ടത്തിന്റെ മുദ്രാവാക്യം. പ്രതിരോധമാണു സന്ദേശം.
ശുദ്ധിയോടെയും മികവോടെയും ഈ പ്രകൃതിയെയും പരിസ്ഥിതിയെയും അടുത്ത തലമുറയ്ക്കു കൈമാറുകയെന്നതു കൂടിയാകട്ടെ നമ്മുടെ ലക്ഷ്യം.
വിവരങ്ങൾക്കു കടപ്പാട്: ഡോ. ബി. ഹേമചന്ദ്രൻ
ചീഫ് മെഡിക്കൽ ഓഫീസർ, കോട്ടയ്ക്കൽ ആര്യവൈദ്യശാല, കോട്ടയം ബ്രാഞ്ച്.
Ayurveda
ഗ്രീഷ്മത്തിന്റെ ചൂടിൽ നിന്നു പെട്ടെന്നു തന്നെ വർഷത്തിന്റെ തണുപ്പിലേക്കു പ്രവേശിക്കുമ്പോൾ രോഗങ്ങൾ പണ്ടത്തേക്കാൾ സജീവമായി നമ്മളിൽ പിടി മുറുക്കുന്നതായി കാണാം.
പ്രതിരോധശക്തി കുറയുമ്പോൾ
മനുഷ്യരിലുള്ള സഹജമായ ബലം അല്ലെങ്കിൽ പ്രതിരോധശക്തി ഇക്കാലത്തു കുറയുന്നതാണ് ഒരു കാരണം.
ദുഷിച്ച അന്തരീക്ഷത്തിൽ പെരുകുന്ന രോഗാണുക്കൾ, കൊതുക് മുതലായവയുടെ ആക്രമണമാണ് മറ്റൊരു പ്രധാന കാരണം.
ചുരുക്കത്തിൽ വെള്ളക്കെട്ട്, കൊതുകുകൾ പെരുകൽ തുടങ്ങിയവ തടയുന്നതിനുള്ള മഴക്കാലപൂർവ ശുചീകരണം പോലെ നമ്മുടെ ശരീരത്തിലും ശുചീകരണം നടത്തേണ്ട സമയമാണ് വർഷകാലം.
ആഹാരം ഔഷധമായി...
ആഹാരം ഔഷധമായി കണ്ടിരുന്ന കാലം കൂടിയാണു കർക്കടകം. പത്തിലയും ദശപുഷ്പവുമൊക്കെ ഔഷധമാക്കുന്ന കാലം.
പഞ്ഞമാസത്തെ രോഗപ്രതിരോധത്തിനും ശരീരശക്തിക്കുമായി പ്രയോജനകരമാക്കിയായിരുന്നു ജീവിതചര്യ.
ഔഷധക്കഞ്ഞി
അവയിൽ പ്രധാനപ്പെട്ട ഒന്നാണ് നമ്മുടെ പൂർവികർ അനുവർത്തിച്ചു പോന്നിരുന്ന ഔഷധക്കഞ്ഞിയുടെ സേവ.
ദശമൂലവും ത്രികടുവും ശതകുപ്പയും ഉലുവയും ജീരകവും ചേർത്ത ഔഷധക്കഞ്ഞി സേവിക്കുന്നതുമൂലം ദേഹപോഷണവും ദഹനവും രോഗപ്രതിരോധ ശേഷിയും മാത്രമല്ല വർഷകാലത്ത് സജീവമാകുന്ന വാതകഫരോഗങ്ങളെ ശമിപ്പിക്കുന്നതിനും സഹായിക്കുന്നു.
നുറുക്കു ഗോതമ്പ്, ബാർലി, പൊടിയരി
എല്ലാവർക്കും കഞ്ഞിക്ക് നവരയരി അനുയോജ്യമാകാത്തതിനാൽ നുറുക്കു ഗോതമ്പ്, ബാർലി, പൊടിയരി ഇവയിലേതെങ്കിലും പ്രയോജനപ്പെടുത്താവുന്നതാണ്.
വിവരങ്ങൾക്കു കടപ്പാട്: ഡോ. ബി. ഹേമചന്ദ്രൻ
ചീഫ് മെഡിക്കൽ ഓഫീസർ
കോട്ടയ്ക്കൽ ആര്യവൈദ്യശാല, കോട്ടയം ബ്രാഞ്ച്.
Ayurveda
പ്രപഞ്ചത്തിൽ നിന്നു വ്യത്യസ്തനല്ല വ്യക്തി. പ്രപഞ്ചത്തിലെ എല്ലാ പ്രകൃതി പ്രതിഭാസങ്ങളും വ്യക്തിയിൽ നിലനിൽക്കുന്നു. എല്ലാ പ്രതിഭാസങ്ങളെയും ഈ രീതിയിൽ മനസിലാക്കാൻ വിവേകശാലികൾ ആഗ്രഹിക്കുന്നു’.(ചരകസംഹിത-ശരീരസ്ഥാനം അധ്യായം 4, ശ്ലോകം 13)
വർഷകാലം വായുവും ജലവും അടങ്ങുന്ന അന്തരീക്ഷത്തെ മാത്രമല്ല ദുഷിപ്പിക്കുന്നതെന്നും മറിച്ച് മനുഷ്യരടക്കം സകല ജീവജാലങ്ങളുടെയും ശരീരത്തെയും മനസിനെയും കൂടി പ്രതികൂലമായി ബാധിക്കുന്നുണ്ടെന്നും മനസിലാക്കിയതിനാലാവാം നമ്മുടെ പൂർവികർ ഈ കാലത്ത് ആയുർവേദത്തിലൂന്നിയ ആരോഗ്യ രക്ഷാമാർഗങ്ങൾക്കു കൂടുതൽ പ്രാധാന്യം നല്കിയത്.
കാലവർഷമെന്നാൽ കേരളത്തിനു ഭയമാണ്. മഴക്കെടുതിയുണ്ടാക്കുന്ന ബാഹ്യ സാഹചര്യങ്ങൾ കൊണ്ടു മാത്രമല്ല, കാലാവസ്ഥ മാറുമ്പോൾ നമ്മുടെ ശരീരത്തിലുണ്ടാകുന്ന ആന്തരിക മാറ്റങ്ങൾ കൊണ്ടു രോഗപ്രതിരോധശേഷി കുറയുന്നതു മൂലമുള്ള വ്യാധികളും നമ്മളെ കൂടുതൽ സമ്മർദത്തിലാക്കുന്നു.
ഔഷധം, ജീവിതരീതി
ആയുർവേദം ഔഷധത്തോടൊപ്പം പ്രാധാന്യം നൽകുന്നതു ജീവിതരീതിക്കാണ്. അതുപോലെ രോഗചികിത്സയിൽ നിദാന പരിവർജ്ജനം (രോഗകാരണങ്ങൾ കണ്ടെത്തി ഉപേക്ഷിക്കുക) എന്ന ഘടകത്തെ വളരെ പ്രാധാന്യത്തോടെ കാണുന്നു. അതുകൊണ്ടുതന്നെയാണ് ആയുർവേദ ചികിത്സാശാസ്ത്രം കാലാതിവർത്തിയായി നിലനില്ക്കുന്നതും.
പകർച്ചവ്യാധികളുടെ കാലം
വർഷകാലം പകർച്ചവ്യാധികളുടെ കാലം കൂടിയാണ്. കുറച്ചുകാലം മുമ്പു വരെ സമൂഹത്തെ രോഗാതുരമാക്കിയതു കോളറ, ടൈഫോയ്ഡ്, മഞ്ഞപ്പിത്തം, ചിക്കുൻഗുനിയ, ഡെങ്കി മുതലായവയാണെങ്കിൽ ഇപ്പോൾ ഇവ കൂടാതെ കോവിഡ്, നിപ്പ മുതലായവ കൂടി നമ്മുടെ രോഗാതുരതയുടെ ആക്കം കൂട്ടിയിരിക്കുന്നു.
കാലാവസ്ഥാവ്യതിയാനം
യഥാർഥത്തിൽ കാലാവസ്ഥാവ്യതിയാനം കർക്കടകചര്യയെന്ന ചിട്ടയെ കുറച്ചുകൂടി വ്യാപ്തിയോടെയും ഗൗരവത്തോടെയും സ്വീകരിക്കാൻ നമ്മളെ നിർബന്ധിതരാക്കുന്നു. അച്ചിട്ട പോലെയുള്ള ഇടവപ്പാതിയും തിരുവാതിര ഞാറ്റുവേലയും കർക്കടകത്തിലെ പതിനെട്ടാം പെരുക്കവുമൊക്കെ ആഗോളതാപനത്താൽ ഇനി അങ്ങനെ വരണമെന്നില്ല.
ഗ്രീഷ്മത്തിന്റെ ചൂടിൽ നിന്നും പെട്ടെന്നു തന്നെ വർഷത്തിന്റെ തണുപ്പിലേക്കു പ്രവേശിക്കുമ്പോൾ രോഗങ്ങൾ പണ്ടത്തേക്കാൾ സജീവമായി നമ്മളിൽ പിടിമുറുക്കുന്നതായി കാണാം.
വിവരങ്ങൾക്കു കടപ്പാട്: ഡോ. ബി. ഹേമചന്ദ്രൻ
ചീഫ് മെഡിക്കൽ ഓഫീസർ
കോട്ടയ്ക്കൽ ആര്യവൈദ്യശാല, കോട്ടയം ബ്രാഞ്ച്.
Womens Corner
പതിനഞ്ചു വയസിനു താഴെയുള്ള പെൺകുട്ടികൾക്ക് ജീവിതത്തിൽ സംതൃപ്തി കുറവെന്ന് ലോക സന്തോഷ സൂചിക റിപ്പോർട്ട്.
സോഷ്യൽ മീഡിയയുടെ ഉപയോഗം യുവാക്കളെ പൊതുവായി ബാധിക്കുമെങ്കിലും, പെൺകുട്ടികളിലാണ് ഇതിന്റെ ആഘാതം കൂടുതൽ പ്രകടമെന്ന് ലോക സന്തോഷ സൂചിക പ്രത്യേകം എടുത്തുപറയുന്നു.
അമിതമായ സോഷ്യൽ മീഡിയ ഉപയോഗം യുവതി യുവാക്കന്മാരുടെ, പ്രത്യേകിച്ച് പെൺകുട്ടികളുടെ മാനസികാരോഗ്യത്തെയും സന്തോഷത്തെയും ദോഷകരമായി ബാധിക്കുന്നതായാണ് റിപ്പോർട്ട്. ഇംഗ്ലീഷ് സംസാരിക്കുന്ന രാജ്യങ്ങളിലെ യുവതികളിലാണ് കൂടുതൽ വ്യക്തമായി പ്രകടമാകുന്നത്.
മാർച്ച് 19ന് പുറത്തിറങ്ങിയ ലോക സന്തോഷ സൂചിക റിപ്പോർട്ട് അനുസരിച്ച്, സോഷ്യൽ മീഡിയയുടെ അമിത ഉപയോഗവും യുവതികളുടെ ക്ഷേമത്തിലുണ്ടാകുന്ന ഇടിവും തമ്മിൽ ശക്തമായ ബന്ധമുണ്ടെന്ന് കണ്ടെത്തിയിട്ടുണ്ട്.
കുട്ടികളുടെ ഓൺലൈൻ പ്രവർത്തനങ്ങളെക്കുറിച്ച് ആഗോളതലത്തിൽ പരിശോധനകൾ കർശനമാക്കുന്ന സാഹചര്യത്തിലാണ് ഈ പുതിയ വിവരങ്ങൾ പുറത്തുവരുന്നത്. 16 വയസിൽ താഴെയുള്ള കുട്ടികൾക്ക് സോഷ്യൽ മീഡിയ വിലക്കിക്കൊണ്ട് 2025 ഡിസംബറിൽ ഓസ്ട്രേലിയ എടുത്ത തീരുമാനം ഇതിന്റെ ഭാഗമായിരുന്നു.
ഓക്സ്ഫോർഡ് സർവകലാശാലയുടെ നേതൃത്വത്തിലുള്ള ഗവേഷക സംഘം ഗാലപ്പ് , ഒഇസിഡി തുടങ്ങിയ സ്ഥാപനങ്ങളിൽ നിന്നുള്ള വിവരങ്ങൾ വിശകലനം ചെയ്താണ് ഈ നിഗമനത്തിലെത്തിയത്.
സോഷ്യൽ മീഡിയ ഉപയോഗവും സന്തോഷക്കുറവും തമ്മിൽ നേരിട്ടുള്ള കാരണങ്ങൾ റിപ്പോർട്ട് വ്യക്തമാക്കുന്നില്ലെങ്കിലും, ഇവ തമ്മിൽ വലിയ ബന്ധമുണ്ടെന്ന് പഠനങ്ങൾ വിലയിരുത്തുന്നു.
സോഷ്യൽ മീഡിയയിലെ സോഷ്യൽ അഥവാ സാമൂഹികമായ ഇടപെടലുകൾ തിരികെ കൊണ്ടുവരേണ്ടത് അത്യാവശ്യമാണ്.
സജീവമായ സാമൂഹിക ഇടപെടലുകളെ പ്രോത്സാഹിപ്പിക്കുന്ന പ്ലാറ്റ്ഫോമുകളെ അപേക്ഷിച്ച്, അൽഗോരിതങ്ങൾക്കു മുൻഗണന നൽകുന്നതും ഇൻഫ്ലുവൻസർമാരുടെ പോസ്റ്റുകൾ ഉൾപ്പെടെയുള്ളതുമായ ഉള്ളടക്കങ്ങൾ കൂടുതൽ ദോഷകരമായ സ്വാധീനം ചെലുത്തുന്നുണ്ട് .
ദിവസവും അഞ്ച് മണിക്കൂറിലധികം സോഷ്യൽ മീഡിയയിൽ ചിലവഴിക്കുന്ന 15 വയസുകാരികളായ പെൺകുട്ടികൾക്ക്, കുറഞ്ഞ സമയം ഉപയോഗിക്കുന്നവരേക്കാൾ ജീവിത സംതൃപ്തി കുറവാണെന്ന് പഠനം വ്യക്തമാക്കുന്നു.
കഴിഞ്ഞ പത്ത് വർഷത്തിനിടയിൽ അമേരിക്ക, കാനഡ, ഓസ്ട്രേലിയ, ന്യൂസിലൻഡ് തുടങ്ങിയ രാജ്യങ്ങളിലെ 25 വയസിൽ താഴെയുള്ളവർക്കിടയിൽ ജീവിത സംതൃപ്തിയിൽ വലിയ ഇടിവുണ്ടായതായി ഗാലപ്പ് ഡാറ്റ കാണിക്കുന്നു.
എന്നാൽ ഇത് സോഷ്യൽ മീഡിയയുടെ മാത്രം സ്വാധീനം കൊണ്ടല്ലെന്നും മറ്റ് സാമൂഹിക ഘടകങ്ങൾ ഇതിന് പിന്നിലുണ്ടെന്നും ഗവേഷകർ ചൂണ്ടിക്കാട്ടുന്നു.
Womens Corner
സ്ത്രീകളുടെ ഹോര്മോണുകളുടെ സന്തുലിതാവസ്ഥ നഷ്ടപ്പെടുന്ന ഒരു ആരോഗ്യപ്രശ്നമാണ് പോളിസിസ്റ്റിക് ഓവറി സിന്ഡ്രോം. പ്രധാനമായും ജീവിതശൈലിയുമായി ബന്ധപ്പെട്ടിരിക്കുന്നു.
ഇത് ചികിത്സിച്ചില്ലെങ്കില് കാലക്രമേണ പ്രമേഹം, ഗര്ഭാശയ ഭിത്തിയിലെ അര്ബുദബാധ എന്നിവയ്ക്കു സാധ്യതയുണ്ട്.
പ്രധാന കാരണം...
നേരത്തേയുള്ള രോഗനിര്ണയവും ചികിത്സയും രോഗലക്ഷണങ്ങൾ നിയന്ത്രിക്കാനും ദീര്ഘകാല പ്രശ്നങ്ങള് തടയാനും സഹായിക്കും. പിസിഒഡിക്ക് പ്രധാനമായും കാരണമാകുന്നത് അമിതവണ്ണം അല്ലെങ്കില് പൊണ്ണത്തടിയാണ്.
അതുകൊണ്ട് നല്ല ആരോഗ്യമുള്ള ശരീരഭാരം നിലനിര്ത്തേണ്ടത് അനിവാര്യമാണ്. ഏകദേശം 10% സ്ത്രീകളിലും പിസിഒഡി വന്ധ്യതയ്ക്ക് കാരണമാകാറുണ്ട്.
ചെറുധാന്യങ്ങൾ
കാര്ബോഹൈഡ്രേറ്റിന്റെ അളവ് കുറയ്ക്കണം. തവിട് നീക്കാത്ത ധാന്യങ്ങള്, തൊലിയോട് കൂടിയ മില്ലെറ്റുകൾ (ചെറുധാന്യങ്ങള്) എന്നിവ കഴിക്കുന്നത് ശരീരഭാരം നിയന്ത്രിക്കുന്നതിനും ഹോര്മോണ് വ്യതിയാനം വരാതിരിക്കുന്നതിനും സഹായിക്കും.
മുഴുധാന്യങ്ങളില് ധാരാളം ആന്റിഓക്സിഡന്റുകളും സിങ്ക്, ഇരുമ്പ്, മഗ്നീഷ്യം, മാംഗനീസ് തുടങ്ങിയ ധാതുക്കളും ഉണ്ട്. മാത്രമല്ല സസ്യ സംയുക്തങ്ങളായ പോളിഫിനോള്സ്, സ്റ്റാനോളുകള്, സ്റ്റിറോളുകള് എന്നിവ ഹോര്മോണുകളുടെ സന്തുലിതാവസ്ഥയ്ക്ക് സഹായിക്കുന്നു.
തൊലി കളയാത്ത പയറുവര്ഗങ്ങള്
തൊലി കളയാത്ത പയറുവര്ഗങ്ങള് ഉപയോഗിക്കുന്നത് പിസിഒഡി തകരാറിനെ കുറയ്ക്കുന്നു. സോയാബീനിലുള്ള ഐസോഫ്ലേവോണുകള് പ്രത്യുത്പാദന ക്ഷമത വര്ധിപ്പിക്കുന്നു. കുറഞ്ഞത് അരക്കപ്പ് പയറുവര്ഗങ്ങള് ദിവസേനയുള്ള ഭക്ഷണത്തില് ഉള്പ്പെടുത്തണം.
പ്രോട്ടീനുകള്
പിസിഒഡിയുടെ ആഹാരപരിപാലനത്തില് പ്രധാനമായും ഉള്പ്പെടുത്തേണ്ട ഒരു ഘടകമാണ് പ്രോട്ടീനുകള്. കൊഴുപ്പില്ലാത്ത പ്രോട്ടീനുകളായ മുട്ടവെള്ള, മത്സ്യം, ടോഫു (സോയാ പനീര്), തൊലി നീക്കിയിട്ടുള്ള കോഴിയിറച്ചി, പയര് വര്ഗങ്ങള് എന്നിവ തെരഞ്ഞെടുക്കാം.
കശുവണ്ടി, ബദാം, വാൽനട്സ് എന്നിവ നിയന്ത്രണവിധേയമായി ഉള്പ്പെടുത്താം. ഇതിലുള്ള സിങ്ക്, മഗ്നീഷ്യം എന്നീ ലവണങ്ങള് ഹോര്മോണ് വ്യതിയാനം കുറയ്ക്കാന് സഹായിക്കുന്നു.
കാര്ബോഹൈഡ്രേറ്റ് കൂടുതലുള്ള ഭക്ഷണങ്ങളുമായി താരതമ്യപ്പെടുത്തുമ്പോള് ഉയര്ന്ന പ്രോട്ടീന് ഭക്ഷണങ്ങള് ഇന്സുലിന് ഉത്പാദനം വര്ധിപ്പിക്കും.
വിവരങ്ങൾ: പ്രീതി ആർ. നായർ
ചീഫ് ക്ലിനിക്കൽ ന്യുട്രീഷനിസ്റ്റ് എസ്യുറ്റി ഹോസ്പിറ്റൽ, പട്ടം തിരുവനന്തപുരം.
Womens Corner
സ്ത്രീകളില് കൂടുതലായി കാണുന്ന ഒരു കാന്സറാണ് സ്തനാര്ബുദം. തുടക്കത്തില് തന്നെ കണ്ടുപിടിക്കാനും ചികിത്സിക്കാനും സാധിച്ചാല് ഭേദമാക്കാവുന്ന രോഗമാണിത്. ഈ രോഗത്തിന്റെ ചികിത്സയുടെ ഭാഗമായി മാറിടം മുഴുവനായോ ഭാഗികമായോ നീക്കം ചെയ്യേണ്ടി വരാം.
അങ്ങനെ നീക്കം ചെയ്തതിനു ശേഷം ശിഷ്ടകാലം പാഡഡ് ബ്രാ ധരിച്ച് നടക്കേണ്ടിവരുന്നത് സാധാരണമാണ്. എന്നാല് മാറ് പുനര്നിര്മിക്കാവുന്ന ശസ്ത്രക്രിയകള് ഉണ്ട്.
എന്തിനാണ് മാറ് പുനര്നിര്മിക്കുന്നത്?
സ്തനാര്ബുദം സാധാരണയായി കാണുന്നത് മാറിലെ മുഴകളായിട്ടാണ്. അതിന്റെ ചികിത്സ മുഴ മാത്രം നീക്കം ചെയ്യുന്നതല്ല. മറിച്ച് മുഴയുടെ ചുറ്റുമുള്ള മാറിന്റെ ഭാഗമോ (breast conservation surgery) അല്ലെങ്കില് ആ വശത്തെ മാറ് മുഴുവനായോ നീക്കം ചെയ്യേണ്ടി വരും (mastectomy).
അതേ തുടര്ന്ന് ഇരുവശങ്ങളിലെ മാറുകള് തമ്മില് വലുപ്പ വ്യത്യാസവും അഭംഗിയും ഉണ്ടാകാം.
എങ്ങനെയാണ് മാറ് പുനര്നിര്മിക്കുന്നത്?
ശരീരത്തിന്റെ മറ്റ് ഏതെങ്കിലും ഭാഗത്തുനിന്ന് ദശയെടുത്ത് മാറിന്റെ ഭാഗത്തുവച്ച് ശസ്ത്രക്രിയ ചെയ്താണ് മാറുകള് പുനര്നിര്മിക്കുന്നത്. എത്രമാത്രം മാറ് നീക്കം ചെയ്തിട്ടുണ്ട് എന്നതിനനുസരിച്ചാണ് ശരീരത്തിന്റെ ഏതു ഭാഗത്തു നിന്നാണ് ദശ നീക്കി വയ്ക്കേണ്ടത് എന്നു തീരുമാനിക്കുന്നത്.
മുഴയും മുഴയുടെ ചുറ്റുമുള്ള മാറും മാത്രമാണു നീക്കം ചെയ്യുന്നതെങ്കില് (ബ്രസ്റ്റ് കണ്സര്വേഷന് സര്ജറി), ശരീരത്തിന്റെ പുറംഭാഗത്തുനിന്ന് ദശ നീക്കി മാറിലേക്ക് വച്ച് മാറിന്റെ വലുപ്പം പഴയപടി ആക്കാവുന്നതാണ്.
ഒരു വശത്തെ മാറ് മുഴുവനായി നീക്കം ചെയ്യണമെന്നുണ്ടെങ്കില് അത് പുനര്നിര്മിക്കാന് കൂടുതല് ദശ വേണ്ടിവരും. ഇതിനായി വയറിലെ ദശ എടുത്ത് വയറില് നിന്നും രക്തക്കുഴലോടു കൂടി അത് പൂര്ണമായി വേര്പെടുത്തി മാറിന്റെ ഭാഗത്ത് വച്ചു പിടിപ്പിച്ച് രക്തക്കുഴലുകള് തമ്മില് തുന്നിച്ചേര്ക്കുന്നു.
സാധാരണയായി വയറില് നിന്നാണ് ദശയെടുക്കുന്നത്. എങ്കിലും ശരീരത്തിന്റെ മറ്റ് ഭാഗങ്ങളായ തുടയില് നിന്നും പുറംഭാഗത്തു നിന്നും ദശ എടുക്കാന് സാധിക്കും. ദശ എടുത്തു വയ്ക്കുന്നതിനു പകരം ശരീരത്തിന്റെ പുറംഭാഗത്തു നിന്നും പേശി എടുത്തുവച്ചശേഷം അതിന്റെ അടിയിലായി ബ്രസ്റ്റ് ഇംപ്ലാന്റുകൾ നിക്ഷേപിച്ചും മാറ് പുനര്നിര്മിക്കാവുന്നതാണ്.
അസുഖം ബാധിക്കാത്ത മറുവശത്തെ മാറ് ഒരുപാട് വലുപ്പമുള്ളതും തൂങ്ങിപ്പോയതും ആണെങ്കില് അതിനെ പുനര്നിര്മിക്കുന്നതിനായി ബ്രസ്റ്റ് റിഡക്ഷന് സര്ജറി ചെയ്യാന് സാധിക്കും. അതായത് അസുഖമുള്ള വശത്ത് ബ്രസ്റ്റ് റീകണ്സ്ട്രക്ഷന് സര്ജറിയും അസുഖമില്ലാത്ത വശത്ത് ബ്രസ്റ്റ് റിഡക്ഷന് സര്ജറിയും ഒരേ സമയം ചെയ്യാന് സാധിക്കും.
എപ്പോഴാണ് മാറ് പുനര്നിര്മാണ ശസ്ത്രക്രിയ ചെയ്യുന്നത്?
കാന്സറിനെ തുടര്ന്ന് മാറ് നീക്കം ചെയ്യുന്ന ശസ്ത്രക്രിയ ചെയ്യുമ്പോള് അതിനോടൊപ്പം തന്നെ ദശയെടുത്ത് വയ്ക്കുന്ന ശസ്ത്രക്രിയയും ചെയ്യാവുന്നതാണ്. ഇങ്ങനെ ചെയ്താല് മുറിവ് ഉണങ്ങിയതിനുശേഷമേ കീമോതെറാപ്പി ആവശ്യമാണെങ്കില് അത് തുടങ്ങാനാകൂ.
മാറ് നീക്കം ചെയ്യുന്ന ശസ്ത്രക്രിയ ചെയ്ത് കീമോ, റേഡിയേഷന് മുതലായവയെല്ലാം പൂര്ത്തീകരിച്ചതിനുശേഷവും ബ്രസ്റ്റ് റീകണ്സ്ട്രക്ഷന് സര്ജറി എപ്പോള് വേണമെങ്കിലും ചെയ്യാവുന്നതാണ്.
ബ്രസ്റ്റ് റീകണ്സ്ട്രക്ഷന് സര്ജറിയുടെ പ്രാധാന്യമെന്താണ്?
മാറില് മുഴ കണ്ടു കഴിഞ്ഞാല് ഉടന് തന്നെ ആശുപത്രിയില് പോകാതെ ഇരിക്കുന്ന കുറേയധികം സ്ത്രീകള് നമുക്കിടയിലുണ്ട്. മാറ് നീക്കം ചെയ്താല് അതില്ലാതെ ജീവിക്കുന്നതാലോചിച്ച് ചികിത്സ വേണ്ടെന്നു വയ്ക്കുന്ന സ്ത്രീകളുമുണ്ട്.
അങ്ങനെയുള്ളവര്ക്ക് ചികിത്സ തേടാന് പ്രചോദനമാകുന്ന ഒരു കാര്യമാണ് ബ്രസ്റ്റ് റീകണ്സ്ട്രക്ഷന് സര്ജറി.
വിവരങ്ങൾക്കു കടപ്പാട്: ഡോ. ലിഷ എൻ.പി.
പ്ലാസ്റ്റിക് ആൻഡ് റീകൺസ്ട്രക്ടീവ് സർജൻ, എസ്യുറ്റി ഹോസ്പിറ്റൽ, തിരുവനന്തപുരം.
Womens Corner
ഗർഭിണികളിൽ തികച്ചും അപ്രതീക്ഷമായിട്ടാവും രക്തസ്രാവം തുടങ്ങുന്നത്. വീട്ടില് നിന്ന് ആശുപത്രിയില് എത്തിക്കുമ്പോഴേക്കും രക്തമെല്ലാം വാര്ന്നൊഴുകി അമ്മയുടെ ജീവനുതന്നെ അപകടം സംഭവിക്കാം.
പ്രസവവേദന തുടങ്ങിയാല്, കുഞ്ഞിന്റെ ഹൃദയമിടുപ്പിനു പ്രശ്നങ്ങളുണ്ടാകാന് സാധ്യതയുണ്ട്. പ്രസവം നീണ്ടുപോയാല് കുഞ്ഞിന്റെ തലയിലേക്കുള്ള രക്തയോട്ടത്തിന് കുറവുവന്ന് ബുദ്ധിമാന്ദ്യം സംഭവിക്കാം.
ഇത് യഥാസമയം കണ്ടുപിടിച്ച് ഉടനടി പരിഹാരം നിര്ദേശിക്കാന് ഈ ശാസ്ത്രം അറിയുന്നവരും, അതിനുവേണ്ട ഉപകരണങ്ങളും ഉണ്ടാവണം.
അപകടങ്ങളുണ്ട്
കേരളത്തിലെ ആരോഗ്യ പ്രവര്ത്തകരുടെ കൂട്ടായ പരിശ്രമത്താലാണ് മാതൃ-നവജാതശിശു മരണനിരക്ക് വളരെയധികം കുറയ്ക്കാന് സാധിക്കുന്നത്. ഇത്തരത്തിലൊക്കെ ആരോഗ്യ പ്രവര്ത്തകരുടെയും സര്ക്കാരിന്റെയും ഭാഗത്തുനിന്നു മികച്ച രീതിയിലുള്ള പ്രവര്ത്തനം നടക്കുമ്പോള് അതിനു വിപരീതമായിട്ടാണ് അനാരോഗ്യപരമായി വീടുകളില് പ്രസവം നടത്തുന്നത്.
ഇത്തരത്തിലുള്ള അശാസ്ത്രീയ രീതികളില് ഒളിഞ്ഞിരിക്കുന്ന അപകടങ്ങള് മനസിലാക്കാതെ പ്രവര്ത്തിക്കുകയാണെങ്കില് ജീവനു തന്നെ ഭീഷണിയാകും എന്നു മനസിലാ
ക്കുക.
പ്രസവം അത്ര ലളിതമല്ല
പ്രസവം വളരെ ലളിതമാണെന്ന് നമ്മള് വിചാരിക്കുന്നതിലാണു തെറ്റ്. പ്രസവങ്ങള് സുരക്ഷിതമായി നടക്കുകയും അമ്മയും കുഞ്ഞുങ്ങളും ആരോഗ്യത്തോടെ ഇരിക്കുകയും ചെയ്യുന്നുണ്ടെങ്കില് അത് പ്രസവങ്ങള് ആശുപത്രിയില് നടക്കുന്നതുകൊണ്ട് മാത്രമാണ്.
പ്രസവം എന്നത് ഏതുസമയത്തും പ്രശ്നങ്ങള് ഉണ്ടാകാവുന്ന ഒരു പ്രക്രിയയാണ്. യഥാസമയം അത് വേണ്ടപോലെ നേരിടാനുള്ള സംവിധാനമില്ലെങ്കില് അമ്മയെയോ കുഞ്ഞിനെയോ രണ്ടു പേരെയുമോ നമുക്ക് നഷ്ടപ്പെടാം.
വീട്ടില് പ്രസവിക്കുന്ന മാര്ഗം തിരഞ്ഞെടുക്കുന്നതു വഴി ഈ അപകടമാണ് നാം വിളിച്ചുവരുത്തുന്നത്. അതു മനസിലാക്കി ബുദ്ധിപൂര്വം, ഗര്ഭിണികള് വീട്ടില് പ്രസവിക്കുന്ന രീതിയില് നിന്ന് പിന്തിരിയണം. പുറകിലേക്കല്ലാ, മുമ്പിലേക്കാണു നാം നടക്കേണ്ടത്.
വിവരങ്ങൾക്കു കടപ്പാട്: ഡോ. ലക്ഷ്മി അമ്മാൾ
കൺസൾട്ടന്റ് ഗൈനക്കോളജിസ്റ്റ് എസ് യുറ്റി ഹോസ്പിറ്റൽ പട്ടം, തിരുവനന്തപുരം
Womens Corner
ശരീരഭാരം കുറഞ്ഞും മാസം തികയാതെയും (37 ആഴ്ചകള്ക്ക് മുന്പ്) ജനിക്കുന്ന ശിശുക്കളെ അമ്മയുടെയും കുഞ്ഞിന്റെയും ത്വക്കുകള് ചേര്ന്നിരിക്കുന്ന വിധത്തില് പരിചരിക്കുന്ന രീതിയാണ് കംഗാരു മദർ കെയർ.
45 ഡിഗ്രി ചാരിയിരുന്ന്…
സൗകര്യപ്രദമായി 45 ഡിഗ്രി ചാരിയിരിക്കുന്ന രീതിയാണ് കംഗാരു മദർ കെയറിനു നല്ലത്. ചാരുകസേരയില് ഇരിക്കുന്ന രീതിയിലും കംഗാരു മദർ കെയർ നല്കാം.
ഇതിനുശേഷം അമ്മയെയും കുഞ്ഞിനെയും ഒരുമിച്ച് മൂടാവുന്ന രീതിയിലെ വസ്ത്രം ധരിയ്ക്കാവുന്നതാണ്. കുഞ്ഞിന്റെ തലഭാഗം മൂടാതിരിക്കാന് ശ്രദ്ധിക്കണം.
എത്ര സമയം നല്കാം ?
ഏറ്റവും കുറഞ്ഞത് 1 മണിക്കൂര് മുതല് 2 മണിക്കൂര് വരെയും തുടര്ച്ചയായി നല്കിയാല് മാത്രമേ കംഗാരു മദർ കെയർ ഫലപ്രദമാകൂ. ഒരു ദിവസത്തില് 24 മണിക്കൂര് വേണമെങ്കിലും കംഗാരു മദർ കെയർ നല്കാവുന്നതാണ്.
അമ്മയ്ക്ക് വിശ്രമം ആവശ്യമുള്ളപ്പോഴോ ഒന്നില് കൂടുതല് കുഞ്ഞുങ്ങള് ഉള്ളപ്പോഴോ (Twins, Triplets) അച്ഛനോ കുടുംബത്തിലെ മറ്റു ബന്ധുക്കള്ക്കോ കംഗാരു മദർ കെയർ നല്കാവുന്നതാണ്.
കംഗാരു മദർ കെയർ നല്കുമ്പോഴും അമ്മയ്ക്ക് ദൈനംദിന പ്രവര്ത്തികള് ചെയ്യുന്നതിന് (ഉറങ്ങുക, നടക്കുക, ഭക്ഷണം കഴിക്കുക, വര്ത്തമാനം പറയുക) ഒരു തടസവുമില്ല.
കംഗാരു മദർ കെയറിന്റെ ഗുണങ്ങള്
നമ്മുടെ നാട്ടില് കഴിഞ്ഞ കുറേ വര്ഷങ്ങളായി സര്ക്കാര് മെഡിക്കല് കോളേജുകളിലും ചില സ്വകാര്യ ആശുപത്രികളിലും നവജാത ശിശു വിഭാഗങ്ങളില് ഈ ചികിത്സാരീതി അവലംബിക്കുന്നുണ്ട്.
ഇതിനായി ആരോഗ്യ പ്രവര്ത്തകര്ക്ക് പരിശീലനവും നല്കുന്നു. നവജാത ശിശുക്കളുടെ പരിചരണ രംഗത്ത് വലിയ മാറ്റം കൊണ്ടുവരാന് ഈ ചികിത്സാരീതിക്കു കഴിയും എന്നതില് തര്ക്കമില്ല.
Womens Corner
നമ്മുടെ പച്ചക്കറി ലിസ്റ്റില് ബീന്സ്(ഗ്രീന് ബീന്സ്) ഒരു സ്ഥിരം സാന്നിധ്യമാണോ...? അല്ലെങ്കില് ഉടന്തന്നെ ബീന്സിന് നമ്മുടെ അടുക്കളയിലും തീന്മേശയിലും സ്ഥാനം നല്കേണ്ടിയിരിക്കുന്നു.
കാരണം, ഗര്ഭിണികള് മുതല് പ്രമേഹരോഗികള്വരെ അറിഞ്ഞിരിക്കേണ്ട നിരവധി ഗുണങ്ങള് ഉള്ള പച്ചക്കറിയാണ് ബീന്സ്. നിരവധി പോഷകങ്ങളുടെ ഉറവിടമായ ഗ്രീന് ബീന്സ് ആരോഗ്യ ഗുണങ്ങള് ഏറെ നല്കുന്നു.
പച്ച ബീന്സിലൂടെ ലഭിക്കുന്ന ആരോഗ്യ ഗുണങ്ങളില് ചിലതിനെ കുറിച്ച്...
പോഷകസമൃദ്ധം
നിരവധി പോഷകങ്ങളുടെ സംഗമവേദിയാണ് പച്ച ബീന്സ് എന്നു പറഞ്ഞാല് തെറ്റില്ല. കാരണം, വിറ്റാമിന് സി, കെ, ഫോളേറ്റ്, മാംഗനീസ്, പൊട്ടാസ്യം എന്നിങ്ങനെ വിറ്റാമിനുകളും ധാതുക്കളും പച്ച ബീന്സില് അടങ്ങിയിരിക്കുന്നു.
ഈ പോഷകങ്ങള് ശരീരത്തിന്റെ ആരോഗ്യത്തെ പിന്തുണയ്ക്കുകയും വിവിധ ശാരീരിക പ്രവര്ത്തനങ്ങളില് നിര്ണായ പങ്ക് വഹിക്കുകയും ചെയ്യുന്നു.
ശരീരത്തിലെ ദോഷകരമായ ഫ്രീ റാഡിക്കലുകളെ നിര്വീര്യമാക്കാന് സഹായിക്കുന്ന ഫ്ലേവനോയ്ഡുകളും കരോട്ടിനോയ്ഡുകളും ഗ്രീന് ബീന്സില് അടങ്ങിയിട്ടുണ്ട്. ഇത് ഓക്സിഡേറ്റീവ് സമ്മര്ദവും വീക്കവും കുറയ്ക്കാന് സഹായിക്കും.
ഹൃദയാരോഗ്യം, എല്ലുകളുടെ കരുത്ത്
ഹൃദയത്തിന്റെ ആരോഗ്യത്തിനും എല്ലുകളുടെ കരുത്തിനും ഈ പച്ചക്കറി സഹായകമാണ്. ഗ്രീന് ബീന്സിലെ നാരുകള്, പൊട്ടാസ്യം, ഫോളേറ്റ് എന്നിവയുടെ അളവ് രക്തസമ്മര്ദം നിയന്ത്രിക്കും.
അതുപോലെ കൊളസ്ട്രോളിന്റെ അളവ് കുറയ്ക്കാനും ഹൃദയത്തിന്റെ പ്രവര്ത്തനം സുഗമമാക്കാനും സഹായിക്കും.
എല്ലുകളുടെ ആരോഗ്യത്തിന് ആവശ്യമായ വിറ്റാമിന് കെ, മാംഗനീസ് എന്നിവയും പച്ച ബീന്സില് അടങ്ങിയിട്ടുണ്ട്. ഈ പോഷകങ്ങള് ഓസ്റ്റിയോപൊറോസിസ് രോഗത്തിന്റെ സാധ്യത കുറയ്ക്കും.
രക്തത്തിലെ പഞ്ചസാരയുടെ നിയന്ത്രണം, ദഹനം
ഗ്രീന് ബീന്സിലെ നാരുകളുടെ അളവ് ഗ്ലൂക്കോസിന്റെ ആഗിരണം മന്ദഗതിയിലാക്കി രക്തത്തിലെ പഞ്ചസാരയുടെ അളവ് നിയന്ത്രിക്കാന് സഹായിക്കുന്നു. പ്രമേഹമുള്ള വ്യക്തികള്ക്ക് ഇത് ഗുണകരമാണ്.
മാത്രമല്ല, പ്രമേഹം വരാനുള്ള സാധ്യത കുറയ്ക്കാനും ഇതിലൂടെ സാധിക്കും. ദഹന പ്രക്രിയയെ പ്രോത്സാഹിപ്പിക്കുന്നതിനും മലബന്ധം തടയുന്നതിനും ബീന്സ് സഹായകമാണ്.
കുടല് ബാക്ടീരിയകളുടെ വളര്ച്ചയെ പിന്തുണയ്ക്കും, ഇത് ആരോഗ്യകരമായ ദഹനവ്യവസ്ഥയ്ക്ക് ഉത്തമമാണ്.
ശരീരഭാര നിയന്ത്രണം, കണ്ണിന്റെ ആരോഗ്യം
കലോറി കുറവും നാരുകള് കൂടുതലുള്ളതുമായ പച്ചക്കറിയാണ് ബീന്സ്. കലോറി ഉപഭോഗം കുറയ്ക്കുന്നതിലൂടെ ശരീരഭാരം നിയന്ത്രിക്കാന് സഹായിക്കും.
അതുപോലെ കണ്ണിന്റെ ആരോഗ്യവുമായി ബന്ധപ്പെട്ട ബീറ്റാ കരോട്ടിന്, ല്യൂട്ടിന് എന്നിങ്ങനെയുള്ള കരോട്ടിനോയിഡുകള് ഗ്രീന് ബീന്സില് അടങ്ങിയിട്ടുണ്ട്. നേത്രരോഗങ്ങളില്നിന്ന് സംരക്ഷിക്കാന് ഈ സംയുക്തങ്ങള് സഹായിക്കും.
പച്ച ബീന്സിലെ വിറ്റാമിന് സി രോഗപ്രതിരോധ ശേഷി വര്ധിപ്പിക്കും. വെളുത്ത രക്താണുക്കളുടെ ഉത്പാദനം വര്ധിക്കാനും ഇത് സഹായകമാണ്.
ഗര്ഭണികള്ക്ക് ഗുണകരം
ഗര്ഭിണികള്ക്ക് നിര്ണായകമായ ഒരു പോഷകമാണ് ഫോളേറ്റ്. പച്ച ബീന്സില് ഫോളേറ്റ് ധാരാളം അടങ്ങിയിട്ടുണ്ട്. ഗര്ഭാവസ്ഥയില് ധാരാളം ഫോളേറ്റ് കഴിക്കുന്നത് ന്യൂറല് ട്യൂബ് വൈകല്യങ്ങള് തടയും.
അതുപോലെ ഗര്ഭസ്ഥശിശുവിന്റെ ആരോഗ്യകരമായ വികാസത്തെ സഹായിക്കാനും ഇതിനു സാധിക്കും. എന്നിരുന്നാലും ഡോക്ടറുടെ നിര്ദേശം എല്ലാ കാര്യങ്ങളിലും സ്വീകരിക്കുന്നത് ഉത്തമമാണ്.
ഭക്ഷണക്രമത്തില് മാറ്റം വരുത്തുന്നതിനു മുമ്പ് ഡോക്ടര്മാരുമായും ന്യൂട്രീഷന്മാരുമായും ചര്ച്ചചെയ്യുന്നത് ഗുണകരമാണെന്നത് പ്രത്യേകം ഓര്ക്കുക...
Doctor Speaks
വേനല്ക്കാലത്തെ ഏറ്റവും വലിയ പ്രശ്നം ചൂടേറിയ വെയിലാണ്. ഈ സൂര്യ രശ്മികള് എങ്ങനെയാണ് ചര്മ്മത്തിന് ഹാനികരമാകുന്നത് എന്ന് നോക്കാം. സൂര്യ രശ്മികള് പ്രധാനമായും അഞ്ച് തരം രശ്മികള് ആണ് (തരംഗ ദൈര്ഘ്യമനുസരിച്ച്).
ഓസോണ് പാളികള് കഴിഞ്ഞ 20 വര്ഷങ്ങളായി കുറഞ്ഞു വരുന്നു. തല്ഫലമായി ആ രശ്മികള് കൂടുതലായി നമ്മളിൽ പതിക്കുന്നു. ഓസോണ് പാളികളുടെ നേര്മ്മ ത്വക്കിനെയും നേത്രപടലങ്ങളെയും ബാധിക്കും.
തരംഗ ദൈര്ഘ്യം
1. അള്ട്രാ വയലറ്റ് - C (UVC) >290nm
2. അള്ട്രാ വയലറ്റ് - B (UVB) 290-320nm
3. അള്ട്രാ വയലറ്റ് - A (UVA) 320-400nm
ഇവ മൂന്നും നഗ്ന നേത്രങ്ങള് കൊണ്ട് കാണാവുന്നതല്ല.
4. പ്രത്യക്ഷ രശ്മികള് - 400-700nm തരംഗ ദൈര്ഘ്യത്തിലുള്ളതാണ്.
5. ചൂട് നല്കുന്ന ഇന്ഫ്രാറെഡ് രശ്മികള് > 700nm തരംഗ ദൈര്ഘ്യം ഉള്ളവയാണ്.
സൂര്യ രശ്മിയുടെ 95% UVA രശ്മികളാണ്. ഭൂമിയുടെ പ്രതലത്തില് ഇത് സൂര്യോദയം മുതല് അസ്തമയം വരെ ഇത് പതിക്കുന്നുണ്ട്. 5% UVB രശ്മികളാണ്. ഉച്ചസമയത്താണ് ഇത് കൂടുതല് ഭൂമിയില് പതിക്കുന്നത്. UVC ആകട്ടെ ഓസോണ് പാളികള് അവയെ വലിച്ചെടുക്കുന്നത് കൊണ്ട് ഭൂമിയില് പതിക്കുന്നില്ല.
പരിസ്ഥിതി സംബന്ധമായ പല ഘടകങ്ങളുടെയും സ്വാധീനം സൂര്യകിരണങ്ങള് ത്വക്കില് പതിക്കുമ്പോള് ഉണ്ടാകുന്നുണ്ട് - കാലാവസ്ഥ മാറ്റം, ഭൂ പ്രകൃതി, സൂര്യോദയവും അസ്തമയവും എന്നിങ്ങനെ പല കാരണങ്ങള് കൊണ്ട് സൂര്യരശ്മി ചര്മ്മത്തില് മാറ്റമുണ്ടാക്കുന്നു.
ഫലത്തില് UVAയും UVBയും ആണ് തൊലിപ്പുറത്ത് രോഗങ്ങള് ഉണ്ടാക്കുന്ന രശ്മികള്. UVA, ത്വക്കിനകത്തേക്ക് ആഴ്ന്നിറങ്ങി, ചര്മ്മത്തിന് നിറഭേദം ഉണ്ടാക്കുന്നു. പ്രതിരോധ പ്രവര്ത്തനങ്ങളെ അത് സ്വാധീനിക്കുകയും അകാല ജരക്ക് കാരണമാവുകയും ചെയ്യുന്നു.
എന്നാല് UVB ആകട്ടെ, ത്വക്കിനകത്തേക്ക് പ്രവേശിക്കാന് കഴിവുള്ളതല്ല. അത് ഉപരിതലത്തില് പ്രവര്ത്തിക്കുകയും ചര്മ്മത്തിന് ദോഷകരമായ പൊള്ളലുകള് ഉണ്ടാക്കുകയും ചെയ്യുന്നു. ത്വക്കിലുണ്ടാകുന്ന അര്ബുദത്തിന് കാരണമാവുകയും, തൊലിയില് ചുളിവുകള് ഉണ്ടാക്കുകയും ചെയ്യും.
സൂര്യപ്രകാശം മൂലം ചര്മ്മത്തിലുണ്ടാകുന്ന രോഗങ്ങള്
1. പോളി മോര്ഫസ് ലൈറ്റ് ഇറപ്ഷന് Polymorphous Light eruption (PMLE)
ഏതു പ്രായക്കാരെയും ഇത് ബാധിക്കാം. പ്രധാനമായും 30-40 വയസിനിടയിലുള്ളവരിലാണ് കൂടുതലായി കാണപപെടുന്നത്. ഇത് ശരീരത്തിലെ പ്രതിരോധ പ്രവര്ത്തനവുമായി ബന്ധപ്പെട്ടുള്ള ഒരു പ്രതിഭാസമാണ്.
സൂര്യരശ്മി ഒരു ആന്റിജനെ തൊലിയില് സൃഷ്ടിക്കുകയും അതിനെതിരായി ചര്മ്മം പ്രവര്ത്തിക്കുകയും ചെയ്യുന്നതായി കരുതപ്പെടുന്നു. വസ്ത്രം കൊണ്ട് മറയാത്ത ഭാഗങ്ങളില് ചൊറിച്ചിലും പാടുകളും ഉണ്ടാകുന്നു.
കൈകളുടെ പുറം ഭാഗങ്ങളില്, കഴുത്തിന് പുറകുവശത്ത്, പാദങ്ങളില് ഒക്കെയാണ് സാധാരണ കാണപ്പെടുക. മുഖത്ത് വരുന്നത് കുറവാണ്. അതിന് കാരണം, നിരന്തരം സൂര്യരശ്മിയേല്ക്കുമ്പോള് അതിനോട് പൊരുത്തപ്പെടാന് മുഖത്തെ ചര്മ്മത്തിനാവുന്നു എന്നതാണ്.
പുറമെ പുരട്ടാന് സണ്സ്ക്രീന്സും (sun screens), സ്റ്റിറോയിഡ് അടങ്ങിയ ലേപനങ്ങളും നനല്ലതാണ്.. ഉള്ളില് സൊറാലന് ഗ്രൂപ്പില് പെട്ട ഔഷധങ്ങള്, അസുഖം രൂക്ഷമാണെങ്കില് ഉപയോഗിക്കാം.
2. ക്രോണിക്, ആക്റ്റിനിക് ഡെര്മാറ്റൈറ്റിസ് Chronic Actinic dermatitis
വസ്ത്രങ്ങള് കൊണ്ട് മറയാത്ത ഭാഗങ്ങളില് ചര്മ്മത്തില് ചൊറിച്ചിലും കുരുക്കളും ഉണ്ടാകുന്നു. 50 വയസ്സു കഴിഞ്ഞവരിലാണ് കൂടുതലും കാണുന്നത്. തടിപ്പും ചുവപ്പും രൂക്ഷമായ അവസ്ഥയില്, ഉള്ളില് സ്റ്റീറോയ്ഡ് കൊടക്കേണ്ടി വന്നേക്കാം.
ശരീരത്തിന്റെ പരതിരോധ പ്രവര്ത്തനങ്ങളെ തടയുന്ന ശക്തമായ ചില മരുന്നുകള് സൈക്ലോസ്പോറിന്, അസാതയോപ്രിന് പോലെയുള്ളവ ചിലപ്പോള് കൊടുക്കാറുണ്ട്. പുറകെ സ്റ്റീറോയ്ഡ് അടങ്ങിയ ലേപനങ്ങളും, ടാക്രോലിമസ് അടങ്ങിയ ലോഷനുകളും ഉപയോഗിക്കാം.
3. സോളാര് അര്ട്ടിക്കേരിയ Solar urticaria
സൂര്യരശ്മി പതിച്ചാല് ഉടനെ ശരീരത്തില് തടിപ്പും ചുവപ്പും ചൊറിച്ചിലും ചിലരില് കണ്ടുവരുന്നു. UVA, UVB രശ്മികള് കൂടുതലുള്ള കാലാവസ്ഥയില് ഇത് സാധാരണയായി കണ്ടുവരുന്നു. മിക്കവാറും എല്ലാവരിലും കാണും.
പക്ഷെ ചിലര്ക്ക് പ്രശ്നം കഠിനമാവുകയും തൊലി ചെതുമ്പല് പോലെ ഇളകി പോവുകയും വെള്ളമൊലിക്കുകയും ചെയ്യും. കുറേ നാള് ഈ പ്രക്രിയ തുടര്ന്ന് കൊണ്ടിരുന്നാല് തൊലി വല്ലാതെ വരണ്ട്, തടിച്ച്, കറുത്ത നിറമാകുന്നതും സാധാരണമാണ്.
ചൂട് സമയത്ത് ഈ അസുഖം സ്ഥിരമായി വരുന്നവരില് വസ്ത്രംകൊണ്ട് മറയുന്ന ഭാഗത്തും ഈ രോഗ ലക്ഷണങ്ങള് കാണപ്പെടുന്നു. ചിലര്ക്ക് ഇത് ശരീരമാസകലം വരുന്നതായും കണ്ടുവരുന്നു.
4. ഫോട്ടോ ടോക്സിസിറ്റി Photo toxicity
ചില ഔഷധങ്ങള്, കഴിക്കുന്നവരില് സൂര്യപ്രകാശം ഏല്ക്കുമ്പോള് ശരീരം പ്രതിപ്രവര്ത്തനം നടത്തുകയും ചര്മ്മത്തില് ചുവപ്പ്, തടിപ്പ് ചൊറിച്ചില്, കുരുക്കള്, എരിച്ചിലോട് കൂടിയ തടിപ്പുകള് എന്നിവ കാണുകയും ചെയ്യും. ചിലരില് ചെറിയ കുമിളകളും പൊള്ളലുകള് ഉണ്ടാകും. വെയിലേല്ക്കുന്ന ഭാഗങ്ങളിലാണ് ഇത് പ്രത്യക്ഷപ്പെടുന്നത്.
വേദനസംഹാരികള്, ആന്റിബയോട്ടിക്സ്, ഹെയര് ഡൈകള്, ചിലതരം പെര്ഫ്യൂമുകള്, നാരങ്ങ പോലെ പുളി കൂടുതലുള്ള പച്ചക്കറികള് ഇവയാണ് പൊതുവെ ഈ ചര്മ്മരോഗം ഉണ്ടാക്കുന്നത്. ഇതിന് സ്റ്റീറോയ്ഡ് അടങ്ങിയ ഗുളികകള് നല്കേണ്ടിവരും. പുറമെ പുരട്ടാന് സണ്സ്ക്രീനുകളും ആവശ്യമാണ്.
5. ഫോട്ടോ അലര്ജി Photo allergy
ഇതു വളരെ താമസിച്ചു പ്രത്യക്ഷപ്പെടുന്ന ഒരു പ്രതിഭാസമാണ്. ചിലതരം സുഗന്ധ ലേപനങ്ങള്, ആന്റിബയോട്ടിക് ഓയിന്മെന്റുകള്, ചിലതരം സോപ്പുകള് ഇവ ഉപയോഗിക്കുമ്പോള് ശരീരത്തില് ഇവയ്ക്കെതിരായ പ്രവര്ത്തനം നടക്കുകയും സൂര്യപ്രകാശം അതിനെ ത്വരിതപ്പെടുത്തുകയും ചെയ്യും.
ഇവ ഉപയോഗിച്ച് കുറച്ച് ദിവസങ്ങള് കഴിഞ്ഞിട്ടായിരിക്കും ഈ ചര്മ്മരോഗം ഉണ്ടാകുന്നത് അതുകൊണ്ട് രോഗലക്ഷണങ്ങള് മാത്രം കണ്ടു ചികിത്സിക്കാതെ രോഗിയോട് ഉപയോഗിച്ച വസ്തുക്കളുടെ ഒക്കെ വിവരങ്ങള് നന്നായി ചോദിച്ചറിയേണ്ടത് അത്യാവശ്യാണ്.
Photo patch test എന്ന ഒരു test നടത്തിയാ് ഈ രോഗം കണ്ടുപിടിക്കാനാവും. സ്റ്റീറോയ്ഡ് ലേപനങ്ങള് പുറമേ പുരട്ടുകയും ഉള്ളില് സ്റ്റിറോയ്ഡ് ഗുളികകള് കൊടുക്കുകയും വേണ്ടിവരും.
സൂര്യപ്രകാശം കൊണ്ടുള്ള ചര്മ്മരോഗങ്ങള് കണ്ടുപിടിക്കുന്നത് എങ്ങനെ?
1. വിവരശേഖരണം
രോഗിയുടെ അസുഖത്തിന്റെ കാലയളവ്, എന്ന് തുടങ്ങി, എത്ര നാള് നീണ്ടുനിന്നു തുടങ്ങി വിശദമായിത്തന്നെ വിവരങ്ങള് ചോദിച്ചറിയേണ്ടതുണ്ട്. കുടുംബത്തില് ആര്ക്കെങ്കിലും ഇതുപോലെ ഉണ്ടോ എന്നും അന്വേഷിക്കണം.
കാരണം ചില ജനിതക രോഗങ്ങള്, eg: SLE, Porphyria ഉള്ളവരില് ഈ രോഗലക്ഷണങ്ങള് കാണാറുണ്ട്. രോഗിയുടെ ജോലി അത്യാവശ്യമായി ചോദിച്ചറിയേണ്ടതാണ്. പുറംസ്ഥലത്ത്, കൂടുതല് വെയിലേല്ക്കുന്ന പ്രദേശങ്ങളില് ജോലി എടുക്കുന്നവര്ക്ക് അസുഖം വരാനുള്ള സാധ്യത കൂടുതലാണ്.
ഏതെങ്കിലും രാസപദാര്ഥങ്ങളോ ഔഷധങ്ങളോ ഉപയോഗിച്ചതിന് ശേഷമാണോ ഈ ചര്മ്മരോഗം വന്നത് എന്നതും തീര്ച്ചയായും അന്വേഷിക്കേണ്ടതാണ്.
2. പരിശോധന
ശരീരം മുഴുവന് പരിശോധനക്ക് വിധേയമാക്കേണ്ടതാണ്. വെയില് അധികം കൊള്ളാത്ത ഇടങ്ങളായ കണ്പോളകള്, ചെവിയുടെ പുറകുവശം, ചുണ്ടിന് കീഴ്വശം ഇവിടെയൊന്നും തടിപ്പുകള് കാണാനിടയില്ല.. വസ്ത്രം കൊണ്ട് മറച്ച ഭാഗങ്ങളു പരിശോധിക്കുമ്പോള് ഇത് സൂര്യരശ്മി ഏല്ക്കുന്നത് കൊണ്ട് ഉണ്ടായതാണോ എന്ന് തിട്ടപ്പെടുത്താനാവും.
രോഗലക്ഷണങ്ങള് ശരിയായി പരിശോധിച്ചാല്, ഇത് ഏത് വിഭാഗത്തില് പെട്ട ഫോട്ടോ ഡെര്മറ്റോസസ് ആണെന്ന് കണ്ടുപിടിക്കാനാവും. എന്നിട്ടും ശരിയായ ഒരു Diagnosis എത്താനായില്ലെങ്കില് Skin biopsy ചെയ്താല് രോഗം കണ്ടുപിടിക്കാന് സാധിക്കും.
അതിന്റെ കൂടെ രക്തപരിശോധനകള്, പാച് ടെസ്റ്റ് എന്നിവയും നടത്തണം. രോഗനിര്ണയത്തിന് ഈ പരിശോധനകള് വളരെ സഹായകമാണ്.
ചികിത്സ
1. രോഗിയെ പറഞ്ഞു മനസിലാക്കുക
10 മുതൽ 4 വരെ വെയില് ഒഴിവാക്കുക . UV radiation ഏറ്റവും അധികമുള്ള സമയമാണിത്. കുട, തൊപ്പി, സണ്ഗ്ലാസ്, ശരീരം നന്നായി മറയുന്ന കോട്ടണ് ഉടുപ്പുകള്, കടുത്ത നിറമുള്ള തുണികള് ഇവ ഉപയോഗിക്കാന് പറയുക.
സാധാരണ ഗ്ലാസില് കറുത്ത Film ഒട്ടിച്ചാല് UVA, UVB രശ്മികളെ തടയാനാകും. ഓഫീസുകളിലും വാഹനങ്ങളിലും ഇത് ഉപയോഗിക്കാന് പ്രോത്സാഹിപ്പിക്കുക. സ്ഥിരമായി സണ്സ്ക്രീനുകള് ഉപയോഗിക്കുക Para amino Benzoic Acid, Zinc oxide വെവ്വേറെയോ ഒന്നിച്ചോ ഉപയോഗിച്ചാല് ഒരളവ് വരെ ഈ ചരമ്മരോഗങ്ങള് തടയാനാവും.
വെയിലേല്ക്കുന്നതിന് 20-30 മിനിറ്റ് മുമ്പ് ഇത് പുരട്ടണം മൂന്ന് നാല് മണിക്കൂര് കഴിഞ്ഞ് വീണ്ടും പുരട്ടണം. നല്ല അളവില്, വെയിലേല്ക്കുന്ന ഭാഗങ്ങളില് പുരട്ടേണ്ടിവരും.
പച്ചക്കറികള്, പഴവര്ഗങ്ങള് ധാരാളമായി കഴിക്കുന്നതും ഒരു ചികിത്സയാണ്. ബീറ്റാ കരോട്ടിന്, ക്ലോറോക്വിന്, ഇവയൊക്കെ ഉള്ളില് കഴിക്കുന്ന സണ്സ്ക്രീന്സ് ആണ്. ഇതുപോലെയൊക്കെ ശ്രദ്ധിച്ചാല് ചൂടു കൂടുതലുള്ള വേനല്ക്കാലങ്ങളില് ചര്മ്മരോഗങ്ങളെ നമുക്ക് പ്രതിരോധിക്കാനാവും.
അള്ട്രാ വയലറ്റ് രശ്മികളില് നിന്ന് പൂര്ണ്ണ പരിരക്ഷണം നല്കാനുള്ള ഒരു സണ്സ്ക്രീന് തയ്യാറാക്കി എടുക്കാനുള്ള ശ്രമങ്ങള് ഇപ്പോൾ നടന്നു വരുന്നുണ്ട്.. ഉള്ളില് കഴിക്കാവുന്ന ആന്റി ഓക്സിഡന്റുകളില് ഏറ്റവും പ്രയോജനകരമായത് Vitamin C, Vitamin E, ബീറ്റാ കരോട്ടിനുമാണ്.
വെയിലിനെ പ്രതിരോധിക്കാന് ശേഷിയുള്ള വസ്ത്രങ്ങൾ വികസിപ്പിച്ചെടുക്കാനുള്ള ശ്രമങ്ങളും യൂറോപ്യന് രാജ്യങ്ങളില് നടക്കുന്നുണ്ട്.
വിവരങ്ങൾ: Dr. Sreerekha Panicker
Consultant Dermatologist, SUT Hospital, Pattom.
Doctor Speaks
എന്താണ് ഗർഭാശയമുഖ കാൻസർ?
ഗർഭപാത്രത്തിന്റെ ഏറ്റവും താഴത്തെ ഭാഗമാണ് ഗർഭാശയമുഖം (Cervix). യോനിയിലേക്ക് തുറക്കുന്ന ഈ ഭാഗത്തുണ്ടാകുന്ന കാൻസർ മുഴകളെയാണ് ഗർഭാശയമുഖ കാൻസർ (Cervical Cancer) എന്നു വിളിക്കുന്നത്.
സെർവിക്കൽ കാൻസർ സാധാരണമാണോ?
ഇന്ത്യയിലെ സ്ത്രീകളിൽ കാണപ്പെടുന്ന രണ്ടാമത്തെ പ്രധാന കാൻസറാണ് ഗർഭാശയമുഖ കാൻസർ. 2022ൽ മാത്രം 1,20,000ത്തിലധികം പുതിയ കേസുകളും 79,000ത്തോളം മരണങ്ങളും ഈ രോഗംമൂലം റിപ്പോർട്ട് ചെയ്യപ്പെട്ടിട്ടുണ്ട്. ഇത്രയധികം രോഗബാധിതരുണ്ടായിട്ടും പല കാരണങ്ങളാൽ ഈ രോഗത്തെക്കുറിച്ചും അതിന്റെ പ്രതിരോധ മാർഗങ്ങളെക്കുറിച്ചും അവബോധം ഇപ്പോഴും വളരെ കുറവാണ്.
ആരൊക്കെയാണ് ശ്രദ്ധിക്കേണ്ടത്?
ഒട്ടുമിക്ക കാൻസറുകളും പ്രായമായവരിലാണ് കണ്ടുവരുന്നത്. പക്ഷേ സെർവിക്കൽ കാൻസർ പലപ്പോഴും രണ്ട് പ്രായ വിഭാഗങ്ങളിലുള്ള സ്ത്രീകളെ ബാധിക്കുന്നു- 35-40 വയസ് പ്രായമുള്ളവരെയും 60 വയസിനു മുകളിലുള്ളവരെയും.
പ്രധാന കാരണം
ഹ്യൂമൻ പാപ്പിലോമ വൈറസ് (എച്ച്പിവി) അണുബാധ ദീർഘകാലം നിലനിൽക്കുന്നതാണ് ഇതിന്റെ പ്രധാന കാരണം. ഇരുനൂറിലധികം എച്ച്പിവി വൈറസുകളിൽ ഏകദേശം 12 തരം വൈറസുകളാണ് ഗർഭാശയമുഖ കാൻസറിന് കാരണമാകുന്നത്. അപകടസാധ്യത കുറഞ്ഞ ചില ഉപവിഭാഗങ്ങൾ (എച്ച്പിവി 6, 11) സാധാരണ ചർമത്തിലെ അരിമ്പാറകൾക്ക് കാരണമാകുന്നു.
ശാരീരിക ബന്ധത്തിലൂടെയാണ് (പ്രധാനമായും ലൈംഗികബന്ധം) ഈ വൈറസ് പകരുന്നതെങ്കിലും ചില മലിനമായ വസ്തുക്കളുമായുള്ള സമ്പർക്കത്തിലൂടെയും ഇത് പകരാം. സാധാരണയായി അണുബാധ ഉണ്ടായശേഷം ശരീരത്തിന്റെ സ്വാഭാവിക പ്രതിരോധശേഷി വഴി തനിയെ മാറുകയാണ് പതിവ്. എന്നാൽ, ചില വ്യക്തികളിൽ ഈ അണുബാധ മാറാതെ നിൽക്കുകയും അത് കോശങ്ങളിൽ മാറ്റങ്ങൾ വരുത്തുകയും ചെയ്യുന്നു. കൃത്യസമയത്ത് ചികിത്സിച്ചില്ലെങ്കിൽ കാൻസറിലേക്ക് വഴിയൊരുക്കുകയും ചെയ്യുന്നു. പ്രതിരോധശേഷി കുറഞ്ഞവർക്കും പ്രമേഹം നിയന്ത്രണവിധേയമല്ലാത്തവർക്കും ഈ രോഗസാധ്യത കൂടുതലാണ്.
എങ്ങനെ തടയാം?
തടയാൻ കഴിയുന്ന ചുരുക്കം ചില കാൻസറുകളിൽ ഒന്നാണിത്. വൈറസ് ബാധയുണ്ടായി അത് കാൻസറിനു മുൻപുള്ള അവസ്ഥയിലേക്കും പിന്നീട് കാൻസറിലേക്കും മാറാൻ ഏകദേശം 10-20 വർഷമെടുക്കും. പ്രതിരോധശേഷി കുറഞ്ഞവരിൽ ഈ സമയം കുറവായിരിക്കും. എച്ച്പിവി വൈറസിനെതിരേയുള്ള പ്രതിരോധ കുത്തിവയ്പുകളെടുത്തും അല്ലെങ്കിൽ കാൻസറിന് മുൻപുള്ള അവസ്ഥയിൽത്തന്നെ രോഗം കണ്ടെത്തി ചികിത്സിക്കുന്നതിലൂടെയും ഇത് തടയാനാകും.
എച്ച്പിവി വാക്സിനേഷന്റെ പങ്ക്
ക്വാഡ്രിവാലന്റ് വാക്സിൻ: എച്ച്പിവി 6, 11, 16, 18 എന്നീ നാല് വൈറസുകളെ പ്രതിരോധിക്കുന്നു.
നോണാവാലന്റ് വാക്സിൻ: എച്ച്പിവി 6, 11, 16, 18, 31, 33, 45, 52, 58 എന്നീ ഒൻപത് വൈറസുകളെ പ്രതിരോധിക്കുന്നു.
ഡബ്ല്യുഎച്ച്ഒ നിർദേശപ്രകാരം ഒന്പത് മുതൽ 14 വയസുവരെയുള്ള പെൺകുട്ടികളെയാണ് പ്രധാനമായും ലക്ഷ്യമിടുന്നത്. ഈ വാക്സിനുകൾ 45 വയസുവരെയുള്ള സ്ത്രീകളിൽ ഉപയോഗിക്കാൻ ലൈസൻസ് ചെയ്യപ്പെട്ടിട്ടുള്ളതാണ്. 26 വയസ് കഴിഞ്ഞവർ വാക്സിൻ എടുക്കുന്നതിനുമുൻപ് ഒരു ഡോക്ടറുടെ വിദഗ്ധഉപദേശം തേടുന്നത് ഉചിതമായിരിക്കും.
പതിവായ പരിശോധനയുടെ പങ്ക്
ലൈംഗികമായി സജീവമായ എല്ലാ സ്ത്രീകളും 30 വയസിനുശേഷം കൃത്യമായ ഇടവേളകളിൽ താഴെപ്പറയുന്ന ഏതെങ്കിലും ഒരു പരിശോധന നടത്തണം:
► എച്ച്പിവി ടെസ്റ്റ്: അഞ്ച് വർഷത്തിലൊരിക്കൽ.
► പാപ് സ്മിയർ: മൂന്നു വർഷത്തിലൊരിക്കൽ.
► അസറ്റിക് ആസിഡ് ഉപയോഗിച്ചുള്ള പരിശോധന (വിഐഎ): മൂന്ന് വർഷത്തിലൊരിക്കൽ.
ലക്ഷണങ്ങൾ
ആർത്തവചക്രങ്ങൾക്കിടയിലുണ്ടാകുന്ന രക്തസ്രാവം, ആർത്തവവിരാമത്തിനുശേഷമുള്ള രക്തസ്രാവം, ദുർഗന്ധത്തോടു കൂടിയ വെള്ളപോക്ക്, ശരീരഭാരം കുറയുക, വിശപ്പില്ലായ്മ, വിട്ടുമാറാത്ത നടുവേദനയോടുകൂടി കാലുകളിൽ നീരു വയ്ക്കുക.
ചികിത്സകൾ
എച്ച്പിവി അണുബാധ ചികിത്സിച്ചു മാറ്റുവാൻ മരുന്നുകൾ ഒന്നുംതന്നെ ഇന്ന് വിപണിയിൽ ലഭ്യമല്ല. ചെറിയ പെൺകുട്ടികളിൽ പ്രതിരോധ കുത്തിവയ്പുകൾ വഴി അണുബാധ തടയാനാകും.
കാൻസറിന് മുൻപുള്ള അവസ്ഥയിലാണെങ്കിൽ ലളിതമായ ശസ്ത്രക്രിയകളിലൂടെ പൂർണമായും ഭേദമാക്കാം. ഇത്തരം ചികിത്സകളിൽ ഗർഭപാത്രം നീക്കംചെയ്യേണ്ടി വരാത്തതിനാൽ ഭാവിയിൽ കുഞ്ഞുങ്ങൾ വേണമെന്നുള്ളവർക്ക് അത് തടസമാകില്ല. ഗുരുതരമായ രോഗം കണ്ടെത്തുന്ന സാഹചര്യങ്ങളിൽ റേഡിയോ തെറാപ്പി, കീമോതെറാപ്പി എന്നിവ ആവശ്യമായി വന്നേക്കാം.
നിർമാർജനം
2030ഓടെ ഗർഭാശയമുഖ കാൻസർ ലോകത്തുനിന്ന് തുടച്ചുനീക്കാനുള്ള ശ്രമത്തിലാണ് ലോകാരോഗ്യ സംഘടന.
(കോട്ടയം കാരിത്താസ് ആശുപത്രി ഗൈനക്കോളജി ഓങ്കോളജിസ്റ്റാണ് ലേഖിക)
Doctor Speaks
കാൻസറിന്റെ ഘട്ടം, ബാധിച്ച അവയവം, മൊത്തത്തിലുള്ള രോഗിയുടെ ആരോഗ്യസ്ഥിതി ഉൾപ്പെടെയുള്ള വിവിധ ഘടകങ്ങളെ ആശ്രയിച്ചാണ് ഹെഡ് ആൻഡ് നെക്ക് കാൻസറിന്റെ ചികിത്സാരീതി. ശസ്ത്രക്രിയ, കീമോതെറാപ്പി, റേഡിയോ തെറാപ്പി, ടാർഗെറ്റഡ് തെറാപ്പി എന്നിവ വിവിധ ചികിത്സാരീതികളിൽ ഉൾപ്പെടുന്നു.
ശസ്ത്രക്രിയ പലപ്പോഴും പ്രാഥമിക ചികിത്സാ ഉപാധിയാണ്. ടൂമർ റിസെക്ഷൻ, കഴല വിച്ഛേദിക്കൽ, പുനർനിർമാണ നടപടിക്രമങ്ങൾ എന്നിവ ചികിത്സയിൽ ഉൾപ്പെട്ടേക്കാം. കീമോ തെറാപ്പിയും റേഡിയോതെറാപ്പിയും ഒറ്റയ്ക്കോ സംയോജിതമായോ മുഴകൾ ചുരുക്കുന്നതിനും കാൻസർ കോശങ്ങളെ ഇല്ലാതാക്കുന്നതിനും ഉപയോഗിക്കാം.
കാൻസർ കോശങ്ങൾക്കെതിരേ ശരീരത്തിന്റെ പ്രതിരോധ പ്രതികരണം വർധിപ്പിക്കുന്നതിനോ അല്ലെങ്കിൽ പ്രത്യേക തന്മാത്ര വൈകല്യങ്ങൾ ലക്ഷ്യമിട്ടോ ഉള്ള ചികിത്സാ ഓപ്ഷനുകളാണ് ഇമ്യൂണോ തെറാപ്പിയും ടാർഗറ്റ് തെറാപ്പിയും.
ഇവർക്കായുള്ള പുനരധിവാസ പ്രക്രിയയിൽ ഫിസിയോ തെറാപ്പിസ്റ്റ്, സ്പീച്ച് തെറാപ്പിസ്റ്റ്, ഡെന്റിസ്റ്റിക്കൽ, ഡയറ്റിഷൻ, യോഗ ട്രെയിനർമാർ, സൈക്കോളജിസ്റ്റ് എന്നിവർ ഉൾപ്പെടുന്ന ഒരു ടീം ആണു വേണ്ടത്. വീട്ടുകാർ നല്കുന്ന പിന്തുണ ഏറെ പ്രധാനമാണ്. രോഗം ചികിത്സിക്കുന്നതുപോലെ തന്നെ പ്രധാനമാണ് അതു കഴിഞ്ഞുള്ള ഇത്തരം സാഹചര്യങ്ങൾ പരിഹരിക്കുന്നതും.
ഹെഡ് ആൻഡ് നെക്ക് കാൻസർ പ്രതിരോധത്തിൽ ഏറ്റവും പ്രധാനം പുകവലി ഉപേക്ഷിക്കുന്നതും മദ്യപാനം ഒഴിവാക്കുന്നതുമാണ്. കൂടാതെ സൂര്യാഘാതത്തിൽ നിന്ന് ഒഴിവാകുന്ന രീതിയിൽ വസ്ത്രങ്ങൾ ധരിക്കുക, സൺസ്ക്രീൻ ഉപയോഗിക്കുക തുടങ്ങിയവ ജീവിതത്തിന്റെ ഭാഗമാക്കുക.
എച്ച്പിവിക്ക് എതിരായ വാക്സിനേഷൻ, പ്രത്യേകിച്ച് കൗമാരക്കാരിൽ... ഫലപ്രദമായപ്രതിരോധ നടപടിയാണ്.പതിവു ദന്തപരിശോധനകൾ, സ്വയം പരിശോധനകൾ, സാധ്യതയുള്ള ലക്ഷണങ്ങളെക്കുറിച്ചുള്ള അവബോധം എന്നിവ ഹെഡ് ആൻഡ് നെക്ക് കാൻസർ നേരത്തെ കണ്ടെത്തുന്നതിനു സഹായിക്കും.

Doctor Speaks
ഹെപ്പറ്റൈറ്റിസ് എന്ന നിശബ്ദവും അപകടകാരിയുമായ ആരോഗ്യ പ്രശ്നത്തിനെതിരേ ആഗോളതലത്തിൽ പ്രതിരോധം തീർക്കാൻ വർഷം തോറും ജൂലൈ 28ന് ലോക ഹെപ്പറ്റൈറ്റിസ് ദിനം ആചരിക്കുന്നു.
പലപ്പോഴും തിരിച്ചറിയപ്പെടാതെ പോവുന്ന ഈ രോഗം ലോകമെമ്പാടുമുള്ള ദശലക്ഷക്കണക്കിന് ആളുകളുടെ ജീവൻ അപകടത്തിലാക്കുന്നു.
2025-ലെ ഹെപ്പറ്റൈറ്റിസ് ദിനം "ഹെപ്പറ്റൈറ്റിസ്: നമുക്കതിനെ തകർക്കാം' (Hepatitis: Let's Break It Down) എന്ന പ്രമേയത്തിലൂടെ ഈ രോഗത്തെ ഇല്ലാതാക്കാൻ തടസമായി നിൽക്കുന്ന സാമ്പത്തിക, സാമൂഹിക, വ്യക്തിപരമായ വെല്ലുവിളികളെ തകർത്തെറിയാൻ ലോകത്തിന് ആഹ്വാനം നൽകുന്നു.
നേരത്തെയുള്ള രോഗനിർണയവും ചികിത്സയും പ്രതിരോധവുമാണ് ഈ മാരകമായ രോഗത്തെ മറികടക്കാൻ നമുക്കുള്ള ഏറ്റവും വലിയ ആയുധങ്ങൾ.
എന്തുകൊണ്ട് നേരത്തെയുള്ള രോഗനിർണയം പ്രധാനം?
ഹെപ്പറ്റൈറ്റിസിന്റെ ലക്ഷണങ്ങൾ തുടക്കത്തിൽ പ്രകടമല്ലാത്തതിനാൽ പലപ്പോഴും തിരിച്ചറിയപ്പെടുന്നത് രോഗം ഗുരുതരമായ ഘട്ടത്തിലെത്തുമ്പോൾ മാത്രമാണ്. എന്നാൽ, കൃത്യസമയത്തുള്ള രോഗനിർണയം കരളിന് ഗുരുതരമായ പ്രശ്നങ്ങൾ ഉണ്ടാക്കുന്നത് തടയാനും രോഗമുക്തി വേഗത്തിലാക്കാനും സഹായിക്കും.
ഹെപ്പറ്റൈറ്റിസിന്റെ വൈറൽ, നോൺ-വൈറൽ രൂപങ്ങളെ ചെറുക്കാൻ രോഗത്തെക്കുറിച്ചുള്ള അവബോധവും രോഗനിർണയ പരിശോധനകളും ആവശ്യമാണ്.
അപകടസാധ്യതകളെ അറിയുക
രോഗം ബാധിക്കാനുള്ള സാധ്യതകൾ ഹെപ്പറ്റൈറ്റിസിന്റെ തരമനുസരിച്ച് (എ, ബി, സി, ഡി, ഇ) വ്യത്യാസപ്പെട്ടിരിക്കും.
പൊതുവായി ശ്രദ്ധിക്കേണ്ട ചില കാര്യങ്ങൾ താഴെക്കൊടുക്കുന്നു:
മലിനമായ ഭക്ഷണവും വെള്ളവും: വൃത്തിയില്ലാത്ത സാഹചര്യങ്ങളിൽ, മലിനമായ ഭക്ഷണവും വെള്ളവും ഉപയോഗിക്കുന്നതിലൂടെ ഹെപ്പറ്റൈറ്റിസ് എ, ഇ എന്നിവ പകരാം.
സുരക്ഷിതമല്ലാത്ത ലൈംഗികബന്ധവും സിറിഞ്ചുകളുടെ പങ്കുവയ്ക്കലും: ഹെപ്പറ്റൈറ്റിസ് ബി, സി എന്നിവ പകരുന്നതിനുള്ള പ്രധാന കാരണങ്ങളിലൊന്നാണ് ഇത്.
അമ്മയിൽ നിന്ന് കുഞ്ഞിലേക്ക്: ഹെപ്പറ്റൈറ്റിസ് ബി പോസിറ്റീവായ അമ്മയിൽ നിന്ന് നവജാത ശിശുവിലേക്ക് രോഗം പകരാൻ സാധ്യതയുണ്ട്.
ചികിത്സാപരമായ കാരണങ്ങൾ: മതിയായ അണുബാധ നിയന്ത്രണമില്ലാത്ത രക്തപ്പകർച്ച, ശസ്ത്രക്രിയ തുടങ്ങിയ വൈദ്യനടപടികളിലൂടെയും രോഗം പകരാം.
മറ്റ് കരൾ രോഗങ്ങൾ: ഫാറ്റി ലിവർ രോഗങ്ങൾ (എസ്എൽഡി), മദ്യപാനം മൂലമുണ്ടാകുന്ന കരൾ രോഗങ്ങൾ (എഎൽഡി) എന്നിവയും ഹെപ്പറ്റൈറ്റിസിലേക്ക് നയിച്ചേക്കാം.
ഹെപ്പറ്റൈറ്റിസ് ലക്ഷണങ്ങൾ: തിരിച്ചറിയാം, ചികിത്സ തേടാം
കഠിനമായ ക്ഷീണവും ഉന്മേഷക്കുറവും
മഞ്ഞപ്പിത്തം: കണ്ണുകളിലും ചർമ്മത്തിലും മഞ്ഞനിറം, വയറുവേദന, പ്രത്യേകിച്ചും വയറിന്റെ മുകൾ ഭാഗത്ത് കടുത്ത നിറമുള്ള മൂത്രവും വിളറിയ മലവും
വിശപ്പില്ലായ്മ, ഓക്കാനം, ഛർദ്ദി, പനി, പ്രത്യേകിച്ചും അക്യൂട്ട് ഹെപ്പറ്റൈറ്റിസിൽ സന്ധിവേദനകൾ (പ്രത്യേകിച്ച് ഹെപ്പറ്റൈറ്റിസ് സിയോടൊപ്പം).
രോഗനിർണയവും പരിശോധനകളും
ഒരു വിശദമായ മെഡിക്കൽ ഹിസ്റ്ററി എടുക്കുന്നതിലൂടെയാണ് രോഗനിർണയം ആരംഭിക്കുന്നത്. യാത്രാവിവരങ്ങൾ, മുൻകാല അണുബാധകൾ, വാക്സിനേഷൻ വിവരങ്ങൾ എന്നിവയെല്ലാം ഇതിൽ ഉൾപ്പെടുന്നു.
രക്തപരിശോധന: ആന്റിബോഡികളുടെയും വൈറൽ ലോഡിന്റെയും അളവ് കണ്ടെത്താൻ രക്തപരിശോധന നിർണായകമാണ്.
അൾട്രാസൗണ്ട് സ്കാനിംഗ്: കരൾരോഗത്തിന്റെ തീവ്രതയും മറ്റ് സങ്കീർണതകളും വിലയിരുത്താൻ ഇത് സഹായിക്കുന്നു.
ലിവർ ബയോപ്സി: അപൂർവമായി മാത്രം ആവശ്യമായി വരുന്ന ഒരു പരിശോധനയാണിത്. ചില സന്ദർഭങ്ങളിൽ കൂടുതൽ കൃത്യമായ രോഗനിർണയത്തിനായി ലിവർ ബയോപ്സി ആവശ്യമായി വന്നേക്കാം.
ചികിത്സാ രീതികൾ
ഹെപ്പറ്റൈറ്റിസിന്റെ തരവും തീവ്രതയും അനുസരിച്ച് ചികിത്സാരീതികൾ വ്യത്യാസപ്പെടാം.
അക്യൂട്ട് ഹെപ്പറ്റൈറ്റിസ് (എ, ബി, ഇ): മിക്കവാറും പേർക്കും അക്യൂട്ട് ഹെപ്പറ്റൈറ്റിസ് ചികിത്സ മതിയാകും.
ആന്റിവൈറൽ മരുന്നുകൾ കൂടാതെ തന്നെ ഭൂരിഭാഗം ആളുകളും രോഗമുക്തി നേടുന്നു. എന്നാൽ അപൂർവമായി കരളിന് തകരാർ സംഭവിക്കുകയാണെങ്കിൽ അത് അടിയന്തര വൈദ്യസഹായം ആവശ്യമുള്ള അവസ്ഥയാണ്.
ക്രോണിക് ഹെപ്പറ്റൈറ്റിസ് (ബി, സി): ഹെപ്പറ്റൈറ്റിസ് ബി, സി എന്നിവയ്ക്കുള്ള ആന്റിവൈറൽ മരുന്നുകൾ വൈറസിനെ നിയന്ത്രിക്കാനും കരളിന്റെ പ്രവർത്തനം മെച്ചപ്പെടുത്താനും കരൾ കാൻസർ സാധ്യത കുറയ്ക്കാനും സഹായിക്കും.
ഫാറ്റി ലിവർ രോഗം (NAFLD): ജീവിതശൈലിയിലുള്ള മാറ്റങ്ങളാണ് ഈ രോഗത്തിന്റെ ചികിത്സയിലെ പ്രധാന ഘടകം. ഗുരുതരമായ കരൾ സിറോസിസ് ഉള്ളവർക്ക് കരൾ മാറ്റിവയ്ക്കൽ ശസ്ത്രക്രിയ ആവശ്യമായി വന്നേക്കാം.
പുതിയ മരുന്നുകൾ വന്നതോടെ ഹെപ്പറ്റൈറ്റിസ് സിയുടെ ചികിത്സ കൂടുതൽ ലളിതവും ഫലപ്രദവുമാണ്.
പ്രതിരോധം: നിങ്ങൾക്ക് ചെയ്യാൻ കഴിയുന്നത്
വാക്സിൻ എടുക്കുക: ഹെപ്പറ്റൈറ്റിസ് എ, ബി എന്നിവയ്ക്ക് ഫലപ്രദമായ വാക്സിനുകൾ ലഭ്യമാണ്. ഉയർന്ന അപകടസാധ്യതയുള്ളവർ കൃത്യസമയത്ത് വാക്സിൻ എടുക്കാൻ ശ്രദ്ധിക്കുക.
സുരക്ഷിതമായ ലൈംഗികബന്ധം: സുരക്ഷിതമായ ലൈംഗികബന്ധത്തിൽ ഏർപ്പെടുക, ഒന്നിലധികം പങ്കാളികളുമായുള്ള ബന്ധം ഒഴിവാക്കുക.
വ്യക്തിപരമായ സാധനങ്ങൾ പങ്കുവയ്ക്കാതിരിക്കുക: സിറിഞ്ചുകൾ, റേസർ ബ്ലേഡുകൾ, ടൂത്ത് ബ്രഷ് തുടങ്ങിയ വ്യക്തിപരമായ സാധനങ്ങൾ മറ്റുള്ളവരുമായി പങ്കുവയ്ക്കുന്നത് ഒഴിവാക്കുക.
സുരക്ഷിതമായ രക്തദാനം: രോഗാണു വിമുക്തമായ ചികിത്സാ രീതികളും സുരക്ഷിതമായ രക്തം സ്വീകരിക്കലും ഉറപ്പാക്കുക.
മദ്യം ഒഴിവാക്കുക: കരൾ രോഗങ്ങളുള്ളവർ പ്രത്യേകിച്ചും മദ്യപാനം പൂർണമായും ഒഴിവാക്കണം.
ആരോഗ്യകരമായ ജീവിതശൈലി: സമീകൃതാഹാരവും ചിട്ടയായ വ്യായാമവും ഫാറ്റി ലിവർ സാധ്യത കുറയ്ക്കാൻ സഹായിക്കും.
കൈകൾ വൃത്തിയാക്കുക: വൃത്തിയില്ലാത്ത ഭക്ഷണവും വെള്ളവും ഒഴിവാക്കുക.
തുടർച്ചയായ പരിശോധന: കുടുംബത്തിൽ രോഗമുള്ളവരും മറ്റ് രോഗങ്ങളോ രോഗം ബാധിക്കാനുള്ള സാധ്യതയോ ഉള്ളവർ കൃത്യമായ പരിശോധനകൾ നടത്തുക.
ഇന്ന് കൃത്യമായ രോഗനിർണയത്തിനുള്ള വഴികളും ഫലപ്രദമായ മരുന്നുകളും നമ്മുടെ കൈകളിലുണ്ട്.
എന്നാൽ ഈ രംഗത്ത് ഏറ്റവും ശക്തമായ ആയുധം അവബോധവും കൃത്യസമയത്തുള്ള ഇടപെടലുകളുമാണ്. ഹെപ്പറ്റൈറ്റിസ് മുക്തമായ ഒരു ഭാവിക്കായി നമുക്ക് കൈകോർക്കാം.
ഡോ. രാജേഷ് ഗോപാലകൃഷ്ണ
സീനിയർ കൺസൾട്ടന്റ് - ഗ്യാസ്ട്രോഎന്ററോളജി & ഹെപ്പറ്റോളജി അപ്പോളോ അഡ്ലക്സ് ഹോസ്പിറ്റൽ
Doctor Speaks
ജൂലൈ 27. ഹെഡ് ആൻഡ് നെക്ക് കാൻസർ ദിനം. പഴയ ഒരു ഹെഡ് ആൻഡ് നെക്ക് കാൻസർ ക്യാമ്പിനെക്കുറിച്ചുള്ള ഒരോർമ പങ്കുവയ്ക്കാം. ഞങ്ങളെ സംബന്ധിച്ച് ഓരോ ക്യാമ്പും ഓരോ വിദ്യാലയമാണ്.
ഓരോ രോഗിയും ഓരോ പുതിയ പാഠം നൽകാറുണ്ട്. അങ്ങനെ ഒരാളായിരുന്നു ഗംഗാധരൻ. മുഖത്തിന്റെ ഒരു ഭാഗം മുഴുവൻ കാൻസർ തിന്നു പോയ ആ മനുഷ്യൻ മറ്റേ ഭാഗം ഷേവ് ചെയ്ത്, ഒരു ഭാഗം തോർത്തുകൊണ്ട് മൂടിവച്ചാണ് അന്നത്തെ ക്യാമ്പിന് എത്തിയത്.
ആരും കാണരുതെന്ന് എത്ര ആഗ്രഹിച്ചാലും എനിക്ക് എന്തോ കുഴപ്പമുണ്ട് എന്ന് വിളിച്ചുപറയും വിധം രൂപം മാറിയിരിക്കുന്നു. രൂപത്തിൽ മാത്രമല്ല സംസാരത്തിലും അതു വ്യക്തമായിരുന്നു.
പല വാക്കുകളും വ്യക്തമല്ല, നാവു കുഴഞ്ഞു പോകുന്നു, ഭക്ഷണത്തിനു രുചിയില്ല ഇങ്ങനെ പല പ്രശ്നങ്ങളും അദ്ദേഹത്തെ അലട്ടിക്കൊണ്ടേയിരുന്നു. എന്നാൽ സത്യത്തിൽ ആ അച്ഛന്റെ പ്രശ്നം അതുമാത്രം ആയിരുന്നില്ല.
പല വാക്കുകളും വ്യക്തമല്ലാത്തതുകൊണ്ടുതന്നെ രണ്ടാമതു പറയേണ്ടി വരുന്നു. ചിലപ്പോൾ പറയാൻ ഉദ്ദേശിക്കുന്നതു പറയാൻ കഴിയാതെ വരുന്നു. മക്കൾ രണ്ടാമത് എന്താണെന്നു ചോദിക്കുമ്പോൾ സ്വയം ദേഷ്യം നിയന്ത്രിക്കാൻ പറ്റാതെ കണ്ണിൽ കണ്ട സാധനങ്ങൾ എടുത്തെറിയുന്നു.
യഥാർത്ഥത്തിൽ ഇതായിരുന്നു ആ അച്ഛന്റെ വിഷമം. വേണ്ട മരുന്നുകളും മാനസിക പിന്തുണയും കൊടുത്തതോടെ അദ്ദേഹത്തിന്റെ പ്രശ്നങ്ങൾ ഏതാണ്ട് മുഴുവനായും മാറി. പക്ഷേ, കാൻസർ സമ്മാനിച്ച വൈരൂപ്യം അതേപോലെ നിലനിന്നു. നേരത്തെ കണ്ടുപിടിച്ചിരുന്നെങ്കിൽ ഇത്ര പ്രശ്നം ഉണ്ടാകില്ലായിരുന്നു.
മുഖവൈകല്യങ്ങൾ
മറ്റേതു കാൻസറിനേക്കാളും മുഖവൈകല്യങ്ങളും ചികിത്സ കഴിഞ്ഞാൽ പിന്നീട് ഉണ്ടാകുന്ന ബുദ്ധിമുട്ടുകളും ഹെഡ് ആൻഡ് നെക്ക് കാൻസറുകൾക്കു കൂടുതലാണ്. ആ മാറ്റങ്ങളോടു പൊരുത്തപ്പെടാൻ ഒരുപക്ഷേ, ചിലർക്ക് ഒരുപാടു കാലങ്ങൾ വേണ്ടിവരും.
അതുവരെ നേരിട്ട ചികിത്സകളെക്കാൾ അതിനുശേഷം ഉണ്ടാകുന്ന മാറ്റങ്ങൾ ആയിരിക്കാം അവരെ സംബന്ധിച്ചിടത്തോളം ഒരു വലിയ പരീക്ഷണം. സർജറി, കീമോ തെറാപ്പി, റേഡിയോ തെറാപ്പി എന്നിവയ്ക്കുശേഷം നിരവധി പ്രശ്നങ്ങൾ അഭിമുഖീകരിക്കേണ്ടി വരാറുണ്ട്.
ഭക്ഷണം കഴിക്കാനുള്ള ബുദ്ധിമുട്ട്, സംസാര വൈകല്യം, മുഖ വൈകല്യം, ക്ഷീണം, മുടി കൊഴിച്ചിലും മനസിക തളർച്ച എന്നിവയോക്കെയാണ് പ്രധാനമായും കണ്ടുവരുന്നത്.
ഡോ. ദീപ്തി ടി. ആർ.
പ്രിവന്റീവ് ഓങ്കോളജി സ്പെഷ്യലിസ്റ്റ്, ഓൺക്യൂർ ഇന്റഗ്രേറ്റഡ് ഹെൽത്ത് സ്ക്രീനിംഗ് സെന്റർ കണ്ണൂർ, കോഴിക്കോട്.
ഫോൺ: 6238265965