വാം​ഗ് ചി​ഷാ​ൻ ചൈ​നീ​സ് വൈ​സ് പ്ര​സി​ഡ​ന്‍റാ​കും
Tuesday, March 13, 2018 1:24 AM IST
ബെ​യ്ജിം​ഗ്: ചൈ​നീ​സ് പ്ര​സി​ഡ​ന്‍റ് ഷി ​ചി​ൻ​പിം​ഗ് ഈ ​ശ​നി​യാ​ഴ്ച പു​തി​യ ഭ​ര​ണ​മേ​ധാ​വി​ക​ളെ പ്ര​ഖ്യാ​പി​ക്കു​ന്പോ​ൾ മ​റ്റു​ചി​ല കീ​ഴ്‌വഴ​ക്ക​ങ്ങ​ൾ​കൂ​ടി മാ​റ്റി​യെ​ഴു​തും. മൂ​ന്നു ദ​ശ​ക​മാ​യി നി​ല​നി​ന്ന ര​ണ്ടു കാ​ലാ​വ​ധി എ​ന്ന വ​ഴ​ക്ക​വും വ്യ​വ​സ്ഥ​യും മാ​റ്റി​യ ഷി ​ഇ​നി ഭ​ര​ണ​മേ​ധാ​വി​ക​ളു​ടെ ത​ല​ത്തി​ലെ പ്രാ​യ​നി​ബ​ന്ധ​ന മാ​റ്റി​വ​യ്ക്കും. അ​തു പു​തി​യ ശ​ക്തി​കേ​ന്ദ്ര​ങ്ങ​ളു​ടെ വ​ള​ർ​ച്ച​കു​റി​ക്കും.

പാ​ർ​ട്ടി​യി​ലും ഭ​ര​ണ​കൂ​ട​ത്തി​ലും 68 വ​യ​സ് എ​ന്ന ഒ​രു റി​ട്ട​യ​ർ​മെ​ന്‍റ് പ​ദ​വി കു​റെ​ക്കാ​ല​മാ​യി ചൈ​ന പാ​ലി​ക്കു​ന്നു​ണ്ട്. ഇ​ത്ത​വ​ണ അ​തു മാ​റ്റും. ദീ​ർ​ഘ​കാ​ല​മാ​യി ത​ന്‍റെ വി​ശ്വ​സ്ത​നാ​യ വാം​ഗ് ചി​ഷാ​നെ വൈ​സ് പ്ര​സി​ഡ​ന്‍റാ​ക്കും. 68 വ​യ​സാ​യ​തി​നെ​ത്തു​ട​ർ​ന്നു ക​മ്യൂ​ണി​സ്റ്റ് പാ​ർ​ട്ടി പോ​ളി​റ്റ് ബ്യൂ​റോ സ്റ്റാ​ൻ​ഡിം​ഗ് ക​മ്മി​റ്റി​യി​ൽ​നി​ന്നു വാം​ഗി​നെ കഴി ഞ്ഞവർഷം മാ​റ്റി​യി​രു​ന്നു. പാ​ർ​ട്ടി​യു​ടെ പ​ര​മോ​ന്ന​ത സ​മി​തി​യി​ൽ​നി​ന്നു മാ​റ്റ​പ്പെ​ട്ട ഒ​രാ​ളെ സു​പ്ര​ധാ​ന ഭ​ര​ണ​ത​സ്തി​ക​യി​ൽ നി​യ​മി​ക്കു​ന്നു എ​ന്ന​തും കീ​ഴ്‌​വ​ഴ​ക്ക​ങ്ങ​ൾ മ​റി​ക​ട​ന്നു​ള്ള ന​ട​പ​ടി​യാ​ണ്. സ്റ്റാ​ൻ​ഡിം​ഗ് ക​മ്മി​റ്റി​യി​ൽ ഇ​ല്ലെ​ങ്കി​ലും വാം​ഗ് ഇ​പ്പോ​ഴും ഉ​ന്ന​ത​ത​ല​യോ​ഗ​ങ്ങ​ളി​ൽ സാ​ന്നി​ധ്യ​മാ​ണ്.

ഷി​യു​ടെ ഭ​ര​ണ​കാ​ല​ത്ത് അ​ഴി​മ​തി​വേ​ട്ട​യു​ടെ ചു​മ​ത​ല വാം​ഗി​നാ​യി​രു​ന്നു. യ​ഥാ​ർ​ഥ​ത്തി​ൽ ഷി​യെ എ​തി​ർ​ക്കു​ന്ന എ​ല്ലാ​വ​രെ​യും ഒ​തു​ക്കു​ന്ന​താ​യി​രു​ന്നു വാം​ഗി​ന്‍റെ ദൗ​ത്യം. സ്റ്റാ​ൻ​ഡിം​ഗ് ക​മ്മി​റ്റി അം​ഗ​മാ​യി​രു​ന്ന ചൗ ​യോം​ഗ്കാം​ഗ്, ജ​ന​റ​ൽ​മാ​രാ​യ ചാം​ഗ് യാം​ഗ്, ഫാം​ഗ് ഫെം​ഗ്ഹു​യി തു​ട​ങ്ങി​യ​വ​രെ ജ​യി​ലി​ല​ട​ച്ച​തും മ​റ്റും വാം​ഗ് ആ​ണ്.

ഇ​ത്ത​വ​ണ വാം​ഗി​ന്‍റെ ദൗ​ത്യം അ​മേ​രി​ക്ക​യി​ലെ ട്രം​പ് ഭ​ര​ണ​കൂ​ട​വു​മാ​യു​ള്ള ബ​ന്ധം കൈ​കാ​ര്യം ചെ​യ്യ​ലാ​ണ്. വാം​ഗ് വൈ​സ് പ്ര​സി​ഡ​ന്‍റ് ആ​കു​ന്ന​തോ​ടെ ന​യ​ത​ന്ത്ര​രം​ഗ​ത്ത് പ്ര​ധാ​ന​മ​ന്ത്രി ലി ​കെ​ചി​യാം​ഗി​ന്‍റെ റോ​ൾ അ​ല്പം കു​റ​യും.

വാം​ഗി​നു പ​ക​രം അ​ഴി​മ​തി​വി​രു​ദ്ധ പോ​രാ​ട്ട​ത്തി​ന്‍റെ ചു​മ​ത​ല ചൗ ​ലെ​ജി​ക്കു ല​ഭി​ക്കും. 61 വ​യ​സു​ള്ള ചൗ ​ക​മ്യൂ​ണി​സ്റ്റ് പാ​ർ​ട്ടി​യി​ലെ അ​ച്ച​ട​ക്ക പ​രി​ശോ​ധ​നാ ക​മ്മീ​ഷ​ൻ മേ​ധാ​വി​യാ​ണ്. ഭ​ര​ണ​ത്തി​ൽ നാ​ഷ​ണ​ൽ സൂ​പ്പ​ർ​വൈ​സ​റി ക​മ്മീ​ഷ​ന്‍റെ ചെ​യ​ർ​മാ​നു​മാ​കും. പാ​ർ​ട്ടി സ്റ്റാ​ൻ​ഡിം​ഗ് ക​മ്മി​റ്റി​യം​ഗ​മാ​ണ്.


ശ​നി​യാ​ഴ്ച പ്ര​സി​ഡ​ന്‍റാ​യി ഷി​യും പ്ര​ധാ​ന​മ​ന്ത്രി​യാ​യി ലി ​കെ​ചി​യാം​ഗും വീ​ണ്ടും നി​യ​മി​ക്ക​പ്പെ​ടും. ഒ​ന്നാം ഉ​പ​പ്ര​ധാ​ന​മ​ന്ത്രി​യാ​യി ഷാ​ങ് ഹാ​യി​യി​ലെ മു​ൻ മേ​യ​റും സ്റ്റാ​ൻ​ഡിം​ഗ് ക​മ്മി​റ്റി​യം​ഗ​വു​മാ​യ ഹാ​ൻ ചെം​ഗ് നി​യ​മി​ക്ക​പ്പെ​ടും. പാ​ർ​ല​മെ​ന്‍റ് ചെ​യ​ർ​മാ​നാ​യി ലി ​ചാ​ൻ​ഷു​വി​നെ​യാ​ണു നി​യ​മി​ക്കു​ക.

വാം​ഗ് ചി​ഷാ​നാ​കും വി​ദേ​ശ​ന​യ​ത്തി​ലെ മു​ഖ്യ​നി​യ​ന്താ​വ്. വി​ദേ​ശ​കാ​ര്യ​മ​ന്ത്രി വാം​ഗ് യി, ​സ്റ്റേ​റ്റ് കൗ​ൺ​സി​ല​ർ സ്ഥാ​ന​ത്തേ​ക്ക് ഉ​യ​ർ​ത്ത​പ്പെ​ടും. ഇ​പ്പോ​ൾ വി​ദേ​ശ​കാ​ര്യ ചു​മ​ത​ല​യു​ള്ള സ്റ്റേ​റ്റ് കൗ​ൺ​സി​ല​ർ യാം​ഗ് ജി​യേ​ചി അ​തേ ചു​മ​ത​ല​യോ​ടെ ഉ​പ​പ്ര​ധാ​ന​മ​ന്ത്രി ആ​കു​മെ​ന്നാ​ണു പ്ര​തീ​ക്ഷ. വാം​ഗ് ചി​ഷാ​ൻ - യാം​ഗ് ജി​യേ​ചി -വാം​ഗ് യി ​എ​ന്ന​താ​കും അ​ധി​കാ​ര​ക്ര​മം. 69 വ​യ​സു​ള്ള വാം​ഗി​നും 67 വ​യ​സു​ള്ള യാം​ഗി​നും 64 വ​യ​സു​ള്ള വാം​ഗ് യി​ക്കും ഷി ​ഭ​ര​ണ​കൂ​ട​ത്തി​ൽ കൂ​ടു​ത​ൽ കാ​ലം​തു​ട​രാ​ൻ സാ​ഹ​ച​ര്യ​മു​ണ്ടാ​കും.

വി​ദേ​ശ​രം​ഗ​ത്തു കൂ​ടു​ത​ൽ സ്വാ​ധീ​ന​ത്തി​നു ശ്ര​മി​ക്കു​ന്ന​താ​ണു ഷി​യു​ടെ ന​യം. ഇ​തി​ന്‍റെ ഭാ​ഗ​മാ​യി അ​മേ​രി​ക്ക​യോ​ടു കി​ട​മ​ത്സ​ര​മു​ണ്ട്. വാ​ണി​ജ്യ​രം​ഗ​ത്തു യു​എ​സ് ന​യ​ങ്ങ​ളോ​ട് ഏ​റ്റു​മു​ട്ട​ലു​ണ്ട്. ഈ ​സാ​ഹ​ച​ര്യ​ത്തി​ലാ​ണ് ത​ന്‍റെ വി​ശ്വ​സ്ത​നെ​യും ര​ണ്ടു ന​യ​ത​ന്ത്ര​വി​ദ​ഗ്ധ​രെ​യും ഉ​ൾ​പ്പെ​ടു​ത്തി ഷി ​വി​ദേ​ശ​കാ​ര്യ ടീ​മി​നെ രൂ​പ​പ്പെ​ടു​ത്തി​യ​ത്.

ഈ ​മാ​റ്റ​ങ്ങ​ൾ പ്ര​ധാ​ന​മ​ന്ത്രി ലി ​കെ​ചി​യാം​ഗി​ന്‍റെ പ്രാ​ധാ​ന്യം കു​റ​യു​ന്ന​താ​യും കാ​ണി​ക്കു​ന്നു. ഇ​ത്ത​വ​ണ കെ​ചി​യാം​ഗ് ഭ​ര​ണ​ത്തി​ന്‍റെ റി​പ്പോ​ർ​ട്ട് അ​വ​ത​രി​പ്പി​ക്കു​ന്ന​തി​നി​ടെ ഷി ​ഹാ​ൾ വി​ട്ടു​പോ​യ​തു ശ്ര​ദ്ധി​ക്ക​പ്പെ​ട്ട സം​ഭ​വ​മാ​ണ്.

മാ​വോ​യു​ടെ ഭ​ര​ണ​കാ​ല​ത്തി​ന്‍റെ ര​ണ്ടാം പ​കു​തി​യി​ൽ പ്ര​ധാ​ന​മ​ന്ത്രി​മാ​ർ​ക്ക് പ​ദ​വി​ക്കു​ത​ക്ക പ്രാ​ധാ​ന്യം കൊ​ടു​ത്തി​രു​ന്നി​ല്ല. സാം​സ്കാ​രി​ക വി​പ്ല​വ​കാ​ല​ത്തു പ്ര​ധാ​ന​മ​ന്ത്രി ചൗ ​എ​ൻ​ലാ​യി​യെ തീർത്തും അ​വ​ഗ​ണി​ക്കു​ക​യാ​യി​രു​ന്നു. ഇ​പ്പോ​ൾ വാം​ഗ് ചിഷാ​ൻ ഉ​യ​രു​ന്ന​തോ​ടെ പ്ര​ധാ​ന​മ​ന്ത്രി ലി ​പ്ര​ത്യ​ക്ഷ​മാ​യി ത​രം​താ​ഴ്ത്ത​പ്പെ​ടു​ക​യാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.