Business News
ജിഎസ്ടി പിരിവ് കൂട്ടാൻ കമ്മിറ്റി
ജിഎസ്ടി പിരിവ് കൂട്ടാൻ കമ്മിറ്റി
Friday, October 11, 2019 12:03 AM IST
ന്യൂ​ഡ​ൽ​ഹി: ച​ര​ക്കു-​സേ​വ​ന നി​കു​തി (ജി​എ​സ്ടി) പി​രി​വ് വ​ർ​ധി​പ്പി​ക്കാ​ൻ മാ​ർ​ഗം തേ​ടി ക​മ്മി​റ്റി​യെ നി​യോ​ഗി​ച്ചു. 15 ദി​വ​സ​ത്തി​ന​കം റി​പ്പോ​ർ​ട്ട് ന​ൽ​കാ​നാ​ണ് ആ​വ​ശ്യ​പ്പെ​ട്ടി​രി​ക്കു​ന്ന​ത്.

സെ​പ്റ്റം​ബ​റി​ലെ ജി​എ​സ്ടി പി​രി​വ് 19 മാ​സ​ത്തെ ഏ​റ്റ​വും താ​ണ നി​ല​യാ​യ 92,000 കോ​ടി രൂ​പ​യി​ലെ​ത്തി​യി​രു​ന്നു. മാ​സ​ങ്ങ​ളാ​യി നി​കു​തിപി​രി​വ് ല​ക്ഷ്യ​ത്തി​ലും വ​ള​രെ താ​ഴെ​യാ​ണ്. ഈ ​പ​ശ്ചാ​ത്ത​ല​ത്തി​ലാ​ണു നി​കു​തി വ​രു​മാ​നം കൂ​ട്ടാ​നു​ള്ള മാ​ർ​ഗം തേ​ടി ക​മ്മി​റ്റി​യെ നി​യോ​ഗി​ച്ച​ത്.

മ​ഹാ​രാ​ഷ്‌​ട്ര, ഉ​ത്ത​ർ​പ്ര​ദേ​ശ്, പ​ശ്ചി​മ​ബം​ഗാ​ൾ, ത​മി​ഴ്നാ​ട്, പ​ഞ്ചാ​ബ് സം​സ്ഥാ​ന​ങ്ങ​ളി​ൽ​നി​ന്നു​ള്ള ഉ​ദ്യോ​ഗ​സ്ഥ​ർ അ​ട​ങ്ങി​യ​താ​ണു ക​മ്മി​റ്റി. താ​ത്പ​ര്യ​മു​ള്ള മ​റ്റു സം​സ്ഥാ​ന​ങ്ങ​ളി​ലെ ഉ​ദ്യോ​ഗ​സ്ഥ​ർ​ക്കും സ​മി​തി​യി​ൽ പ്ര​വ​ർ​ത്തി​ക്കാം.

ജി​എ​സ്ടി സം​വി​ധാ​ന​ത്തി​ൽ ഘ​ട​നാ​പ​ര​മാ​യ മാ​റ്റ​മ​ട​ക്കം എ​ന്തും ശി​പാ​ർ​ശ ​ചെ​യ്യാ​ൻ സ​മി​തി​ക്ക് അ​ധി​കാ​ര​മു​ണ്ട്. 2017 ജൂ​ലൈ ഒ​ന്നി​നു ന​ട​പ്പാ​ക്കി​യ ജി​എ​സ്ടി​യി​ൽ ഉ​ദ്ദേ​ശി​ച്ച നി​കു​തിപി​രി​വ് ഒ​രി​ക്ക​ലും ഉ​ണ്ടാ​യി​ല്ല. മാ​സം 1.1 ല​ക്ഷം കോ​ടി രൂ​പ​യാ​ണു തു​ട​ക്ക​ത്തി​ൽ പ്ര​തീ​ക്ഷി​ച്ച​ത്. പ​ക്ഷേ, ആ​ദ്യ​വ​ർ​ഷം ശ​രാ​ശ​രി പി​രി​വ് 95000 കോ​ടി​ക്ക​ടു​ത്താ​യി​രു​ന്നു. 2018-19 ലും ​സ്ഥി​തി മെ​ച്ച​പ്പെ​ട്ടി​ല്ല.


2019-20 ൽ ​സ്ഥി​തി വീ​ണ്ടും വ​ഷ​ളാ​യി. ഓ​ഗ​സ്റ്റി​ലും സെ​പ്റ്റം​ബ​റി​ലും ഒ​രു​ല​ക്ഷം കോ​ടി രൂ​പ​യ്ക്കു താ​ഴെ​യാ​യി പി​രി​വ്. സെ​പ്റ്റം​ബ​റി​ലാ​ക​ട്ടെ ത​ലേ സെ​പ്റ്റം​ബ​റി​ലേ​തി​ലും 2.67 ശ​ത​മാ​നം കു​റ​വാ​യി നി​കു​തി​വ​രു​മാ​നം. ഇ​തോ​ടെ​യാ​ണു പ്ര​ശ്ന​ത്തി​ന്‍റെ ഗൗ​ര​വും കേ​ന്ദ്രം ഉ​ൾ​ക്കൊ​ണ്ട​ത്.
രാ​ജ്യ​ത്തു സാ​ന്പ​ത്തി​കവ​ള​ർ​ച്ച കു​റ​ഞ്ഞ​തും നി​കു​തിപി​രി​വ് ഇ​ടി​ഞ്ഞ​തു​മാ​യി ബ​ന്ധ​മു​ണ്ടെ​ന്നു നി​രീ​ക്ഷ​ക​ർ ചൂ​ണ്ടി​ക്കാ​ട്ടു​ന്നു. ക​ണ​ക്കു​ക​ളി​ൽ പ​റ​യു​ന്ന​തി​ലും മോ​ശ​മാ​ണു സാ​ന്പ​ത്തി​ക​വ​ള​ർ​ച്ച എ​ന്നാ​ണ് പ​ല​രും ക​രു​തു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.