കിയ ഇവി9, ഇവി6 മോഡലുകള്‍ അവതരിപ്പിച്ചു
Tuesday, May 13, 2025 6:23 PM IST
കൊച്ചി: കിയയുടെ ഫ്ലാഗ്ഷിപ്പ് ഇലക്ട്രിക് എസ്‌യുവി ഇവി9, പ്രീമിയം ഇലക്ട്രിക് എസ്‌യുവി ഇവി6 എന്നീ മോഡലുകള്‍ ഇഞ്ചിയോണ്‍ കിയ കേരളത്തിൽ അവതരിപ്പിച്ചു.
6 സീറ്റര്‍ ലേ ഔട്ടിലാണ് ഫ്ലാഗ്ഷിപ്പ് മോഡലായ ഇവി9 എത്തുന്നത്. കുത്തനേയുള്ള എല്‍ഇഡി ലൈറ്റുകളും ഡിആര്‍എലുകളും ഡിജിറ്റല്‍ പാറ്റേണ്‍ ലൈറ്റിംഗ് ഗ്രില്ലുമാണ് കിയ ഇവി9ന് നല്‍കിയിരിക്കുന്നത്.
കുത്തനേയുള്ള എല്‍ഇഡി ടെയില്‍ ലാന്പുകളും സ്പോയ്‌ലറുമാണ് പിന്നില്‍. ഒപ്പം ഡ്യുവല്‍ ടോണ്‍ ബന്പറും സ്‌കിഡ് പ്ലേറ്റുമുണ്ട്. വാഹനത്തിന്‍റെ നീളം 5,015 എംഎം, വീതി 1,980എംഎം, ഉയരം 1,780എംഎം എന്നിങ്ങനെയാണ്. വീല്‍ബേസ് 3,100 എംഎം. ഉള്ളില്‍ ഡ്യുവല്‍ സ്‌ക്രീന്‍ ഡിസ്പ്ലേയും 12.3 ഇഞ്ച് ടച്ച്സ്‌ക്രീനും അതേ വലിപ്പമുള്ള ഡിജിറ്റല്‍ ഇന്‍സ്ട്രുമെന്‍റ് ക്ലസ്റ്ററുമുണ്ട്. 1.30 കോടി രൂപയാണ് കിയ ഇവി9-ന്‍റെ എക്‌സ്‌ഷോറൂം വില.
കൊച്ചിയിലെ ഇഞ്ചിയോണ്‍ കിയയുടെ ഷോറൂമില്‍ നടന്ന ചടങ്ങില്‍ എംഡി നയീം ഷാഹുല്‍ പുതിയ മോഡലുകള്‍ അവതരിപ്പിച്ചു.