വാസ്കുലർ, ഇന്‍റർവെൻഷണൽ റേഡിയോളജി സമ്മേളനത്തിനു തുടക്കം : Deepika.com Kerala News |

Click here for detailed news of all items

വാസ്കുലർ, ഇന്‍റർവെൻഷണൽ റേഡിയോളജി സമ്മേളനത്തിനു തുടക്കം

Sunday, April 28, 2024 12:54 AM IST

കൊച്ചി: ഇന്ത്യൻ സൊസൈറ്റി ഓഫ് വാസ്‌കുലർ ആൻഡ് ഇന്‍റർവെൻഷണൽ റേഡിയോളജി (ഐഎസ്‌‌വിഐആർ) കേരള ചാപ്റ്റർ വാർഷിക സമ്മേളനം കൊച്ചിയിൽ തുടങ്ങി.

കീറിമുറിക്കൽ ഇല്ലാതെ ഹൃദയത്തിലെയും രക്തക്കുഴലുകളിലെയും വിദഗ്ധ ശസ്ത്രക്രിയകൾ നടത്തുന്ന പ്രമുഖ ഇന്‍റർവെൻഷണൽ റേഡിയോളജി, വാസ്കുലർ സർജറി വിദഗ്ധരുടെ പ്രത്യേക സമ്മേളനമാണിത്.

കെ.എൻ. ഉണ്ണിക്കൃഷ്ണൻ എംഎൽഎ ഉദ്ഘാടനം ചെയ്തു. ഹൃദയശസ്ത്രക്രിയാ വിദഗ്ധൻ ഡോ. ജോസ് ചാക്കോ പെരിയപ്പുറം മുഖ്യപ്രഭാഷണം നടത്തി.

ഐഎസ്‌വിഐആർ കേരള ചാപ്റ്റർ ഓർഗനൈസിംഗ് ചെയർമാനും പ്രസിഡന്‍റുമായ ഡോ. സന്തോഷ് ജോസഫ്, ഓർഗനൈസിംഗ് സെക്രട്ടറി ഡോ. ലിജേഷ് കുമാർ എന്നിവർ വാസ്കുലർ ആൻഡ് ഇന്‍റർവെൻഷണൽ റേഡിയോളജിയിലെ കീറി മുറിക്കൽ ഇല്ലാത്ത ശസ്ത്രക്രിയാ നടപടിക്രമങ്ങൾ വിശദീകരിച്ചു.

ഐഎംഎ കൊച്ചി പ്രസിഡന്‍റ് ഡോ. എം.എം. ഹനീഷ്, ഡോ. അജിത് യാദവ്, ഡോ. സന്തോഷ് ജോസഫ്, ഡോ. ലിജേഷ് കുമാർ, ഐഎസ് വിഐആർ കേരള ചാപ്റ്റർ വൈസ് പ്രസിഡന്‍റ് ഡോ. പി.വി. രോഹിത്, ഡോ. ബ്രിജേഷ് റേ എന്നിവർ പ്രസംഗിച്ചു.

അയോർട്ടിക് ഇന്‍റർവെൻഷൻ രീതികളെക്കുറിച്ചുള്ള ശില്പശാല, ഇമേജിംഗ് സാങ്കേതികവിദ്യകൾ , സമഗ്രമായ മാനേജ്‌മെന്‍റ് പ്രോട്ടോക്കോളുകൾ തുടങ്ങിയ വിഷയങ്ങളിലെ ശാസ്ത്ര സെഷനുകൾ, ചർച്ചകൾ എന്നിവയും സംഘടിപ്പിച്ചിട്ടുണ്ട്. സമ്മേളനം ഇന്നു സമാപിക്കും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.