തൊമ്മൻകുത്ത് കുരിശ് തകർക്കൽ: കാളിയാർ റേഞ്ച് ഓഫീസറെ സ്ഥലം മാറ്റി : Deepika.com Kerala News |

Click here for detailed news of all items

തൊമ്മൻകുത്ത് കുരിശ് തകർക്കൽ: കാളിയാർ റേഞ്ച് ഓഫീസറെ സ്ഥലം മാറ്റി

Tuesday, June 3, 2025 2:05 AM IST

തൊടുപുഴ: തൊമ്മൻകുത്തിൽ കൈവശഭൂമിയിൽ സ്ഥാപിച്ച കുരിശ് തകർക്കുന്നതിനു നേതൃത്വം നൽകിയ കാളിയാർ റേഞ്ച് ഓഫീസർ ടി.കെ. മനോജിനെ ഒടുവിൽ സ്ഥലം മാറ്റി.

പത്തനാപുരം റേഞ്ചിലെ പുനലൂർ ഡിവിഷനിലേക്കാണ് സ്ഥലം മാറ്റിയത്. കൈവശഭൂമിയിലെ കുരിശ് തകർത്തതിനു പിന്നാലെ ഇതു സ്ഥാപിച്ചവർക്കെതിരേയും ദുഃഖവെള്ളിയാഴ്ച ഇവിടേക്ക് കുരിശിന്‍റെ വഴി നടത്തിയ വൈദികർക്കും വിശ്വാസികൾക്കുമെതിരേയും കേസെടുക്കുകയും കഴിഞ്ഞ ദിവസം നോട്ടീസ് നൽകുകയും ചെയ്തത് ഇദ്ദേഹത്തിന്‍റെ നേതൃത്വത്തിലായിരുന്നു.

കുരിശിന്‍റെ വഴിക്ക് നേതൃത്വം നൽകിയ കോതമംഗലം രൂപത വികാരി ജനറാൾ മോണ്‍. വിൻസെന്‍റ് നെടുങ്ങാട്ട്, ചാൻസലർ ജോസ് കുളത്തൂർ, തൊമ്മൻകുത്ത് പള്ളി വികാരി ഫാ. ജയിംസ് ഐക്കരമറ്റം തുടങ്ങിയവർക്കെതിരേയാണ് കേസെടുത്തത്.

ഇതിനെതിരെ വിവിധ കോണുകളിൽനിന്നു വ്യാപക പ്രതിഷേധം ഉയരുകയും വനംവകുപ്പിനെതിരേ ശക്തമായ സമരവുമായി രംഗത്തിറങ്ങാൻ വിവിധ സംഘടനകൾ തീരുമാനിക്കുകയും ചെയ്തിരുന്നു. ഇതിനിടെയാണ് റേഞ്ച് ഓഫീസറെ സ്ഥലംമാറ്റിയുള്ള ഉത്തരവ് ഇന്നലെ പുറത്തിറങ്ങിയത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.