ജെഎൻയുവിൽ ഇടതുസഖ്യത്തിന് സന്പൂർണ വിജയം : Deepika.com National News |

Click here for detailed news of all items

ജെഎൻയുവിൽ ഇടതുസഖ്യത്തിന് സന്പൂർണ വിജയം

Monday, March 25, 2024 3:43 AM IST

ന്യൂഡൽഹി: ഡൽഹി ജവഹർലാൽ നെഹ്‌റു സർവകലാശാലാ വിദ്യാർഥി യൂണിയൻ തെരഞ്ഞെടുപ്പിൽ ഐക്യ ഇടതുപക്ഷ സഖ്യത്തിനു വൻ വിജയം. തെരഞ്ഞെടുപ്പു നടന്ന നാലു സീറ്റിലും സഖ്യത്തിനാണു വിജയം. ബിജെപിയുടെ വിദ്യാർഥിവിഭാഗമായ എബിവിപി ശക്തമായ പ്രചാരണം നടത്തിയെങ്കിലും ഫലമുണ്ടായില്ല.

പ്രസിഡന്‍റായി ധനഞ്ജയും വൈസ് പ്രസിഡന്‍റായി അവിജിത് ഘോഷും ജനറൽ സെക്രട്ടറിയായി പ്രിയാൻഷി ആര്യയും ജോയിന്‍റ് സെക്രട്ടറിയായി മൊ സാജിദുമാണ് വിജയിച്ചത്. നാലു സീറ്റിലും എബിവിപിയായിരുന്നു തൊട്ടടുത്ത എതിരാളി. എൻഎസ്‌യു, ആർജെഡിയുടെ വിദ്യാർഥി സംഘടന, ബാപ്സ എന്നീ സംഘടനകളും മത്സരരംഗത്തുണ്ടായിരുന്നു.

കഴിഞ്ഞ വെള്ളിയാഴ്ചയായിരുന്നു പോളിംഗ്. വോട്ടെണ്ണലിനോടനുബന്ധിച്ച് കാമ്പസിൽ കനത്ത സുരക്ഷ ഏർപ്പെടുത്തിയിരുന്നു. പൊതു രാഷ്‌ട്രീയവിഷയങ്ങളും കാമ്പസിനുള്ളിലെ സംഭവങ്ങളുമാണ് ഇടതുസഖ്യം ചർച്ചയാക്കിയത്. അടുത്തിടെ കാമ്പസിലുണ്ടായ സംഘർഷങ്ങളും ഇടതുസഖ്യം ഉയർത്തിക്കൊണ്ടുവന്നു. ബാലറ്റ് വഴി നടന്ന തെരഞ്ഞെടുപ്പിൽ 73 ശതമാനം വിദ്യാർഥികളാണ് വോട്ട് രേഖപ്പെടുത്തിയത്. നാലു വർഷത്തിനുശേഷം നടന്ന തെരഞ്ഞെടുപ്പിൽ 7,700 പേർ വോട്ട് ചെയ്തു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.