ചരിത്രത്തിലാദ്യമായി ഉദ്ധവ് താക്കറെ കോൺഗ്രസിനു വോട്ട് ചെയ്യും! : Deepika.com National News |

Click here for detailed news of all items

ചരിത്രത്തിലാദ്യമായി ഉദ്ധവ് താക്കറെ കോൺഗ്രസിനു വോട്ട് ചെയ്യും!

Saturday, April 27, 2024 3:31 AM IST

മുംബൈ: ചരിത്രത്തിലാദ്യമായി ശിവസേന അധ്യക്ഷൻ ഉദ്ധവ് താക്കറെ കോൺഗ്രസിനു വോട്ട് ചെയ്യും. മുംബൈ നോർത്ത് സെൻട്രൽ മണ്ഡലത്തിലാണ് ഉദ്ധവിനു വോട്ട്. ഇവിടെ കോൺഗ്രസിലെ വർഷ ഗെയ്ക്‌വാദ് ആണ് സ്ഥാനാർഥി.

മഹാരാഷ്‌ട്രയിലെ സീറ്റ് ധാരണ പ്രകാരം മുംബൈയിലെ നാലു മണ്ഡലങ്ങളിൽ ശിവസേനയും രണ്ടിടത്ത് കോൺഗ്രസുമാണു മത്സരിക്കുക. താക്കറെയുടെ വസതിയായ മാതോശ്രീ ബാന്ദ്ര ഈസ്റ്റ് മണ്ഡലത്തിലാണ്. ഈ നിയമസഭാ മണ്ഡലം മുംബൈ നോർത്ത് സെൻട്രൽ ലോക്സഭാ മണ്ഡലത്തിന്‍റെ പരിധിയിലാണ്.

താൻ വർഷ ഗെയ്ക്‌വാദിനു വോട്ട് ചെയ്യുമെന്നാണ് ഇന്നലെ താക്കറെ റിപ്പോർട്ടർമാരോടു പറഞ്ഞത്. ഇന്നലെ വർഷ മാതോശ്രീയിലെത്തി താക്കറെയുടെ പിന്തുണ തേടി. ധാരാവിയിൽനിന്നു നാലു തവണ തുടർച്ചയായി വർഷ എംഎൽഎയായിട്ടുണ്ട്. മുംബൈയിലെ ആറു മണ്ഡലങ്ങളിലും മേയ് 20നാണ് വോട്ടെടുപ്പ്.

രാഷ്‌ട്രീയത്തിൽ ബദ്ധവൈരികളായിരുന്ന ശിവസേനയും കോൺഗ്രസും 2019ലെ നിയമസഭാ തെരഞ്ഞെടുപ്പിനുശേഷമാണു സഖ്യത്തിലായത്. ബിജെപിയെ അധികാരത്തിൽനിന്ന് അകറ്റാൻ ശിവസേന, എൻസിപി, കോൺഗ്രസ് പാർട്ടികൾ സഖ്യത്തിലാകുകയായിരുന്നു. ശിവസേനയിലെ പിളർപ്പിനെത്തുടർന്ന് 2022ൽ ഉദ്ധവ് താക്കറെ സർക്കാർ വീണു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.