9

സ​മ​രം ചെ​യ്ത തൊ​ഴി​ലാ​ളി​ക​ളെ പി​ന്തു​ണ​ച്ച വി​ദ്യാ​ർ​ഥി​നി​ക്കെ​തി​രേ ദേ​ശീ​യ​സു​ര​ക്ഷാ നി​യ​മം ചു​മ​ത്തി​യ ജി​ല്ലാ മ​ജി​സ്ട്രേ​റ്റ് പി​ഴ​യൊ​ടു​ക്ക​ണ​മെ​ന്നു കോ​ട​തി. "ഓ​ർ​വെ​ലി​യ​ൻ ഡി​സ്റ്റോ​പ്പി​യ' വേ​ണ്ടെ​ന്നും പ​റ​ഞ്ഞു. പാ​ര​ത​ന്ത്ര്യം മൃ​തി​യേ​ക്കാ​ൾ ഭ​യാ​ന​ക​മെ​ന്നു ക​രു​തു​ന്ന മാ​നി​ക​ൾ ബാ​ക്കി​യു​ണ്ട്.

"1984' ജോ​ർ​ജ് ഓ​ർ​വെ​ലി​ന്‍റെ നോ​വ​ലാ​ണ്. ജ​നാ​ധി​പ​ത്യ​രാ​ജ്യ​ത്തു സം​ഭ​വി​ക്ക​രു​താ​ത്ത ഏ​കാ​ധി​പ​ത്യ പ്ര​വ​ണ​ത​ക​ളാ​ണ് പ്ര​മേ​യം. ക​ഥ വാ​യി​ച്ച​വ​ർ, ജ​ന​ങ്ങ​ളെ നി​ര​ന്ത​രം നി​രീ​ക്ഷി​ക്കു​ക​യും സ്വാ​ത​ന്ത്ര്യ​മി​ല്ലാ​താ​ക്കു​ക​യും ചെ​യ്യു​ന്ന രാ​ഷ്‌​ട്രീ​യ സാ​ഹ​ച​ര്യ​ത്തെ പി​ന്നീ​ട് "ഓ​ർ​വെ​ലി​യ​ൻ ഡി​സ്റ്റോ​പ്പി​യ'​എ​ന്നു വി​ശേ​ഷി​പ്പി​ക്കാ​ൻ തു​ട​ങ്ങി. ഇ​ക്ക​ഴി​ഞ്ഞ ദി​വ​സം, അ​ല​ഹ​ബാ​ദ് ഹൈ​ക്കോ​ട​തി, ഉ​ദ്യോ​ഗ​സ്ഥ​രു​ടെ അ​പ​ച​യ​ങ്ങ​ൾ ഉ​ത്ത​ർ​പ്ര​ദേ​ശി​നെ "ഓ​ർ​വെ​ലി​യ​ൻ ഡി​സ്റ്റോ​പ്പി​യ' ആ​ക്കി മാ​റ്റു​മെ​ന്നു മു​ന്ന​റി​യി​പ്പു ന​ൽ​കി.

നോ​യ്ഡ​യി​ലെ തൊ​ഴി​ലാ​ളി പ്ര​ക്ഷോ​ഭ​ത്തി​ൽ പ​ങ്കെ​ടു​ത്ത ഡ​ൽ​ഹി സ​ർ​വ​ക​ലാ​ശാ​ലാ വി​ദ്യാ​ർ​ഥി​നി അ​കൃ​തി ച‍ൗ​ധ​രി​യെ ദേ​ശീ​യ​സു​ര​ക്ഷാ നി​യ​മം (എ​ന്‍​എ​സ്എ) ചു​മ​ത്തി അ​ഞ്ചു​മാ​സം ത​ട​വി​ലി​ടാ​ൻ ഉ​ത്ത​ര​വി​ട്ട നോ​യ്‌​ഡ ജി​ല്ലാ മ​ജി​സ്‌​ട്രേ​റ്റും മു​ഖ്യ​തെ​ര​ഞ്ഞെ​ടു​പ്പ്‌ ക​മ്മി​ഷ​ണ​ർ ഗ്യാ​നേ​ഷ്‌ കു​മാ​റി​ന്‍റെ മ​ക​ളു​മാ​യ മേ​ധാ രൂ​പ​ത്തി​നും അ​തു ന​ട​പ്പാ​ക്കി​യ പൊ​ലി​സു​കാ​ർ​ക്കും അ​ഞ്ചു ല​ക്ഷം രൂ​പ പി​ഴ​യി​ടു​ക​യും ചെ​യ്തു. പ്ര​ശ്നം അ​ത​ല്ല; വി​മ​ർ​ശി​ക്കു​ക​യും പ്ര​തി​ഷേ​ധി​ക്കു​ക​യും ചെ​യ്യു​ന്ന​വ​രെ അ​ഴി​ക്കു​ള്ളി​ലാ​ക്കാ​ൻ ത​നി​ച്ച് ഒ​രു​ദ്യോ​ഗ​സ്ഥ​നോ ഉ​ദ്യോ​ഗ​സ്ഥ​യോ ധൈ​ര്യ​പ്പെ​ടി​ല്ല എ​ന്ന​താ​ണ്.

ത​നി​ച്ച​ല്ലെ​ന്ന് അ​യാ​ളെ ഓ​ർ​മി​പ്പി​ക്കു​ന്ന ഭ​ര​ണാ​ധി​കാ​രി​യാ​ണ് "ഓ​ർ​വെ​ലി​യ​ൻ ഡി​സ്റ്റോ​പ്പി​യ'​യി​ലെ അ​ദൃ​ശ്യ​നാ​യ പ്ര​തി​നാ​യ​ക​ൻ. അ​യാ​ളെ ഏ​തി​രു​ട്ടി​ലും തി​രി​ച്ച​റി​യു​ന്ന ആ​ജ്ഞാ​നു​വ​ർ​ത്തി​ക​ളാ​യ ഉ​ദ്യോ​ഗ​സ്ഥ​ർ രാ​ജ്യ​ത്ത് വ​ർ​ധി​ച്ചു. എ​തി​ർ​ക്കു​ന്ന​വ​രെ ദേ​ശ​ദ്രോ​ഹി​യാ​ക്കു​ന്ന ഈ ​രാ​ഷ്‌​ട്രീ​യ​ത്തെ ഇ​ന്ത്യ​യി​ലെ പ്ര​തി​പ​ക്ഷ​വും മാ​ധ്യ​മ​ങ്ങ​ളും മ​നു​ഷ്യാ​വ​കാ​ശ പ്ര​വ​ർ​ത്ത​ക​രും പ​ണ്ടേ ചൂ​ണ്ടി​ക്കാ​ണി​ച്ചി​രു​ന്നു. പ​ക്ഷേ, കോ​ട​തി പ​റ​യു​ന്പോ​ൾ അ​തി​ന്‍റെ ഗൗ​ര​വ​മേ​റും.

2026 ഏ​പ്രി​ലി​ൽ നോ​യി​ഡ​യി​ൽ കൂ​ലി​വ​ർ​ധ​ന​യ്ക്കും മെ​ച്ച​പ്പെ​ട്ട തൊ​ഴി​ൽ സാ​ഹ​ച​ര്യ​ത്തി​നും​വേ​ണ്ടി സ​മ​ര​ത്തി​നി​റ​ങ്ങി​യ തൊ​ഴി​ലാ​ളി​ക​ളെ സ​ന്ദ​ർ​ശി​ച്ചു പി​ന്തു​ണ​ച്ച​താ​ണ് അ​കൃ​തി ചൗ​ധ​രി​യു​ടെ കു​റ്റം. ചു​മ​ത്തി​യ​ത് ദേ​ശീ​യ​സു​ര​ക്ഷാ നി​യ​മം! ജി​ല്ലാ മ​ജി​സ്‌​ട്രേ​റ്റി​ന്‍റെ ഉ​ത്ത​ര​വ​നു​സ​രി​ച്ച് അ​ഞ്ചു മാ​സ​മാ​യി തു​ട​രു​ന്ന ജു​ഡീ​ഷ്യ​ൽ ക​സ്റ്റ​ഡി ഉ​ത്ത​ര​വാ​ണ് കോ​ട​തി റ​ദ്ദാ​ക്കി​യ​ത്. ജ​ന​ക്കൂ​ട്ട​ത്തെ തീ​വ​യ്പി​നും ക​ല്ലേ​റി​നും പ്രേ​രി​പ്പി​ച്ച​ത്രേ. ഹൈ​ക്കോ​ട​തി ക​ണ്ടെ​ത്തി​യ​ത്: ""ഇ​തൊ​രു കെ​ട്ടി​ച്ച​മ​ച്ച ക​ഥ​യാ​ണ്. തെ​ളി​വു​ക​ളു​ടെ പി​ന്തു​ണ​യി​ല്ലാ​തെ പൊ​ലി​സ്‌ കൊ​ണ്ടു​വ​ന്ന എ​ൻ​എ​സ്‌​എ അ​പേ​ക്ഷ ഇ​ഴ​കീ​റി പ​രി​ശോ​ധി​ക്കേ​ണ്ടി​യി​രു​ന്ന മേ​ധ അ​തു ചെ​യ്യാ​തെ ഭ​ര​ണ​ഘ​ട​നാ അ​വ​കാ​ശ​ങ്ങ​ൾ ലം​ഘി​ക്കു​ക​യും സ​ത്യ​പ്ര​തി​ജ്ഞാ ലം​ഘ​നം ന​ട​ത്തു​ക​യും ചെ​യ്തു.

തെ​ളി​വി​ന്‍റെ ത​രി​ന്പു​പോ​ലു​മി​ല്ല. ജ​ന​ങ്ങ​ൾ​ക്കു തെ​രു​വി​ലി​റ​ങ്ങാ​നും സ​മാ​ധാ​ന​പ​ര​മാ​യി ഒ​ത്തു​കൂ​ടാ​നും അ​വ​കാ​ശ​ങ്ങ​ൾ​ക്കാ​യി പ്ര​ക്ഷോ​ഭം ന​ട​ത്താ​നു​മു​ള്ള സ്വാ​ത​ന്ത്ര്യം ഭ​ര​ണ​ഘ​ട​ന​യി​ലു​ണ്ട്. ത​ന്നി​ഷ്‌​ട​പ്ര​കാ​രം പ്ര​വ​ർ​ത്തി​ക്കു​ന്ന ഉ​ദ്യോ​ഗ​സ്ഥ​വൃ​ന്ദ​ത്തി​ന്‍റെ ഇ​ത്ത​രം അ​പ​ച​യ​ങ്ങ​ൾ ഉ​ത്ത​ർ​പ്ര​ദേ​ശി​നെ "ഓ​ർ​വെ​ലി​യ​ൻ ഡി​സ്റ്റോ​പ്പി​യ'​ആ​ക്കി മാ​റ്റും.'' ഈ ​വി​ധി​യു​ടെ മു​ന​യി​ൽ ത​ങ്ങ​ളും കോ​ർ​ക്ക​പ്പെ​ട്ടി​രി​ക്കു​ന്നു​വെ​ന്നു സ​ർ​ക്കാ​രു​ക​ൾ തി​രി​ച്ച​റി​യ​ണം. ഈ ​കോ​ട​തി നി​രീ​ക്ഷ​ണ​ത്തി​ൽ ത​ങ്ങ​ളു​ടെ വി​ധി​യു​ണ്ടെ​ന്നു ജ​ന​ങ്ങ​ളു​മ​റി​യ​ണം.

തൊ​ഴി​ലാ​ളി​ക​ൾ സ​മ​രം ന​ട​ത്തി​യ നോ​യി​ഡ യു​പി​യി​ലാ​ണ്. 2017ൽ ​യോ​ഗി ആ​ദി​ത്യ​നാ​ഥ് മു​ഖ്യ​മ​ന്ത്രി​യാ​യ​തി​നു​ശേ​ഷം 289 പേ​ർ പൊ​ലി​സ് ഏ​റ്റു​മു​ട്ട​ലി​ൽ കൊ​ല്ല​പ്പെ​ട്ട യു​പി. രാ​ജ്യ​ത്ത് ന്യൂ​ന​പ​ക്ഷ​ങ്ങ​ൾ ഏ​റ്റ​വു​മ​ധി​കം ആ​ക്ര​മി​ക്ക​പ്പെ​ടു​ന്ന, അ​വ​ർ​ക്കെ​തി​രേ ഏ​റ്റ​വു​മ​ധി​കം വി​ദ്വേ​ഷ​പ്ര​സം​ഗ​ങ്ങ​ൾ​ക്കു വേ​ദി​യൊ​രു​ക്കു​ന്ന, ദ​ളി​ത​ർ​ക്കെ​തി​രേ ഏ​റ്റ​വു​മ​ധി​കം അ​ക്ര​മ​ങ്ങ​ൾ അ​ര​ങ്ങേ​റു​ന്ന, ആ​ൾ​ക്കൂ​ട്ട ആ​ക്ര​മ​ണ​ങ്ങ​ളു​ടെ​യും ബു​ൾ​ഡോ​സ​ർ​രാ​ജി​ന്‍റെ​യും ത​റ​വാ​ടാ​യ യു​പി! ഛത്തീ​സ്ഗ​ഡ്, മ​ധ്യ​പ്ര​ദേ​ശ്, രാ​ജ​സ്ഥാ​ൻ എ​ന്നീ സം​സ്ഥാ​ന​ങ്ങ​ൾ ജ​നാ​ധി​പ​ത്യ​വി​രു​ദ്ധ​ത​യി​ൽ തൊ​ട്ടു​പി​ന്നാ​ലെ​യു​ണ്ട്.

ഇ​ക്ക​ഴി​ഞ്ഞ ദി​വ​സം, പ്ര​തി​യെ ക​യ​റു​കൊ​ണ്ട് കെ​ട്ടി റോ​ഡി​ലൂ​ടെ കെ​ട്ടി​വ​ലി​ക്കു​ക​യും കൈ​ക​ൾ ബ​ന്ധി​ച്ച് ദ​ണ്ഡു​കൊ​ണ്ട് വീ​ഴു​വോ​ളം മ​ർ​ദി​ക്കു​ക​യും ചെ​യ്ത​ത് അ​ഫ്ഗാ​നി​സ്ഥാ​നി​ലാ​യി​രു​ന്നി​ല്ല, ഗു​ജ​റാ​ത്തി​ലെ ഭാ​വ്ന​ഗ​റി​ലാ​യി​രു​ന്നു. പ്ര​തി ലി​വിം​ഗ് ടു​ഗെ​ദ​റി​ലാ​യി​രു​ന്ന യു​വ​തി​യെ കൊ​ന്ന​യാ​ള​ല്ലേ എ​ന്നു ന്യാ​യീ​ക​രി​ക്കാ​ൻ ത​ക്ക​വി​ധം ന​മ്മി​ൽ ചി​ല​രെ​ങ്കി​ലും "ഓ​ർ​വെ​ലി​യ​ൻ ഡി​സ്റ്റോ​പ്പി​യ'​യി​ലെ "വി​ധേ​യ'​രാ​യി​രി​ക്കു​ന്നു. പ്ര​തി കൊ​ല​പാ​ത​കി​യാ​ണെ​ന്നു വ​യ്ക്കൂ. കോ​ട​തി​യു​ടെ അ​നു​മ​തി​യി​ല്ലാ​തെ ശി​ക്ഷി​ക്കാ​ൻ പൊ​ലി​സി​ന് അ​നു​വാ​ദ​മി​ല്ല. ഇ​തു ജ​നാ​ധി​പ​ത്യ രാ​ജ്യ​മാ​ണ്.

ഹൈ​ക്കോ​ട​തി​വി​ധി​യി​ലെ ശ​ക്ത​മാ​യ മ​റ്റൊ​രു നി​രീ​ക്ഷ​ണ​വും രാ​ജ്യ​ത്തി​നു മു​ന്നി​ലു​ണ്ട്. ""അ​കൃ​തി​യെ ത​ട​വി​ലാ​ക്കി​യ​തു​വ​ഴി തൊ​ഴി​ലാ​ളി​ക​ൾ​ക്കു​വേ​ണ്ടി സം​സാ​രി​ക്കാ​നും പ്ര​തി​ഷേ​ധി​ക്കാ​നും ത​യാ​റാ​കു​ന്ന​വ​ർ​ക്കു താ​ക്കീ​തു ന​ൽ​കാ​നാ​ണ് മേ​ധ ശ്ര​മി​ച്ച​ത്‌. രാ​ഷ്‌​ട്രീ​യ മേ​ലാ​ള​ന്മാ​രോ​ട​ല്ല, മ​റി​ച്ച്‌ യ​ജ​മാ​ന​ന്മാ​രാ​യ ജ​ന​ങ്ങ​ളോ​ടും ഭ​ര​ണ​ഘ​ട​ന​യോ​ടു​മാ​ണ് ഉ​ദ്യോ​ഗ​സ്ഥ​ർ കൂ​റു​കാ​ണി​ക്കേ​ണ്ട​ത്‌.'' തീ​ർ​ച്ച​യാ​യും ഇ​ങ്ങ​നെ ചി​ല​രെ അ​ഴി​ക്കു​ള്ളി​ലാ​ക്കി ബാ​ക്കി​യു​ള്ള​വ​രെ ഭ​യ​പ്പെ​ടു​ത്താ​ൻ സ​ർ​ക്കാ​രു​ക​ൾ​ക്കു ക​ഴി​യും. പ​ക്ഷേ, ജ​നാ​ധി​പ​ത്യ​ത്തി​ന്‍റെ വേ​രു​ക​ൾ ഇ​ര​ട്ടി പു​തു​മു​കു​ള​ങ്ങ​ളെ പൊ​ക്കി​ക്കൊ​ണ്ടു​വ​രു​മെ​ന്ന​താ​ണ് യാ​ഥാ​ർ​ഥ്യം. ചി​ല​പ്പോ​ൾ അ​തു കു​ട്ടി​ക​ളാ​യി​രി​ക്കും. മു​തി​ർ​ന്ന​വ​രു​ടെ​യ​ത്ര ക്ഷീ​ണി​ത​രോ ഭീ​രു​ക്ക​ളോ അ​ല്ലാ​ത്ത​വ​ർ! പാ​റ്റ​ക​ളെ​പ്പോ​ലെ പെ​ട്ടെ​ന്നു പെ​രു​കു​ന്ന​വ​ർ!

മ​ല​യാ​ളി ജ​ഡ്‌​ജി അ​തു​ൽ ശ്രീ​ധ​ര​നും ജ​സ്റ്റീ​സ്‌ അ​ച​ൽ സ​ച്ദേ​വും ഉ​ള്‍​പ്പെ​ട്ട ബെ​ഞ്ചാ​ണ് യു​പി​യു​ടെ ജ​നാ​ധി​പ​ത്യ വ്യ​തി​ച​ല​നം ചൂ​ണ്ടി​ക്കാ​ണി​ച്ച​ത്. മേ​ൽ​ക്കോ​ട​തി​ക​ളി​ൽ എ​ന്താ​കും സ്ഥി​തി​യെ​ന്ന​റി​യി​ല്ല. ക​ഴി​ഞ്ഞ 12 വ​ർ​ഷ​ത്തി​നി​ടെ ജു​ഡീ​ഷ്യ​ൽ നി​യ​മ​ന​ങ്ങ​ളി​ൽ "കേ​ന്ദ്ര​സ​ർ​ക്കാ​രി​ന്‍റെ ഇ​ട​പെ​ട​ലു​ക​ൾ' വ​ർ​ധി​ച്ചെ​ന്ന് അ​ടു​ത്ത​യി​ടെ പ​റ​ഞ്ഞ​ത് മു​ൻ ഹൈ​ക്കോ​ട​തി ചീ​ഫ് ജ​സ്റ്റീ​സ് ഡോ. ​എ​സ്. മു​ര​ളീ​ധ​റാ​ണ്. കോ​ട​തി ഉ​ൾ​പ്പെ​ടെ​യു​ള്ള സ്ഥാ​പ​ന​ങ്ങ​ളെ വ​രു​തി​യി​ലാ​ക്കു​ന്ന​തി​ന്‍റെ ഫ​ല​മാ​ണ് ഉ​ദ്യോ​ഗ​സ്ഥ​രു​ടെ അ​ഴി​ഞ്ഞാ​ട്ടം. അ​ധി​കാ​ര​പ്ര​മ​ത്ത​ത​യും വ​ർ​ഗീ​യ​ത​യും കെ​ട്ടു​പി​ണ​ഞ്ഞ യു​പി​യി​ൽ അ​തി​ത്തി​രി കൂ​ടൂ​ത​ലാ​ണെ​ന്നേ​യു​ള്ളൂ. ബാ​ക്കി​യി​ട​ങ്ങ​ളി​ലും "ഓ​ർ​വെ​ലി​യ​ൻ ഡി​സ്റ്റോ​പ്പി​യ' യാ​ഥാ​ർ​ഥ്യ​മാ​ണ്.

എ​ല്ലാ​വ​രെ​യും നി​രീ​ക്ഷി​ച്ചു​കൊ​ണ്ടി​രി​ക്കു​ന്ന വ​ല്യേ​ട്ട​നെ​ക്കു​റി​ച്ചാ​ണ് ജോ​ർ​ജ് ഓ​ർ​വെ​ൽ "1984'ൽ ​പ​റ​യു​ന്ന​ത്. പ​ക്ഷേ, ഭ​യ​പ്പെ​ടു​ത്താ​നും ക​ടി​ക്കാ​നും രാ​ഷ്‌​ട്രീ​യ​വ​ത്ക​രി​ച്ച ഉ​ദ്യോ​ഗ​സ്ഥ​രെ അ​ഴി​ച്ചു​വി​ടു​ന്ന യ​ജ​മാ​ന​ന്മാ​ർ ജ​ന​ങ്ങ​ളു​ടെ നി​രീ​ക്ഷ​ണ​ത്തി​ലാ​ണെ​ന്ന് 2026 പ​റ​യു​ന്നു. ജ​നാ​ധി​പ​ത്യം ഇ​ന്ത്യ​യെ​ഴു​തി​യ വി​ഷാ​ദ​നോ​വ​ല​ല്ല, ശു​ഭ​പ​ര്യ​വ​സാ​യി​യാ​യ ഭ​ര​ണ​ഘ​ട​ന​യാ​ണ്. "ഓ​ർ​വെ​ലി​യ​ൻ ഡി​സ്റ്റോ​പ്പി​യ' യാ​ഥാ​ർ​ഥ്യ​മാ​ക​രു​ത്. പാ​ര​ത​ന്ത്ര്യം മൃ​തി​യേ​ക്കാ​ൾ ഭ​യാ​ന​ക​മെ​ന്നു ക​രു​തു​ന്ന മാ​നി​ക​ൾ ഉ​ണ​രു​ക​ത​ന്നെ ചെ​യ്യും.

Tags : DEEPIKAEDITORIAL