29

കൊച്ചി: വാഴക്കുളത്തെ ബാർ ഹോട്ടലിൽ പാർക്ക് ചെയ്തിരുന്ന കാറിനുള്ളിൽ മധ്യവയസ്കൻ മരിച്ച നിലയിൽ. കളമശേരി സ്വദേശി റിനീഷ് കെ. ബഷീർ (51) ആണ് മരിച്ചത്. പെരുമ്പാവൂർ വാഴക്കുളത്തെ ബാറിന്‍റെ പാർക്കിംഗ് ഏരിയയിൽ നിർത്തിയിട്ടിരുന്ന കാറിന്‍റെ ഡ്രൈവിംഗ് സീറ്റിലാണ് മൃതദേഹം കണ്ടെത്തിയത്.

രാവിലെ ബാറിലെത്തിയ ഇയാൾ മദ്യപിച്ചിരുന്നു. വൈകിട്ടോടെ സെക്യൂരിറ്റി ജീവനക്കാരൻ നടത്തിയ പരിശോധനയിലാണ് കാറിനുള്ളിൽ അനക്കമില്ലാത്ത നിലയിൽ ഇയാളെ കണ്ടത്. പുറത്തുനിന്ന് പലതവണ വിളിച്ചിട്ടും പ്രതികരണമില്ലാതായതോടെ ഉടൻതന്നെ പൊലിസിൽ വിവരമറിയിക്കുകയായിരുന്നു. സ്ഥലത്തെത്തിയ തടിയിട്ടപറമ്പ് പൊലീസ് നടത്തിയ പരിശോധനയിലാണ് മരണം സ്ഥിരീകരിച്ചത്.

മൃതദേഹം തുടർനടപടികൾക്കായി താലൂക്ക് ആശുപത്രി മോർച്ചറിയിലേക്ക് മാറ്റി. ഹൃദയസ്തംഭനമാണ് മരണകാരണമെന്നാണ് പൊലിസിന്‍റെ പ്രാഥമിക നിഗമനം. എങ്കിലും മരണത്തിന്‍റെ യഥാർഥ കാരണം പോസ്റ്റ്‌മോർട്ടം റിപ്പോർട്ട് ലഭിച്ചതിന് ശേഷമേ വ്യക്തമാകൂ എന്ന് പൊലിസ് അറിയിച്ചു.

Tags : Dead Car BarHotel Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash