ഫിലഡൽഫിയ: ക്യൂൻമേരി മിനിസ്ട്രിയുടെ നേതൃത്വത്തിൽ യു.എസിലെ ആറ് നഗരങ്ങളെ കേന്ദ്രീകരിച്ച് നോന്പുകാല പെസഹാധ്യാനം നടത്തപ്പെടുന്നു. ക്രിസ്തുവിന്റെ പീഢാസഹനത്തെക്കുറിച്ച് ധ്യാനിക്കുന്ന വലിയ നോന്പിന്റെ പുണ്യാവസരത്തിൽ കുടുംബനവീകരണത്തെ ലക്ഷ്യംവച്ചാണ് പെസഹാ ധ്യാനം സംഘടിപ്പിച്ചിരിക്കുന്നത്.
ലോകപ്രശസ്ത അനുഗ്രഹീത വചനപ്രഘോഷകരായ റവ. ഫാ. ലൂയീസ് വെള്ളിയാനിക്കൽ, ഈ കാലഘട്ടത്തിന്റെ അഭിഷേകമായി ദൈവം ഉയർത്തിയ ബ്രദർ. പി.ഡി. ഡൊമിനിക് (ചെയർമാൻ മരിയൻ ടിവി) ഗാനശുശ്രൂഷകൾക്ക് നേതൃത്വം നൽകും.
ഫെബ്രുവരി 28, 29, മാർച്ച് 1 തീയതികളിൽ ഒൗവർ ലേഡി ഓഫ് അസംപ്ഷൻ സീറോ മലബാർ മിഷൻ ന്യൂയോർക്ക്, മാർച്ച് 6, 7, 8 സെന്റ് തോമസ് സീറോ മലബാർ മിഷൻ ഡെൻവർ, മാർച്ച് 13, 14, 15 ചർച്ച് ഓഫ് സെന്റ് ജോണ്സ് വിയാന്നി, മിനസോട്ട, മാർച്ച് 20, 21, 22 ചർച്ച് ഓഫ് സെന്റ് ഹെലേന കണക്ടിക്കട്ട്, മാർച്ച് 27, 28, 29 സെന്റ് മേരീസ് ക്നാനായ ചർച്ച് ഹൂസ്റ്റണ്, ഏപ്രിൽ 3, 4, 5 സെന്റ് തോമസ് സീറോ മലബാർ ചർച്ച് സാൻ അന്േറാണിയോ എന്നിവടങ്ങളിലാണ് ധ്യാനം നടക്കുക.
ഈ നോന്പുകാല കുടുംബ നവീകരണ ധ്യാനത്തിൽ കുടുംബ സമേതം പങ്കുചേർന്നു ദൈവവചനത്താൽ പ്രബുദ്ധരായി ആത്മീയ പരിവർത്തനം നേടുവാനും, വിശ്വാസത്തിന്റെ ആഴങ്ങളിലേക്ക് കടന്നുവരുവാനും, സൗഖ്യത്തിന്റെ അത്ഭുതകരമായ കൃപ സ്വന്തമാക്കുവാനും സഭാ വ്യത്യാസമെന്യേ ഏവരേയും സ്വാഗതം ചെയ്യുന്നു.
കൂടുതൽ വിവരങ്ങൾക്ക്:www.mariantimesworld.org, www.marianworld.org. ph: 215 934 5615, 215 971 3319, 267 244 3371, 267 240 2820.
റിപ്പോർട്ട് : ജോയിച്ചൻ പുതുക്കുളം