തീ​വ്ര​വാ​ദ​ത്തെ പി​ന്തു​ണ​യ്ക്കു​ന്നു എ​ന്ന് സം​ശ​യം; വി​ദേ​ശ വി​ദ്യാ​ർ​ഥി​ക​ളു​ടെ വീ​സ റ​ദ്ദാ​ക്കാ​ന്‍ നീ​ക്കം
Friday, December 8, 2023 2:59 PM IST
പി.​പി. ചെ​റി​യാ​ൻ
ന്യൂ​യോ​ർ​ക്ക്: തീ​വ്ര​വാ​ദ പ്ര​വ​ർ​ത്ത​ന​ത്തെ പി​ന്തു​ണ​യ്ക്കു​ന്നു എ​ന്ന് സം​ശ​യി​ക്കു​ന്ന വി​ദ്യാ​ർ​ഥി​ക​ളു​ടെ സ്റ്റു​ഡ​ന്‍റ് വീ​സ റ​ദ്ദാ​ക്കാ​ൻ നീ​ക്ക​വു​മാ​യി യു​എ​സി​ലെ 20 സം​സ്ഥാ​ന​ങ്ങ​ളി​ലെ അ​റ്റോ​ർ​ണി ജ​ന​റ​ലു​ക​ളു​ടെ കൂ​ട്ടാ​യ്മ.

തീ​വ്ര​വാ​ദ പ്ര​വ​ർ​ത്ത​ന​ത്തെ അം​ഗീ​ക​രി​ക്കു​ക​യോ പി​ന്തു​ണ​യ്ക്കു​ക​യോ ചെ​യ്യു​ന്ന വി​ദ്യാ​ർ​ഥി​ക​ളു​ടെ സ്റ്റു​ഡ​ന്‍റ്സ് വീ​സ​ക​ൾ റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് അ​ർ​ക്ക​ൻ​സാ​സ് അ​റ്റോ​ർ​ണി ജ​ന​റ​ൽ ടിം ​ഗ്രി​ഫി​ൻ സ്റ്റേ​റ്റ് ഡി​പ്പാ​ർ​ട്ട്‌​മെ​ന്‍റി​നും ഹോം​ലാ​ൻ​ഡ് സെ​ക്യൂ​രി​റ്റി​ക്കും ക​ത്ത് അ​യ​ച്ചു.


തീ​വ്ര​വാ​ദ പ്ര​വ​ർ​ത്ത​ന​ങ്ങ​ളെ പി​ന്തു​ണ​യ്ക്കു​ന്ന​വ​രെ പു​റ​ത്താ​ക്ക​ണ​മെ​ന്നും ക​ത്തി​ൽ ആ​വ​ശ്യ​പ്പെ​ട്ടി​ട്ടു​ണ്ട്. അ​യോ​വ അ​റ്റോ​ർ​ണി ജ​ന​റ​ൽ ബ്ര​ണ്ണ ബേ​ർ​ഡും ക​ത്തി​ൽ ഒ​പ്പു​വ​ച്ചി​ട്ടു​ണ്ട്.

സ്റ്റു​ഡ​ന്‍റ്സ് വീ​സ​യി​ൽ എ​ത്തു​ന്ന​വ​രി​ൽ ഭൂ​രി​ഭാ​ഗ​വും തീ​വ്ര​വാ​ദ​ത്തെ പി​ന്തു​ണ​യ്ക്കു​ന്ന​വ​ര​ല്ല. എ​ന്നാ​ൽ തീ​വ്ര​വാ​ദ​ത്തെ പി​ന്തു​ണ​യ്ക്കു​ന്ന ചി​ല​ർ ന​മ്മു​ടെ രാ​ജ്യ​ത്ത് ഉ​ണ്ട് എ​ന്ന് കാ​ന്പ​സി​ലെ വി​ദ്യാ​ർ​ഥി​ക​ൾ ഭ​യ​പ്പെ​ടു​ന്നു​ണ്ട്. ഇ​ത് പ​രി​ഹ​രി​ക്കാ​നാ​ണ് ന​മ്മു​ടെ നീ​ക്ക​മെ​ന്നും ബേ​ർ​ഡ് പ​റ​ഞ്ഞു.