27

കൊച്ചി: താമസക്കാര്‍ പുറത്തുപോയ സമയത്ത് വാടക വീട്ടില്‍ നിന്നും മൊബൈല്‍ ഫോണ്‍ കവര്‍ന്നതായും ഇലക്ട്രോണിക് ഉപകരണങ്ങള്‍ നശിപ്പിച്ചതായും പരാതി. ഫ്രിഡ്ജ്, ടിവി, തയ്യല്‍ മെഷീന്‍ എന്നിവയ്ക്കാണ് കേടുപാട് വരുത്തിയത്.

ഞാറക്കല്‍ അപ്പങ്ങാട് സുകേഷിന്‍റെ വീട്ടില്‍ വാടകക്ക് താമസിക്കുന്ന എളങ്കുന്നപ്പുഴ പുത്തന്‍പുരക്കല്‍ വിഷ്ണുവാണ് പരാതി നല്‍കിയിരിക്കുന്നത്. തിരുവോണ നാളില്‍ വൈകുന്നേരം ആയിരുന്നു സംഭവം.

10,000 രൂപയുടെ നഷ്ടം സംഭവിച്ചതായി വിഷ്ണു ഞാറക്കല്‍ പോലീസിനു നല്‍കിയ പരാതിയില്‍ പറയുന്നു. പോലീസ് കേസ് എടുത്ത് അന്വേഷണം ആരംഭിച്ചു.