കെ​ട്ടി​ട​ങ്ങ​ൾ​ക്കു മു​ക​ളി​ലും പാ​ത​യോ​ര​ത്തും അ​പ​ക​ട​ക്കെ​ണി​യാ​യി പ​ര​സ്യ​ബോ​ർ​ഡു​ക​ൾ
Thursday, May 16, 2024 1:29 AM IST
കാ​സ​ർ​ഗോ​ഡ്: മും​ബൈ ഘ​ട്കോ​പ്പ​റി​ൽ കൂ​റ്റ​ൻ പ​ര​സ്യ​ബോ​ർ​ഡ് താ​ഴേ​ക്ക് പ​തി​ച്ചു​ണ്ടാ​യ ദു​ര​ന്ത​വാ​ർ​ത്ത വാ​യി​ക്കു​മ്പോ​ൾ ജി​ല്ല​യി​ൽ ഏ​റെ​പ്പേ​രും ഓ​ർ​ത്തി​രി​ക്കു​ക അ​തി​നു ര​ണ്ടു​ദി​വ​സം മു​മ്പ് കാ​സ​ർ​ഗോ​ഡ് പു​തി​യ ബ​സ്‌​സ്റ്റാ​ൻ​ഡി​നു സ​മീ​പം പ​ര​സ്യ​ബോ​ർ​ഡ് മ​റി​ഞ്ഞു​വീ​ണ​താ​കും. ബ​സ്‌​സ്റ്റാ​ൻ​ഡ് കെ​ട്ടി​ട​ത്തി​നു മു​ക​ളി​ൽ സ്ഥാ​പി​ച്ച ബോ​ർ​ഡ് വേ​ന​ൽ​മ​ഴ​യ്ക്കൊ​പ്പ​മു​ണ്ടാ​യ ശ​ക്ത​മാ​യ കാ​റ്റി​ൽ ആ​ടി​യു​ല​യു​ന്ന​തും ച​രി​യു​ന്ന​തും ക​ണ്ട് താ​ഴെ​യു​ണ്ടാ​യി​രു​ന്ന ആ​ളു​ക​ൾ പെ​ട്ടെ​ന്ന് ഓ​ടി​മാ​റി​യ​തു​കൊ​ണ്ടാ​ണ് ഇ​വി​ടെ ദു​ര​ന്തം ഒ​ഴി​വാ​യ​ത്.

ഞാ​യ​റാ​ഴ്ച വൈ​കു​ന്നേ​രം ആ​റ​ര​യോ​ടെ​യാ​യി​രു​ന്നു സം​ഭ​വം. 40 അ​ടി നീ​ള​വും 25 അ​ടി ഉ​യ​ര​വു​മു​ള്ള ഇ​രു​മ്പു​കൊ​ണ്ടു​ള്ള ഭാ​ര​മേ​റി​യ ബോ​ർ​ഡാ​ണ് മ​റി​ഞ്ഞു​വീ​ണ​ത്. ബ​സ് സ്റ്റാ​ൻ​ഡി​നു സ​മീ​പം നി​ർ​ത്തി​യി​ട്ടി​രു​ന്ന ര​ണ്ട് ബൈ​ക്കു​ക​ൾ ഇ​തി​ന്‍റെ അ​ടി​യി​ൽ​പ്പെ​ട്ട് ത​ക​ർ​ന്നു. ബോ​ർ​ഡ് ഇ​ള​കി​വീ​ണ​തി​നൊ​പ്പം ഇ​തി​നെ ഉ​റ​പ്പി​ച്ചു​നി​ർ​ത്താ​ൻ സ്ഥാ​പി​ച്ചി​രു​ന്ന ഇ​രു​പ​തി​ലേ​റെ ക​ല്ലു​ക​ളും കെ​ട്ടി​ട​ത്തി​നു മു​ക​ളി​ൽ നി​ന്ന് താ​ഴേ​ക്കു​വീ​ണു.

തു​ണി കൊ​ണ്ടോ ഫ്ല​ക്സ് കൊ​ണ്ടോ ഉ​ള്ള ബോ​ർ​ഡു​ക​ൾ​ക്ക് കാ​റ്റ് പി​ടി​ക്കാ​തി​രി​ക്കാ​ൻ ഇ​ട​യ്ക്ക് ദ്വാ​ര​ങ്ങ​ളി​ടു​ന്ന പ​തി​വു​ണ്ടാ​യി​രു​ന്നു. എ​ന്നാ​ൽ, ഇ​രു​മ്പു ബോ​ർ​ഡു​ക​ൾ​ക്ക് ഈ ​പ​തി​വി​ല്ല. പാ​ത​യോ​ര​ത്ത് മ​ണ്ണി​ലോ കെ​ട്ടി​ട​ങ്ങ​ൾ​ക്കു മു​ക​ളി​ലോ സ്ഥാ​പി​ക്കു​മ്പോ​ൾ അ​ടി​വ​ശം കൃ​ത്യ​മാ​യി കോ​ൺ​ക്രീ​റ്റ് ചെ​യ്ത് ഉ​റ​പ്പി​ക്ക​ണ​മെ​ന്നാ​ണ് നി​യ​മ​മെ​ങ്കി​ലും അ​ത് പ​ല​പ്പോ​ഴും പാ​ലി​ക്ക​പ്പെ​ടാ​റി​ല്ല.

ബോ​ർ​ഡി​ന്‍റെ ഭാ​ര​വും വി​സ്തീ​ർ​ണ​വും കാ​റ്റി​ന്‍റെ പ​ര​മാ​വ​ധി വേ​ഗ​ത​യു​മാ​യി ഒ​ത്തു​നോ​ക്കി അ​ടി​ത്ത​റ​യു​ടെ ബ​ലം നി​ർ​ണ​യി​ക്കാ​ൻ ആ​രും എ​ൻ​ജി​നി​യ​ർ​മാ​രെ സ​മീ​പി​ക്കാ​റു​മി​ല്ല. അ​ത് തീ​രു​മാ​നി​ക്കു​ന്ന​ത് ബ​ന്ധ​പ്പെ​ട്ട പ​ര​സ്യ ഏ​ജ​ൻ​സി​ക​ളും ക​രാ​റു​കാ​രും മാ​ത്ര​മാ​ണ്. പു​തി​യ ബ​സ്‌​സ്റ്റാ​ൻ​ഡി​ൽ ക​ഴി​ഞ്ഞ​ദി​വ​സം ത​ക​ർ​ന്നു​വീ​ണ ഇ​രു​മ്പു ബോ​ർ​ഡി​ന്‍റെ അ​ടി​യി​ൽ കോ​ൺ​ക്രീ​റ്റി​നു പ​ക​രം ചെ​ങ്ക​ല്ലു​ക​ളാ​യി​രു​ന്നു ഉ​ണ്ടാ​യി​രു​ന്ന​തെ​ന്ന​ത് ബ​ന്ധ​പ്പെ​ട്ട​വ​ർ ഇ​ക്കാ​ര്യ​ത്തി​ൽ കാ​ണി​ക്കു​ന്ന തി​ക​ഞ്ഞ അ​ലം​ഭാ​വ​ത്തി​ന്‍റെ ഉ​ദാ​ഹ​ര​ണ​മാ​ണ്. ശ​ക്തി​യേ​റി​യ കാ​റ്റ​ടി​ച്ച​പ്പോ​ൾ ചെ​ങ്ക​ല്ലു​ക​ൾ ഇ​ള​കി​മാ​റി​യാ​ണ് ബോ​ർ​ഡ് മ​റി​ഞ്ഞു​വീ​ണ​ത്.

കെ​ട്ടി​ട​ങ്ങ​ൾ​ക്കു മു​ക​ളി​ലും പാ​ത​യോ​ര​ങ്ങ​ളി​ലു​മെ​ല്ലാം യാ​തൊ​രു മാ​ന​ദ​ണ്ഡ​വു​മി​ല്ലാ​തെ നൂ​റു​ക​ണ​ക്കി​ന് കൂ​റ്റ​ൻ പ​ര​സ്യ​ബോ​ർ​ഡു​ക​ൾ ഇ​ത്ത​ര​ത്തി​ൽ സ്ഥാ​പി​ച്ചി​ട്ടു​ണ്ട്. വി​വി​ധ ഉ​ത്പ​ന്ന​ങ്ങ​ളു​ടെ​യും സ്ഥാ​പ​ന​ങ്ങ​ളു​ടെ​യും പ​ര​സ്യ​ത്തി​നു പു​റ​മേ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് ദേ​ശീ​യ​ത​ല​ത്തി​ലു​ള്ള രാ​ഷ്‌​ട്രീ​യ പ​ര​സ്യ​ങ്ങ​ളും മ​ത്സ​ര പ​രീ​ക്ഷാ പ​രി​ശീ​ല​ന​കേ​ന്ദ്ര​ങ്ങ​ളു​ടെ പ​ര​സ്യ​ങ്ങ​ളും വ​ന്ന​തും പോ​യ​തും ആ​ർ​ക്കു​മ​റി​യാ​ത്ത സി​നി​മ​ക​ളു​ടെ​യും സീ​രി​യ​ലു​ക​ളു​ടെ​യും പ​ര​സ്യ​ങ്ങ​ളു​മെ​ല്ലാം അ​ക്കൂ​ട്ട​ത്തി​ലു​ണ്ട്. വ​ർ​ഷ​ങ്ങ​ൾ​ക്കു മു​മ്പേ സ്ഥാ​പി​ച്ച് പോ​യ​വ​ർ പി​ന്നീ​ട് തി​രി​ഞ്ഞു​നോ​ക്കി​യി​ട്ടി​ല്ലാ​ത്ത എ​ത്ര​യോ ബോ​ർ​ഡു​ക​ളു​ണ്ട്. ഇ​വ​യു​ടെ​യെ​ല്ലാം കാ​ര്യ​ത്തി​ൽ ത​ദ്ദേ​ശ സ്ഥാ​പ​ന​ങ്ങ​ളും റ​വ​ന്യൂ അ​ധി​കൃ​ത​രും ഗൗ​ര​വ​മാ​യ ശ്ര​ദ്ധ ന​ല്കി​യി​ല്ലെ​ങ്കി​ൽ ഇ​നി​യും അ​പ​ക​ട​ങ്ങ​ൾ ആ​വ​ർ​ത്തി​ച്ചേ​ക്കാം.
Copyright @ 2018 , Rashtra Deepika Ltd.