പോളിം​ഗി​ലെ മെ​ല്ലെപ്പോക്ക്; വ​രിനി​ന്ന് വ​ല​ഞ്ഞ് മം​ഗ​ലം​ഡാം മ​ല​യോ​രമേ​ഖ​ല​യിലെ വോ​ട്ട​ർ​മാ​ർ
Saturday, April 27, 2024 1:53 AM IST
വ​ട​ക്ക​ഞ്ചേ​രി: മ​ല​യോ​ര മേ​ഖ​ല​യി​ൽ വോ​ട്ട് ചെ​യ്യാ​ൻ എ​ത്തി​യ​വ​ർ വ​രി​നി​ന്നു വ​ല​ഞ്ഞു. ര​ണ്ടു​മ​ണി​ക്കൂ​റി​ല​ധി​ക​മാ​ണ് ഓ​രോ ബൂ​ത്തി​ലും ആ​ളു​ക​ൾ വോ​ട്ട​വ​കാ​ശം വി​നി​യോ​ഗി​ക്കാ​ൻ കാ​ത്തു​നി​ന്ന് മ​ടു​ത്ത​ത്. ക​ടു​ത്ത ചൂ​ടി​ൽ വോ​ട്ടെ​ടു​പ്പ് ന​ട​പ​ടി​ക​ൾ മെ​ല്ലെ പോ​ക്കി​ലാ​യ​പ്പോ​ൾ ജ​ന​ങ്ങ​ളും അ​സ്വ​സ്ഥ​രാ​യി.

ക​ട​പ്പാ​റ തു​ട​ങ്ങി​യ പ്ര​ദേ​ശ​ങ്ങ​ളി​ൽ നി​ന്നും പ​ന്ത്ര​ണ്ടും പ​തി​നാ​ലും കി​ലോ​മീ​റ്റ​ർ യാ​ത്ര ചെ​യ്ത് വോ​ട്ട് ചെ​യ്യാ​ൻ മം​ഗ​ലം​ഡാം ക​രി​ങ്ക​യം പ​ള്ളി​യി​ലെ ബൂ​ത്തി​ലെ​ത്തി​യ​വ​ർ​ക്കാ​ണ് വോ​ട്ടെ​ടു​പ്പ് ഏ​റെ ദു​രി​ത​മാ​യ​ത്. കി​ഴ​ക്ക​ഞ്ചേ​രി പ​ഞ്ചാ​യ​ത്തി​ൽ പെ​ടു​ന്ന​വ​ർ​ക്ക് ക​ട​പ്പാ​റ ഭാ​ഗ​ത്ത് പോ​ളിം​ഗ് ബൂ​ത്ത് ഇ​ല്ലാ​ത്ത​തി​നാ​ൽ പ്ര​ദേ​ശ​ത്തെ ആ​ളു​ക​ൾ​ക്കെ​ല്ലാം വോ​ട്ട് ചെ​യ്യാ​ൻ കി​ലോ​മീ​റ്റ​റു​ക​ൾ ഏ​റെ താ​ണ്ടി ക​രി​ങ്ക​യ​ത്ത് വ​ര​ണം.

വ​ലി​യ വാ​ട​ക​യ്ക്ക് വാ​ഹ​നം വി​ളി​ച്ചും സ​മ​യം ക​ള​ഞ്ഞും പോ​ളിം​ഗ് ബൂ​ത്തി​ലെ​ത്തി​യ​പ്പോ​ൾ വോ​ട്ടെ​ടു​പ്പ് ന​ട​പ​ടി​ക​ൾ​ക്ക് വേ​ഗ​ത​യി​ല്ലാ​താ​യ​ത് പ​രാ​തി​ക​ൾ​ക്കി​ട​യാ​ക്കി. മം​ഗ​ലം​ഡാം ലൂ​ർ​ദ്മാ​താ ഹ​യ​ർ സെ​ക്ക​ൻ​ഡ​റി സ്കൂ​ളി​ലും കി​ഴ​ക്ക​ഞ്ചേ​രി ഗ​വ​ൺ​മെ​ന്‍റ് ഹ​യ​ർ സെ​ക്ക​ൻ​ഡ​റി സ്കൂ​ളി​ലും നീ​ണ്ട ക്യൂ ​മ​ണി​ക്കൂ​റു​ക​ളോ​ളം നീ​ണ്ടു​നി​ന്നു. വോ​ട്ട​റു​ടെ വേരി​ഫി​ക്കേ​ഷ​ൻ ക്ലി​യ​റ​ൻ​സി​നും പോ​ളിം​ഗ് ഉ​ദ്യോ​ഗ​സ്ഥ​രു​ടെ പ​രി​ച​യ​ക്കു​റ​വും വേ​ഗ​ത​ക്കു​റ​വും വോ​ട്ടിം​ഗ് സ​മ​യം കൂ​ടാ​ൻ കാ​ര​ണ​മാ​യി.
വോ​ട്ടിം​ഗ് ന​ട​പ​ടി പൂ​ർ​ത്തി​യാ​ക്കാ​ൻ വോ​ട്ടിം​ഗ് മെ​ഷീ​ൻ എ​ടു​ക്കു​ന്ന സ​മ​യ​കൂ​ടു​ത​ലും ബൂ​ത്തു​ക​ളി​ലെ​ല്ലാം വോ​ട്ടിം​ഗ് മ​ന്ദ​ഗ​തി​യി​ലാ​ക്കി.

മൂല​ങ്കോ​ട് യു​പി സ്കൂ​ളി​ൽ വോ​ട്ട് ചെ​യ്യാ​ൻ വ​രിനി​ന്ന വോ​ട്ട​ർ​ക്ക് അ​സ്വ​സ്ഥ​ത അ​നു​ഭ​വ​പ്പെ​ട്ടു.​ ഉ​ട​ൻ പ്രാ​ഥ​മി​ക ശു​ശ്രൂ​ഷ​ക​ൾ ന​ൽ​കി. ആ​യി​ര​ത്തി​ൽ കൂ​ടു​ത​ൽ വോ​ട്ടു​ള്ള ബൂ​ത്തു​ക​ളി​ലും തി​ര​ക്ക് അ​നു​ഭ​വ​പ്പെ​ട്ടു. അ​തേ​സ​മ​യം, വ​ട​ക്ക​ഞ്ചേ​രി ചെ​റു​പു​ഷ്പം സ്കൂ​ളി​ലെ ബൂ​ത്തു​ക​ൾ ഉ​ൾ​പ്പെ​ടെ ടൗ​ൺ കേ​ന്ദ്ര​ങ്ങ​ളി​ൽ തി​ര​ക്ക് ന​ന്നേ കു​റ​വാ​യി​രു​ന്നു. രാ​വി​ലെ തു​ട​ക്ക​ത്തി​ൽ കു​റ​ച്ചു തി​ര​ക്കു​ണ്ടാ​യി​രു​ന്നതൊ​ഴി​ച്ചാ​ൽ പി​ന്നെ വ​ന്ന​വ​ർ​ക്കെ​ല്ലാം അ​പ്പോ​ൾ ത​ന്നെ വോ​ട്ട് ചെ​യ്ത് തി​രി​ച്ചു പോ​കാ​വു​ന്ന സൗ​ക​ര്യ​മു​ണ്ടാ​യി.

Copyright @ 2022 , Rashtra Deepika Ltd.