മാർ ചേ​ന്നോ​ത്തിന്‍റെ വി​യോ​ഗം കേ​ര​ള​സ​ഭ​യ്ക്ക് തീ​രാന​ഷ്ടം
Tuesday, September 22, 2020 10:38 PM IST
ചേ​ർ​ത്ത​ല: ആ​ർ​ച്ച്ബി​ഷ​പ് മാ​ർ ജോ​സ​ഫ് ചേ​ന്നോ​ത്തി​ന്‍റെ വി​യോ​ഗം കേ​ര​ള സ​ഭ​യ്ക്ക് തീ​രാ​ന​ഷ്ട​മാ​യി. ആ​ഗോ​ള​സ​ഭ​യു​ടെ ആ​സ്ഥാ​ന​മാ​യ വ​ത്തി​ക്കാ​നി​ലെ മാ​ർപാപ്പയു​ടെ നയതന്ത്ര സം​ഘ​ത്തി​ൽ ദീ​ർ​ഘ​കാ​ലം പ്ര​വ​ർ​ത്തി​ക്കാ​നാ​യ​ത് കേ​ര​ള​സ​ഭ​യ്ക്കും പ്ര​യോ​ജ​ന​മാ​യി​രു​ന്നു.

ക​ഴി​ഞ്ഞ അ​ര ശ​താ​ബ്ദ​ത്തിലേ​റെ​യാ​യി ആ​ഗോ​ളസ​ഭ​യു​ടെ ആ​ദ്ധ്യാ​ത്മി​ക​വും സാ​മൂ​ഹി​ക​വും സാം​സ്കാ​രി​ക​വു​മാ​യ മേ​ഖ​ല​ക​ളി​ലെ ഉ​ന്ന​മ​ന​ത്തി​ന് മാർ ചേ​ന്നോ​ത്ത് സു​പ്ര​ധാ​ന​മാ​യ പ​ങ്കു​വ​ഹി​ച്ചി​ട്ടു​ണ്ട്. നി​ര​വ​ധി രാ​ജ്യ​ങ്ങ​ളി​ൽ അദ്ദേഹം ക​ർ​മ​നി​ര​ത​നാ​യി​ട്ടു​ണ്ട്. അ​തി​നാ​ൽ​ത​ന്നെ നി​ര​വ​ധി ഭാ​ഷ​ക​ളി​ലും അ​ദ്ദേ​ഹത്തിനു പ്രാ​വീ​ണ്യ​മു​ണ്ടാ​യി​രു​ന്നു. ലാ​റ്റി​ൻ, ഫ്ര​ഞ്ച്, സ്പാ​നീ​ഷ്, ഇ​റ്റാ​ലി​യ​ൻ, ജ​ർ​മ​ൻ, ചൈ​നീ​സ് ഭാ​ഷ​ക​ൾ പ​ഠി​ച്ചി​രു​ന്നു.

1986ൽ ​ജോ​ണ്‍​പോ​ൾ ര​ണ്ടാ​മ​ൻ മാ​ർ​പാ​പ്പ കേ​ര​ള​ത്തി​ലെ​ത്തി​യ​പ്പോ​ൾ റോ​മി​ൽ​നി​ന്നും അ​ദ്ദേ​ഹ​ത്തോ​ടൊ​പ്പം അ​നു​യാ​ത്ര​ചെ​യ്തതും പ​രി​ശു​ദ്ധ പി​താ​വി​നെ മ​ല​യാ​ള​ത്തി​ൽ സം​സാ​രി​ക്കാ​ൻ പ​രി​ശീ​ലി​പ്പി​ച്ച​തും ചേ​ന്നോ​ത്ത് പി​താ​വാ​യി​രു​ന്നു. ഭാ​ര​ത അ​പ്പ​സ്തോ​ല​ൻ വി​ശു​ദ്ധ തോ​മാ​ശ്ലീ​ഹാ​യു​ടെ പാ​ദ​സ്പ​ർ​ശ​ത്താ​ൽ വി​ഖ്യാ​ത​മാ​യ ചേ​ർ​ത്ത​ല കോ​ക്ക​മം​ഗ​ലം ചേ​ന്നോത്ത് ജോ​സ​ഫി​ന്‍റെ​യും വെ​ളി​യ​നാ​ട് നാ​ല്പ​താം​ക​ള​ത്തി​ൽ മ​റി​യ​ക്കു​ട്ടി​യു​ടെ​യും എ​ട്ടു മ​ക്ക​ളി​ൽ ഏ​ഴാ​മ​ത്തെ മ​ക​നാ​യി 1943 ഒ​ക്ടോ​ബ​ർ 13ന് ​ജോ​സ​ഫ് ചേ​ന്നോ​ത്ത് ജ​നി​ച്ചു. മാ​ർ ജ​യിം​സ് കാ​ളാ​ശേ​രി​യു​ടെ സ​ഹോ​ദ​ര​പു​ത്രി​യാ​ണ് ജോ​സ​ഫ് ചേ​ന്നോ​ത്തി​ന്‍റെ മാ​താ​വ് മ​റി​യ​ക്കു​ട്ടി. കോ​ക്ക​മം​ഗ​ലം സെ​ന്‍റ് ആ​ന്‍റ​ണീ​സ് പ്രൈ​മ​റി സ്കൂ​ളി​ലും ചേ​ർ​ത്ത​ല ഗ​വ​ണ്‍​മെ​ന്‍റ് ബോ​യ്സ് ഹൈ​സ്കൂ​ളി​ലു​മാ​യി പ്രാ​ഥ​മി​ക വി​ദ്യാ​ഭ്യാ​സം പൂ​ർ​ത്തി​യാ​ക്കി​യ ജോ​സ​ഫ് ചേ​ന്നോ​ത്ത് 1960ൽ ​എ​റ​ണാ​കു​ളം പെ​റ്റി സെ​മി​നാ​രി​യി​ൽ വൈ​ദി​ക പ​ഠ​ന​ത്തി​നാ​യി ചേ​ർ​ന്നു. തു​ട​ർ​ന്ന് ആ​ലു​വാ പൊ​ന്തി​ഫി​ക്ക​ൽ സെ​മി​നാ​രി​യി​ൽ ഒ​രു വ​ർ​ഷം ഫി​ലോ​സ​ഫി പ​ഠി​ച്ചു.

1963ൽ ​ക​ർ​ദി​നാ​ൾ മാ​ർ ജോ​സ​ഫ് പാ​റേ​ക്കാ​ട്ടി​ലാ​ണ് ജോ​സ​ഫ് ചേ​ന്നോ​ത്തി​നെ ഉ​പ​രി​പ​ഠ​ന​ത്തി​നാ​യി റോ​മി​ലേ​ക്ക് അ​യ​ച്ച​ത്. അ​വി​ടെ പൊ​ന്തി​ഫി​ക്ക​ൽ ഉ​ർ​ബാ​ൻ യൂ​ണി​വേ​ഴ്സി​റ്റി​യി​ൽ​നി​ന്നും, ഫി​ലോ​സ​ഫി​യി​ലും തി​യോ​ള​ജി​യി​ലും ബി​രു​ദ​മെ​ടു​ത്തു. 1969 മേ​യ് നാ​ലി​ന് ഓ​സ്ട്രേ​ലി​യാ​യി​ൽ വ​ച്ച് വൈ​ദി​ക​പ​ട്ടം സ്വീ​ക​രി​ച്ചു. തു​ട​ർ​ന്ന് നാ​ട്ടി​ലെ​ത്തി ബ​റോ​ഡാ യൂ​ണി​വേ​ഴ്സി​റ്റി​യി​ൽ​നി​ന്നും ഇം​ഗ്ലീ​ഷി​ൽ ബി​രു​ദാ​ന​ന്ത​ര വി​രു​ദം നേ​ടി.

1972 ൽ ​ക​ർ​ദി​നാ​ൾ പാ​റേ​ക്കാ​ട്ടി​ലിന്‍റെ സെ​ക്ര​ട്ട​റി​യാ​യും, എ​റ​ണാ​കു​ളം ബ​സ​ലി​ക്കാ​യി​ൽ സ​ഹ​വി​കാ​രി​യു​മാ​യി സേ​വ​നം ചെ​യ്തു. 1973ൽ ​വീ​ണ്ടും റോ​മി​ലേ​യ്ക്കു​പോ​യി. കാ​നോ​ൻ നി​മ​യ​ത്തി​ൽ ഡോ​ക്ട​റേ​റ്റ് നേ​ടി. പോ​ൾ ആ​റാ​മ​ൻ മാ​ർ​പാ​പ്പ​യി​ൽ​നി​ന്നും അ​ദ്ദേ​ഹ​ത്തി​ന് മോ​ണ്‍​സി​ഞ്ഞോ​ർ പ​ദ​വി ല​ഭി​ച്ചു. തു​ട​ർ​ന്ന് തുർ​ക്കി​യി​ൽ മൂ​ന്നു​വ​ർ​ഷം സേ​വ​നം ചെ​യ്തു. പി​ന്നീ​ട് ര​ണ്ടു​വ​ർ​ഷം വ​ത്തി​ക്കാ​നി​ൽ ഫോ​റി​ൻ മി​നി​സ്ട്രി​യി​ലും മൂ​ന്നു​വ​ർ​ഷം ബെ​ൽ​ജി​യം ലാ​ക്സ​ണ്‍​ബ​ർ​ഗ്,യൂ​റോ​പ്യ​ൻ യൂ​ണി​യ​ൻ എ​ന്നി​വി​ട​ങ്ങ​ളി​ലും 1990 മു​ത​ൽ മൂ​ന്നു​വ​ർ​ഷം സ്പെ​യി​നി​ലും, 1993 മു​ത​ൽ ഡ​ൻ​മാ​ർ​ക്ക്, സ്വീ​ഡ​ൻ, നോ​ർ​വെ, ഫി​ൻ​ലാ​ൻ​ഡ് എ​ന്നി​വി​ട​ങ്ങ​ളി​ലും കൗ​ണ്‍​സി​ല​റാ​യി​രു​ന്നു. 1995 മു​ത​ൽ 1999 വ​രെ താ​യ്‌വാ​നി​ൽ ആ​യി​രു​ന്ന​പ്പോ​ഴാ​ണ് ബ​ന​ഡി​ക്ട് പ​തി​നാ​റാ​മ​ൻ മാ​ർ​പാ​പ അ​ദ്ദേ​ഹ​ത്തെ ന്യൂ​ണ്‍​ഷ്യോ ആ​യി നി​യ​മി​ച്ച​ത്.

1999ൽ ​ജോ​ണ്‍​പോ​ൾ ര​ണ്ടാ​മ​ൻ മാ​ർ​പാ​പ്പ​യാ​ണ് ജോ​സ​ഫ് ചേ​ന്നോ​ത്തി​നെ ആ​ർ​ച്ച് ബി​ഷ​പ്പാ​യി ഉ​യ​ർ​ത്തി​യ​ത്. തു​ട​ർ​ന്ന് അ​ദ്ദേ​ഹം സെ​ൻ​ട്ര​ൽ ആ​ഫ്രി​ക്ക​യി​ലും ചാ​ഡി​ലും നൂ​ണ്‍​ഷ്യോ ആ​യി സേ​വ​നം ചെ​യ്തി​ട്ടു​ണ്ട്. 2011 മു​ത​ൽ ജ​പ്പാ​ന്‍റെ ത​ല​സ്ഥാ​ന​മാ​യ ടോ​ക്കി​യോ​യി​ൽ നൂ​ണ്‍​ഷ്യോ ആ​യി പ്ര​വ​ർ​ത്തി​ച്ചു​വ​ര​വെ​യാ​ണ് ക​ഴി​ഞ്ഞ മേ​യ് എ​ട്ടി​ന് പ​ക്ഷാ​ഘാ​ത​മു​ണ്ടാ​കു​ക​യും തു​ട​ർ​ന്ന് ടോ​ക്കി​യോ​യി​ലെ ആ​ശു​പ​ത്രി​യി​ൽ ചി​കി​ത്സ​യി​ലു​മാ​യ​ത്.

ഒ​ടു​വി​ൽ 50 വ​ർ​ഷം മു​ന്പ് പ്ര​ഥ​മ ദി​വ്യ​ബ​ലി അ​ർ​പ്പി​ച്ച, ത​ന്‍റെ കൂ​ടി സ​ഹാ​യ​ത്തോ​ടെ പു​തു​ക്കി നി​ർ​മി​ച്ച അ​തേ ദേ​വാ​ല​യ​ത്തി​ൽ​വ​ച്ചു​ള​ള ത​ന്‍റെ അ​വ​സാ​ന ദി​വ്യ​ബ​ലി​യ​ർ​പ്പ​ണ​ത്തോ​ടെ മാ​ർ ജോ​സ​ഫ് ചേ​ന്നോ​ത്ത് നി​ത്യ​ത​​യി​ല​ലി​ഞ്ഞു