തുറ​വൂ​ർ: ക​ട​ക്ക​ര​പ്പ​ള്ളി മ​ഹാ​ക്ഷേ​ത്രം സ്വ​ദേ​ശി​യാ​യ വീ​ട്ട​മ്മ​യി​ൽനി​ന്നു ഓ​ൺലൈ​ൻ ത​ട്ടി​പ്പി​ലൂ​ടെ ഒ​രു​ല​ക്ഷ​ത്തോ​ളം രൂ​പ ത​ട്ടി​യ കേ​സി​ൽ മും​ബൈ ധാ​രാ​വി സ്വ​ദേ​ശി അ​സാ​ദ്‌​ഖാ(24)​നെ പ​ട്ട​ണ​ക്കാ​ട് പോ​ലീ​സ് അ​റ​സ്റ്റ് ചെ​യ്‌​തു. ക​ട​ക്ക​ര​പ്പ​ള്ളി സ്വ​ദേ​ശി​യാ​യ ഉ​ത്രം വീ​ട്ടി​ൽ റാ​ണി​മോ​ളു​ടെ അ​ക്കൗ​ണ്ടി​ൽനി​ന്നു അഞ്ചു ത​വ​ണ​ക​ളാ​യി 96312 രൂ​പ​യാ​ണ് മും​ബൈ സ്വ​ദേ​ശി ത​ട്ടി​യ​ത്.

പ്ര​ധാ​ന​മ​ന്ത്രി​യു​ടെ കി​സാ​ൻ പ​ദ്ധ​തി​യു​മാ​യി ബ​ന്ധ​പ്പെ​ട്ട് മൊ​ബൈ​ൽ ഫോ​ണി​ൽ വ​ന്ന ലി​ങ്കി​ൽ ഓ​ൺ​ലൈ​നി​ൽ ര​ജി​സ്റ്റ​ർ ചെ​യ്യാ​ൻ ശ്ര​മി​ക്കു​ന്ന​തി​നി​ടെ അ​ക്കൗ​ണ്ട് ഹാ​ക്ക് ചെ​യ്ത് ഓ​ഫീ​സി​ൽനി​ന്നാ​ണെ​ന്ന് പ​റ​ഞ്ഞാ​യി​രു​ന്നു ത​ട്ടി​പ്പ് ന​ട​ത്തി​യ​ത്. പ്ര​മു​ഖ ഓ​ൺലൈ​ൻ സൈ​റ്റാ​യ ഫ്ലി​പ് കാ​ർ​ട്ടി​ൽനി​ന്നു മൊ​ബൈ​ൽ ഫോ​ൺ പ​ർ​ച്ചേ​സ് ചെ​യ്താ​ണ് മും​ബൈ സ്വ​ദേ​ശി വീ​ട്ട​മ്മ​യെ ത​ട്ടി​പ്പി​നി​ര​യാ​ക്കി​യ​ത്.

ആ​ദ്യം 19,107 രൂ​പ​യു​ടെ​യും ര​ണ്ടാ​മ​ത് 18,256 രൂ​പ​യു​ടെയും മൂ​ന്നാ​മ​ത് 15,156 രൂ​പ​യു​ടെയും നാ​ലാ​മ​ത് 10045 രൂ​പ​യും 5-ാ മ​ത് 33746 രൂ​പ​യു​ടെ​യും ഫോ​ണു​ക​ളാ​ണ് വീ​ട്ട​മ്മ​യു​ടെ ക്രെ​ഡി​റ്റ് കാ​ർ​ഡ് ന​മ്പ​ർ ഉ​പ​യോ​ഗി​ച്ച് ഓ​ൺ​ലൈ​ൻ സൈ​റ്റി​ൽനി​ന്നു വാ​ങ്ങി​യ​ത്.

ഓ​രോ ത​വ​ണ​യും പ​ർ​ച്ചേ​സ് ചെ​യ്യു​മ്പോ​ഴും വീ​ട്ട​മ്മ​യു​ടെ മൊ​ബൈ​ലി​ൽ വ​രു​ന്ന ഒടിപി ​ഹാ​ക്ക് ചെ​യ്‌​താ​യി​രു​ന്നു ഓ​ൺ​ലൈ​ൻ സൈ​റ്റി​ൽ നി​ന്നു മൊ​ബൈ​ൽ ഫോ​ൺ വാ​ങ്ങി​യ​ത്.

15 മി​നി​റ്റി​നു​ള്ളി​ലാ​ണു അഞ്ചു ത​വ​ണ​യും തു​ക പോ​യ​ത്. ഇ​തോ​ടെ പ​ട്ട​ണ​ക്കാ​ട് പോ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. ഇ​തെ​ത്തു​ട​ർ​ന്ന് ജി​ല്ലാ പോ​ലീ​സ് മേ​ധാ​വി​യു​ടെ നി​ർ​ദേ​ശ​ത്തെ ത്തുട​ർ​ന്ന് പ​ട്ട​ണ​ക്കാ​ട് എ​സ്എ​ച്ച്ഒ കെ.​എ.​എ​സ്. ജ​യ​ൻ, സി​വി​ൽ പോ​ലീ​സ് ഓ​ഫീ​സ​ർ​മാ​രാ​യ ര​തീ​ഷ് ഗോ​പ​കു​മാ​ർ, സു​നി​ൽ, പ്ര​വീ​ൺ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘം മും​ബൈ ധാ​രാ​വി​യി​ലെ​ത്തി പ്ര​തി​യെ പി​ടി​കൂ​ടി​യ​ത്.