അമ്പ​ല​പ്പു​ഴ: നാ​ടു​മു​ഴു​വ​ൻ ല​ഹ​രി​ക്ക​ട​ത്തും വി​ല്പന​യും വ്യാ​പ​ക​മാ​കു​മ്പോ​ഴും പോ​ലീ​സി​ന്‍റെ ര​ഹ​സ്യാ​ന്വേ​ഷ​ണ വി​ഭാ​ഗം നോ​ക്കു​കു​ത്തി. ക​ഴി​ഞ്ഞ കു​റ​ച്ചു നാ​ളു​ക​ളാ​യി പ​ല​യി​ട​ത്തും എംഡി​എംഎ ഉ​ൾ​പ്പെ​ടെ​യു​ള്ള മാ​ര​ക ല​ഹ​രിവ​സ്തു​ക്ക​ളു​ടെ വി​ല്പന​യും ഉ​പ​ഭോ​ഗ​വും വ്യാ​പ​ക​മാ​യി​രി​ക്കു​ക​യാ​ണ്.

നാടുമുഴുവൻ ലഹരിയുടെ പിടിയിലമരുന്പോൾ പോ​ലീ​സി​ന്‍റെ ര​ഹ​സ്യാ​ന്വേ​ഷ​ണ വി​ഭാ​ഗം വ​ലി​യ പ​രാ​ജ​യ​മാ​യി​രി​ക്കു​ക​യാ​ണ്. ഇ​തി​ന്‍റെ ഏ​റ്റ​വും ഒ​ടു​വി​ല​ത്തെ ഉ​ദാ​ഹ​ര​ണ​മാ​ണ് ക​ഴി​ഞ്ഞ ദി​വ​സം എംഡിഎംഎ​യു​മാ​യി പി​ടി​യി​ലാ​യ അ​മ്മ​യും മ​ക​നും. അ​ഭി​ഭാ​ഷ​ക​വൃ​ത്തി​യു​ടെ മ​റ​വി​ൽ കാ​ല​ങ്ങ​ളാ​യി ഇ​വ​ർ ല​ഹ​രി​ക്ക​ട​ത്ത് ന​ട​ത്തി​യ​ത് ര​ഹ​സ്യാ​ന്വേ​ഷ​ണ വി​ഭാ​ഗ​വും എ​ക്സൈ​സും അ​റി​ഞ്ഞി​ല്ല.

ഇ​തുപോ​ലെ പ​ല​യി​ട​ങ്ങ​ളി​ലും വ്യാ​പ​ക​മാ​യി ല​ഹ​രി​ക്ക​ട​ത്തി​ലൂ​ടെ​യും അ​ല്ലാ​തെ​യും പു​ത്ത​ൻ പ​ണ​ക്കാ​രാ​യ​വ​രെ​ക്കു​റി​ച്ച് അ​ന്വേ​ഷി​ക്കാ​ൻ ര​ഹ​സ്യാ​ന്വേ​ഷ​ണ വി​ഭാ​ഗം ത​യാ​റാ​യി​ട്ടി​ല്ല. പ​ല​പ്പോ​ഴും ചി​ല​ർ ഒ​റ്റു​ന്ന​തുകൊ​ണ്ടു മാ​ത്ര​മാ​ണ് പ​ല​രും ല​ഹ​രിവ​സ്തു​ക്ക​ളു​മാ​യി എ​ക്സൈ​സി​ന്‍റെ യും പോ​ലീ​സി​ന്‍റെയും വ​ല​യി​ലാ​കു​ന്ന​ത്.

അ​മി​ത ലാ​ഭം ല​ക്ഷ്യ​മി​ട്ടാ​ണ് പ​ല​രും ല​ഹ​രി​ക്ക​ട​ത്തി​നി​റ​ങ്ങു​ന്ന​ത്. ഇ​തി​ലൂ​ടെ പ​ണം സ​മ്പാ​ദി​ച്ച് ആ​ഡം​ബ​ര ജീ​വി​തം ന​യി​ക്കു​ന്ന​വ​രു​ടെ സാ​മ്പ​ത്തി​ക സ്രോ​ത​സ് അ​ന്വേ​ഷി​ക്കാ​ൻ ര​ഹ​സ്യാ​ന്വേ​ഷ​ണ വി​ഭാ​ഗം ത​യാ​റാ​കാ​ത്ത​താ​ണ് ഇ​ത്ത​ര​ത്തി​ൽ ല​ഹ​രി​ക്ക​ട​ത്തും ഉ​പ​യോ​ഗ​വും വ്യാ​പ​ക​മാ​കാ​ൻ കാ​ര​ണം.

മ​ത്സ്യവി​ല്പന​യു​ടെ മ​റ​വി​ലും ചി​ല​ർ ല​ഹ​രി​ക്ക​ട​ത്ത് ന​ട​ത്തി വ​ൻതോ​തി​ൽ പ​ണം സ​മ്പാ​ദി​ച്ച​തും ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ന്‍റെ ശ്ര​ദ്ധ​യി​ൽ​പ്പെ​ട്ടി​ട്ടി​ല്ല. ല​ഹ​രി വി​ല്പന ന​ട​ത്തു​ന്ന​വ​രു​ടെ വീ​ടു​ക​ളി​ല​ട​ക്കം യു​വാ​ക്ക​ളും മ​റ്റും ധാ​രാ​ള​മാ​യി എ​ത്തി​ച്ചേ​രു​ന്ന​തും പ​ല​പ്പോ​ഴും പോ​ലീ​സ് അ​റി​യാ​റി​ല്ല.​ ചി​ല പ്ര​ദേ​ശ​ങ്ങ​ളി​ൽ രാ​ത്രികാ​ല​ങ്ങ​ളി​ൽ യു​വാ​ക്ക​ൾ ധാ​രാ​ള​മാ​യി ത​മ്പ​ടി​ക്കു​ന്ന​ത് പ​രാ​തി അ​റി​യി​ച്ചി​ട്ടും പേ​രി​ന് പോ​ലും പ​രി​ശോ​ധ​നയ്​ക്കെ​ത്താ​ൻ പോ​ലീ​സ് ത​യാ​റാ​യി​ട്ടി​ല്ലെ​ന്നും ആ​ക്ഷേ​പ​മു​ണ്ട്.