അന്പ​ല​പ്പു​ഴ: ബ്ലോ​ക്ക് കോ​ൺ​ഗ്ര​സ് ക​മ്മി​റ്റി​യു​ടെ നേ​തൃ​ത്വ​ത്തി​ൽ അ​മ്പ​ല​പ്പു​ഴ പോ​ലീ​സ് സ്റ്റേ​ഷ​നി​ലേ​ക്ക് ന​ട​ത്തി​യ മാ​ർ​ച്ച് കോ​ണ്‍​ഗ്ര​സ് നേ​താ​വുത​ന്നെ ത​ട​ഞ്ഞ​ത് വി​വാ​ദ​ത്തി​ൽ. കെപിസിസി വ​ർ​ക്കിം​ഗ് പ്ര​സി​ഡ​ന്‍റ് ഷാ​ഫി പ​റ​മ്പി​ൽ എം​പി ഉ​ൾ​പ്പെ​ടെ​യു​ള്ള കോ​ൺ​ഗ്ര​സ് നേ​താ​ക്ക​ളെ​യും പ്ര​വ​ർ​ത്ത​ക​രെ​യും മ​ർ​ദിച്ച പോ​ലീ​സ് ന​ട​പ​ടി​യി​ൽ പ്ര​തി​ഷേ​ധി​ച്ചാ​ണ് ക​ഴി​ഞ്ഞ ദി​വ​സം മാ​ര്‍​ച്ച് സം​ഘ​ടി​പ്പി​ച്ച​ത്.

നൂ​റു​ക​ണ​ക്കി​ന് പ്ര​വ​ര്‍​ത്ത​ക​ര്‍ ആ​വേ​ശ​ത്തോ​ടെ അ​ണി​ചേ​ര്‍​ന്ന മാ​ര്‍​ച്ച് പോ​ലീ​സി​നെ​പ്പോ​ലും ആ​ശ​ങ്ക​യി​ലാ​ക്കി. തു​ട​ര്‍​ന്ന് സു​ര​ക്ഷാ​ക​വ​ച​ങ്ങ​ള്‍ അ​ണി​ഞ്ഞ പോ​ലീ​സ് സ്റ്റേ​ഷ​നി​ലേ​ക്ക് പ്ര​വ​ര്‍​ത്ത​ക​ര്‍ ക​യ​റാ​തി​രി​ക്കാ​ന്‍ ബാ​രി​ക്കേ​ഡു​ക​ളും സ്ഥാ​പി​ച്ച് നി​ല​യു​റ​പ്പി​ച്ചു. കാ​ക്കാ​ഴം റെ​യി​ൽ​വേ മേ​ൽ​പ്പാ​ല​ത്തി​നു മു​ന്നി​ൽനി​ന്നും ആ​രം​ഭി​ച്ച മാ​ർ​ച്ചി​ല്‍ പ്ര​വ​ര്‍​ത്ത​ക​രെ ബാ​രി​ക്കേ​ടു​ക​ള്‍​ക്കു സ​മീ​പ​ത്ത് എ​ത്താ​ന്‍ പോ​ലും മ​ണ്ഡ​ല​ത്തി​ന്‍റെ പ്ര​ധാ​ന ചു​മ​ത​ല വ​ഹി​ക്കു​ന്ന നേ​താ​വ് അ​നു​വ​ദി​ച്ചി​ല്ല.

ഏ​റെ അ​ക​ലെ​വ​ച്ച് പ്ര​വ​ര്‍​ത്ത​ക​രെ നേ​താ​വു​ത​ന്നെ ത​ട​ഞ്ഞു. ഇ​ത് അ​ണി​ക​ള്‍​ക്കി​ട​യി​ല്‍ പ്ര​തി​ഷേ​ധ​ത്തി​ന് വ​ഴി​യൊ​രു​ക്കി​യി​രി​ക്കു​ക​യാ​ണ്. നേ​താ​വ് ഇ​ട​യ്ക്കി​ടെ സ്റ്റേ​ഷ​ന്‍ സ​ന്ദ​ര്‍​ശി​ക്കാ​റു​ണ്ടെ​ന്നും നി​യ​മം മ​റി​ക​ട​ന്ന് ചി​ല കാ​ര്യ​ങ്ങ​ള്‍ സാ​ധി​ക്കാ​റു​ണ്ടെ​ന്നു​മു ള്ള ആ​ക്ഷേ​പ​ം അ​ണി​ക​ള്‍​ക്കി​ട​യി​ല്‍ ഉ​യ​ര്‍​ന്നി​ട്ടു​ണ്ട്. നേ​താ​വ് മാ​ര്‍​ച്ച് ത​ട​യു​ന്ന ചി​ത്രം അ​ണി​ക​ളി​ല്‍ ചി​ല​ര്‍ സ​മൂ​ഹ​മാ​ധ്യ​മ​ങ്ങ​ളി​ല്‍ പ്ര​ച​രി​പ്പി​ച്ചും പ്ര​തി​ഷേ​ധം അ​റി​യി​ക്കു​ന്നു​ണ്ട്. പോ​ലീ​സ് സ്റ്റേ​ഷ​ൻ മാ​ർ​ച്ചി​ൽ ഇ​ത് നേ​താ​വി​ന്‍റെ സ്ഥി​രം പ​രി​പാ​ടി​യാ​ണെ​ന്നു ചി​ല​ർ പ​റ​ഞ്ഞു.