മ​ങ്കൊ​മ്പ്: പ​തി​റ്റാ​ണ്ടു​ക​ളാ​യി ഒ​രു പ്ര​ദേ​ശ​ത്തെ ജ​ന​ത​യു​ടെ​യാ​കെ കാ​ത്തി​രി​പ്പി​നു അ​ല്​പം​കൂ​ടി നി​റം​പ​ക​ർ​ന്ന് കാ​വാ​ലം-ത​ട്ടാ​ശേ​രി പാ​ലം നി​ർ​മാ​ണ​ത്തി​നു​ള്ള ടെ​ൻഡർ ക്ഷ​ണി​ച്ചു. പൊ​തു​മ​രാ​മ​ത്ത് വ​കു​പ്പാ​ണ് ഇ​തുസം​ബ​ന്ധി​ച്ച വി​ജ്ഞാ​പ​നം പു​റ​പ്പെ​ടു​വി​ച്ച​ത്.

43.5 കോ​ടി രൂ​പ​യാ​ണ് ടെ​ൻ​ഡ​ർ തു​ക. ഒ​ന്ന​രവ​ർ​ഷ​ത്തി​നു​ള്ളി​ൽ നി​ർ​മാ​ണം പൂ​ർ​ത്തി​യാ​ക്ക​ണ​മെ​ന്നാ​ണ് വ്യ​വ​സ്ഥ. 27ന് ​മു​മ്പ് ടെ​ൻ​ഡ​ർ അ​പേ​ക്ഷ​ക​ൾ സ​മ​ർ​പ്പി​ക്ക​ണം. 29ന് പ​രി​ശോ​ധ​ന ന​ട​ത്തും. നേ​ര​ത്തെ 63.59 കോ​ടി രൂ​പ​യാ​ണ് പാ​ല​ത്തി​നാ​യി അ​നു​വ​ദി​ച്ചി​രു​ന്ന​തെ​ങ്കി​ലും സ്ഥ​ല​മെ​ടു​പ്പും ന​ഷ്ട​പ​രി​ഹാ​ര​ത്തു​ക​യും മ​റ്റു ചെ​ല​വു​ക​ളു​മെ​ല്ലാം ക​ഴി​ച്ചു​ള്ള തു​ക​യാ​ണ് നി​ശ്ച​യി​ച്ചി​ട്ടു​ള്ള​ത്.

പാ​ലം നി​ർ​മാ​ണ​ത്തി​ന് ആ​വ​ശ്യ​മാ​യ 110 സെ​ന്‍റ് സ്ഥ​ലം കാ​വാ​ലം, കു​ന്നു​മ്മ വി​ല്ലേ​ജു​ക​ളി​ലാ​യി ര​ണ്ട​രവ​ർ​ഷം മു​മ്പ് ഏ​റ്റെ​ടു​ത്തി​രു​ന്നു. സ്ഥ​ല​ത്തി​ന്‍റെയും കെ​ട്ടി​ട​ങ്ങ​ളു​ടെ​യും ഏ​റ്റെ​ടു​പ്പി​നാ​യി 11 കോ​ടി രൂ​പ ചെല​വ​ഴി​ച്ചി​രു​ന്നു. വൈദ്യുത പോ​സ്റ്റു​ക​ൾ മാ​റ്റു​ന്ന​ട​ക്ക​മു​ള്ള ചെല​വു​ക​ൾ, ജി​എ​സ് ടി എ​ന്നി​വ​യ​ട​ക്കം മ​റ്റു വി​വി​ധ ഇ​ന​ങ്ങ​ളി​ൽ നീ​ക്കി​വയ്ക്കേ​ണ്ട തു​ക​യും ക​ഴി​ച്ചാ​ണ് 43,59,821,95 രൂ​പ ടെ​ൻ​ഡ​ർ തു​ക​യാ​യി നി​ശ്ച​യി​ച്ച​ത്. കാ​ല​ങ്ങ​ളു​ടെ കാ​ത്തി​രി​പ്പി​നി​ടെ പാ​ല​ത്തി​നാ​യി നാ​ട്ടു​കാ​ർ നി​ര​വ​ധി സ​മ​ര​ങ്ങ​ൾ ന​ട​ത്തി​യി​രു​ന്നു.

തു​ട​ർ​ന്ന് ഒ​ന്നാം പി​ണ​റാ​യി വി​ജ​യ​ൻ സ​ർ​ക്കാ​രി​ന്‍റെ ഇ​ട​ക്കാ​ല ബ​ജ​റ്റി​ൽ പാ​ല​ത്തി​നാ​യി 30 കോ​ടി രൂ​പ അ​നു​വ​ദി​ച്ചു. എ​ന്നാ​ൽ, പാ​ലം നി​ർ​മിക്കേ​ണ്ട ഭാ​ഗം ദേ​ശീ​യ​ജ​ല​പാ​ത​യി​ൽ ഉ​ൾ​പ്പെ​ട്ട​താ​യ​തി​നാ​ൽ ഉ​യ​ര​വും നീ​ള​വും പു​ന​ർ​നി​ർ​ണ​യി​ക്കേ​ണ്ടി വ​ന്നു. പി​ന്നീ​ട് സ്ഥ​ല​മെ​ടു​പ്പ് ന​ട​പ​ടി​ക​ളും പ്ര​തി​സ​ന്ധി​യി​ലാ​യി.

ഇ​തോ​ടെ നാ​ട്ടു​കാ​ർ പാ​ലം സ​മ്പാ​ദ​ക സ​മി​തി​ക്കു രൂ​പം ന​ൽ​കി സ​മ​രം ശ​ക്ത​മാ​ക്കി. തു​ട​ർ​ച്ച​യാ​യ സ​മ​ര​ങ്ങ​ളു​ടെ​യും പ​രി​ശ്ര​മ​ങ്ങ​ളു​ടെ​യു​മൊ​ടു​വി​ലാ​ണ് ടെ​ൻഡർ ന​ട​പ​ടി​യി​ലേ​ക്കെ​ത്തി​നി​ൽ​ക്കു​ന്ന​ത്. ത​ട്ടാ​ശേ​രി പാ​ല​ത്തി​നൊ​പ്പം ബ​ജ​റ്റി​ലി​ടം​പി​ടി​ച്ച പ​ട​ഹാ​രം പാ​ലം നേ​ര​ത്തെ​ത​ന്നെ പൂ​ർ​ത്തി​യാ​യി​രു​ന്നു.

ഇ​തേ മാ​തൃ​ക​യി​ൽ ത​ന്നെ​യാ​ണ് കാ​വാ​ലം പാ​ല​ത്തി​ന്‍റെയും നി​ർ​മാ​ണം. മ​ണി​മ​ല​യാ​റി​ന്‍റെ ശാ​ഖ​യ്ക്കു കു​റു​കെ 400 മീ​റ്റ​ർ നീ​ള​ത്തി​ലും 8.5 മീ​റ്റ​ർ വീ​തി​യി​ലു​മാ​ണ് പാ​ലം നി​ർ​മിക്കു​ക. ട​വ​ർ മാ​തൃ​ക​യി​ൽ 45 മീ​റ്റ​റി​ന്‍റെ നാ​ലു സ്പാ​നു​ക​ളും ഇ​രു​വ​ശ​ങ്ങ​ളി​ലും 35 മീ​റ്റ​ർ നീ​ള​ത്തി​ൽ ര​ണ്ടു വീ​തം സ്പാ​നു​ക​ളു​മാ​ണ് വെ​ള്ള​ത്തി​ൽ നി​ർ​മിക്കു​ന്ന​ത്.

ശേ​ഷി​ച്ച സ്പാ​നു​ക​ളും തൂ​ണു​ക​ളും ക​ര​യി​ലാ​കും. കേ​ര​ള റോ​ഡ് ഫ​ണ്ട് ബോ​ർ​ഡി​ന്‍റെ മേ​ൽ​നോ​ട്ട​ത്തി​ലാ​കും നി​ർ​മാ​ണം. ആ​ല​പ്പു​ഴ ദേ​ശീ​യപാ​ത​യി​ൽനി​ന്നും കോ​ട്ട​യ​ത്തേ​ക്കെ​ത്താ​ൻ ഏ​റെ സ​മ​യ​ലാ​ഭം ല​ഭി​ക്കും. പാ​ലം ക​ട​ന്നു​പോ​കു​ന്ന പ്ര​ദേ​ശ​ങ്ങ​ളു​ടെ വി​ക​സ​ന​ത്തി​നു പു​റ​മേ ടൂ​റി​സം, കാ​ർ​ഷി​കമേ​ഖ​ല​യി​ലും വലി​യ ഉ​ണ​ർ​വു​ണ്ടാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.