അ​മ്പ​ല​പ്പു​ഴ: വി​പ്ല​വ​സൂ​ര്യ​ൻ വി.​എ​സിന്‍റെ സ​മ​ര​ച​രി​ത്രം ഇ​നി വേ​ലി​ക്ക​ക​ത്ത് വീ​ട്ടി​ലെ ചു​റ്റു​മ​തി​ലി​ൽ നി​റ​ക്കൂ​ട്ടു​ക​ളാ​ൽ തി​ള​ങ്ങും. പു​ന്ന​പ്ര പ​റ​വൂ​രി​ലെ വീ​ടി​ന്‍റെ ചു​റ്റു​മ​തി​ലി​ലാ​ണ് അ​ദ്ദേ​ഹ​ത്തി​ന്‍റെ ഒ​രു നൂ​റ്റാ​ണ്ടു​കാ​ല​ത്തെ സ​മ​രച​രി​ത്രം ചി​ത്ര​കാ​ര​ന്മാ​രു​ടെ ഭാ​വ​ന​യി​ൽ വ​ർ​ണ​ച്ചി​റ​ക് വി​രി​യു​ന്ന​ത്.             

കേ​ര​ള ല​ളി​ത​ക​ലാ അ​ക്കാ​ദ​മി​യും പു​രോ​ഗ​മ​ന ക​ലാ​സാ​ഹി​ത്യസം​ഘം ജി​ല്ലാ ക​മ്മി​റ്റി​യും സം​യു​ക്ത​മാ​യി വി.​എ​സ് അ​ച്യു​താ​ന​ന്ദ​ന്‍റെ സ്മ​ര​ണാ​ർ​ഥം വി.​എ​സ് ജീ​വി​ത​രേ​ഖ എ​ന്ന ചി​ത്ര​ക​ലാ ക്യാ​മ്പി​ന്‍റെ ഭാ​ഗ​മാ​യാ​ണ് ചി​ത്ര​ര​ച​ന ന​ട​ത്തു​ന്ന​ത്. ജ​ന​മ​ന​സു​ക​ളി​ൽ വേ​ർ​പി​രി​യാ​ത്ത വി​എ​സി​ന്‍റെ സ​മ​ര​ച​രി​ത്രം ഇ​നി​മു​ത​ൽ ജീ​വ​ൻ​തു​ടി​ക്കു​ന്ന ചി​ത്ര​ങ്ങ​ളി​ലൂ​ടെ​യും ചു​വ​രു​ക​ളി​ൽ ജീ​വി​ക്കും.

വി.​എ​സി​ന്‍റെ ഒ​രു നൂ​റ്റാ​ണ്ടു പി​ന്നി​ട്ട സ​മ​രജീ​വി​തം, പു​ന്ന​പ്ര വ​യ​ലാ​ർ ഉ​ൾ​പ്പെടെ​യു​ള്ള സ​മ​ര പോ​രാ​ട്ട​ങ്ങ​ൾ, പ്ര​തി​പ​ക്ഷ നേ​താ​വാ​യി​രി​ക്കെ ന​ട​ത്തി​യ പ്ര​വ​ർ​ത്ത​ന​ങ്ങ​ൾ, യാ​ത്ര​ക​ൾ, എകെജി, അ​ഴീ​ക്കോ​ട​ൻ രാ​ഘ​വ​ൻ ഉ​ൾ​പ്പെടെ​യു​ള്ള​വ​രു​മാ​യി ചേ​ർ​ന്നു ന​ട​ത്തി​യ വി​പ്ല​വ പോ​രാ​ട്ട​ങ്ങ​ൾ അ​ദ്ദേ​ഹ​ത്തി​ന്‍റെ പ്ര​സം​ഗ​വേ​ദി​ക​ൾ തു​ട​ങ്ങി സാ​ധാ​ര​ണ ജ​ന​ങ്ങ​ളു​മാ​യും അ​വ​രു​ടെ ജീ​വി​ത​പോ​രാ​ട്ട​ങ്ങ​ളി​ൽ നേ​രി​ടേ​ണ്ടി​വ​ന്ന പ്ര​തി​സ​ന്ധി​ക​ളെ​ല്ലാം ഏ​റ്റെ​ടു​ത്ത് ന​യി​ച്ച വി​എ​സ് എ​ന്ന സ​മ​ര​നാ​യ​കന്‍റെ ജീ​വി​ത യാ​ത്ര​ക​ളാ​ണ് ഇ​നി  വേ​ലി​ക്ക​ക​ത്തു വീ​ട്ടി​ലെ ചു​റ്റു​മ​തി​ലി​ൽ സ്ഥാ​നം പി​ടി​ക്കു​ക.

ല​ളി​ത​ക​ലാ അ​ക്കാ​ഡ​മി​യു​ടെ ചി​ത്ര​കാ​ര​ന്മാ​രാ​യ ആ​ല​പ്പു​ഴ വാ​ട​യ്ക്ക​ൽ സ്വ​ദേ​ശി ടി.​ബി. ഉ​ദ​യ​ൻ, ആ​ല​പ്പു​ഴ സ്വ​ദേ​ശി മു​ഹ​മ്മ​ദ് ഹു​സൈ​ൻ, ചേ​ർ​ത്ത​ല സ്വ​ദേ​ശി സ​ജി​ത്ത് പ​ന​ക്ക​ൻ, ക​ണ്ണൂ​ർ സ്വ​ദേ​ശി വി​പി​ൻ​ദാ​സ് പ​ന​ക്ക​ൻ, ആ​ര്യാ​ട് സ്വ​ദേ​ശി​നി കാ​വ്യ എ​സ്. ​നാ​ഥ് എ​ന്നി​വ​ർ ചേ​ർ​ന്നാ​ണ് ആ​ക്ര​ലി​ക്, എ​മ​ർ​ഷ​ൻ പെ​യ്ന്‍റുക​ളി​ൽ ചാ​യ​ക്കൂ​ട്ടൊ​രു​ക്കു​ന്ന​ത്. വ്യാ​ഴാ​ഴ്ച ചി​ത്ര​ര​ച​ന പൂ​ർ​ത്തി​യാ​ക്കാ​നു​ള്ള തീ​രു​മാ​ന​ത്തി​ലാ​ണ്.        

സി​പി​എം ഏ​രി​യ സെ​ക്ര​ട്ട​റി സി. ​ഷാം​ജി വേ​ലി​ക്ക​ക​ത്തു വീ​ട്ടി​ലെ വി​എ​സി​ന്‍റെ അ​ർ​ധ​കാ​യ ചി​ത്ര​ത്തെ സാ​ക്ഷി​യാ​ക്കി ക്യാ​മ്പ് ഉ​ദ്ഘാ​ട​നം ചെ​യ്തു. ല​ളി​ത​ക​ലാ അ​ക്കാ​ഡ​മി സെ​ക്ര​ട്ട​റി എ​ബി എ​ൻ.​ ജോ​സ​ഫ് അ​ധ്യ​ക്ഷ​നാ​യി. ഏ​രി​യ ക​മ്മി​റ്റി അം​ഗ​ങ്ങ​ളാ​യ കെ. ​മോ​ഹ​ൻകു​മാ​ർ, എ.​പി. ഗു​രു​ലാ​ൽ, കെ.​പി. സ​ത്യ​കീ​ർ​ത്തി, എ​സ്.​ രാ​ജേ​ഷ്, പു​രോ​ഗ​മ​ന ക​ലാ​സാ​ഹി​ത്യ സം​ഘം ജി​ല്ലാ ആ​ക്ടിം​ഗ് സെ​ക്ര​ട്ട​റി ക​രു​വ മോ​ഹ​ന​ൻ, ല​ളി​ത​ക​ലാ അ​ക്കാ​ഡ​മി ഓ​ഫീ​സ് ഗാ​ല​റി ഇ​ൻ ചാ​ർ​ജ് ടി.​ ര​തീ​ഷ്, പുകസ ​പു​ന്ന​പ്ര മേ​ഖ​ല സെ​ക്ര​ട്ട​റി എ​സ്.​കെ.​ സാ​ബു, പി.​വി.​സു​ഭാ​ഷ് എ​ന്നി​വ​ർ പ്രസംഗിച്ചു.