ഹ​രി​പ്പാ​ട്: മു​റു​ക്കി തു​പ്പി​യ​തി​നെത്തുട​ർ​ന്നു​ണ്ടാ​യ വാ​ക്കു​ത​ർ​ക്ക​ത്തി​ൽ യു​വാ​വി​നെ കു​ത്തി​പ്പ​രി​ക്കേ​ൽ​പ്പി​ച്ച പ്ര​തി​യെ ഹ​രി​പ്പാ​ട് പോ​ലീ​സ് പി​ടി​കൂ​ടി. കുത്തേറ്റ പ​ന്ത​ളം സ്വ​ദേ​ശി സ​ജീ​വ് (54) വ​ണ്ടാ​നം മെ​ഡി​ക്ക​ൽ കോ​ള​ജി​ൽ ഗു​രു​ത​രാ​വ​സ്ഥ​യി​ൽ ചി​കി​ത്സ​യി​ലാ​ണ്. പ്ര​തി​യാ​യ ദി​ൽ​കു​മാ​റിനെ(52) വെ​ട്ടു​വേ​നി​യി​ൽനി​ന്ന് അ​റ​സ്റ്റ് ചെ​യ്തു.

ബു​ധ​നാ​ഴ്ച രാ​വി​ലെ ഒ​മ്പ​ത​ര​യോ​ടെ പെ​രു​കു​ളം റോ​ഡി​നു സ​മീ​പം ന​ട​ന്ന സം​ഭ​വ​ത്തി​ൽ, ചോ​ര​യി​ൽക്കുളി​ച്ച് കി​ട​ക്കു​ന്ന സ​ജീ​വി​നെ ക​ണ്ടെ​ത്തി. വ​ഴി​യാ​ത്ര​ക്കാ​ർ വി​വ​ര​മ​റി​യി​ച്ച​തി​നെത്തുട​ർ​ന്ന് പോ​ലീ​സ് സ്ഥ​ല​ത്തെ​ത്തി. എ​സ്എ​ച്ച്ഒ മു​ഹ​മ്മ​ദ് ഷാ​ഫി​യു​ടെ നേ​തൃ​ത്വ​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ൽ, സ​ജീ​വ് ചെ​രു​പ്പ് കു​ത്തു​ന്ന ജോ​ലി ചെ​യ്യു​ന്ന​യാ​ളാ​ണെ​ന്നും പ​ല​രോ​ടും വ​ഴ​ക്കി​നു പോ​കാ​റു​ണ്ടെ​ന്നും ക​ണ്ടെ​ത്തി.

സ​മീ​പ​ത്തെ ക​ട​ക​ളി​ലെ സി​സി​ടി​വി ദൃ​ശ്യ​ങ്ങ​ളും സു​ഹൃ​ത്തു​ക്ക​ളു​ടെ മൊ​ഴി​യും പ​രി​ശോ​ധി​ച്ചാണ് പ്രതിയെ പിടികൂടിയത്.

എ​സ്ഐമാ​രാ​യ ആ​ദ​ർ​ശ്, സു​ജി​ത്, എ​എ​സ്ഐ ശി​ഹാ​ബ്, സി​പി​ഒ​മാ​രാ​യ ശ്രീ​ജി​ത്ത്, അ​രു​ൺ, സി​പി​ഒമാ​രാ​യ നി​ഷാ​ദ്, സ​ജാ​ദ്, വൈ​ശാ​ഖ്, ബെ​ൽ​രാ​ജ്, അ​മ​ൽ എ​ന്നി​വ​ർ അ​ന്വേ​ഷ​ണ​ത്തി​ൽ പ​ങ്കാ​ളി​ക​ളാ​യി. കൊ​ല​പാ​ത​ക​ശ്ര​മ​ത്തി​ന് കേ​സെ​ടു​ത്ത പ്ര​തി​യെ കോ​ട​തി​യി​ൽ ഹാ​ജ​രാ​ക്കും.