ഹരിപ്പാ​ട്: മ​ണ്ണാ​റ​ശാ​ല നാ​ഗ​രാ​ജ ക്ഷേ​ത്ര​ത്തി​ൽ ക​ന്നി​മാ​സ​ത്തി​ലെ ആ​യി​ല്യം പൂ​ജ​യും എ​ഴു​ന്ന​ള്ള​ത്തും ഇ​ന്നു ന​ട​ക്കും. പുലർച്ചെ ന​ടതു​റ​ന്ന് അ​ഭി​ഷേ​ക​ങ്ങ​ൾ പൂ​ർ​ത്തി​യാ​ക്കി കു​ടും​ബ കാ​ർ​ണ​വ​ർ ആ​യി​ല്യം നാ​ളി​ലെ പൂ​ജ​ക​ൾ ആ​രം​ഭി​ക്കും. തു​ട​ർ​ന്ന് ഇ​ല്ല​ത്ത് നി​ല​വ​റ​യ്ക്ക് സ​മീ​പം ഭ​ക്ത​ജ​ന​ങ്ങ​ൾ​ക്ക് അ​മ്മ ദ​ർ​ശ​നം ന​ൽ​കും. ഉ​ച്ച​പൂ​ജ​യ്ക്കു ശേ​ഷം കു​ടും​ബ​കാ​ർ​ണ​വ​രു​ടെ നേ​തൃ​ത്വ​ത്തി​ൽ നി​ല​വ​റ​യോ​ട് ചേ​ർ​ന്നു​ള​ള ത​ള​ത്തി​ൽ ശം​ഖ്, കു​ര​വ എ​ന്നി​വ​യു​ടെ അ​ക​മ്പ​ടി​യോ​ടെ ആ​യി​ല്യം പൂ​ജ​യ്ക്കു​ള്ള നാ​ഗ​പ​ത്മ​ക്ക​ളം വ​ര​യ്ക്കും.

ക​ളം പൂ​ർ​ത്തി​യാ​യ​തോ​ടെ അ​മ്മ തീ​ർ​ഥക്കു​ള​ത്തി​ൽ കു​ളി​ച്ച് ക്ഷേ​ത​ത്തി​ലെ​ത്തും. ഇ​ള​യ​മ്മ, കു​ടും​ബ​ത്തി​ലെ മു​തി​ർ​ന്ന കാ​ര​ണ​വ​ന്മാ​ർ എ​ന്നി​വ​ർ അ​മ്മ​യെ അ​നു​ഗ​മി​ക്കും. അ​മ്മ ശ്രീ​കോ​വി​ലി​ൽ പ്ര​വേ​ശി​ച്ച​തി​നുശേ​ഷം ശ്രീ​കോ​വി​ലി​ൽ നി​ന്നും കു​ത്തു​വി​ള​ക്കി​ലേ​ക്ക് കു​ടും​ബ​കാ​ർ​ണ​വ​ർ ദീ​പം പ​ക​രു​ന്ന​തോ​ടെ എ​ഴു​ന്ന​ള്ളത്തി​നു​ള്ള സ​മ​യ​മാ​കും.

തു​ട​ർ​ന്ന് വ​ലി​യ​മ്മ സാ​വി​ത്രി അ​ന്ത​ർ​ജ​നം നാ​ഗ​രാ​ജാ​വി​ന്‍റെ തി​രു​മു​ഖ​വും നാ​ഗ​ഫ​ണ​വു​മാ​യി ആ​യി​ല്യം എ​ഴു​ന്ന​ള്ള​ത്ത് ന​ട​ക്കും. ഇ​ള​യ​മ്മ സ​തി അ​ന്ത​ർ​ജ​നം സ​ർ​പ്പ​യ​ക്ഷി​യ​മ്മ​യു​ടെ​യും കാ​ര​ണ​വ​ൻ​മാ​ർ നാ​ഗ​ചാ​മു​ണ്ഡി​യ​മ്മ​യു​ടെ വി​ഗ്ര​ഹ​വും നാ​ഗ​യ​ക്ഷി​യ​മ്മ​യു​ടെ വി​ഗ്ര​ഹ​വു​മാ​യി വ​ലി​യ​മ്മ​യെ അ​നു​ഗ​മി​ച്ചു ക്ഷേ​ത്ര​ത്തി​ന് വ​ലം വച്ച് ഇ​ല്ല​ത്തേ​ക്ക് എ​ത്തും.

ഇ​ല്ല​ത്ത് എ​ത്തി അ​മ്മ​യു​ടെ പ​തി​വ് പൂ​ജ​ക​ൾ​ക്കുശേ​ഷം ആ​യി​ല്യം പൂ​ജ ആ​രം​ഭി​ക്കും. രാ​ത്രി വൈ​കി​യാ​കും പൂ​ജ​ക​ൾ സ​മാ​പി​ക്കു​ന്ന​ത്. തു​ലാം​മാ​സ​ത്തെ ആ​യി​ല്യ​മാ​ണ് മ​ണ്ണാ​റ​ശാ​ല ആ​യി​ല്യ​മാ​യി അ​റി​യ​പ്പെ​ടു​ന്ന​ത്. എ​ന്നാ​ൽ, ക​ന്നി​മാ​സ​വും സ​മാ​ന​മാ​യ ച​ട​ങ്ങു​ക​ളോ​ടെ​യാ​ണ് മ​ണ്ണാ​റ​ശാ​ല​യി​ൽ ആ​യി​ല്യം ഉ​ത്സ​വം ന​ട​ത്തു​ന്ന​ത്. ന​വം​ബ​ർ 12നാ​ണ് മ​ണ്ണാ​റ​ശാ​ല ആ​യി​ല്യം.