കൊല്ലം: ജില്ലാ സംസ്ഥാന ദേശീയ റോളർ സ്കേറ്റിംഗ് ചാമ്പ്യൻ ഷിപ്പിൽ മെഡൽ നേടിയ കൊല്ലം റോളർ സ്കേറ്റിങ് ക്ലബ്അംഗങ്ങളെ അനുമോദിച്ചു. റോളർ സ്കേറ്റിംഗ് പരിശീലന ക്യാമ്പിന്റെ മുന്നോടിയായി ലാൽ ബഹാദൂർ ശാസ്ത്രി സ്റ്റേഡിയത്തിൽ ചേർന്ന ചടങ്ങിൽ മത്സരവിജയികൾക്കും പങ്കെടുത്തവർക്കും സർട്ടിഫിക്കറ്റുകൾ വിതരണം ചെയ്തു.
ചണ്ടീഗഢിൽ നടന്ന ദേശീയ ചാമ്പ്യൻഷിപ്പിൽ റോളർ സ്കൂട്ടർ മത്സരത്തിൽ വെള്ളി മെഡൽ നേടിയ ലക്ഷ്മി എസ്.ദത്തിനും വെങ്കലം നേടിയ ആർ.എസ്.അദ്വൈത് രാജിനും റോളർ സ്കേറ്റിംഗ് ഫെഡറേഷൻ ഓഫ് ഇന്ത്യ അദർ ഗെയിംസ് ടെക്നിക്കൽ കമ്മിറ്റി വൈസ് ചെയർമാൻ പി.ആർ.ബാലഗോപാൽ മെമന്റോ നൽകി.
ജില്ലാ സംസ്ഥാന മത്സരത്തിൽ മെഡൽ നേടിയ രോഹിത് ശിവകുമാർ, ആൻസിലീന പി സാബു, നവനീത് സിനി ജോർജ്, എസ്.ഗൗതം കൃഷ്ണ, ഡി.കാർത്തിക്, എച്ച്.അർജുൻ കൃഷ്ണ, ദുർഗസജേഷ്, എ.ആദിത്യൻ, ജി.ഗൗതം, റയാൻ ഷിബിൻ എന്നിവരെയും ചടങ്ങിൽ അനുമോദിച്ചു. ക്ലബ് പ്രസിഡന്റ് ഡി.സജി അധ്യക്ഷത വഹിച്ചു. സിനി ജോർജ്, ബി.ജി.ബാൽശ്രേയസ്, എസ്.ഗിരീഷ്കുമാർ, ബി.ഷൈനി, ജി.ദീപക്, വി.എസ്.ധന്യ, വി.വിവി തുടങ്ങിയവർ നേതൃത്വം നൽകി.