കടനാട്: പൂര്വകാല സ്മരണകള് അയവിറക്കി അരനൂറ്റാണ്ടിനു ശേഷമുള്ള കടനാട് സെന്റ് സെബാസ്റ്റ്യന്സ് ഫയര് സെക്കന്ഡറി സ്കൂളിലെ 1974 എസ്എസ്എല്സി ബാച്ചിന്റെ ഒത്തുചേരല് നവ്യാനുഭവമായി.
സ്വയം പരിചയപ്പെടുത്തല്, പൂര്വകാല സ്മരണകള്, മണ്മറഞ്ഞ സഹപാഠികളെയും അധ്യാപകരെയും അനുസ്മരിക്കല്, സമ്മേളനം, കലാപരിപാടികള്, സ്നേഹവിരുന്ന് തുടങ്ങിയവയായിരുന്നു പരിപാടികള്. 81 പേര് സംബന്ധിച്ചു.
ഹെഡ്മാസ്റ്റര് സജി തോമസിന്റെ അധ്യക്ഷതയില് നടന്ന സംഗമം പ്രിന്സിപ്പല് ജോര്ജുകുട്ടി ജേക്കബ് ഉദ്ഘാടനം ചെയ്തു. പൂര്വ വിദ്യാര്ഥികളായ പ്രഫ. ബേബി തോമസ്, അഡ്വ. ടോമി കല്ലാനി, സിസ്റ്റര് ക്ലാരിസ്, ലിസി മോര്ജിയ, ഡോ. ലൗലി ജോസഫ്, ഡോ. രമാദേവി, മത്തച്ചന് ഉറുമ്പുകാട്ട്, ഡോ. സബിത മാത്യു കണ്ണന്ചിറ, ജോണി കാവുംപുറം, കൃഷ്ണവര്മ രാജാ, ഏബ്രഹാം തയ്യില് എന്നിവര് പ്രസംഗിച്ചു.