കുവൈത്ത്: മാനവഐക്യത്തിന്‍റേയും മതസൗഹാർദത്തിന്‍റേയും സന്ദേശവുമായി റൈസിംഗ് സ്റ്റാർ ക്രിക്കറ്റ് ക്ലബ് കുവൈറ്റ് ഇഫ്താർ സംഗമം നടത്തി. ടീം മാനേജർ ജോയ്സ് ജോസഫിന്റെ അധ്യക്ഷതയിൽ സംഗീത ഓഡിറ്റോറിയം മംഗഫിൽ വച്ചു നടന്ന ഇഫ്താർ സംഗമത്തിൽ ക്ലബ് അംഗങ്ങൾ കുടുംബാംഗങ്ങൾ കുവൈറ്റ് ക്രിക്കറ്റ് ഒഫീഷ്യൽസ് മറ്റു ടീം അംഗങ്ങൾ ഉൾപ്പെടെ നൂറിലധികം ആളുകൾ പങ്കെടുത്തു.
സംഗമത്തിൽ അക്ബർ ഉസ്മാൻ ഇഫ്താർ സന്ദേശം നൽകി. യോഗത്തിൽ കുവൈറ്റ് ക്രിക്കറ്റ് അസോസിയേഷൻ ഒഫീഷ്യൽ നവീൻ ധനഞ്ജയൻ, ബിജു സി.എ, ലിനു രാജൻ എന്നിവർ ആശംസകൾ നേർന്നു കൊണ്ട് സംസാരിച്ചു. പ്രവാസം ജീവിതം അവസാനിപ്പിച്ചു സ്ഥിര താമസത്തിനായി നാട്ടിലേക്കു പോകുന്ന ടൈഗേഴ്സ്, ആലപ്പി സച്ചിൻ ഫാൻസ് ടീമിന്‍റെ ക്യാപ്റ്റൻ ജോളി മാത്യുവിന് യാത്രയയപ്പു നൽകി.
നോന്പുതുറക്കു ശേഷം കഴിഞ്ഞ സീസണിൽ റൈസിംഗ് സ്റ്റാർ ക്ലബിന് വേണ്ടി മികച്ച പ്രകടനം നടത്തിയ പ്ലയേഴ്സിനുള്ള അവാർഡ് ടീം മാനേജർ ജോയ്സ് ജോസഫ് കൈമാറി. അനൂപ് വർഗീസ്, ദിലീപ് ബൈജു, വിപിൻ രാജ്, ഗിരീഷ് ചന്ദ്രൻ, ദയാൽ പറങ്ങോട്, ലിജു മാത്യു, യോഗേഷ് തമോരെ, നിഖിൽ ആനന്ദ്, ദില്ലു ദിലീപ്, രജീഷ് മുരളി, ശിവ കോട്ട റെഡ്ഡി എന്നിവർ അവാർഡിന് അർഹരായി.പ്രദീപ് കുമാർ, അനീഷ് അക്ഷയ, ഗിരീഷ് ചന്ദ്രൻ, രജീഷ് മുരളി എന്നിവർ സംഗമത്തിന് നേതൃത്വം നൽകി.റൈസിംഗ് സ്റ്റാർ സിൽവർ ടീം ക്യാപ്റ്റൻ വിപിൻ മങ്ങാട്ട് സ്വാഗതവും കണ്‍വീനർ താരിഖ് ഒമർ വയലിൽ നന്ദിയും പറഞ്ഞു.
റിപ്പോർട്ട്: സലിം കോട്ടയിൽ