സ്കൂളുകളിൽ മാത്രമല്ല, കോളജുകളിലും സന്മാർഗപഠനം അനിവാര്യമാണ്. കുട്ടികളിൽ നല്ല ശീലങ്ങൾ വളരുന്നതിനും മറ്റുള്ളവരെ കരുതുന്നതിനും അവർക്ക് നന്മ ചെയ്യുന്നതിനും ജീവിതമൂല്യങ്ങൾ വളർത്തുന്നതിനും ജീവിതശുദ്ധിയും നല്ല സ്വഭാവവും രൂപപ്പെടുത്തുന്നതിനും ജീവിതമൂല്യങ്ങൾ കാത്തുസൂക്ഷിക്കുന്നതിനും ലഹരി ഉപയോഗത്തിനെതിരായ സന്ദേശം നൽകുന്നതിനും ആവശ്യമായ ക്ലാസുകൾ നൽകണം.
ചെറിയ ക്ലാസുകളിൽ ചിത്രങ്ങളും വീഡിയോകളും ഉൾപ്പെടുത്തി കുട്ടികൾക്ക് ആകർഷകമായ രീതിയിൽ, രസകരമായ കളികളിലൂടെയും കുട്ടികളുടെ പങ്കാളിത്തത്തോടെയും വിദഗ്ധരുടെ സഹായത്തോടെയും ക്ലാസുകൾ ലഭ്യമാക്കണം.
അധ്യാപകർക്ക് ആവശ്യമായ പരിശീലനവും നൽകണം. ഹൈസ്കൂൾ, ഹയർ സെക്കൻഡറി, കോളജ് വിദ്യാർഥികൾക്ക് തെരുവു നാടകങ്ങൾ, ലഘുനാടകങ്ങൾ, മൂകാഭിനയം, ഫ്ലാഷ് മോബ് തുടങ്ങിയ കലാരൂപങ്ങളുടെ സഹായത്തോടെ സന്മാർഗപഠനം ലഭ്യമാക്കണം. ഇവിടെയെല്ലാം കുട്ടികളുടെ പങ്കാളിത്തം ഉറപ്പാക്കണം.
റോയി വർഗീസ് ഇലവുങ്കൽ, മുണ്ടിയപ്പള്ളി