അതുല്യനടൻ ദിലീപ് കുമാറിന്‍റെ പാക്കിസ്ഥാനിലെ പൈതൃകഭവനം മഴയിൽ തകർന്നു : Deepika.com International News |

Click here for detailed news of all items

അതുല്യനടൻ ദിലീപ് കുമാറിന്‍റെ പാക്കിസ്ഥാനിലെ പൈതൃകഭവനം മഴയിൽ തകർന്നു

Tuesday, March 12, 2024 2:17 AM IST

പെഷവാർ: അന്തരിച്ച അതുല്യനടൻ ദിലീപ് കുമാറിന്‍റെ പാക്കിസ്ഥാനിലെ ഖൈബർപഖ്തുൻഖ്വ പ്രവിശ്യയിലുള്ള പൈതൃകഭവനം കഴിഞ്ഞദിവസത്തെ മഴയിൽ പൂർണമായി തകർന്നു. 1880ൽ നിർമിക്കപ്പെട്ട ഈ മാളിക ശിഥിലമായ നിലയിലായിരുന്നു.

പെഷവാർ സിറ്റിയിലെ ചരിത്രപ്രസിദ്ധമായ മൊഹല്ല ഖുദാദാദ് ബസാറിനു പിന്നിലാണ് ഖൈബർപഖ്തുൻഖ്വ ആർക്കൈവ് ഡിപ്പാർട്ട്മെന്‍റിന്‍റെ സംരക്ഷണയിലുള്ള ഈ കെട്ടിടം സ്ഥിതി ചെയ്തിരുന്നത്.

ഭവനസംരക്ഷണത്തിനായി ബജറ്റിൽ തുക വകയിരുത്തിയിരുന്നെങ്കിലും അതു ചെലവഴിച്ചിട്ടില്ല. ധാരാളം വിനോദസഞ്ചാരികൾ എത്തിക്കൊണ്ടിരുന്ന ഈ ഭവനം പൂർണമായി തകർന്നതോടെ പ്രാദേശികതലത്തിൽ സർക്കാരിനെതിരേ അമർഷം ഉടലെടുത്തിട്ടുണ്ട്.

2014 ജൂലൈ 13നാണ് പാക്കിസ്ഥാൻ പ്രധാനമന്ത്രി നവാസ് ഷരീഫ്, ഈ ഭവനത്തെ ദേശീയ പൈതൃക സ്മാരകമാക്കിയതായി പ്രഖ്യാപിച്ചത്. 1997ൽ പാക്കിസ്ഥാന്‍റെ പരമോന്നത സിവിലിയൻ ബഹുമതി നിഷാൻ-ഇ-ഇംതിയാസ് നല്കി ദിലീപ്കുമാറിനെ ആദരിച്ചിരുന്നു.

1922ൽ ഈ ഭവനത്തിൽ ജനിച്ച ദിലീപ് കുമാർ, 12 വർഷത്തിനുശേഷമാണ് ഇന്ത്യയിലെത്തുന്നത്. 2021 ജൂലൈ ഏഴിന് 98-ാം വയസിൽ മുംബൈയിലെ വസതിയിലായിരുന്നു ദിലീപ് കുമാറിന്‍റെ അന്ത്യം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.