റംസാനിലും വെടിനിർത്തലില്ലാതെ ഗാസ : Deepika.com International News |

Click here for detailed news of all items

റംസാനിലും വെടിനിർത്തലില്ലാതെ ഗാസ

Wednesday, March 13, 2024 12:06 AM IST

കയ്റോ: റംസാൻ നോന്പ് തുടങ്ങിയിട്ടും ഗാസയിൽ വെടിനിർത്തൽ യാഥാർഥ്യമായില്ല. പട്ടിണിയുടെയും പകർച്ചവ്യാധിയുടെയും വക്കിലായ ഗാസയിൽ ഇസ്രേലി സേന ആക്രമണം തുടരുന്നു. 67 പേർകൂടി കൊല്ലപ്പെട്ടതായി ഗാസയിലെ ആരോഗ്യമന്ത്രാലയം ഇന്നലെ അറിയിച്ചു. യുദ്ധത്തിൽ മരിച്ചവരുടെ എണ്ണം ഇതോടെ 31,112 ആയി.

റംസാനു മുന്പായി വെടിനിർത്തൽ യാഥാർഥ്യമാക്കാൻ ഖത്തർ, ഈജിപ്ത്, അമേരിക്ക എന്നിവരുടെ മധ്യസ്ഥതയിൽ ഊർജിതശ്രമങ്ങൾ നടന്നിരുന്നു. എന്നാൽ കഴിഞ്ഞയാഴ്ച ചർച്ചകൾ നിലച്ചു.

അഞ്ച് മാസം നീണ്ട യുദ്ധത്തിൽ ഗാസയിലെ എൺപതു ശതമാനം പേരും അഭയാർഥികളായി. നല്ലൊരു വിഭാഗം ജനം പട്ടിണിയുടെ വക്കിലാണ്. പോഷകാഹാരക്കുറവുമൂലം മരണങ്ങൾ റിപ്പോർട്ട് ചെയ്തുതുടങ്ങി.

ഇസ്രയേലിൽ ഹിസ്ബുള്ള റോക്കറ്റാക്രമണം

ടെൽ അവീവ്: ലബനനിലെ ഹിസ്ബുള്ള ഭീകരർ വടക്കൻ ഇസ്രയേലിൽ റോക്കറ്റാക്രണം നടത്തി. ഇന്നലെ പുലർച്ചെ നൂറോളം റോക്കറ്റുകളാണ് തൊടുത്തതെന്ന് ഹിസ്ബുള്ള അറിയിച്ചു. ഗോലാൻ കുന്നുകളിലെ രണ്ട് സൈനിക കേന്ദ്രങ്ങൾ ലക്ഷ്യമിട്ടായിരുന്നു ആക്രമണങ്ങൾ.

ഇതിനിടെ ഒക്‌ടോബർ ഏഴിനു ശേഷം 300നു മുകളിൽ ഹിസ്ബുള്ള ഭീകരരെ വധിച്ചതായി ഇസ്രയേൽ ഇന്നലെ അറിയിച്ചു. ഹിസ്ബുള്ളകളുടെ 4,500 കേന്ദ്രങ്ങളിൽ ആക്രമണം നടത്തി. ഇതിൽ ഭൂരിഭാഗവും ലബനനിലാണ്.

സിറിയയിലെ കുറച്ചു കേന്ദ്രങ്ങളിലും ആക്രമണം നടത്തി. കൊല്ലപ്പെട്ടവരിൽ അഞ്ചു മുതിർന്ന കമാൻഡർമാരും ഉൾപ്പെടുന്നു. 750 ഭീകരർക്കു പരിക്കേറ്റു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.