മധ്യേഷ്യൻ രാജ്യങ്ങളുമായുള്ള സഹകരണം ശക്തിപ്പെടുത്തുമെന്ന് ഇന്ത്യ : Deepika.com National News |

Click here for detailed news of all items

മധ്യേഷ്യൻ രാജ്യങ്ങളുമായുള്ള സഹകരണം ശക്തിപ്പെടുത്തുമെന്ന് ഇന്ത്യ

Saturday, June 7, 2025 1:48 AM IST

ന്യൂഡൽഹി: മധ്യേഷ്യൻ രാജ്യങ്ങൾക്ക് ഇന്ത്യ ഒരു വിശ്വസ്ത വികസന പങ്കാളിയായിരിക്കുമെന്ന് കേന്ദ്ര വിദേശകാര്യമന്ത്രി എസ്. ജയ്ശങ്കർ. സുരക്ഷ മുതൽ വ്യാപാരം വരെയുള്ള മേഖലകളിലെ സഹകരണം വർധിപ്പിക്കുന്നതിൽ ഇന്ത്യ പ്രതിജ്ഞാബദ്ധമാണെന്നും ഇന്ത്യ-മധ്യേഷ്യ വ്യാപാര സമിതി യോഗത്തിൽ ജയ്ശങ്കർ വ്യക്തമാക്കി.

ന്യൂഡൽഹിയിൽ നടന്ന യോഗത്തിൽ കസാക്കിസ്ഥാൻ, കിർഗിസ്ഥാൻ, താജിക്കിസ്ഥാൻ, തുർക്ക്മെനിസ്ഥാൻ, ഉസ്ബെക്കിസ്ഥാൻ എന്നീ അഞ്ച് മധ്യേഷ്യൻ രാജ്യങ്ങൾ പങ്കെടുത്തു. പഹൽഗാം ഭീകരാക്രമണത്തെ അപലപിച്ചതിന് ഈ രാജ്യങ്ങൾക്ക് വിദേശകാര്യമന്ത്രി നന്ദി അറിയിച്ചു.

കഴിഞ്ഞ ദശകത്തിൽ മധ്യേഷ്യൻ രാജ്യങ്ങളുമായുള്ള വ്യാപാര, സാന്പത്തിക ബന്ധം വർധിച്ചുവെന്ന് ജയ്ശങ്കർ വ്യക്തമാക്കി. നേരിട്ടുള്ള വിമാനസർവീസുകളും ഇരുവശങ്ങളിലേക്കുമുള്ള ടൂറിസത്തിന്‍റെയും വ്യാപാര വിനിമയത്തിന്‍റെയും വർധനയും ഈ ബന്ധം വളരാനുള്ള കാരണമായി. ഉന്നത വിദ്യാഭ്യാസം കൈവരിക്കാൻ ആഗ്രഹിക്കുന്ന ഇന്ത്യൻ വിദ്യാർഥികളുടെ പ്രിയപ്പെട്ട കേന്ദ്രങ്ങളാണ് മധ്യേഷ്യൻ രാജ്യങ്ങളെന്നും ജയ്ശങ്കർ പറഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.